Love for Unexpected💜: ഭാഗം 13

രചന: Ansiya shery

"ആഹ്.. പോലീസ് തന്നെ.. നിനക്ക് കണ്ടിട്ട് പോലീസ് ലുക്ക്‌ ഒന്നും തോന്നിയില്ലേ..?" "ഇല്ല.. എന്നാലും അവൻ പോലീസ് എന്നൊക്കെ പറഞ്ഞാൽ... ഒരു പോലീസിനോട് ആയിരുന്നോ ഞാൻ ഇത്രയും കാലം തല്ല് ഉണ്ടാക്കിയത്" നിഹ ടെൻഷനോടെ പറഞ്ഞതും മറിയുവിനും റഷക്കും ചിരി പൊട്ടി... "നിന്നോട് പല തവണ പറയണമെന്ന് ഞാൻ വിചാരിച്ചതായിരുന്നു.. നീ ഇക്കാനോട് വഴക്ക് ഉണ്ടാക്കിയതിനും കടിച്ചതിനുമെല്ലാം പ്രതികാരം ആയി നിന്നെ ജയിലിൽ കൊണ്ടിടുന്നത് കാണാൻ ഞങ്ങൾക്ക് കഴിയില്ല" "ജ.. ജയിലിലോ..?" നിഹ കണ്ണും മിഴിച്ച് രണ്ട് പേരെയും മാറി മാറി നോക്കി... "ആ.. ജയിലിൽ തന്നെ.. ചിലപ്പോ അവിടെ കൊണ്ടിട്ട് നിന്നെ ഇടിച്ച് ശരീരത്തിലെ ഓരോ ഭാഗങ്ങളും ചതക്കും.. പോലീസിന്റെ ഇടിക്ക് നല്ല പവറാ.." നിഹ ചുണ്ട് പിളർത്തി രണ്ടിനേയും നോക്കി.. "അതിന് മാത്രം ഞാൻ ഒന്നും ചെയ്‌തീലല്ലോ..ഒന്നും അറിയാതെ ചെയ്തതല്ലേ" "ഇത് വരെ നടന്നത് ക്ഷമിക്കാൻ ഞങ്ങൾ ഇച്ചുക്കാനോട് പറയാം.. ഇനി നീ ഒന്നും മിണ്ടാതെ നടന്നാൽ മതി" മറിയു "അവനെ കാണുമ്പോ രണ്ട് പറയാതെ എനിക്ക് സമാധാനം ആകില്ല.. ഞാനെന്ത് ചെയ്യാനാ🙁" "എന്നാ പോയി ഇടി വാങ്ങിയിട്ട് വാ"അതും പറഞ്ഞ് രണ്ടാളും മുറിയിൽ നിന്ന് ഇറങ്ങിപ്പോയതും നിഹ കാൽ മുട്ടിൽ കയ്യും കുത്തി ആലോചിക്കാൻ തുടങ്ങി... 🌸🌸🌸🌸

"ഇനിയും അവൻ വരും.. അപ്പൊ നിങ്ങൾ തമ്മിൽ ഒന്നുമില്ലെന്ന് അറിഞ്ഞാൽ ആകെ പ്രശ്നമുണ്ടാക്കില്ലേ.. ചിലപ്പോ നിന്റെ ജോലിയെ വരെ അത് ബാധിക്കും" ഫുഡ്‌ കഴിക്കുന്നതിനിടെ പാച്ചു പറഞ്ഞതും ഇച്ചു തല ഉയർത്തി അവനെ നോക്കി.. "അത് ശെരിയാ.. അപ്പൊ ഇനി എന്ത് ചെയ്യും" മൂത്താപ്പ "അറിയില്ല... പെട്ടെന്ന് തോന്നിയത് പറഞ്ഞതാ.. ഇനിയെല്ലാം വരും പോലെ വരട്ടെ"ഇച്ചു "അങ്ങനെ പറഞ്ഞാൽ എങ്ങനെയാ.. ഇതിന് ഒരു പരിഹാരം കണ്ടെത്തിയാലേ ശെരിയാകൂ.." ഉമ്മ "എന്ത് പരിഹാരം കണ്ടെത്താനാ?"അമ്മായി "അവൻ മുന്നിൽ കളിച്ച നാടകം നമുക്ക് സത്യമാക്കണം" "ഉമ്മ എന്താ ഉദ്ദേശിക്കുന്നത്?" ഇച്ചു നെറ്റിചുളിച്ചു കൊണ്ട് ചോദിച്ചു... "നീ അവളെ നിക്കാഹ് കഴിക്കണം എന്ന്" അവൻ പെട്ടെന്ന് ഇരുന്നിടത്ത് നിന്നും ഞെട്ടലോടെ എഴുനേറ്റ് അവരെ നോക്കി.. ബാക്കി എല്ലാവരും അതേ അവസ്ഥയിൽ തന്നെയായിരുന്നു...! നിഹ കണ്ണ് മിഴിച്ച് അവനെയും ഉമ്മയെയും മാറി മാറി നോക്കി.. "എന്ത്.? സൈനു നീ എന്തൊക്കെയാ പറയുന്നത്?" ഉപ്പ "ഞാൻ പറഞ്ഞത് ശെരിയല്ലേ ഇക്ക..

ഇവൻ അവളെ നിക്കാഹ് കഴിച്ചാൽ പിന്നേ അവൾ ഈ വീട്ടിൽ തന്നെ ഉണ്ടാകും.. അപ്പൊ അവർക്കാർക്കും ഒരു പ്രശ്നവും ഉണ്ടാക്കാൻ സാധിക്കില്ല" നിഹയെ ഒന്ന് തുറുക്കനെ നോക്കിക്കൊണ്ട് അവൻ മുകളിലേക്ക് പാഞ് പോയതും എല്ലാവരുടേയും നോട്ടം നിഹയിലേക്ക് നീണ്ടു... "ആ.. ആന്റി എനിക്ക്.. എനിക്ക് പറ്റില്ല.. എന്നെ നിർബന്ധിക്കരുത്" പറഞ്ഞു കൊണ്ട് വാ പൊത്തി അവൾ മുകളിലേക്ക് ഓടിക്കയറിയതും എല്ലാവരും ഞെട്ടി നിന്നു... ----- "നിഹു...." നിഹ തലയിണയിൽ നിന്നും മുഖമുയർത്തി തിരിഞ്ഞു നോക്കിയതും മുന്നിൽ നിൽക്കുന്ന മറിയുനെയും റഷയേയും ഷാലുവിനേയും കണ്ട് പെട്ടെന്ന് എഴുന്നേറ്റിരുന്ന് കണ്ണ് തുടച്ച് അവരെ നോക്കി... "നീ കരഞ്ഞോ?"ഷാലുവിന്റെ ചോദ്യം കേട്ടതും അവൾ മറുപടിയില്ലാതെ തല താഴ്ത്തി... "ഉമ്മ അപ്പോഴത്തെ ഒരു തോന്നലിൽ പറഞ്ഞതായിരിക്കും എടി... നീ അതിന് ഇങ്ങനെ വിഷമിക്കണ്ട.. നിനക്കും ഇച്ചുക്കാക്കും സമ്മതമല്ലാത്ത സ്ഥിതിക്ക് ആരും നിര്ബന്ധിക്കില്ല" മറിയു എന്തോ അത് കേട്ടതും മനസ്സൊന്ന് തണുത്ത പോലെ തോന്നി.. അവൾ അവരെ നോക്കി ഒന്ന് പുഞ്ചിരിച്ചു... "നീ ഇങ്ങനെ മൂഡ് ഓഫ് ആകാതെ എല്ലാം മറന്ന് താഴേക്ക് വാ..നീ കരഞ്ഞോണ്ട് പോയപ്പോ അമ്മായിക്ക് ആകെ സങ്കടം ആയിട്ടുണ്ട്..."

അത് കേട്ടതും അവൾ പെട്ടെന്ന് എഴുനേറ്റ് മുറിയിൽ നിന്നും പുറത്തേക്കിറങ്ങി.. താഴേക്ക് ചെന്നതും ഹാളിൽ ആരെയും കാണാത്തത് കൊണ്ട് നേരെ അടുക്കളയിലേക്ക് ചെന്നു... അവിടെ തിരിഞ്ഞെന്തോ പണി ചെയ്യുന്ന ഉമ്മയേയും അവർക്കടുത്ത് നിൽക്കുന്ന അമ്മായിയേയും മൂത്തമ്മയേയും കണ്ടു.. അവർ രണ്ട് പേരും അവളെ കണ്ടതും എന്തോ പറയാനായി തുനിഞ്ഞപ്പോൾ അവൾ ചുണ്ടിൽ കൈ വെച്ച് മിണ്ടരുതെന്ന് കാണിച്ചു... ശേഷം തിരിഞ്ഞു നിൽക്കുന്ന അവരെ പിറകിലൂടെ കെട്ടിപ്പിടിച്ചു... "അള്ളാഹ്..." എന്നും പറഞ്ഞവര് അലറിയതും അവൾ പെട്ടെന്ന് കൈ വിട്ട് വിട്ട് നിന്നു... തിരിഞ്ഞ് നോക്കിയതും മുന്നിൽ ഇളിച്ചു നിൽക്കുന്ന നിഹയെ കണ്ട് ആശ്വാസത്തോടെ നെഞ്ചിൽ കൈ വെച്ചു.. "മോളായിരുന്നോ.. ഞാനാകെ പേടിച്ചു പോയി" പെട്ടെന്നെന്തോ ഓർത്ത പോലെ അവരുടെ മുഖം വാടി.. കണ്ണുകൾ നിറഞ്ഞു.. നിഹയുടെ അടുത്തേക്ക് ചെന്ന് അവളുടെ കയ്യിൽ പിടിച്ചു... "ഞാൻ നേരത്തെ പറഞ്ഞത് മോൾക്ക് ഇഷ്ടമായില്ലെങ്കിൽ വിട്ട് കളഞ്ഞേക്ക്..മോൾ ഈ വീട്ടിൽ എന്നും വേണം എന്ന് തോന്നി..

അത് കൊണ്ടാ അപ്പൊ അങ്ങനെ ഒക്കെ പറഞ്ഞത്.. മോൾക്കിഷ്ടമില്ലെങ്കിൽ ഒന്നും വേണ്ട.. മറന്നേക്ക്...അപ്പൊ അങ്ങനെയൊക്കെ പറഞ്ഞതിന് ക്ഷമ ചോദിക്കുന്നു" "ഹേയ്... എന്താ ആന്റി ഇത്.. എന്തിനാ ഇങ്ങനെ ഒക്കെ പറയുന്നേ.. ഞാൻ പെട്ടെന്ന് കേട്ടപ്പോ... അത്ര ഒള്ളു...അതൊക്കെ ഞാൻ വിട്ടു" തനിക്ക് നേരെ കൂപ്പിയ അവരുടെ കൈകളിൽ പിടിച്ചവൾ പറഞ്ഞു... ----- രാവിലെ എഴുന്നേറ്റത് തന്നെ ഫോൺ അടിക്കുന്ന ശബ്ദം കേട്ടാണ്..എടുത്തു നോക്കിയതും അറിയാത്ത ഒരു നമ്പർ... എടുക്കണോ..?ആരായിരിക്കും..? രണ്ട് കല്പിച്ച് അറ്റൻഡ് ചെയ്ത് ചെവിയോട് ചേർത്തു... "ഹലോ...." "നിഹാ ഷാദിയാ...."അപ്പുറത്ത് നിന്നും ഉച്ചത്തിൽ എന്റെ പേര് വിളിക്കുന്നത് കേട്ട് ഞെട്ടലോടെ ഫോൺ ചെവിയിൽ നിന്നും എടുത്തു... പടച്ചോനേ ജാസിം..!ഇവനെങ്ങനെ എന്റെ നമ്പർ കിട്ടി... ഉള്ളിൽ ഭയം നിറഞ്ഞതും കട്ട് ചെയ്താലോ എന്ന് വിചാരിച്ചു... പക്ഷെ അവനെന്തിനായിരിക്കും വിളിച്ചതെന്നറിയാൻ വേണ്ടി ഭയം പുറമേ പ്രകടിപ്പിക്കാതെ വീണ്ടും ചെവിയോട് ചേർത്തു.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...