💕മിഴികൾ പറഞ്ഞ പ്രണയം 💕: ഭാഗം 38

രചന: സഫ്‌ന കണ്ണൂർ

നട്ട പാതിരാക്ക് കെട്ടിയോനെ കാണാൻ ഒളിച്ചും പാത്തും പോകേണ്ട ഗതികേട് എനിക്കല്ലാതെ ലോകത്ത് വേറൊരു ഭാര്യക്കും ഉണ്ടാവില്ല.ആ കെട്ടിയോൻ തെണ്ടി ഉറങ്ങിയില്ലെങ്കിൽ ഇത് അവസാനത്തെ പോകുമായിരിക്കും. ഉറങ്ങികാണില്ലേ ഇനി. അതോ കാമുകിയെയും ഓർത്തു സ്വപ്നം കണ്ടു ഇരിക്കുകയായിരിക്കുമോ. ആയിരിക്കും അല്ലാതെ വേറെ പണിയൊന്നും ഇല്ലല്ലോ. റൂമിൽ ലൈറ്റ് ഓഫ്‌ ചെയ്തിട്ട് ഒരു മണിക്കൂറോളം ആയി. ആ ധൈര്യത്തില പോകുന്നേ. അല്ലെങ്കിലേ എന്നെ കണ്ണിന് നേരെ കണ്ടു കൂടാ. അതിന്റെ കൂടെ മുഖത്തിട്ട് ഒന്ന് പൊട്ടിക്കുകയും ചെയ്തു.അടികൊണ്ട അവന് ഒരു കൂസലും ഇല്ലെങ്കിലും കൊടുത്ത എനിക്ക് ഉറങ്ങാൻ പറ്റണ്ടേ. പോരാത്തതിന് പാവത്തിന്റെ കയ്യും പൊള്ളി. ഒന്ന് തിരിഞ്ഞു നോക്കിയത് പോലും ഇല്ല എന്നിട്ട്. അത്രക്ക് ദേഷ്യം ഉണ്ടായിരുന്നു അവനോട്. അവന് മരിച്ച മതി പോലും. അതോർക്കുമ്പോൾ വീണ്ടും ഒന്ന് കൂടി പൊട്ടിക്കാന തോന്നുന്നേ.എങ്ങനെയാ അവനത് പറയാൻ തോന്നിയെ.

കേട്ടപ്പോൾ നെഞ്ചിൽ ഒരു പിടച്ചിൽ ആയിരുന്നു. കുറച്ചു നേരം അവനെ കാണാതിരുന്നപ്പോൾ തന്നെ സഹിക്കാൻ പറ്റിയില്ല.പേടിച്ചു വിറച്ചു പാതി മരിച്ചപോലെ ഇരിക്കുമ്പോഴാ അവന്റെ ഒടുക്കത്തെ ഡയലോഗ് അവന് മരിച്ച മതിന്ന്. സഹിക്കാൻ പറ്റാത്തൊണ്ട തല്ലി പോയത്. തല്ലേണ്ടിയിരുന്നില്ല.കയ്യും പൊള്ളി. പാവം. ഇനി പറഞ്ഞിട്ട് എന്താ കാര്യം. സ്വയം വരുത്തി വെച്ചതല്ലേ എല്ലാം. ഇനി അനുഭവിക്കാതെ നിവർത്തിയില്ലല്ലോ. ഇന്ന് വീട്ടിൽ എല്ലാവരും ഉണ്ട്. അവരെങ്ങാനും കണ്ടാലോ ആ പേടിയും ഉണ്ട്. കളിയാക്കി കൊല്ലും. ഏകദേശം എല്ലാരും ഉറങ്ങിയെന്നു ഉറപ്പ് വരുത്തി അവന്റെ റൂമിലേക്ക് പോയി. ഭാഗ്യത്തിന് വാതിൽ ലോക്ക് ഇട്ടിട്ടില്ല. കുറച്ചു തുറന്നു ഉള്ളിലേക്ക് എത്തി നോക്കി. നല്ല ഉറക്കം തന്നെയാണ്. സമാധാനം ആയി. അവൾ ശബ്ദം ഉണ്ടാക്കാതെ മെല്ലേ അകത്തേക്ക് കയറി വാതിൽ അടച്ചു.

ഫോൺ ടോർച്ചു കത്തിച്ചു. റൂമിൽ ലൈറ്റ് ഇട്ടാൽ അവൻ ഉണർന്നാലോ. അവന്റെ അടുത്ത് പോയി നിലത്ത് മുട്ടുകുത്തി ഇരുന്നു.അവന്റെമുഖത്തേക്ക് നോക്കി കുറച്ചു സമയം നിന്നു. എന്ത് സുന്ദരമായ ഉറക്കം.പച്ച പാവത്തിനെ പോലെയുണ്ട് കാണാൻ. എന്തൊരു നിഷ്കളങ്കതയാ മുഖത്ത്. ഈ മുഖം കണ്ടാൽ പറയോ കലിപ്പിന് പേര് കേട്ട കക്ഷിയാണെന്ന്. അല്ലെങ്കിലും എന്നോട് മാത്രമേയുള്ളൂ കലിപ്പ്. ബാക്കിയെല്ലാരോടും സോഫ്റ്റായെ സംസാരിക്കുന്നത് കണ്ടിട്ട് ഉള്ളൂ. അവൾ മുഖത്തേക്ക് സൂക്ഷിച്ചു നോക്കി തല്ലിയ പാടൊന്നും ഇല്ല. കയ്യിൽ രണ്ടു മൂന്നിടത്ത് പൊള്ളിയിട്ട് ചുവപ്പടിച്ചിന്. ഒരിടത്ത് മാത്രം കുമിള പൊന്തി പൊട്ടിയിന് . കണ്ടപ്പോൾ സങ്കടം തോന്നി. ഇതിനെല്ലാം കാരണക്കാരി ഞാൻ മാത്രമാണ്. അടുക്കളയിൽ കയറ്റേണ്ടിയിരുന്നില്ല.എനിക്ക്അല്ലെങ്കിലും ഒന്ന് കിട്ടാത്ത കുറവുണ്ട്. അവൾ അവളെ തലക്ക് തന്നെ ഒരു തല്ല് കൊടുത്തു.

ഓയിന്മെന്റ് ഒന്നും വെച്ചിട്ടില്ല. അവൾ പോയി ഓയിന്മെന്റ് എടുത്തു മെല്ലെ പുരട്ടി കൊടുത്തു. നീറ്റൽ കൊണ്ടായിരിക്കണം. കൈ വലിച്ചു. . അവൾ അവന്റെ കയ്യിൽ ഒരു മുത്തം കൊടുത്തു.ഐ ആം സോറി. അവന്റെ മുടി യിലൂടെ തലോടി കുറച്ചു സമയം അവനെ തന്നെ നോക്കി നിന്നു .അറിയാതെ അവളുടെ കണ്ണുകൾ നിറഞ്ഞു. റൂമിൽ നിന്നും പുറത്തിറങ്ങി അവൾ അവളെ റൂമിലേക്ക് പോയി. ***** സിറ്റൗട്ടിൽ ഇരുന്നു പേപ്പർ വായിക്കുമ്പോഴാ ഫൈസി എവിടേക്കോ പോകാൻ റെഡിയായി ഇറങ്ങി വന്നത്. അവന്റെ വേഷം കണ്ടു അവൾക്ക് ചെറുതായി പേടി തോന്നി. വൈറ്റ് ഷർട്ട് ഇട്ടു കിടു ലുക്കിൽ ആണ് . വൈറ്റ് ഷർട്ട് ഇട്ടാൽ അവന് ഒടുക്കത്തെ മൊഞ്ചണ്. നന്നായി ചേരും. പക്ഷേ ഞാനും ഈ വൈറ്റും തീരെ ചേരില്ല. എപ്പോ കണ്ടാലും ഉടക്കാണ്.ഇവന്റെ മുന്നിൽ നിൽക്കുന്നത് അത്ര പന്തിയല്ല. മാറി നിൽക്കുന്നതാണ് ആരോഗ്യത്തിന് നല്ലത്.

അവൻ വരുന്നത് കണ്ടതും അവൾ ദൂരെ നിന്നു.അവളെ കളി കണ്ടിട്ടാകണം അവൻ കണ്ണുരുട്ടി നോക്കി. നോക്കിപേടിപ്പിച്ചോ പക്ഷെ ദയവുചെയ്തു അടുത്ത് വരരുത്. വന്ന നീയെന്തു ചെയ്യും. അവൻ അവളെ അടുത്തേക്ക് വന്നതും അവൾ അവന്റെ നേർക്ക് കൈ കൂപ്പികൊണ്ട് പറഞ്ഞു. എന്ന് വൈറ്റ് ഷർട്ട് ഇട്ടു എന്റെ അടുത്തേക്ക് വന്നോ അന്നെല്ലാം പണി കിട്ടിയിട്ടുണ്ട് . എനിക്ക് വയ്യ തല്ല് കൊള്ളാൻ. അത് കൊണ്ട പ്ലീസ്. അടുത്തേക്ക് വരരുത്. അവൻ ഒന്നോർത്ത് നോക്കി അതും ശരിയാ ഞാൻ ഇവളുമായി ഉടക്ക് ഉണ്ടായപ്പോഴൊക്കെ ഇട്ടത് വൈറ്റ് ഷർട്ടാണ്. എന്റെ ഫേവറിറ്റ് കളർ ആണ് വൈറ്റ്. എന്റെ ഭാഗ്യ ഷർട്ട് കൂടിയാണ്. പലപ്പോഴും ഈ ഷർട്ട് ഇടുമ്പോൾ അൻസിയെ ഓർക്കാറുണ്ട്. അവളെ ഓർത്തു എപ്പോ ഈ ഷർട്ട് ഇട്ടോ അന്ന് ഈ പിശാചിനെ കാണും. എന്തെങ്കിലും പണിയും കിട്ടും. അൻസിയെ കാണാൻ പോകുമ്പോൾ എന്തെങ്കിലും ഗിഫ്റ്റ് വാങ്ങണം അതിന് വേണ്ടിയാ പോകുന്നത്. അടുത്ത് പോകാതിരിക്കുന്നത് തന്നെയാ നല്ലത്. അവൻ തിരിച്ചു വന്നു. പേടിയുണ്ടല്ലേ അവൾ ചിരിച്ചു കൊണ്ട് പറഞ്ഞു.

ഇല്ലാതില്ലാതില്ല. അവളെ നോക്കാതെ പറഞ്ഞു. എവിടെക്കാ രാവിലെ തന്നെ കോലം കെട്ടി പോകുന്നേ. ഒരു പെന്നും പേപ്പറും എടുത്തിട്ട് വാ വിശദമായി എഴുതി തരാം. ആണോ വൻ മിനിറ്റ് പേപ്പറും പേനയും എടുത്തു ഇപ്പൊ വരാം. അവൾ അകത്തേക്ക് പോകാൻ നോക്കി. ടീ നീ പൊട്ടത്തിയാണോ അതോ അത് പോലെ അഭിനയിക്കുന്നതോ. ഈഈ അവൾ തിരിച്ചു ഇളിച്ചു കാണിച്ചു. നിന്റെ ഈ മോന്തയും കണ്ടല്ലേ പോകുന്നത്. പൊകുന്ന കാര്യം ഗോവിന്ദ നമ്മളെ മോന്ത കണ്ടിട്ട് ആർക്കും ഒരു ഏനക്കേടും ഉണ്ടാവേണ്ട പോയേക്കവേ.അവനെ നോക്കി മുഖം കൊട്ടികൊണ്ട് അവൾ ഉള്ളിലേക്ക് പോയി. അവൾ നേരെ അടുക്കളയിലേക്ക് പോയി . ആയിഷ വർക്ക് ഏരിയയിൽ നിന്ന് മീൻ മുറിക്കുന്നത് കണ്ടു. അതും നോക്കി കൊച്ചു വർത്തനവും പറഞ്ഞു കുറച്ചു സമയം നിന്നു. അപ്പോഴാ ആയിഷയെ ഹാരിസ്ക്ക വിളിച്ചത്. സഫു ഈ വെള്ളം മറിച്ചു മീൻ കഴുകി വെക്കണേ ഞാനിപ്പോൾ വരാം. തിരിച്ചു വരണ്ട മോളേ ഞാൻ ചെയ്തോളാം എല്ലാം. ആയിഷ പോയി . അവൾ മീൻ കഴുകി. വർക്കേരിയിൽ നിന്നും കഴുകിയ വെള്ളം പുറത്തേക്ക് നീട്ടി മറിച്ചു.

പുളിച്ച തെറി കേട്ടാണ് അവൾ തിരിഞ്ഞു നോക്കിയത് ഫൈസി. മീൻ കഴുകിയ വെള്ളത്തിൽ കുളിച്ചു നിക്കുന്നു ഫൈസി .അവന്റെ തലവഴി മീൻ വെള്ളം ഇറ്റി വീഴുന്നു. അവൾ തലയിൽ കയ്യും വെച്ചു അവനെ നോക്കി. പേടിച്ചിട്ടു ഉള്ളിൽ നിന്നും വിറയൽ വന്നു. ഇവൻ വൈറ്റ് ഷർട്ട് ഇട്ടപ്പോഴേ കരുതിയത എന്തെങ്കിലും എടങ്ങേറ് ഉണ്ടാകുമെന്ന്. അതാ മുന്നിൽ പെടാതെ മുങ്ങി നടന്നത്. കണ്ടക ശനി വണ്ടിയും പിടിച്ചാണല്ലോ പിറകെ വരുന്നത്. ഇവൻ പോകാൻ ഇറങ്ങുന്നത് കണ്ടിനല്ലോ റബ്ബേ പിന്നെന്തിനാ ഈ അടുക്കള മുറ്റത്ത് വന്നത്. എന്റെ കാര്യത്തിൽ ഇന്നത്തോടെ തീരുമാനം ആകും. പിന്നിൽ നിന്നും പൊട്ടി ചിരി കേട്ടാണ് അവൾ തിരിഞ്ഞു നോക്കിയത് ഉമ്മയും ആയിഷയും. ദേഷ്യം ഉണ്ടെങ്കിൽ പറഞ്ഞു തീർത്തോടെ സഫു. ഇങ്ങനത്തെ പണിയൊന്നും ചെയ്യരുതായിരുന്നു.

അവരുടെ ചിരി കണ്ടപ്പോൾ അറിയാതെ അവളും ചിരിച്ചു പോയി. ഫൈസി എന്തോ വലിച്ചെറിയുന്നത് കണ്ടാണ് അവൾ നോക്കിയത്. ഫോൺ അഞ്ചാറു പീസായി കിടപ്പുണ്ട്. ഇവരൊക്കെയുള്ളത് കൊണ്ട് എന്നെ ഒന്നും ചെയ്യാൻ പറ്റാത്ത ദേഷ്യം ഫോണിനോട് തീർത്തതാണ് . അവന്റെ മുഖം ദേഷ്യം കൊണ്ട് വിറക്കുന്നുണ്ട്. അവളെ രൂക്ഷമായി നോക്കി അവൻ പോയി. അവളെ ചിരി താനേ നിന്നു. അവൾ ഫോണിന്റെ പാർട്സ് എല്ലാം പെറുക്കിഎടുത്തു ഫോൺ ശരിയാക്കി ഓൺ ആക്കി നോക്കി . ഡിസ്പ്ലേ പോയെന്ന് മനസിലായി.എന്റെ ഡിസ്പ്ലേയും ഇന്നത്തോടെ പോകും.കലിപ്പില പോയത് .അവൾ അവന്റെ പിറകെ തന്നെ പോയി . സഫു ഇപ്പൊ പോകണ്ട. അവന്റെ ദേഷ്യം ഒന്ന് കുറയട്ടെ എന്നിട്ട് പോകാം. ഉമ്മയും ആയിഷയും പറയുന്നത് കേട്ടെങ്കിലും അവൾ നിന്നില്ല. അവൾ റൂമിൽ പോയി നോക്കി. റൂമിലെ പല സാധനങ്ങളും നിലത്തേക്ക് വലിച്ചെറിഞ്ഞിട്ട് ഉണ്ട് . ജീവനും കൊണ്ട് ഓടി പോയാലോ. അതാ നല്ലത്. അല്ലെങ്കിൽ ഇത് പോലെ എന്നെയും പിസാക്കും .പിന്നെ വന്നു സംസാരിക്കാം .

അവൾ പോകാൻ തിരിഞ്ഞതും അവൻ കണ്ടു .അവൻ അവളെ അടുത്തേക്ക് വന്നു . അവൾക്ക് പേടിച്ചിട്ട് ഒരു സ്റ്റെപ് പോലും മുന്നോട്ട് വെക്കാൻ പറ്റിയില്ല .അവൻ ഷർട്ട് ഊരി അവളെ മുഖത്തേക്ക് വലിച്ചെറിഞ്ഞു . അവൾക്ക് പെട്ടുന്നു മനസിലായി. മീൻ വെള്ളത്തിന്റെ ഉളുമ്പ നാറ്റം കൊണ്ട് പെട്ടന്ന് ഒക്കനിച്ചു . നാറ്റം സഹിക്കാൻ പറ്റുന്നില്ലല്ലേ പേടിച്ചിട്ട് അവന്റെ മുഖത്തേക്ക് നോക്കാനുള്ള ശേഷി അവൾക്കില്ലായിരുന്നു. സോറി . അവളുടെ ഒരു സോറി .അവൻ അടുത്തേക്ക് വന്നു അവളെ രണ്ടു കയ്യിലും അമർത്തി പിടിച്ചു .അവൾ വേദന കൊണ്ട് പുളഞ്ഞു .മുഖത്തേക്ക് നോക്കെടി . സത്യം ആയിട്ടും ഞാൻ നിന്നെ കണ്ടില്ലായിരുന്നു . അവൻ കയ്യിൽ പിടിച്ചു ഒന്നുകൂടി അമർത്തി . വേദനയെടുക്കുന്നു .....പ്ലീസ്.... വിട് .അറിഞ്ഞോണ്ട് അല്ലെന്ന് പറഞ്ഞില്ലേ .വേദന സഹിക്കാൻ പറ്റാതെ അവളെ കണ്ണ് നിറഞ്ഞു .

അവന് അവളെ വിട്ടു .എന്നെ ദ്രോഹിച്ചേ അടങ്ങുന്ന കച്ചകെട്ടി ഇറങ്ങിയതാണോ നീ . നീ അവിടെ വരുന്ന് ഒരിക്കലും കരുതിയില്ല . ഞാൻ അവിടെ വന്നതാ ഇപ്പൊ കുറ്റം .ഞാൻ വന്നത് കണ്ടു നീ മനപ്പൂർവം ചെയ്തതാണ് . സത്യം ആയിട്ടും അല്ല .ഞാൻ കണ്ടിട്ടില്ല .നീ വൈറ്റ് ഷർട്ട് ഇട്ടപ്പോഴേ കരുതിയത എന്തെങ്കിലും സംഭവിക്കുന്ന് . എന്റെ ഷർട്ടിന ഇപ്പൊ കുഴപ്പം .സത്യം പറയെടീ എന്നോട് ഉള്ള ദേഷ്യം തീർത്തിട്ട് കുറ്റം ഷർട്ടിന്റെ പേരിൽ ഇട് .എന്ന് അൻസിയെ ഓർത്തു ഈ ഷർട്ട് ഇട്ടിനോ നിന്നെ കണ്ടിരിക്കും .ഷർട്ടിന്റെ കാര്യം പിന്നെ പറയണ്ട . ഞാൻ വാഷ് ചെയ്തു തരാം . എന്റെ ലക്കി ഷർട്ട്‌ ആയെ ഞാൻ വൈറ്റ് കണ്ടിട്ട് ഉള്ളൂ .ഇനി എനിക്കിത് വേണ്ട .ഇന്നത്തോടെ വൈറ്റ് ഇടുന്നത് നിർത്തി .ഇത് ഇട്ടിനോ നിന്റെ തിരുമോന്ത കാണേണ്ടി വരും ഉറപ്പാണ് .നിന്റെ നിഴൽ പോലും കാണാൻ ഞാൻ ആഗ്രഹിക്കുന്നില്ല . എന്ന് നിന്നെ കണ്ടു മുട്ടിയോ അന്ന് തുടങ്ങിയത എന്റെ കഷ്ടകാലം .ഏത് ജന്മത്തിൽ ചെയ്ത പാപത്തിന്റെ ഫലം ആണാവോ ഞാൻ ഇപ്പൊ അനുഭവിക്കുന്നെ . മടുത്തു എനിക്ക് ശരിക്കും മടുത്തു .

നിന്നെ കണ്ടത് തൊട്ട് മനസ്സമാധാനം എന്നൊന്ന് ഞാൻ അറിഞ്ഞിട്ടില്ല .ഇങ്ങനെ പോയാൽ എനിക്ക് ഭ്രാന്ത് പിടിക്കും .ഒന്ന് പോയി തരുമോ എന്റെ ജീവിതത്തിൽ നിന്നും ഞാൻ വേണമെങ്കിൽ നിന്റെ കാല് പിടിക്കാം .അവൻ കുനിയാൻ നോക്കിയതും അവൾ പിറകോട്ട് മാറി നിന്നു . നീ എന്ത് വട്ടാ ഈ കാണിക്കുന്നേ .നിന്റെ ജീവിതത്തിൽ നിന്നും ഞാൻ പോകണം അത്രയല്ലേ ഉള്ളൂ .പൊക്കോളാം ഇപ്പൊ തന്നെ പൊക്കോളാം .ഇനി ഒരിക്കലും നീ എന്നെ കാണില്ല .സത്യം ആയിട്ടും കാണില്ല .ഞാൻ ജീവനോടെ ഉണ്ടെങ്കിലല്ലേ നീ എന്നെ കാണു .കരഞ്ഞു കൊണ്ട് അതും പറഞ്ഞു അവൾ ഓടി പോയി . അവൻ കുളിക്കാൻ ബാത്‌റൂമിലേക്കും പോയി .ഒരു സോപ്പ് മൊത്തം തീർന്നിട്ടും മീൻ നാറിനുണ്ടെന്ന് അവന് തോന്നി .അവൻ ബോഡി സ്പ്രേ തീരുന്നത് വരെ അടിച്ചു .സഫവിനോട് ഉള്ള ദേഷ്യം അവന്റെ ഉള്ളിൽ ആളി കത്തുന്നുണ്ടായിരുന്നു . ഫൈസി സഫു എവിടെ .ഉമ്മാന്റെ ചോദ്യം കേട്ടു അവൻ തിരിഞ്ഞു നോക്കി . എവിടെയെങ്കിലും ഉണ്ടാവും .ഞാൻ കണ്ടില്ല . ഞാൻ ഈ വീട് മൊത്തം നോക്കി .

അവളില്ല . ഇവിടെയും ഇല്ലേ പിന്നെവിടെ പോയി .ആയിഷ അതും പറഞ്ഞു കേറി വന്നു . നീ അവളെ വഴക്ക് പറഞ്ഞിരുന്നോ . അവൻ തലതാഴ്ത്തി നിന്നു . അറിയാതെ പറ്റിപോയതല്ലേ .അറിഞ്ഞോണ്ട് ആരെങ്കിലും അങ്ങനെ ചെയ്യോ ഫൈസി .ഒരു തമാശയായി എടുക്കുന്നതിനു പകരം .നാണമില്ലല്ലോ കുട്ടികളെ പോലെ ബീഹെവ് ചെയ്യാൻ . ദേഷ്യം പിടിച്ചപ്പോൾ എന്തൊക്കെയോ വിളിച്ചു പറഞ്ഞു. അതിന് വീട്ടിൽ നിന്നും ഇറങ്ങി പോയോ. അവൾ ലാസ്റ്റ് പറഞ്ഞത് അപ്പോഴാ അവൻ ഓർമ വന്നത്. ഞാൻ ജീവനോടെ ഉണ്ടെങ്കിൽ അല്ലേ നീയിനി എന്നെ കാണു. അവന്റെ ശരീരത്തിലൂടെ ഒരു വിറയൽ പടർന്നു കയറി. ഇനി വല്ല കടുംകൈ ചെയ്തു കാണുമോ. അവൻ പുറത്തേക്കു ഓടി പോയി.എല്ലായിടത്തും അവളെ തിരഞ്ഞു. കണ്ടില്ല. അവൻ ഒരിക്കൽ കൂടി അവളെ റൂമിലേക്ക് പോയ് നോക്കി. അവളെ ഡ്രസ്സ്‌ എല്ലാം അവിടെയുണ്ട് . വീട്ടിലേക്ക് പോയതല്ല. ഇനി വേണ്ടാത്ത വല്ലചിന്തയും....... അവന് ചെറുതായി പേടി തോന്നി. അവന് തളർച്ചയോടെ അവിടെ ബെഡിൽ ഇരുന്നു. എവിടെയാണെന്ന് വെച്ച ഇനി അന്വേഷിക്കുക.

എന്താ ഫൈസി പേടിച്ചു പോയോ. ആയിഷ അവന്റെ ചുമലിൽ കൈ വെച്ചു. ബാബി ഞാൻ പെട്ടന്നുള്ള ദേഷ്യത്തിന് എന്തൊക്കെയോ വഴക്ക് പറഞ്ഞു അതിന് അവൾ....... പേടികൊണ്ട് അവന്റെ ശബ്ദം ഇടറിയിരുന്നു. ഞങ്ങൾ ചുമ്മാ ഒന്ന് പേടിപ്പിച്ചതാടോ അവൾ ടെറസിൽ ഉണ്ട്. നീ വഴക്ക് പറഞ്ഞു കരയുന്നത് കണ്ടപ്പോൾ നിന്നെ ഒന്ന് പേടിപ്പിച്ചെന്നേ ഉള്ളൂ. ബാക്കി പറയുന്നത് കേൾക്കുന്നതിന് മുന്നേ അവൻ ടെറസിലേക്ക് ഓടിയിരുന്നു . അവൾ തുണി ആറിയിടുന്നത് കണ്ടു. അവൻ കുറച്ചു സമയം അവളെ നോക്കി നിന്നു.. അവൾ അവനെ കണ്ടു. ദേ ഫൈസി ഞാൻ നിന്റെ മുന്നിൽ വന്നില്ല. നീ എന്റെ മുന്നില വന്നത്. ഇനി അതിനും വഴക്ക് പറയണ്ട. അവളതും പറഞ്ഞു അകത്തേക്ക് പോയി. പിന്നെ അന്ന് ഒരിക്കൽ പോലും അവൾ അവന്റെ മുന്നിൽ പോയില്ല. അവനെ കാണുന്നിടത്തെല്ലാം മാറി നടന്നു. പിറ്റേന്ന് രാവിലെ ഉറങ്ങി എണീറ്റപ്പോൾ ബെഡിന്റെ സൈഡിൽ ഒരു വൈറ്റ് ഷർട്ട് കണ്ടു. അതിന്റെ അടിയിൽ ഒരു കടലാസും. അവൻ അതെടുത്തു വായിച്ചു.

എന്നെ കൊണ്ടുള്ള ശല്യം ഇനി ഉണ്ടാവില്ല.കോളേജിൽ നിന്ന് രണ്ടു ദിവസത്തെക്ക് ടൂർ പോവുന്നുണ്ട്. പോകുന്നില്ലെന്ന്കരുതിയത. രണ്ടു ദിവസം എങ്കിലും നീ സമാധാനത്തോടെ ജീവിച്ചോ.അത് കൊണ്ട് മാത്രമ പോകുന്നേ. വന്നാലും ഞാൻ നിന്റെ മുന്നിൽ വരില്ല. പോരേ. അൻസിയെ കാണാൻ പോകുമ്പോൾ നിന്റെ ലക്കി ഷർട്ട് തന്നെ ഇട്ടു പോകണം . ഇത് അന്ന് പായസം മറിഞ്ഞപ്പോൾ വാഷ് ചെയ്യാൻ തന്ന ഷർട്ടാണ്. എനിക്ക് നിങ്ങൾ പരസ്പരം നേരിട്ട് കാണുന്നത് കാണണംന്ന് ഉണ്ടായിരുന്നു .അന്ന് നെറ്റ് ഞാൻ എത്തുള്ളു . അൻസിയോട് എന്റെ അന്വേഷണം പറയണം. നിങ്ങൾ സുഗമായി ജീവിച്ചോ . നിങ്ങൾക്കിടയിലേക്ക് ശല്യമായി ഞാനൊരിക്കലും വരില്ല. ഡിവോഴ്സ് പേപ്പറിൽ ഒപ്പിട്ട് ഷെൽഫിൽ വെച്ചിട്ടുണ്ട് . അറിഞ്ഞോ അറിയാതെയോ ചെയ്തു പോയ എല്ലാ തെറ്റിനും മാപ്പ് ചോദിക്കുന്നു. ഇനി ഒരിക്കലും കണ്ടു മുട്ടാതിരിക്കട്ടെ .ഗുഡ് ബൈ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...