💘റജില 💘: ഭാഗം 37

രചന: സഫ്‌ന കണ്ണൂർ

ഹലോ ഉറങ്ങിയതാണോ അതോ ചോദിച്ചതിന് ഉത്തരം ഇല്ലേ. കണ്ണ് നിറഞ്ഞത് അവൾ കാണാതിരിക്കാൻ അവൻ തലയിണയിൽ മുഖം പൂഴ്ത്തി കിടന്നു. രാവിലെ നിർത്താതെ വാതിലിൽ മുട്ട് കേട്ടാണ് ഉറക്കം ഞെട്ടിയത്. ഇങ്ങനെ വാതിൽ തല്ലിപ്പൊളിക്കാൻ മാത്രം എന്താ സംഭവിച്ചേ. അവൾ എണീറ്റു വാതിലിനടുത്തേക്ക് പോകുമ്പോഴേക്കും നദീർ വാതിൽ തുറന്നിരുന്നു. നേഴ്സ് ആണ്. മുഖം ഒക്കെ കരഞ്ഞപോലെയുണ്ട് അവൾക്കെന്തോ ഉള്ളിൽ ഒരു ഭയം കേറി. എന്താ ചേച്ചി. എന്താ കാര്യം മാഡം...... അവർ ഒന്നും മിണ്ടാതെ ആന്റിയുടെ റൂമിന് നേരെ കൈ ചൂണ്ടി. അവൾ അവരെ ഒന്ന് നോക്കിയിട്ട് ആ റൂമിലേക്ക് ഓടി. പിന്നാലെ നദീറും. അങ്കിൾ അവിടെ ഭിത്തിയിൽ ചാരി നിൽപ്പുണ്ട്. കരഞ്ഞു കലങ്ങിയ പോലെ കണ്ണുകളും മുഖവും. അവൾ ആന്റിയുടെ അടുത്തേക്ക് ചെന്നു. കണ്ണുകൾ അടഞ്ഞു കിടക്കുന്നു. മുഖത്ത് ഇത് വരെയില്ലാത്ത ശാന്തത. ആന്റി.... ആന്റി.. അവൾ കുറെ തട്ടി വിളിച്ചു. ആന്റി എണീക്ക്.ഒന്ന് കണ്ണ് തുറക്ക്. ഇങ്ങ് നോക്കിയേ അവൾ കരഞ്ഞു കൊണ്ട് കുലുക്കി വിളിക്കാൻ തുടങ്ങി. നദീർ അവരുടെ കൈ പിടിച്ചു നോക്കി.

അവന്റെ ശരീരത്തിലൂടെ ഒരു വിറയൽ പടർന്നു കയറി.നദീർ റജിലയുടെ ചുമലിൽ കൈ വെച്ചു. അവൾ അവനെ നോക്കി. നദീർ നോക്കിയേ ആന്റി വിളിച്ചിട്ട് അനങ്ങുന്നില്ല. ഇനി അവർ വിളികേൾക്കില്ല റജു. അവർ നമ്മളെ വിട്ടു പോയി. അവന്റെ വാക്കുകൾ ഇടറിയിരുന്നു. ഒരു കരച്ചിലിന്റെ ചീള് പുറത്തു വരാതെ അവളെ തൊണ്ടയിൽ കുരുങ്ങി. അവൾ ബോധംകെട്ട് താഴേക്ക് വീണു .നിലത്ത് എത്തുന്നതിനു മുന്പേ അവൻ അവളെ പിടിച്ചു. . അവൻ ആ സ്ത്രീയുടെ മുഖത്തേക്ക് തന്നെ നോക്കി. ഇന്നലെ രാത്രി ഉറങ്ങുന്നത് വരെ അവരുടെ കൂടെയായിരുന്നു. നദീർ തന്നെ ആയിരുന്നു കഞ്ഞി കൊടുത്തതും. പോകാൻ നേരം കൈ പിടിച്ചു വെച്ചു അവനെ തന്നെ നോക്കി. തട്ടി മാറ്റാൻ തോന്നിയില്ല. സജുവിനെയാണ് തന്നിലൂടെ അവർ കാണുന്നതെന്ന് അവൻ മനസ്സിലാക്കിയിരുന്നു. മറുപടി ഒന്നും ഇല്ലായിരുന്നിട് കൂടി അവരോട് വെറുതെ ഓരോന്ന് സംസാരിച്ചു കൊണ്ടിരുന്നു. അവരുടെ മുഖത്ത് വിരിയുന്ന പുഞ്ചിരിയും ഇടക്ക് കണ്ണിൽ നിന്നും വരുന്ന കണ്ണീർതുള്ളിയും അവൻ പറയുന്നത് മുഴുവൻ അവർക്ക് മനസ്സിലാവുന്നുണ്ടായിരിന്നു എന്നതിന്റെ തെളിവായിരുന്നു.

ഉറങ്ങിയതിനു ശേഷം ആണ് ഞാൻ റൂമിലേക്ക് പോയത്. തകർന്നു നിക്കുന്ന അങ്കിളിനെ ആശ്വസിപ്പിക്കണോ ഇവളെ നോക്കണോ. ഒട്ടും പ്രതീക്ഷിക്കാതെ ഒരു മരണത്തിനു സാക്ഷ്യം വഹിക്കേണ്ടി വന്ന പകപ്പും അവനിൽ ഉണ്ടായിരുന്നു. . അവൻ അവളെ എടുത്തു റൂമിലേക്ക് പോയി. അവളെ ബെഡിൽ കിടത്തി മുഖത്ത് വെള്ളം തളിച്ചു. കണ്ണ് തുറന്നതും അവൾ പൊട്ടിക്കരച്ചിലോടെ അവന്റെ നെഞ്ചത്തേക്ക് വീണു. അവൻ അവളെ പിടിച്ചു മാറ്റിയില്ല. അവൻ പോലും അറിയാതെ അവളെ ചേർത്തു പിടിച്ചു. ഇടക്ക് ഇടക്ക് ആന്റിടെ കാര്യം പറഞ്ഞു ഏങ്ങലടിക്കുന്നുണ്ടായിരുന്നു. അവനിൽ എന്തൊക്കെയോ ഉത്തരവാദിത്തം വന്നു നിറയുന്നത് പോലെ അവന് തോന്നി.ഈ കർമത്തിന് സാക്ഷ്യം വഹിക്കാനാണോ ഞാൻ ഇവിടെ എത്തിയത്. ആയിരിക്കും. ആ സ്ത്രീ തന്റെ ഹൃദയത്തിൽ എവിടെയോ ഒരു സ്ഥാനം പിടിച്ചിരുന്നു. റജൂ നീയാ അങ്കിളിനെ ആശ്വസിപ്പിക്കണ്ടേ ആ നീ ഇങ്ങനെ തളർന്നാലോ. എഴുന്നേൽക്ക് അങ്കിളിന്റെ അടുത്തേക്ക് ചെല്ല്. അവൻ അവളെ എഴുന്നേൽപ്പിച്ചു ആ റൂമിലേക്ക് ചെന്നു. ഓരോരുത്തരായി വന്നു കൊണ്ടിരുന്നു.

ആളുകളെ കൊണ്ട് വീട് നിറയാൻ തുടങ്ങി. നദീർ അവരുടെ കർമങ്ങൾക്ക് എല്ലാത്തിനും മുന്നിൽ തന്നെ നിന്നു ചെയ്തു. കൂട്ടിന് അഫുവും ഉണ്ടായിരുന്നു. അവനത് ആശ്വാസമായി തോന്നി. ഓരോരുത്തരായി പോയിക്കൊണ്ടിരുന്നു. വൈകുന്നേരം ആയപ്പോഴേക്കും അഫു ഒഴിച്ചു ബാക്കി എല്ലാവരും പോയി.അഫു അങ്കിളിന്റെ അടുത്ത് തന്നെ ഇരിപ്പുണ്ടായിരുന്നു. നദീറിന് ഒരു കാര്യം മനസ്സിലായി അഫു അവളുടെ ലവർ മാത്രമല്ല ഈ വീടുമായി അവന്ന് വേറെ എന്തോ കണക്‌ഷൻ കൂടി ഉണ്ട്. അവൻ അങ്കിലിന്റെ അടുത്ത് പോയി ഇരുന്നു. അവരെ ചുമലിൽ കൈ വെച്ചു. അങ്കിൾ അവന്റെ കൈ പിടിച്ചു. അവന് സങ്കടം വരുന്നുണ്ടായിരുന്നു അവരെ മുഖം കാണുമ്പോൾ ഇപ്പൊ സ്വന്തം എന്ന് പറയാൻ ഇവർക്ക് ആരും ഇല്ലല്ലോ. മോനോട് എങ്ങനെയാ നന്ദി പറയേണ്ടെന്ന് അറിയില്ല. അവസാന നിമിഷം ഒരുപാട് സന്തോഷത്തോടെയാ അവൾ പോയെ. നിന്നിലൂടെ സജുവിനെ അവൾ കണ്ടേ. മോന്റെ കൈ കൊണ്ട് വയറു നിറയെ ഭക്ഷണം കഴിച്ചു. എങ്ങനെയാ എന്തു പറഞ്ഞ ആശ്വസിപ്പിക്കേണ്ടെന്ന് അറിയില്ല.

എനിക്ക് കുഴപ്പം ഒന്നും ഇല്ല. അവൾ ഒരുപാട് അനുഭവിച്ചു. ഇപ്പൊ സജുന്റെ അടുത്തേക്കല്ലേ പോയത്. അവൾക്കും..... ബാക്കി പറയാൻ ആവാതെ വിങ്ങി പൊട്ടി. അഫു രണ്ടാൾക്കും ചായ എടുത്തു വന്നു കുടിക്ക്. രാവിലെ മുതൽ ഒന്നും കഴിച്ചിട്ട് ഉണ്ടാവില്ലല്ലോ. നദീർ അപ്പോഴാ അത് ഓർത്തത് തന്നെ. റജൂ എന്തെങ്കിലും കുടിച്ചു കാണുമോ. നദീർ കുടിച്ചു കഴിഞ്ഞ റജുവിനും എന്തെങ്കിലും കൊണ്ട് കൊടുക്ക്. ഞാൻ എത്ര പറഞ്ഞിട്ടും ഒന്നും കഴിച്ചില്ല. അവൻ അവളുടെ അടുത്തേക്ക് പോയി. അവൾ കിടക്കുകയാരുന്നു. അവൻ അവളുടെ അടുത്ത് പോയിരുന്നു. കരഞ്ഞു തളർന്നിരുന്നു. റജൂ എണീറ്റു വല്ലതും കുടിക്ക്. അവൾ വേണ്ട എന്ന് തലയാട്ടി. പറയുന്ന കേൾക്ക് എഴുന്നേൽക്ക്. അവൻ പിടിച്ചെഴുന്നേല്പിച്ചു ഇരുത്തി. ചായ കൊടുത്തു. അവൾ ഒരിറക്ക് ഇറക്കി അവന് തന്നെ കൊടുത്തു. അവനത് അവളെ വായിൽ വെച്ചു കൊടുത്തു. അവൾക്ക് എതിർക്കാൻ തോന്നിയില്ല. അവൻ അവളെ ചുമലിലേക്ക് ചാരി ഇരുന്നു. എത്ര സമയം അങ്ങനെ ഇരുന്നൂന്ന് അവന് തന്നെ ഓർമയില്ല.

അഫു പോകാൻ നേരം വിളിച്ചപ്പോഴാ അവൻ എണീറ്റെ. അവൾ ഉറങ്ങിയിരുന്നു. അവളെ മെല്ലെ അവിടെ കിടത്തി അവൻ എണീറ്റു. രാത്രി അടുത്ത വീട്ടിൽ നിന്നും ഫുഡ്‌ കൊണ്ട് വന്നെങ്കിലും ആരും കഴിച്ചില്ല. നദീറിനും ഒന്നും കഴിക്കാൻ തോന്നിയില്ല. റജൂ കിടന്നിടത് നിന്നും എണീറ്റില്ല. അവന് എഴുന്നേൽപ്പിക്കാനും തോന്നിയില്ല. അവനും അവളെ അടുത്ത് കിടന്നു. ഉറക്കം വരാതെ അവൻ ഫോണും നോക്കി കിടന്നു. ഇടക്ക് അവളുടെ കൈകൾ തന്നെ വരിഞ്ഞു മുറുകുന്നത് അവൻ അറിഞ്ഞു. ഇടക്കിടക്ക് തേങ്ങലും കേട്ടു. അവൻ അവളുടെ മുടിയിലൂടെ തലോടി കൊണ്ടിരുന്നു. എപ്പോഴോ ഉറങ്ങി പോയി. *** രാവിലെ എഴുന്നേറ്റു റജൂ ബാൽക്കണിയിൽ കാലിൽ മുഖം പൂഴ്ത്തി ഇരിക്കുന്ന കണ്ടു. അങ്കിൾ ചാരുകസേരയിൽ തലക്ക് കയ്യും വെച്ചു കണ്ണടച്ചു കിടക്കുന്നുണ്ട്. അവൻ അടുക്കളയിൽ പോയി ചായ ഉണ്ടാക്കി വന്നു. രണ്ടാൾക്കും കൊടുത്തു. നിബന്ധിപ്പിച്ചു കുടിപ്പിച്ചു. കുറച്ചു കഴിഞ്ഞു അഫുവും വന്നു.

അവൻ റജുവിനെ പിടിച്ചെഴുന്നേല്പിച്ചു അടുക്കളയിലേക്ക് കൂട്ടീട്ട് പോകുന്ന കണ്ടു. അവളെ ദേഹത്ത് അവൻ തൊടുന്നത് അവനിൽ ദേഷ്യം പിടിപ്പിക്കുന്നുണ്ടായിരുന്നു. അവളെ കൊണ്ട് തന്നെ അഫു കഞ്ഞി വെപ്പിച്ചു. എല്ലാവരും കുടിക്കുന്നത് പോലെ വരുത്തി. അവൾ വീണ്ടും റൂമിലേക്ക് തന്നെ പോയി.അഫുവിന്റെ പെരുമാറ്റത്തിൽ ആ വീടിന്റെ മുക്കും മൂലയും വരെ അവന് കാണാപ്പാഠമാണെന്ന് നദീറിന് മനസ്സിലായി. വൈകുന്നേരം പെട്ടന്ന് ആണ് നദീറിന്റെ ഉപ്പ വന്നത്.ഉപ്പാനെ കണ്ടതും അവനിൽ അസ്വസ്ഥത ഉണ്ടാക്കി. എന്തിനാപ്പൊ ഉപ്പ ഇങ്ങോട്ട് വന്നേ. എന്റെ പ്ലാൻ ഒക്കെ ഇപ്പോഴേ തകിടം മറിഞ്ഞിരിക്ക. അതിന്റെ കൂടെ ഉപ്പയും കയറി വന്നു. . നാളെ ഇവിടെ നിന്നും പോകാമെന്ന് കരുതിയതാ. റജിലയെ കൂട്ടാതെ പോകാൻ ഇനി ഉപ്പ വിഡോ. വല്ലാത്ത കുരിശിൽ ആണല്ലോ പെട്ടത്.റജുവിനെ കാണുമ്പോൾ സങ്കടം സഹിക്കുന്നില്ല. പക്ഷേ വേണ്ട അവൾ ഇനി ഇവിടെ തന്നെ നിന്നോട്ടെ. എങ്ങനയാ ഇനി അത് അവളോട്‌ പറയുക ഈ സങ്കടത്തിന്റെ കൂടെ അതും കൂടി.

പക്ഷേ പറഞ്ഞേ പറ്റു. എങ്ങനെ. പിറ്റേന്ന് ഉപ്പ നാട്ടിലേക്ക് വരാൻ തീരുമാനിച്ചു. നദീറും വരുന്നൂന്ന് പറഞ്ഞിരുന്നു. റജില വരുന്നില്ലെന്ന പറഞ്ഞേ. കുറച്ചു ദിവസം കൂടി ഇവിടെ നിക്കണോന്ന്. ഞാൻ പിന്നെ നിര്ബന്ധിച്ചില്ല അവളുടെ ഇഷ്ടം പോലെ ചെയ്യട്ടെ. ഉപ്പ അങ്കിളിനോട് പറയുന്ന കേട്ട് നദീറിന ഷോക്ക് ആയത്. അവളോട്‌ എങ്ങനെ അങ്ങോട്ട്‌ പറയുന്നു കരുതി ഇരിക്കുമ്പോഴാ ഇങ്ങോട്ട് പറഞ്ഞേ. എന്റെ ജോലി കുറഞ്ഞല്ലോ. നദീറിന് ചിന്തകൾഎല്ലാം അടിമറിക്കുന്നതായിരുന്നു അങ്കിളിന്റെ വാക്കുകൾ. വേണ്ട. അവളെ നിങ്ങളുടെ കൂടെ കൂട്ടിട്ട് പോകണം. ഇവിടിരുന്ന അതിന്റെ സങ്കടം കൂടി എനിക്ക് കാണാൻ വയ്യ. . പിന്നെ കാര്യങ്ങളൊക്കെ അഫു പറഞ്ഞു അറിഞ്ഞിരുന്നു. ഒന്ന് എനിക്ക് മനസ്സിലായി നദീറിനെ മനസ്സ് കൊണ്ട് അവൾ അംഗീകരിച്ചുനന്. എനിക്ക് അത് മതി.അല്ലെങ്കിലും അതിന്റെ ഒക്കെ അവകാശി അവനും കൂടി തന്നെയല്ലേ. അവളെ എങ്ങനെയെങ്കിലും തിരിച്ചു കൂട്ടിട്ട് പോകണം. എനിക്ക് ഒരു വാക്ക് തന്ന മതി.

എന്റെ മോൾക്ക്‌ സന്തോഷം എന്ന ഒന്ന് കൊടുക്കാൻ എനിക്കിതുവരെ പറ്റിയിട്ടില്ല. അവളുടെ ഏറ്റവും വലിയ ആഗ്രഹമായിരുന്നു. കോളേജിൽ പഠിക്കണം എന്ന്. അത് നിറവേറ്റികൊടുക്കണം. എന്റെ മോൾക്ക്‌ സന്തോഷം മാത്രേ ഉണ്ടാവാൻ പാടുള്ളൂ. . അതൊരു പാവാ. പുറമെ കാണിക്കുന്ന തന്റേടം ഒന്നും അതിനില്ല.ഒരിക്കലും അവളെ കണ്ണുനിറയ്ക്കരുത്. ഇതൊക്കെ ഇപ്പൊ എന്തിനാ എന്നോട് പ്രത്യേകം പറയുന്നേ. എന്റെ സ്വന്തം മോളായിട്ടേ കണ്ടിട്ടുള്ളു. അവൾക്ക് ഒരു കുറവും ഉണ്ടാവില്ല അവിടെ. നദീറിന്റെ ഭാഗത്ത്‌ നിന്നും അവളെ വേദനിപ്പിക്കുന്ന തരത്തിൽ ഒന്നും ഉണ്ടാവില്ല. ഞാൻ വാക്ക് തരികയാ അത്. തന്റെ കാര്യത്തിൽ അപ്പൊ ഒരു തീരുമാനമായി. സന്തോഷം. അവൻ തലയിൽ കൈവെച്ചു കൊണ്ട് പറഞ്ഞു. അഫു എന്ത് പറഞ്ഞുന്ന. എന്തിന്റെ അവകാശിയാ ഞാൻ. അതൊന്നും മനസ്സിലാകുന്നില്ലല്ലോ.

എന്തൊക്കെയോ വിളിച്ചു പറയണം എന്നുണ്ടായിരുന്നു അവന്. മരണ വീടായതിനാൽ ഒരു പ്രശ്നം ഉണ്ടാകണ്ടേന്ന് കരുതി അവൻ മിണ്ടാതിരുന്നു. ആദ്യമൊന്നും വരാൻ അവൾ കൂട്ടാക്കിയില്ല. ഇവിടെ എനിക്ക് ചെയ്തു തീർക്കാൻ കുറച്ചു ജോലി ഉണ്ട്. പിന്നെ ഞാനും വരും നാട്ടിലേക്ക്. അങ്കിൾ എങ്ങനെയൊക്കെയോ പറഞ്ഞു സമ്മതിപ്പിച്ചു അവരുടെ കൂടെ വിട്ടു. മൂന്ന് പേർക്കും മൗനമായിരുന്നു തിരിച്ചു വീട്ടിൽ എത്തുന്ന വരെ. വീട്ടിൽ എത്തിയിട്ടും അവൾക്ക് ഒരു മാറ്റവും ഉണ്ടായില്ല. എപ്പോഴും ഒരേ കിടത്തം. റൂമിൽ നിന്നും പുറത്തിറങ്ങില്ല. ആരോടും മിണ്ടുകയും ഇല്ല. അധികവും എന്തൊക്കെയോ ചിന്തിച്ചു കരയുന്നതും കാണാം. രാത്രിയായാൽ നിലത്ത് കിടക്കും. നദീറിന് അവളെ കാണുമ്പോൾ എന്തിനെന്നില്ലാതെ മനസ്സ് നീറുന്നുണ്ടായിരുന്നു.പക്ഷേ അവളോട്‌ സംസാരിക്കാനൊന്നും പോയില്ല. രണ്ടുമൂന്ന് ദിവസം ഇങ്ങനെ പോയി. പിന്നെ ഉപ്പ നിർബന്ധിച്ചു കോളേജിൽ അയച്ചു. അതിന് ശേഷം കുറച്ചു മാറ്റം അവളിൽ വന്നു തുടങ്ങി.അവൾ ആദ്യത്തെപ്പോലെ ആക്റ്റീവ് ആവാൻ തുടങ്ങി.

അവളുടെ ആ അവസ്ഥ അസീന വല്ലാണ്ട് മുതലെടുക്കുന്നുണ്ടായിരുന്നു. നദീറിന്റെ കാര്യങ്ങളെല്ലാം അവൾ മനപ്പൂർവം ഏറ്റെടുത്തു. റജിലയിൽ ഇത് ദേഷ്യം വരുത്തുന്നുണ്ടായിരുന്നെങ്കിലും അവൾ ഒന്നും പ്രതികരിച്ചില്ല. തളർന്നിരിക്കുന്നു അവസ്ഥയിലും നദീറിന്റെ സാമിപ്യം അവൾ കൊതിച്ചിരുന്നുവെങ്കിലും അങ്ങനൊരാൾ ആ വീട്ടിൽ ഉണ്ടെന്ന് പോലും ഓർക്കാത്ത രീതിയിലായിരുന്നു അവന്റെ പെരുമാറ്റം. നദീറിന്റെ അടുത്ത് നിന്നും വല്ലാതെ അവോയ്‌ഡും അവൾ മനസ്സിലാക്കുന്നുണ്ടായിരുന്നു. ** കുറച്ചു ദിവസം കഴിഞ്ഞു. കുടുംബത്തിലെ ഒരു വീട്ടിൽ ഒരു ഫങ്ക്ഷൻ ഉണ്ടായിരുന്നു. എല്ലാവരെയും ക്ഷണിച്ചു. റജില ഒരു തരത്തിലും പോകാൻ തയ്യാറായില്ല.മരിച്ചിട്ട് അത്രയല്ലേ ആയുള്ളൂന്ന കരുതി പിന്നെ ആരും നിർബന്ധിച്ചും ഇല്ല. അസീനയും നദീറും മാത്രേ പോയുള്ളു.

നദീറിന്റെ കൂടെ അവൾ പോകുന്നത് റജിലക്ക് ഒട്ടും ഇഷ്ടം ആയിരുന്നില്ല. അവളിൽ അത് വല്ലാത്ത അസ്വസ്ഥത ഉണ്ടാക്കി. രാത്രി പത്തു മണിയായിട്ടും അവർ തിരിച്ചു എത്തിയില്ല. രണ്ടു പേരെയും ഫോണിൽ വിളിച്ചിട്ട് കിട്ടുന്നതും ഉണ്ടായിരുന്നില്ല. അവൾക്ക് വല്ലാത്ത ടെൻഷൻ അനുഭവപ്പെടാൻ തുടങ്ങി. അവൾ അവരെയും കാത്തു ഇരുന്നു. നിർത്താതെ ഫോൺ ബെല്ലടിക്കുന്ന കേട്ടാണ് ഉറക്കം ഞെട്ടിയത്. അവൾ സമയം നോക്കി ഒരുമണിയാവാറായി. നദീർ ഇതുവരെ വന്നിട്ടില്ലെന്ന് മനസ്സിലായി. ഇവർ ഇതെവിടെ പോയി. ഫോൺ എടുത്തു നോക്കി സാലിയാണ്. അവൾ തിരിച്ചു വിളിച്ചു. എന്താ സാലി. നദീർ എവിടെ എത്തിയില്ലേ. അവിടെ എത്തിയൊന്ന് നോക്കാൻ വിളിച്ചതാ. ഇപ്പൊ എത്തുമായിരിക്കും. എത്താൻ സമയം ആയി. ഇപ്പൊ എത്തും പേടിക്കണ്ട. ഞാൻ പിന്നെ വിളിക്കാം. ഇവനിതെന്തു പറ്റി. ഉറക്കത്തിൽ പിച്ചും പേയും പറഞ്ഞതാണോ. അവൾ താഴെ കാർ വന്ന ശബ്ദം കേട്ടു. പിച്ചും പേയും അല്ല. അവൻ എന്നോട് എന്തോ പറയാൻ ഉണ്ടായിരുന്നുന്ന് ഒരു തോന്നൽ. എന്തായിരിക്കും. നദീർ എത്തിയൊന്ന് അറിയാൻ അല്ല അവൻ വിളിച്ചത്.

ഇനി എന്റെ സംശയം ആണോ അത്. *** . വെറുപ്പ് തോന്നുകയാ എനിക്ക് എന്നോട് തന്നെ. എന്നെങ്കിലും മനസ്സ് മാറുന്നുമെന്ന് കരുതിയാ ആട്ടും തുപ്പും കേട്ട് ഇവിടെ കഴിഞ്ഞതും. ഇനി വേണ്ട. കാണണ്ട എനിക്ക് ഇനി നിന്നെ. ഒരിക്കൽ പോലും എന്റെ മുന്നിൽ ഇനി വന്നു പോകരുത്. വെറുപ്പാ നിന്നോട് ഇപ്പൊ തോന്നുന്നേ. ഐ ഹേറ്റ് യൂ. ഞാൻ പോവ്വുകയാ ഈ വീട്ടിൽ നിന്നും നിന്റെ മനസ്സിൽ നിന്നും. ഇനി ഒരിക്കലും കണ്ടു മുട്ടാതിരിക്കട്ടെ. നദീറിന്റെ കയ്യിൽ നിന്നും ആ പേപ്പർ പണവും താഴെ വീണു. അവന്റെ കയ്യിൽ നിന്നും വീണ പൈസ ഫാനിന്റെ ശക്തിയായ കാറ്റിൽ അവനു ചുറ്റും പാറി നടന്നു. എന്തോ ഓർത്തത് പോലെ അവൻ പെട്ടന്ന് താഴേക്ക് ഓടി. മുന്നിൽ അസീന. എവിടെക്കാ ഇത്ര ധൃതിയിൽ. അതിനുത്തരം പറഞ്ഞത് കൈകൊണ്ടായിരുന്നു.നീയും ഒരു പെണ്ണല്ലെടീ. എന്നിട്ടും നിനക്ക് ഇതെങ്ങനെ ചെയ്യാൻ തോന്നി.

അവളെ മാനത്തിന് വില പറയുന്നോ. അവൾ കവിളിൽ കൈ വെച്ചു അവന്റെ മുന്നിൽ കയറി നിന്നു. നദീർ പ്ലീസ് എനിക്ക് പറയാനുള്ളത് ഒന്ന് കേൾക്ക്. ഞാനൊന്നും ചെയ്തിട്ടില്ല. ഇന്നലെ എനിക്കും റജുവിനും ഇടയിൽ സംഭവിച്ചത് അറിയാവുന്നത് നിനക്ക് മാത്രമാണ്. മാത്രമല്ല ഇന്നലെ പാർട്ടിയിൽ വെച്ചു നീ ചെയ്തതിന് സാലി സാക്ഷിയാണ്. ഏതേലും ആത്മാഭിമാനം ഉള്ള പെണ്ണ് സഹിക്കുമോടീ നീ റജിലയോട് ചെയതത് . ആത്മാഭിമാനം ഉള്ള പെണ്ണ് തന്നെയാണോ അവൾ ഉറപ്പുണ്ടോ നിനക്ക്. അവളെ വിവാഹം കഴിഞ്ഞത് ആണ്. അത് നീ മറന്നുപോയോ. ആയിരിക്കാം. പക്ഷേ അവൾ ആണൊരുത്തനെ അറിഞ്ഞിനെങ്കിൽ അത് എന്നിലൂടെ ആണ്. അത് മനസ്സിലാക്കാൻ ആരും പറഞ്ഞു തരണമെന്നില്ല. കണ്ടു പോകരുത് ഇനിയെന്റെ മുന്നിൽ. അവളെ തള്ളിമാറ്റി അവൻ പോയി. ഉപ്പ റജൂ പോയിട്ട് ഒരുപാട് സമയം ആയോ. എങ്ങനെയാ പോയത്. അരമണിക്കൂർ അത്രയേ ആയുള്ളൂ. ഔട്ടോ പിടിച്ച പോയത്. എന്താ. അവളിപ്പോ ഇങ്ങ് വരും. പെട്ടെന്ന് വരാന് പറഞ്ഞ പോയെ.

എന്താ എന്തെങ്കിലും പ്രശ്നം ഉണ്ടോ. ഒന്നും ഇല്ല. ഉപ്പ ഒന്ന് വിളിച്ചു നോക്കിയേ എവിടെയാ ഉള്ളതെന്ന്. നിനക്ക് വിളിച്ചോടെ. എന്റെ ഫോൺ ഓഫ്‌ ആണ്. വിളിച്ചിട്ട് അവൾ കട്ടാക്കുകയാണ് ചെയ്തത്. അവൻ ഫോൺ ലൗഡ് സ്‌പീക്കറിൽ ഇട്ടു വിളിച്ചു. ഞാൻ ലേറ്റ് ആകും മൂത്താപ്പ.പിന്നെ വിളിക്കാം. അവൾ ഫോൺ കട്ട് ചെയ്തു. ട്രെയിനിന്റെ ശബ്ദം അവൻ കേട്ടു. അവൻ ഓടി പോയി. എവിടെക്കാടാ പോകുന്നേ. എന്തേലും പ്രശ്നം ഉണ്ടോ. ഒന്നും ഇല്ല ഉപ്പ. ഇപ്പൊ വരാം. അവളുടെ ആ എഴുത്തിൽ ഉണ്ടായിരുന്ന ഓരോ വാക്കും തന്റെ ഹൃദയം കീറി മുറിക്കുന്ന പോലെയാണ് തോന്നിയത്. കണ്ണുകൾ നിറഞ്ഞു അവന് മുന്നിലുള്ളതൊന്നും കാണുന്നുണ്ടായിരുന്നില്ല. ഞാനല്ല അത് ചെയ്തതെന്ന് അവൾ വിശ്വാസിക്കോ. ഒരിക്കലും ഇല്ല. അവളെ സംബന്ധിച്ചിടത്തോളം എനിക്കും അവൾക്കും മാത്രമേ അത് അറിയൂ.മൂന്നാമതൊരാൾ ഒരിക്കലും അറിയില്ല. അവന് വട്ടുപിടിക്കുന്ന പോലെ തോന്നി. * അവൾ ട്രെയിനിൽ കയറി സീറ്റിൽ ചാരി ഇരുന്നു. സാലിയുടെയും മൂത്താപ്പയുടെയും ഒരുപാട് കാൾ.

ഒന്നും അറ്റൻഡ് ചെയ്തില്ല. അവൾ ഫോൺ പുറത്തേക്കു ചാടാൻ നോക്കുമ്പോഴാ സാലിയുടെ ഒരു മെസ്സേജ് കണ്ണിൽ ഉടക്കിയത്. നദീറിനു ഒരാക്സിഡന്റ്. കുറച്ചു സീരിയസ് ആണ്. ഇതേ കള്ളം ഒരിക്കൽ പറഞ്ഞത് കൊണ്ട് അവൾക്ക് ഒരു ഞെട്ടലും ഉണ്ടായില്ല. ഇനിയില്ല ഈ നാട്ടിലേക്ക്. നദീറിന്റെ മുന്നിലേക്കും. അത്രമാത്രം മനസ്സ് മുറിഞ്ഞിരിക്കുന്നു. അവളുടെ കണ്ണുകൾ നിറഞ്ഞൊഴുകി. അവൾ ഫോൺ പുറത്തേക്ക് വലിച്ചെറിഞ്ഞു. ട്രെയിൻ പുറപ്പെടാൻ ടൈം ആയി അനൗൺസ്മെന്റ് കേട്ടു. റജൂ പറഞ്ഞത് സത്യാ. അവന് കുറച്ചു സീരിയസ് ആണ്. നിന്നെ തിരക്കി ഇവിടേക്ക് വരുമ്പോൾ ധൃതിയിൽ ഏതോ ലോറിക്ക് കൊണ്ട് ഇടിച്ചു. ഇപ്പൊ icu വിലാ. ഞാൻ പറഞ്ഞത് വിശ്വസിക്കില്ലെന്ന് അറിയുന്നത് കൊണ്ടാണ് നേരിട്ട് വന്നേ. സാലി കിതച്ചുകൊണ്ട് ഒറ്റശ്വാസത്തിൽ ഇത്രയും പറഞ്ഞു. അവൾ അവന്റെ ഡ്രസ്സ്‌ കണ്ടു. രക്തത്തിൽ കുളിച്ചിരിക്കുന്നു. അവന്റെ മുഖത്തും കൈകളിലും എല്ലാം രക്തപാട് ഉണ്ട്. നദീറിന്..... വാക്കുകൾ പുറത്തേക്ക് വരാതെ അവൾ സാലിയെ നോക്കി. ട്രെയിൻ സ്റ്റാർട്ട്‌ ആയി. സാലി അവളെ കയ്യിൽ പിടിച്ചു പുറത്തേക്ക് ഓടി. അവൾക് എതിർക്കാൻ കഴിഞ്ഞില്ല..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...