💞പ്രണയിനി 💞: ഭാഗം 14

രചന: SHREELEKSHMY SAKSHA

ദൈവമേ ഫോൺ അഭി മാഷിന്റെ കൈയിൽ ഇരുന്നപ്പോ നോട്ടിഫിക്കേഷൻ ഒന്നും വരാതിരുന്നത് നന്നായി. അല്ലേൽ ഇന്ന് തന്നെ എല്ലാം തീർന്നേനെ... ശിഖ മനസിൽ ഓർത്തു... ശ്രദ്ധ എന്തിനോ എഴുന്നേറ്റ് പുറത്തേക്ക് പോയി.വിക്കി ചെകുത്താനും കടലിനും നടുവിൽ പെട്ട അവസ്ഥയിൽ നിന്ന് വിയർക്കുന്നു. കുറച്ച് നേരം അവിടെ നിശബ്ദത പരന്നു.. ശ്രദ്ധ അമ്മയോട് മിണ്ടില്ലേ.... മൗനം മുറിച്ചുകൊണ്ട് ശിവ ശിഖയോട് ചോദിച്ചു അവൾ തല താഴ്ത്തി നിന്നു ഇല്ലാ..... അതെന്തേ.... അവൾ വീട്ടിൽ എന്നോട് മാത്രമേ മിണ്ടു... ബാക്കി എല്ലാരോടും കുറച്ചായി പിണക്കത്തിൽ ആണ്. അതെന്താ കാരണം . ചെറുപ്പം തൊട്ടേ അങ്ങനെ ആണ് എന്തേലും വിഷമം തോന്നിയാൽ പിന്നെ ആരോടും മിണ്ടില്ല.. എന്നോട് മാത്രെ സംസാരിക്കു...ഇപ്പൊ എന്തോ കാര്യത്തിന് അച്ഛനും അമ്മയുമായി വഴക്ക് ഇട്ടു അതിൽ പിന്നെ മിണ്ടില്ല.... ശിഖ തല താഴ്ത്തി തന്നെ പറഞ്ഞു. എന്തോ കാര്യത്തിനല്ല.. കഴിഞ്ഞ തവണ മാഷ് എന്റെ വീട്ടിൽ വിളിച്ചു എന്റെ കുറ്റം പറഞ്ഞില്ലേ...

അന്നേരം അച്ഛാ പറയുവാ 'നിന്നെ കുറിച്ച് ഈ ജന്മം നല്ലത് കേൾക്കാം എന്ന് പ്രതീക്ഷിച്ച ഞങ്ങൾ ആണ് വിഡ്ഢികൾ. വീടിനു പേരുദോഷം കേൾപ്പിക്കാൻ ഉണ്ടായത്' എന്ന് പറഞ്ഞു. അതിൽ പിന്നെയാ മിണ്ടാത്തത്.. ഒരു പുച്ഛ ചിരിയോടെ അത് കേട്ടുകൊണ്ട് വന്ന ശ്രദ്ധ പറഞ്ഞു. അതിനു മിണ്ടാതിരിക്കുവാനോ ചെയ്യേണ്ടത്... ശിവ ചോദിച്ചു. അയ്യോ മാഷേ ഉപദേശിക്കാൻ ആണേൽ ഇപ്പൊ വയ്യ മൂഡില്ല നാളെ രാവിലെ കോളേജിൽ വന്നു കേട്ടോളം.. അവൾ കൈ തൊഴുതു പിടിച്ചു പറഞ്ഞു. ഇന്നാ... കുറച്ച് കഴിഞ്ഞാൽ ഡിസ്ചാർജ് ആവാം.. ഒരാഴ്ച്ച റസ്റ്റ്‌ എടുക്കാൻ പറഞ്ഞു.. ശിഖക്ക് നേരെ കുറച്ച് മരുന്നുകൾ നീട്ടി ക്കൊണ്ട് ശ്രദ്ധ പറഞ്ഞു. നിനക്ക് ബില്ല് അടക്കാൻ കാശ് ഉണ്ടാരുന്നോ... അഭി ചോദിച്ചു. മ്മ് അവൾ മൂളുക മാത്രം ചെയ്തു. അത് നീ പിണങ്ങി നിൽക്കുന്ന ആൾ അയച്ചുതന്ന കാശണ്... ശിവ മേലേക്ക് നോക്കി പറഞ്ഞു. അല്ല.... ഇത് ഇവളുടെ കാശാണ്. കൊച്ചിന് ജോലി ഓക്കെ ഉണ്ട് മാഷേ.... നമ്മളുടെ ചെലവിനും അവളാണ് പൈസ തരുന്നത്..

ഒരു ചിരിയോടെ അവന്റെ അടുത്തേക്ക് വന്നു ശ്രദ്ധ പറഞ്ഞു. ശിവ ഒന്ന് ചമ്മി എങ്കിലും ഗൗരവം വിടാതെ നിന്നു. എന്റെ ഒരു കാർഡ് ഇവളുടെ കൈയിലാണ് ശിഖ ഒരു ചിരിയോടെ പറഞ്ഞു.. മ്മ് താനാണ് ഇവളെ വഴിതെറ്റിക്കുന്നത്.. ശിവ അല്പം നീരസത്തോടെ പറഞ്ഞു. ശിഖ ഒന്ന് ചിരിച്ചു. പിന്നെ മരുന്നു കഴിക്കാൻ വായിൽ വെള്ളം ഒഴിച്ചു അല്ല എന്താ ജോലി... അഭി ചോദിച്ചു. ശിഖ കുടിച്ചുകൊണ്ടിരുന്ന വെള്ളം നെറുകയിൽ കയറി.അവൾ ചുമച്ചു എന്താ മാളൂ ഇത്.. ശ്രദ്ധിച്ചൂടെ... അവളുടെ തലയിൽ തട്ടി കൊണ്ട് ശ്രദ്ധ പറഞ്ഞു.പിന്നെ അവളുടെ ഷാൾ കൊണ്ട് തന്നെ വെള്ളം തുടച്ചു കൊടുത്തു. മ്മ് ലച്ചർ ആണ്.. എംജിയിൽ... ശിഖ പതിയെ പറഞ്ഞു. മ്മ്.. അഭി ഒന്ന് ചിരിച്ചു പെട്ടന്നാണ് അവൻ വേദയെ പറ്റി ആലോചിച്ചത്.. അവളും എംജിയിൽ തന്നെ ആണല്ലോ പഠിപ്പിക്കുന്നത്. അപ്പൊ അങ്ങനെ ആകും ശ്രദ്ധക്ക് അവളെ പരിചയം അവൻ ഓർത്തു. അപ്പൊ നമ്മളൊക്കെ ഒരേ പ്രൊഫെഷൻ ആണ് അല്ലേ... അഭി ചിരിയോടെ ചോദിച്ചു. ശിഖ ഒന്നി ചിരിച്ചു.

അഭി മാഷിന് വേദയെ അറിയില്ലേ... ശിഖ ചോദിച്ചു. മ്മ് അറിയാം. അല്ല എന്റെ പേര് എങ്ങനെ അറിയാം.. മാഷിന് വേദയെ അറിയാമല്ലോ.. മ്മ് ... വേദ കോളേജിൽ എന്റെ ജൂനിയർ ആയിരുന്നു. ഇപ്പൊ നല്ല ഫ്രണ്ട്സ് ആണ്.. ആ.. എന്നിട്ട്..മാഷിന് എന്നെ ഓർമ ഇല്ലേ... ഞാനും അതെ കോളേജിൽ ആണ് പഠിച്ചത് അയ്യോ സോറി എനിക്ക് ഓർമ്മയില്ല.. മ്മ് പക്ഷെ എനിക്ക് ഓർമ ഉണ്ട് വേദയും ഞാനും അന്ന് തൊട്ടേ ഫ്രണ്ട്സ് ആണ്. അപ്പൊ ശിഖ പറഞ്ഞിട്ടാണോ വേദ ഉച്ചക്ക് ശ്രദ്ധയെ കാണാൻ വന്നത്. പെട്ടന്ന് വിഷയം മാറ്റാൻ അവൻ ചോദിച്ചു. ശ്രദ്ധയും ശിഖയും ഞെട്ടി കണ്ണിൽ കണ്ണിൽ നോക്കി. ഇങ്ങേര് ഇതെപ്പോ കണ്ട്... ശ്രദ്ധ ഞെട്ടലോടെ ഓർത്തു. മ്മ് അതെ... ഇവൾക്ക് ഒരു ബുക്ക് വേണം എന്ന് പറഞ്ഞിരുന്നു . എനിക്ക് സമയം കിട്ടാഞ്ഞത് കൊണ്ട് വേദയ വന്നത്.. ശിഖ പറഞ്ഞു. വെള്ളപ്പാറ്റക്ക് ഒടുക്കത്തെ കണ്ണ് ആണ്.. പിശാശ്.. ശ്രദ്ധ ശിഖക്ക് കേൾക്കാൻ മാത്രം ശബ്ദത്തിൽ പിറുപിറുത്തു. ശിഖ അവളെ നോക്കി കണ്ണ് ചിമ്മി. എന്നാൽ ഞങ്ങൾ പൊക്കോട്ടെ.. ശിവ പതിയെ ചോദിച്ചു. പോകണ്ട.. എന്ന് പറയാൻ വരുകയും പെട്ടന്ന് വേറെ എന്തോ ആലോചിച്ചു ശ്രദ്ധ പൊക്കോളാൻ പറഞ്ഞു. നിങ്ങൾ എങ്ങനെ പോകും ശിഖ എവിടെയാണ് താമസിക്കുന്നത്. അഭി ചോദിച്ചത് കേട്ട് ശിവ കലിപ്പ് കേറി.. എങ്ങനേലും പോകാൻ നോക്കുമ്പോ അവന്റെ ഓരോ ചോദ്യങ്ങൾ... ശിവ മനസ്സിൽ പറഞ്ഞു മാളു വർക്കിങ് വിമൻസ് ഹോസ്റ്റലിൽ ആണ് സാരമില്ല ഞങ്ങൾ ഓട്ടോയ്ക്ക് പൊക്കോളാം.. ശിഖ എന്തേലും പറയുന്നതിന് മുൻപ് ശ്രദ്ധ ചാടിക്കേറി പറഞ്ഞു.

ശിഖയ്ക്കും അവൾ അങ്ങനെ പറഞ്ഞതിന്റെ കാര്യം മനസിലായതും അതെ എന്ന് തലയാട്ടി. ഞങ്ങൾ കൊണ്ടാക്കണോ... അഭി വിനയത്തോടെ ചോദിച്ചു. ശിവക്ക് അവന്റെ ചോദ്യം കേട്ട് ദേഷ്യം നന്നേ വരുന്നുണ്ടായിരുന്നു. അവനു എങ്ങനെയെങ്കിലും അവിടെ നിന്ന് പോയാൽ മതി എന്നായി.. വേണ്ടാ മാഷേ.. നിങ്ങൾ പൊക്കോ... ശിവക്ക് ആശ്വാസം ആയി. അഭി ഒന്ന് ചിരിച്ചിട്ട് ശിവയെയും കൂട്ടി ഇറങ്ങി. വിക്കി അവിടെ കിടന്ന് തിരിഞ്ഞു കളിക്കുന്നത് കണ്ട് അഭി ചോദിച്ചു. നീ പോണില്ലേ... ഞാൻ.. ഞാൻ ശ്രദ്ധയെ തിരികെ ഹോസ്റ്റലിൽ ആക്കിയിട്ട് പൊക്കോളാം.. അവൻ ഒരു വളിച്ച ഇളിയോടെ പറഞ്ഞു. മ്മ് അവൻ ഒന്ന് മൂളിക്കൊണ്ട് പോയി.. ഒന്ന് തിരിഞ്ഞു നോക്കി മാഷേ... പ്ലീസ്.. ഒന്ന് നോക്കി.. ശിവ വാതിൽ കടക്കുന്നത് വരെയും ശിഖ മനസ്സിൽ പറഞ്ഞു. വാതിൽ കടക്കും വരെയും അവൻ തിരിഞ്ഞു നോക്കിയില്ല എന്ന് കണ്ടപ്പോൾ അവളുടെ മുഖം മങ്ങി.. വാതിൽ കടന്നതും ശിവ ഒന്ന് തിരിഞ്ഞു നോക്കി. ശിഖയുടെ മുഖത്ത് 500 വാട്ട് ബൾബ് കത്തി. പക്ഷെ ശ്രദ്ധയെയും വിക്കിയെയും ഒന്ന് നോക്കി അവൻ നേരെ നടന്നു. അത് അവളിൽ നേരിയ നിരാശ പടർത്തിയെങ്കിലും അവൾ അവനെ നോക്കി ചിരിച്ചു. നോട്ടം കിട്ടിയില്ല അല്ലേ..

. ശ്രദ്ധ ഒരു ചിരിയോടെ ചോദിച്ചതും. പോടീ എന്നും പറഞ്ഞു ശിഖ മുഖം തിരിച്ചു. എന്റെ പോന്നു മാളു നീ അല്ലാതെ വേറെ ആരെങ്കിലും ആ കാട്ടുമാക്കാന്റെ പിറകെ നടക്കോ... ഞാൻ ആരുന്നേൽ എപ്പോ കളഞ്ഞിട്ട് പോയി എന്ന് ചോദിച്ചാൽ പോരെ... വിക്കി ഇതെല്ലാം കേട്ട് കിളി പോയി നിൽക്കുവാണ്.. എന്റെ ശ്രദ്ധ.. ഇവിടെ എന്താ നടക്കുന്നെ.. എനിക്ക് ഒന്ന് പറഞ്ഞു തരാമോ... പ്ലീസ്.. വിക്കി മുടിയിൽ പിടിച്ചു വലിച്ചുകൊണ്ട് പറഞ്ഞു. അത് കണ്ട് ശ്രദ്ധയും ശിഖയും ചിരിച്ചു. നീ കിടന്ന് ചിരിച്ചോ.. എന്റെ തലയിൽ ഇനി പോകാൻ ഒറ്റ കിളി ഇല്ലാ.. നിന്റെ ചേച്ചിക്ക് എങ്ങനെ അവരെ അറിയാം. എന്റെ ചേച്ചി ആരാ... നിനക്ക് എങ്ങനെ അറിയാം.. എല്ലാം കൂടെ എന്റെ തല പെരുക്കുന്നു.. വിക്കി തലക്ക് കൈകൊടുത്തുകൊണ്ട് പറഞ്ഞു. ശ്രദ്ധ ചിരി നിർത്തി അവന്റെ അടുത്ത് വന്നു അവനെ പിടിച്ചു അവിടെ കിടന്ന കസേരയിൽ ഇരുത്തി.. പറഞ്ഞു തരാം... ഇത് എന്റെ ചേച്ചി ശിഖ മാളൂന്നു വിളിക്കും. ആൾക്ക് ദാ ആ പോയ കാട്ടുമാക്കാനോട് മുടിഞ്ഞ പ്രേമം..

ഇന്നും ഇന്നലെയും തുടങ്ങിയതല്ല തുടങ്ങിയിട്ട് വർഷം കുറെ ആയി. ഇപ്പൊ എങ്ങാണ്ട് 10-14വർഷം ആയിക്കാണും. അല്ലേ മാളൂ... അവൾ ശിഖയെ നോക്കി ചോദിച്ചു. അവൾ അതെ എന്ന് തലയാട്ടി.. പക്ഷെ അങ്ങോർക്ക് ഈ ചേച്ചിയെ കണ്ട പരിചയം പോലും ഇല്ലല്ലോ.. ആലുവ മണപ്പുറത്ത് കണ്ട പരിചയം കാണിക്കുന്നില്ല പിന്നെ ആണ് 14വർഷം.. എന്റെ ശ്രദ്ധ നീ ഒന്ന് പോയെ...വിക്കി സംശയത്തോടെ മുഖം കോട്ടി. അതിനു അങ്ങോർക്ക് പ്രേമം ഉണ്ടന്ന് ഞാൻ പറഞ്ഞില്ലാലോ.. ഇവൾക്ക് പ്രേമം ആണന്നല്ലേ പറഞ്ഞോള്ളു.. എന്താന്ന് ... വിക്കി കണ്ണും മിഴിച്ചു അവളെ നോക്കി. അതെ മോനെ.. ഇവൾക്കെ പ്രേമ ഉള്ളു അങ്ങേർക്ക് ഇല്ലാ.. ഒന്ന് പോടീ.. എന്റെ മാഷ് എന്നെ സ്നേഹിക്കും നോക്കിക്കോ... ശിഖ മുഖം വീർപ്പിച്ചു പറഞ്ഞു. അന്ന് വെള്ളകാക്ക മലർന്നു പറക്കും ശ്രദ്ധ മേലോട്ട് നോക്കി പറഞ്ഞു. 😌 കണ്ട ശ്രദ്ധ അവളുടെ അടുത്തേക്ക് ചെന്നു.. അച്ചോടാ മാളൂട്ടി പിണങ്ങിയോ.. ഞാൻ ചുമ്മാ പറഞ്ഞതല്ലേ... നിന്റെ ആ കള്ള കാട്ടുമാക്കാൻ മാഷ് നിന്നെ സ്നേഹിക്കും നോക്കിക്കോ.. ശിഖ മെല്ലെ ചിരിച്ചു. അവരുടെ രണ്ട് പേരുടെയും സംസാരവും പ്രവർത്തിയും ഓക്കെ കണ്ട് വിക്കി വാതുറന്നിരുന്നു. വാ അടച്ചു വെക് ഈച്ച കേറും..

മോൻ ബെസ്‌മിക്കണ്ട ചേച്ചി എല്ലാം വിശദമായി പറഞ്ഞു തരാട്ടോ.. അവൾ അവന്റെ തോളത്ത് തട്ടി ചിരിയോടെ പറഞ്ഞു. ഒക്കെ... അപ്പൊ എന്റെ ചേച്ചിക്ക് എന്താ റോൾ.. ചേച്ചീടെ കൂടെ ജോലി ചെയുന്നു എന്ന് മാത്രേ ഉള്ളോ.. വിക്കി തല ചൊറിഞ്ഞു ചോദിച്ചു. ശ്രദ്ധ ശിഖയെ നോക്കി ചിരിച്ചു. എന്റെ വിക്കി.. വല്ലപ്പോഴും നിന്റെ ചേച്ചീടെ റൂമിൽ കേറി ആ ഡയറി ഒന്ന് നോക്കിയിരുന്നേൽ ഇത് പറയാൻ കുറെ കൂടെ എളുപ്പം ആയേനെ... അതെന്താ....? നിനക്ക് മഹി എന്നൊരാളെ അറിയോ.. മഹിയോ.. വിക്കി നെറ്റി ചുളിച്ചു ചോദിച്ചു. മഹിയോ.. ഏത് മഹി... മഹി.... മഹീന്ദ്രൻ അറിയോ.. ഇല്ലാ അറീല്ല.., ആ നിന്റെ ഭാവി അളിയൻ ആണ്... ങേ... വിക്കി ഞെട്ടി. ഞെട്ടണ്ട മോനെ... നിന്റെ ചേച്ചിയും ദേ ഈ മാളുവും ഒരുമിച്ച് പഠിച്ചതാണ്.. മഹിയും ദേ ഇപ്പൊ പോയ അഭി മാഷും സീനിയേഴ്‌സും. കോളേജിൽ പഠിക്കുന്ന സമയത്ത് നിന്റെ ചേച്ചിക്ക് ഈ പറഞ്ഞ മഹിയോട് പ്രേമം. പക്ഷെ അങ്ങൊരു നോക്കിയത് ദേ ഇവളെയും.. ശ്രദ്ധ ശിഖയെ ചൂണ്ടി പറഞ്ഞു.

മഹിയുടെ ഉള്ളിൽ കയറി പറ്റാൻ വേണ്ടി പാവം വേദ അഭിയോട് കൂട്ടായി. അവനോട് അടുക്കാൻ നോക്കിയേലും മഹി തിരിഞ്ഞും തിരുവഴിയും നോക്കിയില്ല...ശിഖ ശ്രദ്ധ പറഞ്ഞതിന് ബാക്കി പറഞ്ഞു. അതെങ്ങനാ... അങ്ങേർക്ക് ഇവളോട് കൊണ്ടു പിടിച്ച പ്രേമം അല്ലാരുന്നോ.. ഇപ്പോഴും ഇവളുടെ ഒരു യെസ് ന് വേണ്ടി കത്തിരിക്കുവാ പാവം.. എന്നിട്ട്... വിക്കി ആകാംഷയോടെ ചോദിച്ചു. എന്നിട്ടെന്താ ഇവളുടെ പ്രേമം അറിഞ്ഞു അത് സെറ്റ് ആയാൽ വെധേച്ചിയുടെ റൂട്ട് ക്ലിയർ ആവുമല്ലോ എന്നോർത്ത് ഇവരെ സെറ്റ് ആക്കാൻ പാവം രാപ്പകൽ ഇല്ലാതെ കഷ്ടപെടുവാ... ശ്രദ്ധ ചിരിയോടെ പറഞ്ഞു. ഓഹോ അപ്പൊ കള്ളിക്ക് പ്രേമവും ഉണ്ടോ... ശരി ആക്കി തരാം.. വിക്കി താടി ഉഴിഞ്ഞു പറഞ്ഞു. മോനെ.... നീ ഇപ്പൊ ഒന്നും ചെയ്യരുത് എല്ലാം കുളമാക്കരുത് പാവം ആ മഹിയെ അത്രക്ക് സ്നേഹിക്കുന്നുണ്ട്. നിന്നോട് ആദ്യം പറയണ്ട എന്നാ തീരുമാനിച്ചത് പിന്നെ... അവസ്ഥ ഇതായത് കൊണ്ട് പറഞ്ഞതാ... മ്മ് എന്നാലും അവൾക്ക് എന്നോട് പറയാമായിരുന്നു... പിന്നെ ഒരു സ്ക്രൂ പോയ നിന്നെയൊക്കെ എങ്ങനെ വിശ്വസിക്കും. പിന്നെ.. പറയുന്നാളുടെ സ്ക്രൂ എല്ല്ലാം ഉണ്ടല്ലോ... അത് മതി... ശ്രദ്ധ അവനെ ഒന്ന് ഇളിച്ചു കാണിച്ചു. ...തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...