Mr. കടുവ : ഭാഗം 25
Aug 9, 2020, 09:14 IST
എഴുത്തുകാരി: കീർത്തി
കുറച്ചധികം സമയമെടുത്തു കടുവയുടെ പൂന്തോട്ടം നനക്കാൻ. അതുകഴിഞ്ഞു ആ ചെടിയും കുഴിച്ചിട്ടു കടുവയുടെ അടുത്തേക്ക് ചെന്നു. അച്ഛന്റെ പത്രപാരായണം കഴിഞ്ഞ് ഇപ്പോൾ കടുവയുടെ ഊഴമായിട്ടുണ്ട്.
“ചന്ദ്രുവേട്ടാ… കഴിഞ്ഞു. ”
“ആ ചെടി കുഴിച്ചിട്ടുവോ? ”
പത്രത്തിൽ നിന്നും മുഖമുയർത്താതെ തന്നെ ചോദിച്ചു.
ഞാനൊന്ന് മൂളി.
“ഇവിടിരിക്ക്. ”
ഇരിക്കുന്നതിന്റെ വലതുവശം കാണിച്ചുകൊണ്ട് കടുവ പറഞ്ഞു.