💕മിഴികൾ പറഞ്ഞ പ്രണയം 💕: ഭാഗം 5

രചന: സഫ്‌ന കണ്ണൂർ

നീ കെട്ടുന്നോ ഇവളെ .വേണേൽ ഞാൻ സെറ്റാക്കി തരാം . ഒന്ന് കെട്ടിയപ്പോൾ തന്നെ മതിയായേ .ഞാൻ ജീവനോടെ ഇരിക്കുന്നത് കണ്ടു നിനക്ക് സഹിക്കുന്നില്ലേ ഫൈസി . രണ്ട് കെട്ടുന്നത് ഇപ്പൊ ഫാഷനാട .നിന്റെ ഭാര്യക്ക് ഒരു കൂട്ടായിക്കോട്ടെ .നാവിന്റെ കാര്യത്തിൽ നിന്റെ ഭാര്യയെ ഈ പെണ്ണ് കടത്തി വെട്ടും . പറഞ്ഞതു തിരിച്ചെടുത്തു പൊന്നൂ .കരിമിഴികണ്ണുകൾക്കല്ല മൂക്കുത്തിക്ക് തന്നെയാ അഴക് .ഞാൻ ഒരു തമാശ പറഞ്ഞതാ .ഇനി പറയുന്നില്ല.പോരെ . അതാണ്‌ നിനക്ക് നല്ലത് . ** ഷെറിയുടെ വീട്ടിൽ ഇന്ന് അവളുടെ ഇകാക്കന്റെ കല്യാണനിക്ഷയം ആണ് . പാർട്ടി ഉണ്ട് .ഞാനും സമീർക്കയും ഇത്തുസും സനയും പോയി .വലിയ പാർട്ടി തന്നെയായിരുന്നു അവിടെ .പൊങ്ങച്ചം കാണിക്കാൻ അവളുടെ ഉപ്പാനെ കഴിഞ്ഞേ നാട്ടിൽ വേറാരും ഉള്ളൂ ഷെറിയും അതിൽ കുറവ് ഒന്നും അല്ല .പക്ഷേ ആൾ പാവമാണ് .എനിക്ക് ഇത്തരം പാർട്ടികളിൽ പങ്കെടുക്കാൻ തീരെ ഇഷ്ടമല്ല .ഷെറിയുടെ നിർബന്ധം കൊണ്ടാണ് ഞാനും സനയും പോയത് . .

ഞങ്ങൾ വേഗം ഫുഡ് ഒക്കെ കഴിച്ചു മുകളിലെ ഒരു റൂമിൽ സ്ഥാനം പിടിച്ചു ഞങ്ങളുടേതായ ലോകത്ത് ഒതുങ്ങി .എപ്പോ തിരിച്ചു പോകാംന്ന് ടൈം നോക്കി നിന്നു .ഷെറിക്ക് പിന്നെ വരുന്ന ഗസ്റ്റിനെ സ്വീകരിക്കാനുള്ളത് കൊണ്ട് ആ വഴിക്ക് കണ്ടില്ല .അവളുടെ തിരക്ക് അറിയുന്നത് കൊണ്ട് ഞങ്ങൾ ബുദ്ധിമുട്ടിച്ചും ഇല്ല . ഇയർ ഫോൺ വെച്ച് പാട്ടും കേട്ടിരിക്കുമ്പോഴാണ് . ഇതുസ് കരയുന്ന മോനെയും കൂട്ടി എന്റെ അടുത്തേക്ക് വന്നത് .കയ്യിൽ ഒരു പാത്രത്തിൽ പായസവും ഉണ്ട് .ടെറസിൽ ആണ് ഫുഡ്‌ .അവിടെ നിന്ന് വരുന്ന വരവായിരിക്കും . ടീ ഇതൊന്ന് കിച്ചണിൽ കൊണ്ട് കൊടുക്ക് .മോന് ഉറക്ക് വന്നു കരയുന്നു .ഞാൻ ഉറക്കികിടത്തീട്ട് വരാം . ഞാൻ അതും എടുത്തു താഴേക്ക് വന്നു .സ്റ്റെപ്പ് ഇറങ്ങി കഴിയാറായപ്പോഴാണ് ഡ്രസ്സ്‌ കാലിൽ കുടുങ്ങി വീഴാൻ നോക്കിയത് .ഭാഗ്യത്തിന് വീഴാതെ ബാലൻസ് കിട്ടി . നോക്കി നടന്നൂടെ .ഇപ്പൊ വീണു പണി കിട്ടിയേനെ സ്വീറ്റ് സൗണ്ട് കേട്ടാണ് മുഖം ഉയർത്തിനോക്കിയത് .ആകെ ഷോക്കായത് പോലെയാണ് തോന്നിയത് .അത്ഭുതവും ചമ്മലും പേടിയും ഒക്കെ മുഖത്ത് ഒന്നിച്ചു വന്നു .സോറിവാല പേടി വന്നത് എന്തിനെന്നു വെച്ചാൽ അവന് ഇട്ടിരുന്ന വൈറ്റ് ഷർട്ടിൽ കുറച്ചു പായസം മറിഞ്ഞിരുന്നു

.സോറി അറിയാതെ പറ്റിയതാ .ഞാൻ എന്റെ ഷാൾ കൊണ്ട് തൊടാൻ നോക്കിയതും അവൻ പിറകോട്ടു നീങ്ങി . സോറി .ഷർട്ട് അഴിച്ചു തന്ന ഞാൻ വൃത്തിയാക്കി തരാം .ഞാൻ കൈ നീട്ടി . അവന്റെ മുഖത്ത് ചുവപ്പ് കലരുന്നത് ഞാൻകണ്ടു . മാനത്തു നോക്കിയല്ലേ നടക്കുന്നെ പിന്നെഎങ്ങനാ കണ്ണ് കാണുക .എടങ്ങേറാക്കാന് ഓരോ പിശാജുകൾ കെട്ടിയെടുത്തോളും .ഉച്ചത്തിൽ അവനത് പറഞ്ഞപ്പോൾ എനിക്ക് പെട്ടന്ന് വിശ്വസിക്കാൻ കഴിഞ്ഞില്ല അവന്റെ മാറ്റം .എത്ര സൗമ്യമായാണ് അവൻ ആദ്യം സംസാരിച്ചത് .എന്റെ മുഖം കണ്ടതിനു ശേഷം ആണ് ആ മാറ്റം എന്ന് മനസ്സിലാക്കാൻ എനിക്ക് അധിക സമയം ഒന്നും വേണ്ടി വന്നില്ല .ഞാൻ മാളിൽ വെച്ചു ചെയ്തതിന് പ്രതികാരം ആയിരിക്കും .രണ്ടു തെറി കേട്ടാൽ തീരുന്നത ആണേൽ അങ്ങനെ തീരട്ടെ പകരത്തിനു പകരം .ഞാൻ മിണ്ടാതെ തലതാഴ്ത്തി നിന്നു . . ഭൂമിയിൽ നോക്കിയൊന്നും അല്ലല്ലോ നടക്കുക .ചെവിയിൽ എയർസെറ്റ് കയ്യിൽ ഫോൺ .ചിന്ത മുഴുവൻ ഇതിലാകുമ്പോ അനുഭവിക്കേണ്ടി വരുന്നവർ മറ്റുള്ളവരും . ഞാൻ ചുറ്റും നോക്കി .

എല്ലാവരുടെയും നോട്ടം തങ്ങളുടെ നേർക്കാണെന്ന് ഞാൻ തിരിച്ചറിഞ്ഞു. അറിയുന്ന പലരുടെയും മുഖത്ത് സഹതാപം .ചിലർക്ക് പുച്ഛം .ചിലർക്കാകട്ടെ ഇവൾക്ക് ഇത് കിട്ടേണ്ടതാണെന്ന ഭാവം .ഈ തെണ്ടിയാകട്ടെ കിട്ടിയ ചാൻസിന് വായിൽ തോന്നിയതൊക്കെ വിളിച്ചു പറയുന്നുണ്ട് .തുടങ്ങിയത് ഇവിടെ നിന്നാണെങ്കിലും ഇപ്പൊ ആൻഡമാൻ ദ്വീപിൽ എങ്ങാനും ആന് എത്തിനിൽക്കുന്നത് .പറയുന്നത് മുഴുവൻ ഒരു പൊരുത്തവും ഇല്ലാത്ത പ്രസംഗം .ആകെ മനസ്സിലായത് എന്നോട് ഉള്ള കലിപ്പ് തീർക്കുകയാണെന്ന് മാത്രമാണ് . കഴിഞ്ഞിരുന്നെങ്കിൽ പോകാമായിരുന്നു . ഇത്രയും പറഞ്ഞിട്ടും എന്തെങ്കിലും കൂസലും ഉണ്ടോന്ന് നോക്കിയേ .അല്ലെങ്കിലും ഇവലെയോന്നും പറഞ്ഞിട്ട് ഒരു കാര്യവും ഇല്ല .വളർത്തുഗുണം അല്ലേ കാണിക്കുക . ലാസ്റ്റ് പറഞ്ഞത് എനിക്കത്ര പിടിച്ചില്ല .എന്റെ വീട്ടുകാരെ കുറ്റം പറയാൻ ഇവനാരാ . ഞാൻ തെറ്റ് ചെയ്തിനെങ്കിൽ എന്നെ പറയണം .അല്ലാതെ വീട്ടുകാരെ പറയണ്ട . പറഞ്ഞാൽ നീ എന്തു ചെയ്യും . പറഞ്ഞു നോക്ക് .അപ്പൊ അറിയാം .

ഇങ്ങനെയൊരു അഹങ്കാരിയെ വളർത്തിയെടുത്തിന് അവരെയല്ലാതെ വേറെയാരെയാടീ പറയേണ്ടേ . അവന്റെ ഫ്രണ്ട്സ് ആയിരിക്കണം അവനെ സപ്പോർട്ട് ചെയ്തു എന്നെ നോക്കി ഒരു മാതിരി ഇളിയും .എല്ലാം കൊണ്ടും എനിക്ക് സഹിക്കാവുന്നതിലും അപ്പുറമായിരുന്നു . പാത്രത്തിൽ ഉണ്ടായിരുന്ന പായസം മുഴുവൻ അവന്റെ ദേഹത്തേക് ഒഴിച്ചത് പെട്ടെന്നായിരുന്നു . എന്താ സംഭവിച്ചെന്നറിയാതെ അവന്റെ ദേഹത്തേക്കും എന്റെ മുഖത്തേക്കും മാറി മാറി നോക്കുന്ന അവനോട് ഇപ്പോഴാ നീ പറഞ്ഞത് ശരിയായത് .മനപ്പൂർവം ഇങ്ങനെയൊരു വൃത്തികേട് കാണിച്ചതിന് നീ എന്നോട് പറഞ്ഞതൊന്നും ഇപ്പൊ ഒരു കുറവല്ല . എന്നാ പോട്ടെ സോറിവാല . അവൻ വാ തുറക്കുന്നതിന് മുന്നേ ഞാൻ റൂമിൽ എത്തിയിരുന്നു . ** അവനെ ഇനി കണ്ടാൽ സോറി പറയണം എന്ന് പറഞ്ഞു പോയ കക്ഷിയാ .എന്നിട്ട് ചെയ്തു വെച്ചിരിക്കുന്ന കണ്ടില്ലേ .രണ്ടാമത്തെ പ്രവിശ്യമാ നീ അവനെ ഇങ്ങനെ മറ്റുള്ളവർക്ക് മുന്നിൽ നാണം കെടുത്തിയത് . ഞാൻ മനപ്പൂർവം ചെയ്തത് അല്ലല്ലോ .സോറി പറയാൻ തന്നെയാ പോയത് .അവനായിട്ട് ഇരന്നു വാങ്ങീതാ ഇത്

.താണ് കൊടുത്തപ്പോൾ തലയിൽ കേറി ഇരിക്കാൻ നോക്കിട്ടല്ലേ . അങ്ങനെയൊക്കെ പറഞ്ഞെങ്കിലും മനസ്സിൽ ചെയ്യാൻ പാടില്ലായിരുന്നു എന്ന് ആരോ മന്ത്രിക്കുന്നുണ്ടായിരുന്നു . ഇനിയെന്തൊക്കെ സംഭവിക്കുമോ ആവോ . ഓർത്തിട്ട് ഒരു പിടിത്തവും ഇല്ല .ഉമ്മ ഇടക്കിടക്ക് ഇപ്പൊ പറയാറുണ്ട് .എനിക്ക് മുൻകോപം കൂടുതലാണെന്ന് .ശരിയെന്ന തോന്നുന്നേ . സമീർക്കക്ക് പഠിക്കല്ലേ നീ .ഒന്ന് പറഞ്ഞു രണ്ടാമത്തെതിന് തല്ലുകയും ചെയ്യ് .അതേ ഇനി ബാക്കിയുള്ളൂ .അതും പറഞ്ഞുഇ ത്തൂസ് കയറി വന്നു . സോറി ഇതുസേ പറ്റി പോയി .അവൻ വേണ്ടാതെയൊക്കെ വിളിച്ചു പറഞ്ഞപ്പോ കൺട്രോൾ കിട്ടിയില്ല . അവൻ പറഞ്ഞപ്പോൾ നിനക്ക് ഇങ്ങനെ ദേഷ്യം വന്നെങ്കിൽ അവനെ നീ മാളിൽ വെച്ചു പറഞ്ഞപ്പോ അവനും ഇത് പോലെ ദേഷ്യം വന്നു കാണില്ലേ . ഞാൻ ഒന്നും മിണ്ടാതെ തലതാഴ്ത്തി നിന്നു .

ആദ്യം തുടങ്ങിയത് ആരാ നീയല്ലേ .അത് കൊണ്ട് ഇനി അവനെ കാണുമ്പോൾ പോയി സോറി പറഞ്ഞു വഴക്ക് തീർക്ക് .ആ പിന്നെ നിന്നെ സമീർക്ക വിളിക്കുന്നുണ്ട് അടുത്ത . റൂമിൽ ഉണ്ട് പോയിട്ട് വാ . ഇതിനെ പറ്റി ചോദിക്കാനാണോ . അറിയില്ല നീ പോയി നോക്ക് . ഇത്തൂസ് പോയി നോക്ക് പ്ലീസ് . നിന്നെ വിളിച്ച നീ പോകണം .അറിയാലോ മൂപ്പരെ . അഥവാ ഇക്കാക്ക അറിഞ്ഞിട്ടില്ലെങ്കിൽ പറയരുത് .പ്ലീസ് . ആ നോക്കാം . താങ്ക്യൂ ഇതുസേ .ഇത്തൂസ് അല്ലേലും നമ്മളെ മുത്തല്ലേ .എന്റെ കൂടെയേ നിക്കുന്നു എനിക്കറിഞ്ഞൂടെ . സുഗിപ്പിക്കണ്ട മോളെ .ആലോചിക്കന്നെ പറഞ്ഞുള്ളു .വേഗം പോയിട്ട് വാ സമീർക്ക ഒന്നും അറിഞ്ഞിട്ട് ഉണ്ടാവരുതേ .വേറെന്തെങ്കിലും ആവിശ്യത്തിന് വിളിച്ചതാവണെ .എന്നൊക്കെ അത്യാവശ്യത്തിനും അനാവശ്യത്തിനും പ്രാർത്ഥനയും നേർച്ചയും കൂട്ടി .ആ റൂമിലേക്ക് പോയി .വാതിൽ തുറന്നു അകത്തേക്ക് കയറിയതും .മുന്നിൽ നിൽക്കുന്ന ആളെ കണ്ടു പകച്ചു പണ്ടാരം അടങ്ങി പോയി .സോറി വാല .കൂടെ സമീർക്കയും .സോറിവാലയുടെ ഷർട്ടിൽ ഒരിടം ഒഴിയാതെ പായസം പടർന്നിരുന്നു എന്നെ കണ്ടതും മുഖം ദേഷ്യം കൊണ്ട് വിറക്കുന്നുണ്ട് ..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...