💞പ്രണയിനി 💞: ഭാഗം 20

രചന: SHREELEKSHMY SAKSHA

ഞാനും ലെച്ചുവുമാണ് പോയത്. അവിടെ പടിപ്പുരയിൽ തന്നെ സച്ചു നിൽപ്പുണ്ട്. ഇപ്പൊ പെറ്റിക്കോട്ട് അല്ല കണംകാലിനു മേലെ കിടക്കുന്ന ഒരു പാവാടയും ഉടുപ്പും ആണ്.. മുടി വകഞ്ഞു കൊമ്പ് പോലെ രണ്ടായി കെട്ടി വെച്ചിരുന്നു. ഞങ്ങളെ കണ്ടതും അവൾ പടി ഇറങ്ങി അടുത്തേക്ക് വന്നു. ആഹാ ഇന്ന് സുന്ദരി ആയിട്ടുണ്ടല്ലോ ലെച്ചു അവളുടെ കവിൾ പിച്ചി. അവൾ കുലുങ്ങി ചിരിച്ചു. ലെച്ചു പാവ അവൾക്ക് കൊടുത്തു അവളത്തിന്റെ കവർ പൊട്ടിച്ചു തിരിച്ചും മറിച്ചും നോക്കി. പിന്നെ ചെറുചിരിയോടെ ഞങ്ങളെ നോക്കി. ഇഷ്ട്ടായോ... ആ... ഇശ്ത്തായി അവൾ കണ്ണ് ചിമ്മി പറഞ്ഞു. അവൾ ഞങ്ങളെ രണ്ട് പേരെയും വിളിച്ചു അകത്തേക്ക് കൊണ്ടുപോയി. അവിടെ ആ ചുറ്റുവട്ടത്തുള്ള കുട്ടികൾ എല്ലാം ഉണ്ടായിരുന്നു. അവൾ ഓരോരുത്തരെ പറഞ്ഞു കൊടുത്തു അപ്പു.... പൊന്നു... കല്ലു.... കഴിക്കാൻ നേരം സച്ചു വന്നു എനിക്കും ലെച്ചുവിനും ഇടയിൽ ഇരുന്നു. നിലത്ത് ആയിരുന്നു പാ വിരിച്ചു ഇരുന്നത് മാളുവും അമ്മയും കൂടെ ആണ് വിളമ്പിയത്.. ഞങ്ങളുടെ ഇടയിൽ ഇരുന്നെങ്കിലും അവൾ വിളമ്പിയ ചോറിൽ കൈ കൊണ്ട് തൊട്ടു പോലും ഇല്ലാ... സച്ചു കഴിക്കി...

എല്ലാരും പറഞ്ഞപ്പോ അവൾ മാളുവിനെ നോക്കി. അവൾ ഇരിക്കാത്തത് കൊണ്ടാണെന്നു അമ്മക്ക് മനസിലായി അമ്മ മാളുവിനെ പിടിച്ചു ഇരുത്തി വിളമ്പാൻ തുടങ്ങിയപ്പോ. മാലു ഇവിടെ ഇരിക്ക്.. വാ...അവൾ ചിണുങ്ങി പറഞ്ഞു. മാളു അമ്മയെ നോക്കി. ഈ പെണ്ണിന്റെ വാശി എന്നും പറഞ്ഞു അവൾ സച്ചു ഇരുന്നിടത്ത് വന്നു അവൾ എഴുന്നേറ്റ് മാളുവിന്റെ മടിയിൽ കയറി ഇരുന്നു. രണ്ടാളും ഒരു ഇലയിൽ നിന്നാണ് കഴിച്ചത്. ശിവയും ലെച്ചുവും അല്പം കുശുമ്പോടെയാണ് അവരുടെ സ്നേഹം നോക്കി കണ്ടത്. ഊണ് കഴിഞ്ഞ് ഗ്ലാസിൽ എല്ലാർക്കും പായസം കൊണ്ടുവന്നു ഞാനും സച്ചുവും മാളുവും ലെച്ചുവും കൂടെ ഇരിക്കുമ്പോഴാണ് സച്ചു വന്നു എന്റെ കൈയിൽ പിടിച്ചത്.. നിന്നെ എനിച്ചു ഇശ്ത്തായി നീ മാലൂനെ കെത്തുവോ ..... ഒരു നിമിഷം എല്ലാരും അനങ്ങാതെ പോയി. ലെച്ചു ഒരു നിമിഷം കഴിഞ്ഞു വാ പൊത്തി ചിരി തുടങ്ങി... എനിക്കും ചിരി പൊട്ടി മാളു മാത്രം ചമ്മലോടെ ഞങ്ങളെ ആരെയും നോക്കാതെ സച്ചുവിനെ നോക്കി കണ്ണ് മുഴപ്പിച്ചു ഞങ്ങൾ ചിരിക്കുന്നത് കണ്ട് മുഖം വീർപ്പിച്ചു നിൽക്കുവാണ് സച്ചു. ഡാ ചെക്കാ.. നീ കെത്തുവോന്ന്...

ഇടത്തെ കാലു നിലത്ത് ആഞ്ഞു ചവിട്ടി കൊണ്ട് സച്ചു വീണ്ടും ചോദിച്ചു. ലെച്ചുവിന്റെയും എന്റെയും ചിരി നിന്നു. ഞങ്ങൾ മാളുവിനെ നോക്കി. സച്ചു... നീ എന്തൊക്കെയാ പറയുന്നേ...മാളു അല്പം ദേഷ്യത്തോടെ ചോദിച്ചു. നിക്ക് ഇവനെ ഇശ്ത്തായി. ലെച്ചു വീണ്ടും വാ പൊത്തി ചിരി അടക്കി പക്ഷെ ഇത്തവണ എനിക്ക് ചിരി വന്നില്ല... ഞാൻ അവളുടെ മുഖത്തേക്ക് നോക്കി കുറുമ്പ് അല്ല മറ്റേതോ ഭാവം ആണ്.. നിനക്ക് ഇഷ്ട്ടായാൽ മാളൂനെ കൊണ്ടാണോ കെട്ടിക്കുന്നെ.. ലെച്ചു ചിരിയോടെ ചോദിച്ചു. സച്ച കല്ലാനം കയിക്കാൻ ആയില്ല... മാലൂന് അല്ലേ പറ്റു... അതിനു ചേച്ചി കല്യാണം കഴിക്കാൻ ആയി എന്ന് സച്ചൂനോട് ആരാ പറഞ്ഞെ... അമ്മ.... അമ്മ പരഞ്ഞല്ലോ വലിയ കുറ്റിയാ കല്ലനം കഴിക്കുനെന്നു.. അത് ചേച്ചിയെക്കാൾ വലിയ കുട്ടികൾ ആണ് കല്യാണം കഴിക്കുന്നത്. അല്ല നീ കല്ലം പറയാ.... നീ കെറ്റുവോ ഇല്ലിയോ... അവൾ നിലത്ത് കാലു ആഞ്ഞു ചവിട്ടി കൊണ്ട് ബഹളം വെച്ചു. സച്ചു നീ എന്താ കാണിക്കുന്നേ... കുട്ടികൾ ഇങ്ങനെ ഒന്നും പറയാൻ പാടില്ല... അവളുടെ കൂട മുട്ടിൽ നിന്നുകൊണ്ട് മാളു പറഞ്ഞു. അവൾ ചുമ്മാ ഓരോന്ന് പറയുന്നതാ കാര്യം ആക്കണ്ട...

മാളു ലെച്ചു വിനെ നോക്കി. മ്മ് അവൾ തലയാട്ടി.. ചുമ്മാ പറഞ്ഞെ അല്ല.... അവൾ കരയാൻ തുടങ്ങി. ലെച്ചുവും ഞാനും ധര്മസങ്കടത്തിൽ ആയി.മാളു അവളെ പല കാര്യം പറഞ്ഞു സമദനിപ്പിക്കാൻ നോക്കിയേലും അവൾ അത് തന്നെ പറഞ്ഞു കരയാൻ തുടങ്ങി. അവസാനം ശിവാ അവളെയും എടുത്ത് വെളിയിലേക്ക് നടന്നു. പിന്നാലെ ലെച്ചുവും മാളുവും. നീ കേട്തുവോ ഇല്ലിയോ... വീണ്ടും അവൾ അത് തന്നെ ചോദിച്ചു. മാളു ദയനീയതയോടെ ലെച്ചുവിനെ നോക്കി. അവൾ ചിരി പിടിച്ചു നിൽക്കുവാണ്.. ആ കെട്ടാം.. ഇപ്പൊ അല്ല പിന്നെ... ശിവാ സമാദാനത്തിനു പറഞ്ഞു. അവളുടെ മുഖം തെളിഞ്ഞു. പിന്നെ എപ്പോ... അടുത്ത ചോദ്യം വന്നു.. അത്.. പിന്നെ.... നാളെ കെത്തുവോ.... നാളെയോ... ശിവാ ഞെട്ടി ചോദിച്ചു. ആ... നാളെ... അവൾ കണ്ണ് അമർത്തി തുടച്ചുകൊണ്ട് പറഞ്ഞു. നാളെ ഒന്നും പറ്റില്ല.. അവൻ പെട്ടന്ന് പറഞ്ഞു സച്ചുവിന്റെ മുഖം വീണ്ടും മങ്ങി. അത് കണ്ട് ലെച്ചു പറഞ്ഞു. നാളെ പന്ന ദിവസം ആണ്.. അപ്പൊ നമുക്ക്‌ അത് കഴിഞ്ഞ് കെട്ടാം... മ്മ് അവൾ തലയാട്ടി.. അവൾ കുറുമ്പോട് അവന്റെ ഒക്കത്തു നിന്നിറങ്ങി മാളുവിന്റെ കൈയിൽ പിടിച്ചു. അവൾ കൈ തട്ടി അകത്തേക്ക് കയറിപ്പോയി.

സച്ചു വീണ്ടും കരയാനായി.... ചുണ്ട് കോട്ടി പിടിച്ചതും. ലെച്ചു എന്തൊക്കെയോ പറഞ്ഞു അവളെ സമാദനിപ്പിച്ചു.. തിരികെ വീട്ടിലോട്ട് പോകാൻ നേരം മാളു ലെച്ചുവിനോട് മാത്രം മിണ്ടി ശിവയെ നോക്കിയത് പോലും ഇല്ലാ അവൾ ആകെ ചമ്മി നിൽക്കുകയായിരുന്നു. ലെച്ചു വീട്ടിൽ വന്നു ഈ കാര്യം അമ്മയോടും അച്ഛനോടും പറഞ്ഞു ചിരി തുടങ്ങി അവരും അത് കളിയായി കണ്ട് ചിരിച്ചു.. കുറുമ്പ് എന്നും പറഞ്ഞു അമ്മ കുറെ ചിരിച്ചു. പിറ്റേന്ന് ശിവയുടെ കണ്ണിൽ അറിയാതെ പോലും പെടാതിരിക്കാൻ മാളു ഓടി നടന്നു. അതിനടുത്ത ദിവസം ഓർത്ത പോലെ അവർ പാല് വാങ്ങാൻ വന്നപ്പോ ശിവയോട് സച്ചു മാളുവിനെ കെട്ടാൻ പറഞ്ഞു അന്ന് എന്തൊക്കെയോ പറഞ്ഞു അവർ തടി തപ്പി .. ദിവസങ്ങൾ കടക്കുമ്പോൾ സച്ചുവിന്റെ വാശി കൂടി വന്നു. മാളു കപട ദേഷ്യം കാണിക്കുവെങ്കിലും സച്ചു ചിണുങ്ങുമ്പോൾ അവൾ പിണക്കം മാറ്റും അത് തന്നെ ആയിരുന്നു അവളുടെ ആയുധവും. പിന്നെ പിന്നെ മാളു അവൾ പറയുന്നത് രസിക്കാൻ തുടങ്ങി അറിയാതെ ഒരിഷ്ടം അവളുടെ ഉള്ളിലും കേറി കൂടി.

സച്ചുവും ശിവയും തമ്മിൽ കാണുമ്പോൾ എല്ലാം സച്ചു കുറുമ്പോട് അവളെ കെട്ടാൻ പറയുന്നത് കേൾക്കാൻ വേണ്ടി അവൾ ഇരുന്നു. അങ്ങനെ ഒരു ദിവസം സച്ചുവിന്റെ ബഹളം കൂടിയ സമയം. സ്കൂൾ വിട്ട് വന്ന മാളുവിന്റെ അടുത്തേക്ക് ശിവാ ചെന്നു.. അവൾ അങ്ങനെ ഓക്കെ പറയുന്നതിൽ കുട്ടിക്ക് വിഷമം തോന്നരുത് അവൾ കുട്ടിയാണ്.. അങ്ങനെ കുറെ പറഞ്ഞു മാളു എല്ലാം വായും തുറന്ന് കേട്ടു... കാര്യം ആക്കണ്ടാട്ടോ... അവൻ ചിരിയോടെ പറഞ്ഞു നടന്നതും മാളു വിളിച്ചു.. എന്താ... സച്ചു വെറുതെ പറയുന്നത് ആണെങ്കിലും ഞാൻ കാര്യായിട്ട് ഒരു കാര്യം പറയട്ടെ... ആ... അവൻ നെറ്റി ചുളിച്ചു അവളെ നോക്കി.

എനിക്ക് ഇഷ്ട്ടം ആണ്... അതും പറഞ്ഞു ചിരിച്ചുകൊണ്ട് അവൾ ഓടി.. ശിവ ഇഞ്ചി കടിച്ച കുരങ്ങനെ പോലെ നിന്നു... പിന്നെത്തൊട്ട് ശിവാ നോക്കുന്നിടത്തെല്ലാം മാളു... മാളു വീണ്ടും വീണ്ടും പല തവണ ഒളിഞ്ഞു തെളിഞ്ഞു ഇത് തന്നെ ആവർത്തിച്ചു. ലെച്ചുവിന്റെ മുൻപിൽ അവൾ പഞ്ച പാവം... ശിവ ഒറ്റക്ക് ഉള്ളപ്പോ പുലി... ശിവാ അതൊന്നും കാര്യം ആക്കാതെ നടന്നു.10ആയത് കൊണ്ട് അവൻ പടുത്തത്തിൽ മാത്രം ശ്രദ്ധിച്ചു. എങ്കിലും അവസരം കിട്ടുമ്പോൾ എല്ലാം മാളു ഇത് തന്നെ പറഞ്ഞു..അവൻ മറുപടി ഒന്നും ഇല്ലാതെ നടന്നു. ആ വർഷം കഴിഞ്ഞതോടെ അച്ഛനും അമ്മയും ഒരുപോലെ മാറ്റം വാങ്ങി ഇവിടേക്ക് വന്നു... പിന്നെ ഇവിടെയാണ്.. ആകെ ഒരു വർഷം മാത്രം ഉള്ള ഓർമ.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...