💞 പെയ്‌തൊഴിയാതെ💞 : ഭാഗം 30

രചന: RAFEENA MUJEEB

കൃപ നേരെ പോയത് മദർ കെയർ ഹോസ്പിറ്റലിലേക്കാണ്, പുലർച്ചെ ആയതിനാൽ ഋഷിയുടെ ഡ്യൂട്ടി ടൈം തുടങ്ങാൻ ആവുന്നതേ ഉണ്ടായിരുന്നുള്ളൂ. അവൾ ഋഷിയുടെ ക്യാബിനിലേക്ക് നേരെ കയറിപ്പോയി. അവൾ അവിടെ ചെല്ലുമ്പോൾ ഋഷിയുടെ കൂടെ വൃന്ദ സിസ്റ്ററുമുണ്ടായിരുന്നു. കൃപയെ കണ്ടതോടെ വൃന്ദ ഒരുമാതിരി ചിരി ചിരിച്ച് പുറത്തേക്ക് പോയി. അവൾ പുറത്തേക്ക് പോയതും കൃപ ഓടിവന്ന് ഋഷിയെ കെട്ടിപ്പിടിച്ചു. എന്നാ ബുദ്ധിയാ ഡോക്ടറേ ഈ ഉണ്ടത്തലയിൽ കൃപ ചിരിച്ചുകൊണ്ട് അവനോട് ചോദിച്ചു. അവൻ കാര്യം മനസ്സിലാവാതെ അവളെ സൂക്ഷിച്ചു നോക്കി വളരെ സന്തോഷത്തോടെ കൃപ നടന്ന കാര്യങ്ങളെല്ലാം ഋഷിയോട് പറഞ്ഞു. കാര്യങ്ങളൊക്കെ കേട്ടപ്പോൾ അവനും സന്തോഷമായി. ഞാനൊരു ഡോക്ടറല്ലേ ടീ, അതോടൊപ്പം സൈക്കോളജിയും പഠിച്ചിട്ടുണ്ട്, ആളുകളുടെ മനസ്സ് അളക്കുന്നതിൽ ഇത്വരെ വിജയിച്ചിട്ടുമുണ്ട്, നീ പറഞ്ഞതൊക്കെ വെച്ചു നോക്കിയപ്പോൾ അയാളുടെ ഉള്ളിൽ എന്തോ പുകയുന്നുണ്ടെന്ന് എനിക്ക് സംശമുണ്ടായിരുന്നു,

അതാണ് ഞാൻ കൃതിയോട് അങ്ങനെയൊക്കെ പെരുമാറാൻ പറഞ്ഞത്, ഒന്നുകിൽ ഒരു ഏറ്റുപറച്ചിൽ അല്ലെങ്കിൽ ഇയാൾ ഒരു അപകടകാരിയാവും, അതുകൊണ്ടാണ് കൃതിക്ക് പ്രൊട്ടക്ഷൻ വേണമെമെന്നു ഞാൻ ആദ്യമേ പറഞ്ഞത്. എന്തായാലും കാര്യങ്ങൾ നല്ല രീതിയിൽ തന്നെ അവസാനിപ്പിച്ചല്ലോ, എനിക്കും ഒരുപാട് സന്തോഷമായി. അവൻ അവളെ നോക്കി പുഞ്ചിരിയോടെ പറഞ്ഞു. എന്നാ ശരി ഡോക്ടറെ നമുക്ക് വൈകിട്ട് കാണാം, ഇനി നിന്നാൽ കോളേജിലേക്ക് ലേറ്റ് ആവും അവൾ ഋഷിയിൽ നിന്നുമുള്ള പിടിവിട്ട് കൊണ്ട് പറഞ്ഞു. ഹാ.... ഇതു വരെ വന്നിട്ട് ചുമ്മാ അങ്ങ് പോവുകയാണോ..? വല്ലതും തന്നിട്ട് പോടീ, അവളെ നോക്കി ഒരു കള്ളച്ചിരിയോടെ ഋഷി പറഞ്ഞു . എന്തു തരാൻ...?സംശയത്തോടെ അവൾ അവനെ നോക്കി ചോദിച്ചു. ഓ.. ഒന്നുമറിയാത്തതുപോലെ അവൻ അവളോട് മുഖം കോട്ടിക്കൊണ്ട് പറഞ്ഞു, സത്യായിട്ടും എനിക്ക് ഡോക്ടർഎന്താ ഉദ്ദേശിച്ചത് എന്ന് മനസ്സിലായിട്ടില്ല, നിക്ക്.... നിക്ക്... അവൻ ഒരു കള്ളച്ചിരി അവളെ നോക്കി. നിക്ക്...?

നിക്ക് മുതുഗൗ ... അയ്യടാ ഡോക്ടറുടെ മനസ്സിലിരിപ്പ് കൊള്ളാലോ, , എനിക്കൊന്നും പറ്റില്ല, പോയേ എന്നും പറഞ്ഞ് അവൾ അവിടെ നിന്നും പോകാൻ തുടങ്ങിയതും അവൻ അവളുടെ അരക്കെട്ടിലൂടെ പിടിച്ചു തന്നിലേക്ക് ചേർത്തു നിർത്തി. നീ തന്നിട്ട് പോയാൽ മതി അല്ലെങ്കിൽ ഞാൻ നിന്നെ ഇന്ന് വിടില്ല അവൻ കള്ളച്ചിരിയോടെ അവളെ നോക്കി പറഞ്ഞു. ഡോക്ടറെ കളിക്കല്ലേ കേട്ടോ, ഹോസ്പിറ്റൽ ആണിത് അത് മറക്കണ്ട, ആ വൃന്ദ എങ്ങാനും ഇങ്ങോട്ട് കയറി വന്നാൽ ആകെ നാറും. ആരും ഇങ്ങോട്ട് വരില്ല അവൾ നീ പുറത്തിറങ്ങാതെ ഈ റൂമിന്റെ പരിസരത്തുപോലും വരില്ല നീ തരാനുള്ളത് തന്നിട്ട് പൊക്കോ അവൻ അവളെ ഒന്നു കൂടി തന്നോട് ചേർത്ത് നിർത്തി. ശരി ഞാൻ തരാം,അവൾ ചുറ്റും ഒന്ന് കണ്ണോടിച്ചു അവളുടെ ചുണ്ട് അവന്റെ ചുണ്ടോടടുപ്പിച്ചു. അവളുടെ ചുംബനവും പ്രതീക്ഷിച്ചു അവൻ കണ്ണുകളടച്ച് നിന്നു. ആ നിമിഷം കൃപ അവനെ തള്ളിമാറ്റി, ഉമ്മയൊക്കെ ഞാൻ പിന്നെ തരാം പ ഡോക്ടറെ, ഇപ്പൊ സാറ് ആ രോഗികളെ പരിശോധിക്കാൻ നോക്ക്, ഓടുന്നതിനിടയിൽ അവൾ വിളിച്ചു പറഞ്ഞു. നിന്നെ ഞാൻ എടുത്തോളാമെടീ അവൾ പോയ വഴിയെ നോക്കി അവൻ പറഞ്ഞു. ************ മാസങ്ങൾ ദിവസങ്ങളേക്കാൾ വേഗത്തിൽ സഞ്ചരിച്ചു,

ദത്തൻ കൂടുതൽ ഉത്തരവാദിത്വത്തോടെ കമ്പനി കാര്യങ്ങളെല്ലാം ഏറ്റെടുത്തു, ഇന്ന് ആ കമ്പനി നല്ല രീതിയിൽ മുൻപോട്ടു പോകുന്നതിൽ അവന് വലിയ പങ്കുണ്ട്, നല്ലേടത്തെ കുടുംബാംഗങ്ങൾക്കെല്ലാം അത്ഭുതമായിരുന്നു അവന്റെ മാറ്റം, എല്ലാവരും അവനെയോർത്ത് ഒരുപാട് സന്തോഷിച്ചു. അനന്ദുവിനും ദാസനും ആദ്യത്തെ ശമ്പളം കിട്ടിയപ്പോൾ കുടുംബാംഗങ്ങൾക്ക് എല്ലാം ഡ്രസ്സ് എടുത്തപ്പോൾ ദത്തനും വൈഷുവിനും പ്രത്യേകമെടുക്കാൻ അവർ മറന്നില്ല. രണ്ടുപേരും ഇപ്പോൾ നല്ല രീതിയിൽ കുടുംബം നോക്കുന്നുണ്ട് , ഒരു കുടുംബം മുൻപോട്ടു കൊണ്ടുപോകാൻ അവർ പ്രാപ്തരായി എന്ന് തോന്നിയതും രണ്ടുപേർക്കും തിരക്കിട്ട് വിവാഹാലോചനയിലാണ് വീടുകാർ , ആ ഉത്തരവാദിത്വവും അവർ വൈഷുവിനെ ഏൽപ്പിച്ചു. ധ്രുവ് അവന്റെ കഷ്ടപ്പാടും പ്രയത്നവും കൊണ്ട് ഐപിഎസ് പദവി നേടിയെടുത്തു, ഭാഗ്യവശാൽ അവന് നാട്ടിൽതന്നെ ഐ പി എസ് ഓഫീസറായി ജോലി നോക്കാനുള്ള അവസരവും കിട്ടി. കൃപയ്ക്ക് എക്സാം ആയതുകൊണ്ട് അവളിൽ നിന്ന് ഋഷി അല്പം അകലം പാലിച്ചു, നന്നായി പഠിച്ചു നല്ല മാർക്ക് വാങ്ങാണമെന്ന് അവൻ എപ്പോഴും അവളെ ഉപദേശിച്ചു, എപ്പോഴും വിളിച്ച് ശല്യം ചെയ്യാതെ കൂടുതലും പഠിക്കാനുള്ള സാഹജര്യം അവൾക്ക് ഉണ്ടാക്കി.

ദത്തനെ ഇനി ഇങ്ങനെ വിട്ടാൽ ശരിയാവില്ല നല്ലൊരു ആലോചന കണ്ടുപിടിക്കണമെന്ന് നല്ലേടത്തമ്മ മക്കളെയും മരുമക്കളെയും ഓർമ്മിപ്പിച്ചു, വൈകാതെ അവന് ചേർന്ന ഒരു ബന്ധവുമായി ബ്രോക്കർ കുമാരൻ വീട്ടിലേക്ക് കയറി വന്നു. ആഠിത്ത്യം കൊണ്ടും കുടുംബപാരമ്പര്യം കൊണ്ടും നല്ലേടത്ത് തറവാട്ടിനേക്കാൾ ഒരുപടി മുൻപിൽ നിൽക്കുന്ന കുടുംബം, രണ്ടു സഹോദരന്മാർക്ക് ഒരേയൊരു പെങ്ങൾ പേര് ആശ എൻജിനീയറിങ് അവസാനവർഷ വിദ്യാർത്ഥിനിയാണ്, ബ്രോക്കർ കുമാരൻ പെൺകുട്ടിയുടെ ഗുണവിവരങ്ങൾ വർണ്ണിച്ചു. എല്ലാം കേട്ടപ്പോൾ നല്ലേടത്തമ്മക്ക് പെണ്ണിനെയും കൂട്ടരെയും ഏറെ ബോധിച്ചു, ഈ ആലോജയുമായി മുൻപോട്ട് പോകാൻ അവർ തീരുമാനിച്ചു, കാര്യമറിഞ്ഞപ്പോൾ ദത്തനതിനെ ശക്തമായി എതിർത്തു. തന്റെ സമ്മതമില്ലാതെ തന്റെ വിവാഹം നടത്താമെന്ന് ആരും വിജാരിക്കേണ്ട അവൻ ഉറപ്പിച്ചു പറഞ്ഞു, താൻ ഒരു പെൺകുട്ടിയുമായി ഇഷ്ടത്തിലാണെന്നും അവളെയല്ലാതെ വേറൊരു വിവാഹം കഴിക്കില്ലെന്നും അവൻ ഉറപ്പിച്ചു പറഞ്ഞു. അത് കേട്ടതും എല്ലാവർക്കും അതൊരു ഷോക്ക് ആയിരുന്നു. പെൺകുട്ടിയെ കൂടിയറിഞ്ഞപ്പോൾ നല്ലേടത്തമ്മയുടെ ദേഷ്യം ആളിക്കത്തി. ആ തേങ്ങുക്കയറ്റക്കാരന്റെ മകളെയല്ലാതെ നിനക്ക് വേറെ ആരെയും കിട്ടിയില്ലേ ടാ ,

താഴ്ന്ന ജാതിയിലുള്ള അവളെ നല്ലേടത്തെ കെട്ടിലമ്മയായി വാഴിക്കാൻ ഞാൻ ഒരിക്കലും സമ്മതിക്കില്ല, നല്ലേടത്തമ്മ ദേഷ്യത്തോടെ അവനെ നോക്കി പറഞ്ഞു. അമ്മ ജാതിയും കെട്ടിപ്പിടിച്ച് ഇവിടെ ഇരുന്നോ, അവളുടെ സ്ഥാനത്ത് ഇനി ഒരു മുസ്ലീം കുട്ടിയോ ക്രിസ്ത്യൻ കുട്ടിയോ ആണെങ്കിൽ പോലും ഞാൻ സ്നേഹിച്ച കുട്ടിയാണെങ്കിൽ ആരൊക്കെ എതിർത്താലും അവളെ കല്യാണം കഴിക്കാനുള്ള തന്റേടം എനിക്കുണ്ട്, ഒരു ജാതിയോ മതമോ എന്നെ തെല്ലും അലട്ടില്ല, വൈഷ്ണവി ഒരു ഹിന്ദു കുടുംബത്തിലെ കുട്ടിയായതിൽ നിങ്ങൾ സമാധാനിക്ക് , മറ്റൊരു പെൺകുട്ടിയെ ഞാൻ ഒരിക്കലും വിവാഹം കഴിക്കില്ല, നല്ലേടത്തെ ദത്തന്റെ വാക്കുകളാണിത്, ഇനി ഇതിന്റെ പേരിൽ അവളെയും കുടുംബത്തെയും ഉപദ്രവിക്കാനാണ് നിങ്ങളുടെ പരിപാടിയെങ്കിൽ, ശത്രുപക്ഷത്ത് എന്നെക്കൂടി കാണേണ്ടിവരും നിങ്ങൾക്ക് എന്നെ നേരിടാൻ തയ്യാറായിട്ട് വേണം നിങ്ങൾ അങ്ങോട്ട് വരാൻ, അവളെയും കുടുംബത്തെയും എന്തുവിലകൊടുത്തും ഞാൻ സംരക്ഷിക്കും, തന്റെ ജീവിതത്തിൽ ഒരു പെൺകുട്ടി ഉണ്ടെങ്കിൽ അത് വൈഷു തന്നെയായിരിക്കും, അതിൽ ഒരു മാറ്റവുമില്ല, അവൻ അവന്റെ വാക്കുകളിൽ ഉറച്ചുനിന്നു.

ഭീഷണിയും കണ്ണുനീരും ഒന്നും അവന്റെ മുൻപിൽ ചിലവാകില്ല എന്ന് ഉറപ്പായപ്പോൾ മനസ്സില്ലാമനസ്സോടെ നല്ലേടത്തമ്മ അവന്റെ ഇഷ്ടത്തിന് നിന്നു കൊടുക്കേണ്ടിവന്നു, സമ്മതിച്ചില്ല എങ്കിൽ ഒരു പക്ഷേ തന്റെ മകൻ എന്നെന്നേക്കുമായി നഷ്ടപ്പെടുമെന്ന് ആ അമ്മയ്ക്ക് പൂർണ്ണബോധ്യം ഉണ്ടായിരുന്നു. നല്ലേടത്തമ്മയുടെ ഈ തീരുമാനം ഏറെ അത്ഭുതപ്പെടുത്തിയത് ദത്തനെയായിരുന്നു, ആഠിത്ത്യവും പ്രൗഢിയും മുറുകെ പിടിക്കുന്ന അമ്മ ഒരിക്കലും ഈ വിവാഹത്തിനു സമ്മതിക്കുമെന്ന് അവൻ സ്വപ്നത്തിൽ പോലും വിജാരിച്ചില്ല. വാർത്ത കാട്ടുതീ പോലെ പടർന്നു. നല്ലേടത്തെ ദത്തൻ പുടവ കൊടുക്കാൻ പോകുന്നത് കേവലം താഴ്ന്ന ജാതിയിലെ ഒരു തെങ്ങുകയറ്റക്കാരന്റെ മകളെയാണെന്ന്, കാണുന്നവരെല്ലാം വൈഷ്ണവിയെ ബഹുമാനിക്കാൻ തുടങ്ങി ആ വാർത്ത ഏറെ സന്തോഷിപ്പിച്ചത് കൃതിയെയാണ്, താൻ ഏറെ സ്നേഹിക്കുന്ന തന്റെ ടീച്ചർ തന്നെ തന്റെ ചെറിയമ്മയായി വരുന്നത് അവളെ ഏറെ സന്തോഷിപ്പിച്ചു. ചെറിയച്ഛന്റെ കാര്യത്തിൽ അച്ഛമ്മ പച്ചക്കൊടി കാണിച്ച സ്ഥിതിക്ക്, തന്റെ ഇഷ്ടത്തിനും വലിയ എതിർപ്പൊന്നും ഉണ്ടാവാൻ സാധ്യതയില്ല അവൾ മനസ്സിൽ ഉറപ്പിച്ചു, ഇതിനിടയിൽ കൃതി വിഷ്‌ണുവുമായി വന്ന് രണ്ട് ദിവസം അവിടെ താമസിച്ചു,

ഏറെ സന്തോഷവതിയായിരുന്നു അവൾ, വിഷ്ണു ഇപ്പോൾ തന്നെ നല്ലപോലെ നോക്കുന്നുണ്ടെന്ന് കൃപയോട് അവൾ സന്തോഷത്തോടെയാണ് പറഞ്ഞത്, അവളുള്ള ദിവസങ്ങളിൽ കൃപയും ഒരുപാട് സന്തോഷിച്ചു , അവസാനം യാത്ര പറഞ്ഞ് പോകുമ്പോൾ രണ്ടുപേരും ഒരുപാട് കരഞ്ഞു. നവീൻ തന്റെ വീട്ടുകാരുമായി ചെന്ന് ആതിരയുടെ അഉമ്മയോട് തന്റെ ഇഷ്ടം പറഞ്ഞു, അവനെപ്പോലെ ഒരു മകനെ കിട്ടാൻ താൻ ഭാഗ്യം ചെയ്യണം എന്നു പറഞ്ഞ് ആ അമ്മ പൂർണ്ണ സമ്മതം നൽകി അവരുടെ ബന്ധത്തിന് , പഠിത്തം കഴിഞ്ഞ് വിവാഹമെന്ന ഉടമ്പടിയിൽ രണ്ടു വീട്ടുകാരും അവരുടെ വിവാഹം ഉറപ്പിച്ചിട്ടു. എല്ലാം കൊണ്ടും സന്തോഷമുള്ള ദിനങ്ങളായിരുന്നു പിന്നീടങ്ങോട്ട്. കൃപയുടെ ഏകദേശം തീരാറായി,അത്‌ കഴിഞ്ഞാൽ കോളേജ് അടയ്ക്കും , പിന്നീട് ഋഷിയെ കാണാനാണ് ബുദ്ധിമുട്ട്, അതോർക്കുമ്പോൾ തന്നെ കൃപയ്ക്ക് സങ്കടമാണ്, എങ്ങനെയെങ്കിലുമൊക്കെ തമ്മിൽ മൊക്കെ കാണാമെന്നും പറഞ്ഞ് ഋഷി അവളെ എപ്പോഴും സമാധാനിപ്പിക്കും.

രണ്ടു പേർക്കും ഒരു ദിവസം പോലും തമ്മിൽ കാണാതിരിക്കാൻ കഴിയില്ലായിരുന്നു അത്രയ്ക്കും ദൃഢമായിരുന്നു ആ ബന്ധം. എക്സാമൊക്കെ ആയതുകൊണ്ട് രാവിലെയുള്ള ഒരുമിച്ചു കഴിക്കലൊന്നും കൃപയ്ക്ക് നടക്കാറില്ല, രാവിലെയുള്ള ഓട്ടത്തിനിടയിൽ എന്തെങ്കിലും കഴിച്ചാലായി, അന്നവൾ നേരത്തെ റെഡിയായി ഭക്ഷണം കഴിക്കാനായി ചെല്ലുമ്പോൾ എല്ലാവരും ഭക്ഷണം കഴിക്കാനിരിപ്പുണ്ട്, ദത്തന്റെയരികിൽ ഒഴിഞ്ഞുകിടന്ന കസേര വലിച്ചിട്ട് അവളവനരികിരിലിരുന്നു . എനിക്ക് നിങ്ങളോടെല്ലാവരോടും പ്രധാനപ്പെട്ട ഒരു കാര്യം പറയാനുണ്ട്,പറയാനല്ല എന്റെ തീരുമാനം അറിയിക്കാനുണ്ട്, ഭക്ഷണം കഴിക്കുന്നതിനിടയിൽ നല്ലേടത്തമ്മ എല്ലാവരെയും നോക്കി പറഞ്ഞു. എല്ലാവരും കഴിക്കുന്നത് നിർത്തി കാര്യം എന്താണെന്നറിയാൻ അവരെ ആകാംക്ഷയോടെ നോക്കി. ഒരുപാട് ആൺകുട്ടികൾ ഉള്ള ഈ കുടുംബത്തിൽ ആകെ ദൈവം തന്നത് രണ്ടു പെൺകുട്ടികളാണ്, ഒരുത്തിയെ കല്ല്യാണം കഴിച്ചിട്ട് പിന്നെ ശരിക്കൊന്ന് കണ്ണ് നിറച്ച് കാണാൻ പോലും സാധിച്ചിട്ടില്ല, ആകെയുള്ള സമാധാനം അവൾ സന്തോഷമായിരിക്കുന്നു എന്നത് മാത്രമാണ്,ഇനിയുള്ളത് ഇവളാണ് അവർ കൃപയെ നോക്കി പറഞ്ഞു .

ഇവളെ കൂടി കാണാമറയത്തേക്ക് അയക്കാൻ ഞാനിഷ്ടപ്പെടുന്നില്ല, എന്റെ കണ്ണടയുമ്പോൾ ഇവലെങ്കിലും എന്റെയരികിൽ വേണം എല്ലാവരെയും ഒന്ന് നോക്കി അവർ തുടർന്നു. ബന്ധം നോക്കിയാൽ ഇവളെ കെട്ടാൻ ഏറ്റവും യോഗ്യൻ ധ്രുവാണ്, സ്ഥാനം കൊണ്ട് അവളുടെ മുറച്ചെറുക്കൻ, രണ്ടുപേരുടെയും ജാതകവും ഞാൻ നോക്കി പിടിച്ചു, പത്തിൽ ഒൻപതു പൊരുത്തവുമുണ്ട്, കൃപയുടെ ജാതകത്തിന് ഇത്ര പൊരുത്തമുള്ള ഒരു ജാതകം ഉണ്ടാവില്ല എന്നാണ് ജ്യോൽസ്യർ പറഞ്ഞത്, എല്ലാംകൊണ്ടും ശുഭ ലക്ഷണമാണ് കാണിക്കുന്നത് ദത്തന്റെ വിവാഹത്തോടൊപ്പം തന്നെ രണ്ടുപേരുടെയും വിവാഹം നടത്താനാണ് ഞാൻ തീരുമാനിച്ചിരിക്കുന്നത്, ആർക്കെങ്കിലും ങ എതിർപ്പുണ്ടെങ്കിൽ ഇപ്പോൾ പറയാം, എതിർപ്പുണ്ടെങ്കിലും എന്റെ തീരുമാനമേ ഇവിടെ നടക്കു, നല്ലെടാത്തമ്മ എല്ലാവരെയും നോക്കി പറഞ്ഞു.

അമ്മ എന്താണ് ഈ പറയുന്നത്...? ആര് എതിർക്കാൻ ധ്രുവിനെ പോലെ ഒരാൾക്ക് എന്റെ മോളെ കൈപിടിച്ചു കൊടുക്കുന്നതിലും വലിയ ഭാഗ്യം എന്താണ്..? ഇതിലും നല്ലൊരു ബന്ധം എന്റെ മോൾക്ക് വരാനില്ല, കൃഷ്ണൻ സന്തോഷത്തോടെ പറഞ്ഞു. ദത്തനടക്കം എല്ലാവർക്കും ഈ വാർത്ത ഒരുപാട് സന്തോഷമുണ്ടായിട്ടുണ്ടെന്ന് അവരുടെ മുഖം വ്യക്തമാക്കുന്നുണ്ട്, പ്രധാനകാരണം കൃപയെ ആർക്കും പിരിയാൻ വയ്യ എന്നുള്ളത് തന്നെയാണ്, ധ്രുവ് എല്ലാവർക്കും പ്രിയപ്പെട്ടവനുമാണ്. എല്ലാവരും മതിമറന്ന് സന്തോഷിച്ച നിമിഷമായിരുന്നു അത്. ഈ വാർത്ത കേട്ടതു മുതൽ ഉള്ളിൽ പൊട്ടിക്കരയുകയാണ് കൃപ, പേടി കാരണം ആരെയും എതിർക്കാൻ അവൾക്ക് കഴിയില്ല, ഇനിയും ഇവിടെയി രുന്നാൽ എല്ലാവർക്കു മുമ്പിലും നിയന്ത്രണംവിട്ട് താൻ കരഞ്ഞു പോകും എന്നുള്ള ഭയംക്കൊണ്ട് അവൾ അവിടെനിന്നും എഴുന്നേറ്റു പോയി..... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...