💞പ്രണയിനി 💞: ഭാഗം 26

രചന: SHREELEKSHMY SAKSHA

ഉവ് വിളിച്ചിരുന്നു .. പെണ്ണ് ഒരേ കരച്ചിൽ ആണ് മോൾ ഒന്ന് പറ.. വിളിച്ചിട്ട് നാളെ തന്നെ രണ്ടാളും വരണം. മറ്റെന്നാളോ അതിനടുത്തീസോ അവര് വരും. നാളെയോ.... അത് പറ്റില്ല ഞങ്ങൾ മറ്റെന്നാൾ കഴിഞ്ഞ് വരാം... എന്താ കുട്ടി നി പറയണത്... നിങ്ങൾക്ക് വരാൻ വേണ്ടി അല്ലേ അവർ നേരത്തെ വിളിച്ചു പറഞ്ഞത്. നാളെ തന്നെ രണ്ട് പേരും ഇങ്ങോട്ടേക്കു എത്തണം. അവരോട് വിളിച്ചു അത് കഴിഞ്ഞു വരാൻ പറ... എന്തായാലും മറ്റെന്നാൾ കഴിയാതെ വരാൻ പറ്റില്ല... അതെന്തേ അവിടെ മറ്റെന്നാൾ വരെ... മറ്റെന്നാൾ വാഹന പണിമുടക്ക് ആണ് ബസ് ഒന്നും കാണില്ല ട്രെയിൻ ഇറങ്ങി ഇത്രയും ദൂരം നിങ്ങൾ എങ്ങനെ വരും. അതൊന്നും നടക്കില്ല നാളെ തന്നെ വരണം. അമ്മേ.... സച്ചൂ... നി വെറുതെ പറയണ്ട നിന്റെ വാശിക്ക് എല്ലാം കൂടെ നിന്നതാണ് ഞങ്ങൾ ചെയ്ത തെറ്റ്. നിന്റെ കല്യാണം ഒന്നും അല്ലല്ലോ... നാളെ നിങ്ങൾ രണ്ടും ഇവിടെ വേണം. മാളു എന്തായാലും വരും. നീ വന്നില്ലേച്ച...... അമ്മ ഒന്ന് നിർത്തി നിശ്വസിച്ചു. നിന്റെ ഇഷ്ട്ടം വരുവോ വരാതിരിക്കോ ചെയ്...

നിന്റെ പേരിൽ മാളൂന്റെ ഭാവി കളയാൻ ഞങ്ങൾ ഒരുക്കം അല്ല..... നി വരുന്നെങ്കിൽ വാ.. കൂടുതൽ പറയാൻ ഒന്നുമില്ല.. ഞാൻ വരാം ഞാനായിട്ട് ഇനി ആരുടേയും ഭാവി കളയുന്നില്ല.. എന്റെ സച്ചു ഇത്രയും പറഞ്ഞതിൽ നി എന്തിനാണ് അതിൽ മാത്രം കേറി പിടിക്കുന്നത്... എപ്പോഴും ഇങ്ങനെയാണ്.. കൂടെ ഉള്ള നല്ലത് എന്താ നി കാണാത്തത്.. ഞാൻ ഇങ്ങനെയാണ്... പിന്നെ എത്ര നമ്മയുടെ കൂടെയും ഒരു തിന്മ പോരെ അത് നശിക്കാൻ... നിന്റെ സാഹിത്യം ഒന്ന് എനിക്ക് കേൾക്കണ്ട.. നി ഒരു പെൺകുട്ടി എല്ലാത്തിന്റെയും നല്ലത് കാണാൻ ശ്രമിക്കുക അത്രയേ എനിക്ക് പറയാൻ ഉള്ളു. നല്ലത് മാത്രം പോരാ അമ്മ ചീത്തയും നോക്കണം എന്നാലേ ജീവിക്കാൻ പറ്റു. ഒരു വഴിയേ നടക്കുമ്പോൾ പല ഇഴജന്തുക്കളും കാണും അതിനെയെല്ലാം തല്ലികൊന്നേ വരാൻ പറ്റു എന്നാണേൽ വീട്ടിക്ക് വരാൻ പറ്റില്ല.. എല്ലാത്തിന്റെയും നല്ലത് മാത്രം കാണാൻ ശ്രമിക്ക്.. നിനക്ക് ഇപ്പൊ അത് മനസിലാവില്ല കുറച്ചു കഴിയട്ടെ... ആ... നിനക്ക് ആവുമെങ്കിൽ മാളുവിനെ വിളിക്ക്. മ്മ്...

ശ്രദ്ദ ഫോൺ വെച്ചു. നിന്റെ പിണക്കം ഇതുവരെ കഴിഞ്ഞില്ലേ... ദിവ്യ ഫോണിൽ നിന്ന് തലയുയർത്തി കൊണ്ട് ചോദിച്ചു. അവൾ ഒന്നും മിണ്ടാതെ എങ്ങോട്ടോ നോക്കി ഇരുന്നു. ഹും. നിന്റെ അച്ഛനും അമ്മയും ആയിട്ടാണ്... എന്റെ വീട്ടിൽ വല്ലതും ആയിരിക്കണം.... അതെ എന്റെ അച്ഛനും അമ്മയും ആയിട്ടാ... നിനക്ക് ചേതം ഒന്നും ഇല്ലല്ലോ. ബാക്കി പറയാൻ സമ്മതിക്കാതെ ശ്രദ്ധ പറഞ്ഞു. ഉപദേശിക്കാൻ ആർക്ക് പറ്റും... ശ്രദ്ധ മുഖം കോട്ടി ഫോണും എടുത്ത് വെളിയിലേക്ക് നടന്നു.അവൾ ഫോണിൽ മാളുവിനെ വിളിച്ചു. സച്ചൂ ഞാൻ എന്താ ഇപ്പൊ ചെയ്യാ... ഫോൺ എടുത്തതും കരഞ്ഞുകൊണ്ട് മാളു ചോദിച്ചു. നി കരയാതെ... നമുക്ക്‌ വഴിയുണ്ടാക്കാം.... എങ്ങനെ.. നാളെ നമ്മൾ ഇവിടുന്ന് പോവല്ലേ... അതിനെന്താ...മാഷിന്റെ കാര്യം ഓർത്താണേൽ നമ്മുക്ക് അത് കഴിഞ്ഞു കാണാമല്ലോ...

അപ്പോഴേക്കും മാഷിന്റെ എങ്ങാനും മാഷിന്റെ കല്യാണം ആയാലോ... പിന്നെ ഒരാഴ്ച്ച കൊണ്ട് എന്തായാലും കല്യാണം നടക്കില്ല... നമുക്ക്‌ നോക്കാം മാളു നി ഇങ്ങനെ കരയാതെ... എടി ഇപ്പൊ വീട്ടിൽ വന്ന ആലോചന ഏതാണ്ട് ഉറപ്പിച്ച പോലെയാ. എനിക്ക് പേടി തോനുന്നു.. നിന്റെ അഭിപ്രായത്തിനെ എന്തേലും നടക്കു എന്ന് അമ്മ ഉറപ്പ് തന്നിട്ടുണ്ട്. ഞാൻ.. എന്താ പറയാ... ഈ കല്യാണം വേണ്ടാ എന്ന് പറയാൻ എനിക്ക് പറ്റില്ല.. അതെന്ന... അച്ഛൻ വലിയ കാര്യത്തിൽ ആണ് സംസാരിക്കുന്നത്.. അമ്മയും അതെ.. ഞാനായിട്ട് അവരെ വിഷമിപ്പിക്കാൻ പറ്റില്ല.. ഹ്.. നിനക്ക് മാഷിനെ അപ്പൊ വേണ്ടേ.. വേണം.. പിന്നെ നി ഇത് എന്തായി പറയണേ... എനിക്ക് അറീല്ല... എനിക്ക് തലയെല്ലാം പെരുക്കുന്നു.. നി ഇങ്ങനെ ഒരു അന്തവും കുന്തവും ഇല്ലാതെ പറഞ്ഞാൽ എങ്ങനാ... ഞാൻ പിന്നെ എന്താ ചെയ്യണ്ടേ... അവൾ വീണ്ടും കരയാൻ തുടങ്ങിയിരുന്നു.. നി കരയാതെ... ഈ കല്യാണ ആലോചന ഞാൻ മുടക്കി തരാം . അതോർത്ത് നി പേടിക്കണ്ട. എങ്ങനെ...

അതൊക്കെ ഉണ്ട് നി പേടിക്കണ്ട. അല്ല ചെറുക്കന്റെ ഫോട്ടോയോ ഫോൺ നമ്പറോ ഉണ്ടോ.. ആ അമ്മ തരാം എന്ന് പറഞ്ഞതാ ഞാൻ വേണ്ടാ എന്ന് പറഞ്ഞു. അപ്പൊ കൃഷ്ണൻ എല്ലാം ഉറപ്പിച്ചാണ് അല്ലേ.. അതല്ലേ ഞാൻ പറഞ്ഞെ... മ്മ്... നി ഒരു കാര്യം ചെയ് മാഷിനോട്‌ ഒരാഴ്ച കഴിഞ്ഞ് കാണാം എന്ന് പറ.. ആ വെള്ളപ്പാറ്റ പറഞ്ഞത് വെച്ചാണെൽ കല്യാണം സെറ്റ് ആവുന്നതേ ഉള്ളു ഇനിയും സമയം ഉണ്ട്.അപ്പോഴേക്കും നമ്മുക്ക് ഈ പുതിയ അവതാരത്തെ പാക്ക് ചെയ്യാം.. അപ്പൊ നാളെ പോവാണെന്നോ.. ആ പോവാം.. നാളെ പോയില്ലങ്കിൽ ചിലപ്പോ നിന്റെ ഭാവി പോകും. ങേ എന്താ...? അതൊന്നും ഇല്ലാ.. നി എല്ലാം റെഡി ആക്കി. രാവിലത്തെ 5ന്റെ വണ്ടിക്ക് പോകാം. ആ.. അപ്പൊ നാട്ടിൽ എത്തുമ്പോ എട്ടര ഓക്കെ ആവില്ലേ... മ്മ് പറേലേക്ക് ആ സമയത്ത് ബസ് ഉണ്ടാവോ.. കാണും... ആ.. 💞💞💞

അജുവിന്റെ വീട്ടിൽ നിന്ന് ലെച്ചുവിനെ പെണ്ണ് കാണാൻ എല്ലാവരും എത്തിയിരുന്നു. ലെച്ചുവിന്റെയും അജുവിന്റെയും മുഖത്ത് അകാരണമായി ഒരു നാണം തെളിഞ്ഞു കാണാമായിരുന്നു. അജുവും അച്ഛനും അമ്മയും ചേട്ടനും ചേട്ടത്തിയുമാണ് വന്നത് ലെച്ചുവിനെ കാണാൻ വരുന്നത് പ്രമാണിച്ചു ശിവാ രണ്ട് ദിവസം ലീവ് ആക്കിയിരുന്നു. ബന്ധുക്കൾ എല്ലാം ഇവിടുന്ന് ദൂരത്ത് ആയതു കൊണ്ട് അമ്മാവനെ വിളിക്കാനായി ശിവാ രാവിലെ തന്നെ പന്തളത്തേക്ക് പോയിരുന്നു. മാധവൻ അമ്മാവനോടൊപ്പം അമ്മായി കലയും വന്നിരുന്നു. മാധമ്മാവനും അജുവിന്റെ അച്ഛനും തമ്മിൽ എന്തൊക്കെയോ പറയുന്നുണ്ട്. ഇടക്ക് ശിവയോടും എന്തൊക്കെയോ ചോദിച്ചു. ശിവാ അജുവിന്റെ ചേട്ടനോട് സംസാരിച്ചിരുന്നു. അജുവും ലെച്ചുവും അവിടെ കണ്ണുകൊണ്ട് കഥ പറയുകയാണ്... അമ്മയും അമ്മാവിയും അജുവിന്റെ അമ്മയും കൂടെ എന്തോ പറഞ്ഞിരുന്നു ചേട്ടത്തി അജുവിന്റെയും ലെച്ചുവിന്റെയും കണ്ണുകൾ കൊണ്ടുള്ള കഥാപറയൽ കണ്ട് ചിരിച്ചുകൊണ്ട് ലെച്ചുവിന്റെ അടുത്തേക്ക് പോയി.

അവളോട് എന്തൊക്കെയോ ചോദിച്ചു. ചെറുക്കനും പെണ്ണും തമ്മിൽ നേരത്തെ പരിചയം ഉള്ളത് കൊണ്ട് ഇനി അങ്ങനെ ഒരു പരിപാടി വേണ്ടാ അല്ലേ... അജുവിന്റെ അച്ഛൻ ചിരിയോട പറഞ്ഞു അജു ചമ്മൽ കൊണ്ട് താഴേക്ക് നോക്കിയിരുന്നു. നിശ്ചയം അടുത്ത മാസം 5ന് നടത്താം. കല്യാണം അടുത്ത ചിങ്ങത്തിൽ.. എന്താ.. അഭിപ്രായം അമ്മാവൻ ഒന്നൂടെ പറഞ്ഞു. ആ അതെ... രണ്ട് പേരും ഒന്ന് സെറ്റ് ആവട്ടെ. കല്യാണം അത് കഴിഞ്ഞു മതി. അജുവിന്റെ അച്ഛൻ പറഞ്ഞു. രണ്ടിനും കറക്കം കൂടുതലാ അതുകൊണ്ടാ നിശ്ചയം നേരത്തെ ആക്കിയേ... ഒരു കളിയാക്കുന്ന ചുവയോടെ അജുവിന്റെ ചേട്ടൻ പറഞ്ഞു. എല്ലാരും ചിരിച്ചു ലെച്ചുവിന് അവിടെ നിൽക്കാൻ ജാള്യത തോന്നി. അന്ന് അവിടുന്ന് ഇറങ്ങുമ്പോൾ എല്ലാം തീരുമാനിച്ചിരുന്നു. നിശ്ചയം അടുത്ത മാസം. കല്യാണം ഒരു വർഷം കഴിഞ്ഞ്. 💞💞💞 ബസിന്റെ വിൻഡോ സീറ്റിൽ വിദൂരതയിലേക്ക് നോക്കിയിരുന്നു ശിഖ. ഇടയ്ക്കിടെ അവളുടെ കണ്ണുകൾ നിറഞ്ഞൊഴുകി. തൊട്ടടുത്ത സീറ്റിൽ ശ്രദ്ധ ഫോണിലും കുത്തി ഇരുന്നു. പാറ....

പാറേപ്പടി.....പാറേപ്പടി....കണ്ടക്ടർ വിളിച്ചു പറഞ്ഞു. ശ്രദ്ധയും ശിഖയും എഴുന്നേറ്റ് ഡോറിന്റെ അടുത്തേക്ക് നടന്നു. ബസ് ഇറങ്ങി നടന്നപ്പോൾ ശ്രദ്ധ ഫോൺ ബാഗിന്റെ സൈഡിലത്തെ ഉറയിൽ ഇട്ട് ട്രാവലർ ബാഗ് ഒന്നുകൂടെ വലിച്ചിട്ടു. ശിഖ ഒറ്റ തോളിൽ മാത്രം ഇട്ട് ഏതോ ലോകത്തെന്ന പോലെ നടന്നു. എന്റെ മാളു നിന്റെ ഈ കോലം കണ്ടാൽ നീ ഒന്നും പറയണം എന്നില്ല അച്ഛനും അമ്മയും തന്നെ എല്ലാം കണ്ടു പിടിച്ചോളും. ശിഖ തലചാരിച് അവളെ നോക്കി. ശ്രദ്ധ ബാഗിൽ നിന്ന് കുപ്പി എടുത്തു അവൾക്ക് നേരെ നീട്ടി. മുഖം കഴുക്.. ഇപ്പൊ തന്നെ കരഞ്ഞു ചുവന്ന ഒരു പരുവം ആയി.. അവൾ അത് വാങ്ങി മുഖം കഴുകി. ശ്രദ്ധ തന്റെ ഷാൾ കൊണ്ട് അവളുടെ മുഖം അമർത്തി തുടച്. അവളുടെ നെറ്റിക്ക് ഇരുന്ന പോട്ടെടുത്ത അവളുടെ നെറ്റിയിൽ തോട്ട് കൊടുത്തു.

പാറി പരന്ന മുടി മാടി ചെവിക്ക് പിന്നിലേക്ക് വെച്ചു കൊടുത്തു. നമ്മുടെ സങ്കടങ്ങൾ എന്നും നമ്മുടേത് മാത്രം ആയിരിക്കണം അവളുടെ കവിളിൽ തട്ടി പറഞ്ഞു കൊണ്ട് അവൾ മുൻപോട്ട് നടന്നു. ശ്രദ്ധ തിരിഞ്ഞു നോക്കിയപ്പോൾ അവിടെ തന്നെ അന്തം വിട്ട് നോക്കി നിൽക്കുന്ന ശിഖ.. ഹോർലിക്സിന്റെ പരസ്യം പറയാൻ ആണേൽ വേണ്ടാ ഇങ് പോരെ...കള്ള ചിരോയോടെ ശ്രദ്ധ പറഞ്ഞു. "നി എപ്പോഴാണ് ഇത്രയും വലുതായത്." എല്ലാം മറന്നു ശിഖയും അറിയാതെ തന്നെ ചിരിച്ചു പോയി. പാറയിൽ ബസ് ഇറങ്ങിയാൽ ഒരു കയറ്റം ആണ് അത് കഴിഞ്ഞാണ് പണ്ട് സ്കൂളിലേക്ക് പോയിരുന്ന വഴി വരുന്നത് അതിനപ്പുറം പാടം ഒരുപാട് നാളുകൾക്കു ശേഷം നാട് കാണുന്നത് കൊണ്ട് ശ്രദ്ധയും ശിഖയും ചുറ്റും നോക്കി നടന്നു. ....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...