💘റജില 💘: ഭാഗം 4

രചന: സഫ്‌ന കണ്ണൂർ

 വർഷങ്ങൾ കഴിഞ്ഞു. ഏറെക്കുറെ എല്ലാം മറവിയും കൊണ്ടുപോയി . റജിലയും ഓർമ്മത്താളുകളിലേക്ക് പോയി. ഇവൻ വീണ്ടും പെൺകുട്ടികളുടെ പിറകേ പോവാനും തുടങ്ങി. ഞങ്ങൾ പഠിപ്പൊക്കെ കഴിഞ്ഞു തെണ്ടി തിരിയുന്ന സമയം. ഡിഗ്രിക്ക് റജില നീ പഠിച്ച കോളേജിലാ . നീ പഠിപ്പ് പാതിക്ക് വെച്ച് നിർത്തിയിട്ടല്ലേ അല്ലേൽ നിനക്ക് കാണാമായിരുന്നു അവളെ. അതിനടുത്തുള്ള ഗ്രൗണ്ടിലാ ഞങ്ങളുടെ വിളയാട്ടം . കളിയും നടക്കും അസ്സൽ വായിനോട്ടവും. ഫസ്റ്റ് ഇയർന്ന് സ്റ്റുഡന്റ് വന്നപ്പോൾ ഞങ്ങൾ സജീവമായി ഗ്രൗണ്ടിൽ ഉണ്ടാവും. :അവൾ പറഞ്ഞപോലെ അസ്സൽ കോഴികളാ അല്ലേ രണ്ടും. :അവരൊക്കെ സേഫ് ആയി വീട്ടിൽ എത്തുന്നുണ്ടോന്ന് നോക്കുന്നത് വായിനോട്ടാ ഒരു സഹായം അല്ലേ അത്. :അതേയതേ ബാക്കി പറ :അവിടുള്ള സെക്കന്റിയർ സ്റ്റുഡന്റാ റസിയയും അമൃതയും അമൃത ഇവന്റെ ഫ്രണ്ടാ. അങ്ങനെയാ റസിയയെയും പരിജയം. റസിയക്ക് ഇവനോട് ഒടുക്കത്തെ പ്രണയം ആയിരുന്നു. ഇവന് അതറിയാം അറിയാത്തപോലെ നടക്കും. ഇവന്റെ മനസ്സിന്റെ ഉള്ളിന്റെ ഉള്ളിൽ അപ്പോഴും റജിലയുടെ ഓർമ്മകൾ ഉണ്ടായിരുന്നു. ഇനി കാണുമോന്ന് പോലും അറിയതോണ്ട് ഇവൻ ഒരിക്കലും അത് ആരോടും പറഞ്ഞിരുന്നില്ല.

അത് കൊണ്ട് തന്നെ അവളെ മറക്കാൻ വേണ്ടിയാ പിന്നെ ഇവൻ വേറെ പെൺപിള്ളേരെ പിറകേ പോയത് തന്നെ. പക്ഷേ എല്ലായിടത്തും പരാജയം ആയിരുന്നു. :മതി സാലി ബാക്കി ഞാൻ പറഞ്ഞോളാം അല്ലെങ്കിൽ നീയെന്നെ എല്ലാപെൺപിള്ളേരെയും പിറകേ നടക്കുന്ന വായിനോക്കിയായി മാറ്റും. :വേണ്ട സാലിക്കാക്ക തന്നെ പറഞ്ഞാൽ മതി. ഇത്രേം കാലം എന്നോടൊന്നും പറഞ്ഞില്ലല്ലോ. ഇനി പറയണ്ട. :നീ ചോദിക്കാഞ്ഞിട്ടല്ലേ പറയാതിരുന്നത് :ഓഹ് പിന്നേ അല്ലേൽ ചോദിച്ചാലുടനെ പറഞ്ഞേനെ. :തല്ല് വേണ്ട ഞാൻ തന്നെ പറഞ്ഞോളാം. അങ്ങനെയിരിക്കെ ഒരു ദിവസം ഞാൻ ഫോണും വിളിച്ചോണ്ട് ബൈക്കിൽ വരുകയാരുന്നു. ആ കോളേജ് വളവിൽ വെച്ച് എന്റെ ബൈക്ക് ഒരു പെണ്ണിന്റെ മേൽ തട്ടി. അത് അവളായിരുന്നു റജില. ഞങ്ങൾക്ക് അപ്പോൾ അവളെ മനസ്സിലായിരുന്നില്ല അത്രക്ക് മാറിയിരുന്നു അവൾ. നീർക്കോലിയെ പോലെ ഇരുന്നവൾ തടിച്ചു വെളുത്തു തുടുത്തു മൊഞ്ചത്തികുട്ടിയായി മാറിയിരുന്നു. അത്ര തടിയില്ല കണക്കായ തടി. സത്യം പറയാലോ നാസീ ഇങ്ങനെയൊക്കെ എൻട്രി സിനിമയിലെ കണ്ടിട്ടുള്ളു.

എന്നാലും അവൾക്ക് വന്ന മാറ്റം പറയാതിരിക്കാൻ വയ്യ. ആകെക്കൂടി ഇഷ്യു ആയി. അവൾ പെട്ടെന്ന് ഒഴിഞ്ഞു മാറിയൊണ്ട് ചെറിയ മുറിവേ ഉണ്ടായിയുന്നുള്ളൂ. നെറ്റിയിലും കയ്യിലും ഒക്കെ. ഞങ്ങൾ ചങ്ക്‌സും കോളേജ് സ്റ്റുഡന്റഡും ഒക്കെയായി വല്യ പ്രശ്നമായി മാറി അത്. തെറ്റ് എന്റെ ഭാഗത്താണെങ്കിലും ഞങ്ങൾ അത് അവളെ മേലേക്ക് ഇട്ടു.നമ്മളെ തടി നോക്കണ്ടേ. സംഭവം കണ്ട കുറച്ച് സ്റ്റുഡന്റസ് അവളുടെ കൂടെയും.ആരൊക്കെയോ അവളെ അടുത്ത നഴ്സിംഗ് ഹോമിൽ കൊണ്ടുപോയി ഡ്രെസ്സ് ചെയ്തു വന്നു.വേണേൽ കേസാക്കാമെന്ന് ചിലർ. ഒത്തുതീർപ്പിന് അവസാനം അന്തിമ തീരുമാനം അവൾക്ക് വിട്ട് കൊടുത്തു. അപ്പോഴാ ഇവനും അവളും നേർക്ക് നേരെ കണ്ടത്. അവളെ മനസ്സിലായില്ലെങ്കിലും അവളെ കണ്ടപ്പോ ഇവൻ ഫ്ലാറ്റ്. ഇവൻ അവളുടെ കൂടെ നിക്കൊന്ന് പോലും എനിക്ക് തോന്നിപ്പോയിരുന്നു. അമ്മാതിരി നിൽപ്പായിരുന്നു അവളുടെ മോന്തയും നോക്കി. അവൾപറഞ്ഞു പരാതിയില്ലെന്ന്.തെറ്റ് അവളെ ഭാഗത്തും ഉണ്ടെന്ന്. പ്രശ്നം തീർന്നെങ്കിലും അവൾ എന്തിനാ അങ്ങനെ പറഞ്ഞെന്നു ആലോചിച്ചു നടക്കുകയാരുന്നു ഞങ്ങൾ.

റജിലാന്നുള്ള പേര് കൂടികേട്ടപ്പോൾ അവളെ ഒന്നുകൂടി കാണണം എന്ന് ഇവന് തോന്നി. എവിടെയോ കണ്ടു മറന്ന പോലെ തോന്നിയിരുന്നു ഇവന്. അതിന് വേണ്ടി എന്നെകൊണ്ട് മാപ്പ് പറയിക്കാനും ഇവൻ തീരുമാനിച്ചു . അവളെന്റെ റജില ആയിരുന്നെങ്കിൽ എന്ന് ആത്മാർത്ഥമായി ആഗ്രഹിക്കുകയും ചെയ്തിരുന്നു ഇവൻ . രണ്ടുമൂന്നു ദിവസം കഴിഞ്ഞാ അവൾ പിന്നെ കോളേജിൽ വന്നേ. ഞങ്ങൾ അമൃത വഴി അവളോട്‌ വൈകുന്നേരം ഒന്ന് കാണണം എന്ന് പറഞ്ഞു. എന്നെ കാണണ്ടവർ എന്റെ അടുത്തേക്ക് വരാൻ പറയെന്നായിരുന്നു അവളുടെ മറുപടി. അഹങ്കാരം ആയി തോന്നിയെങ്കിലും അവളെപ്പറ്റി അറിയണം എന്ന് ഉള്ളതോണ്ട് ഞങ്ങൾ കോളേജ് വിട്ടപ്പോൾ അങ്ങോട്ട്‌ പോയി. നദീർ അവളോട് ചോദിച്ചു :ഇവന്റെടുത്തല്ലേ തെറ്റ് പിന്നെന്തിനാ അങ്ങനെ പറഞ്ഞേ :ഞാൻ കംപ്ലയിന്റ് കൊടുത്തിനെങ്കിൽ ഇവനിപ്പം കേസിന്റെ പിറകേ പോയേനെ. :

അതിനു തനിക്ക് എന്താ ഇവനെന്റെ ഫ്രണ്ടാ അതോണ്ട് അങ്ങനെ പറഞ്ഞു. :നിനക്കെന്നെ മുൻ പരിജയം ഉണ്ടോ സാലി ചോദിച്ചു :ഫ്രണ്ടോ എങ്ങനെ എവിടെ വച്ചാ നിനക്ക് എന്നെ പരിജയം :ടാ കോഴികളെ എന്നെ മനസ്സിലായില്ലേ നിങ്ങൾക്ക്. റജിലയാ ഞാൻ ജുമാനയുടെ ഫ്രണ്ട് അപ്പോഴത്തെ ഇവന്റെ അവസ്ഥ പറഞ്ഞറിയിക്കാൻ പറ്റില്ല. മനസ്സിൽ എത്ര ലഡു പൊട്ടിയെന്ന് ഇവന് തന്നെ അറിയില്ല. . ജുമാനയുടെ ഫ്രണ്ട് എന്ന് പറഞ്ഞത് അത്ര ഇഷ്ടപ്പെട്ടില്ല. എന്റേം കൂടി ഫ്രണ്ടല്ലേ. എനിക്ക് അങ്ങനല്ലേലും അവൾക്ക് ഞാൻ ഫ്രണ്ടല്ലേ.എന്നൊക്കെ പറഞ്ഞു വല്ലാത്ത ഫീൽ ആയിരുന്നു ഇവന്. ഞാനും അവളും കൂടി പഴയ കാര്യങ്ങൾ അയവിറക്കുമ്പോൾ ഒരു വാക്ക് പോലും പുറത്തേക്ക് വരാതെ ഇവൻ വല്ലാത്ത വീർപ്പുമുട്ടൽ അനുഭവിക്കുകയാരുന്നു.ആദ്യായിട്ടായിരുന്നു ഒരു പെണ്ണിന് മുന്നിൽ നിന്നും ഒന്നും മിണ്ടാനാവാതെ ഇവൻ നിക്കുന്നത് ഞാൻ കണ്ടത് .

എല്ലാ പെൺകുട്ടികളെയും നിമിഷനേരം കൊണ്ട് വരുതിയിലാക്കുന്ന ഇവൻ അവളുടെ മുന്നിൽ നിൽകുമ്പോൾ വിയർക്കുകയായിരുന്നു. അവൾ യാത്ര ചോദിച്ചുപോയത് പോലും ഇവനറിഞ്ഞില്ല. :അത് പിന്നെ നിനക്കൊന്നും മനസ്സിലാവില്ല. ഞാൻ നോക്കിയ ഒരു പെണ്ണിനെ കണ്ടപ്പോളും എനിക്ക് തോന്നിയിട്ടില്ല എന്റെ പാതിയാണെന്ന്. ഇനിയൊരിക്കലും ഇവളെ വിട്ട് പിരിയില്ലെന്ന്. എന്റെ റജുവിനെ പരിചയപ്പെട്ടപ്പോഴാ അങ്ങനെ തോന്നിയിട്ടുള്ളൂ. എന്നിട്ടെന്തേ ഒരു തല്ല് കിട്ടിയപ്പം ആ ചിന്തകൾ റസിയയുടെ അടുത്തേക്ക് പോയെ തല്ലാനോ? ആര്. എന്തിന് റജില ഇവന് പ്രണയ സമ്മാനം കൊടുത്തു. ഒരു പല്ല് പോയൊന്നു ഡൗട്ടുണ്ട്. അത് പിന്നെ പെട്ടന്ന് ദേഷ്യം വന്നപ്പോ അങ്ങനൊക്കെ പറ്റി പോയി. നീ കളിയാക്കുകയൊന്നും വേണ്ട. റജിലയോടുള്ള ഇഷ്ടം അപ്പോഴും പോയൊന്നും ഇല്ല. റസിയയെ ഞാൻ പ്രേമിച്ചിട്ടും ഇല്ല.

എല്ലാരുടെയും സൗന്ദര്യം നോക്കിയാ ഞാൻ പ്രേമിച്ചത്. റജുലയുടെ മനസ്സ് കണ്ടാ അവളെ സ്നേഹിച്ചത്.അതോണ്ട് തന്നെയാ മറ്റൊരു പെണ്ണിന് വർഷങ്ങൾ കഴിഞ്ഞിട്ടും എന്റെ ഹൃദയത്തിൽ കയറാൻ കഴിയാഞ്ഞത്. പക്ഷേ റസിയ എന്റെ ജീവിതത്തിൽ വില്ലത്തിയായാണ് വന്നത്. അന്ന് റജുവായിട്ടാണ് എന്നെ വിട്ട് പോയത്. എന്നാൽ ഇന്ന് റസിയ ഞങ്ങളെ തമ്മിൽ അകറ്റുകയാരുന്നു. അതൊന്നും അല്ലെടി. അവൾ ആൾ മൊത്തത്തിൽ വശപ്പിശകാ. എന്റെ അഭിപ്രായത്തിൽ ഇവനെ മനപ്പൂർവം ഒഴിവാക്കിയതാ. ടാ കോപ്പേ കുറെയായി അവക്കിട്ട് താങ്ങുന്നു. വേണ്ടാത്ത കാര്യം പറയണ്ട. എന്നോട് ചൂടായിട്ട് കാര്യം ഇല്ല. അവളെ ഇപ്പോഴും എനിക്ക് ഡൗട്ടാണ്. എന്തേലും ആകട്ട് റജില എന്തിനാ ഇക്കാക്കാനേ തല്ലിയതെന്ന് പറ .... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...