💘റജില 💘: ഭാഗം 42

രചന: സഫ്‌ന കണ്ണൂർ

ഞാൻ നിന്നെ എത്രത്തോളം സ്‌നേഹിക്കുന്നുണ്ടെന്ന് ഇപ്പോഴാ എനിക്ക് മനസ്സിലായത്. ഓരോ നിമിഷവും ഞാൻ നിന്നെ മിസ്സ്‌ ചെയ്യുന്നു. അവന് എന്നെ മിസ്സ്‌ ചെയ്യുന്നുണ്ടാവോ. എവിടെ ഓര്മയുണ്ടാവുമോ അത് തന്നെ സംശയം ആണ്. *** ഇത്രത്തോളം വേണ്ടായിരുന്നു ക്രൂരത. കൂട്ടിന് ഒരാൾ കൂടി വരുന്നൂന്ന് കേട്ടപ്പോൾ ഒരുപാട് സന്തോഷിച്ചിരുന്നു . ഓരോ ദിവസവും എണ്ണിയെണ്ണി കഴിയുകയാരുന്നു . ഇനി വരില്ലെന്ന് അറിഞ്ഞപ്പോൾ സഹിക്കാൻ പറ്റുന്നില്ല.ഞാൻ ടൂറിനു പോകുന്നത് വരെ ഒരു കുഴപ്പവും ഇല്ലായിരുന്നു.പോകുന്നതിന്റെ തലേ ദിവസം ആണ് ചെക്കപ്പിന് പോയത്. മദറും ബേബിയും സുഗമായിരിക്കുന്നുന്ന് എന്റെ മുന്നിൽ നിന്ന ഡോക്ടർ പറഞ്ഞത്. എന്നിട്ട് പെട്ടെന്ന് എങ്ങനെ ബ്ലീഡിങ് ആയിന്ന മനസ്സിലാവാത്തത്. വിധിച്ചിട്ടില്ലായിരിക്കും അല്ലെ. ഉമ്മാനോട് ആന്റി അങ്ങനെയാ പറഞ്ഞെ.

എന്താ പറ്റിയെന്ന് അറിയാൻ ഏതോ വലിയ ടെസ്റ്റിന് എവിടെയോ അയചിരിക്കുകയാ ബ്ലഡ്‌. മോനുട്ടനെ സ്വീകരിക്കാൻ നമ്മൾ രണ്ടാളും കൂടി ബേബിയുടെ ഫോട്ടോസ് ഒട്ടിച്ചിട്ടില്ലേ അതൊക്കെ ഞാൻ കളഞ്ഞു. അതൊക്കെ കാണുമ്പോൾ ഉമ്മാന്റെ സങ്കടം കൂടുകയേ ഉള്ളൂ.ഉമ്മ ഇപ്പൊ ശരിയായി വരുന്നു. ഇപ്പൊ കരച്ചിൽ ഒന്നും ഇല്ല. എന്നാലും മുഖത്തെ സങ്കടം ഒന്നും മാറീട്ടില്ല.ഉമ്മാനെ കാണുമ്പോൾ എനിക്കും സഹിക്കുന്നില്ല. ** ഇന്ന് ആഷിക് വന്നു. അവൻ ഇനി ഇവിടെയാണത്രെ താമസിക്കുന്നത്. ഉപ്പാനോട് ഞാൻ പറഞ്ഞതാ ഔട്ട് ഹൌസിൽ എങ്ങാനും ആക്കാൻ. കേൾക്കണ്ടേ ആകെയുള്ള മരുമോനത്രേ.ഉമ്മാനോട് ഇവിടെ താമസിക്കുന്നത് എനിക്കിഷ്ടമല്ലെന്ന് ഞാൻ പറഞ്ഞു. ഉമ്മ പറയുന്നു നിന്നോട് അനിയത്തിനുള്ള സ്വാതന്ത്ര്യം ആത്രേ കാട്ടുന്നത്. എന്തോ എനിക്ക് അവനെ തീരെ അസെപ്റ്റ് ചെയ്യാൻ പറ്റുന്നില്ല. ഓവർ വിനയവും സ്നേഹവും എല്ലാം കള്ളത്തരമായാണ് തോന്നുന്നേ. ** നീ എന്നോട് ക്ഷമിക്കണം

ഞാൻ നിന്റെ സമ്മതമില്ലാതെ ആദ്യായിട്ട് ഒരു കാര്യം ചെയ്തു.എ ഫബിയിൽ ഞാനൊരു അക്കൗണ്ട് എടുത്തു. എനിക്ക് നദീറിനോട് സംസാരിക്കാതിരിക്കാൻ പറ്റുന്നില്ല. വട്ട് പിടിക്കുകയാ അവനെ കാണാഞ്ഞിട്ട് അത് കൊണ്ട സോറി. ഞാൻ ആരാണെന്നു പറഞ്ഞിട്ടില്ല. എയ്ഞ്ചൽ അങ്ങനെയാ നെയിം കൊടുതിന് . അവൻ ഒരു മിസ്സ്‌ യു പോസ്റ്റ്‌ ഇട്ടിരുന്നു. അതിൽ പോയി ഒരു hi അയച്ചു. ആദ്യമൊന്നും അധികം മിണ്ടിയില്ല. സ്മൈലി അല്ലെങ്കിൽ ഗുഡ് മോർണിംഗ് ഗുഡ് നൈറ്റ്‌ അത്രയേ ഉള്ളൂ. ഞാൻ കുറെ പണിപ്പെട്ടു പേർസണൽ ചാറ്റിൽ വരാൻ. അസ്സൽ കോഴിയാണ് എന്നിട്ടും അവന്റെ അടുത്ത് നിന്ന് തണുത്ത പ്രതികരണം എന്തെന്നറിയില്ല. ഇനി അവൻ നന്നായോ. ഏതായാലും ഞാനുമായി നല്ല ഫ്രണ്ട്‌ലി ആണ്. പേര് ഫാത്തിമ എന്ന പറഞ്ഞത്. അധികവും മിസ്സ്‌ യു പോസ്റ്റ്‌ കണ്ടപ്പോൾ കുറെ ചോദിച്ചു ആർക്കാണെന്ന് . ഒരാളെ വല്ലാതെ മിസ്സ്‌ ചെയ്യുന്നുണ്ട് എന്ന് പറഞ്ഞു എപ്പോഴും ഒഴിഞ്ഞു മാറും .എന്റെ സംസാരത്തിലൊക്കെ സ്പെല്ലിങ് മിസ്റ്റേക്ക് തോന്നിയൊണ്ടാണൊന് അറിയില്ല. ഇന്ന് അവൻ ഒരു കാര്യം പറഞ്ഞു.

ആവനീ പോസ്റ്റ്‌ ഒക്കെ ഇടുന്നത് എനിക്ക് വേണ്ടിയാണെന്ന്. അവന് എന്നെ ഒരുപാട് ഇഷ്ടമാണെന്നും പറഞ്ഞു. എന്നോട് പറയാൻ പറ്റാത്തതിന്റെ സങ്കടം പറഞ്ഞു.യാത്ര ചോദിക്കാതെ പോയതിൽ നല്ല ദേഷ്യം ഉണ്ട് പോലും. കേട്ടപ്പോൾ ആകെ ത്രില്ലടിച്ചിരിക്കുകയാരുന്നു. സന്തോഷം കൊണ്ട് എന്താ ചെയ്യേണ്ടെന്ന് തന്നെ മനസ്സിലായില്ല. ഇപ്പോഴും വിശ്വസിക്കാൻ പറ്റുന്നില്ല അത്.അല്ലട ഇനി ജുമാനയെ പോലെ എന്നേം ടൈം പാസ്സ് ആയിരിക്കോ .ആവില്ലെന്ന എന്റെ വിശ്വാസം. ടൈം പാസ്സ് ആണെങ്കിൽ ഞാൻ പോയ പോട്ടെന്നു വെക്കുകയല്ലേ ഉള്ളൂ. ശരിക്കും എന്നോട് ഇഷ്ടം ആയിരിക്കും അല്ലേ. നാളെ ഞാൻ അവനോട് പറയാൻ പോവ്വുകയാ ഞാനാരാണെന്ന്. എനിക്ക് അവനില്ലാതെ പറ്റുന്നില്ലെടാ. സോറി. *** എന്തിനാടാ കൊരങ്ങാ നീ സത്യം ഇടിച്ചത്. അവനോട് റജിലയാണെന്ന് പറഞ്ഞു. അവനെയും പ്രേമിച്ചു സുഖസുന്ദരമായി ആടിപാടുന്നത് സ്വപ്നം കണ്ടു നടക്കാരുന്നു. കൃത്യമായി ഇന്ന് തന്നെ ലണ്ടനിൽ നിന്നും നിന്നെ കെട്ടിയെടുത്തല്ലോ. ദുഷ്ട. ഡയറി വായിച്ചപ്പോ നീ തല്ലുമെന്ന കരുതിയേ അതുണ്ടായില്ലല്ലോ താങ്ക്സ്.

നിനക്ക് തന്ന വാക്ക് ഞാൻ പാലിക്കുന്നു. ഇനി നദീരുമായി ഒരു കോൺടാക്ട് ഉണ്ടാവില്ല. നീ പറഞ്ഞത് പോലെ കെട്ടുപ്രായമെത്തുമ്പോൾ അപ്പോഴും നദീറിന്റെ മനസ്സിൽ ഞാനുണ്ടെങ്കിൽ നീ അവനെ എനിക്ക് കൊണ്ട് വന്നു തരുന്നുള്ള ഉറപ്പിൽ നദീറിനെ ഹൃദയത്തിൽ വടക്കു കിഴക്കേ അറ്റത്തു വെച്ചിരിക്കുന്നു. പോരെ. ഒരു വർഷം നീണ്ട fb ബന്ധം ഇതോടെ കർട്ടനിട്ടു. *** ടാ സജു തെണ്ടീ നീ അങ്കിളിനോട് പറഞ്ഞില്ല അല്ലേ ഞാനുമായുള്ള വിവാഹത്തിന് സമ്മതമല്ലെന്ന്. ഇവിടെ എല്ലാരും അത് ഉറപ്പിച്ചു. പതിനെട്ട് വയസ്സ് തികയുന്ന അന്ന് ഒഫീഷ്യൽ ആയി എല്ലാരേം അറിയിക്കുമെന്ന്. ഇനിയും രണ്ട് കൊല്ലം ഉണ്ടല്ലോ അതാ ഏക ആശ്വാസം. നിന്നെ അങ്ങനെ കാണാനൊന്നും പറ്റുന്നില്ലെടാ.ഒരാണും പെണ്ണും അടുത്തിടപഴകിയാൽ പ്രേമം ആണെന്ന ഇവരുടെ ഒക്കെ വിചാരം. സൗഹൃദം എന്നൊന്ന് കൂടി ഉണ്ടെന്ന് ഇവരൊക്കെ എപ്പോഴാ മനസ്സിലാക്ക.എനിക്ക് നിന്നെയും നിനക്ക് എന്നെയും മനസ്സിലാക്കാൻ പറ്റുന്നുണ്ടല്ലോ അത് മതി. നീ വരുന്ന വരെ ഒരു കണക്കിന് അങ്ങനെ തന്നെ ഇരിക്കട്ടെ. **

വല്ലാതെ ദുസ്വപ്നങ്ങൾ കാണുന്നു ഇപ്പോൾ. മനസ്സാകെ വല്ലാത്ത അസ്വസ്ഥത. ഞാൻ തനിച്ചു ആരും ഇല്ലാതെ ഒറ്റപ്പെടുന്ന പോലെയൊക്കെ കാണുന്നു. രാത്രിയാണെങ്കിൽ ഉറക്കവും വരുന്നില്ല. ഞാൻ ഇപ്പൊ ഉപ്പന്റെയും ഉമ്മന്റേയും കൂടെയാ കിടക്കൽ. തനിച്ചു കിടക്കാൻ ഒരു ഭയം. -****** പിന്നെ അവൾ രണ്ട് മൂന്ന് മാസം കഴിഞ്ഞാണ് ഡയറി എഴുതിയിരിക്കുന്നെ. എന്തിനാ വിധി എന്നോട് ഇങ്ങനെ ക്രൂരത കാണിച്ചേ. എന്നേം കൊണ്ട് പോവ്വായിരുന്നില്ലേ അവരുടെ കൂടെ. എന്നെ തനിച്ചാക്കി പോകാൻ ഉപ്പാക്കും ഉമ്മാക്കും എങ്ങനെയാ തോന്നിയത്. ഞാനും വരില്ലായിരുന്നോ കൂടെ. എനിക്കിപ്പോ ആരും ഇല്ല ആരും. എല്ലാവരും പോയി എന്നെ വിട്ട്. എല്ലാരും എന്തൊക്കെയോ പറഞ്ഞു ആശ്വസിപ്പിക്കുന്നുണ്ട്. എനിക്ക് നഷ്ടപ്പെട്ടതിന്റ വേദന എനിക്കല്ലേ അറിയൂ. കൊതിതീർന്നില്ല അവരുടെ കൂടെ ജീവിച്ചു. ഞാനും കൂടെ പോയാ മതിയാരുന്നു.മരിക്കാൻ തോന്നുകയാ എനിക്കും. ഉപ്പയും ഉമ്മയും സന്തോഷത്തിലാ അല്ലേ നിങ്ങൾ ഒരുമിച്ചല്ലേ ഉള്ളത്. ഞാനിവിടെ തനിച്ച് ആരും ഇല്ലാതെ. എന്നെ കൂട്ടാതെ എവിടെയും പോകാറില്ലല്ലോ.

പിന്നെന്താ ഇപ്പൊ എന്നെ കൂട്ടാതെ പോയെ.പിണക്ക ഞാൻ രണ്ടാളോടും....... ** പിന്നെയും കുറെ മാസങ്ങൾ കഴിഞ്ഞാണ് അവൾ ഡയറി എഴുതിയിരിക്കുന്നത്. സജു ഇന്ന് ലണ്ടനിൽ നിന്നും വന്നു. അവനെയും കെട്ടിപ്പിടിച്ചു കുറേ നേരം കരഞ്ഞു. അവൻ വന്നത് ഒരുപാട് ആശ്വാസമായി തോന്നി. അവൻ വീട്ടിൽ വരുന്നത് ആഷിഖിന് മാമിക്കും മുറു മുറുപ്പ് തുടങ്ങി. ഉപ്പയും ഉമ്മയും മരിച്ച ശേഷം അവർ ഈ വീട്ടിൽ തന്നെയാണ് താമസം. ആഷിക് ആണ് ഉപ്പാന്റെ ബിസിനസ് നോക്കി നടത്തുന്നത്. എന്നെ അന്വേഷിച്ചു ആര് വന്നാലും അവരിൽ അസ്വസ്ഥത പടരുന്നത് ഞാൻ കണ്ടു.ഇത്താത്തയും ഒരു വാക്ക് പോലും പറയാതെ ജോലി ഉപേക്ഷിച്ചു പോയി. സജു ഇന്ന് ഉപ്പന്റെയും ഉമ്മന്റേയും റൂം ബലമായി തുറന്നു വൃത്തിയാക്കി. അവരുടെ മരണശേഷം ഞാൻ അവിടെ ആരെയും പോകാൻ സമ്മതിച്ചിരുന്നില്ല. ഒരു സാധനവും എടുത്തു മാറ്റാനും വിട്ടിരുന്നില്ല.

സങ്കടം സഹിക്കാൻ പറ്റാതെ വരുമ്പോൾ അവിടെ പോയി കിടക്കും അവർ അവിടെ എന്റെ കൂടെ ഉള്ളത് പോലൊരു ഫീലാണ് അപ്പോൾ. വൃത്തിയാക്കുന്നതിനിടയിൽ സജുന് ഒരു കവർ കിട്ടി. അത് വായിച്ചു നോക്കിയിട്ട് അവൻ പെട്ടെന്ന് ഇറങ്ങി പോയി. പിന്നെ അവനെ കാണുമ്പോഴൊക്ക അസ്വസ്ഥതനായിരുന്നു .എത്ര ചോദിച്ചിട്ടും എന്താന്ന് പറയുന്നുമില്ല. **** സജു പറഞ്ഞതൊന്നും വിശ്വസിക്കാൻ പറ്റുന്നില്ല. എന്റെ ഉമ്മാക്ക് അബോർഷൻ സംഭവിച്ചത് പോയ്സൻ കലർന്നാണ്. എങ്ങനെ ഇത് സംഭവിച്ചു.ഉത്തരമില്ലാത്ത കുറേ ചോദ്യങ്ങൾ മനസ്സിലേക്ക് കയറി വരാൻ തുടങ്ങി. ഉത്തരങ്ങൾ പറയേണ്ട ആൾ ഇന്ന് ജീവനോടെ ഇല്ല. ഞാൻ അത് അവിടെ അവസാനിപ്പിച്ചെങ്കിലും സജു വിട്ടില്ലന്ന് അവന്റെ സംസാരത്തിൽ നിന്നും മനസ്സിലായി ***

സജു വിന്റെയും അഫുവിന്റേയും അന്വേഷണം എത്തിച്ചേർന്നത് ഞെട്ടിപ്പിക്കുന്ന ഒരുപാട് സത്യങ്ങളിലേക്കായിരുന്നു. ആഷിക് കള്ളും മയക്കുമരുന്നും അഡിക്റ്റായ ഒരു സൈക്കോ ആണ്. നാട്ടിൽ അവന്റെ പേരിൽ ഒരുപാട് ക്രിമിനൽ കേസ് ഉണ്ട്. പഠിക്കുന്ന കോളേജിൽ നിന്നും പുറത്താക്കി.ഉമ്മയും ഉപ്പയും മകനും നാട്ടുകാരെ പറ്റിച്ചും വെട്ടിച്ചും നടക്കുന്നതിനിടയിൽ അവർക്ക് കിട്ടിയ ഒരു ഇരയാരുന്നു എന്റെ ഉപ്പ. നാടുമായി യാതൊരു ബന്ധവും ഇല്ലാതിരുന്ന ഉപ്പ അവരുടെ കപട സ്നേഹത്തിൽ വീണു. അവർക്ക് സുഖമായി ജീവിക്കാൻ അവർ കണ്ടെത്തിയ വഴി ഞാനായിരുന്നു. സ്വത്തുക്കൾക്ക് വേറൊരു അവകാശി ഇല്ലാതിരിക്കാൻ എന്റെ ഉമ്മാക്ക് അബോർഷൻ ഉണ്ടാവാനുള്ള മരുന്ന് ഭക്ഷണത്തിൽ കലക്കി കൊടുത്തു. അവരുടെ പ്ലാൻ തകിടം മറിച്ചു കൊണ്ട് ഉപ്പ പെട്ടെന്ന് ബാംഗ്ലൂർക്ക് മടങ്ങി. ആഷിക് മാന്യതയുടെ മുഖം മൂടി അണിഞ്ഞു ഞങ്ങളുടെ വീട്ടിൽ എത്തി.ഉപ്പാനെ സോപ്പിട്ടും കണ്ണിൽ പൊടിയിട്ടും നല്ല പിള്ള ചമഞ്ഞു . മാമി എന്നെ ആഷിഖിന് വേണ്ടി ഉപ്പാനോട് ചോദിച്ചു.

സജുവുമായുള്ള എന്റെ വിവാഹം ചെറുപ്പത്തിലേ ഉറപ്പിച്ചതാനുള്ള അറിവ് അവരിൽ ദേഷ്യം പിടിപ്പിച്ചെങ്കിലും പുറത്ത് കാട്ടിയില്ല. ഉപ്പ പരസ്യമായി അത് എല്ലാവരോടും വെളുപ്പെടുത്തി. ആഷിക് കമ്പനിയിൽ വലിയൊരു എമൗണ്ട് തിരിമറി നടത്തിയത് ഉപ്പ കണ്ടു പിടിച്ചു. ഉമ്മാന്റെ ബ്ലഡ്‌ റിസൾട്ട്‌ വന്നതും ആ ടൈം ആയിരുന്നു. ഉപ്പാക്ക് അവനിൽ സംശയത്തിന്റെ കനൽ ഉടലെടുത്തു. കാര്യങ്ങൾ ഒക്കെ കൈ വിട്ടു പോകുന്നു തോന്നിയപ്പോൾ അവർ എന്റെ ഉപ്പനെയും ഉമ്മനെയും കൊല്ലാൻ പ്ലാൻ ചെയ്തു. എല്ലാവർക്ക് മുന്നിലും വെറുമൊരു ആക്സിഡന്റ് ആക്കി മാറ്റാൻ ആഷിഖിന് കഴിഞ്ഞു. ഇപ്പൊ അവന്റെ ഉന്നം നീയാണ്. നിന്നിലൂടെ അവന് സ്വത്തുക്കൾ മുഴുവൻ ലഭിക്കും. ആ ചിന്തയിലൂടെ അവർ ഈ ക്രൂര കൃത്യം ചെയ്തത്. സജു പറയുന്നതൊക്കെ കേട്ടു വിറങ്ങലിച്ചു നിൽക്കാനേ എനിക്ക് കഴിഞ്ഞുള്ളു .വിഷമുള്ള പാമ്പിനെ ആണ് പാലുട്ടിയെന്ന് മനസ്സിലാവാതെ പോയല്ലോ. ഒരു ഉറുമ്പിനെ പോലും നോവിക്കാത്ത പാവമായിരുന്നു അവർ.

ആഷികിനെ സ്വന്തം മകനെ പോലെയാണ് കണ്ടത്. എന്നിട്ടും അവരോട് ഈ ക്രൂരത കാണിക്കാൻ അവനെങ്ങനെ കഴിഞ്ഞു.പൊട്ടിക്കരയാൻ മാത്രമേ എനിക്ക് കഴിഞ്ഞുള്ളു. ഞങ്ങളുണ്ട് നിന്റെ കൂടെ എന്ന് പറഞ്ഞു അഫുവ്വും സജുവും അങ്കിളും കൂടെ നിന്നു.അങ്കിൾ ഒരു വക്കീലായത് കൊണ്ട് നിയമത്തിന്റെ സഹായം നേടാൻ പറഞ്ഞു. കൊല്ലുകയാരുന്നു അവനെ വേണ്ടത്. അവരെ വീട്ടിൽ നിന്നും എന്റെ എല്ലാ ഓഫീസിൽ നിന്നും ഇറക്കി വിട്ടു. മരണത്തിൽ ദുരൂഹതയുണ്ടെന്ന് കാണിച്ചു കേസ് റിഓപ്പൺ ചെയ്‌തെങ്കിലും. വ്യക്തമായ തെളിവ് ഇല്ലാത്തതിന്റെ പേരിൽ കേസ് തള്ളി. **** ഞാനിപ്പോൾ അങ്കിളിന്റെ വീട്ടിൽ ആണ് താമസം. സജു ഇന്ന് തിരിച്ചു പോയി. അവന്ന് എക്സാം ടൈം ആയത് കൊണ്ട് പോകാതിരിക്കാൻ പറ്റുമായിരുന്നില്ല . ആഷിക് ഇന്ന് എന്റെ ഉടമാവസ്ഥവകാശത്തെ ചൊല്ലി കേസ് കൊടുത്തു. പ്രായപൂർത്തിയാവാത്ത എന്റെ അവകാശം ബന്ധുക്കൾക്കാണെന്ന് കാണിച്ചായിരുന്നു കേസ് കൊടുത്തത്.

എന്റെ ഉപ്പ പലപ്പോഴും നാട്ടിൽ ഇല്ലാത്തത് കൊണ്ട് പലയിടത്തും എന്റെ ഗാഡിയൻ സ്ഥാനം അങ്കിളിനായിരുന്നു എഴുതിയിരുന്നത്. അത് കൊണ്ട് തന്നെ എന്റെ ഇഷ്ടത്തിന് താമസിക്കാൻ കോടതി വിധി വന്നു. ഞാൻ അങ്കിളിന്റെ കൂടെ പോയി. പതിനെട്ട് വയസ്സ് പൂർത്തിയായാൽ മാത്രമേ സ്വത്തുക്കൾ എനിക്ക് സ്വന്തം ഇഷ്ടപ്രകാരം ഉപയോഗിക്കാൻ പറ്റുകയുള്ളുവെന്നും കോടതി വിധിച്ചു. എന്റെ ചിലവിനുള്ള പണം മാത്രം ബാങ്കിൽ നിന്നും പിൻവലിക്കാം. ***** ആഷികും കൂട്ടുകാരും എന്നും അങ്കിളിന്റെ വീട്ടിൽ വന്നു പ്രശ്നം ഉണ്ടാക്കാൻ തുടങ്ങി. അങ്കിളിന്റെ നേരെ കയ്യേറ്റ ശ്രമം നടത്തുകയും കൂടി ചെയ്തതോടെ എനിക്ക് അവിടെ നിൽക്കാൻ പറ്റാതെയായി. ഞാൻ വാശി പിടിച്ചു ഹോസ്റ്റലിലേക്ക് മാറി. അവൻ അവിടെയും വന്നു ശല്യം ചെയ്യാൻ തുടങ്ങിയതോടെ അവിടെ നിന്നും ഇറക്കി വിട്ടു. സ്കൂളിൽ പോലും അവൻ കയറി വന്നു ശല്യപ്പെടുത്തി. കേസ് കൊടുത്തുവെങ്കിലും കുറച്ചു നാൾ അടങ്ങിയിരിക്കും പിന്നെ വീണ്ടും തുടങ്ങും. അവനെ പേടിച്ച് എനിക്ക് അവിടെ നിൽക്കാൻ പറ്റാതായി.ഞാൻ ഓരോ സ്കൂളിൽ ഓരോ മാസം എന്ന രീതിയിൽ ആയി പഠനം.

എങ്ങനെയെങ്കിലും അവൻ കണ്ടു പിടിക്കും. പ്രശ്നം തുടങ്ങുമ്പോൾ എന്നെ പറഞ്ഞു വിടും. അവനെ പേടിച്ചു പുറത്തിറങ്ങാൻ തന്നെ പറ്റാതായി. ** അങ്കിൾ എന്നെ ഊട്ടിയിലെ ഒരു സ്കൂളിൽ ചേർത്തു. വളരെ രഹസ്യമായി ചെയ്തത് കൊണ്ടും പെട്ടെന്ന് ശ്രദ്ധ കിട്ടാത്ത സ്കൂൾ ആയത് കൊണ്ടും അവന്റെ ശല്യം ഇതുവരെ ഉണ്ടായില്ല. ആരും അറിയാതെ പുറം ലോകം ആയി ബന്ധമില്ലാതെ സ്കൂൾ ഹോസ്റ്റൽ റൂമുമായി എന്റെ ജീവിതം ഒതുങ്ങി. മനസ്സിൽ ആഷികിനോട് ഉള്ള പക കനലായി ഞാൻ കൊണ്ട് നടന്നു.അവന്റെ മുന്നിൽ ജീവിച്ചു കാണിക്കാനുള്ള വാശിയരുന്നു പിന്നീട്. മരിക്കേണ്ടി വന്നാലും എന്റെ ഉപ്പാന്റെ പണത്തിൽ നിന്നും ഒരു രൂപ പോലും അവന് കൊടുക്കില്ലെന്ന് ഞാൻ ഉറപ്പിച്ചിരുന്നു. അങ്കിൾ ഇടക്ക് കാണാൻ വരും. സജുവായിരുന്നു ഏക ആശ്വാസം.ഒഴിവ് കിട്ടുന്ന ഓരോ നിമിഷവും അവൻ എനിക്ക് വേണ്ടി ചിലവഴിച്ചു. വെക്കേഷന് ഇത്താത്തയുടെ വീട്ടിൽ പോകും. ചെറുതാണെങ്കിലും ആ വീട്ടിൽ താമസിക്കുമ്പോൾ എനിക്ക് ഒരു സുരക്ഷിതത്വം ഉണ്ടായിരുന്നു.

തല്ലാനും കൊല്ലാനും മടിയില്ലാത്ത ആ കോളനിയിലെക്ക് ആഷിഖിന് ഒരിക്കലും കടന്നു വരാൻ പറ്റിയിരുന്നില്ല.ഇത്താത്ത പറഞ്ഞു അവർക്ക് കാര്യമൊക്കെ അറിയാമായിരുന്നു. അവരിൽ ഒരാളായി അവർ എന്നെ കണ്ടു. *** ഈ പ്രശ്നങ്ങക്കിടയിലും ജീവിക്കുമ്പോഴും നദീർ ഒരു നീറ്റലായി എന്റെ മനസ്സിൽ ഉണ്ടായിരുന്നു. അവനോടുത്തുള്ള ഓർമ്മകൾ എന്റെ മനസ്സിൽ അത്രമാത്രം ആഴത്തിൽ പതിഞ്ഞിരുന്നു. **** ഇന്ന് എനിക്ക് പതിനെട്ട് വയസ്സ് പൂർത്തിയായി. ഇത്രയും കാലത്തെ എന്റെ കനലെരിയുന്ന ഓർമ്മകൾ വാശിയോടെ എന്നെ ജീവിക്കാൻ പഠിപ്പിച്ചു. അങ്കിൾ എന്നെ ഓഫീസ് കാര്യങ്ങൾ ഒക്കെ പഠിപ്പിച്ചിരുന്നു. കൂടാതെ കരാട്ടെ ക്ലാസ്സിൽ നിർബന്ധിപ്പിച്ചു ചേർത്തു. ഡ്രൈവിംഗ് പഠിപ്പിച്ചു. അങ്കിൾ എന്നോട് കോളേജിൽ പോകേണ്ടെന്ന് പറഞ്ഞു. എന്റെ പ്രായത്തിൽ ഉള്ള കുട്ടികളൊക്കെ കളിച്ചു ചിരിച്ചു കോളേജിൽ പോകുമ്പോൾ കൊതിയോടെ നോക്കി നിന്നിട്ട് ഉണ്ട്. കൂടുതലും ഓഫീസ് കാര്യങ്ങളാണ് എന്നെ കൊണ്ട് ചെയ്യിച്ചത്. അൻവറിന് ജനിച്ചത് ഒരാൺകുട്ടിയാണെന്ന എപ്പോഴും പറയൽ. ****

കുറച്ചു നാളായി ആഷിക്കിന്റെ ശല്യം ഒന്നും ഉണ്ടാവാത്തത്.അല്ലെങ്കിലും ഇപ്പോൾ അവനെ പേടിച്ച് ഒളിച്ചു കളിയൊന്നും ഇല്ല. എന്ത് വന്നാലും നേരിടാം എന്നൊരു ആത്മവിശ്വാസം ഉണ്ട്. സജു ഇന്ന് കോഴ്സ് പൂർത്തിയാക്കി നാട്ടിലെത്തി. ***** ഒരുപാട് അനുഭവിച്ചു. മതിയായി എനിക്ക്. എനിക്ക് ഇനി ജീവിക്കണ്ട. എല്ലാവരുടെ മുന്നിലും നാണം കെട്ടു ഇന്ന്. ഉപ്പാന്റെ പേരിന് പോലും നാണക്കേട് ഉണ്ടായി. ആർക്ക് വേണ്ടിയാ അല്ലെങ്കിലും ഞാൻ ജീവിക്കേണ്ടത് എല്ലാർക്കും ഒരു ഭാരമായി. എന്നോട് പൊറുക്കണം അങ്കിൾ. സജുവിനോട് പറയണം എന്നെ വെറുക്കരുതെന്ന് . ഞാൻ എന്റെ ഉപ്പന്റെയും ഉമ്മന്റേയും അടുത്തേക്ക് പോവ്വുകയാണ്. എല്ലാവരോടും മാപ്പ് ചോദിക്കുന്നു. അതിന്റെ മുകളിൽ ഒരു പേപ്പർ കട്ടിങ് സാലി കണ്ടു. അനാശ്വാസപ്രവർത്തിനിടയിൽ അറസ്റ്റിൽ. റജിലയുടെ ഫോട്ടോ ഉണ്ട്. ഹോട്ടൽ റെയ്ഡിൽ അറസ്റ്റിലായ അവളുടെ ഡീറ്റെയിൽസ് മൊത്തം അതിൽ കൊടുത്തിട്ടുണ്ട്. ****

ഇന്ന് എന്റെയും സജുവിന്റെയും എൻഗേജ്മെന്റ് നടന്നു. മറ്റന്നാൾ അവനുമായി എന്റെ കല്യാണവും നിക്ഷയിച്ചു. എന്തൊക്കെയാ എന്റെ ജീവിതത്തിൽ സംഭവിക്കുന്നത്. അത് പോലും എനിക്ക് മനസ്സിലാവുന്നില്ല. മരിക്കാൻ വിഷം കുടിച്ചത് ഓർമയുണ്ട്. ബോധം വരുമ്പോൾ ഹോസ്പിറ്റൽ ആയിരുന്നു. സജു അടുത്തുണ്ട്. എലിവിഷം കുടിച്ചാൽ എലി ചാവും. കണ്ടാമൃഗത്തിന്റെ തൊലിക്കട്ടിയുള്ള നീയെങ്ങനാടീ ചാവുക. അവന്റെ സംസാരം കേട്ടു അങ്കിളും അഫുവ്വും ആന്റിയും ചിരിക്കുന്നത് കണ്ടു. സോറി ഞാൻ പെട്ടന്ന് എനിക്ക്..... അവന്റെ മുഖത്തെ ചിരി മാഞ്ഞു ദേഷ്യം വന്നത് അവൾ കണ്ടു. അവൻ ആദ്യമായി എന്നെ തല്ലി. വീണ്ടും തല്ലാൻ കയ്യോങ്ങിയപ്പോഴേക്കും ആന്റി വന്നു അവനെ പിടിച്ചു വെച്ചു. കഴിഞ്ഞതൊക്കെ എന്റെ ഓർമയിലേക്ക് വന്നു.സജു വിളിക്കുന്നുവെന്ന് പറഞ്ഞാണ് ഞാൻ ഹോട്ടലിൽ പോയത്. റൂം നമ്പർ അവൻ മെസ്സേജ് അയച്ചിരുന്നു. റൂമിൽ കയറിയപ്പോഴാണ് ചതിയാണെന്ന് മനസ്സിലായത്...... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...