💐നീർമിഴിപൂക്കൾ💐: ഭാഗം 45

രചന: ദേവ ശ്രീ

ആനന്ദ... അവളുടെ നാവിൽ നിന്നും വീഴുന്ന മധുരമായ ശബ്ദം കേട്ട് അവർ മൂന്നുപേരും ഒരുപോലെ ഞെട്ടി... ഇത്രേം നല്ല വോയിസ്‌ ഉണ്ടായിട്ടാണോ ഇവൾ ഇന്നലെ ആംഗ്യം കാണിച്ചത്... വിഷ്ണു അമ്പരപ്പോടെ പറഞ്ഞു നേരെ നോക്കിയത് ജീവയുടെ മുഖത്തേക്കാണ്... വിഷ്ണുവിനെ ഒന്ന് കൂർപ്പിച്ചു നോക്കി ജീവ പറഞ്ഞു... അവളെന്താ നമ്മളെ കുറിച്ച് വിചാരിച്ചത് വല്ല ബഫൂൾസ് ആണെന്നോ? ശരിയാക്കി തരാടി നിന്നെ.. ആനന്ദ സെൽഫ് ഇൻഡ്രോഡ്യൂസ് ചെയ്തു സീറ്റിൽ ഇരുന്നു.... സ്വഭാവികമായും അവളുടെ നോട്ടം ചെന്നെത്തി നിന്നത് അവളുടെ മുന്നിലെ സീറ്റിൽ ഇരിക്കുന്ന ജീനയിലും എതിർവശത്തിരിക്കുന്ന ജീവയിലും വിഷ്ണുവിലുമാണ്... അവരെ നോക്കി ഒന്ന് സൈറ്റടിച്ചു അവൾ ബുക്ക്‌ എടുത്തു... അനുവിന്റെ കാട്ടികൂട്ടൽ കണ്ടു രണ്ടുപേർക്കും ചിരി വന്നെങ്കിലും രണ്ടുപേരും മുഖത്ത് കൃത്രിമ ദേഷ്യം വരുത്തി....

അവളോട് ഇന്റർവെല്ലിന് സംസാരിക്കണം എന്ന് കരുതി മൂന്നുപേരും അവളെ തിരഞ്ഞുവെങ്കിലും കാണാൻ കഴിഞ്ഞില്ല... ലഞ്ച് ടൈമിലും അവളെ കാണാൻ കഴിഞ്ഞില്ല.... ********** ഫസ്റ്റ് ഫ്രീ ടൈം കിട്ടിയതും അനു കോമേഴ്‌സ് ബ്ലോക്കിലേക്ക് വേഗം നടന്നു... പല മുഖങ്ങളും കണ്ടു പരിചയം ഉണ്ടെങ്കിലും അനുവിന് അവളുടെ സുഹൃത്തുക്കളെ കാണാൻ തിടുക്കാമായിരുന്നു... ആനന്ദ, ഫെബ, കാർത്തിക അവർ മൂന്നുപേരും പത്താം ക്ലാസ്സ്‌ വരെ കട്ട ചങ്ക്‌സ് ആയിരുന്നു... പ്ലസ് വണ്ണിലേക്ക് അവർ രണ്ടുപേരും കോമേഴ്‌സും അനു സയൻസും എടുത്തു.... അവൾ അവരെ വല്ലാതെ മിസ്സ്‌ ചെയ്തിരിന്നു.... സയൻസ് ആയത് കൊണ്ട് തന്നെ ക്ലാസ്സിൽ ഭൂരിപക്ഷം കുട്ടികളും ബുജികളായിരുന്നു... ഇനി അവളുടെ റേഞ്ച് ഉള്ള ടീംസിനെ കണ്ടുപിടിക്കുന്നത് വരെ അനു ക്ലാസ്സിൽ ഒറ്റക്കായത് കൊണ്ടാണ് നേരെ അവരുടെ അടുത്തേക്ക് പോയത്... കാർത്തികക്കും ഫെബക്കും അരികിൽ നിന്ന് സംസാരിക്കുന്നതിനിടയിലാണ് കാർത്തിക ഒരു ലഞ്ച് ബോക്സ്‌ അനുവിന് നേരെ നീട്ടിയത്....

ഇത് എന്താ കാർത്തു? നിന്റെ ഫെവേറേറ്റാടി... ഇന്ന് മേലെത്തെ വീട്ടിലെ വത്സലെച്ചിടെ മോൾടെ വയസറിയിച്ച കല്യാണം ആയിരുന്നടി... അതെ... അപ്പൊ ഇളനീരും ശർക്കരയുമാണോ ഇതിൽ? ആഹാടി പെണ്ണെ... അവിടെ തോനെ ഉണ്ടായിരുന്നു... അപ്പൊ ഞാൻ കുറച്ചു പാത്രത്തിലാക്കി എടുത്തു... ഇയ്യ് മുത്താണ്... കാർത്തുന്റെ കവിളിൽ പിച്ചി ഉമ്മ വെച്ച് അനു ബോക്സ്‌ തുറന്നു ഓരോന്ന് കഴിച്ചു... കൂട്ടത്തിൽ അവർക്കും കൊടുത്തു ഓരോ പീസ്... എടി ആ സച്ചിട്ടേന് നിന്നെ ഇഷ്ട്ടമാണ് എന്ന് തോന്നുന്നു... -കാർത്തു അത് കേട്ട് അനു പൊട്ടിച്ചിരിച്ചു... നീ വല്ലാതെ ചിരിക്കേണ്ട... ഇന്നലെ എന്നെ കണ്ടപ്പോൾ നിന്നെ കുറിച്ച് ചോദിച്ചു... -കാർത്തു അതോ... അത് ഞാൻ ഇന്നലെ നൈസ് ആയി ഒരു പണികൊടുത്തു... അത് ഞാൻ ആണെന്ന് മനസിലായി കാണും.... അനു ഇന്നലെ നടന്നതെല്ലാം അവരോട് വിശദീകരിച്ചു പറഞ്ഞു... ഒപ്പം ജീനയുടെയും ജീവയുടെയും വിഷ്ണുവിന്റെയും കാര്യവും.... അത് കേട്ട് ഫെബ പൊട്ടി ചിരിച്ചു.... നീ കണ്ടിട്ടില്ലേ കാർത്തു, ലവ് സ്റ്റാർട്ടിങ് തന്നെ ഉടക്കിലാണ്... അതെ...

ഞാനും ഒരു ഗിരിയെയും പൂജയെയും കാണുന്നുണ്ട് ഇവരിൽ... ആഹാടി... ഞങ്ങൾക്ക് ജനിക്കുന്ന പെൺകുട്ടിക്ക് മൃദുല എന്ന് പേരും ഇടാം.... നിന്റെ ഓക്കെ വാക്ക് കേട്ട് പ്രണയം എന്താണ് എന്നറിയാൻ പാടില്ലാത്ത സമയത്ത് ആ ജന്തുനോട്‌ ഇഷ്ട്ടമാണ് എന്ന് പറയാൻ ചെന്നപ്പോൾ അങ്ങേര് പറയാ... എന്റെ ജീവിതത്തിൽ ഒരു പെണ്ണെ ഉള്ളൂ... അത് മൃദുലയാണ് എന്ന്... അതും അവളുടെ മുന്നിൽ വെച്ച് അവളെയും ചേർത്ത് പിടിച്ച്... ഒന്നല്ലെങ്കിൽ ഞാൻ ഏഴാം ക്ലാസ്സിൽ പഠിക്കുന്ന ഒരു കൊച്ചു കുട്ടിയാണ് എന്ന് കൂടി ഓർക്കാതെ..... അതിലെന്താ അനു തെറ്റ്... അന്ന് സച്ചിഏട്ടൻ മൃദുലയെ സ്നേഹിച്ചിരുന്ന സമയമായിരുന്നു... നല്ലൊരു ആലോചന വന്നപ്പോൾ അവൾ നൈസ് ആയി അവരെ ഒഴിവാക്കി... ഇപ്പോ ആള് സിംഗിൾ അല്ലെ... അത്‌ കൊണ്ട് നിനക്ക് നോക്കാലോ... പിന്നെ എന്റെ പട്ടി നോക്കും...

ഇന്നലെ കൂടി രാവിലെ എന്റെ മഞ്ഞ ചുരിദാറിൽ നിറച്ചു ചെളി തെറിപ്പിച്ചു പോയവനാണ്.. ആ ദേഷ്യം ടയർ പഞ്ചറാക്കി അങ്ങ് തീർത്തപ്പോൾ ഒരു സമാധാനം കിട്ടിയത്... അത് വിട് പിള്ളേരെ... ഞാൻ പോട്ടെ.... അതും പറഞ്ഞു അനു തുള്ളി ചാടി ക്ലാസ്സിലേക്ക് പോയി.... വൈകുന്നേരം ക്ലാസ്സ്‌ കഴിഞ്ഞു അനു നേരെ ഇറങ്ങി ഓടി.... ഒരു ലോലിപ്പോപ്പ് വാങ്ങി അതും വായയിൽ ഇട്ട് അവൾ പതിയെ ഓരോ കാഴ്ചകളും കണ്ടു നടന്നു.... എന്നും കാണുന്ന കാഴ്ചകലാണെങ്കിലും ഒറ്റക്കുള്ള വരവും പോക്കുമായതിനാൽ ആ കാഴ്ചകൾ അവൾക്ക് ഒരു പുതുമയായിരുന്നു... നടന്നു ഹാജ്യാരുടെ പറമ്പിന്റെ അവിടെ എത്തിയതും അനു തൊടിയിൽ ആരെങ്കിലും ഉണ്ടോ എന്ന് ഏന്തി വലിഞ്ഞു നോക്കി... ഇല്ല ആരെയും കാണാനില്ല... ഹാജ്യാർ ഈ നാട്ടിലെ വലിയ ഒരു പ്രമാണിയാണ് ആ ഭാഗത്തുള്ള മിക്ക പറമ്പുകളും അയാളുടെ ആണ്... അനു ഒന്ന് കുതിച്ചു മതിലിലേക്ക് വലിഞ്ഞു കയറി.... പറമ്പിലേക്ക് ചാടി... നേരെ അവൾ ആപ്പിൾ ചാമ്പക്കയുടെ അടുത്തേക്ക് നടന്നു...

അതിൽ നിന്നും കുറച്ചേണ്ണം പറിച്ചു ബാഗിലിട്ട്, കയ്യിൽ പിടിച്ച ചാമ്പക്ക ഒന്ന് കടിച്ചു നേരെ മതിൽ എടുത്തു ചാടി.... ################## എന്നാലും ഇവളെന്താ വല്ല ഓടിയന്റെ ജന്മമാണോ? നിന്ന നിൽപ്പിൽ കാണാതെ ആവാൻ.... മൂവർ സംഘം ക്ലാസ്സ്‌ കഴിഞ്ഞു നടന്നു വരുമ്പോൾ അവളെ കുറിച്ച് ഓരോന്ന് സംസാരിച്ചു വരുവായിരുന്നു... അമ്മേ..... അത് ജീവയുടെ അലർച്ചയായിരുന്നു.... അനു മതിൽ എടുത്തു ചാടിയത് നേരെ ജീവയുടെ മേൽക്കായിരുന്നു... ദേ കിടക്കുന്നു ജീവയും അവന്റെ മുകളിൽ അനുവും.... അനു ആണ് എന്ന് കണ്ടതും ജീവ ഒറ്റ അലർച്ചയായിരുന്നു... ഡി....... അനു പെട്ടൊന്ന് ചാടി എഴുന്നേറ്റു.... സോറി... സോറി.... അവളും അവളുടെ ഒരു ചോറിയും... നീ എന്താടി വല്ല വാനാര ജന്മമാണോ? ടോ... തെറ്റ് എന്റെ ഭാഗത്തായി പോയി... അല്ലെങ്കിൽ ഉണ്ടല്ലോ? അല്ലെങ്കിൽ എന്താടി... ജീവയും കയർത്തു...

വല്ലാതെ സംസാരിച്ചു സമയം കളയാൻ എനിക്ക് ഇഷ്ട്ടമല്ല... ഞാൻ ഒന്ന് ഒച്ചവെച്ചാൽ, ഉറക്കെ കരഞ്ഞാൽ തീരാവുന്നതേ ഉള്ളൂ നീയൊക്കെ.... ഇതേ എന്റെ നാടാണ്.... അനുവിന്റെ കൂളായ സംസാരം കേട്ട് മൂന്നുപേരും അറിയാതെ വാ തുറന്നു.... നീയൊക്കെ എന്തിന്റെ കുഞ്ഞാടി.... ആനേ........ സൈഡിലൂടെ ഉള്ള റോഡിൽ നിന്നും ഉയർന്ന ശബ്ദം കേട്ട് എല്ലാവരും അങ്ങോട്ട് നോക്കി... എന്താ ആനേ ഇവിടെ പ്രശ്നം? ആനെന്ന് തന്റെ കെട്ട്യോളെ പോയി വിളിക്കടാ പന്നി... ഇവിടുത്തെ പ്രശ്നം തീർത്തു തരാൻ താനാരാ പഞ്ചായത്ത്‌ പ്രസിഡന്റോ... എന്നാലും നമ്മൾ ഒരു നാട്ടുക്കാരല്ലേ ആനേ... അനു പല്ലുകൾ ഇരുമ്മി... ഇന്നലെ ചളി ദേഹത്തു തെറിപ്പിച്ചതിന് ഞാൻ വണ്ടി പഞ്ചറാക്കിയതേ ഉള്ളൂ... ഇനിയും എന്നെ ഓരോന്ന് പറഞ്ഞു കളിയാക്കിയാൽ ഞാൻ ആ വണ്ടി അങ്ങ് കത്തിച്ചു കളയും... ആനന്ദയെ അറിയില്ല തനിക്ക്... ഓഹ്... എനിക്ക് അറിയാം ഈ ആനയെ.... ഒരു തരം നാണത്തിൽ കലർന്ന പുഞ്ചിരിയുമായി സച്ചി പറഞ്ഞു....

ആ സംസാരം കേട്ടതും അനു നിലത്ത് കിടന്ന കല്ലെടുത്തു സച്ചിക്ക് നേരെ എറിഞ്ഞു... കല്ലെടുക്കാൻ കുനിഞ്ഞ അനുവിനെ കണ്ടതും സച്ചി വണ്ടി സ്റ്റാർട്ടാക്കി... പക്ഷെ ഏതു മാവിലും കല്ലെറിഞ്ഞു മാങ്ങാ വീഴുത്തുന്ന നമ്മുടെ നായികക്ക് ഒടുക്കത്തെ ഉന്നമായത് കൊണ്ട് കറക്റ്റ് അവന്റെ നടുംപുറം നോക്കി കിട്ടി... ഉന്നം തെറ്റാത്തതിൽ സന്തോഷിച്ചു അനു നേരെ നോക്കിയത് അവരുടെ മുഖത്തേക്കായിരുന്നു... നീയാരാ ചട്ടമ്പി കല്യാണിയോ? ചുമ്മാ... പിടിച്ചു നിൽക്കണ്ടേ... അയ്യോ... സമയം ഒരുപാട് ആയി കാണും... നമുക്ക് നാളെ ഡീറ്റെയിൽ ആയി കാണാം... ശരി... അനു അതും പറഞ്ഞു വെപ്രാളപ്പെട്ടു നടന്നു... പിന്നെ എന്തോ ഓർത്ത് തിരിഞ്ഞു നിന്ന് പറഞ്ഞു... ജീന... ഇത്രേം പാവമാവരുത് കേട്ടോ... അവളെ നോക്കി ഒന്ന് കണ്ണിറുക്കി അനു വേഗത്തിൽ നടന്നു.... അനുവിന്റെ ആ പ്രവൃത്തി കണ്ടു വിഷ്ണുവിന്റെ നാവുകൾ അറിയാതെ ചലിച്ചു "കാന്താരി"..............കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...