🥀 പ്രാണനായ് 🥀 ഭാഗം 5

രചന: തെന്നൽ

ദീര്‍ഘനേരത്തെ ചുംബനത്തിനു ശേഷം ആദിയേട്ടൻ എന്നിൽ നിന്ന് അടർന്നു മാറി എന്റെ തലയിൽ പതിയെ തലോടികൊണ്ടിരുന്നു .....ആ കയ്യ് ഞാൻ തട്ടി തെറിപ്പിച്ചു .... ചുറ്റിനും നോക്കി ആരെയും കണ്ടില്ല ....നേരത്തെ തന്നെ ആദിയേട്ടൻ എല്ലാവരെയും പുറത്തേക്ക് ആക്കിയിരുന്നു എന്ന് അപ്പോഴാണ് എനിക്ക് മനസിലായത് ..... " തൊട്ട് പോകരുത് എന്നെ ...." " ആമി ....." " വേണ്ട .....ഇത്ര നാളും ഇല്ലാത്ത സ്നേഹം ഇപ്പോൾ എവിടുന്നാ പെട്ടെന്നു പൊട്ടിമുളച്ചത് .....ഞാൻ മരിക്കുമെന്ന് ഉറപ്പായപ്പോൾ ആണോ ഈ കപട സ്നേഹം " ഞാൻ അത് പറയുമ്പോൾ ആദിയേട്ടന്റെ കണ്ണുകൾ നിറയുന്നുണ്ടായിയുന്നു .......മനസിനെ കല്ലാക്കി ആദിയേട്ടനോടു അങ്ങനെയൊക്കെ പറയുമ്പോൾ ആ മനസിനേക്കാൾ നൂറിരട്ടി എന്റെ മനസും വേദനിക്കുന്നുണ്ടായിരുന്നു ..... " ആമി ....ഇങ്ങനെയൊന്നും പറയല്ലെടീ .....ഞാൻ നിന്നെ ഒരുപാട് വേദനിപ്പിച്ചിട്ടുണ്ട് .....നിന്നോട് ക്ഷമ ചോദിക്കാൻ പോലുമുള്ള അർഹത ഈ ആദിക്കില്ല .....എന്നാലും ഞാൻ ചോദിക്കുവാ ....പൊറുത്തു തന്നൂടെ ടീ നിനക്ക് .....നിന്റെ ആദിയേട്ടനല്ലേ ....."

" എനിക്കൊന്നും കേൾക്കണ്ട ..... രാവിലെ ഫോൺ ചെയ്തപ്പോൾ എവിടെയായിരുന്നു .... അമ്മ ഉണ്ടായിരുന്നത് കൊണ്ട് മാത്രമാ ഇപ്പോ ദേ ഇത് പോലെ ഇരിക്കുന്നത് ....അല്ലെങ്കിൽ വെള്ള പുതച്ച ശരീരത്താലെ നിങ്ങൾക്ക് എന്നെ കാണാമായിരുന്നു .....എനിക്കറിയാം അത് തന്നെ അല്ലെ നിങ്ങളും ആഗ്രഹിക്കുന്നത് ....നിങ്ങളുടെ നഷ്ട്ടപെട്ട പ്രണയം അതോടെ തിരിച്ചു കിട്ടുമല്ലോ ....." " എടീ...അത് ഓഫീസിലെ തിരക്ക് കാരണം ആണ് ഫോൺ എടുക്കാൻ കഴിയാത്തത് ....അല്ലാതെ മനഃപൂർവം അല്ല .....ഞാൻ നിന്നെ വേദനിപ്പിച്ചതിന്റെ പ്രതികാരമോണോ ഡീ ആമീ ..... നീ എന്നെ ഇങ്ങനെ വാക്കുകളാൽ കുത്തി നോവിക്കുന്നത് ...." ഇനിയും ആദിയേട്ടനോട് സംസാരിച്ചാൽ ചിലപ്പോൾ എന്റെ നിയന്ത്രണം വിട്ട് ഞാൻ പൊട്ടി കരഞ്ഞ് പോകും ..... പതിയെ ഞാൻ എണീറ്റ് ഇരിക്കാൻ ശ്രമിച്ചു ....എന്റെ ബുദ്ധിമുട്ട് അറിഞ്ഞിട്ടെന്നവണ്ണം എന്നെ സഹായിക്കാൻ കൈകൾ നീട്ടിയ ആദിയേട്ടനെ ഞാൻ തടഞ്ഞു ...... ഞാൻ തടഞ്ഞിട്ടും അതൊന്നും വക വയ്ക്കാതെ പതിയെ എന്നെ എണീപ്പിച്ചു ഇരുത്തി .....

സ്നേഹിക്കരുത് ആദിയേട്ടാ എന്നെ ഇങ്ങനെ .....നിങ്ങൾ വെറുപ്പാലെ എന്നെ ആട്ടി അകറ്റുമ്പോൾ പോലും എന്റെ മനസ് ഇത്രയധികം വേദനിച്ചിട്ടില്ല .....ഇന്നെന്റെ ശരീരത്തിനേക്കാളേറെ വേദന എന്റെ മനസിലാണ് ......മനഃപൂർവം അല്ലെങ്കിൽ പോലും ഞാൻ കാരണം നിങ്ങൾക്ക് നഷ്ട്ടപെട്ട നിങ്ങളുടെ പ്രണയം ഞാൻ ആദിയേട്ടന് തിരിച്ചു തരും ....അത് ഈ ആമിയുടെ വാക്കാണ് ...... " എന്തിനാടീ ആമീ .....നിന്റെ ജീവൻ പോലും നോക്കാതെ ഇങ്ങനെ ഒരു റിസ്ക് എടുത്തത് ..... ഒരു വട്ടം നിനക്ക് എന്നെ പറ്റി ഓർത്തുടായിരുന്നോ ....." " എന്തിനാ ആദിയേട്ടാ .....ഒരിക്കൽ പോലും എന്നെ സ്നേഹിച്ചിട്ടില്ലാത്ത നിങ്ങളെ പറ്റി ഞാൻ ചിന്തിക്കുന്നത് .....നിങ്ങളുടെ ജീവിതത്തിൽ നിന്നും ഒഴിഞ്ഞു പോകാൻ പറ്റിയ നല്ല ഒരു അവസരം അല്ലെ ഇത് .....അപ്പോൾ ഞാൻ എന്തിനാ അത് പാഴാക്കുന്നത് .... " സങ്കടങ്ങളെല്ലാം ഉള്ളിലൊതുക്കി വിദൂരതയിലേക്ക് നോക്കി ഞാനത് പറയുമ്പോഴേക്കും ആദിയേട്ടൻ എന്നെ രണ്ട് കൈകൾ കൊണ്ടും ചുറ്റി വരിഞ്ഞിരുന്നു ..... " ഇല്ല ...ഒരു മരണത്തിനും നിന്നെ ഞാൻ വിട്ടു കൊടുക്കില്ല .....

എനിക്ക് വേണം നിന്നെയും നമ്മുടെ കുഞ്ഞിനേയും ....മതിവരുവോളം സ്നേഹിക്കുവാൻ ..... അറിയില്ലെടീ എനിക്ക് .....വെറുത്തു വെറുത്തു ആ വെറുപ്പ് പോലും നിന്നോടുള്ള സ്നേഹമായി മാറി .....എപ്പോഴോ ഞാനും നിന്നെ സ്നേഹിച്ചു പോയിരുന്നു .....അത് മനസിലാക്കാൻ എനിക്ക് ഇത്രയും സമയം വേണ്ടി വന്നു എന്ന് മാത്രം ....." അതും പറഞ്ഞ് ആ കര വലയത്തിൽ എന്നെ കൂടുതൽ അടുപ്പിക്കുമ്പോഴും ആ കണ്ണുകളിൽ നിന്ന് രണ്ടിറ്റ് കണ്ണുനീർ തുള്ളികൾ എന്റെ ശരീരത്തിലേക്ക് വന്നു പതിച്ചു .....ആ ചുടു കണ്ണീർ എന്റെ ഹൃദയത്തിലേക്കാണ് ആഴ്ന്ന് ഇറങ്ങിയത് .....നിങ്ങളെ ഈ അവസ്ഥയിൽ കാണാൻ എനിക്ക് കഴിയുന്നില്ല ആദിയേട്ടാ ....ഈ സ്നേഹത്തേക്കാൾ എത്രയോ ഭേദമായിരുന്നു എന്നോട് കാട്ടിയിരുന്ന വെറുപ്പ് .....ഇന്ന് ഈ സ്നേഹമാണ് എന്നെ കൂടുതൽ വേദനിപ്പിക്കുന്നത് ......എന്നെ ഇങ്ങനെ സ്നേഹിക്കരുത് നിങ്ങൾ .....ചിലപ്പോൾ നിങ്ങളോടുള്ള സ്നേഹം കാരണം എനിക്ക് ഈ വിധി തന്ന ദൈവത്തോട് പോലും വെറുപ്പ് തോന്നിപ്പോകും ..... 🍀🍀🍀🍀🍀🍀🍀🍀🍀

ഒരു വിധം സുഖപ്പെട്ടപ്പോൾ ഹോസ്പിറ്റൽ വാസം അവസാനിപ്പിച്ച് വീട്ടിലേക്ക് വന്നു .....എന്റെ വീട്ടിലേക്ക് പോകാൻ ഞാൻ ധൃതി കൂട്ടിയെങ്കിലും ആദിയേട്ടൻ വാശി പിടിച്ച് എന്നെ ഇങ്ങോട്ടു കൊണ്ട് വന്നു .... ഇത്ര നാളും സ്വന്തം മകൾ അനുഭവിച്ച വേദനകളും കഷ്ട്ടപ്പാടുകളും അവർക്കറിയില്ലല്ലോ .... 🍀🍀🍀🍀🍀🍀🍀🍀🍀 ആമിക്ക് സുഖമില്ലാത്തത് കാരണം ഓഫീസിൽ പോലും പോകാറില്ല ......എപ്പോഴും അവളോടൊപ്പം ആണ് .....അവളെ തനിച്ചാക്കി എങ്ങോട്ടും പോകാൻ തോന്നുന്നില്ല ...... ആമിക്കുള്ള ഫുഡ്‌ എടുക്കാനായി താഴേക്ക് പോകുമ്പോൾ ആണ് അല്ലു അവിടേക്ക് വന്നത് ..... " ഏട്ടാ ...... എനിക്ക് ഏട്ടനോട് കുറച്ചു സംസാരിക്കാനുണ്ട് " ഒരു വിഷമത്തിൽ എന്നവണ്ണം അവൾ അതെന്നോട് പറയുമ്പോൾ എന്താണെന്ന് മനസിലാകാതെ ഞാൻ അവളെ തന്നെ നോക്കി നിന്നു " ആമി ഒരു തെറ്റും ചെയ്തിട്ടില്ലേട്ടാ ....ഞാൻ ആണ് എല്ലാം ചെയ്തത് ....അന്ന് നിങ്ങളുടെ പ്രണയം വീട്ടിൽ അവതരിപ്പിച്ചപ്പോൾ ഒരു കാരണവശാലും അത് നടക്കാൻ സമ്മതിക്കരുതെന്ന് അച്ഛൻ എന്നോടും അമ്മയോടും പറഞ്ഞു ....

അങ്ങനെ എന്തെങ്കിലും ഉണ്ടായാൽ നമ്മുടെ അഭിമാനം നഷ്ടപ്പെടും ...അച്ഛൻ പിന്നെ ജീവിച്ചിരിക്കില്ലെന്ന് പറഞ്ഞു..... ഏട്ടനോട് പറഞ്ഞാൽ ഏട്ടൻ ഒരിക്കലും പിന്മാറില്ലെന്ന് അറിയാം ....അത് കൊണ്ട് നിങ്ങളെ പിരിക്കാൻ എന്റെ മുന്നിൽ ഈ ഒരു വഴിയേ ഉണ്ടായിരുന്നുള്ളൂ .... ഞാൻ ഒരുക്കിയ നാടകത്തിൽ അച്ഛൻ എന്റെ കൂടെ നിന്നപ്പോൾ ആമിയെ ഞാൻ അതിലെ നായികയാക്കി ..... ഞാൻ പറഞ്ഞിട്ടാണ് അവൾ ഇതെല്ലാം ചെയ്തത് .....ഇതിനൊന്നും കൂട്ട് നിൽക്കില്ലന്ന് ഒരായിരം വട്ടം അവളെന്നോട് പറഞ്ഞതാണ് .....ഞാൻ ആണ് അവളെ നിർബന്ധിച്ചു ചെയ്യിച്ചത് ....ഞാൻ ഇനിയും ഇത് പറഞ്ഞില്ലെങ്കിൽ അവളോട് ചെയ്യുന്ന ഏറ്റവും വലിയൊരു തെറ്റായി പോകും ....ഇത്രയും നാളും ഏട്ടൻ അവളെ അപമാനിക്കുമ്പോഴും വേദനിപ്പിക്കുമ്പോഴും പലവട്ടം ഞാൻ ഇതെല്ലാം ഏട്ടനോട് പറയാൻ ശ്രെമിച്ചതാണ് ....ആമിയാണെന്നെ തടഞ്ഞത് .....ഞാൻ ആണ് ഇതെല്ലാം ചെയ്തതെന്ന് ഏട്ടൻ അറിഞ്ഞാൽ എന്നെ വച്ചേക്കില്ലെന്നവൾ പറഞ്ഞു ....

അത്ര മാത്രം ഐശുവിനെ ഏട്ടൻ സ്നേഹിക്കുന്നുണ്ടെന്നും അവരുടെ പ്രണയം തകർത്ത എന്നോട് ഏട്ടൻ ഒരിക്കലും പൊറുക്കില്ലെന്നും കേട്ടപ്പോൾ ഞാൻ ..... " മതിയെടീ .....അവളുടെ ഒരു മുതലക്കണ്ണീർ.....ഒരക്ഷരം നീ എന്നോട് സംസാരിക്കരുത് ......ഒരു തെറ്റും ചെയ്യാത്ത ഒരു പെണ്ണിനെ ഇതിലേക്ക് വലിച്ചിഴച്ചപ്പോൾ നിനക്കും നിന്റെ തന്തക്കും എന്ത് കിട്ടി .... നീയൊക്കെ ചെയ്തതിന്റെ ഫലമാടീ ആപാവം പെണ്ണ് ഇന്ന് അനുഭവിച്ചു കൊണ്ടിരിക്കുന്നത് .....സന്തോഷിക്കെടീ ഇതെല്ലാം കണ്ടിട്ട് .....നിനക്കറിയോ ഒരു നൂറു വട്ടം അവളെന്നോട് പറഞ്ഞിട്ടുണ്ട് അവളൊരു തെറ്റും ചെയ്തിട്ടില്ലെന്ന് എന്നിട്ടും അതൊന്നും കേൾക്കാതെ ഞാൻ അവളെ എന്നും വേദനിപ്പിച്ചിട്ടേയുള്ളു .....രണ്ട് പെണ്ണുങ്ങളുടെ ജീവിതവും സ്വപ്‌നങ്ങളുമാടീ ഞാൻ കാരണം തകർന്നടിഞ്ഞത് ....അവരുടെയൊക്കെ കണ്ണീരിന്റെ ശാപം എന്നെ വിട്ട് പോകുമെന്ന് നിനക്ക് തോന്നുന്നുണ്ടോ .....ഈ പാപമെല്ലാം എവിടെക്കൊണ്ടാടീ ഞാനൊഴുക്കി കളയേണ്ടത് ..... ഇത്രയും കാലം നിന്റെ നിഴലായ് നടന്ന നിന്റെ സുഹൃത്ത് ഇന്ന് ജീവിതത്തിനും മരണത്തിനുമിടയിലാ പറ്റുമെങ്കിൽ അവളുടെ കാലിൽ പോയി വീഴ് നീ ..... പറ്റില്ലെന്ന് പറഞ്ഞിട്ടും ഓരോന്ന് അവളെ കൊണ്ട് ചെയ്യിപ്പിച്ചു ഇത് വരെ കൊണ്ട് എത്തിച്ചപ്പോ നീയൊക്കെ എന്ത് നേടി ....

.കാണണ്ട എനിക്ക് നിന്നെ .....എന്റെ സഹോദരി ആണെന്ന് പറയാൻ പോലും എനിക്ക് അറപ്പ് തോന്നുവാ .....പൊയ്ക്കോണം എന്റെ മുന്നിൽ നിന്ന് ......"ഞാൻ അത് പറയുമ്പോഴേക്കും കയ്യും വായിൽ പൊത്തി പിടിച്ച് സങ്കടം അടക്കാൻ അവൾ പാട് പെടുന്നുണ്ടായിരുന്നു ...... പറഞ്ഞു കഴിഞ്ഞപ്പോഴേക്കും അവൾ പൊട്ടിക്കരഞ്ഞ് കൊണ്ട് അകത്തേക്ക് ഓടി .....എങ്ങനെ കഴിയും എനിക്ക് അവളോട് ക്ഷമിക്കാൻ .... ഒരു തെറ്റും ചെയ്യാത്ത ഒരു പെണ്ണിനെ ഇത്രയും കാലം വേദനിപ്പിച്ചില്ലേ ..... ഇതിനെല്ലാം എങ്ങനെയാണവളോട് ഞാൻ പ്രായശ്ചിത്തം ചെയ്യേണ്ടത് ....ദൈവം പോലും എന്നോട് പൊറുക്കില്ല 🍀🍀🍀🍀🍀🍀🍀🍀🍀🍀 " വേണ്ടമ്മാ മതി എനിക്ക് വയറു നിറഞ്ഞു ....." " അതൊന്നും പറഞ്ഞാൽ പറ്റില്ല ....ഇത് മുഴുവൻ കഴിക്കണം ....ഒരു ഇച്ചിരി കഞ്ഞി അല്ലെ ഉള്ളു ....അകത്തൊരാള് കൂടി ഉണ്ടെന്നുള്ള ഓർമ വേണം " അപ്പോഴേക്കും ആദി മുറിയിലേക്ക് കടന്ന് വന്നു " ആഹ്.....നീ വന്നോ .....മോൾക്ക് കഞ്ഞി എടുക്കാൻ പറഞ്ഞിട്ട് നീ എങ്ങോട്ടാ പോയത് " " ഓഹ് ....ഞാൻ അത് മറന്നു .....ഇപ്പൊ എടുത്തിട്ട് വരാം "

" വേണ്ടമ്മാ ....... എനിക്ക് മതിയായി .....ഇനി വേണോന്നില്ല .....ഇനിയും കഴിച്ചാൽ ചിലപ്പോൾ എന്റെ വയറു പൊട്ടി പോകും " " ഇങ്ങ് താ അമ്മാ ...ഞാൻ കൊടുക്കാം ....അമ്മക്ക് അടുക്കളയിൽ ഒരുപാട് പണി ഇല്ലേ ....." " ആഹ്.... ഇപ്പോഴാ ഓർത്തത് .....അല്ലുവിനെ ഏല്പിച്ചിട്ടാ ഇങ്ങോട്ടു കയറി വന്നത് ....എന്താക്കി വച്ചിട്ടുണ്ടോ എന്തോ .....ഞാൻ അങ്ങോട്ട് ചെല്ലട്ടെ .....ഇത് ഒരു ഇച്ചിരി കഞ്ഞി കൂടിയേ ഉള്ളു ...മോൾ ഇതും കൂടി കഴിക്കണേ ....." അതും പറഞ്ഞ് ആ പാത്രം ആദിയുടെ കയ്യിൽ കൊടുത്ത് അവർ താഴേക്ക് പോയി .... അത് വാങ്ങി അവൻ ബെഡിൽ അവളുടെ അടുത്ത് ഇരുന്നു ....അവൾ അവന്റെ മുഖത്തേക്ക് പോലും നോക്കുന്നുണ്ടായിരുന്നില്ല ......ജനാലയിലൂടെ പുറത്തെ കാഴ്ചകൾ വീക്ഷിച്ചുകൊണ്ടിരുന്നു ..... " ആമീ .... ദാ ഇതും കൂടി കഴിക്ക് ....." അവൻ ,സ്പൂണിൽ കുറച്ചു കഞ്ഞി എടുത്ത് അവളുടെ നേരെ നീട്ടിക്കൊണ്ട് പറഞ്ഞു ... അവൻ അത് പറഞ്ഞപ്പോൾ അവൾ പുറത്ത് നിന്നും കണ്ണെടുത്ത് ആദിയിലേക്കും സ്പൂണിലേക്കും മാറി മാറി നോക്കി ..... " എനിക്കെങ്ങും വേണ്ട " അവൾ കൊച്ചു കുട്ടികളെ പോലെ മുഖം ചുളിച്ചു കൊണ്ട് വീണ്ടും പുറത്തേക്ക് നോക്കിയിരുന്നു ....

അത് കണ്ട് ആദിക്ക് ചിരി വന്നെങ്കിലും അവൻ ചിരി കടിച്ച് പിടിച്ചു നിന്നു . ....കഞ്ഞി മാറ്റിവച്‌ അവൻ അവളുടെ അടുത്തേക്ക് ചേർന്നിരുന്നു ...പതിയെ അവൻ അവളുടെ ഇടത് കൈ തന്റെ കൈകളാല് കോർത്തു പിടിച്ചു .....അവൾ എന്തെന്ന മട്ടിൽ അവനെ തന്നെ നോക്കി ....ഒരു നിമിഷം ആ കണ്ണുകൾ തമ്മിൽ ഉടക്കി .....നഷ്ടപ്പെട്ടു പോയ ആ മനോഹര പ്രണയത്തിന്റെ ഒരുപാട് കഥകൾ പറയുനുണ്ടായിരുന്നു ആ കണ്ണുകൾക്ക് ..... പിന്നെ എന്തോ ഓർത്തിട്ടെന്നവണ്ണം അവൾ ആ കണ്ണുകൾ പിൻവലിച് അവന്റെ കയ്യ് അവളുടെ കയ്യിൽ നിന്നും അടർത്തി മാറ്റി .....അവൾ പതിയെ അവിടെ നിന്നും എണീക്കാൻ ശ്രമം നടത്തി ...... " ആ ......"തന്റെ വയറിന്മേൽ കൈവച്ചവൾ ഉറക്കെ വിളിച്ചു ..... " ആമീ .......വേദനിക്കുന്നുണ്ടോടീ ....." അവൻ അവളെ ചേർത്ത് പിടിച്ച് വേവലാതിയോടെ ചോദിച്ചു ....... " വെള്ളം വേണോ നിനക്ക് ....ഏഹ് ....ടാബ്‌ലറ്റ് ....ടാബ്‌ലറ്റ് എന്തെങ്കിലും ഉണ്ടോ കഴിക്കാൻ ......" അവൻ അവളടുത്ത് നിന്നും എണീറ്റു പോയി ഒരു വെപ്രാളത്തോടെ വെള്ളം ഒരു ഗ്ലാസ്സിലൊഴിച്ചു കൊണ്ട് വന്നു അവൾക്ക് പകർന്നു കൊടുത്തു .....

അവൾ അത് പതിയെ കുടിച്ച് ഒരു കിതപ്പോടെ അവനെ നോക്കി ..... " ഇപ്പോഴും വേദനിക്കുന്നുണ്ടോ .....ഹോസ്പിറ്റലിൽ പോണോ ....." അവളുടെ കൈ ചേർത്ത് പിടിച്ച് അവൻ അത് ചോദിക്കുമ്പോൾ അവൾ തെല്ലൊന്നു അമ്പരപ്പോടെ അവനെ നോക്കി .... ഇത് വരെ തന്നെ വേദനിപ്പിച്ചിട്ടല്ലാതെ ഒരിക്കൽ പോലും ഇത് പോലെ ചേർത്ത് പിടിച്ചിട്ടില്ല .....ചെറിയൊരു വേദന വന്നപ്പോൾ ഇന്ന് എന്നേക്കാൾ വേദന ആദിയേട്ടൻ അനുഭവിക്കുന്നു ..... ആ കൈ തട്ടി തെറിപ്പിച് ഞാൻ അവിടുന്ന് എണീറ്റു ..... " ആമി എവിടെക്കാ പോണേ .....എന്തേലും ആവശ്യം ഉണ്ടെങ്കിൽ എന്നോട് പറയൂ .....നിനക്ക് വയ്യാത്തതല്ലേ ...... " എനിക്ക് ഒരു കുഴപ്പവുമില്ല .....എന്റെ കാര്യം നോക്കാൻ എനിക്കറിയാം .....എനിക്കാരുടെയും സഹായം വേണമെന്നില്ല ....." അവനോട് അതും പറഞ്ഞവൾ പുറത്തേക്ക് പോകാൻ നിന്നതും അവൻ ഒരു തടസമായി അവൾക്ക് മുന്നിൽ പോയി നിന്നു .... " വഴിയിൽ നിന്ന് മാറൂ ....എനിക്ക് പോകണം ....." " എങ്ങോട്ടാ പോകേണ്ടേ നിനക്ക് ......ഏഹ് .....നിനക്ക് എന്റെ സഹായം വേണ്ടേ .....ഏഹ് ....."

അതും പറഞ്ഞ് മീശ പിരിച്ചു വച്ച് ഒരു കള്ള ചിരിയാലെ അവൻ അവളുടെ അടുത്തേക്ക് നടന്നടുത്തു ..... അവന്റെ ഉദ്ദേശം എന്താണെന്നറിയാതെ അവൾ അവനെ തന്നെ നോക്കി നിന്നു .....അവൻ അവളടുത്തേക്ക് വന്നു നിന്ന് രണ്ട് മുട്ടും തറയിലൂന്നി പതിയെ അവന്റെ ചെവി അവളുടെ വീർത്ത വയറിനോടടുപ്പിച്ചു ..... ആ വയറിനുള്ളിലെ ചെറിയ അനക്കം പോലും അവന് പുതിയൊരു അനുഭവമായിരുന്നു .....കൊച്ചു കുട്ടിയുടെ കൗതുകത്തോടെ അവൻ വീണ്ടും, അവളുടെ വയറിലേക്ക് ചെവിയോർത്തു .....തന്റെ കുഞ്ഞിന്റെ ചെറിയ ചെറിയ അനക്കങ്ങൾ അവന്റെ ഉള്ളിലെ അച്ഛനെന്ന വികാരത്തെ തൊട്ടുണർത്തി ..... അച്ഛന്റെ സമീപനം അറിഞ്ഞെന്നവണ്ണം ആ കുഞ്ഞികാലുകൾ ആ വയറിനുള്ളിൽ കിടന്ന് താളം ചവിട്ടുന്നുണ്ടായിരുന്നു ..... ആദിയുടെ പ്രവർത്തികളെ തെല്ലൊരത്ഭുതത്തോടെ ആമി നോക്കി കണ്ടു .....

പതിയെ അവന്റെ കൈ ആ വയറിനെ തഴുകി .....സന്തോഷം കൊണ്ടാണോ സങ്കടം കൊണ്ടാണോ ആമിയുടെ കണ്ണുകളും നിറഞ്ഞു .....ആ കണ്ണുനീർ പുറത്ത് വരാതെ അവളുടെ കൺകോണിൽ തന്നെ അവൾ തടഞ്ഞു നിർത്തി ..... അവന്റെ ആ ചുണ്ടുകൾ, ആ നിറവയറിനെ മുത്തമിട്ടു ...... ഇത്ര നാളും താൻ ആഗ്രഹിച്ചിരുന്നത് ....ഇതായിരുന്നില്ലേ .... .... സ്നേഹത്തോടെയുള്ള ഒരു തലോടൽ ......ഒരു ചുംബനം ....ഒരു വേള എന്റെ കുഞ്ഞും ആഗ്രഹിക്കുന്നുണ്ടാവില്ലേ അതിന്റെ അച്ഛന്റെ സാമീപ്യം ......ആ ചുംബനത്തിനൊടുവിൽ അവന്റെ കണ്ണുകളും നിറഞ്ഞിരുന്നു ...... ആമിക്ക് പോലും മുഖം കൊടുക്കാതെ അവൻ മുറി വിട്ട് പുറത്തേക്കിറങ്ങി ..... 🍀🍀🍀🍀🍀🍀🍀🍀🍀 അവിടുന്ന് പുറത്തേക്കിറങ്ങി നടക്കുമ്പോഴും മനസ്സാകെ ശൂന്യമായിരുന്നു ..... അപ്പോഴാണ് ഫോൺ കിടന്ന് ചിലക്കുന്നത് ..... ഫോൺ കയ്യിലെടുത്ത് അതിലെ പേര് കണ്ടതും എന്റെ നെഞ്ച് എന്തെന്നില്ലാത്ത മിടിക്കാൻ തുടങ്ങി ...........കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...