💕മിഴികൾ പറഞ്ഞ പ്രണയം 💕: ഭാഗം 40

രചന: സഫ്‌ന കണ്ണൂർ

മുത്തേ തേനേ ചക്കരേന്നൊക്കെ വിളിച്ചു ഒലിപ്പിച്ചു പിറകെ നടന്നിട്ട് തലയിൽ ആകുന്നു കണ്ടപ്പോൾ കാല് മാറുകയാണല്ലേ . അവന്റെ മുഖത്ത് വിഷാദം നിറഞ്ഞ ഒരു പുഞ്ചിരി വിരിഞ്ഞു . എന്താ ചിരിക്കുന്നെ നീ എന്നെ പ്രണയിച്ചിട്ടില്ലെന്ന് ആണോ പറയാൻ വരുന്നേ . പ്രണയിച്ചില്ലെന്ന് പറഞ്ഞാൽ അത് കളവാകും .പ്രണയിച്ചിരുന്നു അതിന്ന് കാരണം നീ ഒരു സുന്ദരി ആയത് കൊണ്ടാണ് .എന്നെ പോലെയുള്ള എല്ലാ ബോയ്സും ആഗ്രഹിക്കുന്നത് താൻ കെട്ടാൻ പൊകുന്ന പെണ്ണ് സുന്ദരി ആയിരിക്കണമെന്നാണ് .സ്വപ്നം കാണുന്നതും ഐശ്വര്യറായി പോലൊരു പെണ്ണ് വേണമെന്ന് തന്നെയാണ് .ഞാനും അത് തന്നെ ആഗ്രഹിച്ചു .അതിലെന്താ ഒരു തെറ്റ് .എനിക്ക് നിന്നോട് ഉണ്ടായിരുന്നത് പ്രണയമൊന്നും അല്ലായിരുന്നു .വെറും അട്ട്രാക്ഷൻ മാത്രമാണ് .അത് പ്രണയമാണെന്ന് ഞാൻ തെറ്റിദ്ധരിച്ചു .അത് എനിക്ക് മനസ്സിലായത് ഇപ്പോഴാണെന്ന് മാത്രം .സൗന്ദര്യം ഉള്ള ഏത് വസ്തു കണ്ടാലും അത് നമ്മെ വല്ലാതെ ആകർഷിക്കും .അത് പോലെയായിരുന്നു എനിക്ക് നീയും.

എന്റെ ജീവിതത്തിലേക്ക് കടന്നു വന്ന ആദ്യത്തെ പെണ്ണ് നീയായിരുന്നു .നിന്റെ ഈ കണ്ണുകൾ അതായിരുന്നു നിന്നെ എന്നിലേക്ക്‌ ആകർഷിച്ചതും .ഈ സുന്ദരമായ കണ്ണുകളുള്ള നിന്റെ മുഖം ഓർത്താണ് എപ്പോഴും നടന്നത്.നിന്നെ കാണണം മിണ്ടണം പരിജയപെടണം അത് മാത്രം ആയിരുന്നു മനസ്സിൽ .അത് പ്രണയം ആണെന്ന് ഞാൻ കരുതി .ബട്ട്‌ അത് വെറും ക്യുരിയോസിറ്റി ആയിരുന്നു .നീ അകന്നു പോയപ്പോൾ എനിക്ക് ഒരുപാട് മിസ്സ്‌ ചെയ്തു .എനിക്ക് നിന്നോട് അപ്പൊ ഉണ്ടായിരുന്നത് ശരിക്കും മിസ്സിംഗ്‌ അല്ലയിരുന്നു പകരം നിനക്ക് എന്തെങ്കിലും പറ്റിയോ നീ എവിടെയാണ് ഉള്ളത് .നിന്നെ ഇനി കാണാൻ പറ്റില്ലല്ലോ എന്നൊക്കെയുള്ള ആധിയായിരുന്നു .എല്ലാം മനസ്സിലായത് ഇപ്പോഴാണെന്ന് മാത്രം .സഫുവിനെ ആദ്യമായി കണ്ടപ്പോൾ നീയുമായുള്ള സാമ്യം ആയിരുന്നു എനിക്ക് അവളോട് ദേഷ്യം ഉണ്ടാകാൻ കാരണം .പലപ്പോഴും അവൾ എന്നെ ഇറിറ്റേറ്റ് ചെയ്തപ്പോൾ അത് അവളോടുള്ള ദേഷ്യം വെറുപ്പായി മാറി .ആ ടൈമിൽ ആണ് അവളുമായി എന്റെ വിവാഹം.

എന്റെ ജീവിതം അവൾ നശിപ്പിച്ചുന്നുള്ള തോന്നൽ അവളോടുള്ള എന്റെ പക കൂട്ടി .അവൾക്ക് നിന്നെ അറിയാമെന്നു അറിഞ്ഞപ്പോൾ എങ്ങനെയെങ്കിലും നിന്നെ കണ്ടുപിടിക്കണമെന്നായിരുന്നു മനസ് മുഴുവൻ .നിന്നെ പറ്റി അവളോട് പറയുമ്പോൾ അവളുടെ കണ്ണുകളിൽ ഞാൻ കണ്ട ഇഷ്ടക്കേട് അവളെ വേദനിപ്പിക്കാൻ എന്റെ പകക്ക് ഒരായുധം ആക്കി മാറ്റി .അവളോടുള്ള വെറുപ്പ് എന്നെ നിന്നിലേക്ക് കൂടുതൽ അടുപ്പിച്ചു .അവളോടുള്ള ദേഷ്യം എപ്പോഴോ മനസ്സിൽ നിന്നും മാഞ്ഞുതുടങ്ങി .മാഞ്ഞു തുടങ്ങിയത് ദേഷ്യം മാത്രമല്ല .നിന്നോടുള്ള എന്റെ കൺസെപ്റ്റ് കൂടിയായിരുന്നു . അടർത്തിമാറ്റാൻ പറ്റാത്ത വിധം നീ എന്നിൽ ഉണ്ടായിരുന്നുന്ന് ഉള്ള വിശ്വാസം കൂടിയാണ് .അൻസി അന്ന് സിഗരറ്റ് നിർത്താൻ പറ്റാത്തതിന് കാരണം നിന്നെ പിറകോട്ട് വലിക്കുന്ന എന്തോ ഒന്ന് നിന്റെ മനസ്സിൽ ഉണ്ടായിരുന്നുന്ന് പറഞ്ഞപ്പോൾ ഒരു പാട് ആലോചിച്ചു അതെന്താണെന്ന് .നീ എന്റെ ജീവിതത്തിൽ വന്നാൽ ഉണ്ടാവുന്ന നഷ്ടങ്ങൾ ആയിരുന്നു അതിന് കാരണം .അപ്പൊ എനിക്ക് മനസ്സിലായി.

ആ നഷ്ടങ്ങളെക്കാൾ വലുതായിരുന്നില്ല എനിക്ക് നിന്നോടുള്ള സ്നേഹമെന്ന് .അവിടം തൊട്ട് എന്റെ മനസ്സ് പതറാൻ തുടങ്ങി .നിന്നോടുള്ള എന്റെ പ്രണയത്തിന്റെ ആഴം ഞാൻ അളന്നു .നിന്റെ സുന്ദരമായ ഈ കണ്ണുകൾ ,നിന്റെഎളിമ ,വിനയം ,മറ്റുള്ളവരോടുള്ള സഹാനുഭൂതി ,അതൊക്കെയാണ് നിന്നെ എന്നിൽ ആകർഷിച്ചത് . ഇഷ്ടം തോന്നിയിരുന്നു എനിക്ക് നിന്നോട് .പക്ഷേ അത് പ്രണയം ആയിരുന്നില്ല എന്നെനിക്ക് മനസിലായി .ഇനി നീ പറയ് എനിക്ക് നിന്നോട് ഉണ്ടായിരുന്നത് പ്രണയം ആയിരുന്നോ അട്ട്രാക്ഷൻ ആയിരുന്നോ . ആദ്യം തോന്നുന്ന അട്രാക്ഷൻ തന്നെയല്ലേ ശരിക്കും പ്രണയമായി മാറുന്നത് . പകുതിയിൽ അധികം പ്രണയവും അങ്ങനെ തന്നെയാണ് .അത് കൊണ്ട് തന്നെയാണ് പാതിയിൽ അവസാനിക്കുന്നതും. അട്രാക്ഷൻ കുറഞ്ഞു വരുമ്പോൾ പ്രണയവും അങ്ങ് പോകും .അതിനേക്കാൾ മനോഹരമായത് കാണുമ്പോൾ അതിന്റെ പിറകെയും പോകും .അത് പ്രണയത്തിൽ ആയാലും വിവാഹജീവിതത്തിൽ ആയാലും അങ്ങനെ തന്നെയാണ് .തേപ്പും ഡിവോഴ്സ് ഒക്കെ കൂടുന്നതും അത് കൊണ്ടാണ്.

അവൻ ഒന്ന് നിർത്തി .പിന്നെ അവളുടെ മുഖത്തേക്ക് തന്നെ നോക്കി . ദേഷ്യം തോന്നുന്നുണ്ടോ എന്നോട് .അങ്ങോട്ട് വന്നു ഇഷ്ടം ആണെന്ന് പറഞ്ഞു വിളിച്ചു വരുത്തിയിട്ട് ഇപ്പൊ ഇങ്ങനെയൊക്കെ പറഞ്ഞത് കൊണ്ട് . നിനക്ക് എന്നോട് പ്രണയം ആയിരുന്നു .അത് അട്രക്‌ഷൻ ആണെന്ന് ഇപ്പൊ നിനക്ക് തന്നെ തോന്നിതുടങ്ങിയ സ്ഥിതിക്ക് അതൊരിക്കലും പ്രണയം ആവില്ല .എനിക്ക് ദേഷ്യം ഒന്നും ഇല്ല . നമ്മൾ അബദ്ധത്തിൽ ഒരു തെറ്റ് ചെയ്തു .അത് മറച്ചു വെക്കാൻ വീണ്ടും വീണ്ടും തെറ്റുകൾ ചെയ്യുമ്പോഴാണ് അത് തെറ്റായി മാറുന്നെ .ചെയ്തത് തെറ്റാണെന്നു മനസ്സിലാക്കി നീ തിരുത്തിയില്ലേ .എല്ലാം എന്നോട് തുറന്നു പറഞ്ഞില്ലേ അതോടെ നിന്റെ തെറ്റുകൾ നീ തിരുത്തി .ഞാൻ വെറുതെ കഥയറിയാതെ ആട്ടം ആടിയെന്ന് മാത്രം . സോറി.ഒന്നും മനപ്പൂർവം ആയിരുന്നില്ല . ഞാൻ എല്ലാം ഇവിടെ അവസാനിപ്പിക്കുകയാണ് .ഇത്രയും നാൾ ഞാൻ സ്വപ്നലോകത്ത് ആയിരുന്നു ഇനി എനിക്ക് ഭൂമിയിലേക്ക് ഇറങ്ങണം .എവിടെയോ വെച്ചു എനിക്ക് നഷ്ടമായ എന്റെ സ്വപ്‌നങ്ങൾ തിരിച്ചു കൊണ്ട് വരണം.

ഈ നിമിഷം മുതൽ പുതിയൊരു ആളായി മാറണം .ചെയ്തു തീർക്കാൻ ഒരുപാട് കാര്യങ്ങൾ ഉണ്ട് .നീയുമായുള്ള റിലേഷനും ഇവിടെ വെച്ചു അവസാനിപ്പിക്കാൻ ആഗ്രഹിക്കുന്നു .എന്നോട് പൊറുക്കണം. അവസാനമായി എന്നെ ഒന്ന് കാണണമെന്ന ആഗ്രഹവും ഇപ്പൊ ഇല്ലേ . ഇല്ല .കാണുന്നത് സുന്ദരം .കാണാത്തത് അധി സുന്ദരം .ചുവപ്പ് മൂക്കുത്തിയണിഞ്ഞ പൂച്ചകണ്ണുകാരിയായി എന്നും മനസ്സിൽ ഉണ്ടാകും നല്ലൊരു ഫ്രണ്ടായി .അതിനിപ്പോ ഒരു രൂപത്തിന്റെ ആവിശ്യമില്ല .ഞാൻ പോട്ടെ വിധിയുണ്ടെങ്കിൽ പിന്നെ എപ്പോഴെങ്കിലും കണ്ടു മുട്ടാം .ഒരിക്കൽ കൂടി എല്ലാത്തിനും മാപ്പ് ചോദിക്കുന്നു .ബൈ .അവൻ നടന്നകലുന്നത് നോക്കി അവൾ ഒരു ദീർഘ നിശ്വാസത്തോടെ അവിടെ ഇരുന്നു . മുന്നിൽ ഒരു ബോട്ടിൽ വെള്ളം വെച്ചത് കണ്ടു അവൾ മുഖം ഉയർത്തി നോക്കി .സാലി . വല്ലാത്ത ദാഹം കാണും കുടിച്ചോളൂ . അവൾ ബോട്ടിൽ എടുത്തു അങ്ങനെതന്നെ വായിലേക്ക് കമിഴ്ത്തി . മെല്ലെ കുടിക്ക് .എനിക്ക് ധൃതിയൊന്നും ഇല്ല . അവൾ കുടിച്ചു കഴിഞ്ഞു ബോട്ടിൽ തിരിച്ചു കൊടുത്തു . നേരിയ കിതപ്പോടെ അവനെ നോക്കി . ആൾമാറാട്ടത്തിന് ഇപ്പൊ പൊക്കി അകത്തിട്ട ജാമ്യം പോലും കിട്ടില്ല .ക്രിമിനൽ കേസ് ആണ് ഇത് .കേട്ടോടി അൻസി എന്ന ഫ്രോഡ് സഫു .

ഫ്രോഡ് അന്റെ കെട്ടിയോൾ .മനുഷ്യൻ ഇവിടെ ഭ്രാന്ത് പിടിച്ചു നിക്കുമ്പോഴാ അവന്റെയൊരു ഒലക്കമേലെ വരവ് .എന്നാ പൊക്കി അകത്തിട് അതന്നെയ നല്ലേ . ചൂടിലാണല്ലോ മുത്തേ .കൂൾ ഡൗൺ .ടീ ഒരു ഡൌട്ട് നിന്റെ ശബ്ദം കേട്ടിട്ടും അവന് സംശയം ഒന്നും തോന്നിയില്ലേ . എവിടെ നിന്ന് മനസ്സിലാവാൻ .ശബ്ദം മാറ്റിയല്ലേ സംസാരിക്കുന്നെ .നമ്മൾ നല്ല മിമിക്രി ആർട്ടിസ്റ്റ് ആണ് .മറന്നോ നീ ആ മിമിക്രിക്ക് സമീർക്ക ബെൽറ്റ്‌ കൊണ്ടടിച്ച പാട് ഇപ്പോഴും ഇല്ലേ കാലിൽ . ഈൗ .അവൾ അവനെ നോക്കി ഇളിച്ചു കാണിച്ചു . എന്നാലും കാഞ്ഞ വിത്ത് തന്നെയാ നീ .സംശയത്തിന് ഒരിടപോലും കൊടുക്കാതെ ആ ഫൈസിയെ ഇങ്ങനെ ഇട്ട് കളിപ്പിച്ചില്ലേ . അല്ല നീ ഇപ്പൊ എവിടെ നിന്ന പൊങ്ങി വന്നേ . .അൻസിയുടെയും ഫൈസിയുടെയും കണ്ടു മുട്ടൽ നേരിട്ട് കാണണമെന്ന് തോന്നി .നീ വന്നപ്പോ തൊട്ട് ഞാനും ഉണ്ടായിരുന്നു നിന്റെ പിറകിൽ .ഈ അസുലഭ മുഹൂർത്തം കാണാൻ എനിക്കാണല്ലോ കൂടുതൽ അവകാശം .കാരണം നിങ്ങളെ തമ്മിൽ പിരിച്ചത് ഞാനാണല്ലോ . .നിനക്ക് അപ്പൊ എല്ലാം അറിയാമായിരുന്നോ .

Mm .സത്യം പറഞ്ഞാൽ എല്ലാം അറിഞ്ഞപ്പോൾ നിന്റെ മുഖത്തിട്ട് ഒന്ന് തരണം എന്നുണ്ടായിരുന്നു .അതിനേക്കാൾ വലിയൊരടി ഫൈസി നിനക്ക് തന്നു കഴിഞ്ഞു .ഇനിയിപ്പോ അതിന്റെ ആവശ്യം ഇല്ല .ശരിക്കും പറഞ്ഞാൽ ഫൈസിയുടെ ഭാഗത്തു നിന്നും ഇങ്ങനെയൊരു പ്രതികരണം സ്വപ്നത്തിൽ പോലും പ്രതീക്ഷിച്ചില്ല . ഞാനും ........വല്ലാത്തൊരു ചെയ്‌തായി പോയി . ഇത്രയും ദിവസം കഷ്ടപെട്ടതെല്ലാം ചുമ്മാതായി .അല്ല നീ എങ്ങനെയാ ഇതൊക്കെ അറിഞ്ഞേ .നിന്നോടാരാ പറഞ്ഞത് . വക്കീലിന്റെ അടുത്ത് നിന്നും ഫൈസി പോകുന്നത് കണ്ടു .അന്വേഷിച്ചപ്പോഴാ ഡിവോഴ്സിന്റെ കാര്യം അറിഞ്ഞത് .അവനെ കൊല്ലാനുള്ള ദേഷ്യം ഉണ്ടായിരുന്നു എനിക്ക് .എടുത്തു ചാടി പ്രോബ്ലം ഉണ്ടാകണ്ടേന്ന് കരുതി .അവനെ കാണുന്നതിന് മുൻപ് നിങ്ങൾ തമ്മിൽ എന്താ പ്രശ്നം എന്നറിയാൻ അൻസിയെ പോയി കണ്ടു .അവളറിയാതെ ഒന്നും നടക്കില്ലെന്നു അറിയാം .അവളാണല്ലോ നിന്റെ ഹൃദയം സൂക്ഷിപ്പുകാരി .ശരിക്കൊന്ന് കുടഞ്ഞപ്പോൾ അവൾ സത്യം മുഴുവൻ തുറന്നു പറഞ്ഞു . ഓഹ് നീ വലിയ പോലീസുകാരനല്ലേ .

കള്ളത്തരം കണ്ടു പിടിക്കാൻ ബെസ്റ്റല്ലേ .ഫൈസിയുടെ ലവർ ഞാനാണെന്ന് സമീർക്കക്ക് ഒറ്റു കൊടുത്തതും നീയല്ലേ .നീയൊക്കെ ചെയ്തതിന്റെ ഫലം മുഴുവൻ അനുഭവിച്ചതോ ഒന്നും അറിയാത്ത ഞാനും . ടീ അന്ന് ശരിക്കും എന്താ സംഭവിച്ചതെന്ന് അറിയോ .ഫൈസി ബീച്ചിൽ വെച്ചു തല്ലിയ കക്ഷിയുടെ ഇക്ക സമീർക്കന്റെ പാർട്ടിയിൽ ഉള്ളതാണ് .ഫൈസിയും അതേ .പരസ്പരം തമ്മിൽ തല്ല് ഉണ്ടായപ്പോൾ കേസ് സമീർക്കയുടെ മുന്നിൽ എത്തി .ഞാനും ഉണ്ടായിരുന്നു കൂടെ .ഒരു പെണ്ണല്ലേ അവൾക്ക് ഇവന്മാരുടെ തല്ല് കാരണം പേരുദോഷം ഉണ്ടാകും അവളെ കണ്ടു പിടിച്ചു അവളെ ബന്ധുക്കളെ വിവരം അറിയിച്ചു ആ പെണ്ണിനെ അടക്കി നിർത്താൻ പറയെന്നു പറഞ്ഞു .ഫൈസിയുടെ ലവറെ കണ്ടു പിടിക്കാൻ അന്വേഷണ ചുമതല ഏറ്റെടുത്ത ഞാൻ നീയാണ് അതെന്ന് അറിഞ്ഞു ഞെട്ടിപ്പോയി .സമീർക്കയും അതറിഞ്ഞു .

പിന്നെ നിന്റെയും ഫൈസിയുടെയും പിറകെ തന്നെ സമീർക്ക ഉണ്ടായിരുന്നു .ഫൈസി ഒരു ലെറ്റർ ഒരു ചെറുക്കന്റെ കയ്യിൽ കൊടുത്തില്ലേ അത് സമീർക്ക ആയിരുന്നു വാങ്ങിയത് .എന്നിട്ട് ഫൈസിയോട് നിനക്ക് തന്നെന്നു കള്ളം പറയിപ്പിച്ചു . വേറൊരു ഞെട്ടിക്കുന്ന സത്യം കൂടി അങ്ങനെ അറിഞ്ഞു ഫൈസിക്ക് നിന്റെ യഥാർത്ഥ പേരോ നാടോ ഒന്നും അറിയില്ലെന്ന് . കൂടാതെ നിനക്ക് ഫൈസി നിന്നെ സ്നേഹിക്കുന്നതും അറിയില്ലെന്നും . ഫൈസിയെ അറിയുന്ന സമീർക്ക ഇനിയൊരിക്കലും ഫൈസി നിന്നെ കാണരുതെന്നും പറഞ്ഞു നിന്നെ അപ്പൊ തന്നെ അവിടെ നിന്നും വീട്ടിലേക്കു കൊണ്ട് വന്നു .ഒരു പ്രശ്നം ഉണ്ടാകാതിരിക്കാൻ നിന്റെ പേര് എവിടെയും വരാതിരിക്കാനും ആ പ്രോബ്ലം ഫൈസി അറിയാതെ ഒതുക്കി തീർത്തു . ഇതൊക്കെ ഞാൻ അറിഞ്ഞിരുന്നു . ഫൈസിയെ വേണ്ടാന്ന് വെച്ചു വീട്ടിലേക്ക് തിരിച്ചു വന്ന ദിവസം അൻസി പറഞ്ഞു തന്നു .അൻസിയുടെ ഫോട്ടോ ആണെന്നും പറഞ്ഞു എന്റെ ഫോട്ടോ കയ്യിൽ തന്നപ്പോ ഞെട്ടിപോയി .

ഞാൻ ചെയ്തൊരു കള്ളം എന്നെ വിഴുങ്ങാൻ പാകത്തിന് തലക്ക് മുകളിൽ എത്തി നിന്നത് അന്നാണ് ഞാൻ അറിഞ്ഞത് .ഫൈസിയുടെ ഈ അവസ്ഥക്ക് കാരണക്കാരി ഞാനാണെന്ന് അറിഞ്ഞപ്പോ എന്നെ തേടിയാണ് അവൻ ഈ കാട്ടിക്കൂട്ടുന്നതൊക്കെ എന്നറിഞ്ഞപ്പോ അവന്റെ കാൽക്കൽ വീണു മാപ്പ് പറയണമെന്ന് തോന്നി . എല്ലാം അറിഞ്ഞിട്ടും എന്ത് കൊണ്ട പിന്നെ അവനോട് സത്യം പറയാതിരുന്നത് . പറഞ്ഞാൽ വിശ്വസിക്കാവുന്ന സിറ്റുവേഷൻ അല്ലായിരുന്നു അന്ന് .ഞാനാണ് നീ അന്വേഷിക്കുന്ന അൻസി എന്ന് മുന്നിൽ പോയി പറഞ്ഞാൽ ഭാര്യ പദവി കിട്ടാൻ ഞാൻ പറയുന്ന കള്ളമായേ അവൻ കരുതുമായിരുന്നുള്ളു .തെളിയിക്കാൻ എന്ത് തെളിവാ എന്റെ കയ്യിൽ ഉള്ളത് .അത് കൊണ്ട് അൻസിയായി തന്നെ അവനോട് പറയാമെന്ന് കരുതി .അത് ഇങ്ങനെയും ആയി . കുറച്ചു കള്ളം ഇല്ലേ സഫു ഇതിൽ .ഞാൻ ഒരു പോലീസുകാരൻ ആണ് അത് മറക്കരുത് .അങ്ങനെയായിരുന്നെങ്കിൽ നീ പോയ ഉടനെ തന്നെ അൻസിയായി വന്നു അവനോട് സത്യം പറയുമായിരുന്നു .എന്ത് കൊണ്ട അത് ചെയ്യാതിരുന്നത് .

അവളുടെ മുഖത്ത് സങ്കടം വന്നത് അവൻ കണ്ടു .കണ്ണൊക്കെ നിറഞ്ഞു . ടീ എന്താ നിനക്ക് പറ്റിയെ എന്തിനാ അൻസി നീയാണെന്ന് അവനോട് പറയാതെ മറച്ചു വെച്ചത് . എനിക്കാ കുരിപ്പിനെ ഒരുപാട് ഇഷ്ടം ആയിരുന്നു .അവൻ പോലും അറിയാതെ അവനെ ഞാനൊരുപാട് സ്നേഹിച്ചു .അവൻ എന്നെ സ്നേഹിക്കണമെന്ന് ആഗ്രഹിച്ചു . അതിന് അവൻ നിന്റെ ഭർത്താവല്ലേ .നിന്റെ സ്വന്തം ആയില്ലേ .എല്ലാം അറിയുമ്പോൾ സന്തോഷത്തോടെ അവൻ നിന്നെ സ്വീകരിക്കില്ലായിരുന്നോ . എന്നെ അവൻ ഒരിക്കലും സ്നേഹിച്ചിരുന്നില്ല .എന്നെ ഇഷ്ടം അല്ലായിരുന്നു അവന് .എന്നെ കാണുന്നതേ കലിപ്പാണ് .ഞാനാണ് അൻസിയെന്നറിഞ്ഞാൽ അക്കാരണം കൊണ്ട് അവൻ എന്നെ സ്വീകരിക്കുമായിരിക്കും .പക്ഷേ അതൊരിക്കലും എന്നെയല്ല അവൻ മനസ്സാ സ്വീകരിച്ചത് അൻസിയെ ആണ് .അൻസി ആയത് കൊണ്ട് മാത്രമാണ് എന്നെ ഭാര്യയായി കാണുക .നിർബന്ധ പൂർവ്വം ആണ് ഞാൻ അവന്റെ ജീവിതത്തിലേക്ക് കടക്കുക .അല്ലാതെ അവൻ മനസ്സിറഞ്ഞു സ്നേഹിച്ചു എന്നെ അവന്റെ ജീവിത്തിലേക്ക് ക്ഷണിക്കുന്നതല്ല

.അത് എനിക്കൊരിക്കലും അംഗീകരിക്കാൻ പറ്റിയില്ല .എന്നെങ്കിലും അവൻ എന്നെ സ്നേഹിക്കുമെന്നും മനസ്സിലാക്കുമെന്നും കരുതി .അത് കൊണ്ട അൻസിയെ പറ്റി പറയാതിരുന്നത് .പക്ഷേ അവൻ അന്ന് ഷാഹിദിന്റെ കാര്യത്തിൽ ഡിമാൻഡ് വെച്ചു എന്നെ കൊണ്ട് പറയിപ്പിക്കാൻ ശ്രമിച്ചു .ഗതിയില്ലാതെ ഇത്തുസിന്റെ fb അകൗണ്ട് പറഞ്ഞു കൊടുത്തു .എല്ലായിടത്തും ഞാൻ തോറ്റു .ഒരിക്കലും അവൻ എന്നെ സ്നേഹിക്കില്ലെന്ന് എനിക്ക് മനസ്സിലായി .അത് കൊണ്ട് ഇന്ന് അവനോട് സത്യം എല്ലാം പറയാമെന്ന് കരുതി .എന്നിട്ട് അവൻ എന്നെ സ്വീകരിക്കണോ വേണ്ടയൊന്ന് തീരുമാനിക്കട്ടേന്ന് കരുതി .എല്ലാം എന്റെ വിധിയായി കണ്ടു വരുന്നിടത്തു വെച്ചു കാണാമെന്നു കരുതിയ ഇന്ന് അവനെ കാണാൻ ഞാൻ വന്നത് . നിനക്ക് വട്ടുണ്ടോ സഫു .അവൻ നിന്റെ ഭർത്താവാണ് .എന്നാണെങ്കിലും അവൻ നിന്നെ സ്നേഹിക്കും .നീയാണ് അൻസിയെന്നറിഞ്ഞാൽ അവന് നിന്നോടുള്ള ഇഷ്ടം കൂടുകയേ ഉള്ളൂ . ഒരിക്കലും ഇല്ല സാലി .ഇഷ്ടം എന്നത് പിടിച്ചു വാങ്ങണ്ട ഒന്നല്ല .മനസ്സറിഞ്ഞു തരേണ്ടതാണ് .സ്വയം മനസ്സിൽ തോന്നേണ്ട ഒന്നാണ് .

അന്ന് ആ പ്രോബ്ലം ഉണ്ടായിരുന്നില്ലെങ്കിൽ ഒരിക്കലും അവൻ എന്നെ കല്യാണം കഴിക്കില്ലായിരുന്നു . കാരണം അവന്റെ മനസ്സിണങ്ങിയ പെണ്ണ് ഞാനല്ലായിരുന്നു .ഒരിക്കലും അവന് എന്നെ അസെപ്റ്റ് ചെയ്യാൻ പറ്റുമായിരുന്നില്ല . ഇക്കാക്കയുടെ നിർബന്ധം കൊണ്ടാണ് എന്നെ കെട്ടിയത് .ഒരു തരത്തിൽ പറഞ്ഞാൽ അടിച്ചേല്പിക്കൽ . നീയെന്താ പറഞ്ഞു വരുന്നേ . എന്തോന്ന് പറയാൻ .എന്നെ പോലെയുള്ള പെൺകുട്ടികൾ ക്ക് ആശ്വസിക്കാൻ ഒരു വാക്ക് ഉണ്ടല്ലോ വിധി .ആ വിധിയെ ഞാനും അങ്ങ് കൂട്ട് പിടിക്കും .എല്ലാം വിധിയാണ് അങ്ങനെ സ്വയം ആശ്വസിച്ചു സമാധാനിക്കും അത്ര തന്നെ .അവന് വേണമെങ്കിലും വേണ്ടെങ്കിലും അവന്റെ കൂടെ ജീവിതാവസാനം വരെ അങ്ങ് കഴിയും .പരസ്പരം ഇഷ്ടപെടാതെയും ആഗ്രഹിക്കാതെയും ഉള്ള ഒരു ജീവിതം . നിന്റെ ഫിലോസഫി ഒന്നും എനിക്ക് മനസ്സിലാവില്ല .

ഒന്നറിയാം ഫൈസിക്ക് നിന്നെ ഇഷ്ടമാണ് . കോപ്പാണ് ഉള്ളത് .മൂന്നു ദിവസം ആകാനായി ടൂറിനു പോയിട്ട് ജീവനോടെ ഉണ്ടോന്ന് പോലും തിരക്കിയിട്ടില്ല . എന്നിട്ടപ്പോ.... ..ഇഷ്ടം പോലും ഇഷ്ടം അവൾ ദേഷ്യത്തോടെ പറഞ്ഞു സത്യം ആടോ .ഞാൻ അത് ടെസ്റ്റ്‌ ചെയ്തു നോക്കിയതാ . ടെസ്റ്റ്‌ ചെയ്തു നോക്കുകയോ .എങ്ങനെ അന്ന് നീ ഗ്ലാസ്‌ വാങ്ങാൻ വന്നപ്പോ വീണതല്ല .ഞാൻ കാല് വെച്ചു വീഴ്ത്തിയതാ .നിന്റെ കാല് പിടിച്ചു നോക്കിയതും മനപ്പൂർവം ആണ് . എന്തിന് . അവന്റെ ഉള്ളിൽ നീ ഉണ്ടോന്ന് അറിയാനുള്ള ചെറിയൊരു ടെസ്റ്റ്‌ . എന്നിട്ടെന്താ മനസ്സിലായത് . അവന്റെ ഉള്ളിൽ നിന്നോട് സ്നേഹമുണ്ടെന്ന് .ഞാൻ നിന്നെ തൊട്ടപ്പോൾ അവന്റെ മുഖത്ത് ഇഷ്ടക്കേട് ഞാൻ കണ്ടു .നീ എന്നോട് ക്ലോസ് ആയി ഇടപെടുമ്പോൾ അവന്റെ രക്തം തിളക്കുന്നത് ഞാനറിയുന്നുണ്ടായിരുന്നു .അത് കൂട്ടാൻ വേണ്ടിയാ നിന്നോട് ഞാൻ അവന്റെ മുന്നിൽ വെച്ചു ഓവർ ആയി പെരുമാറിയത് .നമ്മുടെ സ്വന്തം എന്ന് തോന്നുന്ന ആൾ നമ്മളെക്കാൾ കൂടുതൽ മറ്റുള്ളവരോട് ഇഷ്ടം കാണിക്കുമ്പോൾ അവർക്കത് ഇഷ്ടപ്പെടില്ല .വല്ലാതെ ഫീൽ ചെയ്യും .

ദേഷ്യവും ജലസ്സ് ഒക്കെ വരും . ഫൈസിടെ മുഖത്ത് ഞാൻ അതൊക്കെ കണ്ടിരുന്നു . നിന്നെയാരാ പോലീസിൽ എടുത്തേ .അവനും അവന്റെ ഒരു പൊട്ട ടെസ്റ്റും .നിന്റെ ഈ കണ്ടുപിടിത്തം ഒക്കെ തെറ്റാ .എന്നോട് മിനിഞ്ഞാന്ന് പറഞ്ഞതൊന്നും പറയാതിരിക്കുന്നതാ നല്ലത് .ഓർക്കുമ്പോൾ ഇപ്പോഴും നെഞ്ച് പൊടിയും . ടീ പോത്തേ ഈ സ്നേഹം എന്നു പറയുന്നത് മുത്തേ പൊന്നേ എന്നൊക്കെ പറഞ്ഞു ഒലിപ്പിച്ചു നടക്കൽ മാത്രമല്ല .ചിലരുടെ കട്ടകലിപ്പിലും കാണും സ്നേഹം . ഓരോരുത്തർക്കും അവരുടേതായ ഒരു രീതിയുണ്ടാകും അത്പ്രകടിപ്പിക്കാൻ ഫൈസിയുടെ കലിപ്പായിരിക്കും ചിലപ്പോൾ അവന്റെ സ്നേഹം .അത് നീ മനസ്സിലാക്കിയാൽ തീരുന്നതേ ഉള്ളൂ നിന്റെ പ്രോബ്ലം . എന്നാ എല്ലാരോടും വേണ്ടേ ഈ കലിപ്പ് സ്നേഹം .അൻസിയായി എന്നോട് ചാറ്റുമ്പോൾ എന്തൊരു ഒലിപ്പീരാ . നിന്റെ പ്ലാൻ എന്താ ഇനി .

ഈ കോസ്‌മെറ്റിക് ലെൻസ്‌ വെച്ചു അവന്റെ മുന്നിലേക്ക് വീണ്ടും പോകുന്നോ . അവന് വേണ്ടിയാ ഈ കോലം വീണ്ടും കെട്ടിയേ .അവന് ഇനി അൻസിയെ വേണ്ടാന്ന് പറഞ്ഞ സ്ഥിതിക്ക് ഇനി ഈ ഫ്രോഡ് അൻസി വേണ്ട .അൻസി ഇപ്പൊ ഇവിടെ വെച്ചു മരിച്ചു .ഇനി ഓർമകളിൽ പോലും അൻസി തിരിച്ചു വരില്ല . അതാ ഇനി നിനക്ക് നല്ലത് .അല്ലെടീ ഈ ലെൻസ്‌ എവിടെ നിന്ന കിട്ടിയത് . അതൊക്കെ ഒപ്പിച്ചു .പൈസ കൊടുത്താൽ കിട്ടാത്ത എന്താ ഇപ്പൊ ഉള്ളത് . ഒറിജിനൽ തന്നെ അല്ലേ .അല്ലേൽ കണ്ണിന് പണി കിട്ടുവെ . മറുപടി കേൾക്കാത്തൊണ്ട് സാലി അവളെ നോക്കി .അവളെന്തോ ആലോചനയിൽ ആണെന്ന് സാലി ശ്രദ്ധിച്ചു . നീ എന്താ ആലോചിക്കുന്നേ . എനിക്ക് ഇപ്പൊ ആകെയൊരു കൺഫ്യൂഷൻ ആണ് .ഫൈസിക്ക് അൻസിയെയും വേണ്ട എന്നെയും വേണ്ട .ഇനി വേറെയാരെയെങ്കിലും കണ്ടു പിടിച്ചു കാണുമോ .

അതായിരിക്കുമോ ഇങ്ങനൊക്കെ പറഞ്ഞിട്ട് പോയത് .അവൻ പുതിയൊരാളായി മാറി .ചെയ്തു തീർക്കാൻ ഒരുപാട് കാര്യങ്ങൾ ഉണ്ടെന്നൊക്കെ പറഞ്ഞിരുന്നു . സാലി പൊട്ടിച്ചിരിക്കുന്നത് കണ്ടു . എന്താടാ ഇളിക്കുന്നെ . എനിക്കും ഇപ്പൊ അങ്ങനെ തോന്നുന്നു .നിന്നെ ഡിവോഴ്സ് ചെയ്തു വേറെ കെട്ടാനുള്ള പ്ലാൻ ആണോന്ന് . അങ്ങനെ വല്ലോം അവൻ ചിന്തിച്ച അവനെ കൊന്നു ജയിലിൽ പോകും ഞാൻ പറഞ്ഞില്ലെന്നു വേണ്ട . എന്നാ ജയിലിൽ നിനക്ക് എന്റെ വക സ്പെഷ്യൽ ട്രീറ്റ്‌ ഞാൻ സ്പോൺസർ ചെയ്യുന്നു .നീ വാ നമുക്ക് അവിടെ അടിച്ചു പൊളിക്കന്നെ . എലിക്ക് പ്രാണ വേദന പൂച്ചക്ക് വീണ വായന എന്ന് കേട്ടിട്ടേ ഉള്ളൂ .ഇപ്പൊ കണ്ടു .നീയൊക്കെ ഒരു ഫ്രണ്ടാണോ തെണ്ടീ . ഞാൻ ചുമ്മാ പറഞ്ഞതാടി എല്ലാം നിന്റെ പേടിയാ .നീ നോക്കിക്കോ വീട്ടിൽ അവൻ നിന്നെയും കാത്തിരിപ്പുണ്ടാകും .പുതിയൊരു ഫൈസിയായി .സഫുവിന്റെ സ്വന്തം ഫൈസിയായി .നീ ധൈര്യം ആയി വീട്ടിലേക്ക് ചെല്ല് .എന്നിട്ട് നടന്ന സത്യം മുഴുവൻ തുറന്നു പറയ്യ് ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...