🔥My Dear Rowdy🔥: ഭാഗം 62

രചന: അർച്ചന

കാർത്തുന്റെ ഒരു സൈഡിൽ കല്ലുവും മറു ഭാഗത്തു മാധുവും ആയി മൂന്നുപേരും വീടിനു ചുറ്റും നടക്കാൻ തുടങ്ങി...... ""കാർത്തു..... അങ്ങനെ വിളിക്കട്ടെ..."" മാധു ചോദിച്ചതും അവൾ പുഞ്ചിരിച്ചു കൊണ്ട് തലയാട്ടി.... """കാർത്തുന് ദിനുക്കയെ കുറിച്ച് എന്താ അഭിപ്രായം.... "" കല്ലു ചോദിക്കുന്നത് കേട്ട് അവൾ മുഖം ചുളിച്ചു അവളെ നോക്കി... ""ഐദിക്ക..... അല്ല... ദിനുക്ക... ദിനുക്ക പാവം ആണ്.... പിന്നെ... ആദിന്റേം ആഷിന്റേം കിച്ചുന്റേം ബെസ്റ്റ് ഫ്രണ്ട് ആണ്.... പിന്നെ... """ അത്രേം പറഞ്ഞു അവൾ രണ്ടുപേരേം നോക്കി... """നിനിക്ക് ഒരു കാര്യം അറിയോ കാർത്തു.. നിന്റെ ഓർമ പോയ ഈ അഞ്ചു വർഷവും നീ ദിനുക്കയ്ക്ക് ഒപ്പം ആയിരുന്നു.... """ കല്ലു പറഞ്ഞത് കേട്ട് അവൾ പുഞ്ചിരിച്ചു.... ""എന്നോട് കിച്ചു പറഞ്ഞിരുന്നു.. "" അവൾ പറഞ്ഞു.... ""പക്ഷേ നിന്റെ കിച്ചു പറയാത്ത ഒരു കാര്യം ഉണ്ട്... "" കല്ലു അത് കേട്ടതും അവൾ കല്ലുന്റെ മുഖത്തേക്ക് നോക്കി.... ""നീ ഇടക്ക് ഇടക്ക് പറയുന്നില്ലേ ഐദിക്കന്ന്.... അത് നീ നിന്റെ ഓർമ പോയ ദിവസങ്ങളിൽ ദിനുക്കയെ വിളിച്ചിരുന്നത് ആണ്....

ആദ്യം ഒക്കെ നിന്നെ പെങ്ങളെ പോലെ തന്നെയാ ദിനുക്ക കണ്ടത്.... പക്ഷേ.... """ കല്ലു അത്രേം പറഞ്ഞു നിർത്തിയതും കാർത്തു അവളെ സൂക്ഷിച്ചു നോക്കി... ""നിന്നെ അങ്ങേർക്ക് ഇഷ്ടം ആടി.... നിനക്കും ആയിരുന്നു.... ഒരുപാട് ഒരുപാട്...... പക്ഷേ ഒരിക്കലും നിന്റെ മേൽ അവകാശം സ്ഥാപിക്കാനോ നിന്റെ കിച്ചുവിൽ നിന്നും നിന്നെ അകറ്റാനോ ശ്രമിച്ചില്ല..... നിനക്ക് ഓർമ വന്നാൽ നിന്നെ നഷ്ടപ്പെടും എന്ന് അറിഞ്ഞിട്ടും അങ്ങേര് നിന്നെ സ്നേഹിക്കുക മാത്രേ ചെയ്തുള്ളൂ.. "" മാധു കൂടെ പറഞ്ഞതും കാർത്തു വല്ലാത്ത അവസ്ഥയിൽ ആയിരുന്നു... ദുആ.... ന്നുള്ള വിളി അവളുടെ ചെവിയിൽ മുഴങ്ങി കേട്ടു.... ചെവി രണ്ടും അമർത്തി പൊത്തി പിടിച്ചു കണ്ണുകൾ ഇറുക്കെ അടച്ചു അവൾ നിന്നു.... അത് കണ്ടതും മാധുവും കല്ലുവും കൂടെ അവളെ വിളിച്ചു... അടുത്തുള്ള സിമന്റ് ബെഞ്ചിൽ മൂന്നാളും ഇരുന്നു... ""നീ ഇന്ന് രാവിലെ ആരെയോ കല്യാണം കഴിക്കണം എന്ന് ഒക്കെ പറഞ്ഞില്ലേ.... ആ നിമിഷം ദിനുക്കന്റെ മുഖം നീ കണ്ടിരുന്നോ.....നിന്റെ ആ ഒരു വാക്ക് എത്രത്തോളം വേദനിപ്പിച്ചു എന്നത് ആ മുഖത്തു തെളിഞ്ഞു കാണാമായിരുന്നു....

"""" അല്പനേരം കഴിഞ്ഞു കല്ലു വീണ്ടും പറഞ്ഞതും അവൾ ആ സമയത്തെ ദിനുന്റെ മുഖഭാവം ഓർമിച്ചു.... ശെരിയാണ്.... തന്റെ ഒരു വാക്ക് കാരണം ആ ഹൃദയം പോലും ആർത്തു കരയുന്നത് തനിക്ക് ഇപ്പൊ കാണാൻ കഴിയുന്നു... വേദനയിലും അവളുടെ ഉള്ള് അവളോട് തന്നെ പറഞ്ഞു കൊണ്ടിരുന്നു..... ""നിനക്ക് ഇഷ്ടം ആണോടാ ദിനുക്കയെ.. "" മാധു പ്രതീക്ഷയോടെ അവളെ നോക്കി.... """അറിയില്ല.... "" ഒറ്റവാക്കിൽ അവൾ ഉത്തരം പറഞ്ഞു... അത് കേട്ടതും മാധുവും കല്ലുവും നിരാശയോടെ മുഖം ചുളിച്ചു.... ""ഞാൻ... ഞാൻ പോട്ടെ.. "" എഴുന്നേറ്റു നിന്നുകൊണ്ട് എങ്ങോട്ടോ നോക്കി ചോദിക്കുന്ന കാർത്തുനെ അവർ നോക്കി... ""ഹ്മ്മ്... "" അവർ ഒന്ന് മൂളിയതും കാർത്തു മുന്നോട്ട് നടന്നു.എന്തൊക്കെയോ ചിന്തകൾ മനസ്സിൽ ഓടിയെത്തുന്നത് അവൾ അറിയുന്നുണ്ടായിരുന്നു... ""കാർത്തു ഒരു മിനുട്ട്.... """ പുറകിൽ നിന്നുമുള്ള മാധുന്റെ വിളി കേട്ട് ആണ് അവൾ നിന്നത്... തിരിഞ്ഞ് നോക്കിയപ്പോഴേക്കും കല്ലുവും മാധുവും അവളുടെ അടുത്ത് എത്തിയിരുന്നു..... """എന്താ... ""

അവൾ അവരെ നോക്കി ചോദിച്ചു... മാധു പറയുന്നത് കേട്ടതും കാർത്തു ഞെട്ടി രണ്ടാളേം നോക്കി... """സത്യം ആണ്.... "" മാധു പറഞ്ഞതിനോട് യോജിച്ചു കല്ലു കൂടെ പറഞ്ഞതും അവൾ അവരെ നോക്കി.... ""സോറി.... "" കല്ലു വീണ്ടും പറഞ്ഞതും കാർത്തു പുഞ്ചിരിച്ചു കൊണ്ട് അവളെ കെട്ടിപിടിച്ചു.... ""താങ്ക്സ്.. "" കാർത്തു അവരെ കെട്ടിപിടിച്ചു പറഞ്ഞതും രണ്ടാളും അവളെ നോക്കി... എന്തിനു എന്നാ അർഥത്തിൽ അവർ അവളെ തുറിച്ചു നോക്കി... """എന്റെ പ്രണയം മനസിലാക്കി തന്നതിന്.... "" പുഞ്ചിരി കൈവിടാതെ കാർത്തു പറഞ്ഞതും കല്ലുവും മാധുവും അതിയായ സന്തോഷത്തോടെ അവളെ കെട്ടിപിടിച്ചു..... ""വാ... വീട്ടിലേക്ക് പോകാം... "" കാർത്തു അവരെ രണ്ടുപേരുടെയും തോളിലൂടെ കയ്യിട്ടു പിടിച്ചു കൊണ്ട് നടന്നു........ **************** ""ഉഫ്.... തടിച്ചി... ഇറങ്ങെടി എന്റെ പുറത്തു നിന്ന്.... """ ""തടിച്ചി നിന്റെ കെട്യോൾ ജാനു...."" ""കെട്യോളെ പറഞ്ഞപ്പോഴാ.... ഇന്ന് ആ പെണ്ണിനെ വിളിച്ചിട്ടില്ല.... സേട്ടൻ പോയി വിളിച്ചിട്ട് വരട്ടെ.... ""

"""അങ്ങനെ അങ്ങ് മുങ്ങാൻ നോക്കണ്ട മോനൂസേ.... എന്നേം കൊണ്ട് ഈ വീടിന് ഒരു റൗണ്ട് നടന്നു വന്നാൽ ഞാൻ ഇറങ്ങാം... അല്ലെങ്കിൽ രാത്രി കിടക്കുന്നത് വരെ ഞാൻ ഇവിടെ ഇരിക്കും..... """" ""ഈ വീടിന്റെയോ.. എടിയേ ഇത് ഒരു റൗണ്ട് ചുറ്റി വരുമ്പോഴേക്കും നാളെ ആവും.... നിനിക്ക് വട്ട് ഉണ്ടോ..."" ചെപ്പു ദയനീയമായി പറഞ്ഞതും അവൾ അവന്റെ പുറത്ത് നിന്ന് ഇറങ്ങി..... അപ്പൊ തന്നെ ചെപ്പു നടുവിന് കയ്യും കുത്തി നിന്ന് അവളെ തറപ്പിച്ചു നോക്കി... """അമ്മൂ.... "" അവൻ നോക്കുന്നത് കണ്ട് മുഖം ചുളിച്ചു നിൽക്കുന്ന അമ്മുനെ നോക്കി ചെപ്പു വിളിച്ചതും അവൾ അവനെ നോക്കി.... മുഖം വീർപ്പിച്ചു പിടിച്ചിട്ടുണ്ട്.... അത് കണ്ട് അവളുടെ മുഖം പോലെ ചെപ്പുവും ആകിയതും അവൾ അവനെ ചുണ്ട് കോട്ടി പുച്ഛിച്ചു കൊണ്ട് തിരിഞ്ഞ് നടന്നു.... അപ്പൊ തന്നെ അവൻ അമ്മുനെ പിടിച്ചു വച്ചു.. """എങ്ങോട്ടാ മോളെ പോകുന്നെ..... ഈ വീടിന് ചുറ്റും നിന്നേം പൊക്കി കൊണ്ട് നടക്കണ്ടേ..... """ ചെപ്പു ചിരിച്ചു കൊണ്ട് ചോദിക്കുന്നത് കേട്ട് അമ്മുന്റെ കണ്ണ് വിടർന്നു.... """സത്യം.... ""

അവൾ അവനെ നോക്കി കൊഞ്ചലോടെ ചോദിച്ചതും അവൻ അവളെ നോക്കി ഇളിച്ചു കൊടുത്തു... """പിന്നേ.... നിന്നേം പൊക്കി നടക്കാൻ എനിക്ക് പ്രാന്ത് അല്ലേ.... ഒന്ന് പോയേടി.... """ ചെപ്പു പറയുന്നത് കേട്ട് അവൾ അവനെ തുറിച്ചു നോക്കി.. ""നിൽക്കേടാ അവിടെ..... ബ്ലഡി ഫൂൾ... "" അമ്മു ചെപ്പുന്റെ പിറകെ ഓടിയതും അവൻ ഓടാൻ തുടങ്ങി... കയ്യിൽ കിട്ടിയ കല്ലും മണ്ണും ഒക്കെ വാരി എറിഞ്ഞു കൊണ്ട് അമ്മു പിറകെയും.. ""എന്റെ പൊന്ന് മോളെ മതി.... എനിക്ക് വയ്യ......"" കിതച്ചു കൊണ്ട് ഗാർഡനിലെ ബെഞ്ചിൽ ഇരുന്നു കൊണ്ട് അവൻ പറഞ്ഞു.... അമ്മുവും ഓടി കിതച്ചു കൊണ്ട് അവന്റെ അടുത്ത് വന്നിരുന്നു...... അവൾ അവന്റെ ഷോൾടറിലേക്ക് ചാരി..... ""സോറി.... അമ്മൂസേ..."" അവളെ ചുറ്റി പിടിച്ചു കൊണ്ട് അവളുടെ മൂർദ്ധാവിൽ ചുംബിച്ചു കൊണ്ട് അവൻ പറഞ്ഞു..... അപ്പോഴേക്കും അമ്മു കരഞ്ഞു പോയിരുന്നു.. """എന്നെ.... എന്നെ പറഞ്ഞു വിടുവോ ഇവിടുന്ന്... ഞാൻ എങ്ങോട്ടും പോവില്ല..... എന്നെ ഇഷ്ടം അല്ലേ ഇവിടെ ആർക്കും.... """" കരഞ്ഞു കൊണ്ട് അവന്റെ നെഞ്ചിൽ മുഖം അമർത്തി കൊണ്ടവൾ തേങ്ങി... ""നിന്നെ ഇവിടെ ആർക്കാ ഇഷ്ടം അല്ലാതെ.... നീ ഞങ്ങളെ കുഞ്ഞൂസ് അല്ലേടി.... """

അവളുടെ മുഖം കയ്യിൽ കോരി എടുത്തു കൊണ്ട് അവൻ പറഞ്ഞു.... """അപ്പൊ.... അപ്പൊ കാർത്തു വന്നേരം ആരും എന്നെ മൈൻഡ് പോലും ചെയ്തില്ലല്ലോ.... ഞാൻ... ഞാൻ ഇനി ദിനുന്റെ കൂടെ പോണോ.... ഇവിടെ ഇപ്പൊ നിങ്ങൾക്ക് എല്ലാം കാർത്തു ഇല്ലേ..... ഞാൻ ഇനി എന്തിനാ ഇവിടെ... """" കരച്ചിലിന്റെ ആക്കം കൂടി വന്നു.... """കാർത്തു വന്നത് കൊണ്ട് ചെപ്പുന് പെങ്ങളെ കിട്ടി..... പക്ഷേ ഞങ്ങൾക്കോ... """ ആദി അതും ചോദിച്ചു കൊണ്ട് വന്നു... ഒപ്പം ആഷിയും ദിനുവും... അത് കൂടെ ആയതും അവൾ അവരെ കെട്ടിപിടിച്ചു കരയാൻ തുടങ്ങി..... ""അമ്മൂ..... മതി ഓവർ ആയി.... "" ചെപ്പു അമ്മുന്റെ ചെവിയിൽ പറഞ്ഞതും അവൾ അവനെ നോക്കി കൊഞ്ഞനം കുത്തി കാണിച്ചു.... """അമ്മൂ.... ഇന്ന് നീ ദിനുന്റെ കൂടി വീട്ടിൽ പോകണംട്ടോ.... """ അവളുടെ തലയിൽ തലോടി കൊണ്ട് ആഷി പറഞ്ഞതും അവൾ അവനെ നോക്കി ചുണ്ട് ചുളുക്കി.... ""അപ്പൊ എന്നെ ഇഷ്ടം അല്ലല്ലേ.... "" അവൾ അതും പറഞ്ഞു വീണ്ടും കരയാൻ തുടങ്ങിയതും എല്ലാവരും ദിനുനെ നോക്കി.....

അവന്റെ മുഖത്തു സന്തോഷവും സങ്കടവും എല്ലാം കാണാമായിരുന്നു.... """അമ്മൂ.... ഇങ്ങ് വാ... ഞാൻ പറയട്ടെ.... "" ആദി അവളെ വിളിച്ചു കൊണ്ട് അവന്റെ അടുത്ത് ഇരുത്തിച്ചു.. """നിന്നെ കാണാതെ നിന്റെ ശബ്ദം കേൾക്കാതെ അഞ്ചു വർഷത്തോളം നിന്റെ വീട്ടിൽ നീറി നീറി കഴിഞ്ഞ ഒരാൾ ഉണ്ട്... നിന്റെ ഉമ്മ..... ഞങ്ങൾ തമ്മിൽ ഉള്ള എല്ലാ പ്രശ്നങ്ങളും അവസാനിച്ചു... പക്ഷേ നീ ഇപ്പോഴും നിന്റെ ഉമ്മയെ തനിച് ആക്കുകയാണ്..... ആ മനസിന്റെ വേദന നീ എപ്പോഴെങ്കിലും ആലോചിച്ചിട്ടുണ്ടോ..... ചെപ്പു കുറച്ചു നേരം കാർത്തുനോട്‌ സംസാരിക്കുമ്പോൾ തന്നെ നിന്റെ മനസ് വേദനിക്കുന്നില്ലേ.... അപ്പൊ നിന്റെ ഉമ്മയുടെ അവസ്ഥയോ.... നിന്നെ കാണാതെ ഇത്രേം വർഷം നിന്നില്ലേ...... """"" ആദി പറഞ്ഞു നിർത്തിയതും അവൾ അവന്റെ മുഖത്തേക്ക് നോക്കി... """ഞാൻ... ഞാൻ പോവാം.... "" അവൾ പറഞ്ഞതും ദിനു ആശ്വാസത്തോടെ പുഞ്ചിരിച്ചു... ""അങ്ങോട്ട്‌ പോകുന്നത് ഒക്കെ കൊള്ളാം.... രണ്ടു ദിവസത്തിനുള്ളിൽ തിരിച്ചു ഇവിടെ എത്തിയില്ലെങ്കിൽ അവിടെ വന്നു പൊക്കും.... മനസിലായല്ലോ...."""

ചെപ്പു പറയുന്നത് കേട്ട് അവൾ ചിരിച്ചു കൊണ്ട് തലയാട്ടി... ""അപ്പൊ കണ്ണ് ഒക്കെ തുടച്ചിട്ട് എഴുന്നേറ്റോ.... മഞ്ഞു പെയ്യാൻ തുടങ്ങി.. വാ... """ ആഷി അമ്മുന്റെ കയ്യും പിടിച്ചു വലിച്ചു നടന്നു.... അതിന്റെ പിറകെ ആദിയും ദിനുവും ചെപ്പുവും പോയി.. ************** """"അപ്പൊ എങ്ങനാ മക്കളെ.... തുടങ്ങുവല്ലേ..... """ കയ്യിൽ വടിയും പിടിച്ചു കൊണ്ട് കാർത്തു ചോദിച്ചതും ആദിയും ആഷിയും ദയനീയതയോടെ മുഖം ചുളിച്ചു കാർത്തുനെ നോക്കി.... """ഹ്മ്മ്.... വേഗം തുടങ്ങിക്കോ.... എന്നാലേ വേഗം അവസാനിപ്പിക്കാൻ പറ്റൂ.... """ കാർത്തു വടി കൊണ്ട് ഒരു കയ്യിൽ ചെറിയതായി അടിച്ചു കൊണ്ട് പറയുന്നത് കേട്ട് പല്ല് കടിച്ചു കൊണ്ട് ആദിയും ആഷിയും സോഫയിൽ ഇരുന്നു കപ്പചിപ്സ് കുത്തികയറ്റുന്ന കല്ലുനേം മാധുനേം നോക്കി.... അവർ ആണെങ്കിൽ നല്ല ക്ലോസപ്പിന്റെ പരസ്യം കാണിച്ചു കൊടുത്തു വീണ്ടും തീറ്റയിൽ കോൺസൻട്രേറ്റ് ചെയ്തു... വേറെ വഴി ഇല്ലെന്ന് കണ്ടതും ആദിയും ആഷിയും പരസ്പരം മുഖത്തോട് മുഖം നോക്കി.... ശേഷം ഏത്തം ഇടാൻ തുടങ്ങി.... അത് കണ്ട് ചെപ്പുവും ദിനുവും അടക്കി പിടിച്ചു ചിരിക്കുന്നുണ്ട്..അത് കണ്ടതും ആദി കാർത്തുനെ നോക്കി.... """ആ ഇളിച്ചോണ്ട് നിൽക്കുന്ന മഹാനെ കൂടി വിളിക്ക്..ഞങ്ങൾ മാത്രം അല്ലല്ലോ..."""

കാർത്തുനെ നിഷ്കു ഭാവത്തിൽ നോക്കി ചെപ്പുനെ നോക്കി കോക്രി കാണിച്ചു കൊണ്ട് ആദി പറഞ്ഞതും അത് ശെരിയാ എന്ന് പറഞ്ഞു കാർത്തു ചെപ്പുനേം വലിച്ചു കൊണ്ട് വന്നു ആദിന്റെ അടുത്ത് നിർത്തിച്ചു.... """തുടങ്ങിക്കോ... "" അവൾ കയ്യിൽ ഉള്ള വടി കൊണ്ട് അവന് ഒന്ന് കൊടുത്തു കൊണ്ട് പറഞ്ഞതും അവൻ ചുണ്ട് ചുളുക്കി കൊണ്ട് ഏത്തം ഇടാൻ തുടങ്ങി... ""ഞങ്ങൾ മാത്രം ഏത്തം ഇടുമ്പോൾ ദിനുന് ആഗ്രഹം ഉണ്ടാകില്ലേ.... വാ മോനേ.... ഞങ്ങളെ കൂടെ കൂടിക്കോ..."" അവനെ നോക്കി ഇളിച്ചു കൊണ്ട് ചെപ്പു പറഞ്ഞതും ദിനു അവനെ നോക്കി തൊഴുതു കാണിച്ചു നേരെ കല്ലുന്റേം മാധുന്റേം അടുത്ത് പോയി ഇരുന്നു... കുറച്ചു കഴിഞ്ഞതും മമ്മ വന്നു.. കൂടി ഗായത്രി അമ്മയും... ""മതി മതി.... ബാക്കി നാളെ.... ഇനി വന്നു ഫുഡ് കഴിക്കാൻ നോക്ക്... "" അവർ വിളിച്ചതും അതിനു മുന്നേ ആദിയും ആഷിയും ചെപ്പുവും ഓടി ഡെയിനിങ് ടെബിളിൽ സ്ഥാനം പിടിച്ചു.... അത് കണ്ട് എല്ലാവരും ചിരിച്ചു.... ""മക്കളും വാ... "" ഐശു മമ്മ ബാക്കി ഉള്ളവരെ കൂടി വിളിച്ചതും അവരും ഓടി...

ഫുഡ് ഒക്കെ കഴിച്ചു കഴിഞ്ഞതും ദിനു അമ്മുവിനെ വിളിച്ചു.... ""പോകാം... "" അവൻ ചോദിച്ചതും അവൾ തലയാട്ടി... ""ഒരു മിനുട്ട്.... ഇപ്പൊ വരാം.. "" അതും പറഞ്ഞു പെണ്ണ് റൂമിലേക്ക് ഓടി... കയ്യിലെ ബാഗിൽ കുറച്ചു ഡ്രെസ്സും എടുത്തു വന്നതും ബാക്കി ഉള്ളവർ ഒക്കെ അവളെ നോക്കി... അവൾ എല്ലാവരോടും യാത്ര പറഞ്ഞു... """പോവാം.. "" അവൾ ചോദിക്കുന്നത് കേട്ട് ദിനു തലയാട്ടിയതും പെണ്ണ് കാറിൽ കയറി ഇരുന്നു.... """ഒന്ന് വേഗം വരുവോ.... """ കാറിൽ കയറി ഇരുന്നു അകത്തേക്ക് വിളിച്ചു ചോദിക്കുന്ന അവളെ എല്ലാവരും ഉറ്റു നോക്കി.... അപ്പോഴേക്കും മാധുവും കല്ലുവും ഇളിച്ചു കൊണ്ട് ഇറങ്ങി പോയി കാറിൽ ഇരുന്നു... അത് കണ്ട് ബാക്കി ഉള്ളവർ ഒക്കെ ചിരിക്കാൻ തുടങ്ങി... ആദിയും ആഷിയും പല്ല് കടിച്ചു അമ്മുനെ നോക്കി... """രണ്ടു ദിവസം കഴിയുമ്പോൾ കൊണ്ട് വന്നു തരാം..... """ അവൾ വിളിച്ചു പറഞ്ഞതും എല്ലാവരും റ്റാറ്റാ പറഞ്ഞു... ദിനു ചിരിച്ചു കൊണ്ട് വന്നു കാർ സ്റ്റാർട്ട്‌ ആക്കി.... ഒരിക്കൽ കൂടി എല്ലാവരോടും യാത്ര പറഞ്ഞു അവർ ദിനുന്റെ വീട്ടിലേക്ക് വിട്ടു...... .........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...