Love for Unexpected💜: ഭാഗം 27

രചന: Ansiya shery

"വേഗം പോയിട്ട് എല്ലാവരേയും കൂട്ടിട്ട് പിന്നീടൊരിക്കൽ വാട്ടോ.. രണ്ടാളോടും കൂടെയാ പറഞ്ഞേ" ഉമ്മുമ്മ പറഞ്ഞതും രണ്ട് പേരും തലയാട്ടി. ഒരു വട്ടം കൂടെ എല്ലാവരോടും യാത്ര പറഞ്ഞു കൊണ്ട് ഇച്ചു കാർ സ്റ്റാർട്ട്‌ ചെയ്തു. ഗേറ്റിനരികെ എത്തിയതും തല പുറത്തേക്കിട്ട് കൊണ്ട് നിഹ തിരിഞ്ഞു നോക്കി. "പോയിട്ടാ ആഷിക്കാ"കുറച്ചകലെയായി നിൽക്കുന്ന അവനെ നോക്കി അവൾ പറഞ്ഞതും ഇച്ചു പെട്ടെന്ന് ഒരു കൈ കൊണ്ട് അവളെ പിടിച്ച് സീറ്റിലേക്ക് ഇരുത്തി. "അടങ്ങി ഇരിക്കെടീ അവിടെ. മതി യാത്ര പറഞ്ഞത്"ഡ്രൈവിങ്ങിലേക്ക് ശ്രദ്ധ തിരിച്ചു കൊണ്ട് തന്നെ അവൻ പറഞ്ഞതും നിഹ മുഖം വീർപ്പിച്ച് പുറത്തേക്ക് നോക്കിയിരുന്നു. കുറേ നേരം കഴിഞ്ഞിട്ടും അവളൊന്നും മിണ്ടാത്തത് കണ്ടപ്പോ അവനെന്തോ അസ്വസ്ഥത പോലെ തോന്നി. "കുഞ്ഞീ"അവളെ നോക്കാതെ തന്നെ അവൻ വിളിച്ചതും നിഹ അവനെ പല്ല് കടിച്ച് നോക്കി. "ഡോ എന്നെ കുഞ്ഞീ എന്ന് വിളിക്കണ്ട. എനിക്കൊരു പേരുണ്ട്. നിഹ അത് വിളിച്ചാൽ മതി" "ഇല്ലേൽ"കുസൃതി ചിരിയോടെ അവൻ ചോദിച്ചതും അവളുടെ മുഖം ചുവന്നു. "സത്യത്തിൽ എന്താ നിന്റെ പ്രശ്നം" "എന്ത് പ്രശ്നം?"അവൻ സംശയത്തോടെ അവളെ ഒന്ന് നോക്കിയതിന് ശേഷം വീണ്ടും മുന്നോട്ട് നോക്കി ഓടിക്കാൻ തുടങ്ങി.

"ഇന്നലെ എന്തിനാ താൻ എന്നോട് ഐ ലൗ യൂ പറഞ്ഞത്. ആളെ കളിയാക്കുന്നതിനും ഒരു പരിധിയുണ്ട്" ഒരു ഞെട്ടലോടെ അവൻ വണ്ടി നിർത്തിക്കൊണ്ട് അവളെ നോക്കി. "കളിയാക്കുകയോ? ഞാൻ കളിയാക്കിയത് ഒന്നുമല്ല. കാര്യം പറഞ്ഞത് തന്നെയാ. എനിക്ക് നിന്നെ ഇഷ്ടമാ. അത് അന്ന് നമ്മൾ ബസ്സിൽ വെച്ച് കണ്ട് മുട്ടിയപ്പോ തന്നെ തോന്നിയതാണ്. നിന്നോട് ഇന്നലെയേ പറഞ്ഞു എന്നൊള്ളു. നിനക്ക് അത് തമാശയായി തോന്നിയെങ്കിൽ എന്റെ പ്രശ്നമല്ല" ഗൗരവത്തിലാണ് അവനത് പറഞ്ഞതെങ്കിലും ഉള്ളിൽ ദേഷ്യവും സങ്കടവും നിറഞ്ഞിരുന്നു. അവളിൽ നിന്നും മുഖം തിരിച്ച് കാർ സ്റ്റാർട്ട്‌ ചെയ്ത് കൊണ്ട് അവൻ ഓടിക്കാൻ തുടങ്ങി. നിഹയാകെ തരിച്ച് നിൽക്കുകയായിരുന്നു. ഇന്നലെ അവൻ തമാശക്ക് പറഞ്ഞതായിരിക്കും അതെന്നാണ് കരുതിയത്. പക്ഷെ ഇപ്പോ അവൻ പറഞ്ഞതൊക്കെ കേൾക്കുമ്പോ അത് കാര്യമായിട്ടാണെന്ന് മനസ്സിലായി. അവൾക്കെന്തോ കുറ്റബോധം തോന്നി.എന്തൊക്കെയോ പറയണം എന്നുണ്ടെങ്കിലും അവന്റെ പ്രതികരണം ഭയന്ന് ഒന്നും മിണ്ടിയില്ല. 🌸🌸🌸🌸 "നിഹു ഡീ പോത്തേ.. എഴുനേൽക്കെടി.. എന്തൊരു ഉറക്കമാണിത്" ആരോ തട്ടിവിളിക്കുന്നത് പോലെ തോന്നിയാണ് ഞാൻ കണ്ണുകൾ തുറന്നത്.മുന്നിൽ നിൽക്കുന്ന മറിയുനെ കണ്ടതും ഞെട്ടലോടെ നേരെ എഴുനേറ്റിരുന്ന് പുറത്തേക്ക് നോക്കി. "വീടെത്തിയോ?" "എത്തി. ഇച്ചുക്ക എന്നോട് നിന്നെ വിളിക്കാൻ പറഞ്ഞിട്ട് അകത്തേക്ക് പോയി.

നീ എന്താ ഇന്നലെ രാത്രി ഉറങ്ങിയിട്ടൊന്നുമില്ലേ"അവൾ അടിമുടി നോക്കി ചോദിച്ചതും ഞാനൊന്ന് ഇളിച്ചു കാണിച്ചു. "കാറ്റടിച്ചപ്പോ അറിയാതെ ഒന്ന് ഉറങ്ങിപ്പോയി" "മ്മ്.. അകത്തേക്ക് വാ.. എല്ലാരും നിന്നെ കാത്തിരിക്കുകയാ" പുറത്തേക്കിറങ്ങിക്കൊണ്ട് ഡോറടച്ച് ഞാൻ അവളുടെ കൂടെ വീട്ടിലേക്ക് നടന്നു. അകത്തേക്ക് കയറിയതും ഹാളിൽ തന്നെ ഇരിക്കുന്ന ആന്റിയേയും അങ്കിളിനേയും പാച്ചുക്കാനേയും ഷാലുത്താനേയും കണ്ടതും കണ്ണുകൾ വിടർന്നു. "ആന്റി"അതും പറഞ്ഞ് ഓടിച്ചെന്ന് കൊണ്ട് ഞാൻ ആന്റിയെ കെട്ടിപ്പിടിച്ചു. എന്തോ കണ്ണുകൾ ഒക്കെ നിറയുന്നുണ്ടായിരുന്നു. കുറേ ദിവസം ഇവരെ പിരിഞ്ഞിരുന്നത് കൊണ്ടാകാം. "നിഹൂട്ടി ഞങ്ങളെ ഒക്കെ മറന്നോ?"പാച്ചുക്കാടെ ചോദ്യം കേട്ടതും ഞാൻ ആന്റിയിൽ നിന്നും വിട്ട് നിന്ന് ഇക്കാനെ നോക്കി ചിരിച്ചു. "അങ്ങനെയങ്ങ് മറക്കാൻ പറ്റുമോ?പാച്ചുക്കാ സുഖല്ലേ.. അങ്കിളേ.. ഷാലുത്താ" ഒരുപാട് ദിവസത്തിൻ ശേഷം എല്ലാവരേയും ഒരുമിച്ച് കണ്ടപ്പോൾ പറഞ്ഞറിയിക്കാൻ പറ്റാത്ത സന്തോഷമായിരുന്നു എനിക്ക്. "അധികം നിന്ന് സംസാരിക്കാതെ മോൾ ഫ്രഷ് ആയി വാ. ഞാൻ ഫുഡ്‌ എടുത്ത് വെക്കാം. വിശക്കുന്നുണ്ടാകും" ആന്റി പറഞ്ഞതും ഞാൻ തലയാട്ടിക്കൊണ്ട് മുറിയിലേക്ക് ചെന്നു.

ഡോർ തുറന്ന് അകത്തേക്ക് കയറിയതും നിലത്തിരിക്കുന്ന എന്റെ ബാഗ് കണ്ടു. അവൻ കൊണ്ട് വെച്ചതാകും. ബാഗ് തുറന്ന് അതിൽ നിന്നും ഇടാനുള്ള ഡ്രെസ്സും തോർത്തും എടുത്ത് ബാത്‌റൂമിലേക്ക് കയറി. ഫ്രഷ് ആയി ഇറങ്ങിയതും ബെഡ്‌ഡിലിരിക്കുന്ന മറിയുനെ കണ്ടു. "നീ തടിച്ചല്ലോ മറിയുമ്മേ"ഞാൻ പറഞ്ഞതും അവൾ ആണോ എന്ന നിലക്ക് എന്നെ നോക്കി. ഞാൻ അതേ എന്ന നിലക്ക് തലയാട്ടിയതും അവൾ പെട്ടെന്ന് ഓടി വന്നെന്നെ കെട്ടിപ്പിടിച്ചു. "സന്തോഷമായെടി.. നീയെങ്കിലും ഞാൻ തടിച്ചെന്ന് പറഞ്ഞല്ലോ. തടി ഇല്ല ഇല്ല എന്നത് കേട്ട് മടുത്തു. ഒരാളേലും ഉണ്ടെന്ന് പറഞ്ഞപ്പോൾ സമാധാനമായി" അവൾ പറഞ്ഞതൊക്കെ കേട്ടപ്പോൾ എനിക്ക് ചിരി വന്നു. ------ ഫുഡ്‌ കഴിക്കലൊക്കെ കഴിഞ്ഞതും ഹാളിൽ ഒരുമിച്ചിരുന്ന് നാട്ടിലെ വിശേഷങ്ങളൊക്കെ പറയുമ്പോൾ എല്ലാവരേക്കാളും സന്തോഷം ആന്റിയിൽ ഞാൻ കണ്ടിരുന്നു. ഒരുപാട് ആഗ്രഹിച്ചിട്ടുണ്ടാകും ആ മനസ്സ്. സ്വന്തം വീട്ടുകാരേയും ആ നാടും ഒന്ന് കാണാൻ. "പിന്നേ മോളേ ആ ജാസിം വന്നിരുന്നു ഇവിടെ"അങ്കിൾ പെട്ടെന്ന് പറഞ്ഞതും ഞാൻ അപ്പോഴാണ് ആ കാര്യം ഓർത്തത്. എന്റെ അടുത്തിരിക്കുന്ന ഇച്ചുവിനെ നോക്കിയതും അവനൊരു കള്ള ചിരിയോടെ എന്നെ നോക്കുകയാണ്. അതിലെന്തോ പന്തികേടുണ്ടല്ലോ..!

"എന്താ എന്താ അങ്കിൾ ഉണ്ടായത്"ആകാംക്ഷയോടെ ഞാൻ ചോദിച്ചതും അവർ പരസ്പരം മാറി മാറി നോക്കി പറയെന്ന് ആംഗ്യം കാട്ടുന്നത് കണ്ടപ്പോൾ എന്തോ സീരിയസ് ആയിട്ട് പറഞ്ഞിട്ടുണ്ടെന്ന് മനസ്സിലായി. "എന്താ ആരും ഒന്നും മിണ്ടാത്തേ. എന്താ ഉണ്ടായേ.വല്ല പ്രശ്നവും ഉണ്ടാക്കിയോ?" "അത് പിന്നെ.. മോളെങ്ങനെ എടുക്കും ഈ കാര്യം എന്ന് എനിക്കറിയില്ല. പക്ഷെ അപ്പോ അവൻ വന്നപ്പോൾ എനിക്കങ്ങനെയാണ് പറയാൻ തോന്നിയത്" "എന്താ പറഞ്ഞേ?" "അവൻ വന്നപ്പോൾ കൂടെ രണ്ട് പോലീസുകാരും ഉണ്ടായിരുന്നു. നിന്നെയും ഇവനെയും ചോദിച്ചപ്പോൾ ഞങ്ങൾ ഹണിമൂണിൻ പോയിരിക്കുക ആണെന്നാണ് പറഞ്ഞത്" "അതാണോ ഇത്ര വലിയ കാര്യം. അന്നിപ്പോ കല്യാണം കഴിഞ്ഞതും ഇത് പോലെ പറഞ്ഞില്ലായിരുന്നതല്ലേ. പിന്നെന്തിനാ ഇത്ര ടെൻഷൻ" മറുപടി കൊടുക്കുമ്പോഴും അവരില്ലെല്ലാം എന്തോ വെപ്രാളമുള്ളത് പോലെ എനിക്ക് തോന്നി. "അതല്ല മോളേ.നിങ്ങൾ തമ്മിൽ ഒരുപാട് മുമ്പേ പരിജയം ഉണ്ടെന്നും മുന്നേ പ്രണയിച്ചവരായിരുന്നു എന്നും ആ പോലീസുകാരെ വിശ്വസിപ്പിക്കാൻ വേണ്ടി ഞങ്ങൾക്ക് പറയേണ്ടി വന്നു" ആന്റി പറഞ്ഞതും ഞെട്ടലോടെ ഞാൻ ഇച്ചുവിനെ നോക്കി. നേരത്തെ ഉണ്ടായിരുന്ന അതേ ചിരി ഇപ്പോഴും ആ ചുണ്ടിലുണ്ട്.

"പ..പക്ഷെ ആന്റി.." പറയാൻ ഒന്നും കിട്ടുന്നില്ലായിരുന്നു. "എന്തൊക്കെ പറഞ്ഞിട്ടും അവര് ഒതുങ്ങുന്നില്ലെന്ന് കണ്ടപ്പോൾ അവസാനം നിനക്ക് വയറ്റിലുണ്ടെന്ന് ഞങ്ങൾക്ക് പറയേണ്ടി വന്നു" പാച്ചുക്ക പറഞ്ഞത് കേട്ട് ഞാൻ വീണ്ടും ഞെട്ടി പണ്ടാരമടങ്ങി.ഇത് വരെ കല്യാണം പോലും കഴിയാത്ത ഞാൻ ഗർഭിണിയോ😲 ഇത് കൊണ്ടായിരുന്നോ ഈ കുരങ്ങൻ എന്നോട് ഒന്നും പറയാതിരുന്നത്. ഞാൻ അവനെ നോക്കിയതും പല്ല് മുഴുവൻ കാണിച്ച് ഇളിക്കുവാ. പട്ടി😬 "മോളെന്താ ഒന്നും പറയാത്തത്?" "അല്ല അങ്കിൾ. അവൻ ഇനിയും പ്രശ്നം ഉണ്ടാക്കില്ലെന്ന് എന്താ ഉറപ്പ്. ഇതൊക്കെ കള്ളമാണെന്ന് ചിലപ്പോ അവൻ അറിയാമായിരിക്കും" "അറിയാം മോളേ. അവനെ വിശ്വസിപ്പിക്കാൻ അല്ല. ആ പോലീസുകാരെ വിശ്വസിപ്പിക്കാൻ വേണ്ടി ആണ് ഞാൻ അങ്ങനെ പറഞ്ഞത്. പിന്നേ കുറച്ച് കാലത്തേക്ക് അവന്റെ ശല്യം ഇനി ഉണ്ടാകില്ല" "അതെന്താ?" "ഒരു മോഷണക്കേസിൽ അവനിപ്പോ ജയിലിലാണ്" കേട്ടപ്പോ ഞെട്ടലൊന്നും തോന്നിയില്ല.അറിഞ്ഞ നാൾ തൊട്ടേ അവനിങ്ങനെ ഒരു സ്വഭാവമുള്ള കാര്യം എനിക്കറിയാവുന്നതാണ്.

മാസത്തിൽ ഒരു ദിവസമെങ്കിലും ഏതെങ്കിലും വീട്ടിൽ കയറി മോഷ്ടിച്ചില്ലെങ്കിൽ സമാധാനം കിട്ടില്ല. ഇപ്പോഴും അത് പോലെ തന്നെ. "അല്ല ഇവിടെയുള്ള ബാക്കി ഉള്ളവരൊക്കെ എവിടെ?" പെട്ടെന്നെന്തോ ഓർത്ത പോലെ ഞാൻ ചുറ്റും നോക്കി ചോദിച്ചു. "അവര് ഇന്നലെ പോയി" "പോയെന്നോ..?ഞങ്ങൾ വന്നിട്ടേ പോകൂ എന്നൊക്കെ പറഞ്ഞിട്ട്. അമ്മായിയും മൂത്തമ്മയും ഒക്കെ എനിക്ക് വാക്ക് തന്നത് ആയിരുന്നല്ലോ" "അത് പിന്നേ പെട്ടെന്നെന്തോ ജോലിത്തിരക്ക് കാരണം പോയതാ. എല്ലാ പ്രശ്നവും ഒതുങ്ങിയിട്ട് ഇങ്ങോട്ട് വരാം എന്ന് ഏറ്റിട്ടുണ്ട്" മറുപടിയൊന്നും പറഞ്ഞില്ല. അവരെയെല്ലാം ഒത്തിരി മിസ് ചെയ്യുന്നുണ്ടായിരുന്നു. അമ്മായിയേയും മൂത്തമ്മയേയും മൂത്താപ്പയേയും അമ്മാവനേയും റഷയേയും ദിലുക്കാനെയും ഒക്കെ..!...തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...