💘റജില 💘: ഭാഗം 36

രചന: സഫ്‌ന കണ്ണൂർ

ഇടക്ക് ഉറക്കം ഞെട്ടി കണ്ണ് തുറന്നു നോക്കിയപ്പോൾ അവന്റെ ദേഹത്തോട്ട് ചാരിഇരുന്നു ചുമലിൽ തല വെച്ചു കിടക്കുകയാണ്.കലിപ്പൻ ഇത് അറിഞ്ഞില്ലേ. മെല്ലെ ഇടം കണ്ണിട്ട് അവനെ നോക്കി. ഉറക്കം ഒന്നും അല്ല.എന്തോ ഓർത്തോണ്ട് ഇരിക്കുകയാണ്. എന്നിട്ടും ഇവൻ എന്താ തള്ളി മാറ്റാതെ. ഒന്ന് ടെസ്റ്റ്‌ ചെയ്തു നോക്കിയാലോ. അവൾ അവന്റെ കൈക്കുള്ളിലൂടെ കയ്യിട്ട് മുറുക്കെ കെട്ടിപിടിച്ചു. അവന്റെ ചുമലിലേക്ക് ഒന്നൂടി അടുപ്പിച്ചു തല വെച്ചു കിടന്നു. അവൻ അവളെ ഒന്ന് നോക്കി. അവളെ ഒന്ന് തട്ടിവിളിച്ചു. അവൾ അറിയാത്ത ഭാവത്തിൽ തന്നെ നിന്നു. പിന്നെ അവൻ വിളിച്ചതും ഇല്ല. ഇവൻ നന്നായോ ഇത്രപെട്ടെന്നോ എന്താ ഇത് കാക്ക മലർന്നു പറക്കുന്നൊന്നും ഇല്ലല്ലോ. അവൾ അങ്ങനെ തന്നെ കിടന്നു. ബസ്സ്‌ ഇറങ്ങിയതും അവൾ ഒരു ടാക്സി പിടിച്ചു.പോകാൻ നേരം അഫുവിനെ നോക്കിയെങ്കിലും കണ്ടില്ല. അല്ലെങ്കിലും എവിടെ നിന്നും വരുന്നൂന്നോ പോകുന്നുന്നോ ഒരിക്കലും പറയാൻ പറ്റില്ല. ബാംഗ്ലൂർ ടൗണിൽ നിന്നും കുറച്ചു ഉള്ളോട്ട് ആയിരുന്നു വീട്. നല്ല മോഡേൺ ടൈപ്പ് വീട്. ഇരുനില.

ആ വീടിനേക്കാൾ അവനെ ആകർഷിച്ചത് തൊട്ടടുത്ത വീടായിരുന്നു. നല്ല മോഡേൺ ഹൈടെക് വീട്. മൊത്തത്തിൽ പണക്കാരുടെ ഏരിയ ആണെന്ന് കാണുമ്പോൾ തന്നെ മനസ്സിലാകും. ആ വീട് എല്ലാം വീടിനേക്കാളും മോഡി കൂടിയതാണ്.വൈറ്റ് കളർ പെയിന്റ്. വല്ലാത്തൊരു പ്രൗഢി തോന്നിച്ചു ആ വീടിന്.മു റ്റം നിറയെ റോസാ ചെടി. എല്ലാം പൂവിട്ടു നിക്കുന്നു. അധികവും വൈറ്റ് റോസാപ്പൂക്കൾ. എന്റെ ഫേവറിറ്റ് ആണ് അത്. എന്തോ ആ വീടിനോട് അട്ടച്ച്മെന്റ്റ് പോലെ. അവൻ ആ വീട് തന്നെ നോക്കുന്നത് കണ്ടു അവൾ തട്ടി വിളിച്ചു. ഇതാണ് വീട്. അവൻ മൂളികൊണ്ട് അവളെ പിറകെ പോയി. അവൻ ബെല്ലടിച്ചു. അവൾ അതിനൊന്നും കാത്തു നിൽക്കാതെ ഡോർ തുറന്നു. അകത്തേക്ക് കയറി. അവൾ ഓടിച്ചെന്നു ഒരു റൂമിലേക്ക്‌ കയറി. അവൻ എന്താ ചെയ്യേണ്ടേന്ന് തിരിയാത്ത പോലെ അവിടെ തന്നെ ചുറ്റി പറ്റി നിന്നു.

മോനെന്താ അവിടെ നിക്കുന്നെ കേറിവാ. ആ കാന്താരി എവിടെ അവൾ ഉള്ളിലേക്ക് പോയി. നല്ല ആളാ നിന്നെ കൂട്ടാതെയോ. അവളോട്‌ രണ്ടു പറഞ്ഞിട്ട് തന്നെ കാര്യം. അവനെയും കൂട്ടി ആ റൂമിലേക്ക്‌ പോയി.ഒരു സ്ത്രീ കിടന്നിട്ട് കണ്ടു. നാല്പതു അമ്പത് വയസ്സ് പ്രായം തോന്നിക്കും. നല്ല ഐശ്വര്യം തുളുമ്പുന്ന മുഖം. എവിടെയോ കണ്ടു മറന്ന മുഖം. കണ്ണുകളിൽ എന്തോ ശൂന്യത പോലെ. അവൾ കഞ്ഞി കൊടുക്കാൻ ശ്രമിക്കുന്നത് കണ്ടു. കുടിക്കാതെ മുഖം തിരിച്ചു കൊണ്ടിരുന്നു. അടുത്ത് ഒരു നഴ്‌സ് ഉണ്ട്. അവളുടെ ആന്റി ആയിരിക്കും അത് അവൻ ഊഹിച്ചു. അവനെ കണ്ടതും അവനെ തന്നെ നോക്കി നിൽക്കുന്ന കണ്ടു. . അവനെ വിളിക്കുന്നത് പോലെ തോന്നി. അവന്റെ നേർക്ക് കൈ ചൂണ്ടി. യാന്ത്രികം എന്ന പോലെ അവൻ അവരുടെ അടുത്തേക്ക് പോയി. റജില എണീറ്റു കൊടുത്തു. അവൻ അവിടെ ഇരുന്നു.

അവന്റെ കൈ പിടിച്ചു. അവരുടെ കയ്യിൽ ഉണ്ടായിരുന്ന തണുപ്പ് തന്റെ ഹൃദയത്തിലേക്കാണ് കയറുന്നതെന്ന് അവന് തോന്നി. കണ്ണുകൾ നിറഞ്ഞൊഴുകുന്നുമുണ്ട്.അവൻ റജിലയെ നോക്കി. ഇതാരാണെന്ന് മനസ്സിലായോ അവരുടെ ചുണ്ടുകൾ മെല്ലെ മന്ത്രിക്കുന്നത് പോലെ പറഞ്ഞു സജു. അവൾ തിരുത്താൻ പോയില്ല. അവളുടെ കണ്ണ് നിറഞ്ഞത് അവൻ ശ്രദ്ധിച്ചു. ഇന്നലെ മുതൽ ഒന്നും കഴിച്ചിട്ടില്ല. ഡ്രിപ്പ് ഇടുന്നതാ നല്ലതെന്ന് ഡോക്ടർ പറഞ്ഞു. ആ നേഴ്സ് അങ്കിളിനോട് പറയുന്നത് കേട്ടു. അവൻ നേരത്തെ റജില കൊടുക്കാൻ ശ്രമിച്ചകഞ്ഞി എടുത്തു. അവരെ വായിൽ വെച്ചു കൊടുത്തു. അവർ അത് കുടിച്ചു. റജു അങ്കിളിനെയും നദീറിനെയും നോക്കി. കൊടുത്ത കഞ്ഞി മുഴുവൻ ആന്റി കുടിക്കുന്നത് അവൾ അത്ഭുതത്തോടെ നോക്കി. അവർ എന്തൊക്കെയോ എന്നോട് പറയാൻ ശ്രമിക്കുന്നത് പോലെ നദീറിന് തോന്നി. ആദ്യായിട്ട ഇവരെ കാണുന്നെ. പക്ഷേ ഒരുപാട് പരിജയം ഉള്ള പോലെ. എന്റെ ആരൊക്കെയോ ആണെന്നുള്ള തോന്നൽ. തനിക്ക് എന്താ സംഭവിക്കുന്നതെന്ന് പോലും മനസ്സിലാകുന്നില്ല.

സജു എന്ന് പറയുന്ന കേട്ടിട്ടും എന്ത് കൊണ്ടാ തനിക്ക് തിരുത്താൻ പറ്റാതിരുന്നത്. അവന് അവിടെ നിന്നും എഴുന്നേൽക്കാനും തോന്നിയില്ല.എന്തോ തന്നെ അവിടെ പിടിച്ചു നിർത്തുന്ന പോലെ. ആകെയൊരു മൂകത അവിടെ തളം കെട്ടി നിന്നു. ആന്റി ഉറങ്ങിയെന്നു കണ്ടപ്പോൾ അവൻ എണീറ്റു. അവർ തന്റെ കൈ അപ്പോഴും മുറുകെ പിടിച്ചിരുന്നു. അവൻ കൈ വിടുവിച്ചു എണീറ്റു. നിങ്ങൾ പോയി ഫ്രഷ് ആയി വാ. യാത്ര ക്ഷീണം ഉണ്ടാകില്ലേ അവൾ പോയി. അവളുടെ പിറകെ നദീറും. താങ്ക്സ് എന്തിന് ആന്റിക്ക്...... അവൻ ഒന്ന് മൂളി. അവർക്കെന്താ അസുഖം. സജു മരിച്ചത് അറിഞ്ഞ അന്ന് തളർന്നു വീണതാ പിന്നെ എണീറ്റിട്ടില്ല. വല്ലപ്പോഴും എന്തെങ്കിലും സംസാരിച്ചാൽ ആയി. ഇപ്പൊ കുറച്ചു സീരിയസ് ആണ്. ഒറ്റ മകനാണോ സജു മം മം. നീ ഫ്രഷ് ആവ്. അവൾ പുറത്തേക്ക് പോയി. അവൻ ആ റൂമിലൂടെ കണ്ണോടിച്ചു. അവളുടെ റൂം ആണെന്ന് മനസ്സിലായി.അവളുടെ ബുക്‌സും കുറച്ചു സാധനങ്ങളും അവിടെ കണ്ടു. സജുവും അവളും കൂടിയുള്ള ഒരു സെൽഫിയും.

ഫ്രെയിം ചെയ്തു വെച്ചിട്ടുണ്ട്. സജുവിന്റെ അതേ മുഖച്ഛായ ആണ് അവളുടെ ആന്റിക്കും. അതാണ് എവിടെയോ കണ്ട പോലെ തോന്നിയത്. അവൻ അവിടെ കണ്ട വാതിൽ തുറന്നു. പുറത്തേക്ക് ബാല്കണിയുണ്ട്. അവിടെ നിന്നാൽ നേരത്തെ കണ്ട വീട് ശരിക്കും കാണാം.ചെറിയൊരു മതിൽ ഉണ്ടെന്നേ ഉള്ളൂ രണ്ടു വീടും തമ്മിൽ. അപ്പോഴാ അവനൊരു കാഴ്ച കണ്ടേ. റജു ഒരു കല്ലിൽ ചവിട്ടി ആ മതിൽ കയറി അപ്പുറത്തേക്ക് തുള്ളി. ശരിക്കും ഒരാൻ കുട്ടിയെ തോന്നിച്ചു . ആ വീട്ടിലേക്ക് കുറച്ചു സമയം നോക്കി. പിന്നെ ആ റോസ് ഗാർഡനിലേക്ക് പോയി. ഒരുപാട് വൈറ്റ് റോസാപ്പൂക്കൾ പറിച്ചെടുത്തു. തിരിച്ചു അതേ പോലെ ഇപ്പുറത്തേക്കും മതിൽ ചാടി. ഇതെന്തു ജന്മ റബ്ബേ. കള്ളം പറയൽ മാത്രമല്ല. മോഷ്ടിക്കലും ഉണ്ടോ. തുള്ളിയത് നേരെ അങ്കിളിന്റെ മുന്നിലും. അവളെ ചെവിക്ക് പിടിക്കുന്നത് കണ്ടു. ഒരു മാറ്റവും ഇല്ലല്ലേ ചുട്ടയിലെ ശീലം ചുടലവരെ. പ്പൂക്കൾക്കെല്ലാം ഒരു വാട്ടം. വാച്ച്മാൻ വെള്ളം ഒഴിക്കൽ ഇല്ലേ. ആ പാവത്തിന്റെ മെക്കിട്ട് കേറണ്ട. ചൂടിന്റെ കടുപ്പം കൊണ്ട. നിന്റെ ഗാർഡനിലെ പണി കഴിഞ്ഞേ അയാൾ വേറെന്തും ചെയ്യൂ.

നിനക്ക് നദീറിന് കൂട്ടി പോകരുന്നില്ലേ വീട്ടിലേക്ക്. അവന് ഒരു സർപ്രൈസ് ആയിക്കോട്ടെ. നാളെ കൂട്ടി വരാം ഈ പാവപ്പെട്ടവളുടെ വീട് കാണാൻ. അവന് അപ്പൊ ഇതുവരെ ഒന്നും അറിയില്ലേ. ഇത് നിന്റെ വീടെന്നും പറഞ്ഞില്ലേ ഇല്ല. ഒരു സർപ്രൈസ് ആയിക്കോട്ടേന്ന് കരുതി. ഇതിപ്പോ അവന്റെ വീടാ അങ്കിലേ. അവനേക്കാൾ അങ്കിൾ ആണ് സത്യം അറിയുമ്പോ ഞെട്ടുക. അവൾ മനസ്സിൽ ഓർത്തു. അവളുടെയും അങ്കിളിന്റെയും സ്നേഹപ്രകടനം കണ്ടപ്പോൾ ഉപ്പയും മോളും ആണെന്ന് തോന്നിപോകും. അവരുടെ മുന്നിൽ എത്തുമ്പോൾ അവൾക്ക് ഒരു കൊച്ചു കുട്ടിയുടെ പ്രകൃതം ആണ്. അവൻ കുളിച്ചു വരുമ്പോൾ റൂമിൽ രണ്ടുമൂന്നിടത് ഫ്‌ളവർ ബേസിൽ ആ റോസാപൂക്കൾ വെച്ചിട്ടുണ്ടായിരുന്നു. എനിക്ക് വേണ്ടിയാണോ ഇത്. എന്റെ ഫേവറൈറ് ആണിതെന്ന് അവൾ എങ്ങനെ അറിഞ്ഞു. അവൻ ആ പൂക്കൾ ഒന്ന് തലോടി. പിറകിൽ നിന്നും അവൾ കാണുന്നുണ്ടായിരുന്നു അത്. അവളുടെ മുഖത്ത് ഒരു പുഞ്ചിരി വിടർന്നു. നിന്റെ ഇഷ്ടാനിഷ്ടങ്ങൾ എല്ലാം എനിക്ക് അറിയാം.

നിന്റെ ഓർമക്കായി ഞാൻ നട്ടുപിടിപ്പിച്ചതാ ആ പൂക്കൾ മുഴുവൻ. ***** എന്റെ കൂടെ കിടക്കാൻ പറ്റില്ല. ഇത് നിന്റെ ബെഡ്‌റൂമോ അതോ എന്റെയോ എന്ന് ചോദിക്കണം എന്നുണ്ടായിരുന്നു. പിന്നെ വേണ്ടാന്ന് കരുതി വായിൽ വന്നത് വിഴുങ്ങി. നിന്റെ റൂമാണോന്ന് അല്ലേ ചോദിക്കാൻ വന്നത്. ഇവന് മനസ്സ് വായിക്കാനും കഴിവുണ്ടോ. അവൾ അല്ലെന്ന് തലയാട്ടി. മുഖം കണ്ടപ്പോ മനസ്സിലായി. അങ്ങനെതന്നെയാ കരുതിയേ. നിനക്ക് എന്താ. വേണേൽ ഇവിടെ കിടന്നോ അല്ലേൽ നിലത്തു കിടന്നോ. ഞാനേതായാലും ഇവിടെയാ കിടക്കാൻ പൊന്നെ. അവൾ കട്ടിലിൽ കേറി കിടന്നു. ഇത്രക്ക് ധൈര്യം ഉണ്ടോ നിനക്ക്. കരാട്ടെ അറിയാനുള്ള അഹങ്കാരം ആണേൽ വേണ്ട. നമ്മളെ നാടൻ തല്ലിന്റെ ഏഴയലത്തു വരില്ല അതൊന്നും. നമസ്കാരം ഉണ്ട് മാഷേ എന്നെ വിട്ടേക്ക്. സ്വപ്നത്തിൽ പോലും ഞാൻ അങ്ങനെയൊന്നും കരുതിയിട്ടില്ല. പിന്നെ കൈക്കരുത് കാണിക്കൽ ഉണ്ട്. സഹായത്തിന് ആരും ഇല്ലേൽ അത് തനിക്കിട്ട് വെച്ചതാണെന്ന് അവന് മനസ്സിലായി. എനിക്ക് നല്ല ക്ഷീണം ഉണ്ട്.

ഞാൻ ഉറങ്ങാൻ പോവ്വാ. ഇന്നലെ ബസ്സിൽ ആയോണ്ട് ഉറക്കം ശരിയായില്ല. സോ ഗുഡ് നൈറ്റ്‌. അവൾ കണ്ണടച്ചു കിടന്നു. ഉള്ളിൽ ചെറിയ പേടിയും ഉണ്ട്. ഇവൻ ഇതിന് പകരം എന്താണാവോ ചെയ്യുക. ചവിട്ടി താഴെ ഇടോ ഇനി. എന്നാൽ അവന്റെ ഭാഗത്ത്‌ നിന്നും ഒന്നും ഉണ്ടായില്ല. അവൾ മെല്ലെ കണ്ണ് തുറന്നു നോക്കി. അവൻ കിടന്നു ഉറങ്ങുന്ന കണ്ടു. എന്നാലും ഇവൻ ഇത്ര പെട്ടെന്ന് മാറോ. വിശ്വസിക്കാൻ പറ്റുന്നില്ല. ഇനി എന്റെ വീടല്ലെന്ന് കരുതിയാവും. അവൾ വീണ്ടും കിടന്നു. കുറെ കഴിഞ്ഞപ്പോൾ അവൾ ഉമ്മാന്ന് ഉച്ചത്തിൽ നിലവിളിച്ചോണ്ട് എണീറ്റു. എന്താ എന്തു പറ്റി റജു. നദീർ കണ്ണ് തിരുമ്മി എണീറ്റു. വാതിലിൽ മുട്ട് കേട്ടു. മോളേ വാതിൽ തുറക്ക്. എന്താ പറ്റിയെ. ഒന്നും ഇല്ല അങ്കിളെ. കട്ടിലിൽ നിന്നും ഒന്ന് വീണു. നീയെന്താടി കൊച്ചു കുട്ടിയോ കട്ടിലിൽ നിന്നും വീഴാൻ. ഞാൻ അപ്പോഴേ പറഞ്ഞതാ അങ്കിളേ അറ്റത്തു കിടക്കണ്ടാന്ന്. പിന്നെ പുറത്ത് നിന്നും ശബ്ദം ഒന്നും കേട്ടില്ല. അല്ലാ നീ എപ്പോഴാ കട്ടിലിൽ നിന്നും വീണേ. ബെഡിൽ തന്നെയാണല്ലോ ഉള്ളെ.

കള്ളം പറഞ്ഞു നല്ല ശീലാണല്ലേ. ഇനി വീണാലോ അവനെ രൂക്ഷമായി ഒന്ന് നോക്കി. അവൾ ഒരു പുതപ്പും തലയിണയും എടുത്തു നിലത്ത് കിടക്കാൻ നോക്കി. ടീ എന്തിനാ അവിടെ കിടക്കുന്നേ. നിന്റെ ബെഡ് അല്ലേ ഇവിടേ കിടക്കുന്ന് പറഞ്ഞിട്ട്. വേണ്ടായേ ഞാൻ താഴെ കിടന്നോളാം അവൾ തൊഴുതു കൊണ്ട് പറഞ്ഞു. അതെന്താ ഇവിടെ കിടന്നാൽ അവന്റെ മുഖത്ത് ചിരി അവൾ കണ്ടു. ഇവിടെ കിടന്നോ എനിക്ക് പ്രോബ്ലം ഒന്നും ഇല്ലട്ടോ എന്നാലേ എനിക്കുണ്ട് പ്രോബ്ലം . ഞാൻ ഇവിടെ കിടന്നോളാം. എന്നോട് കളിച്ചാലേ ഇങ്ങനെയിരിക്കും. നീയായിട്ട് തന്നെ പോയില്ലേ. തിരിച്ചു ചെയ്യാൻ അറിയാഞ്ഞിട്ടല്ല. വേണ്ടെന്ന് വെച്ചിട്ടാ. അത് എനിക്കും മനസ്സിലായി. അതിനുള്ള ഗഡ്‌സും നിനക്ക് ഉണ്ട്. എന്നിട്ടും എന്താ പ്രതികരിക്കാതെ. തിരിച്ചു വരുമെന്ന് ഉറപ്പുള്ളവരോട് പിണങ്ങാനും തല്ല് കൂടാനും ഒരു രസമാണ്. അല്ലാത്തവരോട് മൗനമാണ് നല്ലത്. നിന്റെ വിജയമായി നീ അത് കണ്ടോള്ളൂ. എന്തിനാ ഇങ്ങനെ സഹിക്കുന്നെ പോയിക്കൂടെ. തിരിച്ചു ഞാൻ ഒന്ന് ചോദിച്ചോട്ടെ. നിന്റെ ഹൃദയത്തിൽ ഇപ്പോഴും എനിക്ക് ഒരു സ്ഥാനം ഉണ്ട്. അതെനിക്ക് മനസ്സിലാക്കാനും പറ്റുന്നുണ്ട്. എന്നിട്ടും എന്തിനാ എന്നോട് ഇങ്ങനൊക്കെ ചെയ്യുന്നേ. അവൻ ഒന്നും മിണ്ടാതെ മുഖം തിരിച്ചു കിടന്നു .... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...