💘റജില 💘: ഭാഗം 5

രചന: സഫ്‌ന കണ്ണൂർ

എങ്ങനെയെങ്കിലും അവളുടെ മനസ്സിൽ കയറി പറ്റാനുള്ള ശ്രമമായിരുന്നു പിന്നീട് ഇവന് . അതിൽ പാതി വിജയിച്ചുവെന്ന് തന്നെ പറയാം. അവൾ വീണ്ടും പഴയ പോലെ അടുപ്പം കാണിക്കാൻ തുടങ്ങി. പക്ഷേ പ്രണയം പറയാൻ ഇവന് പേടിയാരുന്നു. അവൾ ഇഷ്ടല്ലാന്ന് പറയൊന്നുള്ള പേടി .കാരണം ഇവനെ പറ്റി നല്ലോണം അവൾക്കറിയാല്ലോ. നേരിട്ട് പറയാൻ മടിയുള്ളത് കൊണ്ട് അമൃതയെ കൂട്ട് പിടിച്ചു. അമൃത വഴി റസിയ ഇക്കാര്യം അറിഞ്ഞു . റസിയക്ക് അത് സഹിക്കുന്നേലും അപ്പുറമായിരുന്നു. റസിയ റജിലയുടെ ശത്രുവായി മാറി. പക്ഷേ അത് പുറത്ത് കാണിക്കാതെ അവളുമായി കൂട്ട് കൂടുകയാ ചെയ്‌തേ ഇവനോടാണെങ്കിൽ അവൾ നിനക്ക് നല്ലചേർച്ചയാ നല്ല കുട്ടിയാണെന്നൊക്കെ പറഞ്ഞു നല്ല അടുപ്പവും തുടങ്ങി. റജിലയോട് അവൾ പറഞ്ഞത് ഇവൻ അവളെ സ്നേഹിക്കുന്നുണ്ടെന്നാ. അവൾ അത് വിശ്വസിക്കുകയും ചെയ്തു. ഇതൊന്നും അറിയാതെ ഇവൻ റജിലയെ എങ്ങനെ പ്രൊപ്പോസ് ചെയ്യുമെന്ന് ആലോചിച്ചു നടക്കുകയാരുന്നു.

അതിനിടയ്ക്കാണ് അവളുടെ പിറകേ ഒരുത്തൻ നടക്കാൻ തുടങ്ങിയത്. അത് കണ്ടപ്പോൾ ഇവന് പേടി തുടങ്ങി അവൾ അവന്റെ കൂടെയെങ്ങാനും പോകുമോന്ന്. ഇവൻ രണ്ടും കല്പ്പിച്ചു അവളോട്‌ തുറന്നു പറയാൻ തന്നെ തീരുമാനിച്ചു. അമൃതയോട് ഇവൻ പറഞ്ഞിരുന്നു ഇന്ന് ഞാൻ അവളോട്‌ ഇഷ്ടന്ന് പറയുമെന്ന്. ഇവൻ മുക്കിയും മൂളിയും എങ്ങനൊക്കെയോ അവളോട്‌ കാര്യം പറഞ്ഞു . അവൾ ഇവനോട് തിരിച്ചു പറഞ്ഞു അവളുടെ വടക്ക് കിഴക്കേ അറ്റത്തു വേറൊരു ത്തനെ കുടിയിരിത്തിയിട്ടുണ്ടെന്ന്. നിന്നെ ഞാൻ ഒരു ഫ്രണ്ടായി മാത്രേ കണ്ടിട്ടുള്ളൂന്ന്. അവനില്ലാതെ എനിക്ക് ജീവിക്കാൻ കഴിയില്ലാന്ന്. ആദ്യമായി ഇവന്റെ കണ്ണ് നിറഞ്ഞു കണ്ടത് അന്നാണ്. . അന്നാ എനിക്ക് മനസ്സിലായത് ഇവൻ എത്രത്തോളം അവളെ സ്‌നേഹിക്കുന്നുണ്ടെന്ന്. സാരമില്ലടാ എനിക്ക് സങ്കടോന്നും ഇല്ലാന്ന് ഇവൻ പറഞ്ഞപ്പോൾ എന്റെ ചങ്കിന്റെ ഹൃദയം നുറുങ്ങുന്ന വേദന ഞാൻ അറിഞ്ഞു. അവൾ ഇവനെ പിന്നെ കണ്ടഭാവം നടിക്കാതെയായ.ഇവനാണെങ്കിൽ സങ്കടത്തോടെ ആണെങ്കിലും സത്യവുമായി പൊരുത്തപ്പെടാൻ ശ്രമിച്ചുകൊണ്ടിരുന്നു.

അങ്ങനെയിരിക്കുമ്പോൾ ഒരു ദിവസം അവളെ പിറകേ നടക്കുന്ന അവനെ ഒരു ദിവസം ഞാൻ കണ്ടു. ഞാൻ വെറുതെ ഒന്ന് മുട്ടി നോക്കി. ഒന്നുമില്ലേലും അവനും നിരാശ കാമുകനാണല്ലോ. അവൻ പെട്ടെന്ന് തന്നെ ഞങ്ങളുമായി കൂട്ടാവുകയും ചെയ്തു. തമാശകൾക്കിടയിൽ ഒരിക്കൽ ആ കക്ഷി പറയാ റജിലയെ വേണ്ടാന്ന് വെച്ച ഇവൻ ശരിക്കും പൊട്ടനാണ് എന്ന്. ഞങ്ങൾ ഞെട്ടിപ്പോയി അത് കേട്ട്. റജിലയെ ഞാൻ വേണ്ടാന്ന് വെച്ചെന്നോ? അവൾക്ക് വേറൊരാളെ ഇഷ്ടായിരുന്നു അത് കൊണ്ട് ഞാൻ ഒഴിഞ്ഞുമാറിയതാണ്. :ആ ഒരാൾ താനായിരുന്നു. :റജില അങ്ങനെ പറഞ്ഞോ : നേരിട്ട് പറഞ്ഞില്ല. അവളെന്റെ ഫ്രണ്ടായിരുന്നു പലപ്പോഴും അവളുടെ സംസാരത്തിൽ താൻ കടന്നു വരാറുണ്ടായിരുന്നു. നിർബന്ധിച്ചു ചോദിച്ചപ്പോൾ എനിക്ക് പറഞ്ഞു തന്നു തന്നെ പറ്റി. കൈവിട്ട് പോയ നല്ലൊരു സുഹൃത്ത് ആയിരുന്നു അവൾക്കു നീ.നിന്നെ പറ്റി പറയുമ്പോൾ നൂറു നാവായിരുന്നു അവൾക്ക്. ഇവിടെ വെച്ച് നിന്നെ കണ്ടപ്പോൾ അവൾക്ക് ഒരുപാട് സന്തോഷം ആയിരുന്നു.

നീ അവളെ പ്രൊപ്പോസ് ചെയ്തിരുന്നെങ്കിൽ തീർച്ചയായും അവൾ അസപ്റ്റ് ചെയ്തേനെ.നീയും റസിയയും തമ്മിൽ ഇഷ്ടത്തിലാണെന്ന് അറിഞ്ഞോണ്ടാ അവൾ അങ്ങനെ പറഞ്ഞത് അവൾക്ക് വേറെ ലവർ ഒന്നും ഇല്ല. :ഞാനും റസിയയും തമ്മിൽ ഇഷ്ടത്തിലാണെന്ന് ആരാ പറഞ്ഞേ :റജിലയാ എന്നോട് പറഞ്ഞത്. എന്താ സത്യം അല്ലേ :ഞാൻ റസിയയെ അങ്ങനെ ഒരിക്കലും കണ്ടിട്ടില്ല. അവൾ എന്നെ തെറ്റിധരിച്ചത്‌ ആണ്. അവൾക്ക് വേറെ ലവർ ഇല്ലന്ന് കേട്ടതും ഇവന്റെ മനസ്സിൽ ഉണങ്ങി കരിഞ്ഞ മോഹങ്ങൾ വീണ്ടും തളിർത്തു. ഇവൻ റജിലയെ കണ്ടു സംസാരിക്കാൻ തീരുമാനിച്ചു. അവളോട്‌ സംസാരിക്കാൻ ശ്രമിച്ചെങ്കിലും അവൾ നിന്നില്ല സഹികെട്ട് ഇവൻ ഒരിക്കൽ അവളേ തടഞ്ഞു നിർത്തി കാര്യം പറയാൻ ശ്രമിച്ചു.പോകാൻ നോക്കിയ അവളെ കയ്യിൽ കേറി പിടിക്കുകയും ചെയ്തു. അവൾ ഇവനെ തല്ലി. ഇന്ന് എന്നെ കണ്ടു റസിയയെ വേണ്ടെന്ന് വെച്ചു. നാളെ വേറൊരുത്തി വന്നാൽ അവളുടെ പിറകെയും പോകില്ലെന്ന് എന്താ ഉറപ്പ് എന്നും ഡയലോഗ് കാച്ചി.

അതും കുറച്ച് കുട്ടികളുടെ മുന്നിൽ വെച്ച്. മറ്റുള്ളവരുടെ മുന്നിൽ വെച്ച് നാണം കെട്ട ഇവന് പിന്നെ അവളോട്‌ ദേശ്യയിരുന്നു. ആ ദേഷ്യത്തിന് റസിയയോട് പോയി ഇഷ്ടന്ന് പറഞ്ഞു. കിട്ടിയ ചാൻസ് റസിയ നന്നായി മുതലാക്കുകയും ചെയ്തു.റജില കാണാൻ വേണ്ടി അവളുടെ മുന്നിൽ വെച്ച് ഉത്തമ പ്രണയ ജോഡികളായി ആടിപാടി നടക്കുകയും ചെയ്തു. ആയിടക്കാണ് എന്റെ കസിൻ റജിലക്ക് ആലോചനയുമായി പോയത്. ഇവനോട് പറഞ്ഞപ്പോൾ ഇവനാണ് പറഞ്ഞേ ആലോചനയുമായി മുന്നോട്ട് പോയിക്കൊന്ന്.അമൃതയും റസിയയും തമ്മിൽ എന്തോ കാര്യത്തിന് തെറ്റി. അമൃത ഇവനോട് ഫോൺ വിളിച്ചു റജില തല്ലാനുണ്ടായ കാരണം പറഞ്ഞു കൊടുത്തു. റസിയ റജിലയോട് പറഞ്ഞുവത്രേ ഇവനും റസിയയും തമ്മിൽ ഇഷ്ടത്തിലാണെന്നും അവളെ കണ്ടപ്പോൾ മുതൽ അവോയ്ഡ് ചെയ്യുകന്നും അത് കൊണ്ട് ദയവുചെയ്ത് നദീറിനെ കാണുകയോ മിണ്ടുകയോ ചെയ്യരുതെന്നും. വേറെയും എന്തൊക്കെയോ പറഞ്ഞു കരഞ്ഞെന്ന്. ആ ദേഷ്യാ റജില ഇവനോട് തീർത്തെ. അത് അറിഞ്ഞപ്പോൾ ഇവൻ റസിയയെ കട്ട് ചെയ്തു വീണ്ടും റജിലയുടെ അടുത്തേക്ക് തന്നെ എത്തി. റജില ഇവൻ പറഞ്ഞതൊന്നും വിശ്വസിക്കാൻ തയ്യാറായില്ല. മാത്രല്ല വീട്ടിലാണെങ്കിൽ കല്യാണാലോചന ഏകദേശം ഫിക്സും ആയല്ലോ

. ഇവൻ പെരുവഴിയും ആയി. :അപ്പോൾ റജില വൺ സൈഡ് ലവ് ആണല്ലേ നാസില പൊട്ടിചിരിച്ചോണ്ട് പറഞ്ഞു. ഇക്കാക്കാന്റെ പ്ലാൻ എന്താ ഇനി :അവളെ എനിക്ക് തന്നെ വേണം. ഇന്നും ഇന്നലെയൊന്നും അല്ല അവളെന്റെ മനസ്സിൽ കയറിയത് വർഷങ്ങളായി ഖൽബിൽ കേറിയിട്ട്. ഇനി ആര് വിചാരിച്ചാലും അത് മായുകയും ഇല്ല. :എന്നിട്ടാണോ റസിയയോട് പോയി ഇഷ്ടന്ന് പറഞ്ഞത്. :ഇഷ്ടന്ന് പറഞ്ഞതൊക്കെ സത്യാ. പക്ഷേ അവളോട്‌ ഞാൻ എല്ലാം പറഞ്ഞിരുന്നു റജിലയെ മറക്കാൻ പറ്റില്ലെന്നും പറഞ്ഞിരുന്നു . എനിക്ക് അവളെ വേണം ഇനി എന്ത് ചെയ്തിട്ടാണെങ്കിലും അവളെ കൊണ്ട് എന്നെ ഇഷ്ടന്ന് പറയിപ്പിക്കുകയും ചെയ്യും അവളെ കെട്ടുകയും ചെയ്യും. ഉപ്പാന്റെ കാർ വന്നത് കണ്ടു അവർ സംസാരം നിർത്തി. നല്ല ദേഷ്യത്തിൽ ആണ് കയറി വന്നത്.ഫോണിൽ ആരോടോ ദേഷ്യപ്പെട്ടു സംസാരിക്കുന്നും ഉണ്ട്. എന്തോ ആവിശ്യം ഉണ്ടെന്നും പറഞ്ഞു രാവിലെ പോയതാണ്. അവനോട് ഇനി പറയാൻ നിൽക്കണ്ട. അവനെക്കാൾ നല്ല ചെറുക്കനെ വേറേം കിട്ടും. എന്താ ഉപ്പ കാര്യം.

ആരോടാ ദേഷ്യപ്പെടുന്നെ എനിക്ക് വേണ്ടപ്പെട്ട ഒരു പെൺകുട്ടിയുടെ കല്യാണം ഞാൻ മുൻകൈ എടുത്തു നടത്താൻ ഇരുന്നതാ. ആ ആലോചന ആരോ മുടക്കിയെന്ന്. കല്യാണം മുടക്കിയെന്നോ നദീർ ഞെട്ടലോടെ ചോദിച്ചു എന്താ കാരണം :അവൾക്ക് ലവറുണ്ടെന്ന് ആരോ വിളിച്ചു പറഞ്ഞെന്ന്. :ശരിക്കും ഉണ്ടോ ഉപ്പ :ഇല്ല അവൾ ഒരു പാവം കുട്ടിയാണ്. ഞാൻ കണ്ടുപിടിച്ചോളാം അവന്മാരെ. കയ്യിൽ കിട്ടിയാൽ വെറുതെ വിടില്ല അവനെ.ആകെ നാണം കേട്ട പോലെയായി. ഞാനാ ചെറുക്കനെ കണ്ടു പിടിച്ചത്. ദേഷ്യത്തോടെ അതും പറഞ്ഞു ഉപ്പ അകത്തേക്ക് പോയി. പിന്നാലെ നാസിയും. നദീറും സാലിയും റജിലയുടെ വിഷയം വിട്ട് ഇതിന്റെ പിറകെയായി ചർച്ച. ഇങ്ങനെയുള്ളവരെ കണ്ടുപിടിച്ചു രണ്ടുപൊട്ടിക്കുകയാ വേണ്ടത്. അല്ലേൽ അവരെയെന്തിനാ പറയുന്നേ ഇമ്മാതിരി ആൾക്കാർ പറയുന്ന കേട്ട് കല്യാണത്തിന്ന് ഒഴിയുന്ന കെട്ടാൻ പോകുന്ന ചെറുക്കനെയാ തല്ലേണ്ടത് അവന് അന്വേഷിച്ചു നോക്കിക്കൂടെ. ഇതും കേട്ടോണ്ട് ആണ് നാസില തിരിച്ചു വന്നത്. :അത് ശരിയാ ഇക്കാക്ക അവനാണ് രണ്ടു കൊടുക്കേണ്ടത് നാസില പറഞ്ഞു. :ഈ കല്യാണം മുടക്കിയവരുടെ വീട്ടിലെ പെങ്കൊച്ചിനെ ഈ ഗതി വരണം എന്നാലേ ഇവരൊക്കെ പഠിക്കൂ :അത് വേണ്ട സാലിക്ക അവരെന്തു പിഴച്ചു

ഇമ്മാതിരി ഇക്കാക്കമാറ് ഉണ്ടായത് അവളുടെ തെറ്റല്ലല്ലോ. അല്ലാ ഈ കല്യാണം മുടക്കിയവരെ കിട്ടിയാൽ തല്ലുന്ന് പറഞ്ഞത് സത്യാണോ :പിന്നല്ലാതെ കിട്ടിയാൽ എപ്പം തല്ലീന്ന് ചോദിച്ചാൽ പോരേ. :എന്നാ ഇക്കാക്ക ആ അടി സലിക്കനെ അടി. പിന്നെ അവന്റെ ഇക്കാക്കനേയും. :നാസീ നീ എന്തൊക്കെയാ പറയുന്നേ :റജുലയാടാ ഉപ്പ പറയുന്ന പെൺകുട്ടി. :യാ അള്ളോ റജുലയൊ. സാലി വാ പൊളിച്ചു നിന്നു :നദീർ ഞെട്ടലോടെ ഒന്നും മിണ്ടാതെ നാസിയെ തന്നെ നോക്കി നിന്നു. :എന്താ രണ്ടാൾക്കും നാക്ക് ഇറങ്ങിപോയോ എന്തെല്ലാം ഡയലോഗ് ആയിരുന്നു. ഉപ്പ കട്ട കലിപ്പിലാ നിങ്ങളാണ് ഇതിന്റെ പിന്നിലെന്ന് അറിഞ്ഞാൽ പിന്നെ തീർന്നു രണ്ടും . അല്ലേലും നിങ്ങൾ പറഞ്ഞ പോലെ എന്റെ കല്യാണം മുടങ്ങിയാലേ നിങ്ങൾക്കും ആ സങ്കടം മനസ്സിലാവൂ. :ടീ നാസീ നിനക്ക് ആളുമറിയതാണോ. അല്ല ഉപ്പയോട് ചോദിച്ചു ഡീറ്റെയിൽസ്. സാലിയുടെ കസിൻ ആണ് ചെക്കൻ എന്ന് പറഞ്ഞു. അപ്പൊ റജിലയല്ലേ പെണ്ണ്. നദീർ ഒന്ന് മൂളി. ഉപ്പാക്ക് റജിലയുമായി എന്താ ബന്ധം അതറിയില്ല.

ഇത്രേം ദേഷ്യം വരണമെങ്കിൽ കാര്യമായി എന്തോ ഉണ്ട്. സുഹൃത്തിന്റെ മോൾ ആണെന്ന പറഞ്ഞത്. എന്നാലും എന്റെ ഇക്കാക്കക്ക് ഈ പെണ്ണിനേ കിട്ടിയുള്ളൂ പ്രേമിക്കാൻ.ഉപ്പ അന്വേഷിക്കുന്നുണ്ടത്രേ ഇതിന്റെ പിന്നിലാരാണെന്ന്. അവരങ്ങാനും സാലികനെ തിരിച്ചറിഞ്ഞാൽ..... എനിക്ക് ആലോചിക്കാൻ പോലും വയ്യ. :നീ പേടിക്കാതിരി നിന്റെ ഉപ്പ അറിയൊന്നും ഇല്ല. എന്റെ ഇക്ക എന്തായാലും എന്റെ പേര് പറയില്ല. :ഇക്കാക്കാന്റെ പ്ലാൻ എന്താ. വീണ്ടും അവളെ പിറകേ പോകാനാ. :എന്തു വന്നാലും അവളെ ഞാനാർക്കും വിട്ടു കൊടുക്കില്ല. :കൊടുക്കണ്ടാ മോൻ കെട്ടിപിടിച്ചോണ്ട് ഇരുന്നോ. അവൾക്ക് ഇഷ്ട്ടം ആണെന്ന് ഇതുവരെ പറഞ്ഞിട്ടില്ല. നീ അവളെ ശല്യം ചെയ്യുകയാണെന്ന് നിന്റെ ഉപ്പാനോട് അവൾ പറഞ്ഞാലോ സാലി ദേഷ്യത്തോടെ പറഞ്ഞു. :ഞാൻ അവളെ നോക്കുന്നതിന് ഉപ്പക്ക് സന്തോഷം ആയിരിക്കും. നോക്കിക്കോ. :ടാ പൊട്ടാ ഇപ്പം അവർക്ക് മുന്നിൽ നീ കല്യാണം മുടക്കിയവനാ .അതും നിന്റെ ഉപ്പാക്ക് നാണക്കേട് ഉണ്ടാക്കിയ സംഭവം ആണ് ഇത്. ആ ദേഷ്യം നിന്നോട് കാണിക്കില്ലെന്ന് എന്താ ഉറപ്പ്. നിന്റെ ഉപ്പക്കും ഉണ്ടാവും ദേഷ്യവും സങ്കടവുമൊക്കെ. :ഞാനിപ്പം എന്ത് വേണമെന്ന നിങ്ങൾ പറയുന്നേ

:തൽക്കാലം റജുലയെ അവളെ വഴിക്ക് വിട്ടേക്ക് ഇക്കാര്യം ആരോടും പറയുകയും വേണ്ട നാസിയുടെ കല്യാണം കഴിഞ്ഞു ഇനി അവളെപ്പറ്റി ചിന്തിച്ചാൽ മതി. :എന്ത് കഷ്ടകാലാന്ന് നോക്കണേ !എല്ലാ പ്രണയത്തിലും പെണ്ണിനും ചെറുക്കനും ഇഷ്ടവാത്തത് ആയിരിക്കും പ്രശ്നം. എനിക്ക് നേരെ തലതിരിച്ചും എങ്ങനേലും ഒന്ന് സെറ്റാകാൻ നോക്കുമ്പം കൃത്യായിട്ട് വന്നോളും ഓരോ നൂലാമാലകൾ നാസിയും സാലിയും പൊട്ടിച്ചിരിച്ചു എന്താണാവോ രണ്ടും ഇളിക്കുന്നത് അല്ലടാ നിന്റെ പറച്ചിൽ കേട്ടാൽ തോന്നും നിങ്ങൾ തമ്മിൽ മുടിഞ്ഞ പ്രണയം ആണെന്ന്. കണ്ട പെണ്ണിന്റെ ഒക്കെ പിറകേ പോയിട്ടല്ലേ ഇങ്ങനൊക്കെ ആയത് തെറ്റൊക്കെ ആർക്കും പറ്റും. എന്തായാലും അവളെ ഇനി വേറാർക്കും വിട്ടു കൊടുക്കില്ല. :ആദ്യം അവളുടെ വീട്ടുകാരുടെ അടുത്തുന്ന് തല്ലു കിട്ടാണ്ടിരിക്കാനുള്ള വഴി നോക്ക്. അവർക്ക് ഇത്രേം മൊഞ്ചുള്ള ചെക്കനെ എവിടുന്നു കിട്ടാനാ. അവർ രണ്ടു കയ്യും നീട്ടി സ്വീകരിക്കും. ഉവ്വുവ്വേ. മനക്കോട്ടയും കെട്ടി ഇരിക്ക്. * റജില പിന്നെ കോളേജിൽ വന്നില്ല. നദീർ അവളുടെ മൊബൈലിൽ വിളിച്ചു നോക്കി.

സ്വിച് ഓഫ്‌.ഇതുവരെ അഡ്രെസ്സ് പറഞ്ഞു കൊടുക്കാത്തൊണ്ട് എവിടെയാണെന്ന് വെച്ചാ അന്വേഷിക്കുക. . അവൻ ദിവസവും പ്രതീക്ഷയോടെ കോളേജ് വരെ പോയി നോക്കും. അവന് ആകെ വട്ടു പിടിക്കുന്ന പോലെ തോന്നി. കല്യാണത്തിരക്കിലും അവൻ റജിലയെ പറ്റി അന്വേഷിച്ചു കൊണ്ടിരുന്നു. ഒരാഴ്ചക്ക് ശേഷം വീട്ടിൽ ഉപ്പാന്റെ പെങ്ങളും മക്കളും ഒക്കെ നേരത്തെ എത്തി. അതിന് കാരണവും ഉണ്ട് ഉപ്പാന്റെ പെങ്ങൾക്ക് അവരുടെ മകളെ കൊണ്ട് നദീറിനെ കെട്ടിക്കാൻ ചെറിയൊരു പ്ലാനും ഉണ്ട് .അവർക്ക് രണ്ടു മക്കളാണ് അനസും അസീനയും. അനസ് ആയി നല്ല കമ്പനിയാണ്. സെയിം എയ്‌ജ്മാണ്. റജില മനസ്സിൽ ഉള്ളതോണ്ട് അവൻ അസിയെ തിരിഞ്ഞു നോക്കൽ കൂടി ഇല്ല. എല്ലാവരും ഫുഡ്‌ കഴിക്കാൻ ഇരുന്ന ടൈം ഉപ്പ പറഞ്ഞു. വീട്ടിൽ സഹായത്തിനു ഒരാളെ ഏർപ്പാടാക്കിട്ട് ഉണ്ട്. ഒരു ചെറിയ പെൺകുട്ടിയാണ്. എനിക്ക് അറിയുന്ന കുട്ടിയാണ്. ഗതികേട് കൊണ്ട് ജോലിക്ക് വരുന്നുന്നെ ഉള്ളു. ഒരു വേലക്കാരിയായി അവളെ ആരും കാണരുത്. നാളെ വൈകുന്നേരം അവൾ വരും.... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...