💘റജില 💘: ഭാഗം 41

രചന: സഫ്‌ന കണ്ണൂർ

ടീ പാത്തൂ മുഖത്തെന്താ ഒരു വാട്ടം അത് ചോദിക്കാൻ നീയാരാ കേട്ടിയോനോട് ഇങ്ങനൊന്നും പറയല്ലേ പാത്തൂ. അവൾ പുച്ഛഭാവത്തോടെ മുഖം തിരിച്ചു എല്ലായിടത്തും പരതാൻ തുടങ്ങി. അവന് മനസ്സിലായി മാലക്കാണ് തപ്പുന്നത്. ഡയറി പണ്ടേ മിസ്സായതാണ്. പിന്നെ എന്തിനാവോ ഈ മാല. അതും വിലപിടിപ്പുള്ളതൊന്നും അല്ല മാല. കടയിൽ നിന്നും വാങ്ങുന്ന ഫാൻസി ടൈപ്പ് ചെയിൻ. അല്ല ഭാര്യേ നീ എന്താ പരതുന്നത് വല്ലതും കാണാതെ പോയോ ഞാൻ ആരുടെയും ഭാര്യയൊന്നും അല്ല. കാൾ മി റജില. ആയിക്കോട്ടെ മിസ്സ്‌ റജില മാഡം. കാര്യം എന്താണാവോ. അത് നീയറിയണ്ട ആവിശ്യം ഇല്ല. പിന്നെ നിന്റെ ഭർത്താവ് ആഷിക്കണോ അറിയണ്ടേ. അവനേതായാലും ഇവിടില്ല. പെട്ടന്ന് പറഞ്ഞു പോയതാരുന്നു. അവളുടെ മുഖഭാവം മാറി. അവൾ അവന്റെ കോളറയിൽ കയറി പിടിച്ചത് പെട്ടെന്നായിരുന്നു.

വൃത്തികേട് പറയുന്നോ. അവൻ ഒരു നിമിഷം സ്റ്റക്കായി നിന്നു. തന്റെ ഷർട്ടിന്റെ കോളറയിലേക്കും അവളുടെ മുഖത്തേക്കും നോക്കി. ചുവന്നു തുടുത്തിരുന്നു. ദേഷ്യം കൊണ്ട് ചുണ്ടുകൾ വിറകുന്നുണ്ട്. കണ്ണുകൾ ചുവന്നിരുന്നു. കണ്ണുകളിൽ അഗ്നി ജ്വലിക്കുന്നത് പോലെ. അവളുടെ നോട്ടത്തിൽ താൻ ദഹിച്ചു പോകുന്നു അവന് തോന്നി. അവന് ഉള്ളിൽ ചെറിയ ഭയം തോന്നി. ഇതിന് മാത്രം താൻ എന്താ പറഞ്ഞത്. റജു ഷർട്ടിൽ നിന്നും വിട്. അവൻ ഷർട്ടിൽ നിന്നും കൈവിടുവിച്ചു. ഞാൻ ഒരു തമാശക്ക് പറഞ്ഞതാ. അവൾ പെട്ടന്ന് ഒന്ന് ഞെട്ടിയപോലെ അവന് തോന്നി. സോറി... ഞാൻ.... അറിയാതെ..... അവൾ റൂമിൽ നിന്നും പോയി. ആഷികിനെ ഇവൾ ഇത്രമാത്രം വെറുക്കുന്നുണ്ടോ? അതോ അവൻ ഭർത്താവാണെന്ന് പറഞ്ഞതിന്റെ ദേഷ്യം ആണോ എന്നോട് കാണിച്ചത്. *** സാലി ആ ഡയറി തുറന്നു നോക്കി. നദീർ താക്കോൽ കിട്ടിയതും അവനെ വിളിച്ചിരുന്നു. നദീറിന് റജു കാണാതെ വായിക്കാൻ എന്തായാലും പറ്റില്ലന്ന് അറിയുന്നുണ്ട് സാലിക്ക് താക്കോൽ കൊടുക്കാന്നു പറഞ്ഞിരുന്നു.

വീട്ടിലേക്ക് വരാൻ പേടിയുള്ളത് കൊണ്ട് അവൻ ഒരു ഫ്രണ്ടിനെ അയച്ചാണ് താക്കോൽ വാങ്ങിയത്. ആ ഡയറി തുറന്നതും അതിൽ നിന്നും കുറച്ചു ഫോട്ടോസ് താഴെ വീണു. അവൻ അതെടുത്തു നോക്കി. ഒന്ന് നദീറിന്റെതാണ്. മറ്റേത് ഏകദേശം തന്റെയൊക്കെ പ്രായം വരുന്ന ഒരു ബോയ് ആണ്. പിന്നെയുള്ളത് അവളുടെ ഉപ്പന്റെയും ഉമ്മന്റേയും ആണ്. അത് കാണുമ്പോൾ തന്നെ മനസ്സിലാവും. ഉമ്മാനെ മുറിച്ചു വെച്ചത് പോലെയാണ് റജില. അവൻ ഫോട്ടോസ് മാറ്റി വെച്ചു പേജുകൾ മറിച്ചു. ഹായ് അയാം സജു. നോക്കണ്ട എന്റെ അല്ല ഡയറി. എന്റെ പോന്നുന്റെ ആണ്. പിന്നെ ഞാൻ ഇത് എഴുതുന്നത്. ഞാൻ വെക്കേഷൻ ലണ്ടനിൽ പോയപ്പോൾ വാങ്ങിയതാണ് ഈ ഡയറി. വാങ്ങിയിട്ട് മാസം രണ്ടായി. ഇതുവരെ ഈ പിശാച് ഇത് യൂസ് ചെയ്തിട്ടില്ല. വിലകൂടിയത് ആയത് കൊണ്ടും ഞാൻ ആശയോടെ ഇവൾക്ക് ഗിഫ്റ്റായി വാങ്ങിയത് കൊണ്ടും ഇത് ഇവൾ യൂസ് ചെയ്യാത്തോണ്ട് നല്ല ദേഷ്യം ഉണ്ട്. എഴുതാൻ തിരിയുന്നില്ലത്രേ എന്നാ പിന്നെ ഇൻട്രൊഡക്‌ഷൻ ഞാനാകാന്ന് കരുതി.

ഇത് റജില ഫാത്തിമ അൻവർ. ഞങ്ങളെ എല്ലാവരുടെയും പൊന്നു. എന്താ ഇവളെ പറ്റി പറയുക. ആദ്യം പേരിൽ നിന്ന് തന്നെ തുടങ്ങാം.റസിയ അൻവർ ദമ്പതികൾക്ക് ആറ്റുനോറ്റ് കിട്ടിയ കണ്മണിയാണ്. പ്രസവിച്ച ഉടനെ പേരും വിളിച്ചു ഫാത്തിമ അൻവർ. പേര് rajistar ചെയ്തു കുറെ കഴിഞ്ഞാണ് ഫാത്തിമ അൻവറിന്റെ ആദ്യ ലവറാണെന്നും അവളെ ഓർമ്മക്കന് മോൾക്ക്‌ ആ പേരിട്ടതെന്നും അറിഞ്ഞത്. റസിയ ബീഗം ലഹള ഉണ്ടകിന്നോ അൻവറിന്റെ ദേഹത്തു അതിന്റെ പാടുണ്ടെന്നോ എന്നൊക്കെ കേൾക്കുന്നു. ഏതായാലും ഉമ്മ പേര് മാറ്റി വിളിച്ചു. റജില. രജിസ്റ്റർ ചെയ്തോണ്ട് മാറ്റാനുള്ള പുലിവാൽ ഓർത്ത വിളിപ്പേര് റജില എന്നും.സർട്ടിഫിക്കേറ്റ് നെയിം ഫാത്തിമ അൻവർ എന്നും വന്നു. ഇവളോട് ചോദിച്ച രണ്ടാളെയും പിണക്കണ്ടാന്ന് കരുതി റജില ഫാത്തിമ അൻവർ എന്ന് പറയാൻ തുടങ്ങി. കാണുന്ന പോലത്തെ പുള്ളിയൊന്നും അല്ലാട്ടോ ബാംഗ്ലൂർ സിറ്റിയിലെ അറിയപ്പെടുന്ന നമ്പർ വൺ ബിസിനസ് മാൻ ആണ് ഇവളുടെ ഉപ്പ. റെഡിമൈഡ് ഷോപ്പ്. ജ്വല്ലറി ഷോപ്പിംഗ് മാൾ റിസോർട് കൺസ്ട്രക്ഷൻ കമ്പനി തുടങ്ങി കോടിക്കണക്കിന് രൂപയുടെ ഏക അവകാശിയാന്.

എന്ന് വെച്ച് അതിന്റെ അഹങ്കാരം ഒന്നും ഇല്ല. പിന്നെ ഒരു നട്ട് ലൂസാന് ഇത്തിരി വിവരക്കേടും മന്നബുദ്ധിയുമാണന്നേ ഉള്ളൂ . കാണാൻ ആണേൽ മൊഞ്ചും ഇല്ല . അതിന്റെ അഹങ്കാരം കുറച്ചു കൂടുതലും ആണ്. ഞാനയൊണ്ട് സഹിക്കുന്നു. അല്ലാതിപ്പോ എന്താ ചെയ്യുക. ഓഹ് ഞാനാരാണെന്ന് പറയാൻ മറന്നു. ഇവളുടെ ഉപ്പയും എന്റെ ഉപ്പയും സുഹൃത്തുക്കലാണ്. തൊട്ടടുത്തുള്ള വീട്ടിലാണ് താമസം. ഇവൾ ഒന്നാം ക്ലാസ്സിൽ പഠിക്കുന്ന സമയം. സ്കൂൾ വിട്ടു പോകുമ്പോൾ വെറുതെ ചോദിച്ചു വീട്ടിലേക്ക് വരുന്നൊന്ന്. കേട്ടപാടെ കൂടെ വന്നു. അന്ന് വീട്ടിൽ കയറിയതാ. തച്ചിറക്കിട്ടും പിന്നെ ഇറങ്ങിയില്ല. അവൾ എങ്ങനേലും കേറിപറ്റാൻ നോക്കിയിരിക്കുന്ന കറക്ട് ടൈമിലാ ഞാൻ വിളിച്ചതും. എന്റെ കഷ്ടകാലം അന്ന് തുടങ്ങിയതാ.ഒൻപതു വർഷമായി ഞാൻ ഇവളെ സഹിക്കാൻ തുടങ്ങിയിട്ട്. ഇപ്പൊ അത് അവളെ വീടും ഞാൻ പെരുവഴിയും ആയി.

എനിക്ക് എങ്ങനെ പാര വെക്കാന്ന് ഉള്ള ഒറ്റ ചിന്ത മാത്രമേ അവളുടെ മൈൻഡിൽ ഉള്ളൂ. ഇനി ഞാൻ പറയാം.ഇവന്റെ ഇൻട്രൊഡക്‌ഷൻ വായിച്ചപ്പോഴാ എഴുതാനുള്ള മൂഡ് വന്നത്. എന്റെ കഷ്ട കാലം പിടിച്ച ടൈമിലാണ് ഞാൻ ഇവനെ പരിചയപ്പെട്ടത്. സജീർമുഹമ്മദ്‌ എന്ന മുഴുവൻ പേര്. ഞങ്ങൾ എല്ലാരും സജുന്ന വിളിക്കൽ. ഇക്കാക്കന്ന് വിളിക്കണമെന്ന് ഉണ്ടെങ്കിലും ഈ കൊരങ്ങിന്റെ മോന്ത കണ്ടാൽ തോന്നണ്ടേ. അത് കൊണ്ട് വായിൽ എന്ത് വരുന്നോ അത് വിളിക്കും.ആന്റിക്കും അങ്കിളിനും തല തിരിഞ്ഞ ഈ ഒരു സന്താനമേ ഉള്ളൂ. വലിയ പഠിപ്പിസ്റ് ആണ്. ലണ്ടനിൽ ഇപ്പൊ എന്തോ കോഴ്സ് പഠിക്കാൻ പോവ്വാ. അവിടെ വലിയ ഒരു കോളേജിൽ അഡ്മിഷൻ കിട്ടിയതിന്റെ അഹങ്കാര ചെക്കന്. . എന്തൊക്കെ പറഞ്ഞാലും എന്റെ മുത്താണ്. എനിക്ക് അവനും അവന് ഞാനും അതാണ്‌ എന്റെ ലോകവും . ആ പിന്നെ ഇവന് അടുത്ത സുഹൃത് ഉണ്ട് അഫ്സൽ. അഫുന്ന വിളിക്കൽ. ഇവന്റെ ചങ്ക്. എപ്പോഴും വാല് പോലെ പിറകെ ഇണ്ടാകും. എനിക്ക് ഈ നാട്ടിൽ ആകെയുള്ള മലയാളി ഫ്രണ്ട്സ് ഇവരെ ഉള്ളൂ.

അത് കൊണ്ട് സഹിക്കുന്നു. ഇവരെ കൂടെ നടക്കുന്നത് കൊണ്ടാണോന്ന് അറിയില്ല എനിക്ക് ആണിന്റെ സ്വഭാവം ആണെന്ന ഉമ്മച്ചി പറയൽ. എന്റെ ഉപ്പനെയും ഉമ്മനെയും പറ്റി പറഞ്ഞില്ലല്ലോ. ഉപ്പ അടിച്ചു മാറ്റി കൊണ്ട് വന്നതാ ഉമ്മാനെ . ആവകയിൽ ബന്ധുക്കൾ എല്ലാരും പോയി കിട്ടി. നാടുമായി യാതൊരു കണക്ഷനും ഇല്ല. ഉമ്മാക്ക് സങ്കടം ഒക്കെ ഉണ്ടെങ്കിലും ഉപ്പാനെ വീട്ടിൽ കയറ്റില്ലെന്ന് പറഞ്ഞതോണ്ട് ഉമ്മയും പിന്നെ നാട്ടിൽ പോയിട്ടില്ല. ഞാൻ ഏതായാലും മലയാളിയായ ബാഗ്ലൂർകാരിയായി. നാടെന്നുള്ളത് ഒരോർമ മാത്രമാണ്. സ്നേഹിക്കാൻ മാത്രം അറിയുന്ന രണ്ടു പാവം ലവേഴ്സ് ആണ് എന്റെ പേരന്റ്സ്. അവരുടെ സ്നേഹം കാണുന്പോൾ അറിയാതെ ആഗ്രഹിച്ചു പോകും കെട്ടുവാണേൽ ഇവരെ പോലെ പ്രേമിച്ചു കെട്ടണമെന്ന്. ഉപ്പ ഉമ്മ ആന്റി അങ്കിൾ സജു ഇവരെ കൂടെ കളിയും ചിരിയും സന്തോഷവും നിറഞ്ഞ എന്റെ കൊച്ചു ലോകം. കണ്ണുവെക്കണ്ട ഇങ്ങനൊരു ലൈഫ്. ആർക്കും കിട്ടില്ലാട്ടോ. മതിയെടീ ഇത് ഡയറിയാണ്. വാരി വലിച്ചു എഴുതണ്ട. ഓരോ ദിവസവും ഉറങ്ങാൻ കിടക്കുബോൾ അന്നന്ന് സംഭവിച്ചത് എഴുതിയ മതി.

നിന്റെ സങ്കടവും സന്തോഷവും പരിഭവവും എല്ലാം നിനക്ക് ഇതിൽ എഴുതാം. കുറെ കാലം കഴിയുമ്പോൾ വായിക്കാൻ ഒരു രസമായിരിക്കും. എഴുതോ അതോ മൂലക്ക് വലിച്ചെറിയൊ. എന്റെ ഡയറിയല്ലേ നീ. പിന്നെന്തിനാ ഇതിൽ എഴുതുന്നെ. നിന്റെ മെമ്മറിയിൽ എപ്പോഴും ഉണ്ടാവില്ലേ. ഞാൻ പറഞ്ഞത് കേട്ടാൽ മതി. ഓരോ ദിവസത്തെയും ഇമ്പോർട്ടന്റ് കാര്യം ഇതിൽ എഴുതണം. ആ നോക്കാം. നോക്കാനല്ല പ്രോമിസ് ചെയ്. പ്രോമിസ്. അവന് വാക്ക് കൊടുത്തെങ്കിലും ഞാൻ എഴുതാനൊന്നും പൊന്നില്ലാട്ടോ. എനിക്കാണേൽ രഹസ്യം എന്നൊന്ന് ഇല്ല. എല്ലാം സജുനോടും ഉമ്മനോടും ഉപ്പാനോടും പറഞ്ഞില്ലേൽ ഉറക്കം വരില്ല. അങ്ങനെയുള്ളപ്പോ എനിക്ക് എന്തിനാ ഡയറി. ഇവന് പ്രോമിസ് കൊടുത്തതല്ലേ. ഏതായാലും കളയുന്നില്ല. പിന്നെ ഒരു മാസങ്ങൾക്ക് ശേഷം ആണ് ഡയറി എഴുതിയിട്ടുള്ളത്. മിസ്സ്‌ യൂ സജു . റിയലി മിസ്സ്‌ യൂ .ആദ്യായിട്ട അവനെ പിരിഞ്ഞിരിക്കുന്നെ .ഫോണിൽ അവനോട് സംസാരിച്ചെങ്കിലും വല്ലാതെ മിസ്സ്‌ ചെയ്യുന്നു.

ഓർമ വെച്ച കാലം മുതൽ എന്റെ കൂടെ അവനുണ്ട്. കാണണം എന്ന് തോന്നിയോ അപ്പൊ ഒരു മതിൽ ചാട്ടമാണ്. അതിന് നേരം കാലം ഒന്നും നോക്കില്ല. ഇപ്പൊ ഞാനിവിടെയും അവൻ ലണ്ടനിലും . ഞാൻ ഇപ്പൊ എന്റെ ഉപ്പന്റെയും ഉമ്മന്റേയും നാട്ടിൽ ആണ്. അവനും വന്നിരുന്നു. രണ്ട് ദിവസം നിന്നു. നാടൊക്കെ അവനെയും കൂട്ടി കറങ്ങി. അവനെ ഡ്രോപ്പ് ചെയ്തിട്ട് വന്നിരിക്കുകയാണ്. അവൻ ലണ്ടനിലേക്ക് പോകും നാളെ. തിരിച്ചു വരുന്നത് വരെയുള്ള കാര്യങ്ങൾ വള്ളി പുള്ളി തെറ്റാതെ എഴുതി അവന് കൊടുക്കാൻ പ്രോമിസ് ചെയ്യിച്ചിട്ടുണ്ട്. ഇത്രയും വർഷങ്ങൾക്ക് ശേഷം എന്തിനാ വന്നതെന്ന് പറഞ്ഞില്ലല്ലോ. എനിക്ക് ഒരു കുഞ്ഞനിയൻ വരുന്നുണ്ട്. എന്റെ ഉമ്മ പ്രഗ്നന്റാണ്. അനിയനായിരിക്കും അതുറപ്പാണ്. ഞാൻ നല്ല വണ്ണം പ്രാർത്ഥിക്കുന്നുണ്ട്. എന്റെ സ്ഥാനം തട്ടിയെടുക്കാൻ ഇനി ഒരു പെണ്ണ് വേണ്ട.വേണേൽ അസൂയ ആണെന്ന് കൂട്ടിക്കോ. ഉമ്മാക്ക് ഈ അവസരത്തിൽ ഒരാഗ്രഹം. എല്ലാവരെയും കാണണം. മാപ്പ് ചോദിക്കണം എന്നൊക്കെ. ഉപ്പ അത് സാധിച്ചു കൊടുക്കാനാ വന്നിരിക്കുന്നെ.

എല്ലാവരെയും പോയി കണ്ടു.എല്ലാവരും സന്തോഷത്തോടെയാ സ്വീകരിച്ചത്. തല്ലും വഴക്കും ഒക്കെ പ്രതീക്ഷിച്ചു വന്ന ഞാൻ പ്ലിങ്. സജു പറയാ ഉപ്പാന്റെ പണം കണ്ട അവർ സ്വീകരിച്ചെന്ന്. എനിക്ക് തോന്നുന്നില്ല. എല്ലാവർക്കും ഞങ്ങളോട് സ്നേഹത്തോടെയാ പെരുമാറുന്നത്. ഇവിടെ ഒരു വീട് വാടകക്ക് എടുത്തിട്ടുണ്ട്. ഉപ്പാന്റെ പെങ്ങൾ കൂടെ വന്നിട്ട് ഉണ്ട്. മാമി മാമൻ അവരുടെ മകൻ ആഷിഖ്. ഇവർക്ക് രണ്ടു പെൺകുട്ടികൾ കൂടിയുണ്ട്. അവർ കല്യാണം കഴിഞ്ഞു പോയി. ആഷിഖ് ഹോസ്റ്റലിൽ നിന്നു പഠിക്കുന്നു. മാമിയെ എനിക്ക് ഒരുപാട് ഇഷ്ടായി. എന്നെ വലിയ കാര്യാ അവർക്ക്. ഇന്ന് വരുമ്പോൾ ഞാൻ ആ തെമ്മാടി ചെക്കനെ കണ്ടു. തല്ലുണ്ടാക്കാൻ നടക്കുന്നവനാണെങ്കിലും നല്ല മൊഞ്ചുണ്ട് കാണാൻ. മുന്നിലേക്ക് നീട്ടി ഇരിക്കുന്ന മുടിയാണ് കാണാൻ രസം. ഇടക്കിടെ അവനത് മാടി ഒതുക്കുന്നത് കാണാൻ എന്തോ ഒരു പ്രതേക മൊഞ്ചുണ്ട്. പ്രിത്വിരാജ് രാജിന്റെ ചെറിയ കട്ടുണ്ട് അവന് . നീയുമായി ഉടക്കിതല്ലേ അത് കൊണ്ട് തന്നെ അവനെ കാണുബോൽ ദേഷ്യം വരുന്നുണ്ട്.

ഞങ്ങൾ ഈ നാട്ടിൽ വന്ന അന്ന് തന്നെ നല്ല അസ്സൽ തല്ലാന് കണ്ടത്. ഈ തെമ്മാടി ചെക്കൻ ഒരു ഒരാളെ തല്ലി കൊല്ലാൻ നോക്കുന്നു. അതും നടു റോഡിൽ വെച്ച്. സജന് കണ്ടിട്ട് സഹിച്ചില്ല. അവൻ പോയി പിടിച്ചുമാറ്റാൻ നോക്കി. ആ തെമ്മാടി ചെറുക്കൻ എന്റെ സജുനെപിടിച്ചു തള്ളി. തടി ഇടങ്ങേറക്കാണ്ടേൽ പോയിക്കോന്ന്. അതും സജുനോട്.സജുന്റെ ഒരു തല്ലിന് അവനില്ല എന്നിട്ടാ.ഉപ്പ സജുനെ കൂട്ടിട്ട് വന്നു. സംസ്കാരം ഇല്ലാത്തവരോട് പെരുമാറാൻ നിക്കണ്ടന്ന് പറഞ്ഞു. അല്ല ഞാൻ എന്തിനാ ആ തെമ്മാടി ചെറുക്കനെ പറ്റി എഴുതുന്നെ. **** ഇന്ന് ഉമ്മ തലകറങ്ങി വീണു. ബോഡി വീക്കാണത്രെ വർഷങ്ങൾക്ക് ശേഷം ഉള്ള പ്രസവം ആയോണ്ട് എന്തൊക്കെയോ പ്രശ്നം ഉണ്ട്.ഇന്ന് ബാംഗ്ലൂർക്ക് പോകാൻ പോവ്വുകയാ. ഉമ്മാന്റെ ഉമ്മ വിടുന്നില്ല. മോളെ കണ്ടു കൊതി തീർന്നില്ലത്ര . ഒരേ കരച്ചിൽ. ഉമ്മക്കും സങ്കടം സഹിക്കാൻ പറ്റുന്നില്ല. വർഷങ്ങൾക്കു ശേഷം കണ്ടു മുട്ടിയത് അല്ലെ അത് കൊണ്ടായിരിക്കും.എനിക്ക് എന്റെ ഉമ്മാനെ ഒരു നിമിഷം പോലും പിരിഞ്ഞിരിക്കാൻ വയ്യ.

അപ്പൊ ഇവർ എത്ര വർഷം കൂടിട്ട കണ്ടത്. ഉപ്പ പറഞ്ഞു ഇവിടെ താമസിചോന്ന . ഉപ്പാക്ക് ഇഷ്ടം ഉണ്ടായിട്ട് ഒന്നും അല്ല. എന്റെ ഉമ്മാന്റെ കണ്ണ് നിറഞ്ഞ മൂപ്പർക്ക് സഹിക്കില്ല. അത്രയിഷ്ട എന്റെ ഉമ്മാനെ. ഉപ്പാന്റെ ഉമ്മയും ഉപ്പയും നേരത്തെ മരിച്ചതാണ് .ഏതായാലും ഈ നാട്ടിൽ നിൽക്കാൻ ഫിക്സയി . എന്നെ അടുത്തുള്ള ഒരു സ്കൂളിൽ ചേർത്തു. ഒന്നാം ക്ലാസ്സിൽ പോകുന്ന ഫീൽ ആണ് എനിക്കിപ്പോ. ആരെയും പരിജയം ഇല്ല. ക്ലാസ്സിൽ ഉള്ളവരെയൊക്ക പരിചയപ്പെട്ടു വരുന്നു. *** എനിക്ക് ഒരു ഫ്രണ്ടിനെ കിട്ടി. ജുമാന.പിന്നെ ആ തെമ്മാടി ചെറുക്കനെ എന്റെ സ്കൂളിന് അടുത്തുള്ള കോളേജിൽ ആണ് പഠിക്കുന്നത്.പേര് നദീർ. പെൺകുട്ടികളെ പിറകെ നടക്കല മെയിൻ ജോലി.ഇവന് ജുമാനയെ ഇഷ്ടം ആണത്രേ. എനിക്കെന്തോ അവനെ അത്ര പിടിച്ചില്ല. പിന്നെ ജുമാനക്ക് ഇഷ്ടം ആയോണ്ട് അട്ജസ്റ്റ് ആക്കുന്നു. . ** നദീർ ഒരു പാവമാണ്. വെറുതെ അവനെ തെറ്റിദ്ധരിച്ചു. ഇന്ന് ഒരു സംഭവം ഉണ്ടായി. ബസ്സ് സമരത്തെ കുറിച്ചും അവൻ കൊണ്ട് വിട്ടതുമൊക്കെ അതിൽ എഴുതിയിരുന്നു. ഞാൻ അവനെ പറ്റി അന്വേഷിച്ചു.

എല്ലാവരും നല്ലതേ പറയുന്നുള്ളു . അവനുമായി ഫ്രണ്ടാവാൻ പോവ്വാ ഞാൻ. പിന്നെ നദീറിന്റെ ഫ്രണ്ട് സാലിയും കട്ട ചങ്കാണ്. അവന്റെ കൂടെ സംസാരിച്ചിരുന്നാൽ സമയം പോകുന്നത് അറിയില്ല. ഒരു കോമഡിയാ ആൾ. * ഇന്ന് എന്റെ ബർത്ത്ഡേ ആണ്. നദീർ എനിക്ക് ഒരു ഗിഫ്റ്റ് തന്നു. ഒരു സിൽവർ കളർ ചെയിൻ. ഡയറിയുടെ കീ അതിന്റെ ലോക്കറ്റ് ആക്കി ഇട്ടു. ഇനി നിന്നെ മറന്നുവെന്ന് വേണ്ട. സജു എനിക്കെന്താ പറ്റിയെന്ന് തിരിയുന്നില്ല. എനിക്ക് നദീറിനോട് ഇതുവരെ ആരോടും തോന്നാത്ത ഒരിഷ്ടം തോന്നുകയാ. അവനെ കാണണം മിണ്ടണം ഈ ചിന്ത മാത്രമേ എനിക്കിപ്പോ ഉള്ളൂ.കാണുന്നിടത്തെല്ലാം അവന്റെ മുഖം മാത്രമാണ്. പഠിത്തത്തിൽ ശ്രദ്ധിക്കാൻ പറ്റുന്നില്ല. നദീർ ജുമാനയോട് മിണ്ടുമ്പോ സഹിക്കുന്നില്ല.നെഞ്ചിൽ വല്ലാത്ത നീറ്റൽ പോലെ. ജുമാനക്ക് ആണേൽ അവനോട് കളിയായിട്ട തുടങ്ങിയതെങ്കിലും ഇപ്പൊ ശരിക്കും പ്രണയമാണ്.

ഞാൻ ചെയ്യുന്നത് തെറ്റാണെന്ന് അറിയാം. സുഹൃത്തിന്റെ ലവരെ പോയി പ്രേമികന്ന് വെച്ചാൽ അത് ഫ്രെണ്ട്ഷിപ്പിനെ പോലും നാണക്കേടാണ്. അറിയാഞ്ഞിട്ടല്ല. പറ്റുന്നില്ല എനിക്ക്. എങ്കിലും അവൻ എന്റെ മാത്രമായേങ്കിൽ എന്ന് തോന്നുവാ. ** ജുമാനക്ക് എന്നോട് ദേഷ്യം ആണ്. ഞാൻ കാരണം നദീർ അവളെ അവോയ്ഡ് അകിന്ന പറയുന്നേ. കേട്ടപ്പോൾ ഒരു സങ്കടം. അവനെ എനിക്ക് ഇഷ്ടം ആയിരുന്നുവെങ്കിലും ഞാൻ ഇത് വരെ അവനോട് പറഞ്ഞിട്ടില്ല. പിന്നെങ്ങനെയാ ഞാൻ കാരണം നദീർ അകലാൻ നോക്കുനെന്ന് പറഞ്ഞേ. ഞാൻ ഇനി അവനോട് മിണ്ടില്ല. ജുമാനക്ക് വാക്ക് കൊടുത്തു അല്ലേലും ഞാൻ ശരിക്കും അവരുടെ ലൈഫിൽ കട്ടുറുമ്പ് തന്നെയാ അല്ലേ. ഇനി നദീറുമായി ഒരു കോൺടാക്ട് ഉണ്ടാവില്ല. പറ്റുമോന്ന് അറിയില്ല. ശ്രമിക്കണം. * ആഷിക് പഠിത്തം നിർത്തി വന്നു. അവനും ഇപ്പൊ എന്റെ വീട്ടില താമസം. എന്റെ കാര്യത്തിലൊക്കെ വല്ലാതെ അനാവശ്യമായി ഇടപെടുന്നു. വല്ലാത്ത നോട്ടവും സംസാരവും. എനിക്ക് എന്തോ അവനെ അത്ര ഇഷ്ടപ്പെടുന്നില്ല. **

ഇന്ന് ടൂർ പോകുവാ സ്കൂളിൽ നിന്ന്. രണ്ട് ദിവസം കഴിഞ്ഞേ ഇനി വരുള്ളൂ. പിന്നെ ടൂർ പോയ വിശേഷങ്ങൾ. ** ബാംഗ്ലൂരിൽ എത്തി. എന്തൊക്കെയോ ഈ രണ്ടു ദിവസം കൊണ്ട് സംഭവിച്ചു. ടൂർ കഴിഞ്ഞു വീട്ടിൽ കയറിയതും എല്ലാം പാക്ക് ആക്കി പോകാൻ റെഡിയായി ഇരിക്കുവാ ഉപ്പ. എന്താ കാര്യംമെന്ന് ചോദിച്ചിട്ട് ഒന്നും പറയുന്നില്ല. ഉമ്മയോട് എന്ത് ചോദിച്ചിട്ടും ഒന്നും മിണ്ടിയില്ല. ഇടക്ക് എന്നെ കെട്ടിപിടിച്ചു കരയുകയും ചെയ്തു. എന്റെ ഉമ്മ കരയുന്നത് ആദ്യായിട്ട ഞാൻ കണ്ടത്. ഉപ്പാന്റെ മുഖത്താണെങ്കിൽ സങ്കടം ഉണ്ട്. ഇവർക്ക് ഒക്കെ എന്താ പറ്റിയത്. ആരോടും യാത്ര ചോദിക്കാൻ പോലും പറ്റിയില്ല. നദീറിനോടും സാലിയോടും യാത്ര ചോദിക്കണം എന്നുണ്ടായിരുന്നു. പറ്റിയില്ല. ഇനി ഈ നാട്ടിലേക്കൊരു തിരിച്ചു വരവ് ഉണ്ടാവില്ല. ഈ നാടും സ്കൂളും നദീറും എല്ലാം ഒരോർമ മാത്രം. എന്നാലും പെട്ടന്ന് തിരിച്ചു വന്നത് എന്തിനാണെന്ന മനസ്സിലാവതത്. നാളെ നേരം വെളുക്കട്ടെ ഇത്താത്തനോടോ നിന്റെ ഉമ്മാനോഡോ ചോദിക്കണം എന്താ കാര്യം എന്ന്...... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...