Love for Unexpected💜: ഭാഗം 4

രചന: Ansiya shery

"എന്താ ഇത്.. ഈ കുട്ടിയെ നിങ്ങൾക്ക് രണ്ട് പേർക്കും നേരത്തെ അറിയാമോ?" ഉമ്മാടെ ചോദ്യം കേട്ടതും മറിയു നിഹയുടെ കൈ പിടിച്ചു കൊണ്ട് അവർക്കടുത്ത് വന്ന് നിന്നു... "ഉമ്മാക്ക് അറിയാം ഇവളെ...ഞാൻ പറഞ്ഞിരുന്നില്ലേ..എന്റെ ഒരു ഓൺലൈൻ ഫ്രണ്ട് നിഹയെ കുറിച്ച്.. അവളാ" "നിഹ മോളോ?" ചോദിച്ചത് വേറെയാളായിരുന്നു.. ശബ്ദം കേട്ട ഇടത്തേക്ക് നിഹ നോക്കിയതും വിടർന്ന കണ്ണുകളോടെ തന്നെ നോക്കുന്നവനെയാണ് കണ്ടത്...ആരാണെന്ന നിലക്ക് അവളവനെ സംശയിച്ചു നോക്കിയതും അവൻ മുന്നിൽ നിൽക്കുന്ന മറിയുവിനെ മാറ്റി നിർത്തിക്കൊണ്ട് നിഹയുടെ കയ്യിൽ പിടിച്ചു... "എടി എന്നെ മനസ്സിലായില്ലേ.. ഞാൻ പാച്ചുക്ക ആണെടി" "പാച്ചുക്കാ.."വിളിച്ചു കൊണ്ടവൾ അവനെ പെട്ടെന്ന് കെട്ടിപ്പിടിച്ചു...പെട്ടെന്ന് തന്നെ സ്വബോധം വന്ന പോലെ അവനിൽ നിന്നും അകന്ന് മാറി എല്ലാവരേയും നോക്കി തല താഴ്ത്തി... "നിങ്ങൾ അകത്തേക്ക് വാ.. മോളേ വാ.. ബാക്കിയൊക്കെ നാളെ സംസാരിക്കാം.. ഇപ്പൊ ക്ഷീണം കാണും" അവളുടെ അടുത്തേക്ക് വന്ന് കൊണ്ട് ഉമ്മ പറഞ്ഞതും തലയുയർത്തി അവളവരെ നോക്കി.. ആ ചുണ്ടിൽ പുഞ്ചിരി വിടർന്നു നില്കുന്നത് കണ്ടതും അവളുടെ മിഴികൾ വിടർന്നു..

അത്രയും നേരം ഉണ്ടായിരുന്ന ടെൻഷനെല്ലാം വിട്ട് മാറിയത് പോലെ.. അവളവരെ നോക്കി തിരിച്ചും പുഞ്ചിരിച്ചു.... അകത്തേക്ക് കയറിയതും ആരെയും ശ്രദ്ധിക്കാതെ ഇസാൻ മുകളിലേക്ക് കയറിപ്പോയി... "ഉമ്മച്ചി... നിഹു എന്റെ കൂടെ കിടന്നോട്ടെ"താഴെ ഒരു റൂം അവൾക്കായി കാണിച്ചു കൊടുത്തതും ഇടക്ക് കയറി മറിയു പറഞ്ഞത് കേട്ട് തലയാട്ടിക്കൊണ്ട് അവർ തന്റെ മുറിയിലേക്ക് പോയി... "വാടീ... നമുക്ക് പോയി കിടക്കാം"പറഞ്ഞു കൊണ്ട് അവളുടെ ബാഗ് വാങ്ങി തോളത്തിട്ട് കൊണ്ട് കൈ പിടിച്ച് മറിയു ദൃതിയിൽ മുകളിലേക്ക് നടന്നു... ഡോർ തുറന്ന് അകത്തേക്ക് കയറിയതും ബാഗ് നിലത്തേക്ക് വെച്ചു കൊണ്ട് നിഹയുടെ കൈ പിടിച്ച് മറിയു ഒറ്റക്കറങ്ങലായിരുന്നു... "ഡീ വിടടി.. എന്റെ തല കറങ്ങുന്നു" സഹികെട്ട് നിഹ പറഞ്ഞതും മറിയു കറങ്ങൽ നിർത്തി ഇളിച്ചു കാണിച്ചു.തലയിൽ കൈ വെച്ചു കൊണ്ട് നിഹ അവളെ നോക്കി പല്ല് കടിച്ചു... "ഞാൻ സന്തോഷം കൊണ്ട് കറങ്ങിയതാ.. രണ്ട് വർഷത്തെ കാത്തിരിപ്പിന് ഒരു അവസാനം ഉണ്ടായല്ലോ"മറിയു അത് പറഞ്ഞതും നിഹയുടെ ചുണ്ടുകളിൽ ഒരു ചിരി വിരിഞ്ഞു...

. "നീ വരുമെന്ന് ഞാൻ ഒട്ടും പ്രതീക്ഷിച്ചിരുന്നില്ല.. അതും പറയാതെ..ഇനി നമുക്ക് അടിച്ച് പൊളിക്കണം.. ഒരാഴ്ച എങ്കിലും നീ ഇവിടെ ഉണ്ടാകണംട്ടോ" "ഒരാഴ്‌ചയോ? ഞാൻ നാളെ തന്നെ പോകും" "നാളെയോ? അപ്പൊ നീ കല്യാണത്തിന് വന്നതല്ലേ?"മറിയു സംശയത്തോടെ അവളെ നോക്കി... "കല്യാണമോ..ആരുടെ കല്യാണം?" "രണ്ട് ദിവസം കഴിഞ്ഞാൽ പാച്ചുക്കാടെ കല്യാണമാ.. നിന്നോട് പറഞ്ഞിരുന്നതാണല്ലോ..ഞാൻ വിചാരിച്ചു നീ കല്യാണത്തിന് വന്നതായിരിക്കുമെന്ന്" "ഞാൻ നാളെ ബാംഗ്ലൂരിലേക്ക് പോകും..അവിടെ ഒരു ജോലി ശെരിയായിട്ടുണ്ട്.. അവസാനമായിട്ട് ഒരു വട്ടം എങ്കിലും നിന്നെ കാണാൻ വേണ്ടിയാ ഇങ്ങോട്ട് പുറപ്പെട്ടത്..ഇടക്ക് ബസ്സിൽ വെച്ചാ അവനെ കണ്ട് മുട്ടിയത്..ഫോണിലെ ചാർജ് തീർന്നത് കൊണ്ട് നിനക്കെങ്ങനെ വിളിക്കും എന്ന് വിചാരിച്ച് നിന്നപ്പോഴാ അവൻ തന്നെ പറഞ്ഞത്..അവന്റെ വീട്ടിൽ ഇന്ന് തങ്ങാം എന്ന്.. ഇവിടെ എത്തിയപ്പോ തേടിയ വള്ളി കാലിൽ ചുറ്റിയെന്ന് പറഞ്ഞ പോലെ ആയി.. നിന്റെ അടുത്ത് തന്നെ എത്തിപ്പെട്ടു.." "നിനക്ക് ഇച്ചുക്കാനെ കണ്ടപ്പോളപ്പോ മനസ്സിലായില്ലേ?" "ഇല്ലെടി..ഫോട്ടോ ഒന്നും കണ്ടിട്ടില്ലല്ലോ ഞാൻ..പിന്നെ അവന്റെ പേര് ഇച്ചു എന്ന് മാത്രമല്ലെ എനിക്ക് പരിജയം ഉള്ളു.. അത് കൊണ്ട് ആളെ മനസ്സിലായില്ല..

ഇവനാണ് അവൻ എന്നറിഞ്ഞിരുന്നേൽ മിണ്ടാനേ പോകില്ലായിരുന്നു" ചുണ്ട് കോട്ടിക്കൊണ്ട് അവൾ പറഞ്ഞത് കേട്ട് മറിയു ചിരിച്ചു... "എന്തായാലും എനിക്ക് സന്തോഷമായി..അല്ല എന്നാ നിനക്ക് ജോയിൻ ചെയ്യേണ്ടത്..എന്താ ഇപ്പൊ പെട്ടെന്ന് ഇങ്ങനെയൊക്കെ.. ഇങ്ങനെയൊരു ജോലിയെ കുറിച്ച് നീ എന്നോടൊന്നും പറഞ്ഞില്ലായിരുന്നല്ലോ" "ഈ ജോലിയുടെ കാര്യം ആരോടും ഞാൻ പറഞ്ഞിട്ടില്ല.. ഇങ്ങോട്ട് വരുമ്പോ നിന്നോട് പറയാമെന്ന് വിചാരിച്ചതായിരുന്നു..ജോയിൻ ചെയ്യേണ്ട ദിവസം അടുത്ത തിങ്കളിനാണ്.. പക്ഷെ ഇന്ന് തന്നെ ഇറങ്ങിയില്ലായിരുന്നെങ്കിൽ പിന്നെ ഒരുപക്ഷെ നാളെ കഴിഞ്ഞാൽ ഞാൻ ജീവനോടെ പോലും ഉണ്ടാകുമായിരുന്നില്ല" എങ്ങോ നോക്കി അവൾ പറഞ്ഞതും മറിയു ഞെട്ടലോടെ നിന്നു... "എന്താ.. എന്താടി.. വീട്ടിൽ എന്താ പ്രശ്നം?" "നാളെ എന്റെ കല്യാണമാ.. ആ കല്യാണം നടക്കുന്നതും ഞാൻ മരിക്കുന്നതും ഒരുപോലെയാ.."പറയുമ്പോൾ അവളുടെ മിഴികൾ നിറഞ്ഞിരുന്നു.. ഒരു ആശ്വാസത്തിനെന്നോണം അവൾ മറിയുവിന്റെ തോളിലേക്ക് ചാഞ്ഞു.. "ന്റെ ഉപ്പ ഇത്രക്ക് മാറിപ്പോകുമെന്ന് ഞാൻ ഒരിക്കലും വിചാരിച്ചിരുന്നില്ലെടി" അവളോട് എന്ത് പറയണം എന്ന് മറിയുവിൻ അറിയില്ലായിരുന്നു...കരച്ചിൽ കാണുമ്പോൾ ഒന്നും ചോദിക്കേണ്ടായിരുന്നു എന്ന് അവൾക്ക് തോന്നി... ----

അലാറം അടിക്കുന്ന ശബ്ദം കേട്ടപ്പോഴേ ഞാൻ എഴുന്നേറ്റു.. തല ചെരിച്ച് മറിയുനെ നോക്കിയപ്പോൾ ശബ്ദം കേട്ട് അവൾ പുതപ്പ് തലയിലൂടെ ഇടുവാണ്.. ഈ നേരത്ത് എഴുനേറ്റ് ശീലമായത് കൊണ്ടാകാം പിന്നെ എനിക്ക് ഉറക്കം വരില്ല... എഴുന്നേറ്റ് നേരെ ബാത്‌റൂമിലേക്ക് ചെന്നു.. വുളൂ എടുത്ത് ഇറങ്ങി മറിയൂനെ വിളിച്ചെണീപ്പിച്ച് ബാത്‌റൂമിലേക്ക് തള്ളിപ്പറഞ്ഞയച്ചു.... എന്റെ നിസ്കാരം കഴിഞ്ഞിട്ടും അവൾ ബാത്‌റൂമിൽ നിന്നിറങ്ങിയിട്ടില്ല.. ഇവളെന്താ ബാത്രൂം ഉണ്ടാക്കാൻ പോയതാണോ?🙄 "ഡീ"ഡോറിൽ മുട്ടിക്കൊണ്ട് ഞാൻ വിളിച്ചതും പെട്ടെന്ന് അകത്തെന്തോ വീഴുന്ന ശബ്ദം കേട്ടു.. ഒപ്പം എന്തോ എന്ന ചോദ്യവും.. "നീ എന്തെടുക്കുവാടി അകത്ത്.." "ഞാനിപ്പോ വരാം" അവൾ ഡോർ തുറക്കാൻ ഉദ്ദേശമില്ലെന്ന് കണ്ടതും ഞാൻ നേരെ മുറിയിൽ നിന്നും പുറത്തേക്ക് ഇറങ്ങി...താഴേക്ക് ചെന്നപ്പോൾ ഹാളിൽ ആരെയും കണ്ടില്ല..

അടുക്കളയിൽ നിന്നെന്തോ ശബ്ദം കേട്ടതും അങ്ങോട്ട് ചെന്ന് നോക്കി.. മറിയുന്റെ ഉമ്മയാണ്.. "ആന്റി..." അടുത്തേക്ക് ചെന്ന് വിളിച്ചതും എന്നെ കണ്ടവർ ഒന്ന് പുഞ്ചിരിച്ചു.. "മോളെന്താ ഇത്രയും നേരത്തെ എഴുനേറ്റിരിക്കുന്നെ.. കുറച്ചൂടെ കിടന്നൂടായിരുന്നോ..അവളൊക്കെ നേരം പത്ത് ആയാലും എഴുന്നേൽക്കില്ല" "എനിക്ക് ഈ നേരത്ത് എഴുനേറ്റ് ശീലമാ ആന്റി..ഉറക്കം വരില്ല പിന്നെ..മറിയുവും എഴുന്നേറ്റിട്ടുണ്ടല്ലോ" "ഓഹ്... എഴുന്നേറ്റോ.. ഞാൻ വിളിക്കാൻ വരുവായിരുന്നു..ഞാൻ ചെന്ന് വിളിക്കുമ്പോ അവളെണീക്കും.. എന്നിട്ട് നിസ്കരിച്ചതിന് ശേഷം വീണ്ടും കിടന്നുറങ്ങും.. ഈ നേരത്ത് ബാത്‌റൂമിൽ കയറിയാൽ തന്നെ ഇറങ്ങാൻ പാടാ.. അവിടെ ചെന്നിരുന്ന് ഉറക്കം തൂങ്ങും" അത് കേട്ടതും ഞാൻ ഞെട്ടി.. അപ്പൊ വെറുതെ അല്ല അവൾ ഇറങ്ങി വരാഞ്ഞത്.. അവിടെ ഇരുന്ന് ഉറങ്ങുവായിരിക്കും കുരിപ്പ്......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...