💕മിഴികൾ പറഞ്ഞ പ്രണയം 💕: ഭാഗം 36

രചന: സഫ്‌ന കണ്ണൂർ

ഇന്നും ബ്രെഡും ജാമും. നിനക്കിതേ ഉണ്ടാക്കാൻ അറിയുള്ളോ. അല്ലല്ലോ ബ്രെഡും ഓംലൈറ്റും കൂടി ഉണ്ടാക്കും. ഓഹ് വല്യ കാര്യായി പോയി. നീ ടിഫിൻ റെഡിയാക്കിന്ന് പറഞ്ഞപ്പോ ഞാൻ കരുതി. വല്ല ദോശയോ പുട്ടും കടലയോ പത്തിലോ അങ്ങനെ വല്ലതും ആയിരിക്കുമെന്ന്. അവളും അവളുടെ കോപ്പിലെ ഒരു ബ്രെഡും. ഇത് റെഡിയാക്കാൻ ഏത് മന്നബുദ്ധിക്കും കഴിയും. അവൻ ബ്രെഡ്‌ എടുത്തു വലിച്ചെറിഞ്ഞു. നിനക്ക് വേണ്ടെങ്കിൽ തിന്നണ്ട. അല്ല പിന്നെ. അവൾ പോയി അതെടുത്തു കൊണ്ട് വന്നു ജാമും കൂട്ടി തിന്നു. ഒരു പെണ്കുട്ടിയായാൽ സ്വല്പം എങ്കിലും പാചകം അറിഞ്ഞിരിക്കും. നിനക്ക് അത് പോലും അറിയില്ലേ. പെണ്കുട്ടികൾക്കെ അപമാനം ആണ് നീ. വെറുതെയിങ്ങനെ ചിലക്കാതെ വേണേൽ തിന്നിട്ട് പോടോ. വിശന്നിട്ട് കുടൽ കരിയുന്നുണ്ട്.അവൻ വയറിൽ തടവികൊണ്ട് പറഞ്ഞു.

കുറച്ചു സമയം കഴിഞ്ഞു അവൻ ഫോൺ എടുത്തു ഫുഡിന് ഓഡർ ചെയ്യുന്നത് കണ്ടു . ഇതെന്താ ഒരാൾക്ക് ഉള്ള ഫുഡ്‌. എനിക്കില്ലേ. എനിക്കെ ഉള്ളൂ. നിനക്ക് വേണമെങ്കിൽ ഉണ്ടാക്കി കഴിച്ചോ. അവൻ അതും പറഞ്ഞു റൂമിലേക്ക് പോയി. അടുത്തുള്ള ഹോട്ടൽ നിന്ന ഫുഡ്‌. എനിക്ക് തരാതെ നീയും അങ്ങനെ കഴിക്കണ്ട. കാണിച്ചു തരാട്ടോ. ബെൽ അടിക്കുന്ന കേട്ടാണ് ഫൈസി റൂമിൽ നിന്നും ഇറങ്ങി വന്നത്. ഫുഡ്‌ കൊണ്ട് വന്നതായിരിക്കും. വന്ന ആളെ കണ്ടു അവൻ ഒന്ന് പതറി. സാലിം. ഈ നാശത്തിനെ രാവിലെ തന്നെ കെട്ടിയെടുത്തല്ലോ. ഇതിന് വേറെ പണിയൊന്നും ഇല്ലേ.@##$$#@ ഉള്ളിൽ തെറി വിളിച്ചോണ്ട് അവൻ പുഞ്ചിരിയോടെ സാലിയെ അകത്തേക്ക് ക്ഷണിച്ചു. ഇതെന്താ രാവിലെ തന്നെ. സഫു വിളിചിട്ട് അത്യാവശ്യം ആയിട്ട് വരാൻ പറഞ്ഞു. കാര്യം ചോദിചിട്ട് പറഞ്ഞും ഇല്ല. അവൾ അപ്പോൾ അങ്ങോട്ട്‌ വന്നു. ഹ! നീ വന്നോ. ഞാൻ കാത്തിരിക്കുകയാരുന്നു. എന്താടീ കാര്യം. ഒന്നുല്ലടാ. ഞാൻ ഇന്ന് ഫൈസിക്ക് വേണ്ടി സ്പെഷ്യൽ ആയിട്ട് പൊറോട്ടയും ചിക്കൻ ഫ്രൈയും ഉണ്ടാക്കി.

തിന്നാൻ വിളിച്ചപ്പോഴാ അറിഞ്ഞേ അവൻ ഇന്ന് നോമ്പ് ആണെന്ന്. ഫുഡ് ഇനി കളയണോന്ന് വിചാരിച്ചു ഇരിക്കുമ്പോഴാ നിന്നെ ഓർമ വന്നത്. കാര്യം പറഞ്ഞൽ നീ വരില്ലല്ലോ. അതാ പറയാതെ വിളിച്ചേ. ഈ ഒരു ചെറിയ കാര്യത്തിനാണോ പേടിപ്പിക്കന പോലെ വിളിച്ചേ.ഒന്ന് തന്നാലുണ്ടാലോ. അവൻ തല്ലാനെന്ന പോലെ കൈ വീശി. ഏതായാലും ഞാൻ നാസ്ത കഴിക്കാതെയാ വന്നത്. അത് നന്നായി. നല്ല വിശപ്പുണ്ട്. നീ വേഗം എടുത്തു വെക്ക്. അവൾ ഫൈസിയെ ഒളികണ്ണിട്ട് നോക്കി. അവളെ നോക്കി പല്ല് കടിച്ചു പിടിച്ചു മുഷ്ടി ചുരുട്ടുന്നത് കണ്ടു. ഫൈസി ഇങ്ങനെ ഇടക്കിടക്ക് നോമ്പ് എടുക്കോ. ഏയ്‌ ഇല്ല വല്ലപ്പോഴും. വയറിനു നല്ല സുഖമില്ല. നോമ്പ് എടുത്തു ഒന്ന് ബോഡിയൊക്കെ ശരിയാക്കാന്ന് കരുതി. അത് ഇടക്ക് നല്ലതാ. കൂലിയും കിട്ടും ഹെൽത്തും നന്നാകും. ടീ വേഗം വിളമ്പിതാ എനിക്ക് ടൈമില്ല. അവൻ അവളെ ഉന്തി തള്ളി കൊണ്ട് അകത്തേക്ക് പോയി. അവൻ ദേഷ്യത്തോടെ ചുമരിൽ ആഞ്ഞടിച്ചു. കൈ വേദനഎടുത്തു പുളഞ്ഞത് മിച്ചം. അവൻ കയ്യിൽ ഊതി കൊണ്ട് അകത്തേക്ക് പോയി.

സഫു അവന് തിന്നാൻ എടുത്തു കൊടുത്തു. അടുത്ത് തന്നെ ഇരുത്തി മുഴുവനും കഴിപ്പിച്ചേ വിട്ടുള്ളൂ. അതൊക്കെ കാണുമ്പോൾ അവന് കാലികയറുന്നുണ്ടായിരുന്നു. അവൻ കടിച്ചു പിടിച്ചു നിന്നു. ഈ അലവലാതിക്ക് ലൂസ് മോഷൻ വന്നു ഇന്ന് ടോയ്ലറ്റ് എണീക്കരുതേ.അങ്ങനെ ആയാൽ ഞാൻ എന്ത് വേണേലും ചെയ്തോളാം. അവൻ മനസ്സിൽ സാലിയെ പ്രാകി കൊണ്ട് നിന്നു. സാലി ഫുഡ് കഴിച്ചു എണീറ്റു വന്നു. സൂപ്പർ ഫുഡ്‌. എന്ത് കൈപ്പുണ്യമാണ് ഇവൾക്ക്. നിന്റെ ഒടുക്കത്തെ ഭാഗ്യഫൈസി ഇവളെ കിട്ടിയത്. എന്നും ടേസ്റ്റ് ഫുഡ്‌ കഴിക്കാലോ. പിന്നേ പറയാനുണ്ടോ ഇവളെന്റെ ഭാഗ്യരാശിയല്ലേ. ഇവൾ വന്നതിന് ശേഷം എനിക്ക് സൗഭാഗ്യങ്ങളുടെ ഒഴുക്കാണ്. ഫൈസി അവളെ ചുമലിലൂടെ കയ്യിട്ടു ചേർത്ത് പിടിച്ചു കൊണ്ട് പറഞ്ഞു. സാലി ഉച്ചക്ക് ചോറ് കഴിച്ചിട്ട് പോകാവൂ. അവൾ കൈ തട്ടി മാറ്റാൻ നോക്കിയെങ്കിലും അവൻ മുറുക്കെ പിടിച്ചിരുന്നു. അയ്യോ അതൊന്നും പറ്റില്ല. എനിക്ക് ഇന്ന് ഒരുപാട് ജോലിയുള്ളതാ. ഞാൻ ഇപ്പൊ തന്നെ പോവുകയാ. അവൻ യാത്ര ചോദിച്ചു പോയി.

ആർക്കാടി നോമ്പ്.ഞാൻ ഓഡർ കൊടുത്തു വാങ്ങിച്ച എന്റെ ഫുഡ് അവനെടുത്തു കൊടുക്കാൻ മാത്രം ധൈര്യം നിനക്കായോ അവൻ അവളെ അടുത്തേക്ക് വന്നു. അതേ ദൂരെ നിന്ന് സംസാരിച്ചാൽ മതി. ഉപദ്രവിക്കാനാണെന്ന മട്ടിൽ എന്റെ ശരീരത്തിൽ തൊടണ്ട. എനിക്ക് മനസ്സിലാവുന്നുണ്ട് അവിടെയും ഇവിടെയും ഒക്കെ അറിയാത്ത മാതിരി തൊടുന്നത്. സത്യം പറഞ്ഞ നീ തൊടുമ്പോൾ ഏതാണ്ടൊക്കെ തോന്നുന്നു. പിന്നെ വല്ലോം സംബവിചിട്ട് പരാതിയും കൊണ്ട് വരണ്ട. അവൾ നഖം കടിച്ചു നാണത്തോടെ താഴെക്ക് നോക്കി പറഞ്ഞു. അവൻ പിടിച്ചു കെട്ടിയ പോലെ നിന്നു.ഇനി തല്ലിയാലും അവൾ മറ്റൊരു കണ്ണിലൂടെയെ കാണു. ഇത് വലിയ ശല്യം ആയല്ലോ. എനിക്ക് എന്റെ ഫുഡ്‌ ഇപ്പൊ കിട്ടണം. കിട്ടിയേ പറ്റു. നാണം ഇല്ലല്ലോ കൊച്ചു കുട്ടികളെ പോലെ ഇങ്ങനെ ശാഡ്യം പിടിക്കാൻ. ഒരു നാണം ഇല്ല. എനിക്ക് വിശന്നിട്ട് വയ്യ.

അവൾ ബ്രെഡ്‌ അവന്റെ നേർക്ക് നീട്ടി. തിന്നോളൂ. ഞാനും ഇതല്ലേ തിന്നുന്നെ. എളുപ്പത്തിൽ ഉണ്ടാക്കാം. കൊളസ്‌ട്രോളും ഷുഗറും ഒന്നും ഇണ്ടാവുകയും ഇല്ല. വിശപ്പും മാറും. ഇതെങ്കിൽ ഇത് മൃഷ്ടാന ഭോജനം അല്ലേ.ഇനി തിന്നല്ലേ പറ്റു. അവനത് വാങ്ങി. അല്ല ഉച്ചക്കും ഇത് തന്നെയാണോ. ഏയ്‌ അല്ല. ഉച്ചക്ക് കഞ്ഞിയും അച്ചാറും. എനിക്ക് നന്നായി കഞ്ഞി ഉണ്ടാക്കാൻ അറിയാം. അതെങ്കിലും അറിയാലോ സമാധാനം. അവൻ അവളെ നോക്കി കൈ കൂപ്പി. എന്ന വേഗം പോയി ഉണ്ടാക്കാൻ തുടങ്ങികോളു.എന്നാലല്ലേ വൈകുന്നേരം എങ്കിലും ഡയ്‌നിങ് ടേബിളിൽ എത്തുകയുള്ളൂ. അതും ശരിയാ. ഇപ്പോഴേ തുടങ്ങിയേക്കാം. അവൾ അടുക്കളയിലേക്ക് പോയി. ചോറിന് പറഞ്ഞ മതിയാരുന്നു. എങ്കിൽ കഞ്ഞി കിട്ടിയേനെ. ഇനി കഞ്ഞിക്ക് പകരം എന്താനാവോ ഉണ്ടാക്കുക. അല്ല ഇവളെ കഞ്ഞി ഞാൻ മാത്രം കുടിച്ചാൽ മതിയോ. പോരല്ലോ......

..കൂട്ടിന് ആളുണ്ടെങ്കിൽ അല്ലേ കഞ്ഞി കുടിക്കാനും ഒരു രസമുള്ളൂ. അവന്റെ മുഖത്ത് ഒരു ചിരി വിരിഞ്ഞു. ***** ബെല്ലടിക്കുന്നത് കേട്ടാണ് അവൾ പോയി വാതിൽ തുറന്നു നോക്കിയത്. അജുവും പിന്നെ രണ്ടു ഫ്രണ്ട്സും. അവൾ അകത്തേക്ക് ക്ഷണിച്ചു. ഞാൻ ഫൈസിയെ വിളിച്ചിട്ട് വരാം. നിന്റെ ഫ്രണ്ട്സ് വന്നിട്ട. അതും പറഞ്ഞു അവൾ പോകാൻ നോക്കിയതും ഫൈസി വിളിച്ചു. അവർ ഉച്ച ഭക്ഷണത്തിന് ഉണ്ടാകും. പിന്നെ രണ്ടു ചീഫ് ഗെസ്റ്റും. എന്നെ കൊണ്ട് ഉണ്ടാക്കാനൊന്നും വയ്യ.ഞാനെന്താ നിന്റെ വേലക്കാരിയോ ഓഡർ ഇടാൻ. വേണമെങ്കിൽ ഹോട്ടൽ നിന്നും പാർസൽ വാങ്ങിക്കോ. അതെങ്ങനെ ശരിയാവാ. നിന്റെ കഞ്ഞി കുടിക്കാനല്ലേ ഞാൻ നിർബന്ധിച്ചു ഇവരെ വിളിപ്പിച്ചത്. നാട്ടുകാരും കൂടി അറിയട്ടെ നിന്റെ കഞ്ഞിയുടെ ടേസ്റ്റ്. ദേ ഫൈസി തമാശ കളിക്കല്ലേ അവരെ പറഞ്ഞു വിടുന്നതാ നല്ലത്.

അല്ലെങ്കിൽ നീ കൂടിയ നാണം കെടുക പറഞ്ഞില്ലന്ന് വേണ്ട. നാണം കെടുക ആരാന്നു അറിയോ. നിന്റെ സമീർക്ക. ചീഫ് ഗസ്റ്റ് നിന്റെ ഇതുസും സമീർകയും. പകരം വീട്ടിയതാണല്ലേ. പിന്നെല്ലാതെ. ഇവരൊക്കെ അറിയട്ടെ നിന്റെ കൈപ്പുണ്യം. ഹോട്ടൽ നിന്നും പാർസലിന്റെ കാര്യം ചിന്തിക്കണ്ട. ഞാൻ സിറ്റൗട്ടിൽ തന്നെ ഉണ്ടാവും. മടക്കി അയക്കും. റിസ്ക് എടുക്കണ്ട. സാധനം എന്തെങ്കിലും വേണമെങ്കിൽ വിളിച്ചു പറഞ്ഞ കൊണ്ട് വരും. അപ്പൊ ഫുഡ് റെഡിയാക്കിയിട്ട് വിളിക്ക്.അവൻ പോയി. അവൾ വേഗം ഇത്തുസിനെ വിളിച്ചു. ഞങ്ങൾ ഉച്ചക്ക് തന്നെ എത്തും. ഇനിയും വിളിച്ചോണ്ട് നിൽക്കണ്ട. ഫൈസി ഇപ്പൊ തന്നെ ഒരു പത്തു പ്രാവിശ്യം എങ്കിലും ഞങ്ങളെ വിളിച്ചു കാണും. എന്താ അതിന് മാത്രം ഇന്ന് നിന്റെ വീട്ടിൽ പ്രത്യേകത. അവൾ ഫോൺ വെച്ചു. ഇവൻ ഇങ്ങനെ ഒരു പണി തരുന്ന് സ്വപ്നത്തിൽ പോലും കരുതിയില്ല. അവൾ തലയിൽ കൈ വെച്ചു. ഈ കുറഞ്ഞ സമയം കൊണ്ട് ഞാനെന്തൊക്കെയാ റബ്ബേ ഉണ്ടാക്കുക. ***** സമീർക്കയും അൻസിയും വന്നു. ഫൈസിക് ശരിക്കും ഉള്ളിൽ ചിരി വരുന്നുണ്ടായിരുന്നു.

സമീർക്കയുടെ പ്രിയപെട്ട മരുമോളുടെ പീഡനത്തിൽ ഞാൻ അനുഭവിക്കുന്ന കഷ്ടപ്പാട് അവർ കൂടി അറിയട്ടെ. അൻസിയെയും കൂട്ടി സഫു അടുക്കളയിലേക്ക് പോകാൻ നോക്കിയതും ഫൈസി അൻസിയെ വിളിച്ചു. ഇതുസ് ഇങ്ങള് ഇങ് വാ. വീടൊന്നും ഇത് വരെ ശരിക്കും കണ്ടില്ലല്ലോ. ഞാൻ കാണിച്ചു തരാം. സഫു അപ്പോഴേക്കും നീ ഫുഡ്‌ ഒക്കെ എടുത്തു വെക്ക്. അൻസി ഒന്ന് മടിച്ചു നിന്നു. വാ ഇത്തുസെ. എന്താ എന്റെ കൂടെ ആയോണ്ടാണോ. ഏയ്‌ അല്ല. സഫു ഞാനിപ്പോ വരാട്ടോ. അവൾ ഫൈസിയുടെ കൂടെ പോയി. പോകുന്നെന്ന് മുന്നേ ഫൈസി സഫുവിന്റെ ചെവിയിൽ മെല്ലെ പറഞ്ഞു . ആരുടെയും ഒരു സഹായവും നീ പ്രതീക്ഷിക്കണ്ട. അവൾ അവനെ നോക്കി പുഞ്ചിരിച്ചു. അവസാനവും ഈ ചിരി ഇങ്ങനെ തന്നെ വേണം. അവൻ ഇത്തുസിനെ കൂട്ടി പോയി. സമീർക്ക ഫ്രണ്ട്സ്ന്റെ കൂടെ പുറത്ത് ആയിരുന്നു. അൻസി ആ വീടൊക്കെ ഒക്കെ ചുറ്റികണ്ടു.

അവസാനം ഫൈസിയുടെ റൂമിൽ എത്തി. അവൾ അവിടെ മേശപ്പുറത്ത് സിഗരറ്റ് വെച്ചിട്ട് കണ്ടു. അൻസി അത് തന്നെ നോക്കുന്നത് കണ്ടതും അവൻ എടുത്തു കീശയിൽ ഇട്ടു. വല്ലപ്പോഴും..... ചുമ്മാ...... എപ്പോഴെങ്കിലും ഒരിക്കൽ മാത്രം. സഫുന് ഇഷ്ടമല്ല വലിക്കുന്നത്. വലിക്കുന്നവരെ തീരെ കണ്ടുകൂടെന്ന് പറയുന്നത നല്ലേ. ഞാനും ആയി അധികവും ഇതിന്റെ പേരിൽ ഇവിടെ വഴക്കാണ്. എന്നാലും നിർത്താൻ പറ്റുന്നില്ല. അവൾക്ക് വലികുന്നത് കണ്ടാൽ ബാധ കേറുന്നത് പോലെയാണ്. സിഗരറ്റ് എന്നാൽ കേൾക്കുന്നതെ അലർജിയാണ്. സിഗരറ്റിനേക്കാൾ സിഗരറ്റ് വലിക്കുന്നവരോട ദേഷ്യം. അതെന്താ അങ്ങനെ. അവൾ ടെൻത്തിൽ പഠിക്കുമ്പോൾ അവളെ ഒരു ഫ്രണ്ടിന്റെ അച്ഛൻ മരിച്ചു. അവൾ പോയിരുന്നു കാണാൻ . വായിൽ കാൻസർ ആയിരുന്നു. ഫുൾ ടൈം സിഗരറ്റ് വലിക്കൽ ഉണ്ടായിരുന്നു അയാൾ. അങ്ങനെയാ ക്യാൻസർ വന്നത് പോലും. ഇടിഞ്ഞു പൊളിയാറായ വീടും സഹായിക്കാൻ ആരും ഇല്ലാത്ത അവരുടെ അവസ്ഥയൊക്കെ പറഞ്ഞു ആകെ സാട് ആയിരുന്നു

അവൾ.അയാൾ സിഗരറ്റ് വലി നിർത്തിയിരുന്നെങ്കിൽ ഇങ്ങനെ ഒരു ഗതി ആ വീട്ടുകാർക്ക് വരുമായിരുന്നോന്ന അവളുടെ ചിന്ത മുഴുവൻ. അന്ന് മുതൽ അവൾക്ക് വലിക്കുന്ന ഒരാളെയും കണ്ണെടുത്ത കണ്ടു കൂട . സമീർക്ക ആ ടൈം സിഗരറ്റ് വലിക്കൽ ഉണ്ടായിരുന്നു. അവൾ ഇനി വലിക്കരുതെന്ന് പറഞ്ഞു പിറകെ നടക്കാൻ തുടങ്ങി. ഒരു ദിവസം സിഗരറ്റ് മുഴുവൻ അവൾ പൊട്ടിച്ചു കളഞ്ഞു. ആ ദേഷ്യത്തിന് സമീർക്ക അവളെ തല്ലി. ഇനി വലി നിർത്താതെ എനിക്ക് ഭക്ഷണം വേണ്ടെന്നു പറഞ്ഞു ഒറ്റ കിടപ്പായിരുന്നു. ആദ്യം ഒരു തമാശയായെ എടുത്തുള്ളൂ. ഒരു ദിവസം മുഴുവൻ അവൾ വെള്ളം പോലും കുടിക്കാതെ പട്ടിണി കിടന്നു. അപ്പോഴ അവൾ സീരിയസ് ആണെന്ന് മനസ്സിലായെ. എല്ലാവരും എത്ര നിർബന്ധിച്ചിട്ടും വെള്ളം പോലും കുടിച്ചില്ല. പിറ്റേന്നും ഇത് തന്നെ അവസ്ഥ. ഉമ്മ അവളെ തല്ലുക പോലും ചെയ്തു. എന്നിട്ടും അവൾ വാശി വിട്ടില്ല. പിറ്റേന്ന് ആകുമ്പോഴേക്കും അവൾ ബോധം കെട്ടു വീണു. അവസാനം സമീർക്ക വാക്ക് കൊടുക്കേണ്ടി വന്നു സിഗരറ്റ് ഇനി വലിക്കില്ലന്ന്.ഇപ്പൊ വല്ലപ്പോഴും ഒന്നെങ്ങാനും വലിക്കും.

എന്നാലും അവളെ പേടിയാണ്. വീട്ടിൽ നിന്നും വലിക്കില്ല. അത് കൊണ്ട് എനിക്ക് ഉപകാരം ഉണ്ടായി. സമീർക്കക്ക് പെട്ടന്ന് എങ്ങനെയാ വലി നിർത്താൻ പറ്റിയെ. നമ്മൾ ആത്മാർത്ഥമായി സ്നേഹിക്കുന്ന ആളെ മനസ്സിൽ കരുതിയാ മതി. താനേ നിന്നോളും.വലിക്കാൻ തോന്നുമ്പോൾ അവരുടെ മുഖം മനസ്സിൽ ഓർത്താൽ മതി. സിഗരറ്റ് കയ്യിൽ എടുത്താൽ അതിൽ അവളെ കരയുന്ന മുഖം ആണ് കാണൽ എന്ന സമീർക്ക പറഞ്ഞെ പിന്നേങ്ങനെ അത് വലിക്കും . അത് കൊണ്ട് എല്ലാം പൊട്ടിച്ചെറിഞ്ഞു. അതൊക്കെ ചുമ്മാ അങ്ങനെ വിചാരിച്ചാൽ ഒന്നും നടക്കില്ല. ഞാനും നിർത്താൻ നോക്കിയത എനിക്ക് പറ്റിയില്ലല്ലോ. സഫുനെ ഓർത്തല്ലേ നിർത്താൻ ശ്രമിച്ചത്. അതിനർത്ഥം നീ അവളെ ആത്മാർത്ഥമായി സ്നേഹിക്കുന്നില്ലെന്ന.അവൾ ചെറു ചിരിയോടെ പറഞ്ഞു. ഒന്നുകൂടി ട്രൈ ചെയ്തു നോക്ക്.

ശ്രമിചാൽ നടക്കാത്തത് ഒന്നും ഇണ്ടാവില്ല.നമ്മുടെ ലക്ഷ്യ സ്ഥാനത്തു നിന്നും പിന്തിരിക്കാൻ പ്രേരിപ്പിക്കുന്ന എന്തെങ്കിലും ഉണ്ടെങ്കിൽ അതാണ്‌ ആദ്യം മറികടക്കേണ്ടത്. നമ്മുടെ മനസ്സിന് ചെറിയൊരു കുഴപ്പം ഉണ്ട്. എത്ര വലിയ ലാഭവും നേട്ടവും കിട്ടിയാലും ചിന്ത മുഴുവൻ നഷ്ടപ്പെട്ടതിന്റെ പിന്നാലെ ആയിരിക്കും. മൈൻഡ് നേരെയാക്കി ആലോചിച്ചു നോക്ക്. സിഗരറ്റ് നിർത്താൻ നീ ശ്രമിക്കുമ്പോൾ എന്തായിരുന്നു നിന്റെ മനസ്സിൽ. വലി നിർത്തിയാൽ ഉണ്ടാവുന്ന നഷ്ടം ആണ് നിന്നെ ആ ചിന്തയിൽ നിന്നും പിന്തിരിപ്പിച്ചത്.അത് മാറ്റ് ആദ്യം. എന്നിട്ട് വലി നിർത്ത്. അവന്റെ മനസ്സിൽ ഒരു വെള്ളിടി വെട്ടിയ പോലെ തോന്നി. അൻസിയെ ഓർത്തു അവൾക്ക് വേണ്ടിയാണ് ഞാൻ വലി നിർത്താൻ ശ്രമിച്ചത്. എന്ത് കൊണ്ട പിന്നെ എനിക്കതിന് കഴിയാഞ്ഞത്. എന്നെ വലി നിർത്തുന്നതിൽ നിന്നും പിന്നോട്ട് വലിച്ച ചിന്ത എന്തായിരുന്നു. സഫു വന്നു ഫുഡ് റെഡിയായെന്ന് പറഞ്ഞു വിളിച്ചു. താഴെക്ക് ഇറങ്ങുമ്പോൾ അവൻ അന്ന് അവൾ ഉണ്ടാക്കിയ ഫുഡ്‌ ഓർത്തു. അവന് മനം പുരട്ടുന്നത് പോലെ തോന്നി.

എന്താനാവോ ഇന്ന് സംഭവിക്കുക. ടേബിളിൽ നിരത്തി വെച്ച ഫുഡ് കണ്ടു അവന് കണ്ണ് പുറത്തേക്കു തള്ളി. ചിക്കൻ ബിരിയാണി. ചില്ലി ചിക്കൻ,ന്യുഡിൽസ്, പത്തിലും ചിക്കൻ കറിയും.രണ്ടു തരം പുഡിങ്. സ്മെൽ ആണെങ്കിൽ പറയണ്ട മൂക്കിൽ അടിച്ചു കയറുന്നുണ്ട്. അറിയാതെ വായിൽ വെള്ളം നിറഞ്ഞു. അതേ സമയം അവളോട് ഉള്ളിൽ ദേഷ്യം വരികയും ചെയ്തു. ഫുഡ് ഇണ്ടാക്കാൻ അറിയില്ലെന്ന് അവൾ കള്ളം പറഞ്ഞതാണ്. അന്ന് ഉമ്മാക്ക് മനപ്പൂർവം തന്നെയാണ് അങ്ങനെ ഉണ്ടാക്കി കൊടുത്തത്. അപ്പോൾ എന്നെ പട്ടിക്കിടുന്നതും ബ്രെഡ്‌ തീറ്റിക്കുന്നതും കരുതികൂട്ടിയാണ്. സഫൂ ......... അവൻ അവളെ നോക്കി പല്ല് കടിച്ചു ദേഷ്യത്തോടെ നോക്കി. അവൾ തിരിച്ചു അവനെ നോക്കി ഇളിച്ചു കാണിച്ചു. എല്ലാവരും സന്തോഷത്തോടെ അവളെ പാചകത്തെ നല്ലോണം പുകഴ്ത്തി പറഞ്ഞു പോയി. അത് കേൾക്കുമ്പോൾ അവളെ കൊല്ലാനുള്ള ദേഷ്യം അവനുണ്ടായിരുന്നു. അവളെ നാണം കെടുത്താൻ ആണ് കഷ്ടപെട്ട് ഇവരൊയൊക്കെ ക്ഷണിച്ചത്. എന്നിട്ട് സംഭവിച്ചതോ അവൾക് അവാർഡ് കൊടുക്കാൻ വിളിച്ചു വരുത്തിയത് പോലെയായി.

അവര് പോയതും അവൻ അവളെ നേരെ കലിപ്പോടെ പോയി. മനപ്പൂർവം ആയിരുന്നു അല്ലേ എന്നെ കൊണ്ട് ബ്രെഡ്‌ ജാമും തീറ്റിച്ചത്. പട്ടിണി കിട്ടതുമൊക്കെ. അതേലോ. ഇപ്പൊ മനസ്സിലായില്ലേ.ഞാൻ നിന്റെ ആരുമല്ലല്ലോ. അപ്പൊ നിനക്ക് നേരത്തിന് വെച്ചുണ്ടാക്കി തരണ്ട കടമയും എനിക്കില്ല. എന്റെ വീടാനിത്. ഇവിടെ താമസിക്കുമ്പോൾ ഇവിടുത്തെ ജോലി ചെയ്യാനുള്ള ബാധ്യതയും നിനക്കുണ്ട് . ഉണ്ട്. ആ കടമ നീയൊഴിച്ചു ബാക്കിയുള്ളവരോട് ആത്മാർത്ഥമായി തന്നെ നിറവേറ്റുന്നുമുണ്ട്.പിന്നെ നിനക്ക് വേണ്ടി ഇതൊക്കെ ചെയ്യാൻ ഞാൻ നിന്റെ ആരെങ്കിലും ആണോ. നീ ഒന്നും ചെയ്യണ്ടെടി. എനിക്കറിയാം എന്താ വേണ്ടെന്നു. ഇന്ന് തന്നെ പോയി ഉമ്മാനെ കൂട്ടി കൊണ്ട് വരും. നിന്റെ ഇവിടുത്തെ ഭരണം അതോടെ അവസാനിക്കുമല്ലോ. അവൾ അവനെ നോക്കി ചിരിച്ചു. അപ്പൊ പൊന്ന് മോനോട് ഒന്നും പറഞ്ഞില്ലേ. ഉമ്മ ഇപ്പൊ മൈസൂർ ആണ്. വയസ്സൻ കാലത്ത് ഒരു ഹണിമൂൺ. നിന്റെ ഇത്താത്തമാരും എല്ലാം ഉണ്ട് കൂടെ. എന്നെയും വിളിച്ചിരുന്നു. ക്ലാസ്സ്‌ ലീവാക്കാൻ പറ്റാത്തോണ്ട് ഞാൻ വരുന്നില്ലെന്ന് പറഞ്ഞു.

അവൻ നെറ്റിക്ക് കയ്യും കൊടുത്തു അവിടെ ഇരുന്നു. കുറച്ചു കഴിഞ്ഞു റൂമിലേക്ക് പോയി പെട്ടന്ന് തന്നെ റെഡിയായി വന്നു. കയ്യിൽ ഒരു ബാഗ് ഉണ്ടായിരുന്നു. നീ എവിടെക്കാ. ഞാൻ വല്ല ഹോട്ടലിലും റൂമെടുത്തു നിന്നോളം. നിന്റെ കൂടെ ഒരു നിമിഷം പോലും ഞാനിവിടെ നിൽക്കില്ല. അപ്പൊ ഞാൻ തനിച്ചിവിടെയോ .എന്നെ കൊണ്ടൊന്നും വയ്യ. എനിക്ക് പേടിയാ. എന്നാ പെട്ടിയും കിടക്കയും എടുത്തു വീട്ടിലേക്ക് വിട്ടോ. പിന്നേ ഇനി തിരിച്ചു വന്നേക്കരുത്. അങ്ങനെയൊരു ഉപകാരം കൂടി ചെയ്തു തന്നേക്ക്. അതൊന്നും നടക്കില്ല. വീട് പൂട്ടിയിടരുതെന്ന് ഉമ്മയും ഉപ്പയും പ്രത്യേകം പറഞ്ഞത. എന്നാ ഇവിടെതന്നെ നിന്നോ. രാത്രിയാകുമ്പോൾ കള്ളന്മാരും സകല ഭൂതപ്രേതതികളും കൂട്ടിന് വന്നോളും. എനിക്ക് അങ്ങനെ പേടിയൊന്നും ഇല്ല. വേണമെങ്കിൽ ഞാൻ സാലിയോട് പറഞ്ഞു രണ്ടു പൊലീസുകാരെ നൈറ്റ്‌ ഡ്യൂട്ടിക്ക് വരാൻ പറയും. അല്ലെങ്കിൽ ഇപ്പൊ എന്തിനാ പോലീസുകാർ. സാലിയെ തന്നെ വിളിച്ച പോരേ. അവനാകുമ്പോൾ എനിക്കും ഒരു കൂട്ടാകും. അവന്റെ കയ്യിൽ നിന്നും ബാഗ് താഴേക്കു വീണു .

ഏത് നാശം പിടിച്ച നേരത്തനാവോ അവനെ ഈ നാട്ടിലെക്ക് തന്നെ കെട്ടിയെടുത്തത്. ഇവൾ വിളിക്കാൻ നേരം അവൻ വരികയും ചെയ്യും. അവനും അവളും തനിച്ചു ഇവിടെ. അതോർത്തതും അവന്ന് അടിമുടി പെരുത്ത് കയറുന്നത് പോലെ തോന്നി. എന്താ പോകുന്നില്ലേ നീ. അവനെ വിളിച്ചു ഇവിടെ വരുത്തിയിട്ട് വേണം. നാട്ടുകാരെ കൊണ്ട് അതും ഇതും പറയിപ്പിക്കാൻ. എന്റെയും നിന്റെയും വീട്ടുകാരോടും എന്ത് പറയും. ഞാൻ പോകുന്നില്ല പോരേ. അതാണ്‌ നിനക്കും നല്ലത്. ഒരാഴ്ചകൂടി എന്തായാലും നമ്മൾ ഇവിടെ തനിച്ചു താമസിച്ചേ പറ്റു. അത് കൊണ്ട് ഒരു കോംപ്രമൈസിന് തയ്യാറാകാം. എന്ത് കോമ്പ്രമൈസ് നിന്റെ കാര്യത്തിൽ ഞാനോ എന്റെ കാര്യത്തിൽ നീയോ ഇടപെടാൻ പാടില്ല. എന്റെ ഫ്രണ്ട്സ് ഇവിടെ വരാൻ പാടില്ല. നിന്റെ ഫ്രണ്ട്സ് ഇവിടെ വരാൻ പാടില്ല. അതിന് എന്റെ ഫ്രണ്ട്സ് ആരും വരാറില്ലല്ലോ കസിൻസ് അതിൽ പെടും. സാലിയെയാ അവൻ ഉദ്ദേശിച്ചതെന്ന് അവൾക്ക് മനസ്സിലായി. പിന്നേ വീട്ടുജോലി മൊത്തം നീ തന്നെ ചെയ്യണം. പാചകവും അതിൽ ഉൾപ്പെടും. ഇപ്പറഞ്ഞതിന്നു എനിക്ക് സമ്മതമല്ല.

ആദ്യത്തെ കണ്ടിഷൻ എനിക്ക് ഒക്കെയാണ്. ഇവിടുത്തെ ജോലി ചെയ്യാൻ ഞാനെന്ത നിന്റെ വേലക്കാരിയോ. എന്നെ കൊണ്ടൊന്നും പറ്റില്ല. പിന്നെ നിന്നെകൊണ്ട് എന്താ പറ്റുക. കണ്ടിഷൻ ഞാൻ പറയാം. ഒരു ദിവസം മുഴുവൻ വീട്ടുജോലി നീ ചെയ്യണം ഫുഡ് ഉണ്ടാക്കുന്നതടക്കം. പിറ്റേ ദിവസം ഞാൻ. അവർ വരുന്നത് വരെ ഇത് പോലെ മാറി മാറി ചെയ്യാം. എന്താ പറ്റുമോ. നീ ശരിക്കും എന്റെ ഭാര്യയാരിരുന്നുവെങ്കിൽ എന്നെ കൊണ്ട് ഇങ്ങനെ ജോലി ചെയ്യിക്കുമായിരുന്നോ. ഒരിക്കലും ഇല്ല. നിന്നെ ഒരു മഹാരാജാവിനെ പോലെ നോക്കും. യാതൊരു കുറവും ഒരു കാര്യത്തിലും വരുത്തിക്കില്ല. എനിക്ക് ജോലി ചെയ്യാൻ വയ്യെങ്കിൽ ഒരു വേലക്കാരിയെ വെച്ചെങ്കിലും ചെയ്യും. അത്രക്ക് പോലും എന്റെ ഭർത്താവിനെ കൊണ്ട് ഒരു ജോലിയും ചെയ്യിക്കില്ല. കോപ്പ് നോക്കും. വാചകമടിക്കാൻ ആർക്കും പറ്റും. എനിക്ക് ഈ ഡീൽ ഓകെയാണ്. എനിക്കും സമ്മതം. ഇന്ന് മൊത്തം ഞാനല്ലേ ചെയ്തത്. അത് കൊണ്ട് നാളെ നിന്റെ ഡ്യൂട്ടി. മറ്റന്നാൾ എന്റെത്. ഓക്കേ. ഫൈനലി നീ ഒരിക്കലും എന്റെ റൂമിലേക്ക് വരാൻ പാടില്ല.

ഞാൻ നിന്റെ റൂമിലേക്കും വരില്ല. അബദ്ധത്തിൽ നിന്റെ പേര് വിളിച്ചാൽ പോലും വന്നേക്കരുത്. അവൻ അതും പറഞ്ഞു അകത്തേക്ക് പോയി. ഇവൻ വീട്ടുജോലി ചെയ്യുക . ഫുഡ് ഇണ്ടാക്കുക. അതൊക്കെ കണ്ടു തന്നെ അറിയണം. ഇത്രയും ദിവസം പട്ടിണി കിടന്നിട്ടും ഒരു ഓംബ്ലൈറ്റ് ഉണ്ടാക്കി തിന്നിട്ടില്ല. എന്നിട്ട ഒരു ദിവസം മുഴുവൻ വീട്ടുജോലി. കണ്ടു തന്നെ അറിയണമെല്ലാം. ഈ വീട് ഇത് പോലെ ബാക്കിയുണ്ടായാൽ മതിയാരുന്നു. ******* അൻസിയോട് ചാറ്റുന്നതിനിടയിൽ അവൻ അവന്റെ മാര്യേജ് കഴിഞ്ഞ കാര്യം പറഞ്ഞു. അപ്പൊ തന്നെ അൻസി ബൈ പറഞ്ഞു പോയി. പിന്നെ അവൻ ഒരുപാട് msg അയച്ചു. സീൻ ചെയ്തതല്ലാതെ ഒന്നിനും റിപ്ലൈ ഉണ്ടായില്ല. അവന്ന് അത് കണ്ടു പറയേണ്ടിയിരുന്നില്ലന്ന് തോന്നി.എന്നായാലും അറിയാതെ ഇരിക്കില്ല. മറ്റാരെങ്കിലും പറഞ്ഞു അറിയുന്നതിനെക്കാൾ സ്വയം പറയുന്നത നല്ലതെന്നു അവന്ന് തോന്നി. അതായിരുന്നു പറഞ്ഞത്. പിണങ്ങി പോയതായിരിക്കുമോ ഇനി. അവന്ന് വട്ട് പിടിക്കുന്ന പോലെ തോന്നി. രാത്രി അവളുടെ കാൾ വന്നു. ഇത്രയും ദിവസം എന്താ പറയാതിരുന്നത്.

അവൻ ഇത് വരെയുള്ള എല്ലാ കാര്യവും തുറന്നു പറഞ്ഞു. അവളെ കണ്ടതും സ്നേഹിച്ചതും പറഞ്ഞപ്പോൾ അവൾ ആദ്യം ഷോക്കായി. അവൾക്ക് ഇതിനെ പറ്റി ഒന്നും അറിയില്ലെന്ന് അവൾ പറഞ്ഞു. ആ കത്തും അവൾക്ക് കിട്ടിയില്ലെന്നു പറഞ്ഞു. അത് അവന്ന് പുതിയ അറിവായിരുന്നു. അവൾക്ക് കൊടുത്തെന്നു ആ ചെക്കൻ പറഞ്ഞതാണ്. ഇവൾ പറയുന്നു കിട്ടിയില്ലെന്ന്. ആരാ ഇതിൽ കളവ് പറയുന്നത്. സഫുവുമായി ഒരിക്കലും ഒരുമിച്ചു പോകില്ലെന്നും പെട്ടന്ന് തന്നെ അവന്റെ ഡിവോഴ്സ് ഉണ്ടാകുമെന്നും അവൻ പറഞ്ഞു. അതിന്ന് അവൾ മൂളിയതല്ലാതെ വേറൊന്നും പറഞ്ഞില്ല. കുറച്ചു നേരത്തെ മൗനത്തിന് ശേഷം അവൾ ചോദിച്ചു. ഇനിയെന്താ നിന്റെ പ്ലാൻ.

I love u അവനത് പറഞ്ഞതും അവൾ അപ്പോൾ തന്നെ കാൾ കട്ട് ചെയ്തു. പിന്നെ വിളിച്ചിട്ട് ഫോണും എടുത്തില്ല. ഒരു msg റിപ്ലൈ വന്നു. എനിക്ക് ഒന്ന് ആലോചിക്കണം. ഞാൻ രാവിലെക്ക് മറുപടി തരാം. അവൻ നെഞ്ചിടിപ്പോടെ കാത്തിരുന്നു അവളുടെ മറുപടിക്കായി. രാത്രിക്ക് ഒരുപാട് ദീർഖമുള്ളത് പോലെ അവന്ന് തോന്നി. അവളുടെ മറുപടി യെസ് or നോ ഏതായിരിക്കും. യെസ് എന്നകണെ അവൻ മനമുരുകിതന്നെ പ്രാർത്ഥിച്ചു. അവൻ ഇരുന്നും നടന്നും എങ്ങനെയൊക്കെയോ നേരം വെളുപ്പിച്ചു. രാവിലെ എണീറ്റതും ഫോൺ എടുത്തു നോക്കി. അവളുടെ കുറേ msg വന്നിട്ട് ഉണ്ട്. അവൻ പ്രാർത്ഥിച്ചു കൊണ്ട് ഹൃദയമിടിപ്പോടെ msg ഓപ്പൺ ചെയ്തു.... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...