💐നീർമിഴിപൂക്കൾ💐: ഭാഗം 17

രചന: ദേവ ശ്രീ

ഹലോ..... അനു ഫോൺ എടുത്തു ചെവിയിൽ വെച്ചു... ഹലോ ആരാണ്... മറുഭാഗത്തു നിന്നും ഒരു പുരുഷ ശബ്ദം ഉയർന്നു.... ചേതൻ അല്ലെ... അതെ... ആരാണ്... എനിക്ക് മനസിലായില്ല... ഞാൻ ആനന്ദയാണ്... പല്ലവിന്റെ വൈഫ്... ആഹാ പറയൂ ആനന്ദ... എനിക്ക് ഒന്ന് കാണാൻ പറ്റുമോ ചേതനെ... എന്നെയോ... എന്താ കാര്യം... അത് ഫോണിലൂടെ പറയാൻ കഴിയില്ല... നേരിട്ട് സംസാരിക്കണം.. ഓക്കേ ആനന്ദ... എങ്കിൽ ഞാൻ ഓഫീസിലേക്ക് വരാം... അയ്യോ ഇവിടെ വെച്ച് വേണ്ട ചേതൻ... നമ്മൾ മീറ്റ് ചെയ്യുന്നത് പല്ലവ് അറിയണ്ട... അതെന്താ... ചേതാ... എനിക്ക് തന്റെ ഒരു ഹെല്പ് വേണം... പ്ലീസ്... കാര്യങ്ങൾ എല്ലാം ഞാൻ നേരിട്ട് പറയാം.. നീ വൈകുന്നേരം സിറ്റിയിലെ ആ ഗാർഡൻ പാർക്കിൽ വരുമോ... മ്മം... വൈകുന്നേരം കാണാം.... എങ്കിൽ ശരി...... അനു ഫോൺ വെച്ച് അവളുടെ ജോലികൾ തുടർന്നു.... 🧡🧡🧡🧡🧡🧡🧡🧡🧡

പി കെ ഗ്രൂപ്പിലെ എംഡി പ്രസാദിനായുള്ള കാത്തിരിപ്പിലായിരുന്നു ഇന്ദ്രനും സുഷമയും.... പ്രസാദിന്റെ പി എ പറഞ്ഞതനുസരിച്ച്‌ അയാൾ മീറ്റിംഗ് കഴിഞ്ഞു വരാൻ ഇനി അധികം സമയമില്ല.... ഇന്ദ്രനും സുഷമയും അയാൾക്ക്‌ വേണ്ടി കാത്തിരുന്നു...ഇന്ദ്രന്റെ മുഖം ശാന്തമായിരിക്കുന്നെങ്കിൽ സുഷമയുടെ മുഖം ആകുലതകളാൽ നിറഞ്ഞു നിന്നു... മീറ്റിംഗ് കഴിഞ്ഞു ഇറങ്ങിയ പ്രസാദ് തനിക്കു ഒരു വിസിറ്റർ ഉണ്ടെന്നറിഞ്ഞു വിസിറ്റിംഗ് റൂമിലേക്ക്‌ നടന്നു... ഡോർ തുറന്നു അകത്തേക്കു കയറിയ പ്രസാദ് ഇന്ദ്രപാലിനെ കണ്ടു ഒന്ന് സ്റ്റക്കായി നിന്നു... പിന്നീട് ഇന്ദ്രാ എന്നും വിളിച്ചു കെട്ടിപിടിച്ചു... തൊട്ടരികിൽ നിൽക്കുന്ന സുഷമയെ കണ്ടതും പ്രസാദിന്റെ ചിരി മങ്ങി..... പിന്നെ എന്തോ ഓർത്ത് അയാൾ സുഷമക്ക് നേരെ നോക്കി ഒരു പുഞ്ചിരി സമ്മാനിച്ചു... ഇരിക്കൂ തന്റെ ഓഫീസിലേക്ക് വന്നവരെ അയാൾ സ്നേഹപൂർവ്വം സ്വീകരിച്ചിരുത്തി...

എത്ര കാലമായഡാ കണ്ടിട്ട്.. എന്താ നിന്റെ വിശേഷങ്ങൾ? പാറുവും മക്കളും സുഖമായിരിക്കുന്നോടാ... നീ പണ്ട് പറഞ്ഞ പോലെ രണ്ടും കൂടി പത്തുപന്ത്രണ്ടു മക്കളെയും പെറ്റുകൂട്ടി വളർത്തിയോ... പ്രസാദിന്റെ ചോദ്യങ്ങൾക്ക് മറുപടിയായി ഒന്ന് പുഞ്ചിരിച്ചതെയുള്ളൂ ഇന്ദ്രപാൽ..... ആ ചിരി മങ്ങാതെ തന്നെ ഇന്ദ്രൻ പ്രസാദിനോട്‌ വിശേഷങ്ങൾ ചോദിച്ചു... നിന്റെ വിശേഷങ്ങൾ പറയൂ... ഫാമിലി ഓക്കേ? ഫാമിലി... അതും പറഞ്ഞു അയാൾ സുഷമയെ നോക്കി.... ബാച്‌ലറാണ്... ചിലരുടെ സ്ഥാനങ്ങൾക്ക് പകരം വെക്കാൻ മറ്റുചിലർക്ക് സാധിക്കില്ല എന്ന് തോന്നിയത് കൊണ്ട് കല്യാണത്തെ പറ്റി ചിന്തിച്ചില്ല... ഒരുനിമിഷത്തെ മൗനത്തിനു ശേഷം പ്രസാദ് പറഞ്ഞു സത്യം പറഞ്ഞാൽ ഇന്ദ്രാ നീ ഇത്രയും കാലം കഴിഞ്ഞു എന്നെ തിരക്കിവരുമെന്ന് സ്വപ്‌നത്തിൽ പോലും ഞാൻ കരുതിയില്ല..

ചിലകണ്ടുമുട്ടൽ ജീവിതത്തിൽ അനിവാര്യമാണ്... അതിന് ദൈവം ഒരു സമയം നിശ്ചയിച്ചിട്ടുണ്ട്... അല്ലെങ്കിൽ ഈ ഇരുപത്തിയഞ്ചു കൊല്ലം നിന്നെ ലോകം മുഴുവൻ തിരഞ്ഞിട്ടും കണ്ടുകിട്ടിയപ്പോൾ ഏറെ വൈകിയില്ലേ... പ്രസാദ് ഒന്ന് മൂളി.... അല്ല സുഷമയുടെ ഫാമിലി? ഫാമിലി... ഇത്രനിസാരമായി ചോദിച്ചു പ്രസാദേ നീ അത്.... പിന്നീട് ഇന്ദ്രൻ പറഞ്ഞ കാര്യങ്ങൾ കേട്ട് കരയണോ സന്തോഷിക്കണോ എന്നറിയാൻ വയ്യാതെയായി പ്രസാദിന്.. സുഷമയെ പ്രസാദിന്റെ കൈകളിൽ ഏല്പിച്ചു തിരികെ പോരുമ്പോൾ ഇന്ദ്രന്റെ മനസ്സിൽ നിറഞ്ഞ സംതൃപ്തിയായിരുന്നു... കഴിഞ്ഞ 25 വർഷം ഉറ്റസുഹൃത്തിന് നൽകിയ വാക്ക് പാലിച്ചു അവളെ അവനെ ഏൽപ്പിച്ചതിന്റെ.... ഇന്ദ്രൻ പോകുന്നത് നോക്കി പ്രസാദിന്റെ അരികിൽ നിൽക്കുന്ന സുഷമ പറഞ്ഞു.... എനിക്ക് വേണ്ടി ജീവിതത്തിന്റെ പകുതിയും ഉപേക്ഷിച്ച മനുഷ്യൻ...

ഒരു സുഹൃത്തായും കൂടെപിറപ്പായും കൂടെ നിന്ന് ഇത് വരെ എനിക്ക് അഭയം തന്നപ്പോൾ പ്രണയവും പ്രാണനെ പോലെ കണ്ടവളെയും സ്വന്തം ചോരയെയും ചേർത്തു പിടിക്കാൻ കഴിയാതെ നിസഹനായി നിൽക്കുന്നത് ഞാൻ പല തവണ കണ്ടിട്ടുണ്ട്. തിരിച്ചുള്ള യാത്രയിൽ ഇനി എന്ത് എന്ന ചോദ്യം ഇന്ദ്രന്റെ മനസിൽ ആവർത്തിച്ചാവർത്തിച്ചു വന്നു.... ഒരു വാക്കിൻ പുറത്ത് താൻ നഷ്ട്ടപെടുത്തിയവ ഇനിയൊരിക്കലും തിരികെ കിട്ടില്ല എന്നോർത്ത് അയാളുടെ മനസൊന്നു വിങ്ങി.... കണ്ണുകളിൽ കണ്ണുനീർ നനവ് പടർന്നു.... അച്ഛന്റെ മരണം പോലും തന്റെയൊരു തീരുമാനത്തിന് പിന്നിൽ ആയിരുന്നു എന്നോർക്കുമ്പോൾ ഇടനെഞ്ചു പൊട്ടുന്ന പോലെ തോന്നി അയാൾക്ക്‌.... ഇനിയുള്ള പരീക്ഷണങ്ങൾ അറിയാതെ അയാൾ വീട്ടിലേക്ക് യാത്ര തിരിച്ചു..........കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...