💕മിഴികൾ പറഞ്ഞ പ്രണയം 💕: ഭാഗം 39

രചന: സഫ്‌ന കണ്ണൂർ

ഭാര്യയെന്ന നിലയിൽ ഞാൻ വെറും സീറോ ആയിപോയല്ലോടി അവൾ സങ്കടത്തോടെ പറഞ്ഞു. പറയുമ്പോൾ അവളുടെ വാക്കുകൾ ഇടറിയിരുന്നു. അല്ല അതിന് നീ എപ്പോഴാ ഭാര്യയായത്. അവൻ ഒരിക്കലെങ്കിലും നിന്നെ ഭാര്യയായി കണ്ടിട്ട് ഉണ്ടോ. നിങ്ങൾ ഒരുമിച്ച് ഒരു റൂമിൽ കിടന്നിട്ടുണ്ടോ.നിന്റെ ദേഹത്ത് എപ്പോഴെങ്കിലും അവൻ തൊട്ടിട്ട് ഉണ്ടോ. അതൊക്കെ പോട്ടെ അവന്റെ ഭാഗത്തു നിന്നും സ്നേഹത്തോടെയുള്ള ഒരു നോക്കോ വാക്കോ ഉണ്ടായിട്ടുണ്ടോ. ഇല്ലല്ലോ പിന്നെങ്ങനെയാ നീ അവന്റെ ഭാര്യയായത്.മഹർഅണിയിച്ചെന്ന് കരുതി ഭാര്യയാവില്ല. മനസ്സ് കൊണ്ട പരസ്പരം ഒന്നിക്കേണ്ടത്. സങ്കടം സഹിക്കാൻ പറ്റാത്തോണ്ട് പറഞ്ഞു പോയതാടീ. രണ്ടു ദിവസം കഴിഞ്ഞു വീട്ടിൽ നിന്നും വന്നിട്ട്. ജീവനോടെ ഉണ്ടോന്ന് എങ്കിലും അറിയാൻ ഒരു msg...... അല്ലെങ്കിൽ ഒരു ഫോൺ കാൾ........അത് പോലും അവൻ ചെയ്തില്ലല്ലോ.പറഞ്ഞു കഴിഞ്ഞതും അവൾ കരഞ്ഞു പോയി. അവന് അൻസിയെന്ന മാറാരോഗം ബാധിച്ചിരിക്കുകയല്ലേ അത് മാറാതെ അവൻ നന്നാവില്ല.

അത് മാറ്റി അവിടെ നിന്നെ പ്രതിഷ്ഠിക്കാൻ നീ ശ്രമിച്ചതും ഇല്ലല്ലോ. അതെങ്ങനെയാ അവന്റെ മനസ്സ് വേദനിക്കുന്നത് നിനക്ക് സഹിക്കാൻ പറ്റില്ലല്ലോ. അൻസിയെയാ അവൻ സ്നേഹിക്കുന്നത് അത് കൊണ്ട് അൻസിയെ അവന് കാണിച്ചു കൊടുക്കണം എന്നും പറഞ്ഞല്ലായിരുന്നോ നടപ്പ്. എല്ലാം വരുത്തി വെച്ചിട്ട് ഇരുന്നു മോങ്ങുന്ന കണ്ടില്ലേ. മുഖത്തിട്ട് ഒന്ന് തരാനാ തോന്നുന്നേ. ഫൈസിയെ നിനക്ക് നഷ്ടപ്പെട്ടൊന്നും ഇല്ലല്ലോ.ഇനിയും ടൈമുണ്ട്. ടെൻഷൻ ഒക്കെ മാറ്റി വെച്ചു റിലാക്സ് ആകാന ഈ ടൂറിനു വന്നത്. നീ പറഞ്ഞത് കൊണ്ട് മാത്രമാണ് ഷാഹിദ് എന്നെ വരാൻ സമ്മതിച്ചത് തന്നെ. എന്നിട്ട് നീയിങ്ങനെ സാടും. നമ്മുടെ കോളേജ് ലൈഫിലെ ലാസ്റ്റ് ആണ്. ഇനിയൊരിക്കലും നമുക്ക് ഫ്രെണ്ട്സിന്റെ കൂടെ ഇങ്ങനെ അടിച്ചു പൊളിച്ചു നടക്കാൻ കഴിയോ ഇല്ലല്ലോ. തത്കാലം എല്ലാം മാറ്റി വെക്ക് എന്നിട്ട് കണ്ണൊക്കെ തുടച്ചു മൊഞ്ചത്തി കുട്ടിയായി ഇരിക്ക്. കരയല്ലെടാ പ്ലീസ്...... സന അവളെ നോക്കി റിക്വസ്റ്റോടെ പറഞ്ഞു. അവളെ നോക്കി ഒരു പുഞ്ചിരി വരുത്തിച്ചു.എന്നിട്ട് കണ്ണൊക്കെ തുടച്ചു.

ഇല്ലെടി എല്ലാം വിട്ടു. ഐ ആം ഹാപ്പി.വെരി വെരി ഹാപ്പി. പോരേ. അവന്റെ ലാസ്റ്റ് സീൻ കാണുമ്പോൾ നെഞ്ച് പിടക്കുകയാണ്. ഓരോ നിമിഷവും ആഗ്രഹിക്കാറുണ്ട് സ്നേഹത്തോടെയുള്ള സഫുന്ന് ഉള്ള ഒരു വിളിക്ക് വേണ്ടി. ഓൺലൈനിൽ വരുമ്പോൾ മനസ്സ് വല്ലാതെ തുടിക്കുകയാണ് എന്തെങ്കിലും ഒരു msg വന്നാലൊന്ന്.കാൾ വരുന്ന ശബ്ദം കേൾക്കുമ്പോൾ അവനായിരിക്കുമോന്ന് കരുതി ഓടി പോയ നോക്കൽ .അവൻ അല്ലെന്ന് അറിയുമ്പോൾ ഉള്ള അതിന്റെ നിരാശ.... വേദന അനുഭവിച്ചവർക്കേ അറിയൂ. നിറഞ്ഞ കണ്ണുകൾ സന കാണാതിരിക്കാൻ പുറത്തേക്ക് നോക്കി ഇരുന്നു. ******* ഇന്ന് അൻസി വരുന്ന ദിവസം ആണ്. വരുമോ അവൾ. വരാതിരുന്നെങ്കിൽ ....... ജീവനോടെ ഉണ്ടെങ്കിൽ വരുമെന്നല്ലേ പറഞ്ഞത്. വരും ....വരാതിരിക്കില്ല . അവൻ കുളിച്ചു ഷർട്ട് എടുക്കാൻ ഷെൽഫ് തുറന്നപ്പോഴാണ് സഫു തന്ന വൈറ്റ് ഷർട്ട് കണ്ണിൽ ഉടക്കിയത്. അവൻ അതെടുത്തു. എന്റെ എല്ലാ ലക്കി ഡേയ്സിലും ഈ ഷർട്ട് തന്നെയാണ് ഇടൽ.

ഇന്ന് എന്റെ ജീവിതത്തിലെ ഏറ്റവും നിർണ്ണായകമായ ദിവസം ആണ്. അത് കൊണ്ട് ഇത് തന്നെ ഇട്ടു പോകണം . അവൻ ഷർട്ട് ഇട്ടു റെഡിയായി പോകാൻ ഇറങ്ങി.ഒരിക്കൽ കൂടി കണ്ണാടിയിൽ നോക്കി.കുറച്ചു സമയം അതിൽ തന്നെ നോക്കി നിന്നു. പിന്നെ ഭ്രാന്ത് പിടിച്ച പോലെ അവിടെ ഉണ്ടായിരുന്ന സകലതും അവൻ തട്ടി എറിഞ്ഞു.ഫോണിൽ ഞാൻ എത്തിയെന്ന് പറഞ്ഞു അൻസിയുടെ msg വന്നു . അവൻ പത്തു മിനിറ്റ് കൊണ്ട് തന്നെ അൻസി വരാന്ന് പറഞ്ഞ റിസോർട്ടിൽ എത്തി. അകത്തേയ്ക്ക് നടക്കും തോറും അവന്റെ കാലുകൾ ഇടറുന്നുണ്ടായിരുന്നു. പറഞ്ഞ ടേബിളിൽ അവൾ ഉണ്ട്. കണ്ടതും അവന്റെ ഹാർട്ട് ഇടിപ്പ് കൂടുന്നത് അവൻ അറിഞ്ഞു. ആകെയൊരു പരവേശം. കയ്യും കാലും വിറക്കുന്നത് പോലെ. അവൻ അവളെ മുന്നിൽ എത്തി.പർദ്ദയാണ് ഇട്ടത് എന്നത്തേയും പോലെ ഹിജാബ് കെട്ടിയിരുന്നു.

അവളുടെ കണ്ണുകൾക്ക് തിളക്കം കൂടിയത് പോലെ തോന്നി അവന്ന്. അത് നോക്കാൻ ശക്തിയില്ലാതെ അവൻ മിഴികൾ താഴ്ത്തി. നല്ല ആളാ കൃത്യ ടൈം ആണല്ലോ. ഞാൻ വന്നിട്ട് പത്തു മിനിറ്റ് ആയി. അവൻ അവളെ നോക്കി പുഞ്ചിരിച്ചു . ഇരിക്ക് അവൾ അവളെ നേർക്കുള്ള കസേരയിലേക്ക് കൈ കാണിച്ചു. അവൻ അവിടെ ഇരുന്നു. അവർക്കിടയിൽ വല്ലാത്തോരു മൗനം തളം കെട്ടി നിന്നു . ഹലോ ഞാൻ വന്നത് ഇങ്ങനെ മൗനവ്രതം ആചരിക്കാനല്ല. വന്നിട്ടിപ്പോ കാമണിക്കൂറിൽ അധികമായി ഒന്നും മിണ്ടാതെ മുഖം കുനിച്ചു ഇങ്ങനെ ഇരിക്കാനാണെങ്കിൽ വരേണ്ട കാര്യം ഇല്ലായിരുന്നു. അവൻ മുഖം ഉയർത്തി അവളെ നോക്കി. എന്താടോ ഒന്നും പറയാൻ ഇല്ലേ. ഫോണിൽ എന്തൊരു വാചകമടിയാ നേരിട്ട് കണ്ടപ്പോൾ മിണ്ടാട്ടം പോയോ. എവിടെയാ തുടങ്ങണ്ടേ.... ..

എങ്ങനെയാ തുടങ്ങണ്ടേ.... എന്താ പറയേണ്ടേ..... എന്നൊന്നും മനസ്സിലാവുന്നില്ല .അവൻ വിക്കി വിക്കി ഇത്രയും പറഞ്ഞു. എന്ന ഞാൻ തന്നെ തുടങ്ങാം. തനിക്ക് എന്റെ മറുപടി അറിയണ്ടേ. അത് ഓർത്താണോ ഈ ടെൻഷൻ. മറുപടി അറിയുന്നതിന് മുന്പായി എന്റെ മുഖം കാണണ്ടേ. അതിന് വേണ്ടിയല്ലേ നീ ഇത്രനാളും കാത്തിരുന്നത്. ജസ്റ്റ്‌ എ മിനിറ്റ് .അവൾ ഹിജാബ് അഴിക്കാൻ കൈ ഉയർത്തി . ആയിരുന്നു. പക്ഷേ ഇപ്പോ..... ഇപ്പൊ എന്താ കാണണ്ടേ.അവൾ ചെറു ചിരിയോടെ ചോദിച്ചു . വേണ്ട ......അവൻ അവളെ മുഖത്ത് നോക്കാതെ മെല്ലെ പറഞ്ഞു. വേണ്ടേ.... അവൾ ഇരുന്നിടത് നിന്നും എണീറ്റു പോയി. അവളുടെ ശബ്ദം ഉയർന്നിരുന്നു. അവളുടെ മുഖത്ത് ഒരു ഞെട്ടൽ അവൻ കണ്ടു. നീ എന്താ ഇപ്പൊ പറഞ്ഞത് .എന്നെ കാണണം എന്ന് പറഞ്ഞിട്ടല്ലേ ഞാൻ വന്നത്. എന്നിട്ടിപ്പോ എന്റെ മുഖം കാണണ്ടന്നോ . എനിക്ക് കുറച്ചു സംസാരിക്കാൻ ഉണ്ട് .നമുക്ക് ഒന്ന് നടന്നാലോ . അവൾ തലയാട്ടി .അവന്റെ പിറകെ നടന്നു . കുറച്ചു നേരത്തെ മൗനത്തിനു ശേഷം അവൻ പറഞ്ഞു.

മാപ്പ് പറഞ്ഞാലും പൊറുക്കാൻ പറ്റാത്ത തെറ്റാണ് ഞാൻ ചെയ്തത്. ഇപ്പൊ ചെയ്യാൻ പോകുന്നതും. പറഞ്ഞതും ചെയ്തതും ചെയ്തു കൂട്ടിയതും മൊത്തം തെറ്റുകൾ മാത്രമാണ്. ആ തെറ്റുകളുടെ ശിക്ഷയാണ് ഇപ്പൊ എന്റെ മുന്നിൽ നിൽക്കുന്ന നീ. എല്ലാം ഫോണിൽ പറഞ്ഞാൽ മതിയെന്ന കരുതിയത്. ബട്ട്‌ ഇന്ന് നീ ഇവിടെ ഉറപ്പായും വരുമെന്ന് പ്രോമിസ് ചെയ്തപ്പോൾ എനിക്ക് തിരിക്കാൻ വരാതിരിക്കാൻ കഴിഞ്ഞില്ല. അവസാനമായി ഒന്ന് നേരിൽ കണ്ടു മാപ്പ് പറയണമെന്ന് തോന്നി. അത് കൊണ്ട് മാത്രമാണ് വന്നത്. നീ എന്താ ......ഈ ...പറഞ്ഞു വരുന്നത് .അവളുടെ വാക്കുകളിൽ ആകാംഷ നിറഞ്ഞിരുന്നു . എനിക്ക് നിന്നോട് .......ഇപ്പൊ ..... ഞാൻ ....സത്യം പറയാലോ ഞാൻ നിന്നെ പ്രണയിച്ചിട്ടൊന്നും ഇല്ലായിരുന്നു . പിന്നെയെന്തിന നീ എന്നെ ഇഷ്ടമാണെന്ന് പറഞ്ഞത്

.അത് കളവായിരുന്നോ അവൻ മറുപടി പറയാതെ മുഖം കുനിച്ചു. ഈ തല കുനിച്ചുള്ള നിൽപ്പിൽ തന്നെ മനസിലായി അതിന്റെ മറുപടി. അവൾ തളർച്ചയോടെ അവിടെ ഇരുന്നു. ഞാനിപ്പോ ചിരിക്കണോ അതോ കരയണോ. നീയല്ലേ എന്നെ തേടി വന്നു ഇഷ്ടമാണെന്ന് പറഞ്ഞത്. എന്നെ നിർബന്ധിച്ചു ഇവിടെ വരുത്തിയതും നീ. എന്നിട്ടിപ്പോ പറയുന്നു ഞാൻ നിന്നെ സ്നേഹിച്ചിട്ടില്ലെന്ന്. രണ്ടുമൂന്നു ദിവസം ആയി നമ്മൾ തമ്മിൽ കോൺടാക്ട് കുറവായിരുന്നു. ആ ചെറിയൊരു അകലം വന്നപ്പോഴേക്കും എന്നോടുള്ള ഇഷ്ടം പോയോ. നീ തമാശ പറയുകയാണോ . ഒന്ന് തെളിച്ചു പറയ് ഫൈസി. പറഞ്ഞത് മുഴുവൻ സത്യം ആണ്. എനിക്ക് നിന്നോട് ഉണ്ടായിരുന്നത് പ്രണയമൊന്നും അല്ലായിരുന്നു. പിന്നെ....... അവൻ അവളെ തന്നെ നോക്കി കുറച്ചു സമയം നിന്നു. അവന്റെ കണ്ണുകൾ നിറഞ്ഞിരുന്നു. അവന്റെ മറുപടിക്കായി അവൾ അവനെ തന്നെ ഉറ്റുനോക്കിയിരുന്നു...... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...