💕മിഴികൾ പറഞ്ഞ പ്രണയം 💕: ഭാഗം 42

രചന: സഫ്‌ന കണ്ണൂർ

ആ കോന്തൻ ഡിവോഴ്സ് നോട്ടീസ് അയച്ചെന്നു കരുതി ചാവാനൊന്നും പ്ലാൻ ഇല്ലല്ലോ .ഉണ്ടെങ്കിൽ പറയണം .അടിപൊളി സൂയിസൈഡ് ലെറ്റർ ഞാൻ എഴുതിത്തരം .അതും പൊളിപ്പൻ ന്യൂ ജനറേഷൻ ലെറ്റർ .എനിക്ക് ഒരുപാട് വായിച്ചു എക്സ്പീരിയൻസ് ഉള്ളതാ . എന്തിനാ അത് മാത്രം ആക്കുന്നെ അടിയന്തിരത്തിന് ഉണ്ണാൻ എന്തൊക്കെ ഉണ്ടാക്കണമെന്ന് ലിസ്റ്റും കൂടി തരാം . അതും സൂപ്പർ ആണല്ലോ .നിന്റെ മരണംനമുക്ക് വെറൈറ്റി ആക്കണം .നീ പറ എന്തൊക്കെയാ നിന്റെ ഇഷ്ടങ്ങൾ .ഒരു കുറവും വരുത്താതെ എല്ലാം ഞാൻ ചെയ്തോളാം . കഞ്ഞിയും ചമ്മന്തിയും അയ്യേ .......ഇതാണോ കൊടുക്കുന്നെ നാണക്കേട് .ആന്നെങ്കിലും നല്ലൊരു ഫുഡ് പ്രതീക്ഷിച്ചതാ അതും പോയി .ടീ എപ്പോഴാ മരിക്കുന്നെ. വീഡിയോ എടുക്കണേ .എന്നിട്ട് വേണം fbയിൽ ഇട്ട് എനിക്ക് ഒന്ന് കസറാൻ .ഫോളോസ് ഒക്കെ കുറവാടി ഇപ്പൊ .നിന്നെ കൊണ്ട് അങ്ങനെയെങ്കിലും ഒരു ഉപകാരം ഉണ്ടാവട്ടെ ഞാൻ മരിച്ചിട്ട് വേണമല്ലേ നിനക്ക് ഫെയ്മസ് ആകാൻ അല്ലെ തെണ്ടീ .അവൾ അവന്റെ ദേഹത്ത് രണ്ടുമൂന്നു ഇടി കൊടുത്തു .

ആ ....വേദനിക്കുന്നെടി .തല്ലല്ല അവൾ അടിക്കുന്നത് നിർത്തിയില്ല .അവൻ അവളെ കയ്യിൽ പിടിച്ചു വെച്ചു .നിർത്ത് സഫു അവൾ അവനെ നോക്കാതെ മുഖം കുനിച്ചു . സാലി കൈ വിട്ടു .എന്നിട്ട് അവളെ മുഖം ഉയർത്തിനോക്കി .മിഴികൾ നിറഞ്ഞൊഴുകുന്നത് അവൻ കണ്ടു . ടീ .കരയല്ലേ .അവൻ അൻസിയെ സ്നേഹിക്കുന്ന സമയത്ത് അയച്ചതായിരിക്കും .ഇപ്പൊ അൻസിയെ വേണ്ടാന്ന് വെച്ചില്ലേ .നമുക്ക് പ്രതീക്ഷിക്കാൻ ഇനിയും വകയുണ്ട് .എന്റെ നിഗമനം ഒന്നും തെറ്റാറില്ല .ഒന്നുല്ലേലും ഞാനൊരു പോലീസുകാരനല്ലെടി . അവൾ കണ്ണ് തുടച്ചു .മുഖത്ത് ഒരു ചിരി വരുത്തി .അത് കൊണ്ടല്ലേ നേരത്തെ ഞാൻ പറഞ്ഞേ നിന്നെയൊക്കെ ആരാ പോലീസിൽ എടുത്തെന്ന് .നീ കരുതിയത് പോലെ ഞാൻ കരഞ്ഞൊന്നും ഇല്ല .കണ്ണിൽ കരട് പോയതാ . അവൻ പോയാൽ അവന്റെ അനിയൻ അല്ല പിന്നെ .നാട്ടിൽ എന്താ വേറെ ആമ്പിള്ളേർ ഇല്ലാഞ്ഞിട്ട .

അവനെയോർത്ത് സങ്കടപെടാൻ . അതാണ്‌ എന്റെ സഫു .അവൻ പോണേൽ പോട്ടെ .നമുക്ക് വേറെ ആളെ നോക്കന്നെ . വേണേൽ നിന്റെ സ്വന്തം മസിൽ മാനേ തന്നെ ഞാൻ സെറ്റാക്കി തരാം . ഞാൻ എപ്പോ സമ്മതിച്ചെന്ന് ചോദിച്ച പോരേ .അല്ല മൂപ്പരെ കെട്ടിയോളെ ഒഴിവാക്കി എന്നെ കെട്ടോ . അതൊക്കെ നമുക്ക് ഒഴിവാക്കിക്കന്നെ . അപ്പൊ അവളെ വേറെയാര് കെട്ടും .അവന്റെ മക്കളോ അനാഥരാവില്ലേ ഞാൻ .......ഞാനിവിടെ ബാച്ചിലർ ആയി ഇരിക്കുകയല്ലേ .കല്യാണം കഴിച്ചാൽ കുട്ടികൾ ഫ്രീ .എന്തോരം പൈസയും ലാഭിക്കാം .ഇന്നത്തെ കാലത്ത് ഒരു പ്രസവം എന്നൊക്കെ പറഞ്ഞാൽ വല്യ ചിലവല്ലേ .ഇതാകുമ്പം ഭാര്യയും കിട്ടും .മക്കളും ഫ്രീ . അച്ചോടാ മോനേ പൂതി കൊള്ളാലോ . സ്വപ്നം കാണാൻ ടാക്സ് കൊടുക്കണ്ടലോ .നമുക്ക് ആരെയും ആഗ്രഹിക്കലോ . അവൾ അവനെ നോക്കി ചിരിക്കുക മാത്രം ചെയ്തു .

അവൻ മനപ്പൂർവം വിഷയം മാറ്റുന്നതാണെന്ന് അവൾക്ക് മനസ്സിലായിരുന്നു .ടാ ഇപ്പൊ തന്നെ ലേറ്റ് ആയി .എന്നെ തിരക്കുന്നുണ്ടാവും വീട്ടിൽ .ഇനിയും ലേറ്റ് ആയാൽ ഹാരിസ്ക്ക തിരക്കി വരും .പണിയാകും .ഞാൻ ആറുമണിക്ക് മുന്നേ എത്തുന്നു വിളിച്ചു പറഞ്ഞതാ . അപ്പൊ ഡിവോഴ്സ് കേസ് . പോകാൻ പറ അവനോട് .എന്നെ വേണ്ടാത്തവനെ എനിക്കും വേണ്ട .അത്ര തന്നെ .ഇപ്പൊ ഞാൻ എന്റെ വീട്ടിലേക്ക് പോയാൽ ഒളിച്ചോടിയത് പോലെയാകും .തല ഉയർത്തിപിടിച്ചു തന്നെ എനിക്ക് അവിടെ നിന്നും വരണം .അവൻ പോയാലും എനിക്ക് ഒരു ചുക്കും ഇല്ലെന്ന് അവന് കാണിച്ചു കൊടുക്കേം വേണം .അവളുടെ മുഖത്ത് ഒരു വാശി അവൻ കണ്ടു . സാലി കാർ സ്റ്റാർട്ട്‌ ചെയ്തു .അവൾ അങ്ങനെയൊക്കെ പറഞ്ഞെങ്കിലും ആ മനസ്സ് പിടയുന്നത് അവൻ മനസ്സിലാവുന്നുണ്ടായിരുന്നു .വീട്ടിൽ എത്തുന്ന വരെ അവർ പിന്നെ പരസ്പരം സംസാരിച്ചില്ല .അവളെ ഡ്രോപ്പ് ചെയ്തു അവൻ പോയി . ******

എല്ലാവരും ഫുഡ്‌ കഴിക്കുന്ന സമയത്താണ് ഫൈസി കയറി വന്നത് .എല്ലാവരും ഒന്നിച്ചു തമാശയൊക്കെ പറഞ്ഞു സന്തോഷത്തോടെ ഇരിക്കുന്ന കാഴ്ച കണ്ടപ്പോൾ തന്നെ മനസ്സ് നിറഞ്ഞു .അവൻ സഫുനെ നോക്കി .അവൾ രണ്ടു ദിവസം കൊണ്ട് ആകെ കോലം കെട്ടത് പോലെ തോന്നി .മുഖമൊക്ക വാടിയത് പോലെ .അവൾ ടൂർ പോയ വിശേഷം എല്ലാവരോടും പറയുന്നുണ്ട് .അതാണ്‌ ചർച്ച വിഷയം തന്നെ .അവൻ അവളെ തന്നെ നോക്കി കുറച്ചു സമയം നിന്നു .അവളെ സംസാരം കേട്ടോണ്ടിരിക്കാൻ നല്ല രസം ആണ് .ഇത് വരെ ഇങ്ങനെ അവളെ സംസാരം ആസ്വദിച്ചു കേട്ടിട്ടില്ല .എന്നോടാണെങ്കിൽ പുച്ഛത്തോടെയും കളിയാക്കുകയും ചെയ്യാതെ മിണ്ടിയിട്ടും ഇല്ല .അവളെ പറഞ്ഞിട്ടും കാര്യം ഇല്ല .ഞാൻ അവളോട് പെരുമാറിയതും അങ്ങനെയല്ലേ . ഇക്കാക്ക പെട്ടെന്ന് അവനെ വിളിച്ചു . നീ എപ്പോഴാ വന്നേ . എല്ലാവരും അവനെ നോക്കി .അവൾ മാത്രം തിരിഞ്ഞു നോക്കിയില്ലെന്ന്‌ അവൻ ശ്രദ്ധിച്ചു . വാടാ വന്നു ഇരിക്ക് .കഴിച്ചിട്ട് പോകാം .അവൻ അവിടെക്ക് ചെന്നു .അവളെ അടുത്താണ് കസേര ഒഴിവുള്ളു അവന് അത് കണ്ടു സന്തോഷം തോന്നി .

അവൻ അവിടെക്ക് പോയി .അവളെ മുഖത്തേക്ക് നോക്കി ആലുവാ മണപ്പുറത്തു വെച്ചു കണ്ട മൈന്റ് പോലും ഇല്ല .പെട്ടന്ന് അവൾ എണീറ്റു . നീ മതിയാക്കിയോ .നല്ല വിശപ്പുണ്ടെന്ന് പറഞ്ഞിട്ട് .കുറച്ചു കൂടി കഴിക്ക് .ഉമ്മ അവളോട് പറഞ്ഞു . കണ്ടപ്പോൾ തന്നെ വയറു നിറഞ്ഞു ഉമ്മാ .ഇനിയും ഇവിടെ നിന്നാൽ വയറു പൊട്ടി ചാവും . കണ്ടപ്പൊഴോ ....എന്ത് കണ്ടപ്പോൾ പറഞ്ഞത് മാറി പോയതാ . തിന്നപ്പോൾന്നാ ഉദ്ദേശിച്ചേ . ഫൈസിക്ക് മനസ്സിലയി ഞാൻ വന്നത് കൊണ്ടാണ് അവൾ എണീറ്റു പോയതെന്ന് .അവനത് വല്ലാതെ ഫീലാവുകയും ചെയ്തു . അന്ന് പറഞ്ഞതൊക്കെ കുറച്ചു കൂടി പോയിന്നു അറിയാം .അത് കൊണ്ടായിരിക്കും .അല്ലെങ്കിൽ പാരവെക്കുകയും ഒന്നിന് പത്തായി എതിര് പറയുകയും ചെയ്യുമെങ്കിലും അവോയ്ഡ് ചെയ്യാറില്ല .അന്ന് അങ്ങനെയൊക്കെ പറഞ്ഞതിന് ശേഷം ആണ് ഈ അവോയ്‌ഡിങ് .

ഫൈസി നീ ഇരിക്ക് . ഞാൻ പുറത്തു നിന്നും കഴിച്ചിട്ട വന്നത് .അവൾ എണീറ്റപ്പോൾ തന്നെ അവന്റെ വിശപ്പ് കെട്ടിരുന്നു .അവൻ റൂമിലേക്ക് പോയി .എങ്ങനെ അവളോട് പോയി മിണ്ടും എങ്ങനെ തുടങ്ങും എന്താ പറയുക .അവൻ ഇരുന്നും കിടന്നും നിന്നും എല്ലാം ആലോചിച്ചു .ഇടക്കിടക്ക് പുറത്തേക്കും നോക്കുന്നുണ്ടായിരുന്നു .അവൾ വരുന്നുണ്ടോന്ന് . കുറച്ചു കഴിഞ്ഞു അവൾ റൂമിലേക്ക് പോകുന്നത് കണ്ടു .അവൻ പിറകെ പോയി .അവൾ വാതിൽ അടച്ചിരുന്നു .അവൻ മുട്ടിയതും അവൾ തുറന്നു .അവനെ കണ്ടതും അവൾ ഒന്ന് ഞെട്ടി .അവനെ ഒരിക്കലും പ്രതീക്ഷിച്ചിരുന്നില്ല . എന്താ കാര്യം ഐ ലവ് യൂ എന്ന് പറയാനാ ആദ്യം തോന്നിയത് .അവളെ ശബ്ദത്തിലെ ഇഷ്ടക്കേട് അവന്റെ ആത്മ വിശ്വാസം മൊത്തം കെടുതികളഞ്ഞിരുന്നു . എനിക്ക് ഒരു കാര്യം പറയാനുണ്ട് . എന്താന്ന് വെച്ച പെട്ടെന്ന് പറയ് .എനിക്ക് നല്ല ക്ഷീണം ഉണ്ട് ഒന്ന് കിടക്കണം . ഞാൻ .......അത് .....പെട്ടെന്ന് .....ഇഷ്ടം ....അവൻ വിക്കി വിക്കി അത്ര പറഞ്ഞു . നിനക്കെന്താ വിക്കും തുടങ്ങിയോ എനിക്ക് കുറച്ചു സംസാരിക്കണം .

സംസാരിച്ചോ ആരേലും തടഞ്ഞോ .അവൾ വാതിൽ അടക്കാൻ നോക്കിയതും അവൻ പറഞ്ഞു നിന്നോടാ സംസാരിക്കാൻ ഉള്ളത് . എന്നോടോ എന്താ കാര്യം സോറി . സോറിയോ എന്തിന് . അന്ന് ഞാൻ പെട്ടന്ന് ഉള്ള ദേഷ്യത്തിന് വഴക്ക് പറഞ്ഞു പോയതാ .അതിന്റെ പേരിലാ അവോയ്ഡ് ചെയ്തു നടക്കുന്നെന്ന് അറിയാം .i ആം സോറി ഞാൻ അവോയ്ഡ് ചെയ്‌താൽ നിനക്കെന്താ .ഞാൻ നിന്റെ ആരും അല്ലല്ലോ .പറഞ്ഞു കഴിഞ്ഞല്ലോ .അതോ ഇനി വേറെന്തെങ്കിലും പറയാൻ ഉണ്ടോ . അവന് അവളെ മുഖമടച് ഒന്ന് കൊടുക്കാനാ തോന്നിയെ .എങ്ങനെയെങ്കിലും കാര്യം പറയാൻ നോക്കുമ്പോഴാ അവളെ ഒരു മൊട . അത് പിന്നെ ........പിന്നെ ..... എനിക്ക് നിന്നെ എന്തെങ്കിലും ഉണ്ടെങ്കിൽ നേർക്ക് പറയെടോ . ഗുഡ് നൈറ്റ്‌ ഒക്കെ Gd night .അവൾ വാതിൽ അടച്ചു . ഇവളാരാണെന്നവിചാരം .പിശാച് .എന്നെങ്കിലും നിന്നെ കയ്യിൽ കിട്ടും .

അപ്പൊ പറഞ്ഞു തരാം .അവളുടെ ഒടുക്കത്തെ ജാഡ .ജാഡത്തെണ്ടി ഫോൺ റിങ് ചെയ്യുന്നത് കേട്ടു എടുത്തു നോക്കി .അജു .എന്തായിന്ന് അറിയാൻ ആയിരിക്കും . എന്തായെടാ അവളോട് സംസാരിച്ചോ . സംസാരിച്ചു . എന്ത് മറുപടി പറഞ്ഞേ .Gd നൈറ്റ്‌ ഗുഡ് നൈറ്റൊ അതെന്താടാ അങ്ങനെ .നീയെന്താ അവളോട് പറഞ്ഞേ . അവൻ എല്ലാം പറഞ്ഞു .അജുവിന്റെ പൊട്ടിച്ചിരി അവൻ കേട്ടു . എന്താടാ കോപ്പേ ഇളിക്കുന്നെ . വലിയ വിൽഡേപ്പോടെ പോയിട്ട് ഗുഡ് നൈറ്റ്‌ പറഞ്ഞു വന്നിരിക്കുന്നു .പിന്നെങ്ങനെയാ ചിരിക്കാതിരിക്കുക . പോയത് എല്ലാം തുറന്നു പറയണം . എന്നൊക്കെ കണക്ക് കൂട്ടിയിട്ട് തന്നെയാ .പക്ഷേ അവളെ കണ്ടപ്പോൾ എല്ലാം കയ്യിന്ന് പോയി .അവളെ ചീത്ത പറയണോ രണ്ടു പൊട്ടിക്കണോ ഞാൻ റെഡി .ബട്ട്‌ ഐ ലവ് യൂ അത് പറയാൻ പറ്റുന്ന എനിക്ക് തോന്നുന്നില്ല .അവളെ മുന്നിൽ എത്തിയപ്പോ കയ്യും കാലും വിറയ്ക്കുന്ന പോലെ ഹാർട്ട് ഇടിപ്പ് കൂടുന്ന പോലെ .സൗണ്ട് പുറത്തേക്ക് പോലും വന്നില്ല .എന്താടാ ഇങ്ങനെ . പേടി . എനിക്ക് പേടിയൊന്നും ഇല്ല .ഞാനെന്തിനാ പേടിക്കുന്നെ .

അതോ .....അത് നിനക്ക് അവളോട് റിയലായി സ്നേഹം ഉള്ളതോണ്ടാ . അങ്ങനെയാണെങ്കിൽ ഐ ലവ് യൂ ന്ന് വേഗത്തിൽ പറയല്ലേ ചെയ്യുക .ഇത് അടുത്ത് പോയപ്പോൾ ഒരു മാതിരി ... പ്രൊപ്പോസ് ചെയ്യുമ്പോൾ റിജെക്ട് ചെയ്യുമൊന്നുള്ള പേടി .അവൾ നിന്നെ വിട്ടു പോകുമോന്നുള്ള പേടി .ആ പേടി ഉള്ളോണ്ട പറയാൻ പറ്റാഞ്ഞത് .ശരിക്കും പറഞ്ഞാൽ ഭയം ഉള്ളിടത് സ്നേഹവും ഉണ്ടാകും .നീ ധൈര്യമായി പോയിട്ട് പ്രൊപ്പോസ് ചെയ്യടാ . അവൻ പറഞ്ഞതും ശരിയാ .ഉള്ളിൽ അങ്ങനെയൊരു പേടിയുണ്ട് .ഇന്നിനി പറ്റുന്ന് തോന്നുന്നില്ല .എന്റെ കോൺഫിഡൻസ് മൊത്തം പോയി .നാളെ ഒന്ന് കൂടി പ്രാക്റ്റിസ് ചെയ്തിട്ട് പോകാം .അവൻ ഫോൺ വെച്ചു .റൂമിൽ എത്തിയതും അവൻ ബെഡിലേക്ക് വീണു .അവന്റെ കണ്ണിൽ അപ്പോഴാ അൻസിയുടെ ഫോട്ടോ പതിഞ്ഞത് .അവൻ എഴുന്നേറ്റു ആ ഫോട്ടോയുടെ അടുത്തേക്ക് ചെന്നു .

കുറച്ചു സമയം അതിലേക്ക് നോക്കി .പിന്നെ അതെടുത്തു അലമാരയുടെ മുകളിലേക്ക് ഇട്ടു .അവന് ആ ഫോട്ടോയുടെ പേരിൽ അവളെ തല്ലിയത് ഓർമ വന്നു . അതോർത്തതും അവന് കുറ്റബോധം തോന്നി .അവൻ ഫോണിലും ലാപ്ടോപ്ഉള്ള അൻസിയുടെ ഫോട്ടോ മൊത്തം ഡിലീറ്റ് ആക്കി .ഈ ഓർമകളും ഫോട്ടോയും ഒന്നും വേണ്ട ഇനി . സഫു വിന്റെ ഒറ്റ ഫോട്ടോ പോലും തന്റെ കയ്യിൽ ഇല്ലെന്ന് വേദനയോടെ അവൻ ഓർത്തു . ഫൈസി എന്താ എന്നോട് സംസാരിക്കാൻ വന്നത് .സോറി പറയാൻ തന്നെയാണോ അവൻ വന്നത് .കണ്ടിട്ട് അങ്ങനെ തോന്നിയില്ല .അവൻ വല്ലാതെ നേർവെസ്സ്‌ ആയിരുന്നു . അതെന്തിനാ .സോറി പറഞ്ഞത് ആത്മാർത്ഥമായി തന്നെയാണോ .സാലി പറഞ്ഞത് പോലെ അൻസിയെ ഒഴിവാക്കിയത് എനിക്ക് വേണ്ടി തന്നെ ആയിരിക്കുമോ .അപ്പൊ ഡിവോഴ്സ് പേപ്പർ വീട്ടിലേക്ക് അയച്ചതോ .എല്ലാം എന്റെ തോന്നലായിരിക്കും .വീണ്ടും മോഹിച്ചിട്ട് വേദനിക്കാൻ വയ്യ .അവൾ പോയി കിടന്നു .പക്ഷേ എന്ത് കൊണ്ടോ ഉറക്കം വന്നില്ല .ഫൈസി അവൻ ഒരു വിങ്ങലായി മനസ്സിൽ കിടക്കുന്നു.

അവനും അതേ അവസ്ഥയിൽ ആയിരുന്നു ഉറങ്ങാൻ കിടന്നിട്ടും ഉറക്കം വന്നില്ല .ആദ്യമായി അവന് ഇക്കാക്കയോട് ദേഷ്യം തോന്നി .രണ്ടു റൂം അല്ലെങ്കിൽ കണ്ടോണ്ട് കിടക്കുകയെങ്കിലും ചെയ്യാമായിരുന്നു .നാളെ നേരം വെളുക്കട്ടെ എങ്ങനെയെങ്കിലും അവളോട് എന്റെ ഇഷ്ടം പറയണം .അവളെ ഈ റൂമിലേക്ക് കൊണ്ട് വരികയും ചെയ്യും .അവൻ അവളെ ഓർത്തു തലയിണയും കെട്ടിപിടിച്ചു കിടന്നു . ********* സാലി അൻസിയുടെ കയ്യിൽ നിന്നും വാങ്ങിയ പേപ്പർ ഒന്ന് കൂടി വായിച്ചു നോക്കി .സമീർക്കയോട് ഇക്കാര്യം പറയരുതെന്ന് അവൻ അൻസിയോട് പ്രത്യേകം പറഞ്ഞിരുന്നു .ഫൈസിയാ ഇതയച്ചതെന്ന് എന്ത് കൊണ്ടോ വിശ്വസിക്കാൻ പറ്റുന്നില്ല .എവിടെയോ എന്തൊക്കെയോ സ്പെല്ലിങ് മിസ്റ്റേക്ക് പോലെ .തന്റെ കണ്ടെത്തലുകൾ തെറ്റിപോയത് പോലെ .ഫൈസി ......അവന് സഫുനോട്‌ ഉള്ള സ്നേഹം അവന്റെ പെരുമാറ്റത്തിൽ നിന്നും എനിക്ക് ഫീല് ചെയ്തതാണ് .അവനെന്തിന് പിന്നെയിത് ചെയ്തു .കുറെ സമയം ആ കടലാസിൽ നോക്കി ഇരുന്നു.

പെട്ടന്ന് അവന്റെ മുഖത്ത് ഒരു ഞെട്ടൽ വന്നു .ഓഹ് മൈ ഗോഡ് എനിക്ക് എങ്ങനെയീ അബദ്ധം പറ്റി .ഈ ഡിവോഴ്സ് പേപ്പർ കോടതി വഴിയല്ല അയച്ചത് .ഇപ്പോഴാ ഞാനിത് ശ്രദ്ധിച്ചത് .ടെൻഷനിൽ ഞാനത് വിട്ടതായിരുന്നു .അപ്പൊ ഇത് അയച്ചത് ഫൈസിയാവാൻ സാധ്യത കുറവാണ് . ആരോ മനപ്പൂർവം ഫൈസിക്ക് ഇട്ട് പണിതത .കാരണം ഫൈസിയ അയച്ചതെങ്കിൽ സഫുന്റെ പേരിൽ അല്ലെ അയക്കേണ്ടത് .അതും പേഴ്‌സണൽ ആയി എന്തിന് അയക്കണം .അവന് വക്കീൽ വഴി കോടതി മുഖേന അയക്കാമായിരുന്നു . അല്ലെങ്കിൽ നേരിട്ട് സഫുന്റെ കയ്യിൽ കൊടുക്കും .ഇത് സമീർക്കയുടെ പേരിൽ രജിസ്റ്റർ ആയാണ് അയച്ചത് .ലെറ്റർ അയച്ച ആൾക്ക് സമീർക്കയെ അറിയിക്കണം എന്നെ ഉദ്ദേശം ഉള്ളൂ .സഫുവും ഫൈസിയും പിരിയണമെന്ന് ആരോ ഒരാൾ ആഗ്രഹിക്കുന്നു . ആരായിരിക്കും അത് .ആരായാലും അവർക്ക് പറ്റിയ ഒരു അബദ്ധം ആണിത് .ഭാര്യ ഭർത്താവിന് ഡിവോഴ്സ് നോട്ടീസ് അയക്കും ഭർത്താവ് ഭാര്യക്കും .അല്ലെങ്കിൽ പോട്ടെ അവർക്ക് അവളുടെ വീട്ടഡ്രസ്സിൽ അയക്കാമായിരുന്നു

.ഇതിപ്പോ ഭാര്യയുടെ കാർണോർക്ക് അയച്ചിരിക്കുന്നു . അതിനർത്ഥം ഡിവോഴ്സ്ന്റെ കാര്യം അറിയേണ്ടത് സമീർക്കയാണ് .എന്നാലേ കാര്യം ഉള്ളൂന്ന് അയച്ചവർക്ക് നന്നായി അറിയാം .സമീർക്കയെ നന്നായി അറിയുന്ന ഒരാൾ .അതേ സമയം ഫൈസിയോടോ സഫുവിനോടോ കൂടുതൽ അടുപ്പവും അവർക്കുണ്ട് .അല്ലാതെ ഡിവോഴ്സിന്റെ കാര്യം അറിയില്ലല്ലോ .ആരായിരിക്കും അത് .എന്തിന് വേണ്ടി .അവർക്കിടയിൽ പ്രോബ്ലം ഉണ്ടായാൽ അയാൾക്ക് എന്താ ലാഭം .സഫുവുമായി കണക്ഷൻ ഉള്ള എല്ലാവരുടെയും മുഖം അവന്റെ മനസ്സിൽ തെളിഞ്ഞു .പക്ഷേ സംശയത്തക്കതായി ആരെയും തോന്നിയില്ല .അവൻ പെട്ടന്ന് തന്നെ റെഡിയായി പുറത്തേക്കു പോയി .ആ രജിസ്റ്റർ നോട്ടീസ് കൊണ്ട് കൊടുത്ത ആളെയും കണ്ടു പിടിച്ചു ഓഫീസിലും ഒക്കെ കയറിയിറങ്ങിയെങ്കിലും ഒരു തുമ്പും കിട്ടിയില്ല .അവന് ഉള്ളിൽ ചെറിയ പേടിയും ഉടലെടുത്തു .ശത്രുവിനേക്കാൾ പേടിക്കേണ്ടത് സ്നേഹം നടിച്ചു കൂടെ നിന്ന് ചതിക്കുന്ന ആളെയാണ് .

സഫുവിന്റെയോ ഫൈസിയുടെയോ കൂടെ അങ്ങനൊരാൾ ഉണ്ട് .എങ്ങനെ കണ്ടുപിടിക്കും അതാരാണെന്ന് .ഒരു തെളിവും എന്റെ കയ്യിൽ ഇല്ല .സഫുവിനോട് ഇതിനെ പറ്റി പറയാനും മനസ്സ് വന്നില്ല .അല്ലെങ്കിലേ ടെൻഷനിൽ ആണ് പാവം .അതിന്റെ കൂടെ ഇതും പറഞ്ഞാൽ ......വേണ്ട തല്ക്കാലം ഇത് അവളറിയണ്ട .പറയാതിരുന്നാൽ വേറെയൊരു കാര്യം കൂടി ഉണ്ട് .ഫൈസിയുമായി അവൾ പെട്ടെന്ന് അടുക്കില്ല .അത് അവളെ ശത്രുവിന് സന്തോഷം ആകും .അവൾക്ക് സുരക്ഷയും .എങ്ങനെയെങ്കിലും അയാളെ കണ്ടെത്തണം .എത്രയും പെട്ടെന്ന് .പക്ഷേ എങ്ങനെ ?അവൻ കുറേ സമയം തലപുകഞ്ഞു ആലോചിച്ചു .പിന്നെ എപ്പോഴോ മെല്ലെ ഉറക്കിലേക്ക് വീണു . ***** ദിവസം രണ്ടായി അവളോട് ഇഷ്ടം പറയാൻ പോയിട്ട് ബാബാബാ ന്ന് പറഞ്ഞു മടങ്ങി വരുന്നു .നിനക്ക് നാണം ഇല്ലേ ഫൈസി . എന്ന നീ പോയി പറ അവളോട് ഇഷ്ടം ആണെന്ന് . നിന്റെ ഭാര്യയോട്ട് അല്ലെ അല്ലാതെ വല്ലവന്റെയും ഭാര്യയോട് അല്ലല്ലോ ഐ ലവ് യൂ പറയാൻ പോകുന്നേ .

ടാ അജു ഞാൻ സീരിയസ് ആയ പറയുന്നേ ഒന്ന് പോയി പറയെടാ .എനിക്ക് പറ്റാത്തൊണ്ട ല്ലേ.പ്ലീസ് കഷ്ടം ഇങ്ങനെയൊരു ജന്മം .അജു പുച്ഛത്തോടെ അവനെ നോക്കി . അവളെ മുന്നിൽ എത്തുമ്പോൾ പറയാൻ ഉദ്ദേശിച്ചതെല്ലാം മറക്കും .അവളാണേൽ എന്റെ നിഴൽ കണ്ടാൽ മതി അപ്പൊ മുങ്ങുകയും ചെയ്യും .മര്യാദക്ക് കാണൽ പോലും ഇല്ല . കിടത്തം ഇപ്പോഴെങ്ങനെയാ . അവൾ അവളെ റൂമിൽ ഞാൻ എന്റെ റൂമിലും . നാണം ഇല്ലല്ലോടാ അവൻ അജുവിനെ നോക്കി തല ചൊറിഞ്ഞു . നിനക്ക് അവളെ ആ റൂമിൽ നിന്നും ഓടിക്കാൻ പറ്റോ . ഓടിക്കാനോ എന്തിന് . ഇങ്ങനെയൊരു പൊട്ടൻ .എടാ അവൾ ആ റൂമിൽ നിന്നും പുറത്തായാൽ പിന്നെ എവിടെയാ കിടക്കുക .നിന്റെ റൂമിൽ അല്ലേ . ഇത് സൂപ്പർ ഐഡിയ ആണല്ലോ .ഇജ്ജ് എന്റെ മുതാട്ടോ അവൻ അജുവിനെ കെട്ടിപിടിച്ചു . കെട്ടിപ്പിടിത്തം മാത്രം ഉണ്ടാവുള്ളോ .അതേയ് വല്ലോം നടക്കോ . നടക്കും . നടന്നാൽ നിനക്ക് കൊള്ളാം .

അതിനുള്ള ഐഡിയയൊക്കെ എന്റെ കയ്യിൽ ഉണ്ട് മോനേ . എന്ത ഐഡിയ പറഞ്ഞാട്ടെ .ഫ്ലോപ്പ് ആകൊന്ന് അറിയാനാ . ആരാണോ അവളെ റൂം മാറ്റിയത് അവര് തന്നെ എന്റെ റൂമിലേക്ക് കൂട്ടിയിട്ട് വരും .നോക്കിക്കോ . ഐഡിയ ചീറ്റിയാലും പറഞ്ഞു തന്ന എനിക്ക് തല്ല് കൊള്ളാതിരുന്ന മതി . ഇത് ഞാൻ നടത്തി കാണിക്കും . റൂം മാറ്റാൻ പോയിട്ട് .വീട് മാറ്റാതിരുന്ന മതിയാരുന്നു . റബ്ബേ അവനെ കാത്തോണേ .അവൻ പോയ ശേഷം അജു ആത്മഗതം പോലെ പറഞ്ഞു . രാത്രി സഫുവിന്റെ നിലവിളികേട്ടു എല്ലാവരും ഓടിയെത്തി . റൂമിൽ സഫു ഫൈസിയെയും കെട്ടിപിടിച്ചു നിൽക്കുന്നത് അവർ കണ്ടു .എല്ലാവരും പേടിയോടെ അവളെ അടുത്തേക്ക് പോയി .ഫൈസിയുടെ മുഖത്തെ ഗൂഢമായ ചിരി മാത്രം ആരും കണ്ടില്ല ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...