നിശാഗന്ധി: ഭാഗം 12

രചന: മഴത്തുള്ളി

"അമ്മേ വാവച്ചിയെ എടുക്ക്.... വാവച്ചി രണ്ട് കൈയും പൊക്കി പിടിച്ചു അച്ചുവിനോട് പറഞ്ഞു. അച്ചുവിന് വയറു വേദന കൊണ്ട് ഒന്ന് നിക്കാനോ ഇരിക്കനോ പറ്റാത്ത അവസ്ഥ ആയിരുന്നു. "അമ്മക്ക് വാവു ആണ് വാവച്ചി... വാവച്ചിയെ അച്ഛ എടുക്കാം... ഇങ്ങ് വായോ.... അതും പറഞ്ഞു ശ്രീ തന്റെ കൈകൾ വാവച്ചിയുടെ നേർക്ക് നീട്ടി. "ബേണ്ടാ എന്നെ അമ്മ എത്താൽ മതി.... അതും പറഞ്ഞു വാവച്ചി അച്ചുവിന്റെ കാലിൽ ചുറ്റി പിടിച്ചു. "അമ്മയുടെ വാവച്ചിയെ അമ്മ എടുക്കുവല്ലോ.... ഇങ്ങ് വാടി കുറുമ്പി.... അതും പറഞ്ഞു അച്ചു വാവച്ചിയെ എടുക്കാൻ ആയി കൈ നീട്ടി. "വയ്യാത്തത് അല്ലെടോ... എന്തിനാ കഴിയാത്തത് ചെയുന്നത് ഞാൻ എടുക്കില്ലായിരുന്നോ... അപ്പോഴേക്കും അച്ചു വാവച്ചിയെ എടുത്തിരുന്നു. വാവച്ചി ആണെങ്കിൽ അച്ചുവിന്റെ കഴുത്തിൽ കൈ ഇട്ട് നല്ല ഗമയിൽ ഇരിക്കുവാണ്. അച്ചുവിന്റെ കവിളിൽ കെട്ടിപ്പിടിച്ചു കുറെ മുത്തം കൊടുത്തു. "മുത്തം തരാനാ വാവച്ചി എടുക്കാൻ പറഞ്ഞെ... ഇനി താഴെ ഇറക്കു... അമ്മക്ക് വാവു അല്ലെ.... വാവച്ചി അച്ചുവിനെ നോക്കി സങ്കടത്തോടെ പറഞ്ഞു. "അമ്പടി കേമി.... നീ ആൾ കൊള്ളാല്ലോ.... ഇങ്ങ് വാ അച്ഛെടെ മുത്ത്.... അതും പറഞ്ഞു ശ്രീ വാവച്ചിയെ അച്ചുവിന്റെ കൈയിൽ നിന്നും എടുത്തു. "വാ ശ്രീയേട്ടാ എന്തെങ്കിലും കഴിക്കാം....

അതും പറഞ്ഞു അച്ചു എല്ലാരേയും കൂട്ടി കൊണ്ട് ഡൈനിങ്ങ് ഹാളിലേക്കു നടന്നു. എല്ലാവരും പെട്ടെന്ന് തന്നെ ആഹാരം കഴിച്ചു കഴിഞ്ഞു. അച്ഛൻ കൃഷിയുടെ കാര്യവും പറഞ്ഞു വിളയിലേക്കു പോയി. ശ്രീ ഇപ്പോൾ വരാന്ന് പറഞ്ഞു കാറുമായി പുറത്തേക്ക് ഇറങ്ങി. അച്ചുവും വാവച്ചിയും വേറെ ജോലി ഒന്നും ഇല്ലാത്തോണ്ട് റൂമിലേക്ക് പോയി. രണ്ടുപേരും പോയി ബെഡിൽ കിടെന്നു. അപ്പോഴേക്കും വാവച്ചിക്ക് കാർട്ടൂൺ കാണണം എന്ന് ഭയങ്കര നിർബന്ധം. അച്ചു വാവച്ചിക്ക് ടീവി ഇട്ട് കൊടുത്തിട്ട് വന്ന് കിടെന്നു. എപ്പോഴോ അറിയാതെ ഉറങ്ങി പോയി. വാവച്ചിയുടെ കളിയും ചിരിയും കേട്ട് ആണ് അച്ചു ഉറക്കത്തിൽ നിന്ന് ഉണർന്നത്. അച്ഛനും മോളും ഭയങ്കര കളിയിൽ ആണ്. ശ്രീയേട്ടൻ മോളെ കാലിൽ കയറ്റി നിർത്തിയിട്ടു സൈക്കിൾ ചവിട്ടുന്ന പോലെ ആക്കി കലിപ്പിക്കുവാണ്. വാവച്ചി ആണെങ്കിൽ ഇതൊക്കെ ആസ്വദിച്ചു അങ്ങ് നല്ല കളിയിൽ ഇരിക്കുവാണ്. "അച്ഛേ ഇനിയും സൈക്കിൾ ചവിട്ട്.... എന്ന് പറഞ്ഞു വാവച്ചി ഒരു സമാധാനവും കൊടുക്കുന്നില്ല. "അച്ഛ തളർന്നു.... ബാക്കി നമുക്ക് രാത്രി കളിക്കാം.... അതും പറഞ്ഞു ശ്രീ കട്ടിലിൽ അച്ചുവിന്റെ അടുത്ത് ആയി വന്ന് കിടെന്നു. എന്നിട്ട് അവൾക്കു അഭിമുഖം ആയി ചെരിഞ്ഞു കിടെന്നു. "ഇപ്പോൾ കുറവ് ഉണ്ടോടോ....

വേദന മാറിയോ... ശ്രീ ടോപ്പിന്റെ അടിയിലൂടെ അച്ചുവിന്റെ വയറിൽ കൈ വച്ചു കൊണ്ട് ചോദിച്ചു. എന്തോ ശ്രീയുടെ സ്പർശനം അറിയിഞ്ഞതും അച്ചുവിന് ഒരു വിറയൽ പോലെ തോന്നി. അവൾ ശ്രീയുടെ മുഖത്തേക്ക് നോക്കി ഇരുന്നു. "എന്താടോ... കുറവില്ലേ.... ടാബ്‌ലറ്റ് എന്തെങ്കിലും വാങ്ങണോ.... ശ്രീ ആകുലതയോടെ ചോദിച്ചു. "കുറവുണ്ട്.... അച്ചു ആ ഒറ്റവാക്കിൽ ഉത്തരം ഒതുക്കി. അവൾക്കു എന്തോ ഒരു ചമ്മൽ തോന്നി. "എന്താടോ തനിക്കു സങ്കടം ആയോ... ഞാൻ കൈ മാറ്റിയേക്കാം.... അതും പറഞ്ഞു ശ്രീ വയറിൽ നിന്ന് കൈ പിൻവലിച്ചു.അച്ചു ഉടനെ ആ കൈ പിടിച്ചു അവളുടെ വയറിൽ ചേർത്ത് വച്ചു. "ഇപ്പോൾ ആശ്വാസം തോന്നുന്നുണ്ട്.... ഒന്ന് പുഞ്ചിരിച്ചു കൊണ്ട് അച്ചു പറഞ്ഞു. ശ്രീയുടെ മുഖത്തു സന്തോഷം അലതല്ലി. ഇതൊക്കെ കണ്ട് കൊണ്ട് നിൽക്കുവാണ് വാവച്ചി. ശ്രീ പെട്ടെന്ന് കൈകൾ അവിടെന്ന് എടുത്തു മാറ്റി. അച്ചുവും ഡ്രസ്സ്‌ പിടിച്ചു നേരെ ഇട്ടു. "അമ്മേടെ മുത്ത്‌ വാ... അച്ചു വാവച്ചിയെ വിളിച്ചു. വിളിക്കേണ്ട താമസം വാവച്ചി ഓടി വന്ന് അവരുടെ നടുക്ക് ആയി കിടെന്നു. "അമ്മക്ക് വയറു ഭയങ്കര വേദന ആണ് കേട്ടോ... വാവച്ചി ചവിട്ട് ഒന്നും കൊടുക്കരുത്.... അമ്മക്ക് വേദനിക്കും... ശ്രീ വാവച്ചിയോട് പറഞ്ഞു. വാവച്ചി ആണെങ്കിൽ ആണോ എന്നുള്ള ഭാവത്തിൽ അച്ചുവിന്റെ വയറിൽ നോക്കുന്നു. "അപ്പൊ അമ്മയുടെ വയറ്റിൽ കുഞ്ഞുവാവ ഉണ്ടോ അച്ഛേ.. വാവച്ചി അച്ചുവിന്റെ വയറിൽ തടവിക്കൊണ്ട് ചോദിച്ചു.

ശ്രീ ഒന്നും പറയാതെ അച്ചുവിനെ നോക്കി. "വാവ ഒന്നുമില്ല വാവച്ചി... അമ്മക്ക് അല്ലാതെ വയറു വേദനായ.. ശ്രീ അത് പറഞ്ഞപ്പോൾ വാവച്ചിക്ക് സങ്കടം ആയെന്ന് തോന്നുന്നു. ഒന്നും മിണ്ടാതെ വാവച്ചി തിരിഞ്ഞു കിടെന്നു. "അമ്മയുടെ വാവച്ചിക്ക് കളിക്കാൻ അമ്മ ഒരു കുഞ്ഞുവാവേ ഉടനെ അമ്മ തരും കേട്ടോ.... വാവച്ചി പിണങ്ങിയത് കൊണ്ട് ഇനി ഉടനെ തരുന്നില്ല... അതും പറഞ്ഞു അച്ചു കള്ളഗൗരവം കാട്ടി ഇരുന്നു. ശ്രീക്ക് ആണെങ്കിൽ ഇതൊന്നും കേട്ടിട്ട് വിശ്വാസം വരാത്തത് പോലെ ഇരുന്നു. "ഞാൻ പിണങ്ങിയല്ല അമ്മാ.... കുഞ്ഞുവാവേ ഉടനെ തരുവോ.... വാവച്ചി അച്ചുവിനോട് ചേർന്ന് ഇരുന്ന് കൊണ്ട് പറഞ്ഞു. "ഉടനെ വേണോ.... പതുക്കെ മതിയോ.... അച്ചു വാവച്ചിയെ മടിയിൽ ഇരുത്തി കൊണ്ട് ചോദിച്ചു. "എനിക്ക് ഉടനെ വേണം... എനിക്ക് കൂടെ കളിക്കണം... പാട്ട് പാടി ഉറക്കം..... വാവച്ചി കൊഞ്ചലോടെ പറഞ്ഞു. വാവച്ചിയുടെ വാക്കുകളിൽ നിന്ന് തന്നെ ശ്രീയ്ക്കും അച്ചുവിനും മനിസിലായി വാവച്ചി എത്ര മാത്രം ഒരു കൂട്ട് ആഗ്രഹിക്കുന്നു എന്ന്. "അമ്മ തരാല്ലോ എന്റെ വാവച്ചിക്ക്... എന്റെ മുത്ത് അല്ലെ നീ... അപ്പോൾ മുത്ത് ചോദിച്ചാൽ കൊടുക്കാതിരിക്കാൻ പറ്റുവോ.... അച്ചു വാവച്ചിയുടെ കവിളിൽ തലോടി കൊണ്ട് ചോദിച്ചു. 🧡🧡🧡🧡🧡🧡🧡🧡🧡

രാത്രി കിടക്കാൻ നേരം വാവച്ചി അച്ചുവിനെ കെട്ടിപിടിച്ചു ഉറങ്ങുവാണ്. അച്ചു വാവച്ചിയുടെ തോളിൽ തട്ടികൊണ്ടേ ഇരുന്നു. അപ്പോൾ ആണ് ശ്രീ വന്നത്. ശ്രീ വന്ന് അച്ചുവിനോട് ചേർന്ന് കിടെന്നു. അച്ചു വാവച്ചിയുടെ അപ്പുറത്തെ സൈഡിൽ ഒരു പില്ലോ എടുത്തു വച്ചിട്ട് ശ്രീയുടെ നേർക്ക് തിരിഞ്ഞു കിടെന്നു. ശ്രീ ആണെങ്കിൽ അച്ചുവിനെ നോക്കി കിടക്കുവാണ്. എന്താന്ന് അച്ചു പിരികം പൊക്കി ചോദിച്ചു. അതിന് ശ്രീ അച്ചുവിനെ തന്റെ നെഞ്ചിൽ കയറ്റി കിടെത്തി. "ഇന്ന് താൻ മോളോട് വെറുതെ പറഞ്ഞത് ആണെങ്കിലും അത് കേട്ടപ്പോൾ എനിക്ക് ഒത്തിരി സന്തോഷം ആയടോ.... ശ്രീ അച്ചുവിന്റെ കവിളിൽ ഉമ്മ വച്ചു കൊണ്ട് പറഞ്ഞു. "ഞാൻ വെറുതെ പറഞ്ഞത് അല്ല ശ്രീയേട്ടാ... നമുക്ക് വാവച്ചിക്ക് ഒരു കൂട്ട് കൊടുക്കണം... അത് അവൾ ആഗ്രഹിക്കുന്നുണ്ട്... "എന്താ അച്ചു ne ഈ പറയുന്നത് അവൾ കുഞ്ഞ് അല്ലെ.... നിനക്ക് ഇപ്പോൾ അതിന് 21വയസ്സ് പോലും ആയില്ലല്ലോ.... "വേണം ശ്രീയേട്ടാ.... അത് പറയുമ്പോൾ അവളുടെ ശബ്ദം ഉറച്ചത് ആയിരുന്നു. "ശ്രീയേട്ടന് പേടി ഉണ്ടോ നമ്മുടെ ലോകത്തേക്ക് വേറെ ഒരാൾ കൂടി വന്നാൽ വാവച്ചിയോട് എനിക്ക് ഉള്ള സ്നേഹം കുറയും എന്ന്.... അച്ചു ശ്രീയുടെ നെഞ്ചിൽ തലചേർത്തു വച്ചു കൊണ്ട് ചോദിച്ചു.

"ഒരിക്കലും ഇല്ല.... കാരണം ഞാൻ സ്നേഹിക്കുന്നതിനെക്കാൾ ഒത്തിരി താൻ വാവച്ചിയെ സ്നേഹിക്കുന്നുണ്ട്.... ഒരു അമ്മയുടെ എല്ലാ പരിലാളനയും ഏറ്റു ആണ് ഇപ്പോൾ നമ്മുടെ മോൾ വളരുന്നത്.... എനിക്ക് അവളോട്‌ ഉള്ള സ്നേഹം കുറഞ്ഞാലും തനിക്കു അതിന് ഒരിക്കലും കഴിയില്ലെന്ന് എനിക്ക് നന്നായി അറിയാം..... ശ്രീ അച്ചുവിന്റെ വയറിൽ തന്റെ കൈകൾ കൊണ്ട് തടവി കൊടുത്തു കൊണ്ട് പറഞ്ഞു. "പിന്നെ എന്താ ശ്രീയേട്ടാ നമുക്ക് വാവെ വേണ്ടെന്ന് പറഞ്ഞത്..... "അച്ചു... വാവെ വേണ്ടെന്നു അല്ല ഞാൻ പറഞ്ഞത്.... ഇപ്പോൾ നമുക്ക് അതിനു ഉള്ള സമയം ആയിട്ടില്ല.... വാവച്ചിക്ക് 3വയസ്സ് ആയിട്ടേ ഉള്ളു.... അതിനു ഇടയിൽ ഒരു കുഞ്ഞ് കൂടി വന്നാൽ തനിക്കു അത് ബുദ്ധിമുട്ട് ആകും..... രണ്ടാളെയും ഒന്നിച്ചു നോക്കേണ്ടി വരും..... പോരാത്തതിന് തനിക്കു പഠിക്കേണ്ട സമയം ആണ് ഇത്.... ശ്രീ സാവധാനം അച്ചുവിനെ കാര്യങ്ങൾ പറഞ്ഞു മനിസിലാക്കാൻ ശ്രമിക്കുക ആയിരുന്നു. "അതിന് ഇനി ആര് പഠിക്കാൻ പോകുന്നു.... അച്ചു ഞെട്ടലോടെ ശ്രീയുടെ നെഞ്ചിൽ നിന്ന് മുഖം ഉയർത്തി ചോദിച്ചു. "വേറെ ആര് പോകാൻ നീ തന്നെ.... "ഞാൻ ഇനി പഠിക്കാൻ ഒന്നും പോണില്ല.... ഞാൻ വാവച്ചിയുടെയും ശ്രീയേട്ടന്റെ കാര്യം നോക്കി വീട്ടിൽ ഇരുന്നോളാം....

അച്ചു കൊഞ്ചലോടെ പറഞ്ഞു. "അയ്യടാ... കൊച്ചിന്റെ ആഗ്രഹം കണ്ടില്ലെ പഠിക്കാൻ പോകുന്നില്ലെന്ന്.... അടുത്ത തിങ്കൾ മുതൽ ഞാനും നീയും കോളേജിൽ പോകുന്നു.... വാവച്ചിയെ കോളേജിനോട് ചേർന്ന് ഇരിക്കുന്ന ഡേകെയർ ചേർക്കുന്നു.... അത് ആകുമ്പോൾ എളുപ്പം അല്ലെ... മൂന്ന് ആൾക്കും ഒന്നിച്ചു പോയി ഒന്നിച്ചു വരാം... ശ്രീ അതും പറഞ്ഞു അച്ചുവിന്റെ ചുണ്ടിൽ ചുണ്ട് ചേർക്കാൻ വന്നതും അച്ചു ശ്രീയെ ഒരു തള്ള്. "അങ്ങനെ ഇപ്പോൾ ഉമ്മ തരണ്ട.... എല്ലാം നേരുത്തേ തീരുമാനിച്ചു വച്ചിരിക്കുക ആയിരുന്നു അല്ലെ ദുഷ്ട്ടാ.... അതും പറഞ്ഞു അച്ചു തിരിഞ്ഞു കിടെന്നു. "എന്റെ അച്ചു നീ പിണങ്ങാതെ... നിന്റെ അച്ഛനാ എന്നോട് തുടർന്നും നിന്നെ പഠിപ്പിക്കണം എന്ന് പറഞ്ഞത്.... പിന്നെ നിന്നോട് പഠിക്കുന്ന കാര്യം പറഞ്ഞാൽ നീ സമ്മതിക്കില്ലെന്നും പറഞ്ഞു... അതും പറഞ്ഞു ശ്രീ അച്ചുവിനെ ഒന്നൂടെ ചേർത്ത് പിടിച്ചു. അധിക സമയം അച്ചൂന് അവളുടെ ശ്രീയോട് പിണങ്ങി ഇരിക്കാൻ കഴിഞ്ഞില്ല. അവളും അവനെ ചേർത്ത് പിടിച്ചു. രാത്രിയിൽ എപ്പോഴോ അവന്റെ ഹൃദയ താളം കേട്ട് അവളും ഉറങ്ങി പോയി. 🧡💚🧡💚🧡💚🧡💚🧡

"ശ്രീയേട്ടാ മോളെ കുളിപ്പിച്ച് കഴിഞ്ഞോ.... സമയം ഒത്തിരി ആയി.... വേഗം വായോ... അച്ചു അടുക്കളയിൽ നിന്ന് ശ്രീയോട് വിളിച്ചു പറഞ്ഞു. "ഇപ്പോൾ കഴിയും... ശ്രീ മുകളിൽ നിന്ന് വിളിച്ചു പറഞ്ഞു. അച്ചു അടുക്കളയിൽ എല്ലാരുടെയും ലഞ്ച് ബോക്സ്‌ എടുക്കുന്ന തിരക്കിൽ ആയിരുന്നു. ഇന്നാണ് ദിവസങ്ങൾക്കു ശേഷം നമ്മുടെ അച്ചുവും ശ്രീയും കോളേജില്ലേക്ക് പോകുന്ന ദിവസം. അതും അല്ല നമ്മുടെ വാവച്ചിയെ ആദ്യം ആയി സ്കൂളിൽ കൊണ്ട് പോകുന്ന ദിവസം. "അമ്മേ... വാവച്ചിക്ക് അച്ഛ തല ചീക്കണ്ട..... അമ്മ ചീകി തന്നാൽ മതി.... വാവച്ചി കൈയിലെ ചീപ്പും ആയി അടുക്കളയിലേക്ക് വന്നു. "വാവച്ചിക്ക് അമ്മ ചീകി തരാല്ലോ... വായോ... അച്ചു അതും പറഞ്ഞു വാവച്ചിയെയും എടുത്തു റൂമിലേക്കു നടന്നു. അച്ചു റൂമിൽ എത്തിയപ്പോൾ ശ്രീ ഭയങ്കര ഒരുക്കം. "എന്താ സാറേ പതിവില്ലാതെ ഒരു ഒരുക്കം... അച്ചു ശ്രീയോട് ചോദിച്ചു. "വെറുതെ കുറെ നാൾ ആയില്ലേ കോളേജിൽ പോയിട്ട്.... പെൺപിള്ളേർ എല്ലാം എന്നെ കാണാതെ വിഷമിക്കുന്നുണ്ടാകും... ശ്രീ അത് പറഞ്ഞു അച്ചുവിന്റെ മുഖത്തു നോക്കിയതും കടന്നൽ കുത്തിയത് പോലെ മുഖവും വീർപ്പിച്ചു നിക്കുവാ അച്ചു. "അയ്യേ ഞാൻ വെറുതെ പറഞ്ഞത് അല്ലെ.... എനിക്ക് ക്ലാസ്സിൽ നോക്കാൻ ആയാലും വീട്ടിൽ നോക്കാൻ ആയാലും എന്റെ ഈ സുന്ദരി കുട്ടി ഇല്ലേ...

ശ്രീ അതും പറഞ്ഞു അച്ചുവിന്റെ കവിളിൽ പിടിച്ചു ചെറുതായിട്ട് ഒന്നു നുള്ളി. "മതി മതി സോപ്പ്.... കൂടുതൽ പതപ്പിക്കണ്ടാ ചിലപ്പോൾ തെന്നി വീഴും... അതും പറഞ്ഞു അച്ചു വാവച്ചിയെ കട്ടിലിൽ നിർത്തി തല ചീകി കൊടുത്തു. "ഞാൻ ചീകി കൊടുത്തതാ അച്ചു... പിന്നെ എന്തിനാ വീണ്ടും ചീകുന്നത്... "വാവച്ചിക്ക് അത് ഇഷ്ട്ടപെട്ടില്ലെന്ന്... എന്നോട് ചീകി കൊടുക്കാൻ പറഞ്ഞു... അച്ചു അതും പറഞ്ഞു വാവച്ചിയെ എടുത്തു താഴെ നിർത്തി. "ഓ ഒരു അമ്മയും മോളും.... സമയം ആയി ഞാൻ താഴെ നിൽക്കാം താൻ റെഡി ആയിട്ട് വാ... മോളെ ഞാൻ താഴെ കൊണ്ട് പോകുവാ... അതും പറഞ്ഞു ചിരിച്ചു കൊണ്ട് ശ്രീയും വാവച്ചിയും താഴെക്ക് പോയി. അച്ചു വേഗം തന്നെ ഡ്രസ്സ്‌ മാറി. രാവിലെ എഴുന്നേറ്റപ്പോൾ കുളിച്ചത് കൊണ്ട് ഇപ്പോൾ ചെറുതായിട്ട് ഒന്ന് മുഖം കഴുകി അത്രേ ഉള്ളൂ. പച്ച നിറത്തിൽ ഉള്ള ടോപ്പും ചുമപ്പ് പാന്റും ഷാളും ആയിരുന്നു വേഷം. കണ്ണുകളിൽ ചെറുതായി ഒന്ന് കരി എഴുതി ഒരു കുഞ്ഞ് പൊട്ടും വച്ചു. മുടി കുളിപിഞ്ഞൽ ഇട്ടു. നെറ്റിയിൽ സിന്ദുരം ചാർത്തി... അത് മാത്രമേ പഴയ അച്ചുവിൽ നിന്ന് പുതിയ അച്ചുവിലേക്ക് ഉള്ള മാറ്റം ആയി ഉണ്ടായിരുന്നുള്ളു. അച്ചു തന്റെ ബാഗും മോളുടെയും ശ്രീയുടെ ബാഗും എടുത്തു പെട്ടെന്ന് തന്നെ താഴെ ഇറങ്ങി. ശ്രീ അവളെ നോക്കി നിന്ന് പോയി. കഴുത്തിലെ താലി മാലയും നെറ്റിയിലേ സിന്ദുര ചുമപ്പും മാത്രമേ വേറിട്ടു നിൽക്കുന്നുള്ളു. അവളെ കാണാൻ എന്തോ ഒരു പ്രതേക ഭംഗി ഉള്ളത് ആയി അവന് തോന്നി.

"എന്താ ശ്രീയേട്ടാ നോക്കി നില്കുന്നെ.... മോളുടെ ബാഗിൽ ലഞ്ച് ബോക്സ്‌ എടുത്തു വയ്ക്കു... അപ്പോഴേക്കും അവൾ ബാക്കി ഉള്ള കാര്യങ്ങളും ചെയ്തു തീർത്തു. അവർ പോകാൻ ആയി ഇറങ്ങി. അവർ മൂന്ന് പേരും അച്ഛനോട് യാത്ര പറഞ്ഞു ഇറങ്ങി. സത്യം പറഞ്ഞാൽ സ്കൂളിലേക്ക് പോകുന്ന വാവച്ചിയെക്കാൾ മടി ആയിരുന്നു കോളേജിലേക്ക് പോകുന്ന അച്ചുവിന്റെ കാര്യം. വണ്ടിയിൽ ഇരിക്കുമ്പോൾ തന്നെ അച്ചു ഒരുപാട് വട്ടം ശ്രീയോട് ചോദിച്ചു കോളജിലേക്ക് പോകണോ എന്ന്. അതിന് എല്ലാം കനപ്പിച്ചു ഒരു നോട്ടം ആയിരുന്നു മറുപടി. ആദ്യം അവർ വാവച്ചിയുടെ ഡേകേയറിൽ എത്തി. ശ്രീ ആദ്യം വണ്ടിയിൽ നിന്ന് ഇറങ്ങി. എന്നിട്ട് ഇപ്പുറത്തെ സൈഡിൽ വന്നു അച്ചുവിന്റെ മടിയിൽ നിന്ന് വാവച്ചിയെ എടുത്തു. വാവച്ചി ഭയങ്കര സന്തോഷത്തിൽ ആണ്... പുതിയ ഉടുപ്പും ബാഗും ഒക്കെ കൊണ്ട് സ്കൂളിൽ പോകുന്നതിന്റെ സന്തോഷം. വാവച്ചി കരയും എന്ന് അവർ പേടിച്ചു എങ്കിലും വാവച്ചി ടീച്ചറിന്റെ കൂടെ ഇരുന്നു വരുന്ന കുട്ടികളെ സ്വീകരിക്കുന്ന തിരക്കിലും അവരെ സീറ്റിൽ കൊണ്ട് ഇരുത്തുന്ന തിരക്കിലും ആയിരുന്നു. അതെല്ലാം കണ്ട് സന്തോഷത്തോടെ അച്ചുവും ശ്രീയും കോളേജിലേക്ക് പോയി........ തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...