Oh my love 😱: ഭാഗം 19

രചന: AJWA

കാലത്ത് എണീറ്റ് പെണ്ണ് ക്ഷേത്രത്തിൽ ചെന്ന് പ്രാർത്ഥന തുടങ്ങി....! "ഞങ്ങടെ അച്ഛന്മാർക്ക് നല്ല ബുദ്ധി കൊടുക്കണേ.... എന്നാലേ എനിക്കും ശ്രീയേട്ടനും ഒന്നാവാൻ പറ്റൂ...." 🙄ലെ ദൈവം_ ഈ പെണ്ണിന് ഒന്ന് കഴിയുമ്പോ വേറൊന്നാണല്ലോ.... എന്നെ ഒന്ന് സ്വസ്ഥം ആയിട്ട് വിടില്ല....! പെണ്ണ് പ്രാർത്ഥന ഒക്കെ കഴിഞ്ഞു ശ്രീയേട്ടനെയും നോക്കി ചെന്നു....! "ശൂ....ശ്രീയേട്ടാ..."😘 അവൻ അപ്പൊ തന്നെ കണ്ണ് കൊണ്ട് അടുത്തുള്ള അച്ഛനെ കാണിച്ചു കൊടുത്തതും പെണ്ണ് അവിടെ കുനിഞ്ഞു....! ഇത്തിരി കഴിഞ്ഞു പെണ്ണ് തല പൊക്കി നോക്കിയതും രണ്ടും നിന്നിടം ശൂന്യം... 🙄ഇത് എവിടെപ്പോയി... എന്നും ചിന്തിച്ചു പെരുവിരലിൽ കാൽ ഊന്നി ഏന്തി വലിഞ്ഞു നോക്കിയതും തന്റെ വയറിൽ ഒരു കയ്യിന്റെ തണുപ്പ് അനുഭവപ്പെട്ടതും പെണ്ണ് പുഞ്ചിരിയോടെ താണ് നിന്നു....! അവന്റെ കയ്കൾക്ക് മീതെ തന്റെ കയ് വെച്ച് അവന്റെ നെഞ്ചിലേക്ക് ചേർന്ന് നിന്നു....!അവനും അവളുടെ പിൻ കഴുത്തിലേക്ക് മുഖം അമർത്തി....! "ഇന്നെന്താ എന്റെ ദേവൂട്ടി പ്രാർത്ഥിച്ചത്....?!!" "നമ്മുടെ അച്ഛന്മാർ ഒന്നാവണെ എന്ന്...." "അപ്പൊ എനിക്ക് വേണ്ടി പ്രാർത്ഥിച്ചില്ലേ...."😘 അവൻ അവളുടെ കഴുത്തിൽ ചുംബിച്ചു കൊണ്ട് ചോദിച്ചു....! "മ്മ്... എനിക്ക് ഈ ശ്രീയേട്ടനെ തന്നേക്കണേ എന്ന്...." "ഞാൻ നിന്റേത് തന്നെയല്ലേ...."😘 അതിനവൾ പുഞ്ചിരിച്ചു കൊണ്ട് അവന്റെ ദേഹത്തോട് ഒന്ന് കൂടെ ചേർന്ന് നിന്നു....! "എന്തെ....പോണില്ലേ...."

"എപ്പോഴാ ശ്രീയേട്ടന്റെ നെഞ്ചിൽ ഇങ്ങനെ ചേർന്ന് കിടക്കാൻ എനിക്ക് പറ്റുന്നെ...." "ഇനി കുറച്ച് കൂടെ കാത്തിരുന്നാൽ മതി.... നമ്മൾ പ്ലാൻ ചെയ്തത് നടപ്പിലാക്കാൻ ഇനി അധിക ദിവസങ്ങൾ ഇല്ല...." "അന്ന് അവരുടെ പിണക്കം ഒക്കെ മാറോ ശ്രീയേട്ടാ...." "നിന്റെ പ്രാർത്ഥന ദൈവം കേൾക്കാതിരിക്കോ...." "കേൾക്കും.... ദൈവത്തിന് എന്നെ കയ് ഒഴിയാൻ പറ്റില്ല...." "അവർ ഒന്നായാൽ പിന്നെ ഏറ്റവും അടുത്ത മുഹൂർത്തത്തിൽ ഞാൻ ഈ കഴുത്തിൽ ഒരു താലി കെട്ടി ഈ കാന്താരിയേ എന്നുന്നേക്കുമായി സ്വന്തം ആക്കിയിരിക്കും.... പോരെ...." "മ്മ്...."😍 അവളും ഒരു പുഞ്ചിരിയോടെ മൂളി....! "അത് കഴിഞ്ഞാൽ പിന്നെ...." "പിന്നെന്താ....?!!" "അതോ.... ഈ കാന്താരി മുളകിനെ ഞാൻ...." അവൻ അവളുടെ വയറിൽ അമർത്തി പിടിച്ചു കഴുത്തിലേക്ക് മുഖം അമർത്തിയതും പെണ്ണ് നാണത്തോടെ അവന്റെ കയ് എടുത്തു മാറ്റി ഓടി.... ഒന്ന് നിന്ന് വീണ്ടും അവനെ നോക്കി പുഞ്ചിരിച്ചു കൊണ്ട് വീട്ടിലേക്ക് ഓടി....! 💕💕💕 "എടീ.... നമ്മുടെ ഗിരി രാജൻ സർ ഇന്നെടുത്തത് വല്ലതും നിനക്ക് മനസ്സിൽ ആയോ...." "അങ്ങേര് പറയുന്നത് അങ്ങേർക്ക് തന്നെ മനസ്സിൽ ആയിട്ടുണ്ടാവില്ല.... അപ്പോഴാ...." രണ്ടും ബസിൽ ഇരുന്നു ലോലിപോപ്പും നുണഞ്ഞു കൊണ്ട് പറഞ്ഞു....!

"ഏട്ടന്റെ തല്ല് കിട്ടിയേ പിന്നെ ആ ശിവന്റെ അഡ്രസ് ഇല്ലല്ലോ...." "ആവോ.... വല്യേട്ടനും പിന്നെ ഒന്നും പറയുന്നത് കേട്ടില്ല.... കക്ഷി പേടിച്ചു നാട് വിട്ട് കാണും.... ശ്രീയേട്ടൻ അല്ലെ ആള് അമ്മാതിരി കൊടുത്തു കാണും...."😍 രണ്ടും ഓരോന്ന് പറഞ്ഞു കൊണ്ട് ബസ് ഇറങ്ങി വീട്ടിലേക്ക് നടന്നു....! "പോട്ടെടി... ബൈ നാളെ കാണാം...." "ശ്രീയേട്ടൻ നിന്നെ കെട്ടിയാൽ ഇവിടെ വെച്ച് ബൈ പറയാതെ നമുക്ക് എന്റെ വീട്ടിലേക്ക് പോവാല്ലേ...." 🥰ശ്രീക്കുട്ടിയുടെ പറച്ചിൽ കേട്ടതും ആദ്യം പെണ്ണ് ഒന്ന് ഇളിച്ചു....! "ഹ്മ്മ്.... അപ്പോഴേക്കും നിന്നെ വല്ല കോന്തനും ഏതെങ്കിലും റൂട്ടിലേക്ക് കൊണ്ട് പോവില്ലെടി...." 🙂ആഗ്രഹം പോലെ നടന്നാൽ പെണ്ണ് ഞാൻ പോണ വഴിയും ഞാൻ പെണ്ണ് പോണ വഴിയും പോവേണ്ടി വരുമല്ലോ.... ശ്രീക്കുട്ടി ആ ചിന്തയിൽ ആയിരുന്നു....!! "കോന്തൻ നിന്റെ...." "ഏട്ടൻ എന്നാണോ...."😍 😨ഏ....!പെണ്ണ് ഞെട്ടി തരിച്ചു നിന്നു....! "ഞാൻ എന്റെ ഏട്ടനെ പറഞ്ഞതിന് നീയെന്തിനാടി ഇങ്ങനെ ഞെട്ടുന്നത്...." അപ്പൊ ആ ഉദ്ദേശത്തിൽ പറഞ്ഞതാണോ.... മനസ്സിൽ അങ്ങനെ ഒരു ആഗ്രഹം ഉണ്ടെന്ന് അറിഞ്ഞാൽ മിക്കവാറും ഇവൾ നേരെ ചെന്ന് ഇവളെ കുഞ്ഞേട്ടനോട് പറയും പിന്നെ ശ്രീയേട്ടനോടും.... അപ്പൊ പിന്നെ ഉള്ളിൽ വെക്കുന്നത് തന്നാ നല്ലത്....! 🙄അവരൊക്കെ ഇത് അറിഞ്ഞത് തത്കാലം പെണ്ണ് അറിയണ്ട....! "ബൈ...." എന്നും പറഞ്ഞു ദേവൂട്ടി ഒരു ചിരിയോടെ നടന്നതും പെണ്ണ് അവിടെ തന്നെ വായും പൊളിച്ചു നിന്നു....! നിന്നെ കൊണ്ട് ഞാൻ പറയിച്ചോളാം....!

"ദേവൂട്ടി എനിക്ക് നിന്റെ കുഞ്ഞേട്ടനെ ഇഷ്ടം ആടി എന്ന് പറഞ്ഞു നീ വരാൻ ഇനി അധിക കാലം ഇല്ല മോളെ....!" ദേവൂട്ടി സ്വയം പറഞ്ഞു നടന്നു....! നന്ദേട്ടൻ എന്നെ ഇഷ്ടം ആണെങ്കിൽ ആദ്യം പറയട്ടെ.... അല്ലാതെ ദേവൂട്ടിയേ പോലെ പിന്നാലെ നടന്ന് ഇഷ്ടം ആണെന്ന് പറയിക്കാൻ ഉള്ള ധൈര്യം ഒന്നും എനിക്കില്ല....🙄ഇനി കക്ഷി പെങ്ങൾ നടന്ന പോലെ ലവൾ പിന്നാലെ നടക്കാൻ കാത്തിരിക്കയാണോ ആവോ....!! ദേവൂട്ടി വീട്ടിൽ കയറിയതും ചേട്ടത്തിയുടെ അച്ഛനും അമ്മയും അനിയനും ഇരിക്കുന്നത് കണ്ട് ഒന്ന് ചിരിച്ചു....! "എപ്പോ വന്നു....?!!" "ഞങ്ങൾ ഉച്ചക്കെ വന്നു...." "ആണോ.... ഫുഡ്‌ ഒക്കെ കഴിച്ചോ...." "അതൊക്കെ കഴിച്ച്.... നീ വരാൻ കാത്തിരുന്നതാ ഞങ്ങൾ...." "🙄എന്തിന്....?!!" ചേട്ടത്തിയുടെ അനിയനെ കണ്ട് പെണ്ണ് ഇത്തിരി പേടിയോടെ ചിന്തിച്ചു.... കോളേജ് പയ്യൻ ആണേലും തന്നെ കാണുമ്പോ എല്ലാം ഒരു ചിരിയാണ്.... ഒരുമാതിരി വോൾട്ടേജ് കൂടി ഫ്യുസ് പോവാറായ ചിരി....! "അനുനെ കൊണ്ട് പോവാനാ ഞങ്ങൾ വന്നത്....ഇത് മാസം എട്ടല്ലേ.... കടിഞ്ഞൂൽ പ്രസവം സ്വന്തം വീട്ടിൽ വെച്ച് തന്നെ വേണം എന്നാണ്‌....അവൾ പറഞ്ഞു നീ വന്നാൽ പോവാമെന്ന്...." "അതൊക്കെ വിവരം ഇല്ലാത്തവർ പറയുന്നതാ.... ചേട്ടത്തി എങ്ങും വരുന്നില്ല അല്ലെ ചേട്ടത്തി...."

പെണ്ണ് അവർക്കരികിൽ നിന്ന ചേട്ടത്തിയേ കെട്ടിപ്പിടിച്ചു കൊണ്ട് പറഞ്ഞു....! "എടീ അവരുട ഒറ്റ മോളാ.... അവർക്കും കാണില്ലേ ആഗ്രഹം...." "ഒന്ന് പോ വല്യേട്ടാ.... ഞാൻ ഇത് പോലെ ഗർഭിണി ആയാൽ എന്നെ വിളിക്കാൻ ഒന്നും വന്നേക്കല്ലേ ഞാൻ വരില്ല.... ഈ സമയത്ത് ഏറ്റവും കൂടുതൽ വേണ്ടത് ഭർത്താവിന്റെ കരുതൽ ആണ് ...." ചേട്ടത്തിയുടെ ആങ്ങള ആ ഫ്യുസ് പോയവൻ വായും പൊളിച്ചു പെണ്ണിനെ ഒന്ന് നോക്കി....! "കണ്ടില്ലേ അച്ഛാ.... അപ്പോഴേ ഞാൻ പറഞ്ഞതല്ലേ ഇവൾ വിടില്ലെന്ന്...." "ഞങ്ങൾക്കും ഇവളെ വിടാൻ മനസില്ല... പിന്നെ നിങ്ങളോട് എങ്ങനെ പറയും എന്ന് കരുതിയാ...." അമ്മ കൂടി പറഞ്ഞതും ദേവൂട്ടി ഒന്ന് ചിരിച്ചു....! "ചേച്ചിയേ അത്രയ്ക്ക് ഇഷ്ടം ആണെങ്കിൽ ദേവൂട്ടിക്ക് അവിടെ വന്ന് നിക്കാം.... അവിടെ ആവുമ്പോൾ കോളേജിൽ നടന്ന് പോവാൻ ഉള്ള ദൂരമല്ലേ ഉള്ളു...."😘 "ചേട്ടത്തി.... അനിയൻ ആള് തരക്കേടില്ലല്ലോ...." പെണ്ണ് ചേട്ടത്തിയുടെ തോളിൽ കയ്യിട്ട് കൊണ്ട് പറഞ്ഞു....! "നീ വേറൊരുത്തന്റെ പ്രോപ്പർട്ടി ആണെന്ന് ഞാൻ പറഞ്ഞതാ....എന്നാലും ഡെയ്‌ലി വിളിക്കുമ്പോ അവന് നിന്റെ കാര്യം അറിയാതെ പറ്റില്ലെടി....അല്ലേലും കാണാൻ കൊള്ളാവുന്ന ഒരുത്തി കുടുംബത്തിൽ ഉള്ളപ്പോൾ അവന് ഇനി വേറെ പെണ്ണ് നോക്കണോ...."

"പോ ചേട്ടത്തി.... വെറുതെ അനിയന്റെ തടി കേടാക്കേണ്ട.... ശ്രീയേട്ടനെ അറിയാലോ ആ ശിവൻ പോലും നാട് വിട്ടു...." "വേണ്ടേ..... അവൻ പാവം ജീവിച്ചു പോയിക്കോട്ടെ...." രണ്ടും കുശു കുശുക്കുന്നത് ദാസ് രണ്ടിനെയും നോക്കി ഇരുന്നു....! ദേവൂട്ടിയുടെ വാശിക്ക് മുന്നിൽ അവർ പോയതും ദേവൂട്ടി ദാസിനെ നോക്കി ഒന്ന് ചിരിച്ചു....! "അങ്ങനെ ഇപ്പൊ വല്യേട്ടൻ ഫ്രീയായി നടക്കണ്ട....ചേട്ടത്തി ഇങ്ങനെ ആയത് വല്യേട്ടൻ കാരണം അല്ലെ...." "🙄എടീ....നീ ഇത് എന്ത് ഭാവിച്ചാ...." 😨അത് കേട്ട് കെട്ടിയോളെ തുറിച്ചു നോട്ടം കണ്ടതും ദാസ് അവളെ നോക്കി ഒന്ന് ചിരിച്ചു....! "അവർക്ക് വിഷമായി കാണോ...." "ഏയ്‌ പ്രായം ആയവർ അല്ലെ.... അത്രയും ബുദ്ധിമുട്ട് ഒഴിവായി കാണും...." എന്നും പറഞ്ഞു അനു മുറിയിലേക്ക് പോയതും ദാസ് വായും പൊളിച്ചു നിന്നു....ഈ വീട്ടിൽ ഏറ്റവും ഇളയത് ആണേലും ചില സമയങ്ങളിൽ അവളുടെ തീരുമാനത്തിന് മുന്നിൽ മുതിർന്നവർ പോലും തോറ്റു പോകും....!! 💕💕💕 കാത്തിരുന്നത് പോലെ ഇന്ന് അച്ഛനമ്മമാരുടെ വിവാഹദിനം ആണ്....! "ദൈവമേ ഇന്ന് അവരെ ഒന്നാക്കണെ.... എന്നാലേ എനിക്കും ശ്രീയേട്ടനും ഒന്നാവാൻ പറ്റൂ...."

പെണ്ണ് കയ് കൂപ്പി പ്രാർത്ഥിച്ചു കൊണ്ട് ശ്രീദേവിന്റെ അടുത്ത് ചെന്നു....! "ശ്രീയേട്ടാ...."😘 ആ വിളിയിൽ അവൻ പുഞ്ചിരിയോടെ അവളുടെ അടുത്തേക്ക് വന്നു....! "എന്താ ശ്രീയേട്ടാ കയ്യിൽ...." "ഇത് ദാവണിയാ.... അവരോടൊപ്പം നീ ഇത് ഉടുത്തു കൊണ്ട് വേണം വരാൻ.... എനിക്ക് നിന്നെ കണ്ണ് നിറച്ചു കാണണം...."😘 "മ്മ്...." അവന്റെ നോട്ടത്തിന് മുന്നിൽ അവൾ നാണത്തോടെ ഒന്ന് മൂളി....! "ഒൻപത് മണി ആവുമ്പോഴേക്കും അവിടെ എത്തണം...." "അവർ ഒന്നാവോ ശ്രീയേട്ടാ...." "മ്മ്.... നമുക്ക് ശ്രമിക്കാം...." "എങ്കിൽ ഞാൻ പോട്ടെ ശ്രീയേട്ടാ...." "മ്മ്....അവിടെ വെച്ച് കാണാം...."😘 അവൾ നടന്ന് പോവുന്നതും നോക്കി അവൻ പുഞ്ചിരിയോടെ നിന്നു....! "അച്ഛനും അമ്മയും ഇത് വരെ റെഡി ആയില്ലേ...." ദേവൂട്ടി വീട്ടിലേക്ക് കയറിയതും അവർ രണ്ട് പേരും റെഡി ആവാത്തത് കണ്ട് ചോദിച്ചു....! "അത് പിന്നെ മോളെ അച്ഛൻ വരുന്നില്ലെന്ന് അപ്പൊ പിന്നെ ഞാൻ എങ്ങനെയാ...." അത് കേട്ടതും പെണ്ണ് അച്ഛനെ ഒന്ന് നോക്കി....! "ഈ ദേവൂട്ടിയുടെ ആഗ്രഹം അച്ഛൻ സാധിച്ചു തരില്ലേ അച്ഛാ...." "അത് ഞങ്ങളുടെ പഴയ കുടുംബക്ഷേത്രം ആണ്....പൂർവീകർ അവിടെ ഒരു ദിവസം പോലും മുടങ്ങാതെ തിരി കൊളുത്തിയിട്ടുണ്ടെന്നാ കേട്ടത്....എല്ലാരും തറവാട് സ്വത്ത്‌ ഭാഗം വെച്ചു മാറിയതിൽ പിന്നെയാ ഇപ്പോഴത്തെ കുടുംബംക്ഷേത്രം പണിതത്....അതിൽ പിന്നെ ആരും അങ്ങോട്ട് പോയിട്ടില്ല.... ഇപ്പൊ ഞാൻ മാത്രം എങ്ങനെയാ മോളെ...." അതിന് നിങ്ങൾ മാത്രം അല്ലല്ലോ മാമനും ഇല്ലേ....!

"ഇന്നത്തെ ദിവസം അവിടെ ദീപം കൊളുത്തി എന്ത് പ്രാർത്ഥിച്ചാലും അവിടത്തെ ഭഗവാൻ തരും....പ്ലീസ് അച്ഛാ...." പെണ്ണ് കെഞ്ചുന്നത് പോലെ പറഞ്ഞതും അച്ഛൻ അനുസരിച്ചു.... അച്ഛനും അമ്മയും റെഡി ആവാൻ പോയതും പെണ്ണ് മുറിയിൽ ചെന്ന് ശ്രീയേട്ടൻ തന്ന കവർ കയ്യിൽ എടുത്തു....! അത് തുറന്ന് നോക്കിയതും ഗ്രീൻ കളർ ദാവണി കണ്ട് അവളുടെ ചുണ്ടിൽ ഒരു പുഞ്ചിരി വിരിഞ്ഞു....! അതും എടുത്തിട്ട് അവൾ കണ്ണാടിയിൽ നോക്കി മായാലോകത്തെന്ന പോലെ നിന്നു.... അതിൽ അവനും അവളും മാത്രം ഉള്ള ലോകം.... അവൻ തന്റെ നെറുകയിൽ സിന്ദൂരം ചാർത്തി അവിടെ ഒന്ന് ചുംബിച്ചു.... അവൾ നാണത്തോടെ അവന്റെ നെഞ്ചിലേക്ക് മുഖം ചേർത്തു....!അവളുടെ മുഖം ഉയർത്തി അവൻ അവളെ ചുംബനങ്ങൾ കൊണ്ട് മൂടി....സ്വയം മറന്ന് ഇറുകെ പുണർന്നു കൊണ്ട് ഇരുവരും നിന്നു....! "ദേവൂട്ടി...."😘 "ശ്രീയേട്ടാ...."😘 അവന്റെ വിളിയിൽ അവൾ മായാ ലോകത്തെന്ന പോലെ പതിയെ വിളിച്ചു....! "എടീ ദേവൂട്ടി...." 😨ദൈവമേ കുഞ്ഞേട്ടൻ....! അപ്പൊ ശ്രീയേട്ടൻ അവൾ ചുറ്റിലും നോക്കിയതും മുറിയിൽ ആണെന്ന് കണ്ട് അവൾ സ്വയം തലക്ക് ഇട്ടു ഒന്ന് കൊടുത്തു....! "എന്താ കുഞ്ഞേട്ടാ...." "എല്ലാരും ഇറങ്ങി... നീ റെഡി ആയെങ്കിൽ വാ...." "ആ ഒരു ടു മിനിറ്റ്...."

എന്നും പറഞ്ഞു അവൾ മാച്ചിങ് വളയും കമ്മലും മാലയും ഒക്കെ എടുത്തിട്ടു....!നെറ്റിയിൽ ചന്ദന കുറിയോടൊപ്പം ഒരു കുഞ്ഞു പൊട്ട് കൂടി വെച്ച് അവൾ മുടി അവനിഷ്ടം ഉള്ളത് പോലെ അഴിച്ചിട്ടു.... അരക്കെട്ട് വരെ ഉള്ള മുടി പിറകിലേക്ക് വകഞ്ഞു മാറ്റി ഒരു ചെറിയ ഹെയർ ക്ലിപ് എടുത്തു ഇരു സൈഡിൽ നിന്ന് അല്പം മുടി എടുത്തു അതിൽ ഇറുക്കി....തുളസി കതിർ എടുത്തു അതിനോടൊപ്പം വെച്ചു....ശ്രീയേട്ടന് ഏറ്റവും ഇഷ്ടം ഉള്ളത് പോലെ അവൾ ഒരുങ്ങി മുറിയിൽ നിന്ന് ഇറങ്ങി....! "വന്നിട്ട് വേണം ഓഫിസിൽ പോവാൻ...." ദാസ് വാച്ച് നോക്കി കൊണ്ട് പറഞ്ഞു....! "എന്റെ ദാസേട്ടാ ഇന്ന് ഇത്തിരി ലേറ്റ് ആയെന്ന് കരുതി ഒന്നും സംഭവിക്കാൻ പോണില്ല...." അത് കേട്ടതും അവൻ ഒന്ന് കൂൾ ആയി നിന്നു....! ദേവൂട്ടി ഇറങ്ങി വരുന്നത് കണ്ടതും എല്ലാവരും ഒരു പോലെ പുഞ്ചിരിച്ചു.... ആദ്യം ആയാണ് അവളെ ഇത്രയും സുന്ദരിയായി കാണുന്നത് എന്ന് പോലും അവർക്ക് തോന്നി....! "വെറുതെ അല്ല ലേറ്റ് ആയത് ഇന്നെന്താ മോളെ ഇത്രയ്ക്ക് ഒരുക്കം...." "അത് അച്ഛാ ക്ഷേത്രത്തിൽ പോവുമ്പോഴാ നമ്മൾ കൂടുതൽ അണിഞ്ഞൊരുങ്ങേണ്ടത്....ദൈവം മാത്രം അല്ല നമ്മുടെ മണ്മറഞ്ഞു പോയ പൂർവീകർ ഒക്കെ നമ്മളെ കാണും....അവർ കരുതിക്കോട്ടേ ദേവൂട്ടി സുന്ദരിയാണെന്ന്...." "🙄

ആണോ.... എന്നാ ഞാൻ ഈ ഷർട്ട്‌ മാറിയിട്ട് വരാം...." "ഓഹ് എന്റെ അച്ഛാ അവൾ പറയുന്നത് കേട്ട്.... വന്ന് കേറ്.... അച്ഛനെ അവർക്കൊക്കെ നല്ലത് പോലെ അറിയുന്നതല്ലേ...." അച്ഛൻ ദാസിനെ ഒന്ന് നോക്കി കാറിൽ കേറി ഇരുന്നു....! നന്ദൻ ബൈക്ക് എടുക്കുന്നത് കണ്ടതും പെണ്ണ് ഒന്ന് ചിരിച്ചു....! "കുഞ്ഞേട്ടൻ ബൈക്കിൽ ആണോ എങ്കിൽ ഞാനും ഉണ്ട്.... ചേട്ടത്തി നീണ്ടു നിവർന്നു ഇരുന്നോട്ടെ....!" "തിരിച്ചു വരുമ്പോൾ നീ അതിൽ കേറേണ്ടി വരും.... ഞാൻ അത് വഴി പോവും...." "മ്മ്..." അവൾ ബൈക്കിൽ കേറി ഇരുന്നതും നന്ദൻ ബൈക്ക് എടുത്തതും പിന്നാലെ തന്നെ ദാസ് കാറും എടുത്തു.....! "എടീ മാമൻ അവിടെ എത്തി കാണോ...." "കുഞ്ഞേട്ടന് മാമനെ കാണാൻ തിടുക്കം ആയോ...." പെണ്ണ് നന്ദനെ മിററിൽ കൂടി നല്ലത് പോലെ ഒന്ന് നോക്കി കൊണ്ട് ചോദിച്ചു....!ലക്ഷ്യം ശ്രീക്കുട്ടിയാണെന്ന് അറിയാം....എന്നാലും ഒരു രസം....!! "ഏയ്‌ അതിനല്ല അവർ ഒന്നാവുന്നത് കാണാൻ...." നന്ദൻ ഒരു വളിച്ച ഇളിയോടെ പറഞ്ഞു....! "മ്മ്... മ്മ്...." എന്നും മൂളി പെണ്ണ് ഒന്ന് ഇളിച്ചു....! വണ്ടി നിർത്തി എല്ലാരും ഒരുമിച്ച് നടന്നതും പെണ്ണ് ഏറ്റവും പിന്നാലെ നടന്ന് ഫോൺ എടുത്തു ശ്രീയേട്ടന്റെ മെസേജ് നോക്കി....! "ഞങ്ങൾ ഇവിടെ എത്തി...." അത് കണ്ടതും അവൾ ഒന്ന് പുഞ്ചിരിച്ചു....!

അതിനടുത് എത്തിയതും അവരെ കണ്ട് എല്ലാരും ഒന്ന് നിന്നു....! "അവർ എന്താ ഇവിടെ....? നമുക്ക് പോയി മറ്റൊരു ദിവസം വരാം...." അച്ഛൻ പറയുന്നത് കേട്ടതും ദേവൂട്ടി അച്ഛന്റെ അടുത്ത് ചെന്നു....! "അവർ അവിടെ നിന്നോട്ടെ.... ഇത് അവരെ മാത്രം കുടുംബക്ഷേത്രം ഒന്നും അല്ലല്ലോ.... അച്ഛൻ വാ നമുക്ക് പ്രാർത്ഥിക്കാം...." "എന്നാലും മോളെ...." "വാ അച്ഛാ...." പെണ്ണ് അച്ഛന്റെ കയ്യും പിടിച്ചു അതിന് മുന്നിൽ ചെന്ന് നിന്നു....! രണ്ട് അച്ഛന്മാരും പരസ്പരം ഒന്ന് നോക്കിയതും എല്ലാരും അവർക്ക് പിന്നിൽ ആയി വന്ന് നിന്ന് തൊഴുതു....! ദേവൂട്ടിയുടെ അടുത്തേക്ക് ശ്രീദേവ് ഒന്ന് നീങ്ങി എല്ലാരേയും ഒന്ന് നോക്കി പ്രാർത്ഥനയിൽ ആണെന്ന് കണ്ടതും അവൻ അവളുടെ വയറിൽ കയ്കൾ അമർത്തി പെണ്ണ് ഒരു പുഞ്ചിരിയോടെ അവനെ നോക്കാതെ തന്നെ നിന്നു....! "ഐ ലവ് യൂ ദേവൂട്ടി...." പതിയെ അവളുടെ കാതിൽ ആയി അവൻ മൊഴിഞ്ഞു....! "ഈ ഡ്രെസ്സിൽ നീ സുന്ദരിയായിട്ടുണ്ട്...." അതിനും അവൾ ഒന്ന് പുഞ്ചിരിച്ചു....! നന്ദൻ ആണെങ്കിൽ എല്ലാരേയും ഒന്ന് കണ്ണ് തുറന്ന് നോക്കി പെങ്ങളും ശ്രീദേവും റൊമാൻസിൽ ആണെന്ന് കണ്ടതും അവൻ ശ്രീക്കുട്ടിയുടെ അടുത്ത് നീങ്ങി നിന്നു....! അവളും നന്ദൻ തന്റെ അരികിൽ നിന്നത് കണ്ട് ഒന്ന് പുഞ്ചിരിച്ചു....! രണ്ട് പേരും പരസ്പരം ഒന്ന് നോക്കിയതും അത് പുഞ്ചിരിയിൽ ഒതുങ്ങി....! "ഇനി വിളക്ക് കൊളുത്താം അച്ഛാ...." ദേവൂട്ടി പറഞ്ഞതും എല്ലാരും പ്രാർത്ഥന ഒക്കെ അവസാനിപ്പിച്ചു പരസ്പരം ഒന്ന് നോക്കി....!

ശ്രീദേവ് വിളക്ക് കയ്യിൽ എടുത്തതും അച്ചന്മാർ രണ്ടും പരസ്പരം ഒന്ന് നോക്കി....! "രണ്ട് പേരും ഒരുമിച്ച് ആയാൽ ഇവിടെ ഉള്ളവർ സന്തോഷിക്കുകയെ ഉള്ളു...." ശ്രീദേവ് പറഞ്ഞതും രണ്ട് പേരും അവിടെ അനിഷ്ടം കാണിക്കാതെ ആ വിളക്കിൽ തിരി കൊളുത്തി....! "ഇനി രണ്ട് അമ്മമാരും കൊളുത്തിക്കോളൂ...." അവരും പരസ്പരം ഒന്ന് നോക്കി പുഞ്ചിരിയോടെ വിളക്ക് കൊളുത്തിയതും ദാസ് ഒന്നും ഇഷ്ടപ്പെടാത്ത പോലെ പെട്ടെന്ന് തിരിച്ചു നടന്നു....അത് കണ്ടതും എല്ലാരും ഒരു പോലെ ഞെട്ടി....! ദേവൂട്ടി എല്ലാരേയും ഒന്ന് നോക്കി അവന്റെ പിന്നാലെ ഓടി....! "വല്യേട്ടാ....! വല്യേട്ടാ....നിക്ക്...." അവന്റെ നടത്തതിനൊപ്പം എത്താൻ അവൾ ഓടി ചെന്നതും അവൻ കാറിന്റെ ഡോർ തുറന്ന് അകത്തേക്ക് കയറുന്നത് കണ്ട് പെണ്ണ് ഓടി അവനരികിൽ വന്ന് ആ കയ്യിൽ പിടിച്ചു....! "വല്യേട്ടന് എന്താ അവർ ഒന്നാവുന്നതിൽ സന്തോഷം ഇല്ലേ...." "അതിൽ എനിക്ക് സന്തോഷം ഉണ്ട്.... പക്ഷെ ഇത് നിന്റെയും ശ്രീദേവിന്റെയും പ്ലാൻ ആണെന്ന് മനസിൽ ആവാതിരിക്കാൻ ഞാൻ പൊട്ടൻ അല്ല....അത് അവനും നിനക്കും ഈ ഒളിച്ചു കളി പ്രേമം അവസാനിപ്പിച്ചു ഒന്നിച്ചു ജീവിക്കാൻ വേണ്ടിയാണെന്ന് എനിക്കറിയാം....പക്ഷെ ഈ ദാസ് അതിന് കൂട്ട് നിക്കില്ല....കാരണം നിന്നെക്കാൾ നന്നായി എനിക്ക് നിന്റെ ശ്രീദേവിനെ അറിയാം.... അവൻ ഒരു ചതിയൻ ആണ്...."

അവൻ ദേഷ്യത്തോടെ കാറും എടുത്തു പോയതും ദേവൂട്ടി കണ്ണീരോടെ നിന്നു....!വല്യേട്ടൻ എന്താ അങ്ങനെ പറഞ്ഞത്....😟 "സാരല്ല എന്റെ വല്യേട്ടൻ അല്ലെ....ശ്രീയേട്ടനെ പറ്റി എന്തോ തെറ്റിധാരണ ഉണ്ടായിട്ടുണ്ട്....ആളെ കയ്യിൽ എടുക്കാം...." എന്നും പറഞ്ഞു അവൾ സ്വയം ആശ്വസിച്ചു തിരിച്ചു നടക്കാൻ ഒരുങ്ങവെ അവൾക്ക് മുന്നിൽ ആയി ഒരു വൈറ്റ് കാർ വന്നതും അവൾ പേടിച്ച പോലെ രണ്ടടി പിറകിലേക്ക് വേച്ചു....! പേടിപ്പിക്കാൻ ആയിട്ട്,,,,അവൾ ദേഷ്യത്തോടെ അതിലേക്ക് നോക്കിയതും ഡോർ തുറന്ന ശിവനെ കണ്ട് അവൾ ഒന്ന് ഞെട്ടി.... അവന്റെ മുഖത്തെ ചിരി കണ്ടതും ദേവൂട്ടി വഴി മാറി നടക്കുന്നതിന് മുന്നേ അവളുടെ കയ്യിൽ അവന്റെ പിടി വീണു....! "കയ് വിട്...."😬 അവൾ അരിശത്തോടെ പറഞ്ഞതും അവൻ ചുറ്റിലും ഒന്ന് നോക്കി ആരും ഇല്ലെന്ന് ഉറപ്പ് വരുത്തി അവളുടെ അരയിൽ കൂടി വട്ടം പിടിച്ചു അവളെ പൊക്കി എടുത്തു കാറിൽ ഇട്ടു ഡോർ അടച്ചു....! "ഏയ്‌.... എന്താ ഈ കാണിക്കുന്നേ എന്നെ വിട്...." അവൾ ദേഷ്യത്തോടെ അതും പറഞ്ഞു ഡോർ ഓപ്പൺ ചെയ്യാൻ നോക്കിയതും അത് ലോക്ക് ആയി....! "വണ്ടി എടുക്ക്...." അയാളും ഒന്ന് ഞെട്ടി കൊണ്ട് വണ്ടി മുന്നോട്ട് എടുത്തു....! ഇതെല്ലാം കണ്ട് തെങ്ങിൻ മുകളിൽ നിന്നും ഭാസി ചാടി ഇറങ്ങി....! "ദേവൂട്ടി...."😨

എന്നും വിളിച്ചു അവൻ ആ കാർ പോയ ഭാഗത്തേക്ക് ഒരുപാട് ദൂരം ഓടി....! "ഡോ.... എന്നെ വിടുന്നതാ തനിക്ക് നല്ലത്.... അല്ലെങ്കിൽ എന്റെ ഏട്ടന്മാർ തന്നെ കൊല്ലും...." അവൾ അവന്റെ കയ്യിൽ നിന്ന് രക്ഷപെടാൻ ശ്രമിച്ചു കൊണ്ട് പറഞ്ഞു....! "അതിന് മുൻപ് ഞാൻ നിന്നെ കൊല്ലാതെ കൊല്ലും...." അത്രയും പറഞ്ഞു അവൻ അവളെ കയ്പിടിയിൽ ഒതുക്കി....!അവൾ അരിശത്തോടെ പിടഞ്ഞു കൊണ്ട് അവന്റെ കയ് മാറ്റി....! "അടങ്ങി നിൽക്കെടി...."😬 അവൻ അരിശത്തോടെ അവളുടെ കവിളിൽ ആഞ്ഞു തല്ലിയതും അവൾ ഒരു നിമിഷം തല കറങ്ങിയത് പോലെ കാറിന്റെ ഒരു ഭാഗത്തേക്ക് തെറിച്ചു വീണു....! റിമോട്ട് നീട്ടിയതും അവന്റെ വീടിന്റെ ഗേറ്റ് തുറന്നത് കണ്ട് അവൾ കവിളിൽ കയ് വെച്ചു അവനെ തന്നെ നോക്കി.... അവൻ ഒരു ചിരിയോടെ ഇറങ്ങി അവളെ പിടിച്ചിറക്കി....! "വിട് എന്നെ.... പ്ലീസ്...." അവൾ കണ്ണീരോടെ പറഞ്ഞെങ്കിലും അവൻ അവളെ വീണ്ടും പൊക്കി എടുത്തു അകത്തേക്ക് നടന്നു.... വേലു എന്ത് ചെയ്യണം എന്ന് അറിയാതെ പകച്ചു നിന്നു....തനിക്കും അതെ പ്രായത്തിൽ ഉള്ള ഒരു മകൾ ഉണ്ടെന്നത് അയാളെ വേദനിപ്പിച്ചു....!😢 "ആ... ഹ്.... എന്നെ വിട്.... നിങ്ങൾക്കെന്താ വേണ്ടത്...." അവൾ അവന്റെ കയ്യിൽ കിടന്ന് കൊണ്ട് പറഞ്ഞു....! അവളെയും ബെഡിൽ ഇട്ടു അവൻ വശ്യമായി ചിരിക്കുന്നത് കണ്ടതും അവൾ ചാടി എണീറ്റു.... അവൻ ചിരിയോടെ ഡോർ ലോക്ക് ചെയ്തത് കണ്ട് പെണ്ണ് ഞെട്ടലോടെ ബെഡിന്റെ മറു സൈഡിൽ ആയി വന്ന് നിന്നു....!

"എന്നെ തൊട്ട് പോവരുത്...." "നീയല്ലേ ഞാൻ എന്തോ ചെയ്തെന്ന് പറഞ്ഞു അന്ന് നിന്റെ വീട്ടിൽ വെച്ചു എന്നെ നാണം കെടുത്തിയത്.... അത് ഞാൻ ഇവിടെ വെച്ചു ഇപ്പൊ നടപ്പാക്കാൻ പോവാ... അത് കഴിഞ്ഞു നീ വേണെങ്കിൽ നിന്റെ ശ്രീദേവിന്റെ കൂടെ പോയിക്കോ.... അവന് എന്റെ വക ഒരു സമ്മാനം ആയിക്കോട്ടെ....എനിക്ക് തല്ലി തോല്പിക്കാൻ ആവില്ലെന്ന് അവൻ എന്നെ വെല്ലുവിളിച്ചതാ.... അപ്പൊ പിന്നെ ഞാൻ ഇങ്ങനെ എങ്കിലും അവനെ തോൽപിക്കണ്ടേ...." "എന്നെ തൊട്ടാൽ എന്റെ ശ്രീയേട്ടൻ നിന്നെ ജീവനോടെ വെച്ചേക്കില്ല...." അവൾ വെറുപ്പോടെ അവനെ നോക്കി കൊണ്ട് പറഞ്ഞു....! "എന്റെ ആഗ്രഹം നേടി എടുത്തിട്ട് ഞാൻ അങ്ങ് പോയിക്കോളാം.... എന്റെ ലക്ഷ്യം തന്നെ നിന്നെയും ആ ശ്രീദേവിനെയും തകർക്കണം എന്നാണ്....അതിന് വേണ്ടിയാ ഞാൻ ഈ നാട്ടിലേക്ക് വന്നത് തന്നെ...." എല്ലാം കേട്ട് അവൾ ഒന്നും മനസ്സിൽ ആവാതെ നിന്നു....!എന്തിന്....? എന്ന് ചോദിക്കാൻ പോലും അവൾക്കായില്ല....!! "ഈ വേഷത്തിൽ നീ സുന്ദരിയാ കേട്ടോ.... നിന്റെ ഈ സൗന്ദര്യം കണ്ടാവും ശ്രീദേവ് വീണത് അല്ലെ....! ശ്രീയേട്ടന്റെ ദേവൂട്ടി....നിന്നെ ഒറ്റ അടിക്ക് തീർക്കാനാ നിന്നെ തിരക്കി ഞാൻ വന്നത്.... പക്ഷെ നിന്റെ സൗന്ദര്യം കണ്ട് എന്റെ ചിന്ത മാറി.... നിന്നെ ആസ്വദിച്ചിട്ട് നിന്നെ ഞാൻ അവന് കൊടുക്കാം....

എന്റെ ഉച്ചിഷ്‌ടം നിന്റെ ശ്രീയേട്ടൻ സ്വീകരിക്കൊ ഇനി അവൻ സ്വീകരിച്ചില്ലെങ്കിൽ നീ ഈ ജീവൻ അങ്‌ അവസാനിപ്പിക്കുമോ.... യെസ് അത് മതി.... നീയായിട്ട് നിന്റെ ജീവിതം അവസാനിപ്പിക്കണം.... അത് കണ്ട് ആ ശ്രീദേവ് തകരണം...." അവൻ ഒരു സൈക്കൊയെ പോലെ അതും പറഞ്ഞു അവളുടെ അടുത്തേക്ക് അവൻ നീങ്ങിയതും അവൾ മാറി കയ്യിൽ കിട്ടിയത് ഒക്കെ എടുത്തു അവനെ എറിഞ്ഞു....! അവൻ എല്ലാം തട്ടി തെറിപ്പിച്ചു ബെഡിലൂടെ ചാടി അവളെ കടന്ന് പിടിച്ചു....! "ആ... ഹ്....വിട്...." അവൾ അവന്റെ കയ്യിൽ നിന്ന് കുതറി കൊണ്ട് പറഞ്ഞു....! അവൻ ദേഷ്യത്തോടെ അവളുടെ കവിളിൽ കുത്തിപിടിച്ചു....! "നിന്റെ തന്റെടം ഒന്നും എന്റെ അടുത്ത് ചിലവാകില്ല.... അതൊക്കെ നിന്റെ ഏട്ടന്മാരെ അടുത്ത്...." അവൾ വേദന കൊണ്ട് അവന്റെ കയ് തട്ടി മാറ്റിയതും അവൻ അവളുടെ കവിളിൽ ആഞ്ഞു തല്ലി....അതിന്റെ ശക്തിയിൽ അവൾ തെറിച്ചു വീണു....! അവളുടെ ദാവണി തുമ്പിൽ അവൻ ചവിട്ടി വലിച്ചതും അവൾ തന്റെ മാറിൽ കയ് വെച്ചു.... അവൻ ഒരു ചിരിയോടെ അവളുടെ ശരീര ഭംഗി ആസ്വദിക്കുകയായിരുന്നു....! "എന്നെ ഒന്നും ചെയ്യരുത്....പ്ലീസ്.... ഞാൻ നിങ്ങളുടെ കാൽ പിടിക്കാം...."

അവൾ കണ്ണീരോടെ അവിടെ ഇരുന്നു പറഞ്ഞതും അവൻ അവളെ മുടി കുത്തിൽ പിടിച്ചു നിർത്തി....! "ആ.... ഹ്...." വേദനയോടെ അവൾ അലറി....! അവൻ ഒരു ചിരിയോടെ അവളുടെ ചുണ്ടിൽ വിരൽ ഓടിച്ചതും അവൾ അവന്റെ കയ്യിൽ അമർത്തി കടിച്ചു.... അവൻ പിടഞ്ഞു കൊണ്ട് അവളെ പിടിച്ചു തള്ളിയതും അവൾ വീണ്ടും തെറിച്ചു വീണു....! "എടീ...." ദേഷ്യത്തോടെ അവൻ കയ് കുടഞ്ഞു അവളെ അടുത്ത് ചെന്ന് വീണ്ടും പിടിച്ചു നിർത്തി ഇരു കവിളിലും മാറി മാറി അടിച്ചതും അടിയുടെ ശക്തിയിൽ അവളുടെ കണ്ണിൽ ഇരുട്ട് കയറിയ പോലെ അവൾ അവിടെ തളർച്ചയോടെ വീണു....! അവളുടെ കരച്ചിലും ശബ്ദവും എല്ലാം പുറത്ത് നിന്ന് കേൾക്കുന്ന വേലു വിഷമത്തോടെ നിന്നു....! മയങ്ങി കിടക്കുന്ന അവളെ നോക്കി അവൻ ഒരു ചിരിയോടെ തന്റെ ഷർട്ടിന്റെ ബട്ടൻസ് ഊരി മാറ്റി.... അവളിലേക്ക് അടുക്കും തോറും അവൾ എന്നും വിളിക്കാറുള്ള ദൈവങ്ങളുടെ മുന്നിൽ ഉള്ള വിളക്ക് പോലും അണഞ്ഞു....!! ...തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...