💐നീർമിഴിപൂക്കൾ💐: ഭാഗം 16

രചന: ദേവ ശ്രീ

വാതിൽ ആഞ്ഞു ചവിട്ടി... എത്ര ശ്രമിച്ചാലും അനു വാതിൽ തുറക്കില്ല എന്ന് മനസിലാക്കിയ പല്ലവ് ആ ശ്രമം ഉപേക്ഷിച്ചു... നേരെ പോയി ബെഡിൽ മുഖമമർത്തി കിടന്നു... ദേഷ്യവും കലിയും ഓക്കേ അവന്റെ മനസ്സിലേക്ക് ഇരച്ചു കയറി.... പല്ലവ് കൈകൾ ഉയർത്തി ബെഡിൽ ഇടിച്ചു.... മുഖം ചെരിച്ചു കിടന്നു.... മനസിലേക്ക് അനുവിന്റെ വാക്കുകൾ കടന്നു വന്നു... "ഇത് ഈ കാമദേവൻ എന്റെ കഴുത്തിൽ കെട്ടിയതാണ്... അത് ഇവിടെ ഉള്ളിടത്തോളം ഞാൻ അല്ലാതെ ഇനി മറ്റൊരു പെണ്ണും ഇങ്ങേരുടെ ജീവിതത്തിൽ ഉണ്ടാകില്ല"... അതോർക്കേ പല്ലവിന്റെ ചുണ്ടിൽ ഒരു പുഞ്ചിരി തത്തി കളിച്ചു... അവൻ അവിടെയുള്ള തലയിണയിൽ മുഖം അമർത്തി.... എന്തോ ഓർത്ത പോലെ അവൻ എഴുന്നേറ്റു... ഇല്ല... ഒരൊറ്റ രാത്രി ഞാൻ ചെയ്ത ഒരു തെറ്റിന് വില പറഞ്ഞവളാണ്... വേണ്ടാത്ത ചിന്തകൾ ഒന്നും വേണ്ട.... അവളും തന്നെ ചതിക്കും.... ഓരോന്ന് ഓർത്ത് അവൻ ഉറക്കത്തിലേക്ക് വീണു... അനു രാവിലെ എഴുന്നേറ്റു അവളെ എഴുനെല്പിച്ചു പറഞ്ഞയച്ചു...

പോകാൻ നേരം ഇനി ഇത് ആവർത്തിക്കരുത് എന്നൊരു താക്കീത് കൊടുക്കാനും അനു മറന്നില്ല.... അവൾ പോയ ശേഷം അനു നേരെ കിച്ചണിലേക്ക് പോയി... രാവിലത്തെ ഭക്ഷണപരിപാടികൾ തയ്യാറാക്കാൻ തുടങ്ങി.... ചായയും അതിനുള്ള പലഹാരവും തയ്യാറാക്കി... ചോറും കറിയും വെക്കാൻ നോക്കുമ്പോൾ ആണ് വാതിലിൽ തുടരെ തുടരെയുള്ള മുട്ട് കേട്ടത്.... ചെയ്തു പകുതിയായ പണികൾ അവിടെ വെച്ച് അവൾ ഡോർ തുറക്കാൻ വേണ്ടി പോയി... മനസ്സിൽ ഒരു പെരുമ്പറ കൊട്ടുന്നുണ്ടെങ്കിലും അവൾ അത് പുറത്ത് കാണിച്ചില്ല.... കാരണം അവളുടെ ചെറിയ ഒരു പതർച്ച പോലും അവനുള്ള കച്ചിത്തുരുമ്പാണെന്നവൾക്ക് അറിയാം... പിടിച്ചു നിൽക്കണം... അതൊക്കെ ഓർത്ത് അവൾ ഡോർ തുറക്കാൻ നടന്നു.... പല്ലവ് ആണ്..... എന്തും പ്രതീക്ഷിക്കാം.... അവൾ ചിന്തിച്ചു.. ഡോറിനരികിൽ എത്തിയ അനു എന്തും വരട്ടെ എന്ന് കരുതി ഡോർ തുറന്നു... പുറത്തിറങ്ങിയ പല്ലവ് ചുറ്റിലും നോക്കി... അനു അവനെയും.... നടാഷ എവിടെ? പല്ലവ് അനുവിനോട്‌ ചോദിച്ചു....

നടാഷയോ... അതാരാ? ദേ നന്ദ.. കളിക്കാൻ നിൽക്കല്ലേ... ഇന്നലെ എന്റെ കൂടെ വന്നവളെ... നിന്റെ കൂടെ വന്നവളെ എന്റെടുത്താണോ അന്വേഷിക്കുന്നത്... പിന്നെ അന്വേഷിക്കുമ്പോൾ എടുത്തു തരാൻ നീ അവളെ എന്റെ കയ്യിൽ ഏല്പിച്ചു പോയിട്ടൊന്നുമില്ലല്ലോ... ഡി ഡി... വല്ലാതെ വിളച്ചിലെടുക്കല്ലെ.... വേണ്ട വേണ്ട എന്ന് വെക്കുത്തോറും അവൾ തലയിൽ കയറി ഡിജെ കളിക്കുന്നോ.... നീ നിന്റെ പണി നോക്കിപോയെ... എനിക്ക് രാവിലെ തന്നെ അടുക്കളയിൽ നൂറ് കൂട്ടം പണിയുണ്ട്.... അവൾ അവിടെ നിന്നും പോകാൻ നോക്കി... അങ്ങനെ അങ്ങ് പോയാലോ... നീ ഇങ്ങോട്ട് വായോ... ചേട്ടൻ ഇന്നലെ എന്തായാലും ഫ്രീ ആയിരുന്നു... അപ്പൊ നമുക്ക് ഇന്ന് രാവിലെ തന്നെ ഒന്ന് ട്രൈ ചെയ്യാം.... ഒരു തരം വഷളൻ ചിരിയോടെ പല്ലവ് പറഞ്ഞു... പല്ലവ് അടുത്തേക്ക് വരും തോറും അനു വല്ലാതെ പതറുന്നുണ്ടായിരുന്നു... ഡോ... താൻ എന്ത് ട്രൈ ചെയ്യുന്ന കാര്യമാണ് പറയുന്നത്... വിക്കലോടെ അനു ചോദിച്ചു.... അതുംകൂടി ആയപ്പോൾ പല്ലവിന് വല്ലാത്ത ഹരം തോന്നി....

അവളെ ഒതുക്കാൻ ഇത് തന്നെ അവസരം എന്ന് കരുതി... നിനക്ക് മനസിലായില്ല നന്ദ... എങ്കിൽ ചേട്ടൻ ട്രയൽ കാണിക്കാം എന്നു പറഞ്ഞു അവളുടെ വയറിലൂടെ കയ്യിട്ട് അവനോട് ചേർത്തു നിർത്തി... അനു മാക്സിമം കുതറാൻ ശ്രമിക്കുന്നുണ്ടായിരുന്നു.... പെട്ടൊന്ന് അവൾ അവനെ ഇറുകെ പുണർന്നു... അവന്റെ നെഞ്ചിൽ മുഖം പൂഴ്ത്തി... തന്നോട് ചേർന്നു നിൽക്കുന്ന ആനന്ദയുടെ സാമിപ്യം അവനിൽ കാമമല്ലാത്ത മറ്റെന്തോക്കായോ വികാര വേലിയെറ്റങ്ങൾ നടക്കുന്നു എന്നവൻ മനസിലാക്കി.... അവളെയും തിരിച്ചു ഒന്ന് പുണരാൻ അവന്റെ കൈകൾ ഉയർന്നു... പെട്ടെന്ന് പല്ലവ് അവളെ ഒറ്റ തട്ടായിരുന്നു... അത് പ്രതീക്ഷിച്ച പോലെ അനു വീഴാതെ ബാലൻസ് ചെയ്തു നിന്നു... അനു വീണ്ടും അവന്റെ അരികിലേക്ക് പോയി പറഞ്ഞു... എന്താ ചേട്ടാ എന്നെ ഒഴിവാക്കുന്നത്... എന്നെ കെട്ടിപിടിക്കൂ... പ്ലീസ് പ്ലീസ്... എന്നെ പീഡിപ്പിക്കൂ.... അവൾ ചുണ്ട് വശ്യമായി കടിച്ചു അവനോട് വല്ലാത്ത ഒരു കുഴച്ചിലോടെ പറഞ്ഞു... അനുവിന്റെ കാട്ടികൂട്ടൽ കണ്ടു ആകെ കിളി പോയിരിക്കുവാണ് പല്ലവ്....

ഇവൾക്ക് ഓരോ പണി കൊടുക്കാൻ നോക്കുമ്പോഴും അതിന്റെ ഇരട്ടി വേഗത്തിൽ പണി കിട്ടുന്നത് എനിക്കാണല്ലോ... അതും ഓർത്ത് പല്ലവ് സ്റ്റൈയർ കയറി... അവന്റെ പോക്കും നോക്കി അനു ഒരു ചിരിയോടെ വിളിച്ചു പറഞ്ഞു.... അതേയ്... ഇന്നലെ നടന്നതൊക്കെ ഞാൻ ക്ഷമിച്ചു... ഇനിയും ആവർത്തിക്കാൻ നിൽക്കണ്ട... ചിലപ്പോൾ ആനന്ദ ക്ഷമിച്ചേന്നു വരില്ല... നീ എന്ത് ചെയ്യുമഡി എന്നെ... അവനും ദേഷ്യത്തിൽ ചോദിച്ചു... എന്ത് ചെയ്യുമെന്നോ.... ഇവിടെ നടക്കുന്നതൊക്കെ ഒരു വീഡിയോ എടുത്തു മോന്റെ അമ്മക്ക് അങ്ങ് വാട്ട്‌സ് ആപ്പ് ചെയ്യും... ഇതുവരെ അമ്മ എന്ത് ചോദിച്ചാലും തെളിവല്ലെ ചോദിച്ചിരുന്നത്... ആ തെളിവ് ഞാൻ അങ്ങ് കൊടുക്കും... തിരിച്ചു മറുപടി പറയാൻ വാക്കുകൾ കിട്ടാതെ പല്ലവ് പല്ലുകൾ കൂട്ടി കടിച്ചു... വല്ലാതെ കടിച്ചു പൊട്ടിക്കണ്ട... ഞാൻ ഇതൊക്കെ ചെയ്യുന്നത് നിന്നോടുള്ള മുടിഞ്ഞ പ്രേമം കൊണ്ടല്ല... ഞാൻ നിന്റെ അമ്മക്ക് ഒരു വാക്ക് കൊടുത്തിട്ടുണ്ട്... അതെനിക്ക് പാലിക്കണം... അതിന് ഇതിലും വലിയ ഡോസ് എന്റെ ഭാഗത്തു നിന്നും പ്രതീക്ഷിക്കാം...

അപ്പൊ ഗുഡ് മോർണിംഗ്... ഐ വിഷ് ഹാവ് എ നൈസ് ഡേ... അവളെയും നോക്കി അവൻ മുകളിലേക്ക് ദേഷ്യത്തിൽ കയറി... ഗുഡ് അല്ലേടി എനിക്ക് ബാഡ് ആണ്... നീ എന്ന് എന്റെ തലയിൽ കയറിയോ അവിടുന്ന് ഇങ്ങു ബാഡ് ആണ്... അവളുടെ ഒരു ഹാവ് എ നൈച്ച് ഡേ... ശരിയാക്കി താരാഡി നിന്നെ ഞാൻ ... എനിക്ക് നീ തന്നെ പണിക്ക് ഒരു മറുപണി തരാൻ എനിക്കും അവസരം വരും... അന്ന് നിന്റെ അടിയന്തിരത്തിന്റെ കുമ്പളങ്ങ കറിയും അട പ്രഥമനും കൂട്ടിട്ടെ പല്ലവ് അടങ്ങൂ... ഓരോന്ന് പറഞ്ഞും പ്രാകിയും അവൻ റൂമിന്റെ വാതിൽ തുറന്നു ശക്തിയിൽ ഡോർ ക്ലോസ് ചെയ്തു... വാതിൽ അടയുന്ന ശബ്ദം അടുക്കളയിലേക്ക് കേൾക്കാമായിരുന്നു... അനു ഒന്ന് തലയാട്ടി ചിരിച്ചു അവളുടെ ജോലികൾ തുടർന്നു... പണിയെല്ലാം ഒതുക്കി അവൾ തൂത്തുവാരുമ്പോളാണ് അവൾ സിസിടിവി ക്യാമറ കണ്ടത്... അപ്പൊ ഇന്നലെ അവൾ വന്നത് ക്യാമറയിൽ കാണും... ഇത് തന്നെ അവസരം... അവൾ വേഗം cctv വിഷ്വൽസ് ചെക്ക് ചെയ്തു... അവൾ വരുന്നതും രാവിലേ പോകുന്നതും ഓക്കേ എഡിറ്റ്‌ ചെയ്തു പെൻ ഡ്രൈവിലേക്ക് മൂവ് ചെയ്തു...

കൂടാതെ അവളുടെ ഫോണിലെക്കും... എല്ലാം കഴിഞ്ഞു ഓഫീസിൽ പോകാൻ രണ്ടുപേരും റെഡിയായി... അനു ഒരു റെഡ് ബ്ലൗസും ഗോൾഡൻ ക്രീം സാരിയുമായിരുന്നു... അതിന് കൂട്ടായി ഒരു കമ്മലും താലിയും ഒരു കുഞ്ഞു പൊട്ടും മാത്രം... മുടി വകഞ്ഞെടുത്ത് ക്ലിപ്പ് ചെയ്തിട്ടുണ്ട്... ആദ്യമായിട്ടാണ് പല്ലവ് അവളെ എത്രയും സുന്ദരിയായി കാണുന്നത്... മുഖത്ത് ഒരു കുഞ്ഞിന്റെ നിഷ്കളങ്കതയായിരുന്നു... തനിക്കു ഓപ്പോസിറ് ഇരിക്കുന്ന അനുവിലെക്ക് പല്ലവിന്റെ നോട്ടം പാറി വീഴുന്നുണ്ടായിരുന്നു... എത്ര തന്നെ മനസിനെ നിയന്ത്രിച്ചാലും കണ്ണുകളെ നിയന്ത്രിക്കാൻ കഴിയാത്ത അവസ്ഥ... അവന്റെ കണ്ണുകൾ അവളിൽ നിന്നും വേർപ്പെടുത്താൻ കഴിയാത്ത വിധം അവളിൽ ഉടക്കി നിന്നു... ആ നോട്ടം പിൻവലിച്ചു ആണ് അവൻ പ്ലേറ്റിൽ നിന്നും കണ്ണുകളെടുക്കാതെ ഭക്ഷണം കഴിച്ചു... കണ്ണുകൾ അവൾക്കു നേരെ ചെല്ലാതിരിക്കാൻ അവൻ മാക്സിമം പണിപെടുന്നുണ്ടായിരുന്നു... ഇറങ്ങാൻ നേരം അനു അവനോട് പറഞ്ഞു... ഞാൻ രാവിലെ പറഞ്ഞതൊന്നും മറന്നിട്ടില്ലല്ലോ... ഓഫീസിലെ കണ്ടവളുമാരോട് കൊഞ്ചികുഴയാൻ നിൽക്കണ്ട...

മ്മം.... പല്ലവ് ഒന്ന് മൂളി. അവന്റെ മൂളൽ കേട്ട് അനു ഒന്ന് നോക്കി... ഇതെന്തു പറ്റി?... അല്ലെങ്കിൽ നാലെണ്ണം തിരികെ പറയേണ്ടതാണല്ലോ... അതേയ്... അനു പല്ലവിനെ വിളിച്ചു... നീ ഒന്ന് മിണ്ടാതിരിയ്ക്ക്... ഒരു സ്വൈര്യം തരാതെ ചീവീടിനെ പോലെ ചെവിയിൽ വന്നു മൂളി കൊണ്ടിരിക്കും.... അല്ലെങ്കിൽ തന്നെ മനുഷ്യൻ എങ്ങനെ കണ്ട്രോൾ ചെയ്തു നടക്കുന്നത് എന്ന് എനിക്കേ അറിയൂ... അതിനിടയിലാണ് അവളുടെ ഓരോ വർത്തമാനം... പല്ലവ് ആത്മഗതിച്ചു... അതേയ് ഒരു കാര്യം പറഞ്ഞു ഞാൻ നിർത്തിക്കോളാം... എന്താണെന്നു പറഞ്ഞു തുലക്ക്... അവൾ അവളുടെ ഫോണിൽ സിസിടിവി വിഷ്വൽസ് കാണിച്ചു കൊടുത്തു... എടി സാമദ്രോഹി.... നിന്നിൽ നിന്നും ഇത്രയ്ക്കു ഞാൻ പ്രതീക്ഷിച്ചില്ല.... മണ്ടൻ ഞാനാണ്... നീ വിളഞ്ഞ വിത്താണെന്ന് ഞാൻ ഓർക്കണമായിരുന്നു... ഇനി ഇതൊക്കെ എവിടെയൊക്കെ കോപ്പി ചെയ്തു വെച്ചിട്ടുണ്ടെടി നീ... അതൊന്നും പറയില്ല mr.പല്ലവ്... ഇതെനിക്കുള്ള ഒരു കച്ചിത്തുറുമ്പാണ്... ഇത് നിന്റെ അമ്മയും ആയമ്മയും അച്ഛമ്മയും കാണണ്ടേങ്കിൽ നീ ഇനി ഒരു സ്ത്രീയുമായും ഇനി റോങ്ങ്‌ റിലേഷൻ ഉണ്ടാകില്ല...

ആഹാ.. എന്താ മോനെ നിന്റെ ആ... ക്ക് അത്ര എനർജി പോരാല്ലോ.. എങ്കിൽ നീ കുറച്ചു ബൂസ്റ്റ്‌ കലക്കി കൊടുക്ക്‌... അപ്പൊ നല്ല എനർജി കിട്ടും... ബൂസ്റ്റ്നെക്കാൾ എനർജി ചെറുനാരങ്ങക്കാണ്... അതും നൂറു ചെറുനാരങ്ങയുടെ ശക്തിയുള്ള വിം എടുത്താലോ... നീയൊന്നു മിണ്ടാതെരിക്കോ... എന്റെ ഡ്രൈവിംങ്ങിന്റെ കോൺസെൻട്രേഷനാണ് പോകുന്നത്.... അവൻ ഡ്രൈവിംഗിൽ ശ്രദ്ധിച്ചു... പെണ്ണോരുമ്പേട്ടാൽ എന്ന് കേട്ടിട്ടേയുള്ളൂ... അവൻ അവളെ നോക്കി ആത്മഗതിച്ചു... രാവിലെ ലക്ഷ്മി ദേവി പോലെയായിരുന്നു... ഇപ്പോ തനി ഫൂലംദേവിയും... ഓഫീസിൽ എത്തി ഓരോരുത്തരും അവരുടെ ജോലിയിൽ ഏർപ്പെട്ടു... അനു ക്യാബിനിന്റെ പുറത്തേക്കു പോകുന്നത് കണ്ടപ്പോൾ ശാലിനി നേരെ ക്യാബിനിലേക് കയറി... സാർ... ഏതോ ഒരു ഫയൽ നോക്കികൊണ്ടിരുന്ന പല്ലവ് ഫയലിൽ നിന്നും കണ്ണെടുക്കാതെ അവളോട് അകത്തേക്ക് വരാൻ പറഞ്ഞു... വന്നാളുടെ അനക്കമൊന്നും കാണാഞ്ഞപ്പോൾ അവൻ ഫയലിൽ നിന്നും മുഖമുയർത്തി നോക്കി....

അവന്റെ തൊട്ടരികിൽ ശാലിനി... അവനെ വശ്യതയോടെ നോക്കി നിൽക്കുന്നു... ദൈവമേ ഈ കുരിപ്പ് ഇത് എന്ത് ഭാവിച്ചാണ്... ആ കുരിശ് എങ്ങാനും ഇതും കണ്ടോണ്ട് വന്നാൽ തീർന്നു... എന്താ ശാലിനി... എന്താ... ഒന്നുമില്ല... സാറിനെ ഒന്ന് കാണാൻ വേണ്ടി... എപ്പോഴും ആ ആനന്ദ ഇവിടെ ഉള്ള കാരണം എനിക്ക് ഒന്ന് നേരെ മിണ്ടാൻ കൂടി കഴിയുന്നില്ല... എന്താ.... എന്തെങ്കിലും വേണോ... മ്മം... ഇന്നത്തെ രാത്രി എനിക്ക് വേണം... വാട്ട്‌.... അപ്പോഴാണ് അനു ക്യാബിൻ തുറന്നു അകത്തേക്കു വന്നത്... അവൾ രണ്ടുപേരെയും ഒന്നിരുത്തി നോക്കി... നിനക്ക് ക്യാബിനിലേക്ക് വരുമ്പോൾ ഒന്ന് നോക്ക് ചെയ്തൂടെ ആനന്ദ...-ശാലിനി എന്റെ ക്യാബിനിലേക്ക് വരുന്നതിന് ഞാൻ എന്തിനു നോക്ക് ചെയ്യണം... നീ മാത്രമല്ല ഈ ക്യാബിനിൽ ഉള്ളതെന്ന ഓർമ വേണം... ഇവൾ എന്താ ഇവിടെ? -അനു എനിക്ക് അറിയില്ല നന്ദ...-പല്ലവ് ശാലിനി പല്ലവിനെ തുറിച്ചു നോക്കി... പോവാൻ നോക്ക് ശാലിനി... -അനു ഓഹ് ഇപ്പോ നിന്റെ ഭരണമാണോടി. നീ സാറിന്റെ ഓഫീസ് പി എ ആണ്...

അല്ലാതെ സാറിന്റെ കാര്യത്തിൽ സ്റ്റോപ്പ്‌ ഇറ്റ് ശാലിനി... എടി, പോടീ, നീ എന്നൊക്കെ വിളിക്കാൻ നന്ദ നിന്റെ ശമ്പളക്കാരി ഒന്നുമല്ലല്ലോ... റെസ്‌പെക്ട് ഹേർ... അത് പ്രവർത്തിയിൽ ആയാലും സംസാരത്തിൽ ആയാലും.... ബോസ്സിന്റെ പി എക്ക് കൊടുക്കേണ്ട റെസ്‌പെക്ട് ഓക്കേ ഞാൻ കൊടുക്കുന്നുണ്ട് സാർ... അത് മാത്രം പോരാ ശാലിനി... നന്ദക്ക് കൂടി ഷെയറുള്ള കമ്പനിയാണ് ഇത്... അപ്പൊ എനിക്ക് തരുന്ന റെസ്‌പെക്ട് അവൾക്കും കിട്ടണം... ഇത് നല്ല തമാശ... നന്ദക്ക് ഇന്ദ്രപാൽ ഗ്രൂപ്പിൽ ഷെയറോ... ഇവൾക്ക് ഇവിടെ ഷെയർ കിട്ടാൻ ഇവൾ ഇന്ദ്രപാൽ സാറിന്റെ മകളാണോ ശാലിനി പുച്ഛത്തോടെ ചോദിച്ചു... മകളല്ല... മരുമകളാണ്. പല്ലവിന്റെ ഭാര്യ... കേട്ടതിന്റെ ഷോക്ക് വിട്ടുമാറാതെ ശാലിനിയും... ശാലിനി ഒന്നും മിണ്ടാതെ അവിടെ നിന്നും ഇറങ്ങി... പല്ലവ് ഒരിക്കലും അവളെ സേവ് ചെയ്തു സംസാരിക്കും എന്ന് നന്ദയും കരുതിയില്ല... പല്ലവിന്റെ വിവാഹവാർത്ത കാറ്റുപോലെ പെട്ടൊന്ന് ഓഫീസിൽ പരന്നു... ചിലർ അവളെ അസൂയയോടെ നോക്കിയപ്പോൾ ചിലരുടെ കണ്ണിൽ സഹതാപമായിരുന്നു...

എല്ലാം അറിഞ്ഞിട്ടും ഒരു ചതിക്കുഴിയിൽ അറിഞ്ഞു കൊണ്ട് വീണവളോട് തോന്നുന്ന അലിവ്... അന്നത്തെ ദിവസം അങ്ങനെയൊക്കെ പോയി... ഉറങ്ങാൻ കിടന്ന പല്ലവിന്റെ മനസിൽ അനുവിന്റെ മുഖം മാത്രമായിരുന്നു... കട്ടിലിന്റെ ഓരം പറ്റി ചേർന്നു കിടന്നുറങ്ങുന്ന അവളുടെ മുഖത്തേക്ക് തന്നെ നോക്കിയവൻ... മനസ് അവളോടുള്ള സ്നേഹം കൊണ്ട് തുടിക്കുന്നു എന്ന് മനസിലായ നിമിഷം അവൻ ബെഡിൽ നിന്നും എഴുന്നേറ്റു ബാൽക്കണിയിലേക്ക് നടന്നു.... സ്നേഹിക്കണം എന്നുണ്ട് നന്ദ നിന്നെ എനിക്ക്... ആ സമയം നീയും എന്നിൽ നിന്നും അകന്നു പോകുമോ എന്ന ഭയവും... എന്നാൽ നിന്നെ സ്നേഹിക്കുന്നതിൽ നിന്നും എന്നെ വിലക്കുന്നത് നീ എന്റെ അമ്മയെ ബ്ലാക്ക് മെയിൽ ചെയ്ത് എന്റെ ജീവിതത്തിലേക്ക് വന്നതോർക്കുമ്പോൾ മാത്രമാണ്............കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...