💕കാണാച്ചരട് 💕: ഭാഗം 66

രചന: RAFEENA MUJEEB

 " ഹു ആർ യു...? വാട്ട് യു വാണ്ട്...? " പ്രസാദിനേയും ആദിയേയും നോക്കി ക്ഷമ ചോദിച്ചു. തങ്ങൾക്കു മുമ്പിൽ ഇരു കൈകളും കെട്ടി കോൺഫിഡൻസോടെ നിൽക്കുന്ന ക്ഷമയെ അവർ രണ്ടുപേരും ഒന്നു നോക്കി. മുട്ടിനു മുകളിലെത്തുന്ന തരത്തിലുള്ള ഒരു ഫ്രോക്ക് ആണ് അവളുടെ വേഷം. കൈകൾ കാലുകളും തികച്ചു നഗ്നമാക്കി പെട്ടിട്ടുണ്ട്. അവളുടെ വെളുത്ത ശരീരം ആ വസ്ത്രത്തിനുള്ളിൽ അവിടെവിടെയായി എടുത്തു കാണിക്കുന്നുണ്ട്. സാധാരണ പെൺകുട്ടികളിടുന്ന ഒരു ഓർണ്ണമെൻസൊന്നും അവളിട്ടിട്ടില്ല, കൈയും കാലും കാതും ഒഴിഞ്ഞു കിടപ്പുണ്ട്. പെണ്ണിന് അതൊക്കെയാണ് ഭംഗി എന്ന് പറയുന്നവർ ക്ഷമയെ കണ്ടാൽ അത് മാറ്റി പറയും.. കാരണം അവളുടെ ഒഴിഞ്ഞുകിടക്കുന്ന കൈകളും പാദവുമെല്ലാം അവൾക്ക് ഒന്നുകൂടി മാറ്റുകൂട്ടുന്നത് പോലെ തോന്നി . ചുണ്ടിൽ അല്പം ചായമിട്ടതൊഴിച്ചാൽ വേറെയൊരു മിനിക്ക് പണിയും അവൾ നടത്തിയിട്ടില്ല. പക്ഷേ എത്രയൊക്കെ മോഡേൺ ആണെങ്കിലും ആരു കണ്ടാലും അവളെയൊന്നു നോക്കിനിന്നു പോകും.

മുഖത്ത് എന്തോ ഒരു ഐശ്വര്യമുള്ള പോലെ തോന്നി. ചോദ്യം മനസ്സിലായില്ല എന്നുണ്ടോ രണ്ടുപേർക്കും.....? തന്നെ തന്നെ സൂക്ഷിച്ചു നോക്കുന്ന ആദിയേയും കിച്ചുവിനേയും നോക്കി അവൾ വീണ്ടും തന്റെ ചോദ്യമാവർത്തിച്ചു. ഞാൻ പ്രസാദ് ഇവൻ ആദി കേരളത്തിൽ നിന്നും വരികയാണ്. ഒരാളെ അന്വേഷിച്ചു വന്നതാണ് ഇത്രേടം വരെ.. ആളെ കാണണം ചിലത് പറയണം അതാണ് ലക്ഷ്യം.. ആരെയാണ് നിങ്ങൾക്ക് കാണേണ്ടത്...? പ്രസാദ് പറയുന്നത് കേട്ടപ്പോൾ ക്ഷമ വീണ്ടും ചോദിച്ചു അരവിന്ദ് അവൻ ഇവിടെയുണ്ടെന്നറിഞ്ഞിട്ട് തന്നെയാണ് ഞങ്ങൾ വന്നത് അവളുടെ ചോദ്യം കേട്ടതും ആദി എടുത്തുചാടി പറഞ്ഞു. അരവിന്ദ് അങ്ങനെയൊരാളെക്കുറിച്ച് എനിക്കറിയില്ല സെക്യൂരിറ്റി ഗാർഡ് പറഞ്ഞു നിങ്ങൾ എന്റെ കൂടെയുള്ള ഒരാളെ അന്വേഷിച്ചു വന്നതാണെന്ന് അതാണ് അന്വേഷിച്ചു വന്ന കാര്യം സോറി എന്നും പറഞ്ഞ് ക്ഷമ തിരികെ നടന്നു. " തനവ് മഹേഷ് ശർമ്മ " പുറകിൽ നിന്നും ആദിയുടെ ആ ശബ്ദം കേട്ടതും ക്ഷമ നിശ്ചലയായി അവിടെത്തന്നെ നിന്നു. അവരെ തന്നെ സൂക്ഷിച്ചു നോക്കി.

" തനവ് ".... " അവനെയാണ് ഞങ്ങൾ അന്വേഷിച്ചു വന്നത്.. അവൻ തന്നെയാണ് എന്റെ കൂട്ടുകാരൻ അരവിന്ദ് എത്രയൊക്കെ മാറ്റങ്ങൾ അവന്റെ രൂപത്തിലും ഭാവത്തിലും വരുത്തിയാലും അവനെ തിരിച്ചറിയാൻ ഒരു നോട്ടം മതിയെനിക്ക്.അത് എന്റെ അരവി തന്നെയാണ് എനിക്ക് അവനെ ഒന്ന് കാണണം. " നോ വേ!" അവൻ ഒരിക്കലും അരവിന്ദൻ എന്ന് പറയുന്ന ആളല്ല, നിങ്ങൾക്ക് ആളു മാറിയതാണ്. കേരളത്തിൽ ഒരിക്കലും അവനിതുപോലെ ഒരു ഫ്രണ്ട് കാണില്ല. കാരണം അവൻ ജനിച്ചതും വളർന്നതുമൊക്കെ ലണ്ടനിലാണ് വല്ലപ്പോഴും നാട്ടിൽ വരുന്നതൊഴിച്ചാൽ അവന് കേരളവുമായി യാതൊരു ബന്ധവുമില്ല അവൾ അവരുടെ അടുത്തേക്ക് നടന്നു വന്നു കൊണ്ട് പറഞ്ഞു. എന്ന് നിങ്ങൾ പറയുന്നതല്ലേ..? ഇതൊക്കെ ഞങ്ങൾക്ക് അവന്റെ നാവിൽനിന്നും തന്നെ കേൾക്കണം. അവനെ ഞങ്ങൾക്ക് ഒന്ന് കാണണം ഒരു അഞ്ച് മിനിറ്റ് ഞങ്ങൾക്ക് അവനോടൊന്നു സംസാരിക്കണം. ഞങ്ങൾ അന്വേഷിച്ചു വന്ന ആളല്ല അവൻ എന്ന് ഞങ്ങൾക്ക് പൂർണ്ണ ബോധ്യമായാൽ പിന്നെ ഞങ്ങൾ ഇന്നു തന്നെ തിരിച്ചു നാട്ടിലേക്ക് പുറപ്പെടും പ്രസാദ് പറഞ്ഞു.

നടക്കില്ല തനവിനെ കാണാൻ ഞാൻ ഒരിക്കലും നിങ്ങളെ അനുവദിക്കില്ല. മാച്ചിന്റെ കാര്യവുമായി അവൻ അല്ലെങ്കിലെ ഡിസ്റ്റർബ്ഡ് ആണ്. അവന്റെ മൈൻഡ് കളയുന്ന ഒരു പരിപാടിക്കും ഞാൻ നിൽക്കില്ല സോറി, സോറി ടു സെ . അതിന് ഞങ്ങൾ അവന്റെ മൈൻഡ് കളയാൻ വന്നതാണെന്ന് ആരു പറഞ്ഞു. ഞങ്ങൾ അന്വേഷിക്കുന്ന ആൾ തന്നെയാണോ അവൻ എന്നറിഞ്ഞാൽ മതി ഞങ്ങൾക്ക്. അതറിഞ്ഞാൽ ഞങ്ങൾ ഞങ്ങളുടെ പാട് നോക്കി പോകും നിങ്ങൾക്ക് വിശ്വസിക്കാം ആദിയുടെ സ്വരത്തിൽ ഒരു യാചനയുള്ളതുപോലെ ക്ഷമയ്ക്ക് തോന്നി. ഞാൻ പറഞ്ഞല്ലോ നിങ്ങളോട് തനു നിങ്ങൾ ഉദ്ദേശിക്കുന്ന ആളല്ല. അവൻ കെട്ടാൻ പോകുന്ന പെണ്ണാണ് ഞാൻ. ഞാൻ പറഞ്ഞാൽ മതി അവന്റെ കാര്യങ്ങൾ അവർക്കു മുമ്പിൽ അവൾ അഹങ്കാരത്തോടെ പറഞ്ഞു. അത് നീ മാത്രം പറഞ്ഞാൽ മതിയോ..? അത് അരവിന്ദ് ആണെങ്കിൽ അവൻ പിഴപ്പിച്ച ഒരു പെണ്ണുണ്ട് നാട്ടിൽ പത്തു മാസം അവൻ കൊടുത്ത നോവും പേറി ഒരു ഭ്രാന്തിയെപ്പോലെ കഴിഞ്ഞവൾ അവന്റെ കുഞ്ഞിനെ പ്രസവിച്ചവൾ അത്‌ അരവിന്ദാണെങ്കിൽ അവനേയും കൊണ്ടേ ഞാൻ പോകൂ പ്രസാദിന്റെ സ്വരത്തിൽ ഒരു ഭീഷണിയുണ്ടായിരുന്നു.

വാട്ട്....!! നിങ്ങൾ എന്ത് അസംബന്ധമാണ് ഈ പറയുന്നത്....? ആളും തരവും നോക്കി സംസാരിക്കണം നിങ്ങൾക്ക് തോന്നിയത് വിളിച്ചു പറയാനുള്ള സ്ഥലമല്ല ഇത്.ഞാൻ നിങ്ങളോട് പറഞ്ഞു കഴിഞ്ഞു. അത് നിങ്ങൾ ഉദ്ദേശിക്കുന്ന ആളല്ല അതിന്റെ തനുവാണ്, അവനെ ഞാൻ ആർക്കും വിട്ടു തരില്ല, മര്യാദയ്ക്ക് ഇവിടെനിന്ന് പോകുന്നതാണ് നിങ്ങൾക്ക് നല്ലത് . ഒരിക്കലും നിങ്ങളുടെ ഈ ആവശ്യം നടക്കില്ല. അവൻ എന്റെയാ എന്റെ മാത്രം. നിങ്ങൾ ഉദ്ദേശിച്ച ആളല്ലയത് ഗെറ്റ് ലോസ്റ്റ് ഹിയർ അവരോട് ദേഷ്യത്തോടെയതും പറഞ്ഞവൾ ആ ഹോട്ടലിലേക്ക് കയറിപ്പോയി . അവരെ അകത്തേക്ക് കയറ്റി വിടുരുതെന്ന് പ്രത്യേകം സെക്യൂരിറ്റി ഗാർഡ്സിനോട് പറഞ്ഞിട്ടാണ് അവൾ ഉള്ളിലേക്ക് പോയത്. അവൾ പറഞ്ഞത് തന്നെയാവുമൊ ശരി അതിനി അരവി അല്ലേ..? തനവ് തന്നെ ആയിരിക്കുമോ..? ആദി അവൾ പോയ വഴിയിൽ നോക്കി സംശയത്തോടെ കിച്ചനോട് ചോദിച്ചു. അത് അരവി തന്നെയാണ് അതിപ്പോളെനിക്ക് ഉറപ്പായി. അത് തനവല്ല എന്നുള്ള കാര്യം ആ കുട്ടിക്ക് വ്യക്തമായി അറിയാം അവളുടെ മുഖത്തെ പതർച്ച നീ ശ്രദ്ധിച്ചില്ലേ...? വളരെ കോൺഫിഡൻസ് ആയി നമ്മുടെ മുന്നിലേക്ക് വന്ന് ആളാണോ ഇപ്പോൾ ഇവിടെ നിന്ന് പോകുമ്പോൾ കണ്ടത്...?

നമ്മൾ പറയുന്ന ഓരോ വാക്കും കേൾക്കുമ്പോൾ അവൾ വല്ലാതെ ടെൻഷൻ ആവുന്നുണ്ട് വിയർക്കുന്നുണ്ട് അവളുടെ മുഖം കണ്ടാലറിയാം എന്തൊക്കെയോ നമ്മളിൽനിന്നവൾ മറക്കുന്നുണ്ട്. അത് കണ്ടപ്പോൾ എനിക്ക് ഉറപ്പായി പ്രസാദിന്റെ വാക്കുകൾ ആദിയിൽ ഒരുപാട് സന്തോഷമാണുണ്ടായത്. അങ്ങനെയെങ്കിൽ നമ്മൾക്ക് അവനെ കാണണം അതിനി എത്ര ബുദ്ധിമുട്ടേണ്ടി വന്നാലും നമ്മൾ അവനെ കണ്ടിട്ടേ പോകു, അതരവിയാണെങ്കിൽ അവനെ കൊണ്ടുപോയി ആമിയുടെ മുൻപിൽ ഇട്ടു കൊടുക്കണം എന്നാലേ എനിക്കൊരു മനസ്സമാധാനമുണ്ടാകൂ ആദിയുടെ വാക്കുകളിൽ എന്തൊക്കെയോ ചെയ്യാനുള്ള ദൃഢനിശ്ചയം ഉണ്ടായിരുന്നു. അവർ രണ്ടുപേരും ആ ഗേറ്റിനു മുൻപിൽ തന്നെ നിലയുറപ്പിച്ചു. ************ ക്ഷമ റൂമിലേക്ക് ചെല്ലുമ്പോൾ തനവും ഋതുവും ഭക്ഷണം കഴിക്കുന്നുണ്ടായിരുന്നു. അതിഥി അവർ കഴിക്കുന്നത് നോക്കി തൊട്ടടുത്ത് തന്നെ ഇരിക്കുന്നുണ്ട് . അവളെ കണ്ടതും തനവിന്റെ ചുണ്ടിൽ പതിവ് പുഞ്ചിരി വിടർന്നു. ഋതു പിന്നെ ഭക്ഷണത്തിൽ തന്നെ ശ്രദ്ധിച്ചിരിക്കുകയാണ്. "

ആ മോള് വന്നോ വേഗം കൈ കഴുകി വാ ഞാൻ ഭക്ഷണമെടുക്കാം അതിഥി അവളെ കണ്ടതും അവളെ ഭക്ഷണം കഴിക്കാൻ ക്ഷണിച്ചു. എനിക്കിപ്പോൾ ഒന്നും എടുക്കേണ്ട ആന്റി ഞാനൊന്ന് ഫ്രഷാവട്ടെ, അങ്കിൾ എവിടെ കാണുന്നില്ലല്ലോ..? അവൾ ചുറ്റും നോക്കിക്കൊണ്ട് അതിഥിയോട് ചോദിച്ചത്. അദ്ദേഹം കഴിച്ചു റൂമിലേക്ക് പോയി അതിഥി റൂമിലേക്ക് നോക്കി കൊണ്ട് അവളോട് പറഞ്ഞു. അത് കേട്ടതും ക്ഷമ മഹേഷിന്റെ റൂം ലക്ഷ്യമാക്കി നടന്നു. അദ്ദേഹം എന്തോ ഒരു ബുക്കും വായിച്ചു ബെഡിലിരിക്കുകയാണ്. അവളെ കണ്ടതും പുഞ്ചിരിയോടെ അവിടെ നിന്നും എഴുന്നേറ്റു. മോളോട് ഞാൻ പറഞ്ഞിട്ടില്ലേ അറിയാത്ത ദേശത്ത് വന്നാൽ ഒറ്റയ്ക്കുള്ള യാത്ര ഒഴിവാക്കണമെന്ന്, നിനക്ക് കൂട്ടിന് അവനെ കൂട്ടികൊണ്ടുപോയ്കൂടായിരുന്നോ..? സ്വരത്തിൽ കുറച്ചു ഗൗരവം വരുത്തി മഹേഷ് ചോദിച്ചു. തനാവിനേയും കൊണ്ട് പുറത്തു പോകാതിരുന്നത് ഇപ്പോൾ നന്നായി എന്നാ തോന്നുന്നത് .. ക്ഷമ പറയുന്നത് കേട്ട് ഒന്നും മനസ്സിലാകാതെ മഹേഷ് അവളെ തന്നെ നോക്കി. അപ്പുറത്തേക്ക് ഒന്ന് എത്തിനോക്കി ആരും കാണാതിരിക്കാൻ അവൾ കതകടച്ചു . തനവിനെ അന്വേഷിച്ച് അവകാശികൾ എത്തി അങ്കിൾ . ഇത്രയും കാലം നമ്മൾ പേടിച്ചിരുന്നത് സംഭവിച്ചിരിക്കുന്നു.

അവളുടെ വാക്കുകൾ മഹേഷിനെ ഒന്നു നടുക്കി , അയാളുടെ മുഖത്ത് ഭയം വന്നു നിറഞ്ഞു. കൈകാലുകൾക്ക് ബലക്ഷയം വന്നതുപോലെ അയാൾ തളർന്നു. ക്ഷമയെ അയാൾ വേദനയോടെ നോക്കി. നീ എന്താ മോളെ രാവിലെ തന്നെ വല്ല സ്വപ്നവും കണ്ടോ..? അങ്ങനെ ഒരു സ്വപ്നം കൊണ്ട് മാത്രം പേടിച്ചു നിൽക്കുന്നയാളല്ല ഈ ക്ഷമ എന്ന് അങ്കിൾനറിയാല്ലോ?, അവനെ അന്വേഷിച്ചു വന്നവർ താഴെ നിൽപ്പുണ്ട്. ടിവിയിലെ ന്യൂസ്‌ കണ്ടു വന്നവരാണവർ . ക്ഷമയുടെ വാക്കുകൾ ഇടിമുഴക്കത്തോടെയാണ് മഹേഷ്‌ ശ്രവിച്ചത് . ഞങ്ങൾക്ക് സ്വന്തമെന്ന് വിശ്വസിച്ച തങ്ങളുടെ പൊന്നുമോന് അവകാശികൾ വന്നിരിക്കുന്നു, ഇങ്ങനെയൊരു ദിവസം പ്രതീക്ഷിച്ചത് തന്നെയാണ് . ഓരോ ദിവസവും പേടിയോടെ തന്നെയാണ് തള്ളിനീക്കിയത്. പറഞ്ഞതല്ലേ നിങ്ങളോട് ഒന്നും വേണ്ട ഒന്നിനും ഇറങ്ങിപ്പുറപ്പെടരുതെന്ന് , അപ്പോൾ അവന്റെ ആഗ്രഹമാണെന്ന് പറഞ്ഞിതിനൊക്കെ മുൻകൈയെടുത്തത് നീയല്ലേ ഇപ്പോ എന്തായി..? അറിയാമായിരുന്നു ഇങ്ങനെ ഒരു ദിവസം വരുമെന്ന്.

പേടിച്ച് അവന്റെ ഏറ്റവും വലിയ ആഗ്രഹത്തിന് നമ്മൾ തടസ്സം നിന്നിട്ട് എന്ത്‌ കാര്യം.എന്തും നേരിടാമെന്നുള്ള ഉറപ്പിലല്ലേ നമ്മൾ ഇതിലേക്ക് ഇറങ്ങിയത്. ഇനിയെല്ലാം വരുന്നിടത്ത് വച്ച് കാണാം. തനവ് ഇതൊന്നും ഒരിക്കലും അറിയാൻ പാടില്ല.. നമ്മൾ പ്രതീക്ഷിച്ചത് പോലെ ഒന്നുമാവില്ല കാര്യങ്ങൾ . തനവ് മാത്രമല്ല അതിഥിയും ഒന്നും അറിയാൻ പാടില്ല, അവളൊന്നു ജീവിതത്തിലേക്ക് തിരിച്ചു വന്നതായിരുന്നു എല്ലാം കൈവിട്ടു പോകുമോ..? പഴയതുപോലെ അവളെ ഒരു ഭ്രാന്തിയുടെ വേഷത്തിൽ ഇനി എനിക്ക് കാണാൻ വയ്യ. അവൾ കൈവിട്ടു പോകാതിരിക്കാൻ ഞാൻ ഇനി എന്ത് ചെയ്യും. നമുക്ക് എത്രയും പെട്ടെന്ന് ഇവിടെ നിന്ന് പോകണം തനവിനെ ആരും കാണാൻ പാടില്ല. എവിടെപ്പോയിയൊളിക്കും ഇനി അവനെയും കൊണ്ട്.അവനെ കുറിച്ചുള്ള എല്ലാ വിവരവും ഇപ്പോൾ എല്ലാ മലയാളികൾക്കും അറിയും അങ്ങനെയുള്ള അവനെയും കൊണ്ട് നമ്മൾ എവിടെ പോയി ഒളിക്കും. എവിടെ പോയിട്ടും കാര്യമില്ല.

വന്നവരെ കാര്യം പറഞ്ഞ് മനസ്സിലാക്കാൻ ശ്രമിച്ചാലോ നമുക്ക് വേണമെങ്കിൽ ഞാൻ അവരുടെ കാലു പിടിക്കാം എന്ത് വേണമെങ്കിലും ചെയ്യാം.ഞങ്ങൾക്ക് അവനെ മാത്രം മതി ഞങ്ങളുടെ പൊന്നുമോനെ ഇനി അവനെ വിട്ടുകളയാൻ ഞങ്ങൾക്ക് സാധിക്കില്ല മഹേഷ് ദുർബലനാവുന്നത് ക്ഷമ വേദനയോടെ നോക്കി നിന്നു. അതൊരിക്കലും സാധ്യമല്ല അവരൊരിക്കലും തനവിനെ നമുക്ക് തിരിച്ചു തരില്ല, അവനെ പ്രതീക്ഷിച്ച് കാത്തിരിക്കുന്ന ഒരു പെണ്ണുണ്ടവന് ഒരു കുഞ്ഞുണ്ട് എന്നൊക്കെയാണ് അവർ പറയുന്നത്, എനിക്കത് ആലോചിക്കാൻ കൂടി വയ്യ തനവ് എന്റെയാ എന്റെ മാത്രം !.അവനെ ഞാൻ ആർക്കും വിട്ടുകൊടുക്കില്ല. ഒരു പെണ്ണും അവനവകാശം പറഞ്ഞു വരില്ല വന്നാൽ അവളെ കൊല്ലാൻ പോലും ഞാൻ മടിക്കില്ല ക്ഷമ ദേഷ്യത്തോടെ പറഞ്ഞു . "വാട്ട് "!...?എന്താണ് നീ പറഞ്ഞത് അവനൊരു കുഞ്ഞുണ്ടെന്നോ...?അവന്റെ കല്യാണം കഴിഞ്ഞതാണോ..?ക്ഷമ യുടെ വാക്കുകൾ വിശ്വാസം വരാതെ മഹേഷ് അവളെ തന്നെ നോക്കി നിന്നു........ തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...