💘റജില 💘: ഭാഗം 2

രചന: സഫ്‌ന കണ്ണൂർ

 :ഞങ്ങൾ ഡിഗ്രിക്ക് പഠിക്കുന്ന സമയം ഒരു ദിവസം ഞങ്ങൾ ചങ്ക്‌സ് എല്ലാരും കൂടി ബസ്‌സ്റ്റോപ്പിൽ വായിനോക്കി ഇരിക്കുകയാരുന്നു. അപ്പോഴാ റജില അത് വഴി പോയത്. : ടീ ഒന്ന് നിന്നേ ആരെയാ എന്ന മട്ടിൽ റജില ഇവനെ നോക്കി ഇവൻ എന്ന് വെച്ചാ ഈ കഥയിലെ നായകനെ പേര് നദീർ അതായത് നിന്റെ ഇക്കാക്കയെ . സ്കൂളിന് അടുത്തുള്ള കോളേജിൽ ഡിഗ്രിക്ക് പഠിക്കുന്നു . കാണാൻ അവിഞ്ഞ ഒരു ലുക്ക്‌. മോനേ ചക്കരേ സത്യം പറയ് അസൂയ പാടില്ല കാണാനൊപ്പിക്കാം എന്റെ ഇക്കാക്ക മൊഞ്ചനാ. അതിൽ വിട്ട് വീഴ്ച ഇല്ല. വേണ്ടവേ...... മൊഞ്ചനെങ്കിൽ മൊഞ്ചൻ. ക്യാമ്പസ് ഹീറോ ഒരു പെൺകുട്ടികളെയും നിരുത്സാഹപ്പെടുത്താറും ഇല്ല എല്ലാവരോടും നല്ല കമ്പനിയുമാണ്. അത്യാവശ്യം രണ്ടുമൂന്നു ലവറും ഉണ്ടായിരുന്നു. അവര് കളഞ്ഞിട്ടു പോയോ അതോ ഇവൻ കളഞ്ഞിട്ട് പോയോ എന്നറിയില്ല. സാധാരണ സംഭവം ആയോണ്ട് ഞങ്ങൾ ചോദിക്കറും ഇല്ല. അത്യാവശ്യം തല്ല് കൊള്ളിത്തരവും കൂടെ ഉണ്ട് .

റജുല നിങ്ങളെ നാട്ടുകാരിയും കൂടിയാണ്. ഓഹ് റജുലയെ പരിചയപ്പെടുത്താൻ മറന്നു പോയി ഈ കഥയിലെ നായിക. മോശമല്ലാത്ത സൗന്ദര്യം അത്രയേ ഉള്ളൂ. ആകർഷീണമായ മുഖം.വെളുപ്പല്ല മുഖത്തിന്റെ സൗന്ദര്യം എന്ന് തോന്നിപ്പിക്കുന്ന മുഖകാന്തി. അവളെ കണ്ണുകൾക്ക് വല്ലാത്ത ആകർഷീണയതയാണ്. വളരെ മെലിഞ്ഞ ശരീര പ്രകൃതി. പക്ഷേ ആര് കണ്ടാലും ഒന്ന് നോക്കിപോകും. വർഷങ്ങൾക്കു മുന്പാണെ ഇതൊക്കെ . എല്ലാരുമായും പെട്ടെന്ന് കൂട്ടുകൂടും.ഒരു ജോളി ടൈപ്. ആർക്കുംഇതുവരെ പിടികൊടുത്തിട്ടില്ല.ഒന്ന് രണ്ടു പേർ പ്രൊപ്പോസ് ചെയ്‌തെങ്കിലും നൈസ് ആയിട്ട് ഒഴിഞ്ഞു മാറി . അതോണ്ട് തന്നെ ലവർ ഒന്നും ഇല്ല.എനിക്കും ഒരു കണ്ണുണ്ടായിരുന്നു. അവൾ വീണില്ല. നിന്റെ ഇക്കാക്കക്ക് പിന്നെ വെളുത്തു തുടുത്ത മദാമ്മമാരോടാണ് പ്രിയം. അതോണ്ട് അവൾ അപ്പോഴൊന്നും മനസ്സിൽ കേറീട്ടില്ല. :നിന്നെ തന്നെയാ വിളിച്ചേ :എന്താ കാര്യം :നിന്റെ ഫ്രണ്ട് ജുമാനയില്ലേ അവളോട് ചോദിച്ചുന്ന പറയണം ഫോൺ നമ്പർ കൂടി വാങ്ങിത്തന്നാൽ ഉപകാരം. കുറേ ദിവസായി കാണുന്നു ഇവൻ അവളുടെ പിറകേ നടക്കുന്നത്.

അവൾക്കും അവനെ ഇഷ്ടമാണ്. പക്ഷേ കാണിക്കാറില്ല. മറ്റൊന്നുമല്ല അവൾക്ക് വേറെയും ഒരുപാട് ലവർ ഉണ്ട്. എല്ലാവരേയും വെറുതെ കളിപ്പിക്കലാണ് അവൾ. റജുലയുടെ അടുത്ത കൂട്ടുകാരിയും ആണ് ജുമാന . സൗന്ദര്യം അളവിൽ കവിഞ്ഞു കിട്ടിയത് കൊണ്ട് അതിന്റെ ചെറിയൊരു അഹങ്കാരം ഉണ്ടെന്നേ ഉള്ളൂ.വേറെ വൃത്തികേട് ഒന്നുമില്ലാട്ടോ ജുമാനക്ക്. :എനിക്ക് വയ്യ വേണേൽ നേരിട്ട് ചോദിച്ചോ :അതെന്താ വയ്യാതെ :തനിക്ക് ബ്രോക്കർ നിക്കലല്ല എനിക്ക് പണി :ഹാ അങ്ങനെ :വേണേൽ ഫീസ് തരാം :അത് കയ്യിൽ വെച്ചോ എനിക്ക് വേണ്ട റെജുല വേഗം സ്കൂളിലേക്ക് നടന്നു. ജുമാനയോട് കാര്യം പറഞ്ഞു :സമ്മതം മൂളാല്ലേ . നല്ല മൊഞ്ചൻ ഫ്രീക്കനേ കിട്ടുമ്പോൾ എന്തിനാ വേണ്ടെന്ന് വെക്കുന്നെ. : ടീ നീ വിചാരിക്കുന്ന പോലെയൊന്നുമല്ല എനിക്കറിയാം അവനെ എന്റെ നാട്ടിലല്ലേ ഒരു വായിനോക്കി.

ഇതുവരെ സീരിയസ് ആയിട്ട് ഒരു പ്രണയം പോലും അവനില്ല. എല്ലാം കളിപ്പീരാണ് :അതിനു എനിക്കും അങ്ങനെ തന്നെ അല്ലേ. :എന്നാലും ഇത് വേണ്ടടി അവൻ നാട്ടിൽ കച്ചറ പിള്ളേരുടെ കൂടെയൊക്കെയാ നടത്തം എനിക്കെന്തോ അവനെ അത്ര......... :ഒന്ന് പോടീ ഞാനിതെത്ര ആൺ പിള്ളേരെ കണ്ടതാ പ്രശ്നം തോന്നിയാൽ ഞാൻ നൈസായി മുങ്ങും. :നിന്റെ ഇഷ്ടം പോലെ എനിക്ക് പറയാനുള്ളത് ഞാൻ പറഞ്ഞു. നദീർ നേരിട്ട് പ്രൊപ്പോസ് ചെയ്തു ജുമാന അസ്സപ്റ്റും ചെയ്തു. അവർക്കിടയിൽ നോക്ക് കുത്തിയുടെ വേഷം ആയി മാറി റജുല. രണ്ടു പേരുടെയും പ്രണയം കാണുമ്പോൾ പരസ്പരം ജീവൻ വേണേൽ കൊടുക്കും എന്ന മട്ടാണ്. ഇനി ഇത് ശരിക്കും പ്രണയം തന്നെയാണോസംശയം വരുമ്പോഴേക്കും അവൻ മറ്റുള്ള പെൺപിള്ളേരോട് സംസാരിക്കുന്നത് കാണുമ്പാൾ മാറും അത്ര ഒലിപ്പീരാണ് നിന്റെ ഇക്കാക്ക.

റജുല അവനെ പറ്റി പറഞ്ഞത് ജുമാന അവനോട് പ്രണയസല്ലാപത്തിനിടക്ക് ഒരിക്കൽ പറഞ്ഞു പോയി. അന്ന് മുതൽ ഇവൻ അവളെ കാണുമ്പോൾ സുഹൃത്തുക്കളെ കൂടെ കൂടി എവിടെ കണ്ടാലും പാരവെപ്പും കളിയാക്കലും തുടങ്ങി.മെലിഞ്ഞോണ്ട് നീർക്കോലിന്ന് ഇരട്ടപ്പേരും ഇട്ടു. ഇതിനെ ചൊല്ലി റജുലയും ജുമാനയും തമ്മിൽ തെറ്റി. ഇവൻ അതോടെ റജുലയോട് സോറി പറഞ്ഞു. നദീറും ജുമാനയും തമ്മിൽ പിണക്കം മാറി വീണ്ടും കൂട്ടായി. നദീറിനെ ഫ്രണ്ടായി കാണാനോ കൂട്ടുകൂടാനോ എന്നലും റജുല നിന്നില്ല. ഇവനെ വിശ്വസിക്കാനും. അവളെ മനസ്സിൽ ഇവൻ ഒരു ബാഡ്ബോയ് തന്നെയാരുന്നു........ തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...