💟 സങ്കീർത്തനം 💟: ഭാഗം 41

രചന: കാർത്തിക

 അനഘയെ തിരഞ്ഞു ചെന്ന കീർത്തി കാണുന്നത് പരസ്പരം പുണർന്നു നിൽക്കുന്ന അനഘയേയും വിമലിനേയും ആണ്, കണ്ടത് വിശ്വസിക്കാനാവാതെ ഞെട്ടിത്തരിച്ചുപ്പോയി കീർത്തി. ഇവർ തമ്മിൽ എന്താ എന്നറിയാനാവാതെ മിഴിച്ചു നിന്നു അവൾ അവരെ തന്നെ ശ്രദ്ധിച്ചു. പരസ്പരം അകന്നു മാറി അവർ സംസാരിച്ചു തുടങ്ങി. " വിമലേട്ടനെ വിശ്വസിച്ചാ ഞാനിപ്പോൾ അടങ്ങിയിരിക്കുന്നത്, ഇല്ലെങ്കിൽ ഞാനെന്നേ അവൾക്കിട്ടൊരു പണി കൊടുത്തതേ...." " ഞാനൊരു വാക്കു പറഞ്ഞാൽ പറഞ്ഞതാ.... ഒരു പക്ഷേ നീ കരുതുന്നതിനേക്കാൾ പക എനിക്കവളോട് ഉണ്ട്.... തകർക്കണം എനിക്കവളേ എന്നന്നേക്കുമായി.... എന്റെ മനസ്സിലിപ്പോൾ വ്യക്തമായ ഒരു പ്ലാൻ ഉണ്ട്, അതിന് നിന്റെ ഹെൽപ്പും കൂടി എനിക്ക് വേണം... ..."

വൈരാഗ്യം കലർന്നൊരു ചിരിയോടെ അവൻ പറഞ്ഞു താനാണ് അവരുടെ സംസാര വിഷയം എന്ന് തിരിച്ചറിഞ്ഞ കീർത്തി തറഞ്ഞു നിന്നു പോയി. " ഞാൻ എന്തിനും റെഡിയാ, എങ്ങനെയെങ്കിലും അവരെ തമ്മിൽ പിരിക്കണം അതെന്റെ വാശിയാണ് ഇപ്പോൾ.... എന്നിട്ട് രുദ്രൻ സാറിനെ എനിക്ക് സ്വന്തമാക്കണം.... ഒന്നു ചോദിച്ചോട്ടേ... ശരിക്കും എന്താ നിങ്ങൾ തമ്മിലുള്ള പ്രോബ്ലം, കീർത്തിയെ എങ്ങനെ വിമലേട്ടനറിയാം എന്തെങ്കിലും റിലേഷൻ ഉണ്ടോ നിങ്ങൾ തമ്മിൽ..... " അനഘ ചോദിച്ചു. "അതൊക്കെ നീ അറിയാൻ സമയമാവുമ്പോൾ ഞാൻ തന്നെ മോൾക്ക് പറഞ്ഞു തരാം.... അതേ നിനക്ക് ആ രുദ്രനെ തന്നെ വേണോ... ഞാൻ കെട്ടാമെടി നിന്നെ....." അവളെ ചുഴിഞ്ഞ് നോക്കി കൊണ്ട് അവൻ പറഞ്ഞു.

"എനിക്ക് രുദ്രൻ സാറിനെ മാത്രം മതി....." ഒരു സംശയത്തോടെ വിമൽ അവളെ നോക്കി. " അപ്പോൾ എനിക്കു തന്ന വാക്കോ, കാര്യം കഴിയുമ്പോൾ നീ കാലു മാറുമോ...." അവൻ ചോദിച്ചു "ഒരിക്കലുമില്ല, അക്കാര്യത്തിൽ ഒരു സംശയം വേണ്ട.... പക്ഷെ ഞാൻ വിചരിച്ചത് നടക്കണം..... എങ്കിൽ നിന്റെ എല്ലാ ഇഷ്ടവും ഞാൻ സാധിച്ചു തരും..... " വശ്യമായ പുഞ്ചിരിയോടെ അവനെ നോക്കി ''അതുമതി പിന്നേ.... രുദ്രൻ നിന്നെ കെട്ടിയാലും ഇടയ്ക്കൊക്കെ എന്നെയും ഒന്നു പരിഗണിക്കണേ..... " അവന്റെ വാക്കുകൾക്ക് മറുപടിയായി അവളൊന്നു ചിരിച്ചു. "ച്ചീ..... ഇവൾ ഇത്രയ്ക്ക് വൃത്തികെട്ടവൾ ആയിരുന്നോ....." കീർത്തി പിറുപിറുത്തു. " നമ്മൾ വിചാരിക്കുന്നതു പോലെ എല്ലാം നടക്കും... എന്നാൽ ചാടിക്കയറി ഒന്നും ചെയ്യാനും പറ്റത്തില്ല..... ഇപ്പോൾ അവൾക്ക് സംരക്ഷകർ ഒരുപാട് ആണ് അഭിജിത്ത് ഉൾപ്പെടെ....

പിന്നെ അവളുടെ ഭർത്താവ് രുദ്രൻ അവളുടെ കൂടെ എപ്പോഴും കാണും അതുകൊണ്ട് ഒരു അവസരം കിട്ടുന്നതു വരെ നമ്മുക്ക് കാത്തിരിക്കാം..... നമ്മുടെ പദ്ധതികൾ എല്ലാം വിജയിച്ചിട്ടു വേണം എനിക്ക് ഒരു ഫുൾ ഡേ എന്റെ അനഘ കുട്ടിയോടൊപ്പം എൻജോയ് ചെയ്യാൻ...." അതും പറഞ്ഞവൻ അവളെ ചേർത്തു പിടിച്ച് ഭ്രാന്തമായി അവളുടെ ചുണ്ടുകളിൽ ചുംബിച്ചു. അതും കൂടി ആയപ്പോൾ കീർത്തി പിന്നെയവിടെ നിന്നില്ല, പുറത്തേക്ക് ഓടിയിറങ്ങി. 🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸 "ഇവളിതെവിടെപ്പോയി ..... ഇവിടിരിക്കാനാണല്ലോ ഞാൻ പറഞ്ഞത്..." കീർത്തിയെ തിരക്കി വാകമരച്ചുവട്ടിനടുത്തായി വന്ന സംഗീത് അവളെ കാണാഞ്ഞ് ചുറ്റും നോക്കി ''എന്താ രുദ്രാ.... എന്താ തിരയുന്നത്...." അങ്ങോട്ടേക്കായി വന്ന അഭിജിത്ത് ചോദിച്ചു "ഞാനൊരു സാധനം ഇവിടെ കൊണ്ടു വച്ചിരുന്നു ഇപ്പോൾ കാണാനില്ലാ..." "അതെന്താ.... "

അഭിയുടെ കൂട ഉണ്ടായിരുന്ന റിനു ചോദിച്ചു. "എന്റെ ഭാര്യ.... ചിന്നൂ.... " " ആഹാ.... അവൾ എവിടെപ്പോവാനാ.... ചിലപ്പോൾ ലൈബ്രറിയിലെങ്ങാനും കാണും......" റിനു " രുദ്രാ അവളിലൊരു ശ്രദ്ധ എപ്പോഴും വേണം.... വിമൽ ആണെങ്കിൽ ഒരു അവസരത്തിനായി തക്കം പാർത്തിരിക്കുവാ...... അവനെ പൂട്ടുന്നതു വരെ നമ്മൾ ജാഗ്രതയായിരിക്കണം.... ഇനിയും അധികം താമസിയാതെ ആ കർമ്മം അങ്ങ് നടത്തണം രുദ്രാ ഇല്ലെങ്കിൽ അപകടമാണ്.... " അഭിജിത്ത് പറഞ്ഞു. "ഞാൻ ശ്രദ്ധിക്കുന്നുണ്ടെടോ.... ഇപ്പോൾ പിന്നെ നമ്മോടൊപ്പം അവിടെ ഇരുത്താൻ പറ്റില്ലല്ലോ.... അതാ ഇവിടെ വെയിറ്റ് ചെയ്യാൻ പറഞ്ഞത്..... വിമലിനെ പൂട്ടാനുള്ള എല്ലാ നീക്കങ്ങളും നടക്കുന്നുണ്ട് ഉടനെ അറസ്റ്റ് കാണും..... എന്നാലും ഈ കുരിപ്പ് ഇതെവിടെപ്പോയി...." കീർത്തിയെ കുറിച്ച് അഭി പറയുമ്പോഴെല്ലാം റിനുവിന്റെ കണ്ണുകളിൽ തെളിഞ്ഞ അസൂയ സംഗീത് ശ്രദ്ധിച്ചിരുന്നു.

"അല്ലാ... ടീച്ചറെന്താ പോകുന്നില്ലേ.... " സംഗീത് " അത്.... ഞാൻ....അഭിസർ പോകുന്ന എന്നെ കൂടി ഒന്നു ഡ്രോപ്പ് ചെയ്യുമോന്ന് ചോദിക്കാനാ ഇങ്ങോട്ട് വന്നത്..... " റിനു "ആഹ്... ടീച്ചറെ, ഞാൻ കൊണ്ടാക്കിത്തരാം... ആദ്യം അവളെവിടെയെന്ന് ഒന്നു നോക്കട്ടേ..... രുദ്രാ നമുക്ക് ലൈബ്രറിയിൽ ഒന്നു പോയി നോക്കാം.... " അതും പറഞ്ഞ് അഭി മുന്നേ നടന്നു, പിറകെ സംഗീതും റിനുവിൽ നിന്നും അൽപ്പം മാറിയപ്പോൾ സംഗീത് അഭിയോട് പറഞ്ഞു തുടങ്ങി, "അഭി കഴിഞ്ഞതൊക്കെ മറന്ന് നീ ഒരു ജീവിതം തുടങ്ങണം.... എന്നും ഇങ്ങനെ നടക്കാനാണോ നിന്റെ പ്ലാൻ... പോയവൾ പോട്ടെ ഇനിയും അവൾക്ക് വേണ്ടി എന്തിനാ നീ നിന്റെ ജീവിതം കളയുന്നേ....." "എന്താടോ ഞാ‌ൻ കീർത്തിയുടെ കാര്യത്തിൽ ഇടപെടുന്നതു നിന്നെ ടെൻഷൻ ആക്കുന്നുണ്ടോ....." "ഹേയ്... അതൊന്നുമല്ലടോ....എനിക്ക് അറിയാം നിന്നെ, നിന്റെ മനസ്സിൽ ചിന്നുവിനുള്ള സ്ഥാനവും അറിയാം.... "

"പിന്നെന്താ ഇപ്പോൾ ഇങ്ങനെ പറയാൻ...." "ഡാ... നിന്റെ എല്ലാക്കാര്യങ്ങളും മനസ്സിലാക്കി ഒരാൾ വരികയാണെങ്കിൽ തീർച്ചയായും നീ ആ കുട്ടിയെ സ്വീകരിക്കണം......" " അതാരാ ഇപ്പോൾ അങ്ങനെയൊരാൾ... " '' ഉടനെ വരും....'' " നീ എന്തൊക്കെയാ രുദ്രാ പറയുന്നത്...." അഭിക്ക് മറുപടി കൊടുക്കാൻ തുടങ്ങുമ്പോഴാണ് ഓടിക്കിതച്ചു വരുന്ന കീർത്തിയെ സംഗീത് കാണുന്നത്, അവന്റെ നോട്ടം പോയിടത്തേക്ക് അഭിയും നോക്കി "ഡീ... കുരുത്തം കെട്ടതെ നീയിതെവിടെ പോയിരിക്കായിരുന്നു.... " " ഞാൻ..... അവിടെ... ലൈബ്രറിയിൽ...." കിതപ്പടക്കി അവൾ ഒരു വിധം പറഞ്ഞു "നീയെന്തിനാ ഇങ്ങനെ ഓടിയെ... നിന്നെ ഞാൻ അവിടിരിക്കാനല്ലേ പറഞ്ഞത്...." "അത്.... ഞാൻ... അവിടിരുന്നു... ബോറഡിച്ചപ്പോൾ വെറുതെ പോയതാ...." ഇടയ്ക്കിടെ തിരിഞ്ഞ് നോക്കി അവൾ പറഞ്ഞു...... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...