💐നീർമിഴിപൂക്കൾ💐: ഭാഗം 13

രചന: ദേവ ശ്രീ

 ഡി... എഴുന്നേറ്റേ... ഡീ.... പല്ലവിന്റെ അലർച്ച കേട്ട് അനു കണ്ണുകൾ തുറന്നു... പല്ലവ് കാറിൽ നിന്നും ഇറങ്ങി ഡിക്കിയിൽ നിന്നും ബാഗ് എടുത്തു നടന്നു... അവന്റെ കയ്യിലെ കീ ഉപയോഗിച്ച് വാതിൽ തുറന്നു... മുകളിൽ ആണ് റൂം.... അകത്തേക്കു കയറിയ നന്ദയോട് അവൻ പറഞ്ഞു..... ഞാൻ ഇവിടെയുള്ള വല്ല റൂമിലും കിടന്നോളാം... അവിടെ ഒന്ന് ആകെ നോക്കി അനു പറഞ്ഞു.... എന്റെ ഭാര്യ എന്റെ റൂമിൽ ആണ് കിടക്കേണ്ടത്... സാധനങ്ങളൊക്കെ എന്റെ റൂമിൽ തന്നെ വച്ചാൽ മതി... നമ്മൾ നല്ല മാതൃക ദമ്പതിമാരല്ലേ... എനിക്ക് പറ്റില്ല.... ഞാൻ വേറെ റൂമിൽ കിടന്നോളാം... പല്ലവ് പോക്കെറ്റിൽ നിന്നും ഒരു സിഗരറ്റ് എടുത്തു ചുണ്ടിൽ വെച്ച് ചോദിച്ചു... അതെന്താ നിനക്ക് പറഞ്ഞാൽ അനുസരിക്കാൻ പാടില്ലേ... എനിക്ക് താല്പര്യമില്ല ഒരു റൂം ഷെയർ ചെയ്യാൻ എന്നെ പറഞ്ഞള്ളു... അതെന്താ ഡി നീ എന്നേക്കാൾ പണക്കാരായ ആരോടെങ്കിലും വരാൻ പറഞ്ഞിട്ടുണ്ടോ... ദേ അനാവശ്യം പറഞ്ഞാൽ മുഖമടച്ചു തരാനും മടിക്കില്ല ആനന്ദ... ഒരിക്കൽ അറിഞ്ഞതല്ലേ അത്....

അവൻ ചുണ്ടിൽ എരിയുന്ന സിഗരറ്റ് കയ്യിലെടുത്ത് പുക മുകളിലേക്ക് ഊതിയവൻ പറഞ്ഞു... അന്ന് ഞാൻ അനുഭവിച്ച വേദന അറിയണോ നിനക്ക് എന്നും പറഞ്ഞു അവളുടെ കൈമുട്ടിൽ പിടിച്ചു അതിന് മുകളിൽ എരിയുന്ന സിഗരറ്റ് അമർത്തി.... അവൾ വേദനക്കൊണ്ട് ഒന്ന് അലറി.... വേദനിക്കുന്നോ നന്ദ... അവൻ പരിഹാസം കലർന്ന ചിരിയോടെ ചോദിച്ചു.... ഇത് നിനക്കൊരു പാഠമാണ്... എന്നെ ധിക്കരിക്കുമുന്നേ നിനക്ക് ഇത് ഓർമയിൽ ഉണ്ടാവണം... പല്ലവിനോട്‌ എതിർത്തു നിൽക്കാൻ മാത്രമൊന്നും നീ വളർന്നിട്ടില്ല... പിന്നെ ഞാൻ നിന്റെ ശരീരത്തിൽ തൊടുമെന്ന് കരുതിയാണ് നീ റൂം മാറുന്നതെങ്കിൽ അതിന്റെ ആവശ്യമില്ല... ഈ പല്ലവ് നന്ദയെ ഒന്ന് തൊടുകപോലുമില്ല.... എനിക്ക് പറ്റിയവരുമായി ഞാൻ പല രാത്രിയിലും ഇവിടെ വരും.... അത് കണ്ടു നിന്റെ നെഞ്ച് തകരണം... സ്വന്തം ഭർത്താവ് മറ്റൊരു പെണ്ണിനെ.... പറഞ്ഞു മുഴുവനാക്കാൻ സമ്മതിക്കാതെ നന്ദ അലറി... നിർത്തടോ.... അവളുടെ കണ്ണുകൾ എല്ലാം ചുവന്നിരുന്നു... ദേഷ്യം കൊണ്ട് ചുണ്ടുകൾ വിറച്ചു...

താൻ ആരെ വേണമെങ്കിലും കൂടെ പൊറുപ്പിച്ചോ... എനിക്ക് എന്താ.. ഞാൻ നിന്റെ ഒരു സ്വകാര്യതയിലും ഇടപെടാൻ വരില്ല... നിനക്ക് നിന്റെ ഇഷ്ട്ടം പോലെ ജീവിക്കാം.... പിന്നെ നീ ഏതുപെണ്ണിനെ വിളിച്ചു രാത്രി കിടക്ക പങ്കിട്ടാലും ആനന്ദക്കു ഒന്നുമില്ല... ഒന്നും... അതും പറഞ്ഞു അനു മുകളിലെ റൂമിലേക്ക്‌ അവളുടെ ബാഗുമായി നടന്നു... പല്ലവ് ആണെങ്കിൽ മുഖത്ത് ഒരടി കിട്ടിയ പോലെ അവിടെയിരുന്നു.... ഇവളെ തളർത്താൻ ഇതൊന്നും പോരാ... മ്മം... സമയമാവട്ടെ... അന്ന് പിന്നെ വലിയ പ്രശ്നങ്ങളൊന്നുമില്ലാതെ കടന്നു പോയി... പിറ്റേന്ന് രാവിലെ നേരത്തെ എഴുന്നേറ്റു അടുക്കളയിൽ കയറി രാവിലത്തെ ഭക്ഷണമായി പുട്ടും കടലയും ഉണ്ടാക്കി... ഉച്ചത്തേക്ക് അവൾക്കു കൊണ്ട് പോകാനായി ചോറും കറിയും ഉണ്ടാക്കി... മുറ്റവും അകവും തൂത്ത് തുണിയെല്ലാം അലക്കി, പാത്രം കഴുകി ഓഫീസിൽ പോകാൻ റെഡിയായി അനു കണ്ണാടിയിൽ നോക്കിയപ്പോൾ ഇന്നലെ സിഗരറ്റ് കൊണ്ടുണ്ടായപാട് വ്യക്തമായി കാണാമായിരുന്നു...

അവൾ പ്ലീറ്റ് എടുത്തു കുത്തിയ സാരിയുടെ മുന്താണി അഴിച്ചു സാരി പരത്തിയിട്ട് ഇറങ്ങി.... താഴെ പല്ലവ് ഭക്ഷണം കഴിച്ചു കൈ കഴുകുകയായിരുന്നു... അവളെ കണ്ടതും അവൻ പറഞ്ഞു... നീയെന്താ കല്യാണത്തിന് പോവണോ ഇത്ര ഒരുങ്ങാൻ.... നേരത്തെയാണ് പോകുന്നത് എങ്കിലും അവൻ നേരം വൈകിയപോലെ അവളോട് പറഞ്ഞു... വരുന്നുണ്ടെങ്കിൽ വാ... ഞാൻ ഒന്നും കഴിച്ചില്ല... അനു പറഞ്ഞു... പിന്നെ നീ ഇത്രേം നേരം ഇവിടെ എന്ത് എടുക്കുവായിരുന്നു... സമയം പോകുന്നു... ഒരുദിവസം രാവിലെ എന്തെങ്കിലും കഴിച്ചില്ലാന്ന് കരുതി ഒന്നും സംഭവിക്കാൻ പോകുന്നില്ല. അവൻ പുറത്തേക്കു ഇറങ്ങി... ഒപ്പം അനുവും ഡോർ ലോക്ക് ചെയ്തിറങ്ങി... ഓഫീസിലേക്ക് പോയി... സിന്ദൂരവും താലിയുമിട്ടു വരുന്ന ആനന്ദയെ കണ്ടു എല്ലാവരും അവളെ തന്നെ നോക്കി... ഓഫീസിലേക്ക് കയറിയ അനു നേരെ പല്ലവിന്റെ കൂടെ ക്യാബിനിലേക്കു കയറി... അവൾ അവളുടെ ജോലി തുടർന്നു... കുറച്ചു കഴിഞ്ഞപ്പോൾ വയറിൽ നിന്നും വിശപ്പിന്റെ വിളി വന്നുതുടങ്ങി...

ഉച്ചവരെ അവൾ വാട്ടർബോട്ടിലിലെ വെള്ളം കുടിച്ചു കഴിച്ചു കൂട്ടി... ലഞ്ച് ടൈം ആയതും അവൾ ലഞ്ച് ബോക്സും എടുത്തു നടന്നു... അവളുടെ വിശേഷങ്ങൾ അറിയാൻ ദിവ്യയും വിഷ്ണുവും കാത്തിരിക്കുന്നുണ്ടായിരുന്നു.... അവൾ നേരെ അവർ ഇരിക്കുന്ന ടേബിളിൽ ഒരു ചെയർ വലിച്ചിട്ടു ലഞ്ച് ബോക്സ്‌ തുറന്നു കഴിച്ചു തുടങ്ങി... അവരെ ഒന്നു നോക്കുകപോലും ചെയ്യാതെ അവളുടെ ഭക്ഷണം കഴിപ്പു കണ്ടു ദിവ്യ ചോദിച്ചു... നിനക്ക് ഇന്ന് നിന്റെ കെട്ട്യോൻ ഒന്നും തിന്നാൻ തന്നില്ലേ എന്റെ അനു... അനു കഴിക്കുന്നതിനിടയിൽ കൈകൊണ്ട് ഇത് കഴിഞ്ഞു സംസാരിക്കാം എന്ന് പറഞ്ഞു... വിഷ്ണുവും ദിവ്യയും പരസ്പരം ഒന്ന് നോക്കി ചിരിച്ചു അവരും ഭക്ഷണം കഴിപ്പ് തുടങ്ങി... ഭക്ഷണം കഴിച്ചു കഴിഞ്ഞ അനുവിനോട് ദിവ്യ ചോദിച്ചു... അനു കല്യാണവിശേഷങ്ങൾ പറയടാ... ആരാണ് ഡോക്ടറുടെ മകൻ? അയാൾ നിന്നോട് എങ്ങനെയാണ്? ദിവ്യയുടെ ചോദ്യങ്ങൾ കേട്ട് അനു പറഞ്ഞു... ഡോക്ടറുടെ മകനെ നിങ്ങൾ അറിയും.... ഹേ... ആരാ അനു അത്? -വിഷ്ണു പല്ലവ് ഇന്ദ്രപാൽ.... എന്ത്..... രണ്ടുപേരും ഒരുപോലെ ചോദിച്ചു...

ദിവ്യയുടെ കണ്ണുകൾ തള്ളി നിൽപ്പായിരുന്നു... നമ്മുടെ പല്ലവ് സാർ ആണോ.... മ്മം... പല്ലവ് തന്നെ... ഇപ്പോ ഈ കമ്പനി ഓണറിന്റെ ഭാര്യയാണ് ഈ ഞാൻ... ജീവിതം പോയൊരു പോക്കേ... അനു തന്നെ സ്വയം പറഞ്ഞു... ആ... അനു നിന്റെ കഷ്ട്ടക്കാലം തീർന്നു മോളെ... ഇപ്പോ നിനക്ക് ആശ്വാസമായില്ലേ.. എങ്ങനെ എന്റെ കഷ്ട്ടക്കാലം തീരും എന്നാണ് നീ പറയുന്നത് ദിവ്യാ.... നിനക്ക് ഇനി ഇതിലും വലിയ ഒരു കഷ്ട്ടക്കാലവും വരാൻ ഇല്ലല്ലോ... ഇതിനെക്കാൾ വലുത് എന്താ ഇനി നിന്റെ ജീവിതത്തിൽ സംഭവിക്കാൻ ഉള്ളത്... അല്ല അനു... ഡോക്ടറുടെ മകൻ പല്ലവ് സാർ എങ്കിൽ സുഷമ മേഡം അപ്പൊ.... -വിഷ്ണു... യെസ് നോട്ട് ദി പോയിന്റ്... ദിവ്യയും പറഞ്ഞു... സെക്കന്റ്‌ വൈഫ് ആണെന്ന് തോന്നുന്നു... അതെകുറിച്ച് എനിക്ക് ഒന്നുമറിയില്ല... അങ്ങനെ പറയാൻ ആണ് അപ്പൊ അവൾക്കു തോന്നിയത്... പല്ലവ് സാർ നല്ല റൊമാന്റിക് ആയിരിക്കും അല്ലെ -ദിവ്യ പിന്നെ.... ദേ വിഷ്ണു ഇതിനെ വിളിച്ചു കൊണ്ട് പോക്കേ.... എന്താ അനു... എന്തെങ്കിലും പ്രശ്നം ഉണ്ടോ -വിഷ്ണു ഹേയ് ഇല്ലാടാ.. മ്മം... നമുക്ക് ക്യാബിനിലേക്ക് പോകാം... വാ.... എല്ലാവരും അവരവരുടെ ജോലികൾ തുടർന്നു... അങ്ങനെയിരിക്കെയാണ് അനുവിനെ തേടി ആ ഫോൺ കാൾ വന്നത്.........കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...