💞പ്രണയിനി 💞: ഭാഗം 30

രചന: SHREELEKSHMY SAKSHA

പാലത്തിന്റെ അടുത്ത് എത്തിയപ്പോൾ പാടത്തു കൂടെ ആരോ നടന്നു വരുന്നതായി അവൾക്ക് തോന്നി. കുറച്ചുകൂടെ മുന്നോട്ട് വന്നപ്പോൾ അവൾ ആളെ കണ്ടു അഭി മാഷ്.. ഇങ്ങേര് എന്താ ഇവിടെ... അമ്മേ... ഇനി ഞാൻ കഴിഞ്ഞ തവണ പറഞ്ഞത് കേട്ടു പെണ്ണ് ചോദിക്കാൻ വരുവാണോ... തോട്ട് പിന്നിലായി വരുന്ന ആളെ കണ്ടതും ശ്രദ്ധ സ്റ്റക്ക് ആയി. ശിവാമാഷ്... തമ്പുരാനെ.... ഇനി ഞാൻ പറഞ്ഞതെല്ലാം ഇവരോട് പറഞ്ഞിട്ട് സത്യം അന്വേഷിക്കാൻ വരുവാണോ... അമ്മേ.. അതിനും പിന്നിൽ ആരൊക്കെയോ ഉണ്ട്.ദൈവമേ ഇനി കോളേജ് ഫുൾ ഉണ്ടോ... ഞാൻ എന്ത് ചെയ്യും ശ്രദ്ധ ഒന്നും നോക്കിയില്ല തിരിച് ഒറ്റയോട്ടം. തോട്ടിൽ നിന്ന് കരക്ക് കയറി തുണിയിലെ വെള്ളം പിഴിഞ്ഞ് കളയുവായിരുന്നു വിക്കിയും അപ്പുവും അപ്പോഴാണ് പന്തം കണ്ട പേരുചാഴിയെ പോലെ ശ്രദ്ധ ഓടുന്നത്.. അവളുടെ ഓട്ടം കാണാൻ ബഹുരസം ആണ്. പാവാടയും പൊക്കി പിടിച്ചു മൈ ബോസ്സിലെ മമ്തയെ പോലെ... എടി എന്താടി..

അപ്പു ചോദ്യം കേട്ടെങ്കിലും നിന്ന് സംസാരിക്കാൻ ഉള്ള സമയം ഇല്ലാത്തത് കൊണ്ട് ശ്രദ്ധ ഓട്ടത്തിനിടയിൽ വിളിച്ചു പറഞ്ഞു. അതിനു ഇവിടെ പ്രസക്തി ഇല്ലാ....ഡാ വിക്കി ഓടിക്കോ... വെള്ളപറ്റയും കാറ്റുമാക്കാനും വരുന്നുണ്ട്.. എവിടെ.. വിക്കി ഞെട്ടി തിരിഞ്ഞ് നോക്കിയതും പാലം കടന്ന് വരുന്ന അവരെ കണ്ട് വിക്കി ഊരി കൈയിൽ പിടിച്ചിരുന്ന ബനിയൻ തോളത്ത് ഇട്ട് ശ്രദ്ധക്ക് പിന്നാലെ ഒറ്റയോട്ടം അപ്പു കാര്യം ഒന്നും മനസിലാകാത്തത് കൊണ്ട് വിക്കിക്ക് പിന്നാലെ ഓടാൻ നിന്നപ്പോൾ ആണ് അഭിയെ കണ്ടത്. അഭിമാഷിനെ പെണ്ണുകാണാലിനു വന്നു അവനു പരിചയം ഉണ്ട് കൂടെ ഉള്ളത് ആരാന്ന് മനസിലായില്ലെങ്കിലും അവനും മെല്ലെ അവിടുന്ന് മുങ്ങി. ഇതിനോടകം ശ്രദ്ധ വീട്ടിൽ കേറി.. ഓട്ടത്തിന്റെ പവറിൽ അവൾ നേരെ പോയി പത്തായതിൽ കേറി. പത്തായതിൽ വഴക്കുല പഴിപ്പിക്കാൻ കൊണ്ട് വെക്കാൻ വന്ന അച്ഛൻ അവളെ കണ്ട്. അവളുടെ പേടിയും കിതപ്പും കണ്ടപ്പോൾ ഏതാണ്ട് ഒപ്പിച്ചു വെച്ചുള്ള വരവാണ് എന്ന് അച്ഛന് മനസിലായി. മ്മ് അച്ഛൻ തല ഉയർത്തി ചോദിച്ചു. മ്ച്.. അവൾ ചുമൽ അനക്കി ഇല്ലാ എന്ന് കാണിച്ചു. അതല്ലലോ... കൂടെ വന്ന രണ്ടെണ്ണം എന്തിയെ....

അവർ കു.. കുളിക്കാൻ പോയി.. കുളിക്കാനോ...അച്ഛൻ നെറ്റി ചുളിച്ചു ചോദിച്ചു ആ..... പിന്നെ പുറത്ത് സെൻസസ് എടുക്കാൻ ആണെന്ന് തോന്നണു രണ്ട് പേര് വന്നിക്കാ.. സെൻസസോ... ആ പിന്നെ അച്ഛൻ ഇപ്പൊ അങ്ങോട്ട് പോവണ്ട.. അവരിക്ക് ഞാൻ പറഞ്ഞു വിട്ടാരുന്നു. കുടിക്കാൻ വെള്ളം എടുക്കാൻ വന്നതാ... നി പറഞ്ഞു വിട്ടവർക്ക് എന്തിനാ പിന്നെ വെള്ളം... അത്.. അതോ.. എനിക്ക് കുടിക്കാൻ... നീയെന്തൊക്കെയാ ഈ പറയുന്നേ.. വാതിലിന്റെ മുൻപിൽ നിന്ന് മാറി നിൽക്ക് എനിക്ക് പോണം.. എന്തിന്.. അവർ കള്ളം മാത്രേ പറയു... നിനക്കെന്താ സച്ചു... വല്ലതും കണ്ട് പേടിച്ചോ... ഏയ്... ആ.. പേടിച്. നമുക്ക്‌ ഇവിടിരിക്കാം.. എന്ത് കണ്ടാ പിടിച്ചേ... വാ മുറിയിൽ പോവാം ഞാൻ അമ്മയെ വിളിച്ചു വരാം. ഏഹ് വേണ്ടാ അമ്മ തൊഴുത്തിൽ ആണ്.. നമ്മുക്ക് ഇവിടെ ഇരിക്കാം. അച്ഛൻ അവളെ തന്നെ ഒന്ന് നോക്കി. അവൾ എലിപ്പെട്ടിയിൽ പെട്ട എലിയെ പോലെ എങ്ങോട്ടൊക്കെയോ നോക്കി നിന്നു. ആരാ വെളിയിൽ വന്നേക്കുന്നെ...

അച്ഛൻ അവളുടെ മുഖത്ത് നോക്കി ചോദിച്ചതും ഞാൻ വെള്ളം കുടിച്ചിട്ട് വരാം എന്നും പറഞ്ഞു ഒറ്റയോട്ടം. കാളിങ് ബെൽ കെട്ട് നോക്കാൻ പോയ ശിഖയുമായി കൂട്ടിയിടിച്ചു രണ്ടും നടുവും തല്ലി വീണു. എന്റെ സച്ചു നിനക്ക് കണ്ണ് ഇല്ലേ... എവിടെ നോക്കിയ നടക്കുന്നെ.. എന്റെ അമ്മോ എന്റെ നടു... ശിഖ നടുവിന് കൈയും കുത്തി പറഞ്ഞു. അപ്പോഴും കാളിംഗ് ബെൽ മുഴങ്ങി കൊണ്ടിരുന്നു. ആരായിത്.. സച്ചു എണീറ് പോടീ ഞാൻ പോയി ആരാന്ന് നോക്കട്ടെ... അതും പറഞ്ഞു നടുവിന് കൈ കൊടുത്ത് ശിഖ എണീറ്റു.. അവൾ ഉമ്മറത്തൊട്ട് നടക്കാൻ തുടങ്ങിയതും. മാളു ഈ പ്രായത്തിൽ നടുവും തല്ലി വീഴുന്നത് നല്ലതല്ല നമുക്ക്‌ പോയി മരുന്നു തേക്കാം എന്നും പറഞ്ഞു ശ്രദ്ധ അവളെ പിടിച്ചു വലിച്ചു അവളുടെ മുറിയിലേക്ക് പോയി. സച്ചു നിനക്ക് എന്താ... മുറിയിൽ എത്തും വരെ ശിഖ ഇതുതന്നെ ചോദിച്ചു. മുറിയിൽ കയറിയതും ശ്രദ്ധ വാതിൽ അടച്ചു കുട്ടിയിട്ടു. മാഷ് എന്തിനാ വന്നേ.... ചോദ്യം കെട്ട് ശ്രദ്ധയും ശിഖയും ഒരുമിച്ച് തിരിഞ്ഞു നോക്കി. വിക്കി...

ഈറൻ മാറ്റി നല്ലത് ഇട്ട് നിന്ന് ഇളിക്കുന്നു. നീയെപ്പോ ഇതിനകത്ത് കേറി.. ഞാൻ ഓടി കേറിയത് ഇങ്ങോട്ടാ... പിന്നെ പെട്ടന്ന് ഡ്രസ്സ്‌ മാറ്റി.. അപ്പു എന്തെ... അവൻ വീട്ടിക്ക് ആ ഓടിയെ... എന്റെ സച്ചു എന്താ നടക്കണേ... ആരാ വന്നേ.. എടി നിന്റെ ഭാവി ഭർത്താവും ആത്മാർത്ഥ സുഹൃത്തും കൂടെ ആരാണ്ടൊക്കെയോ കേറി വന്നിട്ടുണ്ട്. ആര് ശിവാ മാഷോ... ആന്ന് അങ്ങേരും അഭിയും പിന്നെ ആരാണ്ടൊക്കെയോ ഉണ്ട്..ലക്ഷണം കണ്ടിട്ട് ഞാൻ വിളിച്ചു കൂവിയതൊക്കെ ആ ശരത്ത് ഇവരോട് പറഞ്ഞു കാണണം അതിനു വീട്ടിൽ പറയാൻ വരുവായിരിക്കും... അപ്പോഴാണ് കതകിനു മുട്ട് കേട്ടത് ശിഖ തുറന്നു അപ്പു അകത്ത് കേറി.. അവനും ഈറൻ മാറ്റിയുടുത്തിരുന്നു. നീ എന്തൊക്കെയാ പറഞ്ഞെ.. (വിക്കി ) അതൊന്നും ഓർക്കാതിരിക്കുന്നതാ മോനെ നല്ലത് അപ്പു പറഞ്ഞത് കെട്ട് വിക്കി അവളെ നോക്കി അവൾ നന്നായി ഇളിച്ചു കൊടുത്തു. അവർ വന്നോ അപ്പുവിനോട് ശ്രദ്ധ ചോദിച്ചു. മ്മ്.. കൃഷ്ണമാമ എന്തൊക്കെയോ സംസാരിക്കുന്നുണ്ട്.

അവർ മാത്രം അല്ല കൂടെ ഒരു പെങ്കൊച്ചും അമ്മയും അച്ഛനും ആണെന്ന് തോന്നണു പിന്നെ.. അമ്മയും അച്ഛനുവോ.. ശ്രദ്ധയും ശിഖയും പരസ്പരം നോക്കി. അഭി മാഷിന്റെ വീട്ടുകാർ ആണോ..(ശിഖ ) അല്ല.. അവരല്ല.. അപ്പൊ പിന്നെ ശിവാ മാഷിന്റെ ആവും. കൂടെ ഉള്ളത് ലെച്ചു ആവും.(ശിഖ ) അപ്പൊ അച്ഛനോ... കാട്ടുമാക്കാന്റെ അച്ഛൻ മരിച്ചതല്ലേ.. അതാരാവും എന്ന് അറീല്ല. വീണ്ടും കതകിനു ആരോ മുട്ടി.. മോളെ മാളു.. ഒന്ന് തുറന്നെ... അമ്മ കതകിൽ തട്ടി വിളിച്ചു. ശിഖ കഥക് തുറന്നു. മോളെ നീ ഒന്ന് സാരി ഉടുത്തു വാ... നിന്നെ കാണാൻ ആണ് വന്നേക്കുന്നെ.. ആര്... അറിയാതെ 4 പേരും ഒരുപോലെ ചോദിച്ചു. അന്ന് വന്നില്ലേ... ആ ചെക്കന്റെ അനിയൻ വഴി വന്ന ബന്ധം ആണ്..നീ വേഗം മുഖം കഴുകി നേരെ വാ..അതും പറഞ്ഞു അമ്മ അടുക്കളയിലേക്ക് ചായ ആക്കാൻ പോയി. അപ്പൊ കാട്ടുമാക്കാൻ ആണോ ചെക്കൻ (വിക്കി ) ആവും (ശ്രദ്ധ ) അപ്പൊ മാഷിന്റെ കല്യാണം ഉറച്ചെന്ന് പറഞ്ഞതോ... (വിക്കി ) ആ... അങ്ങേരുടെ കയ്യിലിരുപ്പ് കൊണ്ട് അത് മുടങ്ങി കാണും. അപ്പൊ വീണ്ടും പെണ്ണ് കാണാൻ വന്നതാവും. (ശ്രദ്ധ ) ഇനി ഇതെല്ലാം ആ മാഷ് അറിഞ്ഞോണ്ട് ആണെങ്കിലോ (അപ്പു ) ആ..

എനിക്ക് ഒന്നും അറീല്ല... (ശിഖ ) ശിഖയുടെ കിളികൾ അമ്മ പറഞ്ഞപ്പോൾ തന്നെ പോയി കിടക്കുവാണ്..അവൾ കതകിൽ ചാരി നിന്നു. നി എന്തോർത്ത് നിൽക്കാ... നി ആഗ്രഹിച്ച ആള് തന്നെ നിന്നെ കാണാൻ വന്നില്ലേ പോയി സുന്ദരി ആവു... ശ്രദ്ധ അവളുടെ കവിളിൽ പിച്ചിക്കൊണ്ട് പറഞ്ഞു. സച്ചു എനിക്ക് കൈയും കാലും വിറച്ചിട്ട് വയ്യ... ഞാൻ എന്ത് പറയും.. എനിക്ക് പേടിയാവുന്നു.. ചേച്ചി ഒന്നുമില്ല ചെറുക്കനും പെണ്ണും സംസാരിക്കാൻ ഉണ്ടെന്ന് പറയുമ്പോൾ ചേച്ചി ആണ് പ്രണയിനി എന്ന് പറഞ്ഞാൽ മതി.(വിക്കി ) ആന്നെ അത്രയേ ഉള്ളു.. നീപോയി മുഖം കഴുകി സാരി ഉടുക്കാൻ നോക്കി. വിക്കിയും അപ്പുവും വെളിയിലേക്ക് ഇറങ്ങി. ശിഖ സാരി ഉടുത്ത് സുന്ദരി ആയി വന്നു. ശ്രദ്ധയും അപ്പുവും വിക്കിയും അമ്മ എടുത്ത് വെച്ച മുറുക്കും മിച്ചറും എല്ലാം വാരി തിന്നുവാണ്.. അമ്മ പാട്ട എടുത്ത് അവളുടെ കൈയിൽ കൊടുത്ത് ഇതിൽ നിന്ന് കഴിക്ക് ഇത്തവർക്ക് കൊടുക്കാൻ ഉള്ളതാ... ശ്രദ്ധ ഒന്ന് പുച്ഛിച്ചു വീണ്ടും അതിൽ കൈയിടാൻ തുടങ്ങിയപ്പോൾ അമ്മ അവളെ നോക്കി കണ്ണ് ഉരുട്ടി. വെറുതെ എന്തിനാ തല്ല് വാങ്ങുന്നത് എന്ന് ഓർത്ത് അവൾ പാട്ടയിൽ നിന്ന് കഴിച്ചു.

ശിഖ വന്നപ്പോൾ അമ്മ ചായ ട്രെ അവൾക്ക് നേരെ കൊടുത്തു. ശ്രദ്ധ മിച്ചർ ട്രെ എടുത്തു പിന്നാലെ പോകാൻ നിന്നപ്പോൾ അമ്മ തടഞ്ഞു. വേണ്ടാ... ഞാൻ കൊണ്ട് കൊടുത്തോളം... നിനക്ക് ഇടക്ക് വെച്ച് ട്രെ മാറ്റാൻ അല്ലേ... മൂന്നും ഇവിടെ നിന്നാൽ മതി. അതും പറഞ്ഞു അമ്മ ട്രെയും എടുത്ത് നടന്നു. ചായ കൊടുക്കാൻ നേരം ശിഖയുടെ കൈ ഇരുന്ന് വിറച്ചു ശിവാ അത് കണ്ട് ചിരി വന്നെങ്കിലും ചിരി പുറത്ത് കാട്ടാതെ ചായ എടുത്തു. വീട്ടുകാർ തമ്മിൽ എന്തൊക്കെയോ സംസാരിച്ചു. ശിഖ ഒന്നും കേട്ടില്ല അവൾ ആ ലോകത്ത് ഒന്നും ആയിരുന്നില്ല.. ശ്രദ്ധ അവളുടെ കൈയിൽ തോണ്ടി അകത്തേക്ക് വിളിച്ചു.. എന്താ... സംസാരിക്കാൻ കൊക്കോ ചോട്ടിൽ പോയ മതി.. എന്തിന്.. മുറിയിൽ കേറാൻ അമ്മ സമ്മതിക്കില്ല ശിഖ അവളെ നന്നായി ഒന്ന് നോക്കി. അവസരം വന്നു ചെക്കനും പെണ്ണിനും സംസാരിക്കാൻ.... ശിഖ വിറച്ചു വിറച്ചു കൊക്കോ ചോട്ടിലേക്ക് നടന്നു.പിന്നാലെ ശിവയും ഈ സമയം അടുക്കള വഴി വിക്കിയും ശ്രദ്ധയും അപ്പുവും അങ്ങോട്ട് പോയി. അവർ ചായിപ്പിന്റെ ഭിത്തിയിൽ പല്ലി ഇരിക്കും പോലെ മൂന്നും പറ്റി ഇരുന്നു. ശിഖ എന്ത് പറയണം എന്ന് അറിയാതെ.. എങ്ങോട്ടൊക്കെയോ നോക്കി നിന്നു.. ശിവാ ഒന്ന് മുരടനക്കി.. മ്മ്... എന്തെ പ്രണയിനിക്ക് ഇപ്പൊ മിണ്ടാൻ ഒന്നുമില്ലേ.... ശിഖ ഞെട്ടി തിരിഞ്ഞു നോക്കി......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...