നിന്നിലൂടെ പെണ്ണെ: ഭാഗം 32

എഴുത്തുകാരി: സജന സാജു

രാവും പകലുകളും മാറി മാറി പൊക്കോണ്ടിരുന്നു.... നീണ്ട 10 ദിവസത്തെ ആശുപത്രി വാസം ഇന്ന് തീരുകയാണ്.....ഹരി ഈ സമയത്തൊന്നും തന്നെ ഗൗരിയോട് തന്റെ ആക്‌സിഡന്റിനെ കുറിച്ച് ഒന്നും തന്നെ പറഞ്ഞില്ല... മറ്റൊരു വാഹനം തട്ടിയെന്നും താൻ എവിടോ ചെന്നിടിച്ചെന്നും ആണ് അവൻ എല്ലാരോടും പറഞ്ഞത്...... എന്നാൽ ഹരി ഇങ്ങനൊക്കെ മറ്റുള്ളവരോട് പറയുമ്പോൾ കത്തുവിന്റെ മുഖത്ത് വിരിയുന്ന ആശ്വാസം അവൻ കാണുന്നുണ്ടായിരുന്നു..........  " പതുക്കെ..... " ഹരിയെ കട്ടിലിലേക്ക് കിടത്തിക്കൊണ്ട് ഗൗരി പറഞ്ഞു..... " നമ്മുടെ മുറിയായിരുന്നു നല്ലത്... അവിടുത്ത സുഖമൊന്നും ഈ മുറിയിൽ ഇല്ല..... " " അതെന്താ.... " ഹരിയുടെ വാക്കുകൾ കേട്ടതും അവൾ ചോദിച്ചു.... " ഇവിടെയുള്ള മുറിയിലൊക്കെ ചെറിയൊരു ശബ്ദം കേട്ടാൽ പോലും അപ്പുറത്തെ മുറിയിലുള്ളവർ കേക്കും.... " അവൻ ഒരു കല്ലചിരിയോടെ പറഞ്ഞു... പക്ഷെ അവൻ പറഞ്ഞതിന്റെ അർഥം മനസ്സിലാകാതെ അവൾ അവനെ തന്നെ നോക്കി നിന്നു..... " എന്താടി ഇങ്ങനെ നോക്കുന്നെ...... ഇങ്ങനെ നോക്കുമ്പോഴേ എനിക്ക് നിന്നെ കടിച്ചു തിന്നാന തോനണത്..... " കീഴ്ച്ചുണ്ട് കടിച്ചു കൊണ്ട് അവൻ അവളെ നോക്കി.... പെണ്ണിന്റെ മുഖം ചെന്തമര കണക്കെ ചുവന്നു തുടുത്തിട്ടുണ്ട്... പെട്ടെന്ന് ആ ഭാവം അങ് മാറി....

" ദെ ഹരിയേട്ടാ... മിണ്ടാതെ കിടന്നേ.. നേരെ ചൊവ്വേ എണീക്കാൻ പറ്റില്ല അപ്പോഴാ.. ഇങ്ങനെ ഓരോന്ന് പറയണത്,....... മര്യാദക്ക് കണ്ണടച്ചു കിടന്ന് റസ്റ്റ്‌ എടുത്തോ.... " കള്ളാദേശ്യത്തോടെ അവൾ അവനെ നോക്കിയപ്പോ അവനൊരു ഫ്ലയിങ് kiss അവൾക്കായി കൊടുത്തു... " ഈ മനുഷ്യൻ നന്നാവൂല്ലാ.... ഞാൻ പോണു.... " അവൾ വാതിലിലേക്ക് തിരിഞ്ഞു... " ഗൗരി.. പോകല്ലെടി... തനിച് ബോറടിക്കും..... " " അച്ചോടാ... എന്റെ പൊന്നിവിടെ കിടക്ക്... ഞാൻ ദാ വരണു.... ഏട്ടന്റെ മരുന്ന് ഇരിക്കുന്ന ബാഗ് വെളിയിലാ.. അതെടുക്കട്ടെ.... " അവനൊരു പുഞ്ചിരി സമ്മാനിച്ചുകൊണ്ടവൾ അവിടെ നിന്നും പോയി..... ഇത്രയും നേരം എല്ലാരോടും ചിരിച്ചു കളിച്ചു സംസാരിക്കുന്നെങ്കിലും അവന്റെ മനസ്സിൽ മുഴുവൻ കാത്തുവിനോടുള്ള പകയാണ്.... പക്ഷെ എങ്ങനെ അവളോട് പകരം ചോദിക്കണം എന്നവന് ഒരു തീരുമാനത്തിൽ എത്താൻ സാധിച്ചില്ല.... " എന്തായാലും പോലീസിനെ കൊണ്ട് അവളെ പിടിപ്പിക്കാൻ ഉദ്ദേശമില്ല... അവൾ എന്നോട് ചെയ്ത ചതിക്ക് അതിലും വലുത്... ഒരുപാട് വലിയ ശിക്ഷ കൊടുക്കണം.... "

അവൻ ഓരോന്ന് ആലോചിച്ചു കൊണ്ടേ ഇരുന്നു... പെട്ടെന്നാണ് അവൻ ഒരു തീരുമാനത്തിൽ. എത്തിയത്.... " അതെ അവൾക്കുള്ള ശിക്ഷ ഞാൻ കണ്ടു പിടിച്ചിരിക്കുന്നു... " ക്രൂരമായ ഒരു പുഞ്ചിരി അവന്റെ ചുണ്ടിൽ തിളങ്ങി... പകയെറിയുന്ന കണ്ണുകൾ അവൻ പതിയെ അടച്ചു.... ₹ " ഹെലോ... ആരാ.... " കാത്തുവിന്റെ മൊബൈലിൽ ഒരു ആൻനോൺ നമ്പർ വന്നതും അവൾ കാൾ അറ്റൻഡ് ചെയ്തു ചോദിച്ചു..... " ഡി.. ഞനാ രാജേഷ്.... " അത് രാജേഷ് ആണെന്നറിഞ്ഞ നിമിഷം അവളിൽ കൂടി ഒരു വെള്ളിടി പായിഞ്ഞു പോയപോലെ അവൾക്ക് തോന്നി.. " നീ.. നീ എന്തിനാ എന്നെ വിളിച്ചേ... " കാത്തുവിന്റെ തൊണ്ടവരണ്ടെങ്കിലും അവൾ ഇങ്ങനൊക്കെയോ ചോദിച്ചു... " അത് ശെരി.. എനിക്ക് നിന്നെ വിളിച്ചൂടെ..... നമ്മൾ പഴയ പോലെ അല്ലല്ലോ.... ഒരുപാട് രഹസ്യo അറിയാവുന്നവരല്ലേ.... " " രഹസ്യം പോലും..... എനിക്ക് നിന്നോടൊന്നും സംസാരിക്കാനില്ല രാജേഷ്..... എനിക്കിപ്പോ പേടിയാ... ഹരി... അവൻ എല്ലാം എല്ലാരോടും തുറന്നു പറഞ്ഞാൽ.... തീർന്നു.... നിന്നെ അവൻ കണ്ടായിരുന്നോ.... "

അവളുടെ മനസ്സിൽ വന്ന ചോദ്യം മുഴുവൻ അവൾ അവനോട് ചോദിച്ചു കൊണ്ടിരുന്നു.... " മ്മ്.... അവനു ഞാനാ അത് ചെയ്തേതെന്ന് നന്നായിട്ടറിയാം.... " അവൻ പറഞ്ഞത് കേട്ട് അവളുടെ കാലുകൾ കുഴയുന്ന പോലെ അവൾക്ക് തോന്നി..... പെട്ടെന്ന് അവൾ കട്ടിലിലേക്ക് ഊർന്നിരുന്നു.... " എ... ന്താ.... പറഞ്ഞെ ഹരിക്ക് നിന്നെ മനസ്സിലായെന്നോ... ഈശ്വരാ.... " " നീ പേടിക്കണ്ട കാത്തു.. നിന്നെ ഞാൻ കാട്ടിക്കൊടുക്കില്ല... ഞനിപ്പോ ഒളിവിലാ.... " " ഒളിവിലോ...? " " മ്മ്.... അതാ നല്ലത്... കുറച്ചു നാൾ ഇവിടെ നിന്നും ഒന്ന് മാറി നിൽക്കണം.... അവന്റെ കണ്ണിൽ പെടാതെ....... " " എങ്ങോട്ടേക്ക്..... " " അറിയില്ല... എന്തായാലും കുറച്ചു ദൂരം പോണം.... ഇനി ഇവിടെ നിക്കുന്നില്ല.... " അതിനവൾ ഒന്ന് മൂളി.... " പിന്നെ.. എനിക്ക് കുറച്ചു പണം വേണമായിരുന്നു..... എനിക്ക് ഇവിടെ നിന്നും മാറിയാലും ജീവിക്കണ്ടേ.... " " എത്ര വേണം... " " കുറഞ്ഞത് ഒരു 3 ലക്ഷം എങ്കിലും... " അവന്റെ വാക്കുകൾ കേട്ടതും അവൾ ഞെട്ടി... " മൂന്ന് ലക്ഷമോ... നീ കളിക്കുകയാണോ... എന്റെ കയ്യിൽ അത്രയും പണം ഇല്ല... അന്ന് തന്നെ എന്റെ ഫീസ് അടക്കാനുള്ള പണമാണ് ഞാൻ നിനക്ക് തന്നത്... "

" നിന്റെ കയ്യിൽ ഇല്ലെങ്കിൽ നിന്റെ അച്ഛന്റെ കയ്യിൽ കാണില്ലേ.... നീ ചോദിക്ക്.. നിന്റെ അച്ഛൻ തരും.... " അവന്റെ സംസാരത്തിന്റെ ദിശ മാറുന്നതിനനുസരിച് അവൾക്ക് ദേഷ്യo കൂടി വന്നുകൊണ്ടിരിക്കുന്നു ..... " ഇല്ല... ഇനി പണമൊന്നും എന്റെ കയ്യിൽ നിന്നും നീ പ്രതീക്ഷിക്കണ്ട....... ഇനി എന്നെ വിളിക്കുകയും അരുത്... " അവൾ ഫോൺ കട്ട്‌ ചെയ്തു.... പക്ഷെ അവൻ തുടരെ തുടരെ വിളിച്ചുകൊണ്ടിരുന്നു..... കുറച്ചു നേരം അവൾ ഫോൺ എടുത്തില്ല അവസാനം അവൾ ഫോൺ എടുത്തു... " എന്താ നിനക്ക് വേണ്ടത്... ഇങ്ങനെ ശല്യപെടുത്തരുത് എന്ന് ഞാൻ പറഞ്ഞില്ലേ.... " അവളുടെ ശബ്ദത്തിൽ ദേഷ്യം നിറഞ്ഞു നിന്നു... എന്നാൽ മരുഭാഗത്ത് നിന്നും അവന്റെ ചിരി ഉയർന്നതും എന്താണെന്ന് മനസ്സിലാക്കാതെ കത്തു അവന്റെ വാക്കുകൾക്ക് കാതോർത്തു... " മോളേ കാർത്തികേ.... പണം ഞാൻ പറയുന്ന സമയത്ത് എന്റെ കയ്യിൽ എത്തിയില്ലെങ്കിൽ... ഹരിയെ കാണാൻ ഞാൻ വരും... പക്ഷെ അങ്ങനെ ഞാൻ വന്നാൽ അവൻ കൊല്ലാൻ പോണത് എന്നെയല്ല... നിന്നെയാണ്..... "............ തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...