💕മിഴികൾ പറഞ്ഞ പ്രണയം 💕: ഭാഗം 2

രചന: സഫ്‌ന കണ്ണൂർ

ഇൻട്രൊഡക്ഷൻ എന്നിൽ നിന്ന് തന്നെ തുടങ്ങാം .ഞാൻ സഫ്ന .അടുപ്പമുള്ളവർ സഫു എന്ന വിളിക്കൽ . ഫാമിലിയെ പറ്റി ചോദിച്ചാൽ മൂത്ത സന്തതി ഞാനാട്ടോ .ആറ്റു നോറ്റു കിട്ടിയത് കൊണ്ട് എല്ലാവർക്കും അതിന്റെ വിലയും ഉണ്ട് . ഒരു അനിയത്തിയും അനിയനും പിന്നാലെ വന്നെങ്കിലും എന്റെ തട്ട് ഉയർന്നു തന്നെയാ. കസിൻസ് ഇടയിലും നമ്മൾക്ക് ഒരു പ്രതേക സ്ഥാനം ആണ് . അത് കയ്യൂക്ക് കൊണ്ട് നേടിയതാ.കേട്ടിട്ടില്ലേ കയ്യൂക്കുള്ളവൻ കാര്യക്കാരൻ എന്ന് . എന്റെ കയ്യൂക്കല്ല എന്റെ സ്വന്തം ബെസ്റ്റി നേടിത്തന്നതാ.അതൊക്കെ എന്തെന്ന് പിറകെ മനസ്സിലാവും .ഉപ്പ ഉമ്മ ഞാൻ അനിയൻ അനിയത്തി ഉമ്മാമ്മ. പിന്നെ എന്റെ ബെസ്റ്റി. ഇതാണ് എന്റെ കുടുംബം. ഈ കുടുംബത്തിലെ കൊച്ചു രാജകുമാരിയായി വിലസിനടക്കുന്നു. തെറ്റിധരിക്കണ്ട ബെസ്റ്റി എന്ന് പറഞ്ഞ എന്റെ സ്വന്തം ഇക്കാക്കയാണ് . എന്റെ ഉമ്മാന്റെ പുന്നാര അനിയൻ എന്റെ കാർണോർ (അമ്മാവൻ )സ്വന്തമായി ഇക്കാക്ക ഇല്ലാത്തോണ്ട് ഞാൻ മൂപ്പരെയങ്ങ് ഇക്കാക്കയാക്കി . കാർണോർ എന്നൊക്കെ കേട്ട് പ്രായം ഉണ്ടെന്ന് കരുതണ്ടാട്ടോ .എന്നേക്കാൾ ഏഴ് വയസ്സേ കൂടുതൽ ഉള്ളൂ .പേര് സമീർ .

കക്ഷിയെ പറ്റി പറയുന്നതിന് മുൻപ് എന്റെ ഫ്രെണ്ട്സിനെ പരിചയപ്പെടുത്തി തരാം. ഈ സ്റ്റോറിയിൽ വലിയൊരു റോൾ തന്നെ ഉള്ളത് കൊണ്ട് മൂപ്പരെ പറ്റി ചുരുക്കി പറഞ്ഞാൽ ശരിയാവില്ല. ഷെറി ആൻഡ് സന . മൂന്നാളും ഒരു ക്ലാസ്സിൽ ആണ് . ഡിഗ്രി ഫസ്റ്റ് ഇയർന് പഠിക്കുന്നു. സെയിം സബ് സെയിം ക്ലാസ്സ്‌ സെയിം കോളേജ്.സന എന്റെ ബെസ്ബെസ്റ്റ് ഫ്രണ്ട്. ഒന്നാം ക്ലാസ്സ്‌ തൊട്ട് ഡിഗ്രി ഫസ്റ്റ് ഇയർ വരെ ഒരു ക്ലാസ്സിൽ ഒന്നിച്ചാണ് പഠിച്ചത് അടുത്ത് തന്നെയാണ് വീടും. ഫ്രെണ്ട്ഷിപ്പിന്റെ ആഴം അപ്പൊ മനസ്സിലായില്ലേ. എന്നെ പോലെയല്ലാട്ടോ കക്ഷി. ഒരു പാവം മിണ്ടാപ്പൂച്ച. ആരോടും അധികം സംസാരിക്കില്ല. ആരെയും ശല്യപ്പെടുത്താതെ അടങ്ങി ഒതുങ്ങി ജീവിക്കുന്നു . മിണ്ടാപ്പൂച്ച കലമുടക്കുന്ന കേട്ടിട്ടില്ലേ . അത് പോലെ മൂപ്പരും ഒരു കലം ഉടച്ചതാ.അതിന്റെ ഫലമായി ഇപ്പൊ വിരഹനായിക പോസ്റ്റ്‌ അലങ്കരിക്കുന്നു. വിരഹ നായിക ആണെങ്കിലും ലവ് സ്റ്റോറിക്ക് കർട്ടൻ വീണിട്ടില്ല .കുറച്ചു ചാൻസ് ഇപ്പോഴും ബാക്കിയുണ്ട് .ഒരു കിടു ലവ് സ്റ്റോറി ഉണ്ട് കക്ഷിക്ക്. അത് പിന്നെ പറഞ്ഞു തരാം .

പിന്നെ ഷെറി .എന്റെ ഒരു അകന്ന ബന്ധു കൂടിയാണ്.ഗൾഫിൽ ആണ് ജനിച്ചതും വളർന്നതും . കോടീശ്വരിയാണ്. പോരാത്തതിന് ഒറ്റ മോളും രണ്ട് ഇക്കാക്കമാരുടെ പുന്നാര അനിയത്തി .നാട്ടിൽ സെറ്റായിട്ട് ഒരു വർഷേ ആയുള്ളൂ. ഡിഗ്രിക്ക് ഞങ്ങളെ കൂടെ കൂടി. ഞങ്ങൾ മാത്രേ അവൾക്ക് നാട്ടിൽ ഫ്രണ്ടായിട്ട് ഉള്ളൂ. പിറകെ നടക്കുന്നവരുടെ കീശയുടെ വലിപ്പം നോക്കി പ്രണയിക്കുന്നത് കൊണ്ട് തേപ്പും തേപ്പ് പെട്ടിയും ഒക്കെയായി പോവുന്നു .മൊഞ്ചത്തിയാണ് കാണാൻ അത് കൊണ്ട് തന്നെ പിറകെ നടക്കാൻ ഒരു പാട് കോഴികളും ഉണ്ട്. പ്രണയം എന്നാൽ ഒരു ടൈം പാസ്സ്. ഞങ്ങൾ ഒന്നിച്ചാണ് കോളേജിൽ പോകുന്നതും വരുന്നതും. അത്യാവശ്യം തല്ല് കൊള്ളിത്തരം ഒക്കെയായി അടിച്ചു പൊളിച്ചു കഴിയുന്നു. എല്ലാവരോടും നല്ല ഫ്രണ്ട്ലിയായി പെരുമാറുന്നൊണ്ട് കോളേജിൽ ഗേൾസ് ബോയ്സ് ആയി ഒരു പട തന്നെയുണ്ട് ഫ്രണ്ട്സായിട്ട്. പ്രണയം ഒന്നും ഇല്ലാട്ടോ എനിക്ക്. .

നീൽ അവ്നി കട്ട ഫാനാ ഞാൻ. നാംകരൻ സീരിയൽ കാണലും സൈൻ ഇമാമിന്റെ ഫോട്ടോ ശേഖരിക്കലുമാണ് മെയിൻ ഹോബി. നീലിനെ കണ്ടോ എല്ലാം മറന്നു അവിടെ ഇരുന്നോളും. അത്ര ഇഷ്ടം ആണ് കക്ഷിയെ .വേറെയും രണ്ട് കലിപ്പൻ ഹീറോ കൂടി ഉണ്ട് എനിക്ക് .അർണവ് ആൻഡ് ഗുർമീത് .ഇവരെ സീരിയൽ റിപീറ്റ് അടിച്ചു കാണൽ ആണ് മെയിൻ പണി എന്ന് തന്നെ പറയാം . ഇനി എന്റെ കഥയിലേക് വരാം. എന്റെ കാലിന് എന്ത് പറ്റിയെന്നു അറിയണ്ടേ . എന്റെ കോളേജിൽ ഉള്ള ഒരു ഫ്രണ്ടിന്റെ കല്യാണം ആയിരുന്നു.പെണ്ണിനെ കൂട്ടി വരൽ ഒക്കെയായി സന്ധ്യയായിരുന്നു തിരിച്ചു വരാൻ . കല്യാണവീട്ടിലേക് വണ്ടി പോകില്ല. കുറച്ചു നടക്കണം. ഞാനും എന്റെ ചങ്ക്‌സ് കൂടി കല്യാണത്തിന് വന്നവരുടെ കുറ്റം കുറവും ഒക്കെ പറഞ്ഞു കത്തിയടിച്ചു നടന്നു വരികയായിരുന്നു . അപ്പോഴാണ് ആ ദുരന്തം സംഭവിച്ചത് . എന്നെ പിറകിൽ നിന്നാരോ ഒറ്റ തള്ള്.

ആ തള്ളിന്റെ ശക്തിയിൽ ഞാൻ നിലത്തേക്ക് വീണു. കാൽ ഒരു കല്ലിൽ ശക്തിയായി ഇടിക്കുകയും ചെയ്തു.വീണിടത്ത് നിന്ന് എഴുന്നേൽക്കാൻ പറ്റിയില്ലെങ്കിലും ആരാ തള്ളിയിട്ടെന്ന് നോക്കിയിരുന്നു.കക്ഷി ഓടി പോകുന്നതാ കണ്ടത് പിറക് വശേ കണ്ടുള്ളു. ആകെ അറിയുന്നത് വൈറ്റ് ഷർട്ട്‌ ആണ് ഇട്ടതെന്ന.കാൽ വേദനയേക്കാൾ നാണക്കേടായി എന്ന് പറയുന്നതാ ശരി. എല്ലാവരുടെയും സഹതാപം നിറഞ്ഞ നോട്ടവും കളിയാക്കലും എല്ലാം ഓർക്കുമ്പോൾ ഇപ്പോഴും അവനെ കൊല്ലാനുള്ള ദേഷ്യം ഉണ്ട്. അബദ്ധത്തിൽ പറ്റിയാൽ തന്നെ ഒരു സോറി പറഞ്ഞൂടെ ആ ദുഷ്ടന്. തിരിഞ്ഞു നോക്കാതെയാ ആ അലവലാതി പോയത് .ഒരാഴ്ചയായി ഈ കിടപ്പ് കിടക്കാൻ തുടങ്ങിയിട്ട്. അത്രയും ദിവസതെ നോട്സ് എഴുതാൻ ആണേൽ ഒരു കുന്നോളം ഉണ്ട്. പിന്നെങ്ങനെ അവനെ ശപിക്കാതിരിക്കും. ഷെറി മാത്രമേ അവന്റെ മുഖം കണ്ടിട്ട് ഉള്ളു .

ഇവർക്ക് ഇന്ന് കോളേജ് ഇല്ലാത്തോണ്ട് എന്നെ കാണാൻ വന്നതാ. @@@@@@@@ എന്താടാ ആലോചിക്കുന്നേ ടാ നമ്മൾ എന്ത് ചെറ്റത്തര കാട്ടീത്. ആ വീണ പെണ്ണിനെ ഒന്ന് തിരിഞ്ഞു പോലും നോക്കാതെ. നീ ഇനിയും അത് വിട്ടില്ലേ മനപ്പൂർവം ഒന്നും അല്ലല്ലോ. നിനക്ക് അറിയാതെ പറ്റിയതല്ലേ നീ പിടിച്ചു വലിച്ചു ഓടിയൊണ്ടാ. അല്ലെങ്കിൽ ഒരു സോറിയെങ്കിലും പറയാമായിരുന്നു. അവിടെ തന്നെ നിന്നിരുന്നെങ്കിൽ നാട്ടുകാരുടെ വായിൽ ഉള്ളത് മൊത്തം കേട്ടേനെ. തടി കേടാകാതെ രക്ഷപെട്ടുന്ന് പറയ്.അമ്മാതിരി കാറൽ അല്ലായിരുന്നോ ആ പെണ്ണിന്റെ .നമ്മളെ നാടോ നമ്മളെ അറിയുന്ന ആരെങ്കിലോ ഉണ്ടായിരുന്നുവെങ്കിൽ കുഴപ്പം ഇല്ലായിരുന്നു. ഇതിപ്പോ അവിടെ നമുക്ക് ആരെയും അറിയകൂടി ഇല്ല . അതും ശരിയാ. ടാ ഇനിയും ആ സ്ഥലത്തേക്ക് പോകേണ്ടതല്ലേ. ആരെങ്കിലും തിരിച്ചറിഞ്ഞാലോ. എവിടുന്ന്. നീ അവളെ വിട്ട് നിന്റെ അൻസിയെ ഓർത്തിരിക്ക്.ടെൻഷൻ അടിച്ച മോന്ത പോയിട്ട് കുറച്ചു റൊമാൻസെങ്കിലും വരട്ട്. അജു കളിയാക്കി പറഞ്ഞു കൊണ്ട് പോയി. അവളെ മറന്നാലല്ലേ ഓർക്കേണ്ടതുള്ളൂ.

അൻസിയെ ഓർത്തതും അവന്റെ മുഖത്ത് ഒരു പുഞ്ചിരി വിരിഞ്ഞു. കനവിലും നിനവിലും അവൾ മാത്രമേ ഉള്ളു .ഉണ്ടായിട്ടും ഉള്ളൂ .അൻസിയല്ലാതെ മറ്റൊരാൾ ഉണ്ടാവുകയും ഇല്ല . ഇവരെ മനസ്സിലായല്ലോ അല്ലേ. നമ്മുടെ നായകൻ ഫൈസാൻ എന്ന ഫൈസി .കൂടെയുള്ളത് അവന്റെ കസിൻ അജു .ബെസ്റ്റ് ഫ്രണ്ട്സാന് രണ്ടു പേരും. ഷെറിയെ തള്ളിയിട്ടത് ഇപ്പൊ ആരാന്നു മനസ്സിലായില്ലേ ഫൈസി . കാര്യം ക്ലിയർ ആയല്ലോ ഇനി സ്റ്റോറി തുടങ്ങാം അല്ലേ @@@@@@@ ഏത് രാജകുമാരന്റെ കാര്യം ആണാവോ ചർച്ച. ആ തെണ്ടിയെ പറ്റി തന്നെ. ഏത് എന്നെ തള്ളിയിട്ടവനെപറ്റി തന്നെ. ഷെറിക്ക് അവനെ ഇഷ്ടപെട്ടുന്ന. ആൾ പൊളിയായിട്ട് എന്താ .മാനേഴ്സ് കൂടി വേണ്ടേ. വീണത് കണ്ടിട്ട് ഒന്ന് തിരിഞ്ഞു പോലും നോക്കിയില്ലല്ലോ. അത് തിരകിട്ട് എവിടെയെങ്കിലും പോവുകയായിയിരിക്കും അല്ലെങ്കിൽ കണ്ടിട്ട് ഇണ്ടാവില്ല. ഷെറി പറഞ്ഞു ഇവൾ രണ്ടും കല്പിച്ചാണല്ലോ സഫു അതിന് വട്ടാടി .ആരെക്കണ്ടാലും അപ്പൊ തുടങ്ങിക്കോളും . വട്ടല്ല മോളെ .ലവ് .ഫസ്റ്റ് ടൈം കണ്ടപ്പോൾ തന്നെ അടിവയറ്റിൽ ഒരു മഞ്ഞു വീണ പോലെ . മഞ്ഞല്ല അവന്റെ പേഴ്‌സയിരിക്കും വീണിട്ട് ഉണ്ടാവുക .

എനിക്ക് വേറൊരു ഡൌട്ട് കൂടി ഉണ്ട് .സത്യം പറയെടീ അവനെ നിനക്ക് മുൻ പരിജയം ഉണ്ടോ .ഒരു മിന്നൽ പോലെ കണ്ട ഒരുത്തന്റെ പിറകെയൊന്നും നീ പോകില്ല . കണ്ടിരുന്നു .രണ്ട് ദിവസം മുൻപ് മാൾ വെച്ച .അടുത്ത് കൂടി പാസ്സ് ചെയ്ത് പോയിട്ടും ഒന്ന് മൈന്റ് പോലും ചെയ്‌തില്ല .ഒടുക്കത്തെ ഒരു ജാട തെണ്ടീ .എന്തിരുന്നാലും ഞാൻ ഓകെയാ . അങ്ങനെ പറ .അവനപ്പോ ഈ നാട്ടിൽ തന്നെയുള്ളത. കഴിഞ്ഞത് വിടടീ .ഒരു ചെറിയ ആക്‌സിഡന്റ് .അതിപ്പോ കുത്തിപ്പൊക്കിയിട്ട് എന്താ കാര്യം . മോളെ ഷെറി .അവനെ കേറി പ്രേമിക്കാൻ വരട്ടെ .സാധാരണഗതിയിൽ ഉടക്ക് സോറി love ഇതാ സംഭവിക്കൽ .നിനക്ക് പിന്നെ പോസ്റ്റ്‌ റോൾ ആവും .ആലോചിച്ചിട്ട് പിറകെ പോയ മതി .

ഇവൾ പ്രേമിക്കില്ലല്ലോ .100ശതമാനം ഉറപ്പായോണ്ടല്ലേ ഞാൻ നോക്കുന്നെ .അല്ല സഫു ഇനി മനസ്സ് മാറ്റൊ അവനെ കണ്ടാൽ .ഉണ്ടേൽ ഇപ്പൊ പറയണം .പിന്നെ വിട്ട് തന്നൂന്ന് വരില്ല . പോടീ അവിടുന്ന് .എന്റെ വീട്ടുകാർ കാണിച്ചു തരുന്ന ആളെയെ ഞാൻ കെട്ടു .എന്റെ ജീവിതത്തിൽ ഒരു പ്രണയം ഉണ്ടെങ്കിൽ അത് എന്റെ ഭർത്താവിനോട് മാത്രമായിരിക്കും . കുറെയായി ചോദിക്കണംന്ന് കരുതുന്നു .നീ ഇത് വരെ ആരെയും പ്രണയിച്ചിട്ട് ഇല്ലേ . സൗഹൃദം കൊണ്ട് റിച്ച് ആയ എനിക്കെന്തിനാഡി ദാരിദ്ര്യം പിടിച്ച പ്രണയം . ഡയലോഗ്സ് വിട് സഫു .ഞാൻ സീരിയസ് ആയിട്ടാ ചോദിക്കുന്നെ .നിനക്ക് എന്താ പ്രണയത്തോട് ഇത്ര വെറുപ്പ് . വെറുപ്പോ...... ആർക്ക് സഫുനോ ........സന പൊട്ടിച്ചിരിച്ചു .അവളുടെ പാസ്ററ് അപ്പൊ നിനക്കറിയില്ലേ. പറഞ്ഞു തരാട്ടോ . എന്താ ലവ് ഫെയ്‌ലിയറാ നീ കിട്ടാത്ത മുന്തിരി പുളികുന്ന കേട്ടിട്ടില്ലേ .അതന്നെ കാര്യം ........ തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...