💕മിഴികൾ പറഞ്ഞ പ്രണയം 💕: ഭാഗം 4

രചന: സഫ്‌ന കണ്ണൂർ

എവിടെ നോക്കിയാടോ നടക്കുന്നെ. മനുഷ്യനെ മെനക്കടുത്താൻ ഓരോന്ന് ഇറങ്ങി കോളും. അതെങ്ങനെയാ പെൺപിള്ളേരെ നിഴൽ കണ്ടാൽ മതിയല്ലോ ഇമ്മാതിരി അസുഖം വരാൻ. തട്ടാനും മുട്ടാനും അവസരം നോക്കി നടക്കല്ലേ .എന്ന്തുടങ്ങി വായിൽ വന്നതൊക്കെ വിളിച്ചു പറഞ്ഞു . ചുറ്റും ആളുകൾ കൂടാൻ തുടങ്ങി . സന ഒന്ന് നിർത്ത് സഫുവെന്ന് പറഞ്ഞു കയ്യിൽ പിടിച്ചു വലിക്കുന്നുണ്ട് .വേദനയുടെ കാഠിന്യത്തിൽ അതൊന്നും എന്റെ ചെവിയിൽ കയറുന്നുണ്ടായിരുന്നില്ല .ദേഷ്യം കുറച്ചു തണുത്തപ്പോഴാണ് ഞാൻ പരിസരം നോക്കിയത് .എല്ലാവരും ഞങ്ങളെ തന്നെ നോക്കി നിൽക്കുന്നുണ്ട്. എന്റെ കാൽ ചവിട്ടിയ കക്ഷിയെ അപ്പോഴാണ് ഞാൻ ശരിക്കും നോക്കിയത്. മുഖത്ത് ടവൽ കൊണ്ട് കെട്ടിയിട്ടുണ്ട് .ഒരു സ്റ്റൈലൻ റൈബാനും . ഇയാൾ ആൾ കാണാതിരിക്കാൻ ഇപ്പൊ കെട്ടിയതാണോ അതോ വരുമ്പോഴേ ഇങ്ങനെ യാണോ .വേറൊരു കക്ഷി വന്നു അവനെ തട്ടി വിളിച്ചു. എന്താടാ പ്രശ്നം. ഇവൾ എന്തിനാ ഇങ്ങനെ ബഹളം ഉണ്ടാക്കിയത് എന്ന് ചോദിക്കുന്നുണ്ട്.

അവൻ റൈബാൻ ഊരി.അവനെ നോക്കിയെങ്കിലും എന്ത് കൊണ്ടോ അവന്റെ കണ്ണുകളിൽ നോക്കാൻ പറ്റുന്നില്ല. എങ്കിലും ഒറ്റ നോട്ടത്തിൽ തന്നെ ആ കണ്ണുകളിൽ ഞെട്ടൽ ആണെന്ന് മനസ്സിലായി. എന്റെ മുഖത്ത് നിന്നും കണ്ണെടുക്കാതെ അവൻ മുഖത്ത് നിന്നും ടവൽ താഴ്ത്തി. ഇപ്രാവശ്യം ഞെട്ടിയത് ഞാനായിരുന്നു. അറിയാതെ എന്റെ മനസ്സ് മന്ത്രിച്ചു. സോറി വാല. എന്താ മോളെ പ്രശ്നം എന്ന് ചോദിച്ചു രണ്ട്മൂന്നു പേര് മുന്നോട്ട് വന്നു . സന എന്റെ കയ്യിൽ പിടിച്ചു വലിച്ചു പുറത്തിറങ്ങി . ഒരു പാവയെ പോലെ ഞാനവളുടെ പിറകെ നടന്നു. ഒരിക്കൽ കൂടി തിരിഞ്ഞു നോക്കി പോയി. അവൻ എന്നെ തന്നെ നോക്കി നില്കുന്നത് കണ്ടു. ഫൈസി ഏതാടാ ആ പെണ്ണ് അറിയില്ല. ഞാനാദ്യായിട്ട കാണുന്നെ. അറിയാതെ ഒന്ന് ചവിട്ടിപോയതിന് ഇത്ര ബഹളം വെക്കേണ്ട ആവശ്യം ഉണ്ടോ. വല്ലാത്ത ജാതി തന്നെ. ഫൈസി അവൾ പോയ ഭാഗത്തേക്ക് നോക്കി. അവളെ അവിടെയെങ്ങും കണ്ടില്ല. അവൻ തന്റെ നെഞ്ചിൽ കൈ വെച്ചു. അവളെ കണ്ടപ്പോൾ തുടങ്ങിയ സ്പാർക്കാണ് .

എന്റെ ആരൊക്കെയോ ആണെന്നുള്ള തോന്നൽ. എന്താ പെട്ടന്ന് ഇങ്ങനെയൊക്കെ തോന്നാൻ. അവളിൽ അതിന് മാത്രം എന്താ ഉള്ളത്. പറഞ്ഞത് കൂടിപ്പോയിന്ന് ഇപ്പൊ തോന്നുന്നുണ്ടോ .ഒന്നും മിണ്ടാതെ ആലോചനയിൽ മുഴുകിയിരിക്കുന്ന ഷെറിയെ കണ്ടു സന ചോദിച്ചു . അത് ആരാന്ന് അറിയോ നിനക്ക് . എന്താ മോളെ അബദ്ധം പറ്റിയോ . അറിയുന്ന ആരെങ്കിലും ആണോ . അവനാ അത് .സോറി വാല . ഏത് നിന്റെ മറ്റവനോ മറ്റവനോ .ഒന്ന് തന്നാലുണ്ടല്ലോ ഓഹ് പിന്നെ .....ഞാൻ പറഞ്ഞതാ ഇപ്പൊ കുഴപ്പം . നിനക്ക് ഇഷ്ടം അല്ലായിരുന്നോ അവനെ ഇഷ്ടമോ എനിക്കോ .ഞാനെപ്പൊഴാ തെണ്ടീ അങ്ങനെ പറഞ്ഞിന് . അവന്റെ കണ്ണ് കാണാൻ എന്തു ക്യൂട്ട .നല്ല ഗ്ലാമർ ഉണ്ട് .എന്നൊക്കെ പറഞ്ഞിട്ടില്ലേ നീ . ഒന്ന് പോടീ .ഒരാളെ കാണാൻ സ്റ്റൈൽ ഉണ്ടെന്ന് പറഞ്ഞ അതിനർത്ഥം പ്രണയം ആണെന്നാണോ . നീ പൊതുവെ അങ്ങനെ ആരെയും പറയാറില്ലല്ലോ . അത് അവന്റെ കണ്ണിനോടുള്ള ഇഷ്ടം കൊണ്ട് പറഞ്ഞതാ .നിനക്ക് അറിയാലോ എനിക്ക് ഹൊറിസൻ ഐ നോട്‌ ഉള്ള ക്രയ്സ് .പ്രത്യേകിച്ച് ബ്രൗൺ കളർ എയ്‌സ്‌ .

അവന്റെ കണ്ണ് അങ്ങനെ ആയോണ്ട് ഞാൻ പറഞ്ഞു അത്രന്നെ . എന്നാലും എന്തോ എവിടെയോ ഒരു സ്പെല്ലിങ് മിസ്റ്റെക് ...... നീ വെറുതെ എഴുതാപ്പുറം വായിക്കണ്ട .അവന്റെ കാർ എന്റെ ദേഹത്ത് ഇടിക്കാൻ നോക്കി .ഭാഗ്യം കൊണ്ട് എനിക്ക് ഒന്നും പറ്റിയില്ല .അവൻ സോറി പറഞ്ഞു .ഞാനത് അപ്പോഴേ വിട്ടു .രണ്ടു മൂന്നു പ്രാവിശ്യം പിന്നെയും കണ്ടു .കാണുമ്പോഴൊക്കെ സോറിയും പറഞ്ഞു .പിന്നെ ഇപ്പോഴാ ഞാൻ കാണുന്നത് തന്നെ .ഇതാണോ അലവലാതി പ്രണയം . പറഞ്ഞതൊക്കെ തിരിച്ചെടുത്തു .എന്തായാലും നീ ഇന്ന് പറഞ്ഞത് കുറച്ചു കൂടി പോയി .എല്ലാരുടെയും മുന്നിൽ വെച്ചു നാണം കെട്ടുകണും .ഒന്ന് ചവിട്ടിയതിന് പെണ്ണ് പിടിയനെ പോലെയാക്കി .പാവം . വേദന സഹിക്കാൻ കഴിയാതെ പറഞ്ഞു പോയതാ .ഇനി എന്നെങ്കിലും കാണുവാണെങ്കിൽ സോറി പറഞ്ഞോളാം .അവൾക്കും കുറ്റബോധം തോന്നുന്നുണ്ടായിരുന്നു . അവന്റെ മുഖത്ത് നിന്നെ അറിയുന്ന ഭാവം പോലും കണ്ടില്ലല്ലോ . നമ്മൾ ഒരു വഴിയിലൂടെ യാത്ര ചെയ്യുമ്പോൾ എത്ര പേരെ ക്രോസ്സ് ചെയ്യും .

അവരെ എല്ലാരേം ഓർത്തിരിക്കണം എന്നുണ്ടോ . അതിന് സന മറുപടിയൊന്നും പറഞ്ഞില്ല . **** ഫൈസി ദേഷ്യത്തോടെ ബൈക്കിൽ ആഞ്ഞടിച്ചു . നിന്റെ ദേഷ്യം തീർക്കേണ്ടത് എന്റെ പാവം ബൈക്കിനോട് അല്ല .അജു ഫൈസിയുടെ കയ്യിൽ പിടിച്ചു .മിണ്ടാതെ നിൽക്കുന്നത് കണ്ടപ്പോ തോന്നി അറിയുന്ന ആരെങ്കിലും ആണെന്ന് .ഞാൻ ആയിരുന്നെങ്കിൽ മുഖത്തിട്ട് ഒന്ന് പൊട്ടിച്ചേനെ .ശരിക്കും എല്ലാരുടെ മുന്നിലും നാണം കെടുത്തി . എനിക്ക് ശരിക്കും എന്താ അപ്പൊ പറ്റിയത് .അവളെ കണ്ടതും എന്തോ സ്പാർക്ക് ആയത് പോലെ .എവിടെയൊ കണ്ടു നല്ല പരിജയവും .പെട്ടന്ന് ഉള്ള അവളുടെ പ്രകടനത്തിൽ ഒന്ന് സ്റ്റക്കാവുകയും ചെയ്തു .അവൾ മുന്നിൽ നിന്നും പോയതിന് ശേഷം ആണ് .എന്താ നടന്നത് എന്ന് പോലും ഓർമ വന്നത് . അല്ല ഫൈസി നീയിനി അൻസിയെതേക്കാനുള്ള വല്ല പ്ലാനും ഉണ്ടോ .

അനാവശ്യം പറഞ്ഞാലുണ്ടല്ലോ പട്ടീ അല്ല അവളെ മോന്തയും നോക്കി അമ്മാതിരി നില്പയിരുന്നു .അവളെ കാണാനും നല്ല മൊഞ്ചുണ്ട് .തെറ്റ് പറയാൻ പറ്റില്ല . അവൾ പെട്ടന്ന് എന്തൊക്കെയൊ വിളിച്ചു പറഞ്ഞപ്പോൾ ഒന്ന് സ്റ്റക്കായി .ഇനി എന്നെങ്കിലും അവളെ കണ്ടാലുണ്ടല്ലോ..... അപ്പൊ കാണിച്ചു കൊടുക്കാം ഞാൻ ആരാണെന്ന് . മൂക്കുത്തിയിട്ട പെണ്ണിനേക്കാൾ മോന്ജ് ഏതായാലും കരിമിഴികണ്ണുകൾക്കാണ് . ആയിരിക്കും .പക്ഷേ എന്റെ കണ്ണിൽ എന്റെ അൻസിയാ ഈ ലോകത്തിലെ ഏറ്റവും വലിയ സുന്ദരി .നീ ഇപ്പൊ കളിയാക്കിയ മൂക്കുത്തിയുണ്ടല്ലോ അത് തന്നെയാ അൻസിയിൽ എനിക്ക് ഏറ്റവും ഇഷ്ടപെട്ടതും .ഈ ജന്മം എന്റെ ജീവിതത്തിൽ ഒരു പെണ്ണ് ഉണ്ടെങ്കിൽ അത് അൻസി മാത്രമായിരിക്കും .അതിന് പറ്റിയില്ലെങ്കിൽ പിന്നെ ഈ ഫൈസിക്ക് വേറൊരു ജീവിതവും ഇണ്ടാവില്ല ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...