Love for Unexpected💜: ഭാഗം 70

രചന: Ansiya shery

"ഒരു വിശേഷമുണ്ട്..." ചായക്കുള്ള വെള്ളം വെച്ച് നിൽകുമ്പോൾ നിഹയുടെ പിറകിലൂടെ ചുറ്റിപ്പിടിച്ച് കൊണ്ട് ഇച്ചു പറഞ്ഞതും അവൾ തല ചെരിച്ചവനെ നോക്കി... "സസ്പെൻഷൻ കിട്ടിയോ..?" "ഓഹ്... നിന്നെ ഞാൻ.." അതും പറഞ്ഞവളുടെ തട്ടം നീക്കി പിൻ കഴുത്തിലവൻ പല്ലമർത്തിയതും നിഹ പിടഞ്ഞു കൊണ്ടവനെ തള്ളി മാറ്റി... "ഒന്ന് പറഞ്ഞാ രണ്ടാമത്തേതിൻ റൊമാൻസ്.." "അത് പിന്നെ.. നീ എന്നെ ദേഷ്യം പിടിപ്പിച്ചിട്ടല്ലേ.." തല ചൊറിഞ്ഞവൻ പറഞ്ഞത് കേട്ട് നിഹ അവനെ തറപ്പിച്ചു നോക്കി... "എന്താ കാര്യം..?" "നമ്മുടെ വീട്ടിൽ ഒരു പുതിയ അഥിതി വരാൻ പോകുവാ.." "അതാര്.. മറിയുന്റെ കല്യാണം ഉണ്ടോ..?" "ഹ്ർ... അതല്ല പോത്തേ.. ഒരു കുഞ്ഞു ബേബി നമ്മുടെ വീട്ടിൽ വരാൻ പോകുവാണെന്ന്..." "ഓഹ്.. അതായിരുന്നോ..?"ഒരു ഒഴുക്കൻ മട്ടിലവൾ പറഞ്ഞു നിർത്തി... പെട്ടെന്ന് തന്നെ എന്തോ ഓർത്ത പോലെ ഞെട്ടി അവനെ നോക്കി.. ശേഷം തല താഴ്ത്തി തന്റെ വയറിലേക്കും... "അപ്പോ നീയെന്നെ ചതിച്ചല്ലേ.."

"എന്തോന്ന്..?🙄" "ഞാൻ ഉറങ്ങിക്കിടക്കുമ്പോ നീയെന്നെ പീഡിപ്പിച്ചല്ലേ.. സത്യം പറഞ്ഞോ.. അതല്ലേ ഞാനിപ്പോ ഗർഭിണി ആയേ.." ഇച്ചു അറിയാതെ കൈ കൂപ്പി പോയി.. "ഷാലുത്ത ഗർഭിണി ആണെന്നാ ഞാൻ പറഞ്ഞത്..🙏🏻" "ആഹാ... ഷോ എനിക്ക് വയ്യ..." മിഴികൾ വിടർത്തിയവൾ ചാടിക്കളിച്ചു.. "നമ്മളെപ്പോഴാ ഇച്ചു അങ്ങോട്ട് പോണേ.." "എന്താ നിനക്ക് പോകാൻ തിരക്കുണ്ടോ..?" "അങ്ങനെ ചോദിച്ചാൽ.. വാവയെ കാണാലോ..😁" "അതിന് കുട്ടി വന്നിട്ടില്ല പൊന്നേ..😬" "അത് ഞാൻ മറന്നു..എന്നാ നമ്മൾ പോണേ.." "നാളെ..." "ഇവിടെന്തിനാ വന്നത്..?" "വെറുതെ.." "വെറുതെയോ..?അപ്പോ ഇന്നെന്താ പരിപാടി..?" "നമുക്ക് ഇവിടെയൊക്കെ ഒന്ന് കറങ്ങി വരാം..നിനക്ക് രണ്ട് ദിവസം ലീവ് അല്ലെ..അപ്പോ വരാൻ തോന്നി..ഉച്ചക്ക് ഫുഡ്‌ നമുക്ക് പുറത്ത് നിന്ന് കഴിക്കാം..ഇവിടെ സാധനങ്ങളൊന്നും അങ്ങനെ ഉണ്ടാകില്ല..." "മ്മ്... മറുപടിയായവൾ തലയാട്ടി... *** ബ്രേക്ക് ഫാസ്റ്റ് കഴിച്ചതിന് ശേഷം രണ്ട് പേരും വീടും പൂട്ടി പുറത്തേക്കിറങ്ങി...

"എവിടേക്കാ ആദ്യം പോകുന്നത്..?" "മാളിൽ പോകാം.." "എങ്ങനെയാ പോവാ...വണ്ടി എടുത്തിട്ടില്ലല്ലോ.." "ബസ്സിന്...." തലയാട്ടിയവൾ അവന്റെ കൂടെ അടുത്തുള്ള ബസ് സ്റ്റോപ്പിലേക്ക് നടന്നു... ബസ് വന്നതും രണ്ട് പേരും കയറി... തിരക്കധികം ഉണ്ടായിരുന്നില്ല.. "നീ മുന്നിൽ ചെന്നിരുന്നോ.. ഇറങ്ങാൻ ആകുമ്പോ ഞാൻ വിളിക്കാം.." ഇച്ചു പറഞ്ഞതിന് തലയാട്ടിയവൾ മുന്നിലെ ഒരൊഴിഞ്ഞ സീറ്റിൽ ചെന്നിരുന്നു.... കുറച്ച് കഴിഞ്ഞതും പിറകിൽ നിന്നും അവന്റെ വിളി കേട്ട് നിഹ എഴുനേറ്റു... ഇറങ്ങാൻ ആയി അവൻ കണ്ണ് കാണിച്ചതും പുറത്തേക്കൊന്ന് നോക്കിയവൾ ഇറങ്ങി.... മാളിൽ ചെന്ന് അത്യാവശ്യം ഷോപ്പിംഗ് നടത്തിയതിൻ ശേഷം അടുത്തുള്ള ബീച്ചിലേക്ക് ചെന്നു.... *** "പോകാം...." വീട് പൂട്ടിയ ശേഷം നിഹക്ക് നേരേ തിരിഞ്ഞ് ഇച്ചു പറഞ്ഞതും അവൾ തലയാട്ടി.... ഒരു ഓട്ടക്ക് കൈ കാണിച്ചവൻ അവളെയും കൂട്ടി ഓട്ടോയിലേക്ക് കയറി.... ബസ് സ്റ്റാൻഡിൽ ഓട്ടോ നിർത്തിയതും പൈസ കൊടുത്ത് ഇച്ചുവും നിഹയും ഇറങ്ങി....

കയ്യിലെ വാച്ചിലേക്കൊന്ന് സൂക്ഷിച്ചു നോക്കിയവൻ നിഹയെ നോക്കി... "നമുക്കുള്ള ബസ് വരാൻ ആകുന്നേയുള്ള..നിനക്ക് വിശക്കുന്നുണ്ടോ..?" "മ്മ്... ഉണ്ട്..." "എന്നാ വാ..." അവളെയും കൂട്ടി അടുത്തുള്ള ഒരു ഹോട്ടലിലേക്ക് കയറി... "എന്താ വേണ്ടത്...?" "ഷവർമ്മ... ഇത് വരെ ഞാനത് കഴിച്ചിട്ടില്ല..." ചുണ്ട് പിളർത്തി നിഹ പറഞ്ഞത് കേട്ട് ഇച്ചു അവളെ അത്ഭുതത്തോടെ നോക്കി.. "നോക്കണ്ട.. എനിക്ക് ഇത് വരെ ആരും അങ്ങനെ ഒന്നും മേടിച്ചു തന്നിട്ടില്ല..ചെറുപ്പത്തിൽ ഒരു തവണ ഉപ്പ പപ്പ്സ് മേടിച്ചു തന്നിരുന്നു.. പിന്നെ പ്രശ്നങ്ങളൊക്കെ ആയപ്പോ വീട്ടിൽ തന്നെ ഇരിപ്പായിരുന്നു ഞാൻ.." പുഞ്ചിരിയോടെ പറയുമ്പോൾ അവളുടെ കണ്ണുകൾ ചെറുതായി ഈറനണിഞ്ഞിരുന്നു...അവന്റെ നെഞ്ച് പിടഞ്ഞു.... ഷവർമ കൊണ്ട് വന്നതും അവളത് ആസ്വദിച്ചു കഴിക്കുന്നത് ഇച്ചു സന്തോഷത്തോടെ നോക്കി.. ഇടക്ക് നിറയുന്ന മിഴികൾ തുടക്കുന്നത് കണ്ടെങ്കിലും അവനൊന്നും ചോദിക്കാൻ പോയില്ല.... "ഇനി എന്തെങ്കിലും വേണോ നിനക്ക്..?" ഇച്ചുവിന്റെ ചോദ്യം കേട്ടാണ് കഴിക്കുന്നതിൽ നിന്നും ശ്രദ്ധ അവനിലേക്ക് തിരിച്ചത്... വേണ്ടെന്ന് തലയാട്ടിയവൾ ഒരു പീസ് അവൻ നേരേ നീട്ടി.... വാ തുറന്നവൻ അത് വാങ്ങി കഴിച്ചതിന് ശേഷം അവളെ നോക്കി ചിരിച്ചു............തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...