Love for Unexpected💜: ഭാഗം 23

രചന: Ansiya shery

"നിന്നോടാരാ ഞാൻ കരയുമ്പോ വന്ന് തോണ്ടാൻ പറഞ്ഞത്...കുരങ്ങൻ.. പട്ടി.." അവളതും പറഞ്ഞ് ചുണ്ട് കോട്ടിയതും അവൻ പെട്ടെന്നവളെ പിടിച്ച് തന്റെ ദേഹത്തേക്ക് വലിച്ചിട്ടു.... മിഴിഞ്ഞ കണ്ണുകളോടെ നിഹ അവനെ നോക്കിയതും അവനവളുടെ ഇടുപ്പിൽ പിടിത്തമിട്ടു കൊണ്ട് തന്നിലേക്ക് ചേർത്ത് പിടിച്ചവളുടെ കണ്ണുകളിലേക്ക് നോക്കി പറഞ്ഞു... "ഐ ലൗ യൂ നിഹാ..." അവൻ പറഞ്ഞത് കേട്ട് മിഴിഞ്ഞിരുന്ന അവളുടെ കണ്ണുകൾ വീണ്ടും മിഴിഞ്ഞു... "എ.... എന്താ പ...." "ഇങ്ങനെയൊക്കെ ഞാൻ പറയുമെന്ന് നീ പ്രതീക്ഷിച്ചോ.. എന്റെ പട്ടി പറയും അങ്ങനെ... ഇപ്പൊ ഞാൻ ഇത് പറഞ്ഞപ്പോ നിന്റെ മുഖത്ത് കാണുന്ന ഈ വെപ്രാളം ഉണ്ടല്ലോ അതായിരുന്നു എനിക്ക് കാണേണ്ടത്.." പുച്ഛിച്ചു കൊണ്ട് പറഞ്ഞവൻ അവളിലുള്ള പിടി വിട്ടു... ദേഷ്യം വന്നെങ്കിലും ഒന്നും മിണ്ടാതെ അവൾ അവനെ കണ്ണുരുട്ടി നോക്കി... "ആഹ് പിന്നെ..വീട്ടിൽ നിന്ന് വിളിച്ചിരുന്നു.. ആ ജാസിം അങ്ങോട്ട് വന്നിരുന്നു.. നിന്നെ കൊണ്ട് പോകാൻ..." "എന്നിട്ട്... എന്നിട്ടെന്താ ഉണ്ടായേ.. അവനറിഞ്ഞോ..?"അത്രയും നേരം ഉണ്ടായിരുന്ന ദേഷ്യമെല്ലാം പോയി അവളിൽ വെപ്രാളം നിറഞ്ഞു... "ഇല്ല... അതൊക്കെ ഉപ്പയും അവരും കൈ കാര്യം ചെയ്തിട്ടുണ്ട്..." "ടെൻഷനടിപ്പിക്കാതെ എന്താ ഉണ്ടായതെന്ന് പറ..." "ഇപ്പൊ പറയാൻ സൗകര്യമില്ല... നിന്നോട് നല്ല രീതിയിൽ ഇവിടെ എന്തിനാ വന്നതെന്ന് ചോദിച്ചപ്പോ നീ പറഞ്ഞില്ലല്ലോ... അപ്പൊ ഞാനും പറയില്ല...."

പുച്ഛിച്ചു കൊണ്ടവൻ ഡോറിനരികിലേക്ക് നടന്നു...! "ഞാൻ പറയാം..." പിറകിൽ നിന്നും അവളുടെ ശബ്ദം കേട്ട് നിന്നു കൊണ്ടവൻ തിരിഞ്ഞു നോക്കി... "തോന്നുമ്പോ പറയുന്നത് കേൾക്കാൻ എനിക്ക് സൗകര്യമില്ല...എനിക്ക് തോന്നുമ്പോ പറയാം.. കൂടുതൽ അവിടിരുന്ന് മോങ്ങാതെ പോയി കിടന്നുറങ്ങെടി കുരങ്ങീ..." അതും പറഞ്ഞവൻ അകത്തേക്ക് കയറിപ്പോയതും അവൾ ദേഷ്യത്തിൽ നിലത്ത് ആഞ്ഞു ചവിട്ടി പിറുപിറുത്തു... "കുരങ്ങൻ... മനുഷ്യനെ ടെൻഷൻ അടിപ്പിച്ചിട്ടാ അവന്റെ ഒരു പോക്ക്...😬" 🌸🌸🌸🌸 രാവിലെ കണ്ണ് തുറന്നതും കണ്ടത് കണ്ണാടിക്ക് മുന്നിൽ നിന്ന് മുടി വാരുന്ന ആദിയെ ആണ്.... ബെഡ്‌ഡിൽ നിന്നും എഴുനേറ്റ് കോട്ടുവായിട്ട് കൊണ്ട് ഞാൻ അവളെ തന്നെ നോക്കി... "നീ മുടി വാരുവാണോ...?" "കണ്ടിട്ട് എന്താ തോന്നുന്നത്...?"തിരിഞ്ഞവളെന്നെ നോക്കി ചോദിച്ചതും ഞാൻ ഇളിച്ചു കാണിച്ചിട്ട് പറഞ്ഞു... "ഏതോ ദാരിദ്രവാസി കണ്ണാടിക്ക് മുന്നിൽ നിന്ന് ഫാഷൻ ശോ നടത്തുവാണെന്ന്..." "പ്പ്ഹാ...."അവളൊറ്റ ആട്ട് ആട്ടിയതും ഇളിച്ചു കൊണ്ട് തന്നെ ഞാൻ ബെഡ്‌ഡിൽ നിന്നും എഴുന്നേറ്റു.... "ഷെഫി എവിടെ... എണീറ്റ് പോയോ..?" "ഹാ പോയി....നീ നിസ്കരിച്ചിട്ട് വാ...ഞാൻ താഴേക്ക് പോകാ..."

അതിന് തലയാട്ടിക്കൊടുത്തിട്ട് ഞാൻ ബാത്‌റൂമിലേക്ക് കയറി...മുഖം കഴുകി വുളൂ എടുത്ത് കൊണ്ട് പുറത്തേക്കിറങ്ങി നിസ്കരിച്ചു... നിസ്കാരത്തിന് ശേഷം മുറിയിൽ നിന്നും പുറത്തേക്കിറങ്ങി താഴേക്ക് ചെന്നു... ഹാളിൽ തന്നെ ഉപ്പുപ്പയും ഉമ്മുമ്മയും അമ്മാവന്മാരുമൊക്കെ ഇരുന്ന് സംസാരിക്കുന്നുണ്ട്.... "ഹാ മോൾ വന്നോ... ആദി പറഞ്ഞായിരുന്നു... എണീറ്റിട്ട് നിസ്കരിക്കുവായിരുന്നെന്ന്..." ഉമ്മുമ്മ പറഞ്ഞതും ഞാൻ ഒന്ന് ചിരിച്ചിട്ട് എല്ലാവരേയും നോക്കി... അമ്മായിമാർ ഒഴികെ ബാക്കി എല്ലാവരും അവിടെയുണ്ട്... ആ കുരങ്ങൻ മാത്രം ഫോണിൽ തോണ്ടി ഇരിക്കുവാണ്... ഇവന്റെ ഓൾ പെറ്റ് കിടക്കുന്നുണ്ടോ അതിൽ.. 🌸🌸🌸🌸 "നിഹുട്ടി... പുറത്തേക്ക് വരുന്നോ..നിനക്ക് എന്റെ നാട് ഞാൻ കാണിച്ചു തരാം.." ബ്രേക്ക് ഫാസ്റ്റിൻ ശേഷം ബോറടിച്ചിരിക്കുമ്പോഴായിരുന്നു ആഷി പെട്ടെന്നത് വന്ന് പറഞ്ഞത്... കേട്ടതും നിഹ പെട്ടെന്ന് ബെഡ്‌ഡിൽ നിന്നും ചാടി എഴുന്നേറ്റു... "ഞാൻ റെഡി...😍" "ഞാൻ ആ പോലീചിനെ കൂടി വിളിച്ചിട്ട് വരാം..നിന്നെ മാത്രം കൊണ്ടോയാൽ ചിലപ്പോ കേസ് കൊടുത്താലോ.." ഇളിച്ചു കൊണ്ട് അതും പറഞ്ഞവൻ പോയതും നിഹ ചിരിച്ചു കൊണ്ട് ബാക്കി രണ്ടിനെയും നോക്കി... "ആ കോഴി ഉണർന്നു... നീ ആ കോഴിയുടെ വലയിൽ വീഴാതിരിക്കാൻ നോക്കേണ്ടത് ഞങ്ങളാണ്.. അത് കൊണ്ട് ഞങ്ങളും ഉണ്ട്..."

മറുപടിക്ക് കാക്കാതെ എണീറ്റ് പോയവരെ കണ്ട് അവൾക്ക് വീണ്ടും ചിരി പൊട്ടി...! 🌸🌸🌸🌸 "വൗ..... എന്ത് ഭംഗിയാ കാണാൻ...." ഫോണിലെ ക്യാമറയിലേക്ക് ഫോട്ടോ പകർത്തുന്നതിനിടെ ഇച്ചു പറഞ്ഞത് കേട്ട് അവൻ മുന്നേ നടന്നിരുന്ന നിഹ തിരിഞ്ഞു നോക്കി... "ഫോണിലല്ല കണ്ണെങ്കിൽ ഈ ഭംഗി എന്നും കാണാം.." പുച്ഛിച്ചവൾ പറഞ്ഞതും അവനവളെ കൂർപ്പിച്ചു നോക്കിയിട്ട് മുഖം തിരിച്ചു... "ദേ നോക്ക്....ഈ കാണുന്നതാണ് നമ്മുടെ പാടം..." ചുറ്റുമൊന്നാകെ വിരൽ ചൂണ്ടി ആഷി പറഞ്ഞതും ഇച്ചുവും നിഹയും എല്ലായിടത്തേക്കും മിഴികൾ പായിച്ചു... "സത്യം പറയാലോ... എന്ത് ഭംഗിയാ ഈ നാട് കാണാൻ.... ഫുൾ പച്ചപ്പ് മാത്രം..." "അതാണ് ഞങ്ങൾ പാലക്കാട്ടുകാരുടെ ഒരു പവർ" നിഹ പറഞ്ഞതിന് പിറകെ ആഷി പറഞ്ഞതും എല്ലാവരും ചിരിച്ചു.... കുറച്ച് ദൂരം നടന്നതും ചെന്നെത്തിയത് ഒരു ഗ്രൗണ്ടിലാണ്... "ഇവിടെയാണ് ഞങ്ങളും ബാക്കി ഉള്ളവരും ഫുട്ബോളും ക്രിക്കറ്റും ഒക്കെ കളിക്കാർ..." "നമുക്ക് കളിച്ചാലോ...?" മിഴികൾ വിടർത്തി നിഹ ആഷിയെ നോക്കി.... "അറിയാവുന്ന പണിക്കേ പോകാവൂ...ഇല്ലേൽ പണി കിട്ടും.."ഇച്ചു ആരോടെന്നില്ലാതെ പറഞ്ഞതും നിഹ അവനെ കൂർപ്പിച്ചു നോക്കി.. അതിനെ പുച്ഛിച്ചു കൊണ്ടവൻ മുഖം തിരിച്ചു....

"ആഷിക്കാ... പ്ലീസ്... നല്ല ആഷിക്ക അല്ലേ... നമുക്ക് കളിക്കാം..." നിഹ നിഷ്കു ഭാവത്തിൽ ആഷിയെ നോക്കിയതും അവൻ ഇളിച്ചിട്ട് തലയാട്ടി... "വാ ഇച്ചു കളിക്കാം...." "ഞാനില്ല...."ആഷി വിളിച്ചതും അവൻ അതും പറഞ്ഞ് അടുത്തുള്ള കല്ലിലിലിരുന്ന് ഫോണിൽ തോണ്ടാൻ തുടങ്ങി... "ഇല്ലാത്തോർ വേണ്ട... നിങ്ങൾ വാടി..." ആദിയേയും ഷെഫിയേയും നോക്കി നിഹ പറഞ്ഞതും രണ്ടാളും ഓകെ എന്ന് പറഞ് ഗ്രൗണ്ടിലേക്കിറങ്ങി.... "അല്ല എന്ത് കളിയാ കളിക്കൻ നീ പറഞ്ഞത്...?"ആഷി അവളെ നോക്കി ചോദിച്ചു... "ഫുട്ബോൾ..." "ഫുട്‌ബോളോ..? അതിന് പന്ത് ഇല്ലല്ലോ..?" "ഇല്ലേ....?" നിഹ ദയനീയ ഭാവത്തോടെ നേരെ നോക്കിയത് ഇച്ചുവിന്റെ മുഖത്തേക്ക്...അവനവളെ നോക്കി പുച്ഛിച്ചു ചിരിക്കുന്നത് കണ്ട് അവൾക്കങ് എരിഞ്ഞു കയറി.... "ഫുട്‌ബോൾ ഇല്ലെങ്കിൽ എന്താ... വേറെ കളിയും കളിക്കാലോ... നമുക്ക് തൊട്ട് കളി കളിക്കാം..." ആഷി പറഞ്ഞത് കേട്ട് ഇച്ചു അവനെ വാ പൊളിച്ചു നോക്കി... ഇതിന് ഇത്ര വിവരമേ ഉണ്ടായിരുന്നുള്ളു പടച്ചോനേ.... "ഞാൻ റെഡി... പണ്ടെങ്ങാണ്ടോ കളിച്ചതാണ് അത്....അത് കൊണ്ട് അത് തന്നെ മതി..." ഇച്ചുവിനെ പുച്ഛിച്ച് നിഹ പറഞ്ഞതും അവൻ ഒന്ന് തല കുടഞ്ഞു കൊണ്ട് ഫോണിലേക്ക് തലയിട്ടു...! 🌸🌸🌸🌸

കുറച്ച് കഴിഞ്ഞതും ആരോ മോങ്ങുന്ന ശബ്ദം കേട്ടാണ് ഇച്ചു തല ഉയർത്തി നോക്കിയത്... ഗ്രൗണ്ടിന്റെ നടുവിൽ തന്നെ കൈ മുട്ടിൽ നിന്നും നെറ്റിയിൽ നിന്നും ചോര ഒലിച്ചിരിക്കുന്ന നിഹയെ കണ്ട് അവന്റെ കണ്ണ് തള്ളി.... "അള്ളോഹ്... ഉമ്മാ... നിക്ക് വയ്യേ..." വലിയ വായിൽ കരയുന്നവളെ കണ്ടതും അവൻ മറുത്തൊന്നും ചിന്തിക്കാതെ ഫോൺ പോക്കറ്റിലിട്ടിട്ട് അവൾക്കടുത്തേക്ക് പാഞ്ഞു ചെന്നു....! "എന്താ... എന്താ പറ്റിയേ..?"വെപ്രാളത്തോടെ അവൻ ചോദിച്ചതും നിഹ അവനെ കണ്ണ് മിഴിച്ചു നോക്കി... "ഇങ്ങനെ കണ്ണ് മിഴിച്ചിരിക്കാണ്ട് കാര്യം പറയെടി..."അവൻ ഒച്ചയിട്ടതും അവൾ ഞെട്ടി... "അ.. അത് പിന്നെ.. കളിക്കുന്നതിനിടയിൽ വീണ് പോയതാ..."അവൾ പറഞ്ഞു നിർത്തിയതും ഇച്ചു ബാക്കി മൂന്നിനേയും ദഹിപ്പിച്ചു നോക്കി.... "എന്തൊക്കെ ആയിരുന്നു.. തൊട്ട് കളി... തൊട്ടാത്ത കളി... ഉമ്മയെങ്ങാനും നീ ഈ വീണത് അറിഞ്ഞാൽ ആദ്യം എന്നെ കൊല്ലും..." പല്ലിറുമ്പിക്കൊണ്ട് അവൻ പറഞ്ഞതും നിഹ ഒന്നും പറയാതെ തല താഴ്ത്തി.... "വാ... കളിയൊക്കെ മതി.. പോകാം..." അവൾക്ക് നേരെ കൈ നീട്ടി അവൻ പറഞ്ഞതും അവൾ തലയുയർത്തി അവനെ നോക്കി...

. "എന്നെ നോക്കി ഇരിക്കാണ്ട് കൈ പിടിക്കെടി..."അവൻ വീണ്ടും ഒച്ചയിട്ടതും അവൾ ഞെട്ടിക്കൊണ്ട് അവന്റെ കയ്യിൽ പിടിച്ചു... "ആഹ്....."അവൻ കൈ വലിച്ചപ്പോൾ മുട്ട് വേദനിച്ചതും അവൾ ഒച്ചയിട്ടു... "ഓഹ്... ഈ കയ്യിലായിരുന്നല്ലോ മുറി.. മറ്റേ കൈ താ..."അവളുടെ ഇടത്തേ കയ്യിൻ നേരെ കൈ നീട്ടി അവൻ പറഞ്ഞതും അവൾ ആ കൈ നീട്ടി... അതിൽ പിടിച്ചു കൊണ്ട് അവൻ അവളെ എഴുനേൽപ്പിച്ച് നിർത്തി... "എന്ത് നോക്കി നിൽക്കുവാ ഇനി നിങ്ങളൊക്കെ... ഇവളെ കൊണ്ട് വീട്ടിലേക്ക് നടക്ക്..." കണ്ണും മിഴിച്ച് നിൽക്കുന്ന മൂന്നെണ്ണത്തിനെയും നോക്കി അവൻ പറഞ്ഞതും ആദിയും ഷെഫിയും അവർക്കടുത്തേക്ക് പാഞ്ഞു വന്നു.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...