💙ജീവിതസഖി💙 ഭാഗം 7

രചന: സാന്ദ്ര വിജയൻ

 എന്നാലും പാറൂ ഇത് വല്ലാത്ത സർപ്രെയ്സ് ആയി പോയി. ഇനിയിപ്പൊ ഇവിടെ സൂക്ഷിച്ചും കണ്ടും നടക്കണം. അല്ലേ😒"( രൂപശ്രീ) " നടന്നാ നമുക്ക് കൊള്ളാം. അത്രയേ എനിക്കറിയാവൂ...." "നമുക്കത് വിടാം എന്നിട്ട് എല്ലാവരെയും പരിചയപ്പാം."(സൂര്യ) ( പിന്നീടങ്ങോട്ട് സന്തോഷത്തിന്റെ നാളുകളായിരുന്നു. നന്ദേട്ടനുള്ള കോളേജ് എനിക്കും വളരെ പ്രിയപ്പെട്ടതായി. പഴയതു പോലെ തന്നെ ഞാനും നന്ദേട്ടനും എന്നും ഒടക്കായിരുന്നു. ഞാനതൊക്കെ ആസ്വദിച്ച് നിന്നിട്ടേയുള്ളൂ.) ഒരു ദിവസം ഞാനും സൂര്യയും രൂപയും കൂടി ഗൗണ്ടിലൂടെ നടക്കുമ്പോഴാണ് ഒരുവൾ പാഞ്ഞ് വന്ന് എന്റെ ചെകിട്ടത്തിട്ടൊന്ന് തന്നത്. " അതാരാടാ നിന്നെ വന്ന് പൊട്ടിക്കാൻ മാത്രം ധൈര്യമുള്ളവൾ"(മായ) " വീണ" "അതേതാ ഈ പുതിയ അവതാരം"( ആദി) " പുതിയ അവതാരമൊന്നുമല്ല പഴയ അവതാരം തന്നെയാ ഞാൻ ആദ്യായിട്ട് കണ്ടതാണെന്നു മാത്രം. ദേവാനന്ദ് എന്ന എന്റെ നന്ദേട്ടന്റെ കാമുകിയെന്നതായിരുന്നു അവളുടെ വാദം." "അതില് വല്ല സത്യവും ഉണ്ടായിരുന്നോ ?" "അവൾക്ക് നന്ദേട്ടനെ ഇഷ്ടമായിരുന്നു എന്നുള്ളത് സത്യമായിരുന്നു.

പക്ഷെ നന്ദേട്ടന് അവളെ കാണുന്നതേ ദേഷ്യമായിരുന്നു." ************* "നീയാരാടി ഞങ്ങടെ പാറുവിനെ തല്ലാൻ. പറയടി എന്തിനാ ഇവളെ തല്ലിയത്?"(സൂര്യ) " കാര്യം ഉണ്ടായിട്ട് തന്നെ എന്റെ ദേവ് നോട് ആരും അടുത്തിടപഴകുന്നത് എനിക്കിഷ്ടമല്ല."(വീണ) " ദേ എനിക്ക് നിന്റെ ദേവ്നെയൊന്നും അറിയില്ല. പിന്നെ ഞാനി അടി കൊണ്ടത് എനിക്ക് തിരിച്ചടിക്കാനറിയാഞ്ഞിട്ടല്ല സമയമാകുമ്പോ തരാന്ന് കരുതിയിട്ടാ"(പാറു) "ഡീ നിനക്കെന്നെ ശരിക്കും അറിയില്ല ഞാനെന്തെങ്കിലും നേടണമെന്ന് കരുതിയാ നേടിയിരിക്കും. നിന്റെ നന്ദേട്ടൻ എന്റേതായിരിക്കും എന്റേത് മാത്രം പറയുന്നത് വീണയാ minister ടെ മകൾ." " ചലഞ്ചാണെങ്കിൽ ഓക്കെ. നിന്നെ പോലെ ഇന്നോ ഇന്നലെയോ കാണുന്നതല്ല ഞാൻ നന്ദേട്ടനെ വർഷങ്ങൾ മുന്നേ പ്രതിഷ്ഠിച്ചതാ ആ രൂപം മനസിൽ. അതോണ്ട് എനിക്കൊരു പേടിയും ഇല്ല." (പറയാനുള്ളത് പറഞ്ഞിട്ട് വാണം വിട്ടപോലെ അവളങ്ങ് പോയി.) "എന്റെമ്മേ... എന്തൊരു അടിയാ ആ പെണ്ണുമ്പിള്ള അടിച്ചത്. കണ്ണീന്ന് പൊന്നീച്ചവരെ പാറി."

"നിനക്ക് തിരിച്ചടിക്കാൻ മേലായിരുന്നോ?"(സൂര്യ) " അതിന് സമയമായിട്ടില്ല മോളെ അവൾക്കുള്ള അടി ഞാനായിരിക്കില്ല കൊടുക്കാൻ പോകുന്നത് നന്ദേട്ടനായിരിക്കും." "അത് കലക്കും ഉശിരുള്ള ആണുങ്ങളുടെ കൈ കരുത്ത് അവളൊന്നറിയണം."(രൂപ) " ദേ പറഞ്ഞ് തീർന്നില്ല നിന്റെ നന്ദേട്ടൻ വരുന്നുണ്ട്"(സൂര്യ) "എന്താണ് ത്രിമൂർത്തികൾ ഇവിടെ നിക്കുന്നത്. ആർക്ക് പണി കൊടുക്കുന്ന കാര്യമാ ആലോചിക്കുന്നേ...."(നന്ദൻ) " വീണയ്ക്ക്. മിനിസ്റ്ററുടെ മകൾ വീണ നായർക്ക് എന്താ വല്ല വിരോധവും ഉണ്ടോ..?"(പാറു) "നിങ്ങളും അവളും തമ്മിലെന്താ ബന്ധം. ദേ പാറു അവൾടെയൊപ്പമൊന്നും കൂട്ടുകൂടാൻ പോണ്ട അവള് ശരിയല്ല."(നന്ദൻ) " ഇന്നലെ വരെ ഞങ്ങൾക്ക് അവളുമായി യാതൊരു ബന്ധവുമുണ്ടായിരുന്നില്ല പക്ഷെ ഇപ്പൊ തീർത്താ തീരാത്ത ദേഷ്യമുണ്ട് ഞങ്ങൾക്ക് അവളോട്."(സൂര്യ) "അതിനെന്താ കാരണം"(നന്ദൻ) " കാരണമുണ്ട്. ഇത് കണ്ടോ നന്ദേട്ടൻ ഞങ്ങൾടെ മുമ്പിൽ വച്ചാ ആ പൂതന ഞങ്ങൾടെ പാറുവിന്റെ മുഖത്തടിച്ചത് അതും നന്ദേട്ടന്റേ പേരും പറഞ്ഞ്."( രൂപ) "

എന്നിട്ട് നീ അവള് തല്ലിയപ്പോ അതും വാങ്ങിയിട്ടു പോന്നോ ഒന്ന് കൊടുക്കാമായിരുന്നില്ലേ. ഇനി എന്തായാലും കഴിഞ്ഞത് കഴിഞ്ഞില്ലെ ഇനി പ്രശ്നത്തിനൊന്നും പോണ്ട. നിങ്ങൾ പഠിപ്പിൽ ശ്രദ്ധിക്കാൻ നോക്ക് അവൾക്കൊക്കെ സ്വന്തമായി കൊട്ടേഷൻ ടീം വരെ ഉണ്ട്."(നന്ദൻ) (നന്ദേട്ടന്റെ ആ നേരത്തെ സംസാരം കേട്ടപ്പോ മുഖത്തിട്ടൊന്ന് പൊട്ടിക്കാനാ തോന്നിയെ പിന്നെ ഞാനായിട്ടെന്തിനാ വെറുതെ പടക്ക കടയ്ക്ക് തീ കൊളുത്തുന്നതെന്നോർത്തപ്പോ വേണ്ടാന്ന് വെച്ചു.) _ _ _ _ _ _ _ _ _ _ _ _ _ _ _ _ _ _ _ "നിന്റെ നന്ദേട്ടൻ പ്രതികരിക്കാതിരുന്നത് വളരെ മോശായി പോയി."(മായ) " ആര് പറഞ്ഞു പ്രതികരിച്ചില്ലെന്ന്. സ്നേഹം പുറത്തു കാണിക്കാറില്ലെങ്കിലും ആ മനസിൽ എനിക്ക് ഒരു സ്ഥാനമുണ്ട് മായ. അതിന്റെ തെളിവായിരുന്നു പിറ്റേന്ന് വീണയുടെ മുഖത്ത് കണ്ട വിരൽ പാടുകൾ"(പാറു) _ _ _ _ _ _ _ _ _ _ _ _ _ _ _ _

" എന്താണ് വീണ മാഡം ആരുടെയോ കയ്യിൽ നിന്ന് നല്ലപോലെ കിട്ടിയ മട്ടുണ്ടല്ലോ"( രൂപ) " ദേവ്‌നെകൊണ്ട് എന്നെ തല്ലിപ്പിക്കാൻ മാത്രം നീ വളർന്നോ. നോക്കിക്കാ തല്ലിയ കൈ കൊണ്ട് തന്നെ ദേവെന്നെ തലോടും."(വീണ) " അതൊക്കെ നിന്റെ തോന്നലാണ് വീണ നന്ദേട്ടനെ നിനക്കെന്നല്ല വേറെ ആർക്കും ഞാൻ വിട്ടു കൊടുക്കില്ല."( പാറു) "നീ അതും സ്വപ്നം കണ്ട് നടന്നോ നിന്റെ കയ്യിൽ നിന്നും ദേവ്നെ പറിച്ചെടുത്ത് ഞാൻ പറന്നിരിക്കും. അധികം വൈകാതെ തന്നെ."(വീണ) * * * * * * * * " നന്ദാ എന്താ നിന്റെ പ്ലാൻ നിന്റെ പെണ്ണിനെയാ അവൾ കൈവച്ചത്."( പ്രദീപ്) "എനിക്കറിയാടാ. എന്റെ പാറുവിനെ വേദനിപ്പിക്കാനുള്ള അവകാശം ഈ എനിക്ക് മാത്രേ ഉള്ളൂ. വേറെ ആരത് ചെയ്താലും എനിക്കത് സഹിക്കില്ല. ഇതിനുള്ള മറുപടി ഇപ്പൊ തന്നെ ഞാൻ കൊടുത്തിട്ട് വരാം."(നന്ദൻ) "ടാ ഞാൻ കൂടെ വരാം." "വേണ്ടടാ അവൾക്ക് മറുപടി കൊടുക്കാൻ ഞാൻ മാത്രം മതി." (നേരെ അവളുടെ ക്ലാസിലേക്ക് ചെന്നു. എന്നെ കണ്ടപ്പോ തന്നെ അവളുടെ മുഖത്ത് നാണത്തിൽ കുതിർന്നൊരു ചിരി വിരിഞ്ഞു.)

" എന്താ ദേവ്. നീയെന്താ ഇവിടെ?" "നിന്നെ കാണാൻ തന്നെ വന്നതാ" " എന്നെ കാണാനോ എന്തിന്?" " ദേ ഇതങ്ങ് തരാൻ (അതും പറഞ്ഞ് ചെകിട്ടത്തിട്ടൊന്ന് പൊട്ടിച്ചു.) പെൺകുട്ടികളുടെ മേൽ കൈ വയ്ക്കരുതെന്നാ എന്റെ അമ്മ എന്നെ പഠിപ്പിച്ചിട്ടുള്ളത്. പക്ഷെ ഇത് എന്റെ പാറുവിന് വേണ്ടി." " ഹോ..അവളെ തൊട്ടപ്പോ പൊള്ളി കാണും അല്ലേ. 3 വർഷായി ഞാൻ നിന്റെ പുറകെ നടക്കാൻ തുടങ്ങിയിട്ട് എനിക്കില്ലാത്ത എന്ത് സ്പെഷ്യാലിറ്റിയാ അവൾക്കുള്ളത്." "അതൊന്നും നിന്നെ ബോധിപ്പിക്കേണ്ട ആവശ്യം എനിക്കില്ല." (അവളോട് അത്രയും പറഞ്ഞ് തിരിഞ്ഞ് നടക്കുമ്പോൾ അവളുടെ കണ്ണിൽ പാറുവിനോടുള്ള പക എരിയുന്നത് ഞാൻ കണ്ടിരുന്നു.) - - - - - - - - - - - - - - - - - - - - - - - - " നന്ദേട്ടാ.... നന്ദേട്ടനാ വീണയെ അടിച്ചോ..??" (പാറു) " അടിച്ചു അതിന് നിനക്കെന്താ"(നന്ദൻ) " ഹോ ഇതിനെങ്കിലും ഞാൻ ചോദിച്ചതിന് സത്യസന്ധമായി ഉത്തരം തന്നല്ലോ. പിന്നെ ഈ കണ്ണീകണ്ട പെൺപിള്ളേരെയൊന്നും തല്ലാൻ നിക്കണ്ട എനിക്കത് അത്ര പിടിക്കത്തില്ല" " എന്നാ പിന്നെ നിനക്കിട്ടൊരെണ്ണം തരാം എന്താ." "അങ്ങിനെയാണെങ്കിലും കുഴപ്പമില്ല." " ടി പെണ്ണേ രാവിലെ തന്നെ എന്റേന്ന് വാങ്ങാൻ വന്നതാണോ നീ?"

"അല്ല മാഷേ ഞാൻ വന്നത് വേറൊരു കാര്യം പറയാനാ. അതേ ഉമ്മറത്തെ മാവുമെ നിറയെ പഴുത്ത മാങ്ങയാ ഒരെണ്ണം പൊട്ടിച്ചു തരാമോ.." "എനിക്കൊന്നും വയ്യ അതിന്റെ മോളിലോട്ട് വലിഞ്ഞ് കേറാൻ. വേണെങ്കി നിന്റെ അച്ഛനോടോ എന്റെ അച്ഛനോടോ പറ" " അവര് തന്നാ പറഞ്ഞേ നന്ദേട്ടനോട് പറയാൻ" "എനിക്കിപ്പൊ സൗകര്യമില്ല. നീ കേറി പറിക്ക്." ( എന്റെ വാക്കിന് അവളത്രയും വില നൽകുന്നുണ്ടെന്ന് ഞാനറിഞ്ഞത് അന്നായിരുന്നു. ഞാൻ പറഞ്ഞതു പോലെ തന്നെ മാവിന്റെ മണ്ടയിൽ കയറി മാങ്ങ പൊട്ടിച്ചു നിക്കാ മരങ്കേറി. എന്നെ കണ്ടിട്ടും യാതൊരു കൂസലുമില്ലാതെ താഴോട്ടിറങ്ങി മാമ്പഴം എനിക്കു നേരെ നീട്ടി. അപ്പാ തന്നെ ഒരു വടിയെടുത്ത് അവളെ തല്ലാനോങ്ങിയതും അവളോടി കളഞ്ഞു.) " പാറൂ .... പാറു....." (ഓർമ്മകളിൽ നിന്നും ഞെട്ടിയുന്നർന്നപ്പോൾ അരികിൽ അവളുണ്ടായിരുന്നില്ല. ട്രെയിൻ സ്റ്റേഷനിലെത്തിയതൊന്നും അറിഞ്ഞതേയില്ല. ചെന്നൈ നഗരത്തിൽ കാല് കുത്തിയതും പാറു എന്റെ അടുത്തെവിടെയോ ഉണ്ടെന്ന തോന്നലായിരുന്നു.) .കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...