🔥My Dear Rowdy🔥: ഭാഗം 58

രചന: അർച്ചന

അവൻ പറയുന്നത് കേട്ട് ദിനു ആദിയെ നോക്കി.... അവന്റെ മുഖത്തു കണ്ട ചിരിയിൽ ആ മറഞ്ഞിരിക്കുന്ന എതിരാളിക്ക് എതിരെ ഉള്ള ആയുധം ആയിരുന്നു.... ***************** ""മോൾക്ക് ഞങ്ങൾ പറഞ്ഞത് ഒക്കെ മനസിലായോ.... നീ പറഞ്ഞ സംഭവങ്ങൾ കഴിഞ്ഞിട്ട് അഞ്ചു വർഷം ആയി.... കഴിഞ്ഞ അഞ്ചു വർഷവും നീ ജീവിച്ചത് ദിനുന്റെ കൂടെ ആണ്... അവനാണ് നിന്നെ നോക്കിയത്..... അവന് ആ നിമിഷം നിന്നെ അവന്റെ കൈകളിലേക്ക് കൊടുക്കുകയല്ലാതെ വേറെ വഴി ഉണ്ടായിരുന്നില്ല... അവന്റെ ആമിയുടെ ജീവൻ ആണ് നിനക്ക് പകരം അവർ വിലയിട്ടിരുന്നത്.... എന്നാൽ ആ ദിൽജിത്താണ് ഇതിന് പിന്നിൽ എന്ന് മനസിലാക്കിയ ആ നിമിഷം മുതൽ അവൻ അവന്റെ ആമിയുടെ ജീവൻ പോലും മാറന്നു നിന്നെ രക്ഷിക്കാൻ ആണ് നോക്കിയത്..... അവൻ നമ്മളെ ദിനു അല്ലേടാ.... അവന് നിന്നെ അങ്ങനെ ഒക്കെ ചെയ്യാൻ കഴിയുംന്ന് നിനക്ക് തോന്നുന്നുണ്ടോ.... """"" ബോധം തെളിഞ്ഞതും പണ്ട് നടന്ന കാര്യങ്ങൾ ഇന്നലെ കഴിഞ്ഞത് പോലെ ഓർത്ത് പറയാൻ ശ്രമിക്കുന്നവളുടെ ഇരു കയ്യും കൂട്ടി പിടിച്ചു ആഷി പറഞ്ഞു നിർത്തി..

കേട്ടത് വിശ്വാസം വരാതെ അവൾ വീണ്ടും എന്തൊക്കെയോ ആലോചിച്ചു കൂട്ടാൻ ശ്രമിച്ചു.... """ഐദി.... ഐ ലവ് യൂ.... """ അവന്റെ കവിളിൽ പിടിച്ചു വലിച്ചു പൊട്ടിച്ചിരിച്ചു കൊണ്ട് ഓടുന്ന ഒരു പെണ്ണിന്റെ മുഖം മനസിലേക്ക് തെളിഞ്ഞു വന്നു.... ആ പെണ്ണിന് തന്റെ ഛായ ആണെന്നുള്ളത് അവൾ ഞെട്ടലോടെ ഓർത്തു.... തല വേദന വരാൻ തുടങ്ങിയതും കാത്തു അവളുടെ കിച്ചുന്റെ നെഞ്ചിലേക്ക് ചാഞ്ഞു.... അവൻ അവളെ പൊതിഞ്ഞു പിടിച്ചു... """കിച്ചൂ.... അപ്പൊ ദിനു എന്നെ ഒന്നും ചെയ്തില്ലേ... """ വിശ്വാസം വരാത്തത് പോലെ അവൾ വീണ്ടും ചോദിച്ചു... ""ദിനു നിന്നെ രക്ഷിക്കാൻ ആണ് നോക്കിയത്... ആ ദിൽജിത്ത് നിന്നെ ഒന്നും ചെയ്യാതെ നോക്കിയതും ദിനു ആണ്.... """ ആഷി പറഞ്ഞതും അവൾക്ക് എന്തോ കുറ്റബോധം തോന്നാൻ തുടങ്ങി.... കഴിഞ്ഞ ദിവസം ദിനു വന്നപ്പോൾ അവനെ നോക്കാതെ മുഖം തിരിച്ചപ്പോഴും ഇന്ന് അവനെ കണ്ടു അലറി വിളിച്ചപ്പോഴും ആ മുഖത്തു ഉണ്ടായ ഭാവം എന്തെന്ന് അവൾ ഓർത്തു....

അതേ.... വേദന.... ചങ്ക് പറിച്ചെടുത്ത വേദന.... തനിക്കും തോന്നിയിരുന്നില്ലേ ഒരുനിമിഷം എങ്കിലും ഇത് തന്റെ ദിനു ആണെന്ന്.... മനസ്സിൽ അന്ന് നടന്നത് ഒക്കെ ഓർമയിൽ വന്നു.... ദിൽജിത്തിനോട് തർക്കിക്കുന്ന.... തന്നെ രക്ഷിക്കാൻ വേണ്ടി അവിടെ ഉള്ളവരുടെ അടി വാങ്ങുന്ന ഒരുത്തന്റെ മുഖം.... പിന്നീട് എപ്പോഴോ തന്നെ പ്രേമത്തോടെ നോക്കുന്ന അതിൽ ഉപരി കെയർ ചെയ്യുന്ന തന്റെ ഇഷ്ടങ്ങൾ ഒക്കെ നോക്കി കണ്ടു നടത്തി തരുന്നവന്റെ മുഖം... ഏറ്റവും അവസാനം....ഐദിക്ക എന്ന് വിളിച്ചു പുറകെ പോവുമ്പോൾ ഇച്ചിരി ദേഷ്യം മുഖത്ത് ഫിറ്റ്‌ ചെയ്തു നോക്കുന്നവൻ... കണ്ണിൽ വെള്ളം നിറച്ചു തിരിഞ്ഞു നിന്നാൽ പിന്നിലൂടെ വാരി പുണരുന്നവൻ... തന്റെ അനുവാദത്തോടെ മാത്രം തന്റെ ചുണ്ടുകളെ കീഴ്പ്പെടുത്തുന്നവൻ..... അതേ.... ഒക്കെത്തിനും അവന്റെ മുഖം ആയിരുന്നു... ഐദിന്റെ.... """"""ഐദിക്കാ...... """

അലറി വിളിച്ചു കൊണ്ട് കണ്ണ് തുറന്നു നോക്കിയപ്പോൾ ആണ് ഇത്രയും നേരം കിച്ചുന്റെ നെഞ്ചിൽ ആയിരുന്നു ഉറങ്ങിയത് എന്ന് അവൾ കണ്ടത്.... ആഷിയും ചെപ്പുവും ഞെട്ടലോടെ കണ്ണ് തുറന്നു അവളെ നോക്കി.... """എനിക്ക്.... എനിക്ക്.... ദിനുനെ കാണണം.... "" അവൾ വെപ്രാളത്തോടെ പറയുന്നത് കേട്ട് ആഷിയും ചെപ്പുവും മുഖത്തോട് മുഖം നോക്കി.... """നീ ഇപ്പൊ കിടന്നു ഉറങ്ങു എന്റെ പെണ്ണെ... അവൻ പുറത്തു ആദിന്റെ കൂടെ ഉണ്ട്.... രാവിലെ കാണാം അവനെ.... """ ചെപ്പു കണ്ണ് തിരുമ്മി കൊണ്ട് പറഞ്ഞതും അവൾ അവനെ നോക്കി പല്ല് കടിച്ചു.... ""എനിക്ക് ഇപ്പൊ കാണണം അവനെ.... പ്ലീസ് ആഷി.... അവനെ വിളിക്ക്... "" ""കാർത്തു... അവൻ ഒന്ന് ഉറങ്ങിക്കോട്ടെ.....ഇനി ഇപ്പൊ രാവിലെ എന്തായാലും അവൻ ഇങ്ങോട്ട് വരും... അപ്പൊ കാണാം... മോള് ഉറങ്... """ ആഷി കൂടെ പറഞ്ഞതും അവൾ ചുണ്ട് ചുളുക്കി മുഖം കോട്ടി തിരിഞ്ഞു കിടന്നു....

അത് കണ്ടു ചെറു ചിരിയോടെ ആഷിയും ചെപ്പുവും അവളെ നോക്കി.... ______________ """ഞങ്ങളെ എപ്പോഴാ കാർത്തു ഏച്ചിയെ പരിചയപ്പെടുത്തുക.... """ മാധുവും കല്ലുവും രാവിലെ തന്നെ ഇതും ചോദിച്ചു കൊണ്ട് ആദിന്റെ പിറകെ നടപ്പാണ്.... """എന്റെ പൊന്ന് മക്കളെ... ഒന്ന് അടങ്ങി നിൽക്ക്.... നിങ്ങളെ കാര്യം എങ്ങനെ അവൾക്ക് മുന്നിൽ ഇൻട്രോഡ്യൂസ് ചെയ്യും എന്ന് ആലോചിച്ചു ഇരിക്കുമ്പോൾ ആണ് രണ്ടും വന്നു കയറ് പൊട്ടിക്കുന്നത്...."" ആദി പറയുന്നത് കേട്ട് കാർത്തു അത്രേം ഡെയ്ഞ്ചർ ആണോന്ന് വരെ ചിന്തിച്ചു രണ്ടാളും ഒരു മൂലക്ക് സെറ്റ് ആയി... അപ്പോഴേക്കും ദിനുവും അമ്മുവും അങ്ങോട്ട്‌ വന്നു... ""നീ വന്നോ.... നിന്നെ കാണാൻ വേണ്ടി അവിടെ ഒരാൾ തപസ്സിരിക്കുന്നുണ്ട്... വേഗം പോയി കയ്യോടെ വാങ്ങി വാ..."" ആദി ദിനുനോട്‌ പറഞ്ഞതും അവൻ ചിരിച്ചു കൊണ്ട് ICU ലേക്ക് കയറി.. അവൻ വരുന്നത് കണ്ടപ്പോൾ തന്നെ ആഷിയും ചെപ്പുവും പുറത്തേക്ക് ഇറങ്ങി... ""കാർത്തു.... "" അവളുടെ അടുത്ത് പോയി ഇരുന്നു ദിനു വിളിച്ചതും അവൾ ഞെട്ടി കണ്ണ് തുറന്നു.... അവൻ മുന്നിൽ ഇരിക്കുന്നത് കണ്ടപ്പോൾ തന്നെ കരഞ്ഞു കൊണ്ട് അവന്റെ നെഞ്ചിലേക്ക് വീണു....

"""സോറി ദിനുക്ക.... ഞാൻ... അറിയാതെ..... """" ബാക്കി പറയാൻ സമ്മതിക്കാതെ അവൻ അവളെ ചേർത്തു പിടിച്ചു... """സാരില്ല മോളെ... നിനക്ക് ഇപ്പൊ കുഴപ്പം ഒന്നുല്ലല്ലോ..."" അവൻ അവളുടെ മുടിയിലൂടെ തലോടി കൊണ്ട് ചോദിച്ചു... അവൾ ഇല്ലെന്ന് അർഥത്തിൽ അവന്റെ നെഞ്ചിൽ മുഖം ഉരസി... പെട്ടെന്ന് എന്തോ ഓർത്തത് പോലെ അവൾ ഞെട്ടി പിടഞ്ഞു എഴുന്നേറ്റു... ""എന്താടാ... "" ദിനു പരിഭ്രാമത്തോടെ ചോദിക്കുന്നത് കേട്ട് അവൾ അവനെ നോക്കി... ശേഷം ഡോറിലേക്ക് നോക്കി.... """"കിച്ചൂ..... """ അവൾ അലറി വിളിച്ചതും ദിനു ഞെട്ടി കൊണ്ട് അവളെ നോക്കി... ""എന്തിനാടി ഇപ്പൊ അവനെ വിളിക്കുന്നെ... നിനക്ക് എന്തെങ്കിലും പ്രോബ്ലം ഉണ്ടോ.... """ ദിനു ചോദിക്കുന്നത് കേട്ട് അവൾ അവനെ നോക്കി ഒന്ന് ഇളിച്ചു കാണിച്ചു... അപ്പോഴേക്കും അവളുടെ അലറൽ കേട്ട് ആഷിയും ആദിയും ചെപ്പുവും ഓടി വന്നിരുന്നു... അവർ ദിനുനേം കാർത്തുനേം മാറി മാറി നോക്കി....

ദിനു ആണെങ്കിൽ ഞാൻ ഒന്നും ചെയ്തില്ല എന്ന എക്സ്പ്രഷൻ ഇട്ട് നിൽക്കുന്നുണ്ട്.... """എന്തിനാടി ഇങ്ങനെ വിളിച്ചു കൂവുന്നേ.... """ ആഷി കലിപ്പിൽ ചോദിച്ചതും അവൾ അവനെ നോക്കി ഇളിച്ചു കൊടുത്തു... """അതുണ്ടല്ലോ... എനിക്ക്... എനിക്ക് ഇല്ലേ.... """ ""നിനക്ക്....."" ആദിയും ആഷിയും ചെപ്പുവും ദിനുവും ഒരുമിച്ചു ചോദിച്ചതും അവൾ എല്ലാരേം നോക്കി വെളുക്കനെ ചിരിച്ചു... """എനിക്ക് കല്യാണം കഴിക്കണം... "' അവൾ പറയുന്നത് കേട്ട് ദിനു ഞെട്ടി.... പുറകെ തന്നെ ആഷിയും ആദിയും ചെപ്പുവും കൂടെ വെടിക്കെട്ടിന് തിരികൊടുത്ത പോലെ ചിരിക്കാൻ തുടങ്ങി..... അത് കണ്ടതും കാർത്തു കലിപ്പ് ആയി.... അതിനേക്കാൾ കലിപ്പിൽ ആണ് ദിനു ഉള്ളത്.... """സ്റ്റോപ്പ്‌ ഇറ്റ്...."" കാർത്തു പൊട്ടിത്തെറിച്ചതും മൂന്നും ഒരുപോലെ സ്റ്റോപ്പ്‌ ആക്കി.... വീണ്ടും അവളുടെ മുഖത്തേക്ക് നോക്കി ചിരിക്കാൻ തുടങ്ങി..... ""എനിക്ക് കല്യാണം കഴിക്കണം.... "" ചെവി രണ്ടും പൊത്തി പിടിച്ചു കാർത്തു ഉച്ചത്തിൽ പറഞ്ഞതും ചിരിച്ചോണ്ട് നിന്ന മൂന്നെണ്ണവും ഇതിന്റെ തലയിലെ വല്ല പിരിയും പോയോ എന്നുള്ള ഭാവത്തിൽ അവളെ നോക്കി....

അപ്പോഴേക്കും ഡോറും തുറന്നു അമ്മുവും കല്ലുവും മാധുവും മുന്നിൽ വന്നു നിന്നു.... കണ്ണ് തുറന്നു നോക്കിയ കാർത്തു കാണുന്നത് മുന്നിൽ ഇളിച്ചു കൊണ്ട് നിൽക്കുന്ന കല്ലുനേം മാധുനേം അമ്മുനേം ആണ്.... അതും പോരാഞ്ഞു ഡോറിന്റെ അടുത്ത് കട്ട കലിപ്പിൽ നിൽക്കുന്ന കുറച്ചു നേഴ്സുമാരും.. അവർക്ക് ഒരു ഇളി കൊടുത്തു അവൾ മുന്നിൽ ഇളിച്ചു കൊണ്ട് നിൽക്കുന്ന സാധനങ്ങളിലേക്ക് ലുക്ക് വിട്ടു.... ""കീരി....നിന്റെ കല്യാണത്തിന് എനിക്ക് സ്പെഷ്യൽ ആയിട്ട് എന്ത് തരും... """ അമ്മു ബെഡിൽ കയറി ഇരുന്നു കൊണ്ട് ചോദിച്ചതും അവൾ ഞെട്ടി അമ്മുനെ നോക്കി... """നിന്റെ കല്യാണം നമ്മക്ക് പൊളിച്ചടുക്കണം.... """മാധു ""കാറ്ററിംഗ് പിള്ളേരെ വിളിക്കണം.... എന്നാലേ വായിനോക്കാൻ ഒരു ഗും ഉണ്ടാവൂ....""കല്ലു ""അത് ശെരിയാ.... അവർ ആവുമ്പോൾ എത്രവേണമെങ്കിലും തിന്നുകയും ചെയ്യാം മാർക്കിടുകയും ചെയ്യാം....""മാധു ""പിന്നെ ഇവരുടെ ബിസിനസ് പാട്ണേർസിനെ വിളിക്കണം.... അതാവുമ്പോ നല്ല ചുള്ളൻ ചെക്കന്മാർ ആയിരിക്കും.....""അമ്മു ""ഒരു മൂന്ന് നാല് ദിവസത്തെ പ്രോഗ്രാം ആയിരിക്കണം....""കല്ലു

""ഡാൻസ് കളിക്കണം...""അമ്മു ""ഗെയിംസ് നടത്തണം.."മാധു ""ഞാൻ ഒളിച്ചോടി കല്യാണം കഴിക്കും.....""'കാർത്തു.. """പ്ഫാ....."" അമ്മു കല്ലു മാധു ചെപ്പു ആദി ആഷി ദിനു...... [[ആട്ട് തൊട്ടിലിൽ നിന്നെ കിടത്തി ഉറക്കി മെല്ലെ......]]feel the bgm ഈ സമയം കൊണ്ട് മാധുവും അമ്മുവും കല്ലുവും ബെഡിലും കാർത്തു നിലത്തും എത്തിയിരുന്നു.... """"ഞാൻ ഒളിച്ചോടും.... ഒളിച്ചോടും ഒളിച്ചോടും.... """ കാർത്തു ""എന്നാ നിന്റെ ചെക്കനെ തിരഞ്ഞു കണ്ടു പിടിച്ചു അവിടെ വന്നു ഞങ്ങൾ പാർട്ടി നടത്തും """ അമ്മു ""ഞാൻ ലൻഡനിലേക്ക് ആടി ഒളിച്ചോടുന്നത്...."" കാർത്തു ""അയ്യേ.... ആരെങ്കിലും ഒളിച്ചോടുന്ന സ്ഥലം പറയുവോ...."" മാധു ""എന്തായാലും ലൻണ്ടനിലേക്ക് അല്ലേ....ഞാനും വരുന്നു.... അവിടെ പോയാൽ നല്ല വെളുത്തു ആപ്പിൾ പോലെ ഉള്ള സായിപ്പന്മാരെ വായിനോക്കാം...."" കല്ലു. ""ആപ്പിൾ വെളുത്തിട്ടാണോ..."" ചെപ്പു അത് കേട്ടതും എല്ലാവരും ചെപ്പുവിലേക്കു ലുക്ക് വിട്ടു....

""ഹേയ് മിസ്റ്റർ... പെയിന്റ് അടിച്ചാൽ ഏത് ആപ്പിളും വെളുക്കും... "" അമ്മു """അതെന്നെ... വെള്ള പെയിന്റ് അടിച്ചാൽ മതി.... "" കാർത്തു... അതും കൂടെ ആയതും ഈ പോക്ക് പോയാൽ എല്ലാവരും കൂടെ കാർത്തുന്റെ കല്യാണവും ഹണിമൂണും പ്രസവവും പിള്ളേരുടെ പേരിടൽ ചടങ്ങ് വരെ നടത്തും എന്ന് ഉറപ്പ് ആയതും ദിനു ചെപ്പുന്റെ നടുപ്പുറം നോക്കി ഒന്ന് കൊടുത്തു.... """ഹമ്മച്ചി..... """ ചെപ്പുന്റെ അലർച്ച കേട്ടതും എല്ലാരും സ്റ്റോപ്പ്‌ ആയി.... ""ഇത് നിന്റെ പെങ്ങൾക്ക് ഉള്ളതാ... "" ചെപ്പുനെ കെട്ടിപിടിച്ചു ദിനു ചെവിയിൽ പറഞ്ഞതും അവൻ പല്ല് കടിച്ചു.... """എന്നാ നേരിട്ട് ആ കുരിപ്പിന് തന്നെ കൊടുത്താൽ പോരായിരുന്നോഡാ തെണ്ടി..... "" ചെപ്പു പറഞ്ഞത് കേട്ട് ദിനു ചിരിച്ചു.. """എന്നിട്ട് വേണം അവളുടെ ഓർമ വീണ്ടും പോയി നിങ്ങൾ എല്ലാരും കൂടെ എന്നെ പഞ്ഞിക്കിടാൻ..അതുകൊണ്ട് റിസ്ക് എടുക്കണ്ട എന്ന് കരുതി.... ""' ദിനു അതും പറഞ്ഞു മാറി നിന്നതും ചെപ്പു എല്ലാരേം നോക്കി പല്ല് കടിച്ചു.

. ""അല്ല.... നിങ്ങൾ ഒക്കെ ആരാ...""" സ്ഥലകാലബോധം വന്നത് പോലെ കാർത്തു ചോദിച്ചതും ബെഡിൽ ഇരുന്നു തുള്ളികളിച്ച മൂന്നും ഒരുപോലെ സ്റ്റക് ആയി അവളെ നോക്കി ഇളിച്ചു.... ""ഞാൻ നിന്റെ ആമി ആടി കുരിപ്പേ.."" അമ്മു പറഞ്ഞത് കേട്ട് കാർത്തു അവളെ നോക്കി.... അപ്പൊ തന്നെ ഓടി പോയി അവളുടെ നടുപ്പുറം നോക്കി ഒന്ന് പൊട്ടിച്ചു.. ""എന്തിനാടി തെണ്ടി എന്നെ തല്ലിയെ..."" പല്ല് കടിച്ചു അമ്മു ചോദിച്ചതും കാർത്തു അവളെ സൂക്ഷിച്ചു നോക്കി.... """നിന്നോട് ഞാൻ പലപ്രാവശ്യം പറഞ്ഞതല്ലേ എന്നെ കീരിന്ന് വിളിക്കരുതെന്ന്..."""" കാർത്തു പറഞ്ഞപ്പോൾ ആണ് അവളെ കണ്ട എക്സൈറ്റ്മെന്റിൽ ചാടികേറി കീരിന്ന് വിളിച്ചത് അമ്മുന് ഓർമ വന്നത്.... അവൾ അതിന് ഒന്ന് ഇളിച്ചു കൊടുത്തു...അപ്പൊ തന്നെ കാർത്തു അവളെ ഒന്ന് കൂർപ്പിച്ചു നോക്കിയ ശേഷം അവളുടെ അടുത്ത് തന്നെ ഇളിച്ചു കൊണ്ട് നിൽക്കുന്ന രണ്ടെണ്ണത്തിലേക്ക് തിരിഞ്ഞു... ""നിങ്ങളോ....??"".........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...