💘റജില 💘: ഭാഗം 40

രചന: സഫ്‌ന കണ്ണൂർ

നിങ്ങൾ വിളിക്കുന്ന നമ്പർ താൽക്കാലികമായി നിർത്തി വെച്ചിരിക്കുന്നു. ടാ കോപ്പേ എന്നോട് വേണ്ടാട്ടോ നിന്റെ ഉടായിപ്പ്. ഉടായിപ്പ്..... പറയണ്ട എന്നെ കൊണ്ടൊന്നും. നിന്റെ ഫൂലൻ ദേവി കെട്ടിയോൾ ഇനി വിളിക്കാൻ ഒരു തെറിയും ബാക്കിയില്ല. പകുതിയും ഇംഗ്ലീഷ് ആയോണ്ട് ഒരു റിലാക്സേഷൻ ഉണ്ട്. അവളുടെ മുന്നിൽ എങ്ങാനും പെട്ടാൽ തല്ലി കൊല്ലുന്ന പറഞ്ഞേ നീ എന്റെ മുത്തല്ലേടാ ക്ഷമിക്ക്.അവൾ നിന്റെ സിസ് അല്ലെ അച്ചോടാ ഇപ്പൊഴാ അറിഞ്ഞേ. പെങ്ങളും അളിയനും കൂടി കേൾക്കാൻ പറയാ. ഞാൻ ഒരു ടൂർ പോക്കാ. ഇനി ഒരു മാസം കഴിഞ്ഞേ വരൂ. അതിലിടക്ക് അവൾ നിന്നെ തല്ലി കൊന്നാൽ റീത്ത് വെക്കാനും വന്നോളാം. കരിനാക്ക് വെച്ച് പറയല്ലേ പട്ടീ ഞാൻ പറയല്ലേ ചെയ്യുന്നുള്ളൂ. അവൾ ചെയ്തോളും. ഫോണിലൂടെ എന്തെങ്കിലും സഹായം വേണമെങ്കിൽ ചെയ്തോളാം. വീട്ടിലേക്ക് ഇനി വരുന്ന് സ്വപ്നത്തിൽ പോലും കരുതണ്ട. സിസ്റ്ററെ കയ്യിന്ന് തല്ല് കൊള്ളാൻ തത്കാലം ഈ ബ്രദർന്ന് പറ്റില്ല. അപ്പൊ എല്ലാം പറഞ്ഞ പോലെ.അവൻ ഫോൺ കട്ട് ചെയ്തു. ***

നീയെന്തിനാ സാലിയെ ചീത്ത വിളിച്ചേ. അവനോട് എന്റെ കണ്മുന്നിൽ കണ്ടു പോകരുതെന്ന് പറഞ്ഞേക്ക്. കയ്യിൽ കിട്ടിയാൽ കൊല്ലും ഞാനവനെ. എന്നോട് ദേഷ്യം ഉണ്ടെങ്കിൽ എന്നോട് തീർക്ക്. അവന് ഇതിൽ ഒരു പങ്കും ഇല്ല. അവനല്ലേ ചെയ്തു തന്നത്. അല്ലാതെ ഒന്നരകാലും വെച്ചു നിനക്ക് പോകാൻ പറ്റില്ലല്ലോ. നീയാരടീ ഫൂലൻ ദേവിയോ. എടീ പോടീന്നൊക്കെ വീട്ടുകാരെ വിളിച്ചോണം. എന്നെ വിളിക്കണ്ട. മാഡം ദയവുചെയ്തു അവനെ വെറുതെ വിട്ടേക്ക്. ആ പാവത്തിന് ഇതിൽ റോൾ ഒന്നും ഇല്ല. കളിയാക്കുകയൊന്നും വേണ്ട. കാൾ മി റജില അങ്ങനെ വിളിച്ചാൽ മതി. പിന്നെ അവന്റെ റോൾ ആദ്യമായിട്ടല്ല അവൻ എനിക്കിട്ട് പണിയുന്നത്. ഇത്തത്തന്റെ വീട്ടിൽ പോകുമ്പോൾ എന്തോ അപകടം പറ്റിന്ന് പറഞ്ഞു. പിന്നെ നിനക്ക് സീരിയസ് ആണെന്ന് പറഞ്ഞാണ് എന്നെ കൂട്ടിട്ട് വന്നത്. അല്ലെങ്കിൽ എപ്പോഴേ ഞാനീ നരകത്തിൽ നിന്നും രക്ഷപെട്ടേനെ സീരിയസ് ആയിരുന്നുന്നാ ഞാൻ അറിഞ്ഞേ. അവൻ തല ചൊറിഞ്ഞോണ്ട് മെല്ലെ പറഞ്ഞു കള്ളം പറയുന്നോ.

ഒരു ഡോക്ടറും അങ്ങനെ പറഞ്ഞിട്ടില്ല. കാലിന് എല്ലു പൊട്ടിയോണ്ട് ഓപ്പറേഷൻ പെട്ടന്ന് വേണമെന്ന് പറഞ്ഞിട്ടുള്ളു. എല്ലാം ക്ഷമിക്കാം ഇപ്പൊ ഈ ചെയ്തത് അതിനുള്ള പണി ഞാൻ അവന് കൊടുത്തിരിക്കും. ആലുവമണപ്പുറത്തു വെച്ചു കണ്ട പരിജയം പോലും അവളുടെ മുഖത്ത് ഇല്ലെന്ന് അവന് തോന്നി. അവളാകെ മാറിയിരിക്കുന്നു. സാലിയോട് ദേഷ്യം പിടിക്കാൻ കാരണം ആ എഗ്രിമെന്റ് കാര്യം അറിഞ്ഞതാണ്. നൈറ്റ്‌ ആണ് ഹോസ്പിറ്റലിൽ നിന്നും എത്തിയത്. എനിക്ക് ഫുഡും ടാബ്ലറ്റ് ഒക്കെ തന്നു. അവൾ ഡ്രെസ്സും ബാഗും ഒക്കെ എടുത്തു റൂമിൽ നിന്നും പോകാൻ നോക്കി. ഹലോ എവിടെക്കാ പോകുന്നേ. ഞാൻ എന്റെ റൂമിലേക്ക്. ഇവൾ പോയാ മാല എങ്ങനെ കിട്ടും. ഇവിടെ കിടന്നാൽ മതി. സർവീസ് 24 മണിക്കൂർ ആണ്. അതിന് ഇവിടെ കിടക്കാനോന്ന് ഇല്ല. എന്തെങ്കിലും ആവിശ്യമുണ്ടെങ്കിൽ വിളിച്ചാൽ മതി. അത് പറ്റില്ലല്ലോ നേഴ്സെ. ഇവിടെ എന്റെ കൂടെ ഈ റൂമിൽ താമസിക്കാമെന്ന കരാർ. എന്ത് കരാർ. മനസ്സിലായില്ല എഗ്രിമെന്റ് പേപ്പർ അവൾക്ക് നേരെ നീട്ടി.

അവളുടെ മുഖത്ത് ദേഷ്യം വന്നത് അവൻ കണ്ടു. ചീറ്റ് ചെയ്യുകയാരുന്നല്ലേ. നോ..... സേഫ്റ്റി. എനിക്ക് 24മണിക്കൂർ എന്റെ കൂടെ ഇരുന്നു എന്നെ ശുശ്രുഷിക്കുന്ന ഹോം നേഴ്സ്നെ ആണ് വേണ്ടത്. നീ സമ്മതിച്ചു ഒപ്പിട്ടിട്ടും ഉണ്ട്. മാത്രമല്ല എന്റെ സമ്മതം ഇല്ലാതെ ഈ ഒരു മാസം വീട് വിട്ടു പോകില്ലെന്ന് ഉണ്ട്. ഞാൻ എന്തു ജോലി പറഞ്ഞാലും അത് അതേ പടി അനുസരിക്കും. എന്നു തുടങ്ങി ഒരുപാട് കാര്യങ്ങൾ അതിൽ എഴുതി ചേർത്തിട്ടുണ്ട്. മൊത്തത്തിൽ പറഞ്ഞാൽ ഞാനിപ്പോ ഇവന്റെ അടിമയാണെന്ന് പറയാം. ആ പേപ്പർ അവന് നേരെ വലിച്ചെറിഞ്ഞു. എന്താ കീറിക്കളയുന്നില്ലേ . അങ്ങനെയല്ലേ എല്ലായിടത്തും കാണൽ. ഇത്രയും കുരുട്ട് ബുദ്ധി കാട്ടിയ നീ ഒറിജിനൽ എനിക്ക് തരില്ലെന്ന് ചിന്തിക്കാനുള്ള ബുദ്ധിഎനിക്കുണ്ട്. അതും പറഞ്ഞു റൂമിൽ നിന്നും ഇറങ്ങിപോയതാണ്. ആ ദേഷ്യം മൊത്തം സാലിയോട് തീർത്തു കാണും. **** ഒരു ഷീറ്റും എടുത്തു അവൾ എപ്പോഴത്തെയും പോലെ നിലത്ത് കിടന്നു. ഫാനും ac യും ഓഫ്‌ ആക്കി. നദീറിന് മനസ്സിലായി അവൾ പണി തുടങ്ങിയെന്ന്. പകരം വീട്ടുകയാണെന്ന് അറിയാം.

ആ ഫാനെങ്കിലും ഒന്ന് ഓണായിക്കുടെ. അവൾ ഒരു പഞ്ഞിയെടുത്തു അവന് കാണിച്ചു. എന്നിട്ട് ചെവിയിൽ വെച്ചു. ഒന്നും പറയാതെ തന്നെ അവന് മനസ്സിലായി.ഒന്നും കേൾക്കാൻ പോകുന്നില്ലെന്ന്. ചൂടെടുത്തു വിയർത്തു കുളിക്കാൻ തുടങ്ങി. അവൻ എഴുന്നേൽക്കാൻ ഒരു ശ്രമം നടത്തി. വേദന കൊണ്ട് പുളഞ്ഞത് മിച്ചം. അവൻ അവളെ നോക്കി നെറ്റിയിലൂടെ വിയർപ്പൊലിച്ചു താഴുന്നത് കണ്ടു. എന്നാലും ഫാനിടില്ലെന്ന് തന്നെ. അവൻ ഒരു തലയിണ എടുത്തു അവളെ എറിഞ്ഞു. അവൾ തിരിഞ്ഞു നോക്കി. എന്താന്ന് ചോദിച്ചു. അവൻ കൈ കൊണ്ട് ചെവിയിൽ നിന്നും പഞ്ഞി എടുത്തു മാറ്റാൻ ആഗ്യം കാണിച്ചു. അവൾക്ക് മനസ്സിലായിട്ടും അവൾ മനസ്സിലാകാത്ത പോലെ കുറെ കളിച്ചു.അവന്റെ കോപ്രായം കണ്ടു അവൾക്ക് ചിരി അടക്കാൻ കഴിയുന്നുണ്ടായിരുന്നില്ല. അവൾ ചിരി അടക്കിപിടിക്കുന്നത് കണ്ടപ്പോൾ അവന് മനസ്സിലായി. എന്നെ അവൾ ആക്കിയതാണെന്ന്. അവൻ ഫോണെടുത്തു അവൾക്ക് മെസ്സേജ് അയച്ചു. പ്ലീസ് ഒരു മിനിറ്റ് ഒരു കാര്യം പറയാനാ. അവൾ പഞ്ഞി എടുത്തു മാറ്റി.

എന്താ കാര്യം. സത്യായിട്ടും വിയർപ്പ് തട്ടുമ്പോൾ മുറിവ് പുകച്ചിൽ എടുക്കുന്നു. അവൾ അവന്റെ മുഖത്തേക്ക് നോക്കി. പറയുന്നതിൽ കാര്യമില്ലാതില്ല. ഫാനിടാം പകരം ഒരു ഡിമാന്റ്. എന്തു വേണേലും ചെയ്യാം. ഫാനിട് നീറിട്ട് വയ്യ. എഗ്രിമെന്റ് ഒരു കാര്യം ഒഴിവാക്കണം. പറ്റോ അവൻ തലയാട്ടി. ഏതാ ഒഴിവാക്കേണ്ടത്. നിന്റെ സമ്മതം ഇല്ലാതെ വീട് വിട്ടു പോകില്ലെന്ന്. ഫാൻ ഇടേണ്ട നീ കിടന്നോ. വേദന ഞാൻ സഹിച്ചോളാം. നിനക്ക് എന്താടോ പട്ടീ ഞാൻ പോയാൽ. അവൾക്ക് കലികയറി. അവൻ ഒന്നും മിണ്ടാതെ കണ്ണടച്ച് കിടന്നു. അവളും മൈന്റ് ചെയ്യാതെ പോയി കിടന്നു. കുറച്ചു കഴിഞ്ഞു എണീറ്റു ഫാൻ ഇട്ടു. എന്തിനാ ഇപ്പൊ ഫാൻ ഇട്ടത്. ഇട്ടില്ലെങ്കിൽ ഞാനും നീയും തമ്മിൽ ഒരു പോലെയാകും. അതും പറഞ്ഞു തിരിഞ്ഞു കിടന്നു . അതൊന്നും അല്ല റജൂ എനിക്കറിയാം നിന്നെ നിന്റെ ഉള്ളിൽ ഇപ്പോഴും ഞാനുണ്ട്. എനിക്ക് വേദനിക്കുന്നത് നിനക്ക് സഹിക്കാൻ കഴിയില്ല. അവൻ മനസ്സിൽ പറഞ്ഞു. ** രാവിലെ അവനെ ദേഹം തുടച്ചു കൊടുക്കുമ്പോഴാണ് അവളുടെ ഡ്രെസ്സിന്റെ ഉള്ളിൽ നിന്നും മാല പുറത്തേക്കു വീണത്.

അവൻ ആ മാല തന്നെ സൂക്ഷിച്ചു നോക്കി. മെല്ലെ അഴിച്ചെടുത്തലോ. പക്ഷേ ഈ ഒറ്റ കൈ കൊണ്ട് എങ്ങനെ. അവൻ നോക്കുന്നത് അവൾ കണ്ടു. അവൾ അവന്റെ നോട്ടം പതിഞ്ഞിടത് നോക്കി. കുനിഞ്ഞു നിന്നത് കൊണ്ട് മാറിടം ഭാഗികമായി കാണുന്നുണ്ടായിരുന്നു. അവൾ നേർക്ക് നിന്നു ഷാൾ കൊണ്ട് മറച്ചു. അവനെ രൂക്ഷമായി നോക്കി പുറത്തേക്ക് പോയി. ഛെ... അവളെന്താ കരുതിക്കാണുക. ആകെ നാണം കെട്ടല്ലോ. അവൻ നെറ്റിയിൽ ചെറുതായി അടിച്ചു കൊണ്ട് പറഞ്ഞു. ഉച്ചക്ക് ചോറ് കൊടുത്തപ്പോൾ അവൻ മുഖം ചുളിച്ചു. എന്താ ഇത് ഉപ്പും ഇല്ല പുളിയും ഇല്ല മുളകും ഇല്ല. നീയാണോ ഉണ്ടാക്കിയത്. അതെ മനപ്പൂർവം ചെയ്തത് തന്നെയാണ്. മെയ്യനങ്ങാതെ ഹെവി ഫുഡും കഴിച്ചു കിടന്നാൽ നോട്ടവും ചിന്തയും എല്ലാം വേണ്ടാത്തത് ആവും. അത് കൊണ്ട് ഫുഡിൽ എങ്കിലും കൺട്രോൾ നല്ലതാ. അവൻ നാണക്കേട് കൊണ്ട് തലതാഴ്ത്തി. വീഴുന്നത് നാലു കാലിൽ ആയോണ്ട് അവൻ വിഷയം മാറ്റി. എനിക്ക് സ്പൂൺ കൊണ്ട് കഴിക്കുന്നത് ഇഷ്ട്ടമല്ല. അതിന് ഞാനെന്തുവേണം. വാരിത്തന്നാൽ മതി.

അച്ചോടാ പാവം. അമ്പിളിമാമനെ കാണിച്ചു പാട്ടുപാടി മാമു തരട്ടെ കുഞ്ഞവാക്ക്. എനിക്ക് വിരോധം ഒന്നും ഇല്ല. തരുമോ അങ്ങനെ. വേണേൽ കഴിക്ക്. സ്‌പൂൺ കൊണ്ടെങ്കിലും തന്നത് ഞാനയോണ്ട. ഒറ്റക്ക് അങ്ങ് കഴിച്ചാൽ മതി. അവൾ പ്ലേറ്റ് അവിടെ വെച്ചു എണീറ്റു പോയി. വെറുതെ ചൊറിയാൻ നിന്നു. മിണ്ടാതങ്ങ് തിന്ന മതിയാരുന്നു. *** എങ്ങനെയാ ആ മാല എടുക്കാൻ പറ്റുക. അത് തന്നെ യാരുന്നു അവന്റെ ചിന്ത മുഴുവൻ. ഉറങ്ങുമ്പോഴേ എടുക്കാൻ പറ്റു. എനിക്കാണേൽ എഴുന്നേൽക്കാനും പറ്റില്ല. അവളാണേൽ ഇവിടെ കിടക്കുകയും ഇല്ല. പിന്നെങ്ങനെ. ഒരുപാട് ആലോചിച്ചപ്പോൾ അവന്ന് ഒരു ഐഡിയ കിട്ടി. പൊറുക്കണേ റബ്ബേ ഗതിഗേഡ് കൊണ്ടാണ് ഇങ്ങനെ ചെയ്യുന്നത്. അവളെ ആഗ്രഹിക്കാൻ പാടുണ്ടൊന്ന് അറിയാനുള്ള അവസാനത്തെ ശ്രമമാണ്. കൂടെ നിക്കണം അവൻ മനസ്സുരുകി തന്നെ പ്രാർത്ഥിച്ചു. **** ഉമ്മാ.... എന്റെ. കാൽ. എനിക്ക് വേദന സഹിക്കാൻ പറ്റുന്നില്ല. നട്ടപാതിരാക്ക് നദീറിന്റെ കരച്ചിൽ കേട്ടു അവൾ ഞെട്ടി എണീറ്റു. നദീറിനെ നോക്കി. അവൻ വേദനകൊണ്ട് പുളയുന്നത് പോലെ തോന്നി അവൾക്ക്.

അവൾ എണീറ്റു അവന്റെ അടുത്തേക്ക് പോയി. എന്താ പറ്റിയെ വേദനയുണ്ടോ സഹിക്കാൻ പറ്റുന്നില്ല. ഞാനിപ്പോ മരിച്ചു പോകും. അവൻ കാലിൽ കൈ വെച്ചു കരയുന്ന പോലെ പറഞ്ഞു. പെട്ടന്ന് വേദന വരാൻ എന്താ സംഭവിച്ചേ നീ കാൽ അനക്കിയോ. ഉറക്കത്തിൽ അറിയാതെ ആ ഭാഗത്ത്‌ തിരിഞ്ഞു കിടന്നു പോയി. എന്തൊക്കെയാ കേൾക്കുന്നേ. നീയെന്താ കൊച്ചു കുട്ടിയാണോ. എല്ലാം തമാശയും കളിയും ആണ് നിനക്ക്. അനുഭവിച്ചോ ഇനി. ഈ നട്ടപ്പാതിരക്ക് ഡോക്ടറും ഉണ്ടാവില്ല. എന്താ ഇനിയിപ്പോ ചെയ്യുക. അവളുടെ മുഖത്തെ ടെൻഷനും പേടിയും സങ്കടവും ഒക്കെ കണ്ടപ്പോൾ അവന്ന് പാവം തോന്നി. . കാലിന് വേദന ഒന്നും ഇല്ല. മാല കിട്ടാൻ വേറെ വഴിയില്ലാത്തോണ്ടാ സോറി റജൂ. കാൽ തടവിതരോ കുറച്ചു സമയം. പ്ലീസ്. അവൻ ദയനീയമായി പറഞ്ഞു. അവൾ മെല്ലെ തടവി കൊടുത്തു. അവൻ അനങ്ങാതെ കണ്ണും പൂട്ടി കിടന്നു. അവൾക്ക് തടവികൊടുത്തപ്പോൾ വേദന കുറയുന്നുണ്ടെന്ന് തോന്നി. അവന്റെ മുഖത്ത് ശാന്തത വന്ന പോലെ. കുറെ തടവികൊടുത്തപ്പോൾ ഉറക്കം വന്നു കണ്ണടയാൻ തുടങ്ങി.

അവൾ അവനെ നോക്കി ഉറക്കമാണ്. അവൾ മെല്ലെ എണീക്കാൻ നോക്കിയതും അവൻ . വേദന എടുക്കുന്നപോലെ ഞെരുങ്ങാൻ തുടങ്ങി. അവൾ വീണ്ടും തടവികൊടുത്തു. അവന്റെ മുഖം വീണ്ടും തെളിഞ്ഞു. അവൻ അനങ്ങാതെ കിടന്നു. ഉറക്കം വന്നിട്ട് വയ്യ എന്താ ഇപ്പൊ ചെയ്യുക. കയ്യും കടച്ചിൽ എടുക്കുന്നു. അവൾ അവിടെ തന്നെ കിടന്നു ഉറങ്ങിപോയി. അവൾ ഉറങ്ങിയെന്നു കണ്ടതും അവൻ എണീറ്റു. അവളുടെ മുഖത്തേക്ക് തന്നെ നോക്കി. കുറച്ചു സമയം നിന്നു. പാവം എനിക്ക് വേദന എടുക്കുന്നുന്ന അറിഞ്ഞതും അവളുടെ വെറുപ്പും ദേഷ്യവും ഒക്കെ എത്ര പെട്ടന്ന അവൾ മറന്നത്.അവൻ അവളുടെ തലയിലൂടെ തലോടി. അവൾക് പെട്ടന്ന് ഉറക്കം ഞെട്ടി. നദീറിന്റെ തലോടൽ അറിഞ്ഞപ്പോൾ കണ്ണ് തുറന്നില്ല.ഇവൻ എന്താ ഈ ചെയ്യുന്നേ. അവൻ അവളുടെ കഴുത്തിലുള്ള ഷാൾ എടുത്തു മാറ്റി. അവളുടെ ഹൃദയം പെരുമ്പറ പോലെ ഇടിക്കാൻ തുടങ്ങി. ഇവന്റെ ഉദ്ദേശം എന്താ. ഇനി വീണ്ടും അന്നത്തെ രാത്രിയിലെ പോലെ. അതാണെന്ന് തോന്നുന്നില്ല ഈ അവസരത്തിൽ വേദന കൊണ്ട് പുളയുമ്പോൾ....

ഒരിക്കലും അതല്ല. പിന്നെന്തായിരിക്കും. അതറിഞ്ഞിട്ട് തന്നെ കാര്യം. ഒരു കൈ കൊണ്ടായതിനാൽ അവന് മാലയുടെ കൊളുത്ത് ഊരാൻ ഒരുപാട് കഷ്ടപ്പെട്ടു. അവൻ പല്ലുകൊണ്ട് കടിച്ചു കൊളുത്ത് ഊരി. അവൾക്ക് തന്റെ കഴുത്തിൽ അവന്റെ ചൂട് നിശ്വാസം തട്ടി.അവൾക്ക് ഇക്കിളിയെടുക്കാൻ തുടങ്ങി. ഒരുപാട് പിടിച്ചു നിന്നെങ്കിലും അവൾ അവനെ തള്ളിമാറ്റി. എണീറ്റു. നീ എന്താ ഈ കാണിക്കുന്നേ. ഞാൻ..... ഞാൻ... സോറി. ഉറങ്ങിയോന്ന് നോക്കിയതാ. അവൻ കലിപ്പ് സ്വഭാവം പുറത്തെടുത്തു. ഇല്ലെങ്കിൽ ഉള്ള മാനം കൂടി പോകും. നീ എന്റെ കാലിൽ അടുപ്പിച്ച കിടന്നത്. കാലിന് മുകളിൽ ആയിനെങ്കിലോ. വേദന ഞാൻ സഹിക്കണ്ടേ. ഇവിടെയെ കണ്ടുള്ളു ഉറങ്ങാൻ. കുറച്ചു മാറ്റികിടത്താൻ നോക്കിയതാ. വിളിച്ചിട്ട് എണീക്കണ്ടേ. അവൻ ദേഷ്യത്തോടെ പറഞ്ഞു. ഇങ്ങനെയോ. അവൾ സംശയത്തോടെ അവനെ നോക്കി. ഞാൻ സംശയിച്ചതാണോ ഇനി. ആയിരിക്കും സോറി ഉറങ്ങിപോയി. അവൾ എണീറ്റു താഴെ കിടന്നു. അവന്റെ മുഖത്ത് ഒരു പുഞ്ചിരി വിടർന്നു.അവൾ ഉറങ്ങിയെന്നു കണ്ടതും അവൻ ആ മാല കയ്യിലെടുത്തു. ആ ലോക്കറ്റിൽ ഒരു മുത്തം കൊടുത്തു..... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...