💘 ഖൽബിൽ നീ മാത്രം 💘: ഭാഗം 42

രചന: ഷംസീന ഫിറോസ്

 ഗേറ്റ് കടക്കുമ്പോൾ തന്നെ മ്മളെ കണ്ണിൽ പെട്ട കാഴ്ച കണ്ട് നമ്മള് പകച്ചു പോയി. അപ്പൊ നമ്മളെ ഹീറോ മാത്രല്ല ഇവിടേക്ക് കെട്ടി എടുത്തിട്ടുള്ളത്. അസിന്റെ പേടിത്തൊണ്ടൻ മൂപ്പരും ഉണ്ട്.റിയൽസിന്റെ മരച്ചോട്ടിൽ നിന്ന് അസിയും പേടിത്തൊണ്ടനും ഭയങ്കര കുറുകലാണ്.ഇതെപ്പോ സംഭവിച്ചുവെന്ന മട്ടിൽ നമ്മള് അന്തം വിട്ട് അവറ്റകൾടെ അടുത്തേക്ക് ചെന്നു. ബാക്കി നാല് കുരുപ്പ്സിനെയും ഈ ചുറ്റുവട്ടത്തൊന്നും കാണാനേ ഇല്ലാ. നമ്മള് അടുത്ത് എത്തീട്ടും അസി മ്മളെ മൈൻഡ് ചെയ്യുന്നില്ല.ആ പേടിത്തൊണ്ടൻറ്റെ മുഖത്തേക്ക് തന്നെ നോക്കി പുഞ്ചിരിച്ചോണ്ട് നിൽക്കാണ്.അവനും അതേ പടി നിൽക്കുന്നതല്ലാതെ രണ്ടും വായ തുറന്നു വല്ലതും പറയുന്നത് ഞമ്മക്ക് കേൾക്കാൻ കഴിഞ്ഞില്ല. മ്മളെ സാന്നിധ്യം അറിയിച്ചു കൊടുക്കാൻ വേണ്ടി നമ്മളൊന്ന് ചുമച്ചു.അത് കേട്ടപ്പോൾ തന്നെ രണ്ടും കൂടി മ്മളെ നോക്കി ഇളിച്ചു കാണിക്കാൻ തുടങ്ങി.അതിന് ബദലായി മ്മള് ആ പേടിത്തൊണ്ടനെ നോക്കിയൊന്നു കണ്ണുരുട്ടി കാണിച്ചു. "ആഹാ..വിക്രമാദിത്യൻ മാത്രല്ല,,വേതാളവും എഴുന്നള്ളിയിട്ടുണ്ടല്ലോ."

നമ്മളെ ചോദ്യം കേട്ട് പേടിത്തൊണ്ടൻറ്റെ ഇളി ഒന്ന് കൂടെ സ്റ്റൈലായി. "അസിയെ..ഇവിടെ പ്രൊജക്റ്റ്‌ ക്ലാസ്സ്‌ തന്നാണോ നടക്കാൻ പോകുന്നത്. അല്ല,,കണ്ടിട്ട് ഒരു പ്രൊപോസൽ ക്ലാസ്സിന്റെ സീൻ ആണേ." മ്മള് അത് പറഞ്ഞു തീരുന്നതിനു മുന്നേ അസി മ്മളെ വായ പൊത്തി പിടിച്ചു.മ്മള് അപ്പൊത്തന്നെ അവൾടെ കൈ തട്ടി മാറ്റി രണ്ടിനെയും നോക്കി ഇളിച്ചു കാണിച്ചു. "അസി..സത്യം പറയെടി..ഇതെപ്പോ ഒപ്പിച്ചെടുത്തു?" "ഹേയ്..അങ്ങനൊന്നുല്ല..അവിടേം വരെയൊന്നും എത്തിയില്ല." മ്മളെ ചോദ്യത്തിന് മറുപടി പറഞ്ഞത് പേടിത്തൊണ്ടനാണ്. "എങ്ങനെ ഇല്ലാന്ന്.ഞാൻ ചോദിച്ചത് ഇയാളോടാണോ? ഇയാള് ആരാ.?എന്താ ഇയാൾക്ക് ഇപ്പോം ഇവിടെ കാര്യം.?" "സോറി.നമ്മൾ തമ്മിൽ ഇതിനു മുൻപ് ഒരുപാട് തവണ കണ്ടിട്ട് ഉണ്ടെങ്കിലും ഒന്ന് പരിചയപ്പെടാൻ കഴിഞ്ഞിട്ടില്ല. എനിവേ ഐ ആം അലി." "എലിയോ..ഏത് എലി.? " ഓന്റെ മറുപടിക്ക് ഒരു ലോഡ് പുച്ഛം വിതറി കൊണ്ടാണ് മ്മള് അത് ചോദിച്ചത്. "ങ്ങേ..എലി അല്ല,, അലി.ഞാൻ നിന്റെ ഷാനുന്റെ ഫ്രണ്ടാണ്.ആ കാര്യം നൂറാക്ക് അറിയാമല്ലോ. പിന്നെ അസിന്റെ........ അതും അറിയാമല്ലോ.? "

"ഹൈവ..എന്താ ഒരു ഇളി..അസിന്റെ ആരാ..? എന്റ്റെ അറിവിൽ താൻ അസിടെ ആരുമല്ലല്ലോ." "അത്...ഇതുവരെ ആരുമല്ല.ഇനി പെട്ടെന്ന് തന്നെ ആരെങ്കിലുമൊക്കെ ആകാം എന്നാ ഉദ്ദേശിച്ചത്." നമ്മളെ ഈ ചോദ്യവും അവന്റെ ഉത്തരവുമൊക്കെ കേട്ട് അസി തലയ്ക്ക് കയ്യും താങ്ങി നില്ക്കാണ്. @📖 പുസ്തക ശാല 📖 ✔ "അതൊക്കെ പോട്ടേ.എലി എന്താ ഇവിടെ.? എനിക്കറിയാം വയ്യാഞ്ഞിട്ട് ചോദിക്കയാണ് സഹോ.. എന്താ തന്റെയും ഷാജഹാൻറ്റെയും പ്രശ്നം. അല്ലാ..ആ തെണ്ടി എവിടെ.ഇതുവരെ ലാൻഡ് ചെയ്തില്ലേ.? അവന്റെ തലയ്ക്കോ വെളിവില്ലാതെ ഇങ്ങനെയോരോ കോപ്പിലെ പ്രൊജക്റ്റും ക്ലാസുമൊക്കെ ഉണ്ടാക്കി വെച്ചു. അതിനു ചുക്കാൻ പിടിക്കാൻ ദേ ഇപ്പോ താനും.അലി എന്താ ഷാജഹാൻറ്റെ വാലോ.? ദേ..ഞാനൊരു കാര്യം പറയാം.മര്യാദക്ക് അവനോട് ഈ ഒലക്കമ്മേലെ ക്ലാസും ഡിസ്മിസ് ചെയ്തു പോകാൻ പറയണം.അതാ അവനും തനിക്കും നല്ലത്. ഇല്ലേൽ ഞാൻ തന്നെ അവനെ ഇവിടുന്ന് നെട്ടോട്ടമോടിക്കും. സമയം കിട്ടുവാണേൽ ഒന്ന് പറഞ്ഞു മനസ്സിലാക്കി കൊടുത്തേക്ക് തന്റെ ആ തെണ്ടി ഫ്രണ്ടിനോട്‌."

നമ്മളെ ഈ വർത്താനമൊക്കെ കേട്ട് കഴിഞ്ഞു അസിയും പേടിത്തൊണ്ടനും മ്മളെ മുഖത്തേക്ക് തന്നെ നോക്കി ഹലാക്കിലെ ചിരിയാണ്. "ന്റെ നൂറാ.." "എന്താ..തന്റെ നൂറയോ.?അതെപ്പം?" "ഹൂ..എന്നാൽ എന്റ്റെ ഷാനുന്റെ നൂറാ.. നിനക്ക് വേണ്ടി മാത്രമാടോ അവൻ ഈ ക്ലാസ്സ്‌ സങ്കടിപ്പിച്ചത്.സദാസമയവും നിന്നെ കണ്ടോണ്ടിരിക്കാൻ വേണ്ടി മാത്രമാണ്.അത്രക്കുണ്ട് അവന്റെ മനസ്സിൽ നിന്നോട് ഉള്ള സ്നേഹം. അല്ലാതെ അവന് ഈ മാസ്റ്റർ പണിയിലൊന്നും മുടിഞ്ഞ ആഗ്രഹം ഉണ്ടായിട്ടല്ല." "അപ്പൊ അവനീ പണി വശമില്ല.അല്ലേ..? എന്നാലേ ഒക്കെയും കെട്ടി പൂട്ടി ഇന്ന് തന്നെ സ്ഥലം വിടാൻ പറഞ്ഞോണം.കൂടെ താനും. അല്ല,,താനും മാസ്റ്റർ തന്നാണോ? ന്റെ റബ്ബേ..എന്തൊക്കെ കാണണം. ക്ലാസ്സിലെ ഏതേലും ഒരുത്തി സാർ എന്ന് കനപ്പിച്ചു വിളിച്ചാൽ ബോധം പോവുന്ന ഐറ്റമാണ്‌ താനൊക്കെ.

എന്തിനാടോ വെറുതെ നാണം കെടാൻ.പറ്റുന്ന പണിക്കൊക്കെ ഇറങ്ങിയാൽ പോരായിരുന്നോ." "പണിയൊക്കെ നല്ല വൃത്തിയായി തന്നെ ഞങ്ങള് പഠിക്കുന്നുണ്ട് നൂറാ.ഇപ്പൊ നിങ്ങള് ക്ലാസ്സിലേക്ക് വിട്ടോ.ഷാർപ് ഒമ്പതു മണിക്ക് ക്ലാസ്സ്‌ തുടങ്ങും.ഷാജഹാന് പങ്ചുവാലിറ്റി മസ്റ്റാ.." "ഓഹ്..ആയിക്കോട്ടെ എലി" ന്നും പറഞ്ഞ് മ്മള് അസിനെയും വലിച്ചോണ്ട് ക്ലാസ്സിലേക്ക് ചെന്നു. അവിടെ എത്തി നോക്കുമ്പോൾ ബാക്കി നാലെണ്ണവും ക്ലാസ്സിൽ ഉണ്ട്.മ്മള് അസിനോട്‌ ആ പേടിത്തൊണ്ടന്റെ കാര്യം അന്വേഷിച്ചു. "ഇന്നും ചോദിച്ചത് അവന്റെ കാര്യത്തിൽ എന്താ തീരുമാനമെന്നാ. എന്റെ മറുപടിക്കായി വെയ്റ്റിംഗ് ആണത്രെ." "എന്നിട്ട് നീ എന്ത് പറഞ്ഞു." "ഒന്നും പറഞ്ഞില്ല.ഐ മീൻ ഗ്രീൻ സിഗ്നൽ ഒന്നും കാണിച്ചില്ല.അങ്ങനെ വല്ലതും ചെയ്താൽ പിന്നെ ഇക്കാക്ക നാളെ തന്നെ നിക്കാഹ്, റിസപ്ഷൻന്നൊക്കെ പറഞ്ഞ് മ്മളെ കൊല്ലാൻ തുടങ്ങും. "

"ഹാ.. അതേതായാലും നന്നായി അസി.പിന്നാലെ നടന്നു കുറച്ച് ഒക്കെ വെള്ളം കുടിക്കട്ടെ.ഒടുക്കം ചെരുപ്പിന്റെ എണ്ണം കൂടുമ്പോൾ തന്നത്താനെ അവൻ ടാറ്റാ പറഞ്ഞ് പൊയ്ക്കോളും. ഹി.. ഹി.. " "അസീ.. ഇവള് പറയുന്നതോന്നും നീ കേട്ടക്കല്ലേ മോളെ.ഇവളുടെയോ കാര്യം ഇങ്ങനെ ഒരു അന്തോം കുന്തോം ഇല്ലാതെയായിപ്പോയി. ഇനി നിന്നെയും പെരുവഴിയിൽ ആക്കാനാണ് ഇവളുടെ ഈ ഉപദേശങ്ങളൊക്കെ.ദയവു ചെയ്തു നീ ഇവളെ കോപ്പി ചെയ്യല്ലേ അസി..ജീവിതം കട്ട പൊഹയാവും. " അനുന്റെ താങ്ങല് തീരുന്നതിനു മുന്നേ മ്മള് ഓൾടെ പുറത്തു തബല വായിക്കാൻ തുടങ്ങിയിരുന്നു. "ഗുഡ് മോർണിംഗ് സർ" വൈറ്റ് ഷർട്ടും ഇൻ സൈഡാക്കി അഡാറ് ലുക്കിൽ തന്നെ ക്ലാസ്സിലേക്ക് കയറി വന്ന ആ തെണ്ടീനെ വിഷ് ചെയ്തോണ്ട് സകല ജന്തുക്കളും എഴുന്നേറ്റ് നിന്നെങ്കിലും മ്മള് മാത്രം അത് ചെയ്തില്ല. പിന്നേയ്..ഇവനെയൊക്കെ ബഹുമാനിക്കുന്നതിലും ഭേദം ഓടുന്ന ട്രെയിനിനു തല വെച്ചു കൊടുക്കുന്നതാ. "ഗുഡ് മോർണിംഗ് എവെരിബഡി" ന്നും പറഞ്ഞു ഓൻ എല്ലാരേയും നോക്കിക്കൊണ്ട് ഇരിക്കാൻ വേണ്ടി കൈ കൊണ്ട് ആങ്ങിയം കാണിച്ചു.

പെട്ടെന്ന് ഓന്റെ നോട്ടം നമ്മളിൽ വന്നു പതിച്ചപ്പോൾ നമ്മളൊരു ലോഡ് പുച്ഛവും വിതറി കൊണ്ട് മുഖം തിരിച്ചിരുന്നു. "യു സ്റ്റാൻഡ് അപ്പ്‌" പെട്ടെന്ന് നമ്മളെ തൊട്ടടുത്ത് വന്നു നിന്ന് കൊണ്ടുള്ള ഓന്റെ ഓർഡർ കേട്ട് നമ്മളൊന്നു ഞെട്ടി പോയി.എങ്കിലും ഇതൊക്കെ എന്ത് എന്ന ഭാവത്തിൽ മ്മള് ഓനെ നോക്കി വീണ്ടും പുച്ഛിച്ചു. "പറഞ്ഞത് കേട്ടില്ലേടി..!!!" നമ്മളെ മുന്നിലുള്ള ഡെസ്കിലേക്ക് ആഞ്ഞടിച്ചു കൊണ്ടുള്ള ഓന്റെ വിറപ്പിക്കൽ കണ്ടും കേട്ടും നമ്മള് പോലും അറിയാതെ നമ്മളെ ശരീരം ഇരുന്നിടത്ത് നിന്നും ഉയർന്നു പോയി. മ്മള് ഞെട്ടി തരിച്ചു കൊണ്ട് ഓന്റെ മുഖത്തേക്ക് നോക്കുമ്പോൾ ഓൻ ചുമ്മാന്ന് ആങ്ങിയം കാട്ടി മ്മളോട് കണ്ണിറുക്കി കാണിച്ചു. ക്ലാസ്സിലെ മൊത്തം കുട്ടികളും ഓന്റെ ഈ പെർഫോമൻസും നമ്മളെ നാണകെടലും കണ്ട് ഞങ്ങളെ തന്നെ ഉറ്റു നോക്കുന്നുണ്ട്. നമ്മള് ഓനെ രൂക്ഷമായി നോക്കിക്കോണ്ട് പല്ലിറുമ്പി.

"എന്താ തനിക്ക് കണ്ണ് കാണില്ല എന്നുണ്ടോ? " "ഹാ. കാണാം.ഇതുവരെ എന്റ്റെ കണ്ണിന് യാതൊരു വിധ തകരാറുമില്ല. " ഓന്റെ ചോദ്യത്തിന് മ്മള് കനപ്പിച്ചു തന്നെ മറുപടി കൊടുത്തു. ആദ്യം തന്നെ മ്മള് ഓന്റെ മുന്നിൽ മുട്ട് മടക്കിയതിൽ ഓന്റെ മുഖത്തൊരു ചിരിയൊക്കെ വന്നെങ്കിലും ഓൻ അതൊക്കെ കണ്ട്രോൾ ചെയ്തു മ്മളെ മുന്നിൽ നല്ലോണം എയർ പിടിച്ചു തന്നെ നിന്നു. "പിന്നെന്താ എന്നെ കണ്ടിട്ടും തനിക്ക് എഴുന്നേൽക്കാൻ ഒരു പ്രയാസം. " "എഴുന്നേൽക്കാൻ തോന്നിയില്ല. അത്രതന്നെ. " "അതെന്താ..ഇനി വേറെ വല്ല സ്ഥലത്തുമാണോ തകരാറ്. ഐ മീൻ പൈൽസ് എനിതിങ്.. " ഓന്റെ ചോദ്യം തീരുന്നതിനു മുന്നേ ക്ലാസ്സിലൊരു കൂട്ടചിരി ഉയർന്നിരുന്നു. മ്മക്ക് ആണെങ്കിൽ ഇതൊക്കെയായി ആകെ കണ്ട്രോൾ വിട്ടുന്ന് പറഞ്ഞാൽ മതിയല്ലോ. "ഡോ..കാണുമ്പോൾ തന്നെ എഴുന്നേറ്റു നിൽക്കാൻ താൻ ആരാ..? അതിനുമാത്രമൊക്കെ റെസ്‌പെക്ട് താൻ അർഹിക്കുന്നുണ്ടെന്നു എനിക്ക് തോന്നിയില്ല.അഥവാ അർഹിക്കുന്നെങ്കിൽ തന്നെ അത് തരാൻ ഞാൻ ഉദ്ദേശിച്ചിട്ടില്ല. " മ്മളെ ഈ പറച്ചില് കേട്ട് ക്ലാസ്സിലെ ഓരോ കുട്ട്യോളും തൊള്ളയും തുറന്നു മ്മളെ നോക്കാണ്.

ഓ..ഇനി ഈ ന്യൂ മാസ്റ്റർനെ എടോ പോടോന്നൊക്കെ വിളിച്ചോണ്ടാവും.ആവുന്നല്ല,,അത് തന്നെയാണ് കാര്യം. മ്മള് അങ്ങനെ വിളിച്ചതിൽ ഷാജഹാന് വലിയ അത്ഭുതമൊന്നും സംഭവിച്ചിട്ടില്ല.പക്ഷെ ഇത്രേം കുട്ടികൾടെ മുന്നിൽ വെച്ചു ഒരു ടീച്ചറായി വന്ന അവനെ നമ്മള് അങ്ങനെ വിളിച്ചതിലുള്ള അമർഷം ഓന്റെ മുഖത്ത് നല്ലോണം കാണാനുണ്ട്. "ഡീ..ഇത് കോളേജാണ്.ഇപ്പൊ ഞാൻ ഇവിടുത്തെ അദ്ധ്യാപകനും നീ ഒരു സ്റ്റുഡന്റ്റും. സോ കാൾ മി സാർ. മനസ്സിലായോ.?" ഓൻ പറഞ്ഞത് കേട്ട് മ്മക്ക് നല്ല ചിരി വന്നു.മ്മള് നല്ല വൃത്തിയായി അത് പുറത്തു കാട്ടേം ചെയ്തു. "മനസ്സിലായോ എന്ന്.. !!" വീണ്ടും നമ്മളെ നേർക്ക്‌ ഉയർന്ന ഓന്റെ ഗംഭീര ശബ്‌ദം കേട്ട് നമ്മളെ ചിരിയൊക്കെ ആവിയായിപ്പോയി.കൂടെ മ്മള് ഓനെ നോക്കി തല ആട്ടുകയും ചെയ്തു. "അപ്പൊ അനുസരിക്കാൻ അറിയാം. ഹാ.എന്താ തന്റെ പേര്.?"

ഓന്റെ ആ ചോദ്യം കേട്ട് നമ്മള് ശെരിക്കും പകച്ചു പണ്ടാറടങ്ങിപ്പോയിട്ടോ. തെണ്ടീ..ശവം..ഓൻക്ക് മ്മളോട് ഇഷ്ടാണ്, അടങ്ങാത്ത പ്രേമമാണ്‌, കോപ്പാണ്ന്നൊക്കെ പറയുമ്പോൾ മ്മള് വിചാരിച്ചു മ്മളെ സ്നേഹിച്ചു വീർപ്പു മുട്ടിക്കാൻ വേണ്ടിയായിരിക്കും ഇവൻ ഇങ്ങോട്ടേക്കു എഴുന്നള്ളിയതെന്ന്. ഇതൊരുമാതിരി കൊലച്ചതിയായിപ്പോയി.പുറത്തുന്നൊരു മുഖം,ഇവിടെ അകത്തുന്ന് വേറൊരു മുഖം.ഇവനെന്താ രാവണനോ? എന്ത് തന്നെയായാലും ഇത്രയും പരിചയമില്ലായ്മ.....It is very unsahikkable.😥 "എന്തേയ് പേരില്ലേ..?" "ഉണ്ട്.ഷെറിൻ." മ്മളെ മറുപടി കേട്ട് ഓൻ ചിരി അടക്കാൻ നന്നേ പാടു പെടുന്നുണ്ട്. മ്മള് ഓനെ നോക്കി കണ്ണുരുട്ടുമ്പോൾ ഓൻ മ്മളെ നോക്കി കണ്ണിറുക്കാണ്. "എന്നാൽ ഷെറിൻ ഇപ്പൊ അവിടെ ഇരിക്ക്. പിന്നെ..റെസ്‌പെക്ട്..അത് മറക്കണ്ടാട്ടോ." ന്നും പറഞ്ഞ് ഓൻ മ്മളെ നോക്കി ഒരു കള്ളച്ചിരിയും പാസ്സ് ആക്കികൊണ്ട് ഫ്രണ്ടിലേക്ക് തിരിഞ്ഞു നടന്നു. "അപ്പൊ ഗയ്‌സ്..ഈ ക്ലാസ്സിന്റ്റെ രീതികളും കാര്യങ്ങളുമൊക്കെ നിങ്ങൾ അറിഞ്ഞു കാണുമെന്നു വിചാരിക്കുന്നു.

ആദ്യത്തെ ഫൈവ് ഡേയ്‌സിൽ ഒരു പ്രൊജക്റ്റ്‌ വർക്കിനെ സംബന്ധിക്കുന്ന എല്ലാ ഡീറ്റെയിൽസും അതായത് കൺടെൻസ്,പ്രെപറേഷൻസ്സ് ആൻഡ് ആൾസോ ഹൗ ടൂ മേക്...എന്നിങ്ങനെയുള്ള വിവരങ്ങൾ ഇവിടുന്നു പറഞ്ഞു തരുന്നതാണ്.ശേഷം വർക് കംപ്ലീറ്റ് ചെയ്യാൻ വേണ്ടി നമുക്ക് കമ്പനിയെ സമീപിക്കാം. ഐ മീൻ ഞങ്ങളുടെ സ്ഥാപനമായ സുൽത്താൻ ഗ്രൂപ്പ്‌സിനെ ബേസ് ചെയ്തു തന്നെ നിങ്ങൾക്ക് പ്രൊജക്റ്റ്‌ സബ്മിട് ചെയ്യാവുന്നതാണ്. ഇതിനെ കുറിച്ച് കൂടുതലായി എന്തെങ്കിലും അറിയാൻ ഉണ്ടെങ്കിൽ ക്ലാസ്സ്‌ സ്റ്റാർട്ട്‌ ചെയ്യുന്നതിന് മുന്നേ തന്നെ ചോദിച്ചോ.പിന്നീട് അത് അങ്ങനെയാണ് ഇങ്ങനെയാണെന്നൊക്കെ പറഞ്ഞോണ്ട് ആരും തന്നെ ഇങ്ങോട്ടേക്കു വരരുത്. എനിമോർ ഡൌട്ട്." ഓന്റെ പ്രസംഗം തീരുന്നതിന് മുന്നേ തന്നെ ഗേൾസിന്റെ ഭാഗത്ത്‌ നിന്നും ഡൌട്ട്സിനു പകരം കമന്റ്‌സ്സ് ഉയരാൻ തുടങ്ങിയിരുന്നു. നൈസ്,ഹൗ സ്മാർട്ട്‌,ചുള്ളനാണ്,ടെൻ ഡേയ്‌സ് പൊളിക്കുന്നൊക്കെ അവറ്റകള് പറയുമ്പോൾ എല്ലാത്തിനെയും ചവിട്ടി കൂട്ടി വെളിയിലേക്ക് ഇടാനാണ് ഞമ്മക്ക് തോന്നിയത്.

"സർ..,സർ മാരീഡ് ആണോ..?" മ്മളെ ക്ലാസ്സിലെ റിഷാനന്റെ ഡൌട്ട് കേട്ട് ഞമ്മളെ കണ്ണ് തള്ളിപ്പോയി. മ്മള് അപ്പൊത്തന്നെ ആ തെണ്ടീനെ നോക്കി.ഓൻ എന്താ പറയാൻ പോകുന്നേന്ന് അറിയണമല്ലോ. ആ ചോദ്യത്തിന് മറുപടിയായി ഓൻ മ്മളെ നോക്കി ഒരു കള്ളച്ചിരി ചിരിക്കുന്നത് കണ്ടപ്പോൾ തന്നെ റബ്ബി പണി പാളിന്നും പറഞ്ഞ് മ്മള് തലയിക്കും കൈ കൊടുത്തു മുഖം താഴ്ത്തിയിരുന്നു. "ഇതാണോ ഇയാൾക്ക് ഇപ്പൊ അറിയേണ്ടത്.ഞാൻ പറഞ്ഞത് ക്ലാസ്സിനെ കുറിച്ചു വല്ല ഡൌട്ട്സും ഉണ്ടെങ്കിൽ ചോദിക്കാനാണ്. അല്ലാതെ എന്റെ പേർസണൽ കാര്യങ്ങളെക്കുറിച്ച് അന്വേഷിക്കാനല്ല.ഡോണ്ട് ആസ്ക്‌ ദിസ്സ് കൈൻഡ് ഓഫ് ക്യുഎസ്ടിയൻസ്സ്." ഓന്റെ മുഖത്ത് വന്ന ചിരിയൊക്കെ ഒതുക്കി നല്ല ഗൗരവത്തിൽ തന്നെ ഓൻ റിഷാനക്ക് മറുപടി കൊടുത്തപ്പോഴാണ് നമ്മളെ ശ്വാസമൊന്നു നേരെ വീണത്. പിന്നെ അങ്ങോട്ട്‌ മ്മള് പടച്ചോനോട്‌ മനമുരുകി ഒരു പ്രാർത്ഥന ആയിരുന്നു. എന്തിനാന്നല്ലേ..?ഒന്ന് വൈകുന്നേരമായി കിട്ടാൻ. മ്മള് വിചാരിച്ചത് പോലെയൊന്നുമല്ല,,

ആ തെണ്ടീന്റെ ക്ലാസ്സ്‌ ഒക്കെ പൊളിയാണ്.എങ്കിലും ഞമ്മക്ക് എന്തോ ഓന്റെ മുഖത്തേക്ക് നോക്കാനെ വയ്യാ.പുറത്തേക്ക് നോക്കി ഇരുന്നു മുഷിയുമ്പോൾ ഒടുക്കം മ്മള് ക്ലാസ്സിലേക്ക് ശ്രദ്ദിക്കും. ആ തെണ്ടീന്റെ മുഖം തന്നെ നോക്കും. ശ്രദ്ധ മുഴുവൻ എടുത്തു തരുന്ന ക്ലാസ്സിലാണെങ്കിലും നമ്മളെ നോട്ടം ഓനിൽ പതിക്കുമ്പോൾ തന്നെ ഓന്റെ നോട്ടവും നമ്മളിൽ പതിയുന്നുണ്ട്. നമ്മള് എങ്ങനെ തിരിഞ്ഞു മറിഞ്ഞും ഇരുന്ന് ഓനെ വീക്ഷിച്ചാലും അത് മനസ്സിലാക്കിയെന്ന വണ്ണം അപ്പൊത്തന്നെ ഓന്റെ കണ്ണുകൾ നമ്മളെ മുഖത്തേക്ക് എത്തുന്നുണ്ട്. ഒക്കെ കൂടിയാകുമ്പോൾ നമ്മക്ക് ആകെയൊരു വല്ലായ്മ.സത്യം പറഞ്ഞാൽ ഷാജഹാൻ പറഞ്ഞത് തന്നെയാണ് ശെരി. ഓൻ മ്മളെ കൺവെട്ടത്തുണ്ടാകുമ്പോൾ എന്തോ പറഞ്ഞറിയിക്കാൻ പറ്റാത്ത തരത്തിലുള്ളോരു ഫീലിംഗ് ആണ്.ഓന്റെ ആ നോട്ടവും കള്ളച്ചിരിയുമൊക്കെ കാണുമ്പോൾ ഹൃദയം പടപടാന്ന് ബാൻറ്റടിയാണ്. ലഞ്ച് ബ്രേക്ക്‌ന് എല്ലാരും ക്ലാസ്സിൽ നിന്നിറങ്ങി എങ്കിലും മ്മള് മാത്രം പുറത്തേക്ക് ഇറങ്ങിയില്ല.

നമ്മക്ക് ആകെ എന്തോ ഒരു വിഷമം പോലെ. റിയൽസ്സ് മൊത്തം ക്യാന്റീനിലേക്ക് പോവാൻ കട്ടക്ക് നിർബന്ധിച്ചുവെങ്കിലും മ്മള് അത് കൂട്ടാക്കിയില്ല.കൂടുതൽ നിർബന്ധിച്ചപ്പോൾ വരുന്നില്ലാന്ന് പറഞ്ഞ് മ്മള് അവരോട് കലിപ്പ് ആയി. "ആകാശം ഇടിഞ്ഞു മറിഞ്ഞു വീണാലും ശെരി, ഫുഡിന്റെ കാര്യത്തിൽ യാതൊരു തലത്തിലുള്ള കോംപ്രമൈസ് ഇല്ലാത്ത ആളാണല്ലോ. ഇന്നെന്തു പറ്റി.? അല്ലേലും ഷാജഹാൻ ഇവിടേക്ക് വന്നതിനു ശേഷം വിശപ്പ് മാത്രല്ല,, മറ്റു പലതും നിനക്ക് ഇപ്പൊ ഇല്ലാ.. പ്രത്യേകിച്ച് സ്വബോധം. " സിനു മ്മളെ വീണ്ടും ചൂടാക്കാൻ വേണ്ടി അങ്ങനെ പറഞ്ഞെങ്കിലും മ്മള് അത് ചെവി കൊണ്ടില്ല.അവര് എന്തൊക്കെ ചോദിച്ചിട്ടും മ്മള് ഒന്നുല്ല എന്നല്ലാതെ മറ്റൊന്നും പറഞ്ഞില്ല. മ്മള് അവരോടു ക്യാന്റീനിലേക്ക് പോയിക്കോളാൻ പറഞ്ഞ് മ്മള് നേരെ ലൈബ്രറിയിലേക്ക് വച്ച് പിടിച്ചു. മനസ്സിന് വല്ല വിഷമവും തോന്നിയാൽ നമ്മള് അധികവും ലൈബ്രറിയിലെക്കാണ് വരാ.എന്നിട്ട് എന്തേലുമൊക്കെ എടുത്തു മറിച്ചു നോക്കിക്കോണ്ട് കുറേ നേരം ഇവിടെ തന്നെ ഇരിക്കും.

ഇപ്പോൾ ലഞ്ച് ബ്രേക്ക്‌ ആയത് കൊണ്ട് തന്നെ ഇവിടെ കുട്ടികളോ ടീച്ചർസോ ആരുമില്ല.ആകെയൊരു നിശബ്ദത. നമ്മളൊരു ബുക്കും എടുത്തു അവിടെയുള്ളൊരു ബെഞ്ചിൽ പോയി ഇരുന്നു.ആദ്യത്തെ രണ്ട് പേജ് വായിക്കുമ്പോൾ തന്നെ മ്മക്ക് നല്ല ബോറിങ് ആയി തോന്നി.പിന്നെ മനസ്സ് മുഴുവൻ അസ്വസ്ഥമാണ്‌. എവിടെ നോക്കിയാലും എങ്ങനെ ഇരുന്നാലും ആ തെണ്ടീന്റെ മുഖം മാത്രമാണ് മ്മക്ക് കാണാൻ കഴിയുന്നത്.ഒക്കെയും ഓർത്ത് തല പെരുക്കുന്ന പോലെ തോന്നിയപ്പോൾ മ്മള് ബുക്കും മടക്കി വെച്ച് അതിന്റെ മോളിൽ തല ചായ്ച്ചു കൊണ്ട് കണ്ണടച്ച് കിടന്നു. പെട്ടെന്ന് ആരുടെയോ വിരലുകൾ നമ്മളെ മുഖത്തെ തലോടുന്നത് പോലെ തോന്നിയപ്പോഴാണ് നമ്മള് കണ്ണ് തുറന്നു നോക്കിയത്. നമ്മളെ തൊട്ടടുത്ത് ഇരുന്ന് മ്മളെ മുഖത്തേക്ക് തന്നെ നോക്കി പുഞ്ചിരി തൂകുന്ന ഷാജഹാനെ കണ്ട നമ്മള് അപ്പൊത്തന്നെ അവിടുന്ന് ചാടി എഴുന്നേറ്റു. "എന്താടി പെണ്ണേ..ഞാൻ ഒന്നു തൊട്ടപ്പോൾ നിനക്ക് ഷോക്കടിച്ചോ.?" "താൻ...താനെന്താ ഇവിടെ..?തനിക്ക് എന്താ ഇവിടെ കാര്യം.?"

"ആഹാ..അത് കൊള്ളാല്ലോ.. നിനക്ക് മാത്രെ ഇവിടെ വരാൻ പാടുള്ളു.ഈ ലൈബ്രറി എന്താ എന്റ്റെ നൂറാന്റെ സ്വന്തമാണോ..?" "ക്ലാസ്സിൽ വെച്ച് എനിക്ക് നൽകുന്ന ടോർച്ചർ മതി ആവാത്തതു കൊണ്ടാണോ ഇവിടേക്കും വന്നത്. ഹൂ..എന്തൊക്കെ ആയിരിന്നു ക്ലാസ്സിൽ ഷാജഹാൻ മാസ്റ്ററുടെ പെർഫോമൻസ്.ഇപ്പൊ താൻ ഹാപ്പി ആയല്ലോ..? ഞാൻ ഇങ്ങനെ തന്റെ മുന്നിൽ തോറ്റു തരുന്നത് കാണാനല്ലേ തന്റെ ആഗ്രഹം... ഏത് ഭാഗത്തേക്ക്‌ തിരിഞ്ഞാലും അവിടെയൊക്കെ ഉണ്ടാവുമല്ലോ.എന്നെ ഇങ്ങനെ ശല്യം ചെയ്തോളാമെന്ന് ഷാജഹാൻ വല്ല നേർച്ചയും നേർന്നിട്ടുണ്ടോ.?" "ഇതൊക്കെ ഒരു ശല്യമാണോ നൂറാ..സ്നേഹം കൊണ്ടല്ലേ. മോള് ഇപ്പൊത്തന്നെ തോറ്റു തന്നേക്കല്ലേ. തോൽക്കണം,,ഇപ്പോഴല്ല..ഷാജഹാൻറ്റെ സ്നേഹം നിനക്ക് സഹിക്കാൻ കഴിയുന്നതിലും അപ്പുറം ആകുന്ന ദിവസം.അങ്ങനെയൊരു ദിവസം എന്റെ സ്നേഹം അംഗീകരിച്ചു കൊണ്ട് നീ തോറ്റു തന്നാൽ മതി.നിന്റെ ആ തോൽവി മാത്രമാണ് എനിക്ക് വേണ്ടത്. ഇപ്പൊ ഇക്കാന്റെ നൂറ മോള് ദേ ഇവിടെ വന്നിരുന്നേ.

എന്തിനാ വെറുതെ ഇങ്ങനെ നിന്ന് കാല് വേദനിപ്പിക്കുന്നത്." ഓൻ ഇരുന്നിട്ടുള്ള ബെഞ്ചിന്റെ വശം മ്മക്ക് നേരെ ചൂണ്ടി കാണിച്ചു കൊണ്ട് ഓൻ അത് പറഞ്ഞു. മ്മള് അത് വക വെക്കാതെ ഓനെ നോക്കി കണ്ണുരുട്ടിക്കൊണ്ട് അവിടുന്ന് പോവാൻ തുനിഞ്ഞതും ഓൻ പെട്ടെന്ന് എഴുന്നേറ്റു വന്ന് മ്മക്ക് മുന്നിൽ തടസ്സം നിന്നു. "പോവല്ലേ..ഒരു മിനിറ്റ്." ഓൻ പറഞ്ഞത് കേട്ട് മ്മള് ഓനെ നോക്കി നെറ്റി ചുളിച്ചു.ഓൻ മ്മളെ കണ്ണിലേക്കു തന്നെ നോക്കി കൊണ്ട് പുഞ്ചിരി തൂകുന്നതല്ലാതെ കാര്യമൊന്നും പറയുന്നില്ല. "എന്താ..?" മ്മള് കലിപ്പിൽ ചോദിച്ചു. അതിനു മറുപടിയായി ഓൻ ഷോൾഡർ പൊക്കി കാട്ടി,, കൂടെ കണ്ണടച്ച് ഒന്നുമില്ലാന്ന് ആങ്ങിയം കാണിച്ചു. "പിന്നെന്താ..?" "പിന്നെന്താ....പിന്നൊന്നുമില്ലാ.. വെറുതെ ഇങ്ങനെയൊന്നു കണ്ടോണ്ടിരിക്കാൻ.ഈ വെള്ളാരം കണ്ണിലെക്ക് തന്നെ നോക്കി നിൽക്കാൻ.." കണ്ണ് എടുക്കാതെയുള്ള ഓന്റെ ആ നോട്ടത്തിൽ മ്മള് പോലും സകലതും മറന്നു ലയിച്ചു ചേരുന്ന പോലൊരു തോന്നൽ..

ഓന്റെ സമീപനവും ഈ നോട്ടവുമൊക്കെ നമ്മളെ ഉള്ളിലൊരു നീറ്റൽ ഉണ്ടാക്കുകയാണ്. ഷാജഹാൻ ഇങ്ങനെ എന്റ്റെ അടുത്ത്,,എന്നോട് ചേർന്ന് ഉണ്ടാവണമെന്ന് നമ്മള് എത്ര ആഗ്രഹിച്ചതാണ്.എന്നിട്ടും ഓൻ ഇപ്പൊ മ്മളെ ഇത്രമാത്രം സ്നേഹം കൊണ്ട് വീർപ്പു മുട്ടിക്കുമ്പോഴും അത് കണ്ടില്ലാന്ന് നടിക്കാനെ മ്മക്ക് പറ്റുന്നുള്ളു. പരസ്പരം ഒന്നും മിണ്ടാതെ കണ്ണും കണ്ണും നോക്കി എത്ര നേരം ഞങ്ങള് അങ്ങനെ നിന്നെന്നറിയില്ല.പെട്ടെന്ന് എന്തോ വെളിപ്പാട് വന്ന പോലെ നമ്മള് ആ നോട്ടം പിൻവലിച്ചു താഴേക്ക് നോക്കി നിന്നു. "നൂറാ..." പതിഞ്ഞ സ്വരത്തിൽ നമ്മളെ കാതോരം ചേർന്ന് കൊണ്ടുള്ള ഓന്റെ വിളി കേട്ടപ്പോൾ നമ്മള് വീണ്ടും പുഞ്ചിരി തൂകുന്ന ഓന്റെ മുഖത്തേക്ക് തന്നെ നോക്കി. "എന്താ നൂറാ നിനക്കെന്നെ ഉൾകൊള്ളാൻ കഴിയാത്തത്..? എന്താ എന്റ്റെ സ്നേഹം അംഗീകരിക്കാൻ വയ്യാത്തത്.?" ഓന്റെ ആ ചോദ്യത്തിന് ഒരുത്തരം നൽകാൻ കഴിയാതെ നമ്മള് ഒന്നു പതറിപ്പോയി. നമ്മള് അപ്പൊത്തന്നെ ഓൻക്ക് പുറം തിരിഞ്ഞു നിന്നു. "നൂറാ..ഞാൻ ചോദിച്ചത് കേട്ടില്ലേ..?"

ഓൻ വീണ്ടും മ്മക്ക് മുന്നിൽ നിന്നു കൊണ്ട് ചോദിച്ചു. "നൂറയല്ലാ..ഷെറിൻ.അങ്ങനെ വിളിച്ചാൽ മതിയാവും. ഞാൻ സ്നേഹിക്കുന്നവരും ഇഷ്ടപ്പെടുന്നവരും മാത്രം എന്നെ നൂറാന്ന് വിളിച്ചാൽ മതി. പിന്നെ ഇവിടെ എല്ലാ സ്റ്റാഫ്‌സിനും ഞാൻ ഷെറിൻ ആണ്.ഇപ്പോൾ താനും ഇവിടുത്തെ ഒരു സ്റ്റാഫ്‌ ആണല്ലോ.,,ഒരദ്ധ്യാപകൻ. ഒരു ടീച്ചർ സ്റ്റുഡന്റ്റ് റിലേഷൻ ഷിപ് മാത്രമെ ഇപ്പോൾ ഞങ്ങൾക്ക് ഇടയിലുള്ളു. എന്ന് വെച്ചാൽ ഇപ്പോൾ ഷാജഹാൻ ചോദിച്ച ചോദ്യത്തിന് ഞങ്ങൾക്ക് ഇടയിൽ യാതൊരു പ്രസക്തിയും ഇല്ലായെന്ന്." "ആയിക്കോട്ടെ..നീ സ്നേഹിക്കുന്നവരും ഇഷ്ടപ്പെടുന്നവരും മാത്രം നിന്നെ നൂറാന്ന് വിളിച്ചാൽ മതി എന്നല്ലേ. അപ്പൊ ഈ ലോകത്ത് മറ്റാരേക്കാളും നിന്നെ അങ്ങനെ വിളിക്കാനുള്ള അവകാശം എനിക്ക് തന്നെയാണ്.കാരണം ആരെക്കാളും കൂടുതലായി നീ സ്നേഹിക്കുന്നത് എന്നെയാണ്. പിന്നെ മറ്റുള്ളവർക്ക് നീ ആരാണ്,എന്താണെ ന്നൊന്നും എനിക്ക് അറിയണ്ട. എനിക്ക്,,ഈ ഷാജഹാന് നീ നൂറയാണ്.എന്റ്റെ പെണ്ണാണ്.എന്റെ മാത്രമാണ് നീ."

ഓന്റെ ഇമ്മാതിരി പറച്ചിലാണ് നമ്മക്ക് പിടിക്കാത്തത്.മ്മള് കണ്ണുരുട്ടി കൊണ്ട് ഓനെ നോക്കി നിന്നു. "ന്റെ പെണ്ണേ..ഇങ്ങനെ നോക്കല്ലേ..ഇക്കാന്റെ കണ്ട്രോൾ പോണു.." "ആണോ..എന്നാലേ താൻ പോയി കണ്ട്രോൾ ചെയ്തിട്ട് വാ.." "പിന്നെ നൂറാ.. നിന്റ്റെ ഈ ദേഷ്യം കാണാൻ നല്ല സുഗാണ്‌ മോളെ.. വാശി പിടിച്ചു നിൽക്കുന്ന നിന്റെ മുഖത്തിനൊരു പ്രത്യേക മൊഞ്ജാ. എന്റെ മുന്നിലുള്ള നിന്റ്റെ ഈ എയർ പിടുത്തം എന്നും ഉണ്ടാവണം കേട്ടോ.അതാണ് എനിക്ക് ഇഷ്ടം.നിന്റെ ഈ ചൂട് തന്നെയാണ് ഷാജഹാന് എന്നും കാണേണ്ടത്." "ഡോ..തെണ്ടീ..എന്റെ ശെരിക്കുള്ള ദേഷ്യവും ചൂടുമൊക്കെ താൻ കാണാൻ പോകുന്നതേയുള്ളൂ." "തെണ്ടിന്നോ..? ഡീ..ഇനി അങ്ങനെ വിളിച്ചാലുണ്ടല്ലോ.?" "വിളിക്കും തെണ്ടീ.. താൻ എന്ത് ചെയ്യുമെഡോ തെണ്ടീ.. ഇനിയും വിളിക്കും.തെണ്ടീ.. തെണ്ടീ..തെണ്ടീ.." "ആഹാ..ഞാൻ എന്ത് ചെയ്യുമെന്ന് നിനക്ക് കാണണോ.?"

"അതെ.കാണണം.താൻ എന്താ എന്നെ ഒലത്തുവോ..?" "കാണിച്ചു തരാടീ.നിനക്ക് ഞാൻ നന്നായി കാണിച്ചു തരാം" ന്നും പറഞ്ഞ് ഓനൊരു കള്ളച്ചിരിയോടെ നമ്മളെ നേരെ നടന്നടുക്കാൻ തുടങ്ങി.ഓന്റെ നോട്ടത്തിൽ എന്തോ പന്തികേട് ഇല്ലേന്ന് തോന്നിയ നമ്മള് ഓന്റെ വരവിനനുസരിച്ച് പിന്നോട്ടെക്ക് നീങ്ങാൻ തുടങ്ങി.നീങ്ങി നീങ്ങി ചെന്ന് നമ്മള് അവസാനം അവിടെയൊരു ഷെൽഫിൽ തട്ടി നിന്നു. റബ്ബി പണി പാളിയോന്നും ചിന്തിച്ചു കൊണ്ട് നമ്മള് ഷാജഹാനെ നോക്കുമ്പോൾ ഓൻ നമ്മളെ തൊട്ടു മുന്നിൽ വന്നു നിൽക്കുന്നുണ്ട്. "കാണിച്ചു തരട്ടെ നിനക്ക് ഞാൻ..?" ന്നും ചോദിച്ചോണ്ട് ഓൻ ഓന്റെ രണ്ട് കയ്യും മ്മളെ ഇരുവശത്തായി ഷെൽഫിനു താങ്ങി വെച്ചു. "എന്തേയ്..കാണിക്കട്ടെന്ന്..?" ഓൻ അതും ചോദിച്ചോണ്ട് ഓന്റെ മുഖം നമ്മളെ മുഖത്തേക്ക് അടുപ്പിക്കാൻ തുടങ്ങി. നമ്മക്ക് ആണെങ്കിൽ ശരീരമാകെ വിറച്ചിട്ട് ഒന്ന് അനങ്ങാൻ പോലും പറ്റുന്നില്ല. എന്തിന് തൊണ്ടക്കുഴിന്ന് കമന്നൊരക്ഷരം പോലും പുറത്തേക്ക് വരുന്നില്ല.ഓന്റെ ചുടു നിശ്വാസം നമ്മളെ കവിളിലൂടെ തട്ടി തലോടുമ്പോൾ നമ്മളെ ഹാർട്ട്‌ ബീറ്റ് കുതിച്ചുയരുകയാണ്. അടുത്ത നിമിഷം ഓന്റെ കൈ നമ്മളെ അരക്കെട്ടിലൂടെ ചുറ്റി പിടിച്ചതും സർവ്വ ശക്തിയും എടുത്തു നമ്മള് അലറി വിളിച്ചു. """"...നോ...""""..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...