Love for Unexpected💜: ഭാഗം 30

രചന: Ansiya shery

"ഉമ്മാ ഞാനിറങ്ങാ..." ഹാളിലിരുന്ന് ഇന്നത്രെ പത്രമൊന്ന് ഓടിച്ചു നോക്കുന്നതിനിടയിലാണ് അങ്ങനെയൊരു ശബ്ദം കേട്ടത്...അത് കേട്ടിടത്തേക്ക് നോക്കിയതും സ്റ്റെപ്പിറങ്ങി വരുന്ന ആളെ കണ്ട് ഞെട്ടി ഇരുന്നിടത്ത് നിന്നും എഴുന്നേറ്റു.. പിരിച്ചു വെച്ച മീശയും തലയിലെ തൊപ്പിയും ക്ളീൻ ഷേവ് ചെയ്ത താടിയും... ഉഫ്.. ഒരു ചുള്ളൻ പോലീസ്... ഉള്ളിലെ കോഴി ഉണർന്നോന്ന് സംശയമില്ലാതില്ല... "ഡീ...."എന്ന അലർച്ച കേട്ടാണ് ഞാൻ വായിനോട്ടം നിർത്തി ശെരിക്കൊന്ന് അവനെ നോക്കിയത്.. പടച്ചോനേ..ഈ മുഖം ഞാനെവിടെയോ..🤔ങേ... ഇത് ഇതവനല്ലേ..യെസ് അവൻ തന്നെ... എന്റെ കുരങ്ങൻ.. ഛെ അല്ലല്ല കുരങ്ങൻ... ഇന്നലെ വരെ ഉണ്ടായിരുന്ന താടിക്കാടൊക്കെ വെട്ടിക്കളഞ്ഞോണ്ട് എനിക്ക് മാറിപ്പോയതാ... ശെ എന്നാലും ഇവനെയാണല്ലോ ഞാൻ വായി നോക്കിയത്... "എന്നെ കാണാൻ ഭംഗിയില്ലേ.." ചിന്തയിൽ നിന്നും ഉണർന്ന് ഞെട്ടി നോക്കിയതും എന്റെ തൊട്ട് മുന്നിൽ നിൽക്കുന്ന അവനെ കണ്ട് ഒരടി പിന്നോട്ട് നീങ്ങി.... "പറ...."എന്ന അവന്റെ ചോദ്യം കേട്ടതും ഞാൻ സംശയത്തോടെ വീണ്ടും നോക്കി... "എന്നെ കാണാൻ ഭംഗിയില്ലേ..?"എന്റെ കണ്ണുകളിലേക്ക് നോക്കിയാണ് ചോദ്യം..പെട്ടെന്നാണ് മൈൻഡിലൊരു ഐഡിയ ഉദിച്ചത്... "പാടത്ത് വെക്കാൻ പറ്റിയ കോലത്തിനുള്ള ഭംഗി ഉണ്ട്.."ഇളിയോടെ പറഞ്ഞതും അവന്റെ മുഖം ചുവക്കുന്നത് കണ്ടപ്പോ അതും നിന്നു...

പതിയെ പിറകിലേക്ക് നീങ്ങി അവനെന്തെങ്കിലും ചെയ്യുന്നതിന് മുന്നേ തട്ടിമാറ്റിക്കൊണ്ട് അടുക്കളയിലേക്ക് ഒറ്റ ഓട്ടം ആയിരുന്നു... ഉമ്മാടെ അടുത്ത് എത്തിയപ്പോഴാണ് ആ ഓട്ടം നിന്നത്... "എന്താ മോളേ.."എന്ന ചോദ്യത്തിന് മറുപടിയായി ഒന്നിളിച്ചു കൊണ്ട് ഞാൻ ചുമൽ കൂച്ചി... 🌸🌸🌸🌸 ആ കുരങ്ങൻ പോയതിന് ശേഷമാണ് ഞാൻ പിന്നെ അകത്തേക്ക് ചെന്നത്.. വെറുതെയെന്തിനാ രാവിലെ തന്നെ അടി മേടിച്ചു കൂട്ടുന്നത്..😁 നേരത്തെ നോക്കിക്കൊണ്ടിരുന്ന പത്രമെടുത്ത് കൊണ്ട് ചെയറിലിരുന്ന് വായിക്കാൻ തുടങ്ങി... അപ്പോഴാണ് കണ്ണും തിരുമ്മി മറിയു ഇറങ്ങി വരുന്നത് കണ്ടത്... നിസ്കരിക്കാൻ ഇല്ലാത്തോണ്ട് തെണ്ടി ഇപ്പോഴാണ് എഴുനേറ്റ് വരുന്നത്.. ഞാൻ വേഗം പത്രം ഒന്ന് മറിച്ചു കൊണ്ട് മുകളിലേക്കുയർത്തി വായിക്കാൻ തുടങ്ങി... "നേരം വൈകി എഴുന്നേറ്റ പത്തൊമ്പത് വയസ്സുകാരിക്ക് അപകടം: രാവിലെ പത്ത് മണിക്ക് എഴുനേറ്റ് സ്റ്റെപ്പിറങ്ങി വരികയായിരുന്ന പത്തൊമ്പത്കാരിയെ പാറ്റ കടിച്ചു.. പെട്ടെന്നുണ്ടായ കടിയിൽ കാലുയർത്തിയ ആ പത്തൊമ്പത്കാരി തെന്നി സ്റ്റെപ്പിൽ നിന്നും വീണു.. ശേഷം വീട്ടുകാരെല്ലാവരും കൂടെ എടുത്തോണ്ട് ആണ് ഹോസ്പിറ്റലിലേക്ക് കൊണ്ട് പോയത്.. നടുവുളുക്കി എന്നും കാൽ ചതഞ്ഞു എന്നുമാണ് ഡോക്ടർമാർ നൽകിയ റിപ്പോർട്ട്...

ഒപ്പം പാറ്റ കടിച്ച് വട്ടത്തിൽ മുറിവും ആയിട്ടുണ്ട്.. എഴുപത് സൂചി വെക്കണം എന്നാണ് ഇപ്പോൾ പറയുന്നത്..പാവം ഓരോരുത്തരുടെ വിധിയേ.." നെടുവീർപ്പിട്ട് അത്രയും പറഞ്ഞ് പത്രം മടക്കി വെച്ച് നേരെ നോക്കിയതും മുന്നിൽ കണ്ണും തള്ളി നിൽക്കുന്ന ഉമ്മയേയും അങ്കിളിനേയും പാച്ചുക്കാനേയും ഷാലുത്താനേയും ആണ് കണ്ടത്.. ഒന്ന് ഞെട്ടിയെങ്കിലും പിന്നെ അവരെ നോക്കി ഇളിച്ചു... തല ചെരിച്ച് സ്റ്റെപ്പിന്റെ അവിടേക്ക് നോക്കിയതും വിറച്ച് വിറച്ച് ഓരോ പടികളിറങ്ങുന്ന മറിയൂനെ ആണ് കണ്ടത്.. ഹി.. ഹി.. സംഗതി ഏറ്റു... "അല്ല മോളേ... നീയെന്ത് കടിച്ചെന്നാ ഇപ്പൊ വായിച്ചേ..?" അങ്കിളിന്റെ ചോദ്യം കേട്ടതും ഞാൻ അവർക്ക് നേരെ തിരിഞ്ഞു... "അത് പിന്നെ... പാറ്റ..." "പാറ്റ കടിക്കോ..?"ചോദിച്ചത് പാച്ചുക്ക ആയിരുന്നു.. "കടിക്കൂലേ..?"ഞെട്ടലോടെ ചോദിച്ചു കൊണ്ട് ഞാൻ ഇടം കണ്ണിട്ട് മറിയുനെ നോക്കിയതും അവൾ നടന്ന് സംശയത്തോടെ എന്റെ അരികിലേക്ക് വന്നു... "ഇല്ല കടിക്കൂല... നീ എവിടെയാ ആ വാർത്ത വായിച്ചത്..?"അതും ചോദിച്ച് മറിയു എന്റെ കയ്യിൽ നിന്നും പത്രം മേടിച്ച് നോക്കാൻ തുടങ്ങിയതും ഞാൻ മെല്ലെ എഴുനേറ്റ് പുറത്തേക്ക് ഓടി... ____ "ഇതിൽ അങ്ങനെയൊരു വാർത്ത ഇല്ലല്ലോ..?"

പത്രം മുഴുവൻ അരിച്ചു പെറുക്കിയിട്ടും ഒന്നും കിട്ടാതായപ്പോ അവൾ ചോദിച്ചു കൊണ്ട് നിഹയെ നോക്കിയതും അവളെ കാണാത്തത് കണ്ട് ഞെട്ടിക്കൊണ്ട് ബാക്കിയുള്ളവരെ നോക്കി.. "അവൾ നിന്നെ പറ്റിച്ചതാടീ പോത്തേ... അതും മനസ്സിലായില്ല നിനക്ക്.. " പാച്ചു നെറ്റിയിലടിച്ചു കൊണ്ട് പറഞ്ഞതും മറിയു ചമ്മി..എങ്കിലും അത് പുറമേ കാണിക്കാതെ അവൾ പുച്ഛിച്ചു.. "അതൊക്കെ എനിക്കറിയാം.. അവൾ കളിപ്പിച്ചപ്പോ ഞാനും ഒന്ന് കളിപ്പിച്ചതാ.. നിങ്ങക്ക് ജോലിക്കൊന്നും പോകാൻ ഇല്ലേ പാച്ചുക്കാ..." "അത് ശെരിയാണല്ലോ.. നിനക്കിന്ന് ക്ലാസ്സ്‌ ഇല്ലേടാ..." മറിയൂൻ പിറകെ ഉമ്മയും ചോദിച്ചതും അവനൊന്ന് പരുങ്ങി... "അത് പിന്നെ.... ഇന്ന് വല്ലാത്ത തല വേദന.. അത് കൊണ്ട് ഞാൻ ലീവെടുത്തു.." "പക്ഷെ നിങ്ങൾക്ക് തല വേദന ഉണ്ടെന്നോട് പറഞ്ഞില്ലല്ലോ.. അതുമല്ല ഇക്കാനെ കണ്ടാൽ അങ്ങനെ തോന്നില്ലല്ലോ.." ഷാലു പറഞ്ഞതും പാച്ചു പല്ലിറുമ്പി... "ഒറ്റി... റൂമിൽ എത്തട്ടെട്ടാ.. നിനക്ക് ഞാൻ തരാടീ..😬"അവളെ നോക്കി ആത്മഗതിച്ചു കൊണ്ട് അവൻ ബാക്കി ഉള്ളവരെ നോക്കി ഇളിച്ചു കാട്ടി...

"എന്തോന്നാ പാച്ചുക്കാ ഇത്.. നിങ്ങളന്നെ ഇങ്ങനെ തുടങ്ങിയാ പിള്ളേർ ലീവെടുക്കാതിരിക്കോ.. എന്നിട്ട് അവരുടെ ദേഹത്തേക്ക് ചാടിക്കയറുകയും ചെയ്യും" കിട്ടിയ അവസരം മുതലാക്കി മറിയു പറഞ്ഞതും അവനവളെ നോക്കി പല്ല് കടിച്ചു...ശേഷം ഉമ്മാക്കും ഉപ്പാക്കും ഇളിച്ചു കൊടുത്തു... "കൂടുതൽ ഇളി വേണ്ട... പൊന്ന് മോൻ ലീവ് ഒഴിവാക്കി വേഗം കോളേജിൽ പോകാൻ നോക്ക്.. ഇല്ലേൽ പോത്ത് പോലെ വലുതായോ എന്നൊന്നും ഞാൻ നോക്കില്ല...ചട്ടുകം എടുത്ത് നിന്റെ ചന്തിക്ക് വെക്കും.." ഉമ്മ കലിപ്പായതും അവന്റെ മുഖം ഇഞ്ചി കടിച്ച കുരങ്ങനെ പോലെയായി...കൂടുതൽ ഇനിയും നിന്ന് ചമ്മുന്നതിന് മുന്നേ അവൻ വേഗം അവിടെ നിന്നും എസ്‌കേപ്പ് ആയി... "കല്യാണം കഴിഞ്ഞതിൽ പിന്നെ അവൻ ജോലിക്ക് പോകാൻ ഭയങ്കര മടി ആയിട്ടുണ്ട്..." ഉമ്മ ഷാലുവിനെ നോക്കി പറഞ്ഞതും അവളും ഒന്ന് പരുങ്ങിക്കൊണ്ട് വേഗം മുകളിലേക്ക് പോയി........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...