Love for Unexpected💜: ഭാഗം 11

രചന: Ansiya shery

"മോളിനി കുറച്ചു ദിവസം ഇവിടെ നിന്നോ..അത് കഴിഞ്ഞ് പോകാം"ഉപ്പ പറഞ്ഞത് കേട്ട് അവൾ അയാളെ നോക്കി.. "പറ്റില്ല അങ്കിൾ.. ഇവിടെ ആണേൽ എന്നെ പെട്ടെന്ന് അവർക്ക് കണ്ട് പിടിക്കാൻ സാധിക്കും.. കാരണം പാച്ചുക്കാന്റെ കല്യാണത്തിന് വന്നവരിൽ പലരും എന്നെ കണ്ടിട്ടുണ്ട്.. അതിൽ ആരെങ്കിലും ഒക്കെ ഈ വാർത്ത അറിഞ്ഞിട്ടുണ്ടാകും ഉണ്ടാകും.. അത് കൊണ്ട് തന്നെ എന്നെ അന്വേഷിച്ച് ഇങ്ങോട്ട് വരും" അപ്പോഴാണ് എല്ലാവരും ആ കാര്യം ഓർത്തത് തന്നെ... "അവര് വന്നാൽ നിന്നെ വിടാതെ ഇരുന്നാൽ പോരേ... പിന്നെ നിനക്ക് പതിനെട്ട് തികഞ്ഞതല്ലേ..അപ്പൊ പിന്നെ നിനക്കിഷ്ടമുള്ളിടത്ത് ജീവിക്കാമല്ലോ" "ജീവിക്കാം.. പക്ഷെ നിയമവും കോടതിയും ഒന്നും അവർക്കൊരു ചുക്കല്ല.. ആരുമറിയാതെ വിഷം കൊടുത്ത് കൊന്ന എന്റെ ഉമ്മാനെ പോലെയാകും എന്റെ അവസ്ഥ.. പിന്നെ ഇവിടെ നിൽക്കുന്ന കാര്യം.. എന്തിന്റെ പേരിലാ ഞാൻ ഇവിടെ നില്ക്കാ.. മറിയുന്റെ ഫ്രണ്ട് ആണെന്നുള്ള പേരിലോ..? ആ ഒരു ബന്ധം അല്ലാതെ ഈ വീടുമായി എനിക്കൊന്നും ഇല്ലല്ലോ.."

ഉമ്മ എന്തോ പറയാൻ തുനിഞ്ഞതും കാളിങ് ബെൽ അടിഞ്ഞതും ഒരുമിച്ചായിരുന്നു... എല്ലാവരുടേയും നോട്ടം നിഹയിലേക്ക് നീണ്ടതും അവളൊന്ന് പകച്ചു... "ആരായിരിക്കും.. ഇനി ഇവളെ അന്വേഷിച്ച് ആരെങ്കിലും വന്നതായിരിക്കുമോ..?"ഉപ്പാടെ ചോദ്യം കേട്ടതും നിഹ അയാളെ നോക്കി അല്ലെന്ന് തലയാട്ടി... "സാധ്യത ഇല്ല.. അവര് ബാംഗ്ലൂരിൽ ആണെന്നല്ലേ കേട്ടത്" പറഞ്ഞു കൊണ്ട് അവൾ ചെന്ന് ഡോർ തുറന്നതും മുന്നിൽ നിൽക്കുന്ന ആളെ കണ്ട് ഞെട്ടി.. ഉടലൊന്നാകെ വിറച്ചു...! "ജാ... ജാസിം..." അധരങ്ങൾ ആ നാമം മന്ത്രിച്ചതും അവനവളെ നോക്കി പുച്ഛിച്ചു ചിരിച്ചു... "നീയെന്താടീ വിചാരിച്ചേ..ആരും കാണാതെ ഇറങ്ങി പോയാൽ നിന്നെ ഞങ്ങൾ കണ്ട് പിടിക്കില്ലെന്നോ.. നിന്നെക്കാൾ കളി പഠിച്ചവനാടീ ജാസിം..നിന്നെ ഇവിടെ പിടിച്ചു നിർത്താൻ വേണ്ടി തന്നെയാ ഇപ്പൊ ഞങ്ങൾ ബാംഗ്ലൂരിൽ ആണെന്നുള്ള വാർത്ത കൊടുത്തത്" അവൾക്ക് എന്ത് ചെയ്യണം എന്നറിയില്ലായിരുന്നു... അടുത്തേക്ക് വന്ന് കയ്യിലവൻ പിടിക്കാൻ തുനിഞ്ഞതും പെട്ടെന്നവൾ പിറകോട്ട് ഓടി ഇച്ചുവിന്റെ ബാക്കിൽ നിന്നു.... അവന്റെ ഷർട്ടിൽ മുറുക്കെ പിടിച്ച് അവനോട് ചേർന്ന് അവൾ നിൽക്കുമ്പോൾ അവനാകെ പതറിപ്പോയിരുന്നു... ഒന്നും ചെയ്യാൻ കഴിയുന്നില്ല...

അവളുടെ സാമീപ്യം തന്നിൽ എന്തൊക്കെയോ മാറ്റങ്ങൾ വരുത്തുന്നത് പോലെ അവൻ തോന്നി...! "എ... എന്നെ പ.. പറഞ്ഞയക്കല്ലേ" ഇച്ചുവിന് പിറകിൽ ഒളിച്ചു നില്കുന്നവളെ പുച്ഛത്തോടെ നോക്കിയതിന് ശേഷം ജാസിം അവന്റെ മുഖത്തേക്ക് നോക്കി... "നീ ഇവിടെ ഉണ്ടെന്നുള്ള കാര്യം എന്നോട് പറഞ്ഞ ഇവനോട് തന്നെ രക്ഷിക്കാൻ പറയുന്നോ നിഹാ" അവളുടെ കൈകൾ ഇച്ചുവിന്റെ ഷർട്ടിൽ നിന്നും വീണു... കുറച്ച് നേരത്തേക്കെങ്കിലും മാറിയിരുന്ന ഭയം പിന്നെയും ഉള്ളിൽ നിറഞ്ഞു... ഇച്ചുവിൽ രണ്ടടി പിറകോട്ട് വെച്ച് അകത്തേക്ക് ഓടാൻ തുനിഞ്ഞതും അതിന് മുന്നേ ജാസിം അവളുടെ കയ്യിൽ പിടിച്ചിരുന്നു.... "വിട്... വിടെന്നെ..." അവന്റെ കൈകൾ വേർപെടുത്താൻ ശ്രമിക്കുന്നതിനിടെ പറഞ്ഞു കൊണ്ട് അവൾ ചുറ്റുമുള്ളവരെ ദയനീയമായി നോക്കി... "ഡാ... വിടടാ... അവളെ..." "അടുത്തേക്ക് വന്ന് പോകരുത്...ഇവളെ ഞാൻ കൊണ്ട് പോകാം.. ഇവളുടെ ആരുമല്ലാത്ത നിങ്ങൾ അത് ചോദ്യം ചെയ്യാൻ വരേണ്ട... ഇങ്ങോട്ട് വാടി..." കൈ തണ്ടയിൽ അവന്റെ പിടി മുറുകുന്നതിന് അനുസരിച്ച് അവളുടെ കണ്ണുകൾ നിറഞ്ഞൊഴുകി... എന്തോ ഓർത്ത്‌ കാൽ ഉയർത്തി അവന്റെ ചവിട്ടാൻ തുനിഞ്ഞതും അതറിഞ്ഞ പോലെ അവൻ മാറി നിന്നിരുന്നു...

ഞെട്ടലോടെ നിൽക്കുന്ന നിഹയെ നോക്കി അവനൊന്ന് പുച്ഛിച്ചു..! "നീയെന്നെ ചവിട്ടാൻ ആയല്ലേ" പറഞ്ഞു കൊണ്ട് അവൾക്ക് നേരെ കയ്യുയർത്തിയതും അടി കവിളിൽ വീഴുന്നതിന് മുന്നേ ആരോ അവന്റെ കൈകളെ തടഞ്ഞിരുന്നു... അടുത്ത് നിൽക്കുന്ന ഇച്ചുവിനെ കണ്ടതും വിശ്വാസം വരാതെ അവൾ അവനെ നോക്കി...! ജാസിമിന്റെ കൈകൾ ഒറ്റവലിക്ക് പിടിച്ചു താഴ്ത്തിക്കൊണ്ടവൻ നിഹയുടെ കൈകളിൽ തന്റെ കൈകൾ ചേർത്തു... "ഡാ...." "നിന്ന് കാറാതേ ജാസിം..നിന്റെ സഹോദരിയെ കാണാനില്ലെന്ന് പറഞ്ഞ് നീ എനിക്ക് കംപ്ലയിന്റ് തരുമ്പോൾ ഞാൻ അവളിവിടെ ഉണ്ടെന്നുള്ള കാര്യം നിന്നോട് പറഞ്ഞതെന്ത് കൊണ്ടാണെന്ന് അറിയാമോ.? ഇവളോട് നിങ്ങൾക്കെല്ലാം സ്നേഹമുണ്ടെന്ന് വിചാരിച്ചാ... ഒരുപക്ഷെ അങ്ങനെ ആയിരുന്നെങ്കിൽ ഇവളെ ഞാൻ വിട്ടു തന്നിരുന്നേനെ... പക്ഷെ ഇവളെല്ലാം തുറന്ന് പറഞ്ഞപ്പോൾ സ്വന്തം സഹോദരനായ നീ തന്നെ ഇവളെ കെട്ടി ഉപദ്രവിക്കാൻ ശ്രമിക്കുകയാണെന്ന് അറിഞ്ഞാൽ ഞാൻ പിന്നെ വിട്ട് തരുമെന്ന് കരുതുന്നുണ്ടോ.." അവന്റെ സംസാരം കേട്ട് തറഞ്ഞു നിൽക്കുകയായിരുന്നു എല്ലാവരും...! "ഡാ... എന്തൊക്കെ പറഞ്ഞാലും ഇവളെന്റെ സഹോദരിയാ.. കൊണ്ട് പോകാൻ എനിക്ക് അധികാരം ഉണ്ട്..

പക്ഷെ നിനക്ക് അവളെ ഇവിടെ പിടിച്ചു നിർത്താൻ എന്ത് അധികാരമാ ഉള്ളത്😏" അവളുടെ കൈകളിൽ വീണ്ടുമവൻ പിടിക്കാൻ തുനിഞ്ഞതും ഇച്ചു പെട്ടെന്നവൾക്ക് മുന്നിലേക്ക് കയറി നിന്നു... ശേഷം ഷർട്ടിന്റെ കൈ ഒന്ന് മടക്കി കയറ്റിക്കൊണ്ട് അവനെ നോക്കി ചിരിച്ചു...! "എന്താ ജാസിമേ ഇങ്ങനെ പറയുന്നത്.. നിനക്ക് അധികാരം ഉണ്ടായിരിക്കാം.. പക്ഷെ ഇപ്പൊ... ഇപ്പോ നിന്നെക്കാൾ അധികാരം ഇവളിൽ എനിക്കാ" അവളുടെ ഷോൾഡറിൽ പിടിച്ച് തന്നോട് ചേർത്ത് നിർത്തി അവൻ പറഞ്ഞതും എല്ലാവരും കണ്ണ് മിഴിച്ച് അവനെ നോക്കി... "ഇച്ചു... നീയെന്താ ഈ പറയുന്നത്..?"ചോദിച്ചത് ഉപ്പയായിരുന്നു... അവനെല്ലാവർക്ക് നേരെയും തിരിഞ്ഞ് നിന്ന് അവളെ തന്നോട് ചേർത്ത് പിടിച്ചു... "അതേ ഉപ്പാ.. ഇവളെന്റെ ഭാര്യയാണ് ഇപ്പൊ..ഈ വീട്ടിൽ അപ്പൊ അവൾക്കും അവകാശം ഉണ്ട്.." "കള്ളം...പച്ചക്കള്ളം...ഇവളെ ഇവിടെ നിർത്താൻ വേണ്ടി നീ പറഞ്ഞുണ്ടാക്കിയ കള്ളം" അലറിക്കൊണ്ട് നിഹയെ പിടിച്ചു വലിക്കാൻ ജാസിം ശ്രമിച്ചതും ഇച്ചുവവനെ തള്ളി മാറ്റിയതിന് ശേഷം നിഹയെ ചേർത്ത് പിടിച്ചു.. "എനിക്കെന്തിനാ കള്ളം പറയേണ്ട ആവശ്യം.. ഇവളെന്റെ ഭാര്യയാണ് ഇപ്പൊ... ദേ നോക്ക്.." അവളുടെ കഴുത്തിലിട്ട മഹറുയർത്തി കാണിച്ചവൻ പറഞ്ഞതും ജാസിം അവനെ പകയോടെ നോക്കി...! "വിടില്ലെടാ.. നിന്നെ.. ഓർത്തോടീ നീ എന്റെ കയ്യിൽ തന്നെ പെടും" വീണിടത്ത് നിന്നും എഴുനേറ്റ് അവരെ നോക്കി പറഞ്ഞവൻ പുറത്തേക്ക് പോയി........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...