Love for Unexpected💜: ഭാഗം 15

രചന: Ansiya shery

"അത് വേണ്ട.. നീ അവളെ കെട്ടണ്ട.." പിറകിൽ നിന്നും ശബ്ദം കേട്ട് തിരിഞ്ഞു നോക്കിയതും മുന്നിൽ നിൽക്കുന്ന ഉമ്മയെ കണ്ടവനൊന്ന് പകച്ചു... "ഉമ്മ എന്താ ഈ പറയുന്നത്..?" പാച്ചു "നീ മിണ്ടണ്ട...പകുതിക്ക് വെച്ച് ഉപേക്ഷിക്കാൻ ആണെങ്കിൽ ഇത് നടക്കാതിരിക്കുന്നത് തന്നെയാ നല്ലത്..കല്യാണം എന്ന് പറയുന്നത് വെറും കുട്ടിക്കളി അല്ല... ആ പ്രശ്നം പരിഹരിക്കാൻ വേണ്ടി മാത്രമായി എന്റെ മോൻ അവളെ കെട്ടണ്ട...ഒരു മോഹം കൊടുത്തിട്ട് നമ്മൾ ആ കുട്ടിയെ ചതിച്ചാൽ അവളുടെ വീട്ടുകാരെക്കാളും മോശക്കാരായി മാറും.. " "നീ പറഞ്ഞത് ശെരിയാ സൈനു..പിന്നെ നമ്മളാ കുട്ടിയെ കുറിച്ച് കൂടെ ഒന്ന് ആലോചിക്കണം..ഇവനിനി സമ്മതിച്ചാലും ആ കുട്ടിക്ക് സമ്മതമല്ലെങ്കിൽ നമ്മളതിനോട് ചെയുന്ന തെറ്റല്ലേ അത്..പിന്നെ ഇനി കല്യാണത്തെ കുറിച്ച് ഒരു ചർച്ച വേണ്ട.. ഇതിന് മറ്റൊരു പരിഹാരം ഉണ്ട്..അവസാനം എന്താകും എന്നൊന്നും അറിയില്ല..പക്ഷെ ഇപ്പൊ ഇതായിരിക്കും നല്ലത്.." പെട്ടെന്ന് ഉപ്പ അങ്ങോട്ട് വന്ന് പറഞ്ഞതും മൂവരും അയാളെ നോക്കി.. "എന്താ ഉപ്പാ അത്..?" ഇച്ചു "ഇച്ചുവും നിഹ മോളും കൂടെ കുറച്ച് കാലം നിന്റെ നാട്ടിലേക്ക് പോകട്ടെ.." "എന്റെ നാട്ടിലേക്കോ..? നിങ്ങളെന്താ ഇക്കാ പറയുന്നേ..

ഞാനവിടെ നിന്നും പോന്നതിൽ പിന്നെ ആ വീടുമായി യാതൊരു ബന്ധവും അല്ല... ആ ഇവരെങ്ങനെ അവിടെ പോകാനാ.."ഉമ്മ 🌸🌸🌸🌸 ഉപ്പ പറഞ്ഞത് കേട്ടപ്പോൾ ഞാനും അതായിരുന്നു ചിന്തിച്ചത്... ഉപ്പാടെയും ഉമ്മാടെയും പ്രണയവിവാഹം ആയിരുന്നു... ഉമ്മാടെ നാട്ടിലേക്ക് പഠിക്കാൻ വന്നതായിരുന്നു ഉപ്പ.. അവിടുന്ന് പരസ്പരം കണ്ടവർക്ക് ഇഷ്ടപ്പെട്ടു... ഉപ്പാടെ വീട്ടുകാർക്ക് എതിർപ്പൊന്നും ഇല്ലെങ്കിലും ഉമ്മാടെ വീട്ടുകാർ എതിർത്തിരുന്നു.. അവസാനം വേറെ വഴിയില്ലാതെ ഉപ്പയും ഉമ്മയും ഒളിച്ചോടി ഇങ്ങോട്ട് വന്നു.. അതിൽ പിന്നെ അങ്ങോട്ട് പോയിട്ടില്ല..ഉമ്മാടെ വീട്ടുകാർ ആരും തിരക്കിയിട്ടും ഇല്ല... അവിടുത്തെ ആരെയും ഞങ്ങൾ കണ്ടിട്ടില്ല.. ഉമ്മ പറഞ്ഞു തന്നുള്ള അറിവ് മാത്രം.. ആ വീട്ടിലേക്കാണ് ഇപ്പൊ ഉപ്പ പോകാൻ പറയുന്നത്... "നീ ഞാൻ പറയുന്നതൊന്ന് കേൾക്ക് സൈനു.. ഇവര് രണ്ട് പേരും ഇവിടുന്ന് ഒന്ന് മാറി നിൽക്കുന്നത് നല്ലതാ...അതും കുറച്ച് ദൂരത്തേക്ക്... അതിന് നിന്റെ നാട് തന്നെയാ നല്ലത്.. പിന്നെ ഇച്ചുനെ കാണുമ്പോ തന്നെ അവരെ പിണക്കമെല്ലാം മാറിക്കോളും.." "പക്ഷെ ആ ജാസിം ഇങ്ങോട്ട് എങ്ങാനും വരുമ്പോ ഞാനും അവളും ഇവിടെ ഇല്ലെന്നറിയുമ്പോ പ്രശ്നമുണ്ടാകില്ലേ.." "അതൊക്കെ നീ എനിക്ക് വിട്ടേക്ക്.. ഞാൻ എങ്ങനെയെങ്കിലുംതീർത്തോളാം.. ഇപ്പൊ എത്രയും പെട്ടെന്ന് നിങ്ങളെങ്ങോട്ട് പോകാനാ നോക്കേണ്ടത്.." മറുത്തൊന്നും പറയാതെ ഞാൻ തലയാട്ടി...എന്തോ അത് തന്നെയാണ് നല്ലതെന്ന് എനിക്കും തോന്നി..

നിഹയോട് എനിക്ക് ദേഷ്യമാണെങ്കിലും അവളെ ആ ചെറ്റയുടെ മുന്നിലേക്കിട്ട് കൊടുക്കാൻ മാത്രം മനുഷ്യത്വമില്ലാത്തവൻ അല്ല ഞാൻ... ---- "ആന്റി.. ഞങ്ങൾ പോട്ടെട്ടാ..എല്ലാരോടും പോട്ടേ.." "പോട്ടേ എന്നല്ല.. പോയിട്ട് വരാം എന്ന് പറയെടി കാന്താരി.. ഞങ്ങളിവിടെ കാത്ത് നിൽപ്പാ.. നിങ്ങൾ വന്നിട്ടേ ഇനി പോകൂ.." അമ്മായി എന്റെ ചെവിയിൽ പിടിച്ച് പറഞ്ഞതും ഇളിച്ചു കൊണ്ട് പോയിട്ട് വരാം എന്ന് പറഞ്ഞ് ആ കൈ വിടുവിച്ചു... ബാക്ക് സീറ്റിലേക്ക് ബാഗ് വെച്ച് മുന്നിലെ ഡോർ തുറന്ന് കയറി ഇരുന്നതും ഡ്രൈവർ സീറ്റിലിരിക്കുന്ന ആ കുരങ്ങനെ ഒന്ന് നോക്കി... ഇനി കുറച്ച് കാലം ഇതിന്റെ കൂടെയാണല്ലോ പടച്ചോനേ ജീവിക്കേണ്ടത്..! ആന്റി വന്ന് പോകുന്ന കാര്യം പറഞ്ഞപ്പോ എന്തോ മറുത്തൊന്നും പറയാൻ തോന്നിയില്ല... അവന്റെ കൂടെ പോകുന്നതിൽ ഇഷ്ടക്കേട് ഉണ്ടെങ്കിലും ഇപ്പൊ ഇതാണ് സേഫ് എന്ന് തോന്നി...! "കണ്ണും മിഴിച്ചിരിക്കാണ്ട് സീറ്റ് ബെൽറ്റ് ഇടെടി.." പെട്ടെന്നവൻ അലറിയപ്പോഴാണ് ഞാൻ ബോധത്തിലേക്ക് വന്നത്... ആദ്യമായിട്ട് കാറിൽ കയറിയ എന്നോടാണല്ലോ പടച്ചോനേ ഇവൻ സീറ്റ് ബെൽറ്റ് ഇടാൻ പറയുന്നത്... അവൻ തന്നെ തന്നെയാണ് നോക്കി ഇരിക്കുന്നതെന്ന് കണ്ടതും അവൾ പെട്ടെന്ന് സീറ്റ് ബെൽറ്റിൽ പിടിച്ച് ഇടാൻ ശ്രമിച്ചു.. "ഛെ... ഇത് ശെരിയാവുന്നില്ലല്ലോ.."

പിറു പിറുത്തു കൊണ്ടവൾ അവനെ നോക്കിയപ്പോ തന്നെ തന്നെ നോക്കി ഇരിക്കുന്നതാണ് കണ്ടത്... അവൻ പെട്ടെന്നവളിൽ നിന്നും മുഖം തിരിച്ച് വണ്ടി സ്റ്റാർട്ട് ആക്കാൻ തുനിഞ്ഞു... "അതേ...ഇക്കൂ.." അവന്റെ കയ്യിൽ തോണ്ടിക്കൊണ്ട് അവൾ വിളിച്ചതും അവൻ ഞെട്ടലോടെ അവളെ നോക്കി... തന്നെ തന്നെയാണോ വിളിച്ചേ എന്നറിയാൻ..! "അതേയ്.. ഇതെങ്ങനെയാ ഇടുന്നേ പറഞ്ഞെരോ" എങ്ങനെയൊക്കെയോ അവൾ പറഞ്ഞൊപ്പിച്ചു കൊണ്ട് അവനിൽ നിന്നും മുഖം തിരിച്ചു... അപ്പോഴാണ് അവനും കാര്യം മനസ്സിലായത്..നേരത്തെ ആ വിളി എന്തിനായിരുന്നു എന്ന്...! "എന്നോടാണോ..?" "അല്ല.. തന്റെ.....ഇക്കൂനോട്‌ തന്നെ.." പറയുന്നത് പകുതിക്ക് നിർത്തി അവൾ പറഞ്ഞതും അവൻ പുച്ഛിച്ചു കൊണ്ട് അവളെ നോക്കി... "ആവശ്യം എന്റെ ആയിപ്പോയി.. അല്ലേൽ എന്റെ പട്ടി പോലും മിണ്ടില്ലായിരുന്നു.." "ഇപ്പൊ തൽക്കാലത്തിന് ഈ കുരങ്ങത്തി പോരേ.. പട്ടിയെ നമുക്ക് പിന്നെ കൊണ്ട് വരാം.." പിറു പിറുത്തത് അവൻ കേട്ടിരുന്നു എന്ന് അവൾക്ക് അപ്പോഴാണ് മനസ്സിലായത്.. അവൾ വേഗം പുറത്തേക്ക് നോക്കി എല്ലാവരോടും ഒന്നൂടെ യാത്ര പറഞ്ഞ് തിരിഞ്ഞതും അവൻ അവൾക്ക് നേരെ ചാഞ്ഞതും ഒരുമിച്ചായിരുന്നു...!....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...