💕മിഴികൾ പറഞ്ഞ പ്രണയം 💕: ഭാഗം 41

രചന: സഫ്‌ന കണ്ണൂർ

നിനക്ക് നാണവും മാനവും എന്നൊന്ന് ഉണ്ടോ ഫൈസി .ഡിവോഴ്സ് പേപ്പറിൽ ഒപ്പിടിച്ചശേഷം വന്നിരിക്കുന്നു അവളെ വീണ്ടും വേണമെന്നും പറഞ്ഞു .എങ്ങനെയാട നീ ഇനി ഇതും പറഞ്ഞു അവളെ മുന്നിൽ പോവ്വുക . അതിന് ഒരു വഴി പറഞ്ഞു തരാനല്ലേ നിന്നെയും നോക്കി വന്നത് . കൊട്ടകണക്കിന് വഴി എന്റെ കയ്യിൽ ഉണ്ട് .പോകുമ്പോൾ പാർസൽ ആക്കി തരാം . ദേ അജു തമാശ വിട് .ഞാൻ സീരിയസ് ആണ് .എനിക്ക് സഫുനെ വേണം . നിനക്ക് ഇതെന്താ പെട്ടെന്ന് അവളോട് സ്നേഹം തോന്നാൻ കാരണം .ഡിവോഴ്സ് ചെയ്‌താൽ അവളെങ്ങനെ ജീവിക്കുമെന്നോർത്തുള്ള സഹതാപം ആണോ .അതോർത്തു നീ പേടിക്കണ്ട .അവളെ പൊന്ന് പോലെ നോക്കുന്ന ഒരു കുടുംബം അവൾക്കുണ്ട് . സഹതാപം ഒന്നുമല്ല എനിക്കിഷ്ടാ അവളെ .അവളില്ലാതെ പറ്റുന്നില്ലെടാ എനിക്ക് . അതിന് കാരണ ചോദിച്ചേ .എപ്പോ കണ്ടാലും ആ പാവത്തിനെ കടിച്ചു കീറാൻ നിക്കുകയാരുന്നല്ലോ .ഇപ്പൊ എന്താ മനം മാറ്റം . അതൊന്നും എനിക്കറിയില്ല .എപ്പോഴോ അവളെന്റെ മനസ്സിൽ കയറികൂടി .

അവളെ കണ്ട നിമിഷം തന്നെ അവളെന്റെ ആരൊക്കെയോ ആണെന്നുള്ള തോന്നൽ എനിക്കുണ്ടായിരുന്നു .എന്തോ ഒരു മുന്ജന്മ ബദ്ധം അവളുമായി ഉണ്ടായിരുന്ന പോലെ .അവളെ കാണുമ്പോഴൊക്കെ ദാ ഇവിടെ വല്ലാത്തൊരു ഇടിപ്പായിരുന്നു .അവൻ നെഞ്ചിൽ തൊട്ട് കൊണ്ട് പറഞ്ഞു .അവളെ കണ്ട ശേഷം കണ്ണടക്കുമ്പോഴൊക്കെ അവളുടെ മുഖം ആയിരുന്നു കാണൽ .പക്ഷേ അൻസി മനസ്സിൽ ഉണ്ടായിരുന്നത് കൊണ്ട് അവളെ മനപ്പൂർവം അവഗണിച്ചു .അവളോട് ഇഷ്ടം തോന്നിപോകുമോന്നു പേടിയായിരുന്നു എനിക്ക് .കണ്ണടച്ച് പിടിച്ച അവളോട് മോശമായി പെരുമാറിയിരുന്നത് .അവളെ കണ്ണിൽ നോക്കിയാൽ ഞാൻ സ്വയം മറന്നു പോകും പലപ്പോഴും .അൻസി അവളാണ് എന്റെ പെണ്ണെന്നു മനസ്സിൽ ഓരോ പ്രവിശ്യവും ഉറപ്പിക്കുമ്പോഴും സഫുവിന്റെ മുഖം ആയിരുന്നു മുന്നിൽ തെളിയുക .മനസ്സ് കൈ വിട്ടു പോകുന്നു തോന്നുമ്പോൾ അൻസിയെ മറയാക്കി എന്റെ മുന്നിൽ വെക്കാറാ പതിവ് . അവളോട് ഇഷ്ടം തോന്നിപോകുന്നു പേടി വരുമ്പോഴാ അവളെ ദ്രോഹിക്കൽ .

എങ്ങനെയെങ്കിലും അവൾ എന്നെ വിട്ടു പോയികൊട്ടെന്നു കരുതി . അവളെ കരച്ചിൽ കാണുമ്പോൾ ഹൃദയം നുറുങ്ങുന്ന വേദനയാ എനിക്ക് അനുഭവപ്പെടൽ .അവളെ വേദനിപ്പിക്കുന്ന ഓരോ പ്രാവശ്യവും അതിനേക്കാൾ ഇരട്ടി ഞാൻ സ്വയം വേദനിപ്പിച്ചിട്ട് ഉണ്ട് .രണ്ടിന്റെയും നടുവിൽ കിടന്നു വട്ട് പിടിക്കുകയാരുന്നു ഞാൻ .അവളെ വീട്ടിൽ ആക്കി വന്ന ശേഷം എന്തൊക്കെയോ എനിക്ക് നഷ്ടപെട്ടത് പോലെയായിരുന്നു തോന്നിയത് . അൻസിയോടൊത് കൂടുതൽ സമയം സ്പെൻഡ്‌ ചെയ്തു അവളെ മറക്കാൻ ശ്രമിച്ചു .അവളെ മറന്നെന്നു നടിച്ചു . അവളെ ഇക്കാക്ക കൂട്ടി കൊണ്ട് വന്നില്ലേ .അന്ന് പെട്ടന്ന് അവളെ കണ്ടപ്പോൾ നഷ്ടപെട്ടത് തിരിച്ചുകിട്ടിയ സന്തോഷം ആയിരുന്നു . അവളെ ഓടി പോയി കെട്ടിപിടിക്കാന എനിക്ക് തോന്നിയത് .മനസ്സിൽ അത്രക്ക് അവളെ സാമിപ്യം ഞാൻ ആഗ്രഹിച്ചിരുന്നുവെന്ന് അന്ന് എനിക്ക് മനസ്സിലായി .അൻസിക്ക് വേണ്ടി ഞാനത് അടക്കിപ്പിടിച്ചു .അൻസിയോട് ചെയ്യുന്ന തെറ്റായി എനിക്ക് കുറ്റബോധം തോന്നി .അത് കൊണ്ട മനസ്സ് കല്ലാക്കി ഞാൻ ഡിവോഴ്സ് പേപ്പറിൽ ഒപ്പിടാൻ പറഞ്ഞത് .

സാലി അന്ന് അവളെ തൊട്ടപ്പോൾ അവനെ കൊല്ലാനുള്ള ദേഷ്യം എനിക്കുണ്ടായിരുന്നു .അവൾ അവനോട് അടുത്തിടപഴകിയപ്പോൾ എനിക്ക് ദേഷ്യവും സങ്കടവും ഒക്കെ വന്നു .അന്നെനിക്ക് മനസ്സിലായി അവൾ മറ്റൊരാളുടേത് ആവുന്നത് എനിക്ക് സഹിക്കാൻ പറ്റില്ലെന്ന് .അൻസിക്ക് വേണ്ടി സിഗരറ്റ് ഒഴിവാക്കണമെന്ന് സഫു പറഞ്ഞപ്പോൾ ഉത്സാഹത്തോടെ സമ്മതം പറഞ്ഞെങ്കിലും സിഗരറ്റ് നിർത്തി അൻസി വന്നാൽ സഫു എന്നെ വിട്ടു പോകുമല്ലോ എന്ന ചിന്തയായിരുന്നു വന്നത് .വലി നിർത്താൻ ശ്രമിക്കും തോറും സഫു ചോദ്യ ചിഹ്നം ആയി മുന്നിൽ വന്നു നിന്നു .അൻസി അന്ന് പറഞ്ഞപ്പോഴാ ഞാൻ കൂടുതൽ ആലോചിച്ചത് .എനിക്ക് സിഗരറ്റ് വലി നിർത്താൻ പറ്റാത്തതിന്റെ കാരണവും അന്ന് മനസ്സിലായി .സഫു എന്നെ വിട്ടു പോകുന്നത് ഞാൻ ഒരിക്കലും ആഗ്രഹിക്കുന്നില്ലെന്ന് .

അവൾ എന്നെ അവോയ്ഡ് ചെയ്തു നടന്നപ്പോൾ ഒരു നോട്ടം കൊണ്ടെങ്കിലും എന്നെ നോക്കിയിരുന്നെങ്കിൽ എന്ന് മനസ്സ് കൊതിക്കുന്നുണ്ടായിരുന്നു. ഡിവോഴ്സ് പേപ്പറിൽ ഒപ്പിട്ട് വെച്ചിട്ട് ഉണ്ടെന്ന് പറഞ്ഞത് കേട്ടപ്പൊ ആ നിമിഷം എന്നിൽ നിന്നും ജീവൻ പോയത് പോലെയാ തോന്നിയെ .മരിച്ചതിനു തുല്യം ആയിരുന്നു ഞാൻ .അവൾ ഇല്ലാതിരുന്ന ഈ രണ്ടു ദിവസം അവൾ എനിക്ക് എത്ര മാത്രം പ്രിയപ്പെട്ടതായിരുന്നുവെന്ന് എനിക്ക് മനസ്സിലാക്കി തന്നു .സഫുവിനോടൊത്തുള്ള ഓരോ നിമിഷവും അവൾ പോലും അറിയാതെ ഞാൻ എൻജോയ് ചെയ്യാറുണ്ടായിരുന്നുന്ന് എനിക്ക് മനസ്സിലായി .അവളെ കാണാതെ അവളോട് മിണ്ടാതെ അവളെ പ്രസൻസ് ഇല്ലാതെ എനിക്ക് ഒരു നിമിഷം പോലും ഇരിക്കാൻ പറ്റുന്നുണ്ടായിരുന്നില്ല .അൻസിയുടെ മെസ്സേജോ കോളോ ഒന്നും എന്റെ ഓർമയിൽ പോലും വന്നില്ല .സഫു വിളിയ്ക്കും msg ഇടും എന്ന് മാത്രമേ എന്റെ ആലോചനയിൽ ഉണ്ടായിരുന്നുള്ളു . അവളെ ഒരു നോക്ക് കാണാൻ അവളുടെ ശബ്ദം കേൾക്കാൻ അതിന് വേണ്ടിയാണ് മനസ്സ് തുടിച്ചത്.അവളെ എനിക്ക് എത്ര മാത്രം മിസ്സ്‌ ചെയ്തുന്നു വാക്കുകൾ കൊണ്ട് പറയാൻ പറ്റില്ല .

വട്ട് പിടിച്ചു പോകുന്നു പോലും എനിക്ക് തോന്നി .ആൻസിയോടുള്ളത് വെറും അട്രാക്ഷൻ മാത്രമാണെന്ന് അപ്പൊ ഞാൻ തിരിച്ചറിഞ്ഞു .എനിക്ക് വേണമെടാ അവളെ .എന്റെ മാത്രമായി എനിക്ക് വേണം അവളെ . എനിക്ക് കേട്ടിട്ട് ചിരിയാ വരുന്നത് .രണ്ടു വള്ളത്തിൽ കാൽ കുത്തരുതെന്ന് കാർണോർമാർ പണ്ടേ പറഞ്ഞിട്ട് ഉള്ളതാ .മൂക്കും കുത്തി വെള്ളത്തിൽ വീഴും .ഇപ്പൊ കണ്ടു .അൻസിയും പോയി സഫുവും പോയി .നീ നടുക്കടലിലും വീണു . സഫു പോയൊന്നും ഇല്ല .അവളെ കാല് പിടിച്ചാണെങ്കിലും ഞാൻ കൊണ്ട് വരും .എനിക്ക് വേണം അവളെ .എന്റെ ജീവനേക്കാളേറെ ഞാനിപ്പോൾ അവളെ സ്‌നേഹിക്കുന്നുണ്ട് . അവൾക്ക് അതിന് നിന്നോടും ഈ പറഞ്ഞ സ്നേഹം വേണ്ടേ .എന്തുമാത്രം ദ്രോഹിച്ചിട്ടുണ്ട് നീ അവളെ .സഹികെട്ടല്ലെ ഡിവോഴ്സ് പേപ്പറിൽ ഒപ്പിട്ടിട്ട് ഉണ്ടാവുക .നിന്നെ കാണുന്നതേ ഇപ്പോൾ വെറുപ്പായിരിക്കും .

അത് കൊണ്ട് തന്നെയാ എനിക്ക് അവളോട് മിണ്ടാൻ പേടി .അവളെങ്ങാനും നോ പറഞ്ഞാൽ പിന്നെ എനിക്ക് സഹിക്കാൻ പറ്റിയെന്നു വരില്ല . എത്രയോ വട്ടം ഞാൻ നിന്നോട് പറഞ്ഞിട്ടുണ്ട് അവളെ പോലൊരു പെണ്ണിനെ ഈ ജന്മത്തിൽ കിട്ടില്ല .എല്ലാം മറന്നു ആ പാവത്തിനെ സ്നേഹിക്കെന്ന് .എന്നെ കൊല്ലാൻ വരികയല്ലേ അപ്പൊ ചെയ്തേ . ശവത്തിൽ കുത്തല്ലടാ പട്ടീ .തെറ്റ് പറ്റി പോയി .ഇനിയെന്താ വഴിയെന്ന് പറഞ്ഞു താ . നിനക്കറിയോ അവളെന്നെ ഒരു കാര്യവും ഇല്ലാതെ തല്ലിയെന്ന് പറഞ്ഞില്ലേ .അവൾ എന്നെ തല്ലിയപ്പോൾ എന്തിനാ തല്ലിയതെന്ന് പോലും എനിക്ക് മനസ്സിലായില്ല .അവളെ മുഖത്ത് കണ്ട പേടിയുടെയും സങ്കടത്തിന്റെയും ദേശ്യത്തിന്റെയും കാരണവും തിരിഞ്ഞിരുന്നില്ല .ഞാൻ അവളെ ചീത്ത പറഞ്ഞു അവൾ കരഞ്ഞു കൊണ്ട് റൂമിൽ നിന്നും ഇറങ്ങിപോയപ്പോൾ എന്റെ ഹൃദയം നുറുങ്ങുന്ന വേദനയായിരുന്നു എനിക്ക് തോന്നിയത് .

അവളെ കാണുന്നില്ലെന്ന് ഉമ്മ വന്നു പറഞ്ഞപ്പോൾ പേടി കൊണ്ട് വിറക്കുകയായിരുന്നു ഞാൻ .അവൾ ടെറസ്സിൽ ഉണ്ടെന്ന് പറഞ്ഞു ഓടി പോയി അവളെ കണ്ടപ്പോൾ എനിക്ക് ദേഷ്യവും സങ്കടവും സന്തോഷവും ഒക്കെ വന്നു .എനിക്ക് അവളെ രണ്ടു പൊട്ടിക്കാന അപ്പൊ തോന്നിയെ കുറച്ചു സമയം ആണെങ്കിലും എന്നെ തീ തീറ്റിച്ചു അവൾ . അപ്പോഴാ അവൾ അന്ന് തല്ലിയതിന്റെ കാരണം എനിക്ക് മനസ്സിലായത് .ആ തല്ലും അവളെ മുഖത്ത് കണ്ട പേടിയും ദേഷ്യവും എല്ലാം എന്നോടുള്ള സ്നേഹം ആയിരുന്നുന്ന് തിരിച്ചറിഞ്ഞത് . അന്ന് രാത്രി ആരും കാണാതെ എന്റെ റൂമിൽ വന്നു എന്റെ കയ്യിൽ മരുന്നു വെച്ചു തന്നപ്പോൾ നീറ്റൽ കൊണ്ട് ഞാൻ കൈ വലിച്ചു .അപ്പൊ അവളെ മുഖത്തെ വേദന കണ്ടപ്പോൾ അവൾക്ക പൊള്ളിയതെന്ന തോന്നിപോയെ .എന്റെ മുടിയിൽ തലോടി എന്റെ അടുത്ത് ഇരുന്നപ്പോൾ .

എനിക്ക് മനസ്സിലാവുന്നുണ്ടായിരുന്നു അവൾക്ക് എന്നോടുള്ള കരുതലും സ്നേഹവും എല്ലാം .എന്നെ മനസ്സിലാക്കാൻ ഈ ജന്മം അവൾക്കല്ലാതെ മറ്റാർക്കും പറ്റില്ലെടാ .മെഹ്ഫിൽ എന്ന എന്റെ വീടിന്റെ അർത്ഥം അറിയോ നിനക്ക് ഉത്സവം .ഉത്സവം പോയിട്ട് ആരും പരസ്പരം മനസ്സ് തുറന്നു സംസാരിക്കൽ പോലും ഇല്ലായിരുന്നു ആ വീട്ടിൽ .എല്ലാവരുടെയും ചിന്തഗതി മാറ്റി മറിച്ചത് അവളാണ് .അവള ആ വീട് ഒരു സ്വർഗ്ഗമാക്കി മാറ്റിയത് .എവിടെയോ വെച്ചു നഷ്ടപെട്ട ഞങ്ങളുടെ സന്തോഷം തിരിച്ചു തന്നത് .ഇന്ന് പേര് പോലെ തന്നെ സന്തോഷത്തിന്റെ ഉത്സവം ആണ് എന്റെ വീട്ടിൽ .ചെയ്ത തെറ്റെല്ലാം തിരുത്തി ആ വീട്ടിലെ ഒരു രാജകുമാരിയെ പോലെ എനിക്ക് അവളെ വാഴിക്കണം .സ്നേഹം കൊണ്ട് മൂടണം .സന്തോഷം കൊണ്ടല്ലാതെ അവളെ കണ്ണ് നിറയാൻ ഇനി ഞാൻ വിടില്ല . ആഗ്രഹം ഒക്കെ കൊള്ളാം .

നീ ആദ്യം പോയി അവളോട് നിന്റെ ഇഷ്ടം പറയാൻ നോക്ക് . Mmm .ഇന്ന് രാത്രി അവൾ വരും .അതിന് വേണ്ടി കാത്തിരിക്കുകയാ ഞാൻ .എനിക്ക് അവളോട് പറയണം അൻസിയെ അല്ല അവളെയാണ് ഞാൻ സ്നേഹിക്കുന്നതെന്ന് .അവളില്ലാതെ ഒരു നിമിഷം പോലും എനിക്ക് ജീവിക്കാൻ പറ്റില്ലെന്ന് .ചെയ്ത തെറ്റിനെല്ലാം ആത്മാർത്ഥമായി മാപ്പും പറയണം . ഒരു കാര്യം പറയുന്നത് കൊണ്ട് ഒന്നും തോന്നരുത് .സഫുവിനോട് ഉള്ള സ്നേഹവും അവസാനം അട്രാക്ഷൻ ആകുമോ .ഇത്രയും കാലം അൻസിയോട് പ്രാണൻ കൊടുക്കാനും തയ്യാറായിരുന്ന പ്രണയം ആയിരുന്നു .ഇപ്പൊ അട്രാക്ഷൻ ആയി മാറി .അത് കൊണ്ട് ചോദിച്ചതാ . ഒരിക്കലും ഇല്ല .ഇന്നെനിക്ക് പ്രണയം എന്താണെന്നും അട്രാക്ഷൻ എന്താണെന്നും നല്ലോണം അറിയാം .അത് മനസ്സിലാക്കിയത് കൊണ്ടാണ് അൻസിയോട് അട്രാക്ഷൻ ആണെന്നും സഫുവിനോട് ഉള്ളത് റിയൽ ലവ് ആണെന്നും തിരിച്ചറിഞ്ഞത് . ഇപ്പോഴെങ്കിലും നീ അവളുടെ സ്നേഹം തിരിച്ചറിഞ്ഞല്ലോ .നന്നായെടാ . ആ ഡിവോഴ്സ് പേപ്പർ വലിച്ചു കീറി കളയാൻ നോക്ക് ആദ്യം .എന്നിട്ട് നീ പോയി ധൈര്യമായി പ്രൊപ്പോസ് ചെയ്യ് .

അവൾക്ക് മനസ്സിലാവും നിന്നെ. അതൊക്കെ എപ്പോഴേ ചെയ്തു .ആദ്യം ചെയ്തത് അത് തന്നെയാ .എനിക്കും അവൾക്കും മാത്രമേ അതിനെ പറ്റി അറിയൂ .അവൾ ആരോടെങ്കിലും പറഞ്ഞിനൊന്ന് എനിക്കറിയില്ല .ഞാൻ ആരോടും പറഞ്ഞിട്ടില്ല .ഞങ്ങൾക്ക് മാത്രമായി അറിയുന്ന കുഞ്ഞു രഹസ്യമായി അത് ഞങ്ങൾക്കിടയിൽ തന്നെ ഇരിക്കട്ടെ . വിഷ് യൂ ഓൾ ദി ബെസ്റ്റ് . ഫൈസി അവനെ നോക്കി പുഞ്ചിരിച്ചു . ******* നീയെന്താടീ ഇവിടെ തന്നെ ഇരിക്കുന്നെ .വീട്ടിൽ പോകുന്നില്ലേ എനിക്ക് പേടിയാവുന്നെടാ അവനോട് സത്യം പറയാൻ .ഞാനാ അൻസിയെന്ന് അറിയുമ്പോൾ അവൻ എങ്ങനെയാ പ്രതികരിക്കുക. നീയതിന് അറിഞ്ഞു കൊണ്ട് തെറ്റൊന്നും ചെയ്തില്ലല്ലോ .അവൻ നിന്നെ തെറ്റിധരിച്ചതല്ലേ .അല്ലാതെ നീ അവനോട് പോയി എന്റെ പേര് അൻസിയന്ന് പറഞ്ഞൊന്നും ഇല്ലല്ലോ .അവന് പേര് മാറിയെങ്കിൽ അത് അവന്റെ തെറ്റ് .നീയെന്ത് പിഴച്ചു .ഒരു കണക്കിന് അവനെ പറഞ്ഞിട്ടും കാര്യം ഇല്ല .നിന്റെ കൂടെ എപ്പോഴും അൻസിയും ഉണ്ടായിരുന്നു

.അവന്റെ കണ്ണിൽ കണ്ടത് നിന്നെയാണെന്ന് മാത്രം .അവൻ അങ്ങനെ തെറ്റിദ്ധരിച്ചതായിരിക്കും .ക്യാമ്പിൽ പേര് മാറ്റി പോയത് .അത് നല്ലൊരു കാര്യത്തിനല്ലേ .അല്ലാതെ ആരെയും പറ്റിക്കാനൊന്നും അല്ലല്ലോ .സമീർക്ക അൻസിക്ക് പകരം നിന്നെ അയച്ചു .Id കാർഡ് മാറ്റാനൊന്നും ആരും ശ്രമിച്ചതുമില്ല .പിന്നെ നീയെന്തിന് അങ്ങനെ വേഷം കെട്ടിയതെന്ന് ചോദിച്ചാൽ അക്കാര്യത്തിൽ സത്യം പറയണം .പറഞ്ഞേ പറ്റു .ഇല്ലെങ്കിൽ ഞാൻ പറഞ്ഞു കൊടുക്കും . അന്ന് നിന്നെ ഞാൻ കൊല്ലും .അല്ല എന്ത് സത്യം ആണാവോ പറയാൻ പോകുന്നേ . ഒരു ജിന്ന് നിന്റെ ദേഹത്ത് കയറി കൂടിയതാണെന്ന് .എന്താടീ ആ ജിന്നിന്റെ പേര്.... മറന്നു . നന്നായിപോയി .ഞാനും മറന്നു . പറയെടി പോത്തേ ഇല്ലെങ്കിൽ ഇപ്പൊ ഫൈസിയെ വിളിക്കും ഞാൻ . ഗീത് അതല്ല മറ്റേ ചെക്കന്റെ സൈൻ അത് രണ്ടാമത്തെ അല്ലേ .ആദ്യത്തെ കക്ഷീടെ .ആ മസ്സിലൊക്കെ ഉരുട്ടി കെട്ടിയുള്ള ഒരുത്തനില്ലേ..... അവന്റെ അന്റെ ബാപ്പടെ പേര് .പോട മരപട്ടീ .തെണ്ടീ പട്ടീ ...ഹംകേ ....

.എനിക്ക് ഒരബദ്ധം പറ്റി .അത് എല്ലാരേം അറിയിച്ചു നാണം കെടുത്തിയതും പോരാ .എന്നിട്ടിപ്പോ വീണ്ടും കുത്തി പൊക്കി കൊണ്ട് വാ .എന്റെ ജീവിതമേ നീ കാരണം നായ നക്കിയ പോലെയായി . എന്നെ തെറി വിളിച്ചോണ്ട് കാര്യം ഇല്ല മുത്തേ . തെറ്റ് പറ്റാത്തതായി ഈ ലോകത്ത് ആരാ ഉള്ളത് .നിനക്കും പറ്റി .സമീർക്ക ഫോണും എറിഞ്ഞു പൊട്ടിച്ചു ബെൽറ്റ് കൊണ്ട് രണ്ടു തരികയും ചെയ്തപ്പോ നീ നന്നായില്ലേ .ആ ജിന്ന് ഇറങ്ങി ഓടിയ വഴിക്ക് പുല്ല് പോലും മുളച്ചിട്ട് ഉണ്ടാവില്ല .അല്ലെടീ ഞങ്ങളറിയാതെ ഇപ്പോഴും ആ മസിൽമാനെ മനസ്സിൽ കൊണ്ട് നടക്കുകയൊന്നും അല്ലല്ലോ . ദേ സാലി എന്റെ കയ്യിൽ നിന്നും കിട്ടുവെ . ഒരു തെറ്റൊക്കെ ഏത് പോലീസുകാരനും പറ്റും.അവൾ മുഖവും വീർപ്പിച്ചു തിരിഞ്ഞു നിന്നു . സോറി സോറി സോറി സോറി ഒരായിരം സോറി .ഞാൻ നിന്നെ ചുമ്മാ ചൂടാക്കിയതല്ലേ .അതിന്റെ പേരിൽ പിണങ്ങല്ല .അതൊക്കെ ജസ്റ്റ്‌ എ ഫൺ .അങ്ങനെയെ എല്ലാരും എടുത്തിട്ട് ഉള്ളൂ .

സമീർക്ക പിന്നെ പെട്ടെന്നുള്ള ദേഷ്യത്തിന് തല്ലി പോയതാ .അതൊക്കെ വിട് .ഞാൻ ഒന്നും ആരോടും പറയാൻ പോകുന്നില്ല .പക്ഷേ നിനക്ക് എന്തായാലും പറഞ്ഞല്ലേ പറ്റു .Eyes കളർ എങ്ങനെ മാറിയെന്നു ഫൈസി ചോദിക്കില്ലേ . അത് ചീള് കേസ് .അപ്പൊ നോക്കീം കണ്ടും പറഞ്ഞോളാം .ടാ ....നിനക്ക് എല്ലാം തമാശയാ . എനിക്ക് ആലോചിക്കുമ്പോൾ കയ്യും കാലും വിറക്കുന്നുണ്ട് . എന്നിട്ടാണോ അവനെ ഇട്ട് ഇങ്ങനെ കൊരങ്ങ് കളിപ്പിച്ചേ .എല്ലാം അറിഞ്ഞിട്ടും അൻസിയുടെ പേര് പറഞ്ഞു അവനെ വട്ടാക്കിയില്ലേ .അതിന് ചിലപ്പോൾ അവന്റെ കയ്യിൽ നിന്നുംരണ്ടു കിട്ടാൻ ചാൻസുണ്ട് . ശിക്ഷയായി അവൻ തരുന്നത് സന്തോഷത്തോടെ രണ്ടു കയ്യും നീട്ടി വാങ്ങിക്കാൻ തയ്യാറായി ഇരുന്നോ . അവൾ അറിയാതെ അവളെ കവിളിൽ കൈ വെച്ചു പോയി .റബ്ബേ വീണ്ടും തല്ല് കിട്ടോ .ഒടുക്കത്തെ വേദനയാടാ ആ തെണ്ടീടെ തല്ലിന് . കിട്ടും .കിട്ടാതിരിക്കില്ല .കിട്ടാനുള്ള എല്ലാ ചാൻസും ഉണ്ട് .ടീ മതി ആലോചിച്ചു കൂട്ടിയത് .എല്ലാം വരുന്നിടത്തു വെച്ചു കാണാം ഇനി .

എണീറ്റു വീട്ടിൽ പോ .നേരം ഇരുട്ടവാറായി .അല്ലേൽ വാ ഞാൻ ഡ്രോപ്പ് ചെയ്യാം .അവൻ അവളെ കയ്യും പിടിച്ചു കാറിനടുത്തേക്ക് നടന്നു .അവളെ മനസ്സ് മുഴുവൻ വീട്ടിൽ എത്തിയാൽ എന്ത് സംഭവിക്കും എന്ന ടെൻഷൻ ആയിരുന്നു . മറ്റൊരു ചിന്തയും അവളെ വേട്ടയാടി .ഫൈസിയുടെ മനസ്സിൽ എന്തായിരിക്കും .സാലി പറഞ്ഞത് പോലെ എന്നെ അവൻ ഇഷ്ടപ്പെടാൻ തുടങ്ങിയിട്ടുണ്ടാകുമോ .അത് കൊണ്ടായിരിക്കുമോ അൻസിയെ വേണ്ടെന്നു വെച്ചത് . കാർ സ്റ്റാർട്ട്‌ ചെയ്യാൻ നോക്കുമ്പോഴാ സാലിയുടെ ഫോൺ റിങ് ചെയ്തത് .അൻസിയാ വിളിക്കുന്നെ .നിങ്ങളുടെ കൂടിക്കാഴ്ച്ച എങ്ങനെ ഉണ്ടായിരുന്നുന്ന് അറിയാന വിളിക്കുന്നെ .ഞാൻ പറഞ്ഞിരുന്നു ഇവിടെ വരുന്ന കാര്യം .അവൻ കാൾ എടുത്തു .സന്തോഷത്തോടെയാ അറ്റൻഡ് ചെയ്തതെങ്കിലും പിന്നെ അവന്റെ മുഖം മാറുന്നത് അവൾ കണ്ടു .അവൻ ഡോർ തുറന്നു പുറത്തിറങ്ങി .

ഗ്ലാസ്‌ ഉയർത്തിയത് കൊണ്ട് അവൾക്ക് അവരെ സംസാരം കേൾക്കാൻ കഴിഞ്ഞില്ല .ഒരഞ്ചു മിനിറ്റ് കഴിഞ്ഞു അവൻ വന്നു . എന്താടാ കാര്യം .ഞാൻ കേൾക്കാതെ ഒരു രഹസ്യം പറച്ചിൽ . ഞാൻ പറയുന്നത് കേട്ട് നീ ടെൻഷൻ ആവരുത് .നീ ബോൾഡ് ആണ് .ആലോചിച്ചേ എന്ത് ഡിസിഷനും എടുക്കു എന്നും അറിയാം . എന്നാലും ഒന്ന് പറഞ്ഞെന്നെ ഉള്ളൂ . ടെൻഷൻ ആക്കാതെ കാര്യം പറയ് സാലി . ഇതുസിന് എന്തെങ്കിലും പ്രോബ്ലം ഉണ്ടോ . ഇതുസിന് പ്രോബ്ലം ഒന്നുംഇല്ലടാ .ഫൈസി ....... അവൻ ..... ഫൈസിക്ക് എന്താ...... ഫൈസി ഡിവോഴ്സ് പേപ്പറിന്റെ കോപ്പി സമീർക്കയുടെ പേരിൽ വീട്ടിലേക്കു അയച്ചു .അൻസിയാ അത് ഒപ്പിട്ടു വാങ്ങിയെ . അവളത് സമീർക്ക കാണാതെ മാറ്റി വെച്ചു .എന്താ ചെയ്യേണ്ടെന്ന് ചോദിക്കാനാ എന്നെ വിളിച്ചത് . ഫൈസി ........അവൻ ......ബാക്കി പറയാനാവാതെ അവൾ ദയനീയമായി അവനെ നോക്കി . സാലി എന്ത് പറഞ്ഞ അവളെ ആശ്വസിപ്പിക്കേണ്ടത് എന്നറിയാതെ കുഴങ്ങി നിന്നു ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...