🔥My Dear Rowdy🔥: ഭാഗം 53

രചന: അർച്ചന

 അത് കിട്ടിയതും അവൻ നിലത്തേക്ക് തെറിച്ചു വീണു... അപ്പോഴേക്കും കല്ലു മാധുന്റെ കയ്യും പിടിച്ചു പുറത്തേക്ക് ഓടിയിരുന്നു... ഡോർ തുറന്നതും അവർ രണ്ടു പേരും ആരുടെയോ നെഞ്ചിൽ ഇടിച്ചു നിന്നു..... മുഖം ഉയർത്തി നോക്കിയ കല്ലുവും മാധുവും മുന്നിൽ ഉള്ള ആളെ കണ്ടു ഞെട്ടി.... കല്ലുവും മാധുവും അവനെ നോക്കി... അപ്പോഴും അവന്റെ മുഖത്തു ആ ചിരി ഉണ്ടായിരുന്നു.... അവന്റെ മുഖത്തെ ആ ചിരി കണ്ടതും അവർക്ക് പേടി തോന്നി... പിറകിലേക്ക് തിരിഞ്ഞു നോക്കിയതും ദിൽജിത്ത് വീണ സ്ഥലത്തു നിന്നും എഴുന്നേൽക്കുന്നത് കണ്ടു.. അവൻ എഴുന്നേറ്റു അവർക്ക് പുറകിൽ വന്നു നിന്നു... """എന്താടി... ഓടുന്നില്ലേ.... "" ദിൽജിത് അലറിയതും മാധുവും കല്ലുവും പേടിയോടെ നോക്കി... """തളരാൻ പാടില്ല.. """ മാധു മന്ത്രിച്ചതും കല്ലുവും അവളുടെ കയ്യിൽ അമർത്തി പിടിച്ചു.. """നീ പോയില്ലേടാ... """ ദിൽജിത് ചോദിച്ചതും ഐദിൻ ഇല്ലെന്ന് തലയാട്ടി.... """നീ പോകാത്തത് നന്നായി... അല്ലെങ്കിൽ ഈ രണ്ടും ഇവിടുന്ന് ഓടി പോയേനെ... "" ദിൽജിത് അതും പറഞ്ഞു കൊണ്ട് വന്നു കല്ലുവിന്റെ കൈ പിടിച്ചു വലിച്ചു...

മാധു അവളെ ചേർത്ത് പിടിച്ചതിനാൽ അവൾ അവന്റെ മേലേക്ക് വീണില്ല.... ""എങ്കിൽ ശെരി.... നീ വിട്ടോ... "" കല്ലുവിന്റെ കയ്യിൽ പിടി മുറുക്കി ദിൽജിത്ത് പറഞ്ഞതും ഐദിൻ കല്ലുവിന്റെ കൈ അവനിൽ നിന്ന് വിടുവിച്ചു.. കല്ലുവും മാധുവും ഐദിനെ നോക്കി... ""എന്താടാ... ഇവളെ നിനക്ക് വേണോ..."" വഷളൻ ചിരിയോടെ ദിൽജിത്ത് ചോദിക്കുന്നത് കേട്ടതും കല്ലു ഐദിൻ പിടിച്ചു വച്ച അവളുടെ കൈ അവനിൽ നിന്നും വലിച്ചു.... ""നിങ്ങൾ പുറത്ത് നിൽക്ക്... എനിക്ക് ഇവനോട് ഒന്ന് സംസാരിക്കണം... """ ഐദിൻ സാവധാനം പറയുന്നത് കേട്ട് ദിൽജിത്ത് അവനെ ദേഷ്യത്തോടെ നോക്കി... കയ്യിൽ വന്നു കിട്ടിയ അവസരം ഇല്ലാതാക്കിയ ദേഷ്യം അവന്റെ മുഖത്തു കാണാൻ കഴിഞ്ഞിരുന്നു.... """ഡാ... നീ... എന്തൊക്കെയാ പറയുന്നേ... ഇവരെ പുറത്തേക്ക് അയച്ചാൽ രണ്ടും കൂടെ ഓടി പോകും... നമുക്ക് നാളെ സംസാരിക്കാം... നീ ഇപ്പൊ പോ... """ ദിൽജിത്ത് കല്ലുന്റേം മാധുന്റേം മുന്നിൽ കയറി നിന്ന് ഐദിന്റെ നെഞ്ചിൽ തള്ളി കൊണ്ട് പറഞ്ഞു.... ""അങ്ങനെ പറഞ്ഞാൽ എങ്ങനാ സാറേ... എന്റെ അനിയത്തി കുട്ടികളെ രക്ഷിക്കേണ്ട ചുമതല അവരുടെ ഏട്ടനായ എനിക്ക് ഇല്ലേ..... """"

ദിൽജിത്തിന്റെ കയ്യിൽ പിടിച്ചു കൊണ്ട് ഐദിൻ പറഞ്ഞതും ദിൽജിത്ത് അവനെ സംശയത്തോടെ നോക്കി... """നീ എന്തൊക്കെ ആടാ പറയുന്നേ....അനിയത്തി... നീ ചുമ്മാ തമാശ പറയാതെ പോയെ... ഞാൻ ഇവരെ ഒന്ന് ആസ്വദിക്കട്ടെ.... """ പരിഭ്രമത്തോടെ ദിൽജിത്ത് പറഞ്ഞത് കേട്ട് ഐദിൻ ഒരു പുച്ഛച്ചിരി ചിരിച്ചു കൊണ്ട് അവന്റെ നെഞ്ചിൽ ചവിട്ടി... ദിൽജിത്ത് പുറകിലേക്ക് മലർന്ന് വീണതും ഐദിൻ അവന്റെ നെഞ്ചിൽ കാൽ വച്ചു കത്തുന്ന കണ്ണുകളോടെ അവനെ നോക്കി... """എന്താടാ നീ എന്നെക്കുറിച്ചു വിചാരിച്ചേ... നിനക്ക് വേണ്ടി ദേ ഇവരെ ഞാൻ നിന്റെ മുന്നിലേക്ക് ഇട്ടു തരുമെന്നോ....നിന്റെ നാശത്തിന് വേണ്ടിയാണെടാ ഞാൻ നിന്നെ ഇവിടെ എത്തിച്ചത് പോലും.... അല്ലാതെ നിന്റെ കാമപ്രാന്ത് ഇവരുടെ മേലെ തീർക്കാൻ അല്ല..... """ ഐദിൻ അലറിയതും ദിൽജിത്ത് നന്നായി പേടിച്ചിരുന്നു.... ആദ്യമായാണ് അവൻ ദിനുന്റെ അങ്ങനെ ഒരു ഭാവം കാണുന്നത്.... """അളിയോ.... അവനെ നീ മാത്രം എടുത്താൽ പിന്നെ ഞങ്ങൾ എന്ത് പുണ്ണാക്കിനാ ഇങ്ങോട്ട് വന്നേ.... """

പിറകിൽ നിന്നും അങ്ങനെ ഒരു ശബ്ദം കേട്ടതും കല്ലുവും മാധുവും ഞെട്ടി തിരിഞ്ഞു നോക്കി... ""ചെപ്പു ബ്രോ... "" രണ്ടു പേരും ഒരുപോലെ പറഞ്ഞതും അവൻ അവരെ നോക്കി ഒന്ന് ഇളിച്ചു കൊടുത്തു.... അവന്റെ പിറകിൽ വരുന്ന ആദിയെയും ആഷിയെയും അമ്മുവിനെയും കണ്ടു കല്ലുവും മാധുവും വായയും തുറന്നു അവരെ നോക്കി..... അമ്മുവും ഏകദേശം ഇവരുടെ അതേ അവസ്ഥയിൽ ആയത് കൊണ്ട് അവർ മൂന്നാളും ബാക്കി ഉള്ള മൂന്നെണ്ണത്തിലേക്ക് ലുക്ക് വിട്ടു..... ഇനി മക്കൾ ഒന്ന് പുറത്തു ഇറങ്ങി നിൽക്ക്ട്ടോ.... ഞങ്ങൾ കുറച്ചു കണക്ക് തീർക്കട്ടെ... ആദി അവരെ മൂന്നിനേം പിടിച്ചു പുറത്ത് ആക്കി വാതിൽ അടച്ചു ഉള്ളിൽ കയറി... ""ഡാ.... കൂടെ നിന്ന് ചതിക്കുവായിരുന്നല്ലേ....***മോനേ.. "" ദിൽജിത്ത് വീണു കിടക്കുന്ന സ്ഥലത്തു നിന്നും അലറിയതും ഐദിൻ ഒന്ന് ചിരിച്ചു.... """നിനക്ക് കൂടെ നിന്ന് ഒറ്റാമെങ്കിൽ പിന്നെ ഞങ്ങൾ എന്തിനാടാ വെറുതെ ഇരിക്കുന്നെ.... """ ചെപ്പു അതും പറഞ്ഞു അവന്റെ അടുത്ത് മുട്ട് കുത്തി ഇരുന്നു...

"""ഞാൻ.... ഞാൻ.. എന്ത്.. ഒറ്റിയെന്നാ... വെറുതെ എന്റെ കൈക്ക് പണി ഉണ്ടാക്കി വയ്ക്കണ്ട... പോകാൻ നോക്ക്.... """ ദിൽജിത്ത് വിക്കി കൊണ്ട് പറഞ്ഞതും ആഷി അവന്റെ അടുത്ത് പോയി അവനെ പിടിച്ചു എഴുന്നേൽപ്പിച്ചു നിർത്തി... """"നീ ഒന്നും ചെയ്തില്ല... അല്ലേ.... എങ്കിൽ നീ പോ.... ഞങ്ങളെ മറികടന്നു നീ പോടാ.... """" ആഷിയുടെ കണ്ണുകളിൽ രക്തം നിറഞ്ഞു... മുഖം വലിഞ്ഞു മുറുകി.... അതേ അവസ്ഥ തന്നെയായിരുന്നു ചെപ്പുവിന്റെയും ആദിയുടെയും... എന്നാൽ ഐദിൻ മാത്രം ചിരിയോടെ നിന്നു... അവൻ ദിൽജിത്തിന്റെ അടുത്തേക്ക് നടന്നു.... അവന്റെ തോളിലൂടെ കയ്യിട്ടു കൊണ്ട് അവന്റെ കഴുത്തിൽ മുറുകെ പിടിച്ചു.... """"പറയെടാ.... അന്ന്.... അഞ്ചു വർഷം മുന്നേ.... ആ നശിച്ച രാത്രിയിൽ എന്താ ഉണ്ടായതെന്ന് പറയെടാ.... """" വാക്കുകളിൽ ദേഷ്യം നിറഞ്ഞു നിന്നിരുന്നു.... അത് കേട്ടതും ദിൽജിത്ത് അവരെ നോക്കി പുച്ഛിച്ചു... നിമിഷനേരം കൊണ്ട് തന്നെ അവൻ ദിനുവിനെ ഒരു സൈഡിലേക്ക് തള്ളി മാറ്റി.. """നിങ്ങൾ നാലാളും കൂടെ എന്നെ അങ്ങ് ഇല്ലാതാക്കാൻ കഴിയും എന്ന് കരുതിയോ... ഏഹ്.... നീ അല്ലേടാ ഇവരെ തകർക്കാൻ കച്ചകെട്ടി ഇറങ്ങിയത്.... ഇപ്പൊ ഇവർക്ക് വേണ്ടി വാദിക്കാൻ വരുന്നോ.... """ ദിൽജിത്ത് ഐദിനെ നോക്കി അലറി...

അത് കേട്ടതും ആദി അവനെ പിടിച്ചു തള്ളി ചുമരിനോട് ചേർത്ത് പിടിച്ചു... ""നീ എന്താടാ പുല്ലേ വിചാരിച്ചത്...നീയും നിന്റെ മറ്റേടത്തെ ഫ്രണ്ട്സും കൂടെ എല്ലാം ചെയ്തു വച്ചിട്ട് അത് ഇവന്റെ പേരിൽ കെട്ടിവെച്ചു പോയാൽ ഞങ്ങൾ ഒന്നും അറിയില്ലെന്നോ.... കഴിഞ്ഞ അഞ്ചു വർഷവും ഞങ്ങൾ അന്വേഷിച്ചത് നിന്നെ ആയിരുന്നു.... ആർക്കും പിടിതരാതെ ഓടി ഒളിച്ച നിന്നെ.... """" ആദി പറയുന്നത് അനുസരിച്ചു അവന്റെ കൈ ദിൽജിത്തിന്റെ കഴുത്തിൽ അമരാൻ തുടങ്ങി.... ശ്വാസം കിട്ടാതെ അവൻ പിടയാൻ തുടങ്ങിയതും ദിനു വന്നു ആദിയെ പിടിച്ചു മാറ്റി.... ദിൽജിത്ത് കഴുത്തിൽ കൈ വച്ചു നിലത്തേക്ക് ഊർന്നിരുന്നു... ശക്തമായി അവൻ ചുമക്കുമ്പോഴും ആദി വീണ്ടും അവന്റെ അടുത്തേക്ക് പാഞ്ഞു വരാൻ നിന്നു... അപ്പോഴും ദിനു അവനെ പിടിച്ചു മാറ്റി.... """"ഇവനെ ഇല്ലാതാക്കണ്ടത് ഞാൻ ആണ്... എനിക്കെ അതിന് അവകാശം ഉള്ളൂ..... """ ദിനു അതും പറഞ്ഞു അവിടെ ഉണ്ടായിരുന്ന ചെയർ എടുത്തു ദിൽജിത്തിന്റെ തലയിൽ ആഞ്ഞു അടിച്ചു.. അവൻ നിലത്തേക്ക് വീണു... തലയിൽ നിന്നും രക്തം ഒഴുകാൻ തുടങ്ങി...

"""""ഡാ... നിനക്ക് ഒരു കാര്യമറിയോ....നീയൊക്കെ കൂടെ അന്ന് ഇല്ലാതാക്കിയത് ദേ ഇവരുടെ പെങ്ങളെ മാത്രം അല്ല... എന്റെ പെണ്ണിനെ കൂടെയാ.... നീ ഒറ്റ ഒരുത്തൻ കാരണമാണ് എന്റെ സ്വന്തം പെങ്ങൾ പോലും എന്നിൽ നിന്നും മാറി നിന്നത്.... നീ കാരണം ആണ് ഈ അഞ്ചു വർഷം ദേ ഇവരിൽ നിന്നും എനിക്ക് അകന്ന് നിൽക്കേണ്ടി വന്നത്.... അറിയോടാ **&₹₹### മോനേ നിനക്ക്..... """"" ദിനു കരഞ്ഞു കൊണ്ട് പറഞ്ഞതും ആഷി പോയി ദിനുവിന്റെ തോളിൽ കൈ വച്ചു... അപ്പൊ തന്നെ അവൻ ആഷിയെ കെട്ടിപിടിച്ചു കരഞ്ഞതും ചെപ്പുവും ആദിയും കൂടെ അങ്ങോട്ട് വന്നു.....നാല് പേരും കെട്ടിപിടിച്ചു കരഞ്ഞു.... അപ്പോഴും നടന്നത് എന്താണെന്ന് മനസിലാകാതെ ദിൽജിത്ത് അവിടെ കിടക്കുന്നുണ്ടായിരുന്നു... അവന്റെ കണ്ണുകൾക്ക് മുകളിലൂടെ രക്തം ഒഴുകാൻ തുടങ്ങി.... ബോധം മറയാൻ നിന്നതും ചെപ്പു അവനെ തട്ടി വിളിച്ചു.... പാതി ബോധത്തിലും അവൻ കണ്ണുകൾ വലിച്ചു തുറന്നു.... """"അങ്ങനെ അങ്ങ് ചാവാൻ ഞാൻ നിന്നെ വിടുവോടാ... നീ കാരണം വേദന മാത്രം അനുഭവിച്ചത് എന്റെ കൂടെപ്പിറപ്പിന് അല്ലേ.... അപ്പൊ അവൾ അനുഭവിച്ച വേദനയുടെ ഒരുശതമാനം പോലും അനുഭവിപ്പിക്കാതെ നിന്നെ ഞാൻ മുകളിലോട്ട് അയക്കും എന്ന് കരുതുന്നുണ്ടോ നീ..... """"

ചെപ്പുവിന്റെ വാക്കുകളിൽ അവനോടുള്ള പക എരിയുന്നുണ്ടായിരുന്നു.... """ദിനു....റൂം റെഡി അല്ലേ... """ ആഷി ചോദിച്ചതും അവൻ തലയാട്ടി കാണിച്ചു..... ______________ """നീയൊക്കെ എന്തിനാടി എന്നെ കൂട്ടാതെ വന്നത്.... """ അമ്മു കല്ലുന്റേം മാധുന്റേം ചെവിയിൽ പിടിച്ചു തിരിച്ചു കൊണ്ട് ചോദിച്ചതും രണ്ടും കിടന്ന് ഡിസ്കോ കളിക്കാൻ തുടങ്ങി.. """എന്റെ പൊന്ന് മോളെ വിട്... ദേ ഈ കുരിപ്പിനെ അന്വേഷിച്ചു ആരോ ഗേറ്റിന്റെ അടുത്ത് വന്നു.... എന്നോട് ചോദിച്ചപ്പോൾ ഞാൻ വിളിച്ചിട്ട് വരാം എന്നും പറഞ്ഞു ഈ സാധനത്തിനെ കൊണ്ട് വന്നു.... അപ്പൊ തന്നെ കുറേ എണ്ണം ആ വണ്ടിയിൽ നിന്ന് ഇറങ്ങി വന്നു ഇവളെ പിടിച്ചു വലിച്ചു ആ വണ്ടിയിൽ കയറ്റി.... അതും പോരാഞ്ഞിട്ട് അവിടെ ചുമ്മാ നിൽക്കുന്ന എന്നേം കൂടെ ആ തെണ്ടികൾ പിടിച്ചു വലിച്ചു കയറ്റി.... നിന്നെ കൂടെ വിളിക്കാൻ ഉള്ള സാവകാശം അവർ തന്നില്ല മുത്തേ..""" കല്ലു മോങ്ങി കൊണ്ട് പറഞ്ഞതും അമ്മു അവളുടെ കൈ എടുത്തു... """അതേ...നിങ്ങൾ എങ്ങനെയാ ഇങ്ങോട്ട് വന്നത്... ഞങ്ങൾ ഇവിടെ ഉണ്ടെന്ന് ആരാ പറഞ്ഞത്.... """ മാധു ചോദിച്ചതും അമ്മു ആവോ എന്നും പറഞ്ഞു ഒരു സ്ഥലത്ത് പോയി ഇരുന്നു.... ""ഒരു മെസ്സേജ് വന്നു എന്നും പറഞ്ഞു മൂന്നും ചാടി ഇറങ്ങിയത് ആണ്....

പോരാത്തതിന് ചെറിയ ഒരു ട്രിപ്പ്‌ കൂടെ ഉണ്ടെന്ന് പറഞ്ഞു എന്നേം കൂടെ കൂട്ടി...."" """ട്രിപ്പൊ.... "" അമ്മു പറഞ്ഞതും മാധുവും കല്ലുവും ഒരുമിച്ചു അങ്ങനെ ചോദിച്ചതും അമ്മു അതേയെന്ന് തലയാട്ടി.... ""എന്നിട്ട് ആണോ അവന്മാർ അതിന്റെ ഉള്ളിൽ കയറി അടയിരിക്കുന്നെ.... "" കല്ലു ചോദിച്ചതും അമ്മുവും അതേയെന്ന് പറഞ്ഞു എഴുന്നേറ്റു ആ ഡോറിന്റെ അടുത്തേക്ക് നടന്നു.. ഒപ്പം കല്ലുവും മാധുവും... """ഇനി ആ ദിൽജിത്തിനെ അടിക്കുവായിരിക്കുവോ.... """ മാധു ചോദിച്ചതും കല്ലു അവളെ തുറുക്കനെ നോക്കി.... """പിന്നെ അവനെ പൂവിട്ടു പൂജിക്കാം... എന്തേയ്... """ കല്ലു പറഞ്ഞതും അതിന് മാധു ഒന്ന് ഇളിച്ചു കൊടുത്തു.... കൊറച്ചു സമയം അവർ അങ്ങോട്ടും ഇങ്ങോട്ടും നടന്നു സമയം കഴിച്ചു... അപ്പോഴാണ് ദിനു ഡോർ തുറന്നു പുറത്തേക്ക് വന്നത്... അവൻ അവരെ മൂന്നാളെയും നോക്കി.. അവന്റെ പിറകെ തന്നെ ആഷിയും ആദിയും ചെപ്പുവും ഇറങ്ങി വന്നു... അകത്തു എന്താ നടന്നത് എന്ന് അറിയാനുള്ള ത്വര കൊണ്ട് മൂന്നും അകത്തേക്ക് എത്തി നോക്കിയതും കാണുന്നത് ചോരയിൽ കുളിച് കിടക്കുന്ന ദിൽജിത്തിനെ ആണ്... അവനെ ആ ഒരു അവസ്ഥയിൽ കണ്ടതും മൂന്നും ഞെട്ടി പണ്ടാരം അടങ്ങിയിട്ടുണ്ട്... കുറച്ചു സമയം കഴിഞ്ഞതും കുറച്ചു ഡോക്ടർസും നേഴ്‌സുംമാരും ഒക്കെ കയറി വന്നു...

അവർ ആ റൂമിലേക്ക് കയറി പോയി... കുറച്ചു അറ്റന്റർമാർ കുറേ സാധനങ്ങളും ആയി അകത്തേക്ക് കയറി പോയി... അവിടെ ബെഡ് മുതൽ ഒരു ഹോസ്പിറ്റലിൽ വേണ്ട എല്ലാ സെറ്റപ്പും ചെയ്തു... പത്തു മിനിറ്റ് കൊണ്ട് കാര്യം കഴിഞ്ഞു.... ""ഹി ഈസ്‌ ഓൾറൈറ്റ് നൗ... "" ഡോക്ടർ പുറത്തേക്ക് വന്നു പറഞ്ഞതും ആഷി അയാളേം കൊണ്ട് കുറച്ചു മാറി നിന്ന് സംസാരിച്ചു... അപ്പോഴേക്കും ദിനു അകത്തേക്ക് കയറി ഗ്ളൂക്കോസ് ബോട്ടിലിലേക്ക് ഒരു മരുന്ന് ഇൻജെക്ട് ചെയ്തു... ""ഡോക്ടർ.... അപ്പൊ ഞങ്ങൾ ഇറങ്ങുന്നു... "" അവർ യാത്ര പറഞ്ഞു അവന് ചുറ്റും കുറച്ചു പേരെ നിർത്തി... ഡോക്ടർമാരും നേഴ്സുമ്മാരും അവനെ നോക്കാൻ അവിടെ ഉണ്ട്... ആദി മാധുവിന്റെ അടുത്തേക്ക് പോയി.. """നിനക്ക് കുഴപ്പം ഒന്നുല്ലല്ലോ... "" അവൻ ചോദിച്ചതും അവൾ ഇല്ലെന്ന് തലയാട്ടി... ""വാ.. "" അവൻ അവളുടെ കയ്യും പിടിച്ചു മുന്നിൽ നടന്നു... അത് കണ്ടതും ആഷി കല്ലുവിനെ നോക്കി.. അവൾ അപ്പൊ തന്നെ ഓടി പോയി അവന്റെ കൈക്കുള്ളിലൂടെ കയ്യിട്ടു കൊണ്ട് നടന്നു... ഐദിനും ചെപ്പുവും അമ്മുവും മാത്രമായി അവിടെ... ഐദിൻ അവളെ നോക്കി ചിരിച്ചു... ചെറു ചിരി അവന് കൊടുത്തു കൊണ്ട് അവൾ പോയി ചെപ്പുന്റെ കയ്യിൽ പിടിച്ചു.... ""പോവാം... "" അവൾ ചോദിച്ചതും ചെപ്പു ഐദിനെ നോക്കി... അവൻ ചിരിച്ചു കാണിച്ചതും ചെപ്പു അവളേം കൂട്ടി പോയി ഐദിന്റെ അടുത്ത് എത്തി.. ഒരു കൈ കൊണ്ട് അവന്റെ തോളിലൂടെ ചേർത്തു പിടിച്ചു...

മറു കൈ കൊണ്ട് അമ്മുനേം പിടിച്ചു അവരും പുറത്തേക്ക് നടന്നു..... _____________ """ആദി.... അത് ആരാ.... """ മാധു ചോദിച്ചതും അവൻ അവളെ നോക്കി കണ്ണിറുക്കി കാണിച്ചു കൊടുത്തു.. """ഒക്കെ വഴിയേ പറയാം... ഇപ്പൊ അർജെന്റ് ആയിട്ട് ഇമ്പോര്ടന്റ് ആയിട്ട് ഒരു സ്ഥലം വരെ പോകാൻ ഉണ്ട്... നീ ഇവിടെ ഇരിക്ക്... """ മാധുനെ കാറിൽ കൊണ്ട് പോയി ഇരുത്തി അവൻ പറഞ്ഞതും അവൾ മനസ്സിൽ വന്ന ചോദ്യങ്ങൾ ഒന്നും ചോദിക്കാൻ പറ്റാത്ത നിരാശയോടെ അവിടെ ഇരുന്നു... അപ്പോഴേക്കും കല്ലുവിനെയും കൊണ്ട് ആഷിയും അങ്ങോട്ട് വന്നു... ""അമ്മുവും ചെപ്പുവും ദിനുന്റെ കൂടെ വരാമെന്ന് പറഞ്ഞിട്ടുണ്ട്... നമുക്ക് പോകാം.... """ ആഷി പറഞ്ഞതും ആദി തലയാട്ടി സമ്മതം അറിയിച്ചു.... ആഷി കൂടെ കയറിയതും ആദി സിറ്റി ഹോസ്പിറ്റൽ ലക്ഷ്യമാക്കി വണ്ടി വിട്ടു... അവർക്ക് പുറകെ ചെപ്പവും അമ്മുവും ദിനുവും ഉണ്ടായിരുന്നു.... ""ഇവിടെ എന്തൊക്കെയാ നടക്കുന്നെ..."" കല്ലു മാധുനെ നോക്കി ചോദിച്ചതും അവൾ അറിയില്ലെന്ന് പറഞ്ഞു തലയാട്ടി... """ഞാൻ ചോദിച്ചിട്ട് സമയം ആകുമ്പോൾ എല്ലാം പറയാം എന്ന് പറഞ്ഞു ആ മാക്കാൻ.... """ കല്ലു പറഞ്ഞതും മാധുവും ആദി പറഞ്ഞത് പറഞ്ഞു കൊടുത്തു.... രണ്ടും കൂടെ ബാക്കിൽ ഇരുന്നു ഭയങ്കര ചിന്തയിൽ ആയിരുന്നു....

പക്ഷേ അവർക്ക് ശെരിക്കും എന്താ ആ ബിൽഡിങ്ങിൽ സംഭവിച്ചത് എന്ന് അവർക്ക് കണ്ടുപിടിക്കാൻ കഴിഞ്ഞില്ല.... കുറച്ചു കഴിഞ്ഞതും ഹോസ്പിറ്റലിന് മുന്നിൽ വണ്ടി നിർത്തി... ആദിയും ആഷിയും ചെപ്പുവും ദിനുവും മുന്നിൽ നടന്നു... അവർക്ക് പിറകെ അമ്മുവും കല്ലുവും മാധുവും നടന്നു... icu ഡോറിന് മുന്നിൽ എത്തിയതും ആദിയും ആഷിയും ചെപ്പുവും ഡോക്ടറുടെ സമ്മതത്തോടെ അകത്തേക്ക് കയറി.... അവർ പോയത് നോക്കി നിസ്സഹായതയോടെ നിൽക്കുന്ന ദിനുന്റെ അടുത്തേക്ക് കല്ലുവും മാധുവും ചെന്നു.... """ആരാ അതിന്റെ ഉള്ളിൽ.... """ മാധു ചോദിച്ചതും അവൻ അവളെ നോക്കി ചിരിച്ചു കൊടുത്തു... വേദന നിറഞ്ഞ ചിരി... """വാ.. പറയാം... """ icu ന് മുന്നിൽ ഉള്ള സീറ്റിൽ ദിനു ഇരുന്നു അവന് ഇരു സൈഡിലും ആയി കല്ലുവും മാധുവും ഇരുന്നു.... മാധുന്റെ അടുത്ത് ആയി അമ്മുവും.... """അതിന്റെ ഉള്ളിൽ ആരാ എന്ന് അറിയുന്നതിന് മുന്നേ ഞങ്ങൾ ആരാണെന്ന് അറിയണം നിങ്ങൾ..... "" ദിനു പറയുന്നത് കേൾക്കാൻ അവർ ഒരുപോലെ കാതോർത്തു.........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...