💟 സങ്കീർത്തനം 💟: ഭാഗം 51

രചന: കാർത്തിക

വിമലിനെ പോലീസ് കൊണ്ടുപോയതോടെ കുട്ടികളെല്ലാവരും പിരിഞ്ഞു പോയി. ബാക്കി അവിടുണ്ടായിരുന്നു ടീച്ചേഴ്സ് പലരും അവരെ സംശയത്തോടെ നോക്കിക്കൊണ്ട് പരസ്പരം എന്തൊക്കെയോ പറഞ്ഞു കൊണ്ട് നടന്നു നീങ്ങി... " കോളേജിനു തന്നെ ചീത്തപ്പേരാണ് ഇതു പോലെയുള്ള ചിലർ... എന്തായാലും എല്ലാം കലങ്ങി തെളിഞ്ഞല്ലോ വിമലിന്റെ കാര്യം ഇനി പോലീസ് നോക്കിക്കോളും ..... " അഭിയുടെ തോളിൽ തട്ടി അത്രയും പറഞ്ഞു കൊണ്ട് പ്രിൻസിയും പോയി. ഇപ്പോൾ അവർ മാത്രമായി അവിടെ . "ഡീ .... ആരെങ്കിലും വന്ന് എന്തെങ്കിലും പറഞ്ഞയുടനെ തന്നെ ചാടി പുറപ്പെട്ടോണം... നിനക്ക് രുദ്രേട്ടനെ ഒന്നു വിളിച്ചു നോക്കാൻ പോലും പറ്റിയില്ല അല്ലേ .....അല്ലെങ്കിൽ ഞങ്ങൾ അവിടെ ഉണ്ടായിരുന്നല്ലോ .... ഞങ്ങളോട് ഒരു വാക്ക് പോലും പറയാൻ നിനക്ക് കഴിഞ്ഞില്ല അല്ലേ... " ഉള്ളിലുള്ള എല്ലാ ദേഷ്യവും കീർത്തിയോട് തീർക്കുവാണ് അച്ചു. അവന്റെ വഴക്ക് കേട്ട് മങ്ങിയ മുഖത്തോടെ രുദ്രനടുത്ത് തന്നെ നിൽപ്പുണ്ടവൾ. "പോട്ടെ അച്ചു... രുദ്രൻ സാർ വിളിക്കുന്നു എന്ന് പറഞ്ഞപ്പോൾ അവൾ പെട്ടെന്ന് അതൊന്നും ഓർമ്മിച്ചു കാണില്ല ...

പ്രശ്നങ്ങൾ ഇങ്ങനെയൊക്കെ തീർന്നത് തന്നെ വല്യ കാര്യമാണ്..... " റിനു എല്ലാവരോടുമായി പറഞ്ഞു. " അതു തന്നെയാ മിസ് ഞാനും പറഞ്ഞത് ... ഏട്ടനെ അവിടേക്ക് വിളിപ്പിക്കാതെ ... അവനിവളെ ഉപദ്രവിക്കാൻ ശ്രമിച്ചിരുന്നെങ്കിലോ .... നമ്മൾ ആരെങ്കിലും അറിയുമായിരുന്നോ ...." അച്ചു എല്ലാവരുടെയും മുന്നിൽ വച്ച് ചേർത്തു പിടിച്ചവൻ ഇപ്പോൾ തന്നെയൊന്ന് നോക്കുന്നു പോലുമില്ല ... മുഖമാകെ ദേഷ്യം കൊണ്ട് വലിഞ്ഞു മുറുകിയിട്ടുണ്ട് ... പേടിയോടെ കീർത്തി പതിയെ രുദ്രന്റെ കൈയിൽ പിടിച്ചു. രൂക്ഷമായയൊരു നോട്ടത്തോടെ അവളുടെ കൈ വിടുവിച്ചു കൊണ്ടവൻ പോയി. "സാരമില്ലടോ... അവൻ ഒത്തിരി പേടിച്ചു അതാ ദേഷ്യപ്പെട്ടു പോയത് .... താൻ ചെല്ല് അവൻ സ്റ്റാഫ് റൂമിൽ ഉണ്ടാകും ...." അവൻ പോയ വഴിയെ നോക്കി വിഷമിച്ചു നിൽക്കുന്ന കീർത്തിയോടായി അഭി പറഞ്ഞു. "ശരിയാ .... നീ ചെല്ല് കീർത്തി സാറിന്റെ ദേഷ്യമൊക്കെ മാറും പൊയ്ക്കോ നേരം ഒത്തിരിയായില്ലേ .... " റിനുവും അവളോട് പറഞ്ഞു. " ടാ ... നീയും ദേവൂനേ ഹോസ്റ്റലിൽ ആക്കിയിട്ട് വീട്ടിൽ പോകാൻ നോക്ക് ... ഞാൻ വന്നോളാം...."

റിനുവിനെ ഒന്നു നോക്കിക്കൊണ്ട് അച്ചുവിനോട് അഭി പറഞ്ഞു. എല്ലാവരെയും ഒന്നു നോക്കി കീർത്തി സംഗീതിന്റെ അടുത്തേക്ക് പോയി. അച്ചു ദേവുവിനേയും കൂട്ടി പോയി. അഭിയും റിനുവും മാത്രമായി അവിടെ .... എന്ത് പറയണമെന്നറിയാതെ ഇരുവരും ഒരു നിമിഷം നിന്നു.. റിനുവിന് തന്നൊടുള്ള ഇഷ്ടം ഇതിനകം അഭി മനസ്സിലാക്കിയിരുന്നു. "റിനു ... തന്നെ ഞാൻ ഡ്രോപ്പ് ചെയ്യാം ...." അതിനവൾ ഒരു നോട്ടം കൊണ്ട് മാത്രം സമ്മതമറിയിച്ചു. ❤️❤️❤️❤️❤️❤️❤️❤️❤️❤️ കീർത്തി ചെല്ലുമ്പോൾ സംഗീത് പോകാനായി ഇറങ്ങിയിരുന്നു. അവളെയൊന്ന് നോക്കിക്കൊണ്ട് അവൻ പാർക്കിങ്ങിലേക്ക് പോയി. അവനു പിന്നാലെ അവളും. വീടെത്തുന്നതു വരെ മൗനമായിരുന്നു ഇരുവർക്കുമിടയിൽ. വീട്ടിലെത്തിയപ്പോൾ അമ്മയും അച്ഛനും എന്താ ഉണ്ടായതെന്നൊക്കെ ചോദിച്ചറിഞ്ഞു. രുദ്രൻ ഒന്നും മിണ്ടാതെ മുറിയിലേക്ക് പോയി, രേവതി ചേച്ചി വിവരങ്ങളൊക്കെ വിളിച്ചു പറഞ്ഞിരുന്നത്രേ. പിന്നെ അവിടുണ്ടായതൊക്കെ ഇരുവരോടും പറഞ്ഞു. സാരമില്ല ഒന്നും ഉണ്ടായില്ലല്ലോ പോട്ടെയെന്ന് പറഞ്ഞു ചേർത്തുപിടിച്ച് അമ്മ സമാധാനിച്ചപ്പോൾ.

പുറത്തേക്ക് വന്ന കരച്ചിൽ പിടിച്ചടക്കി കൊണ്ട് , ഫ്രഷായി വരാമെന്ന് പറഞ്ഞു കൊണ്ടവൾ റൂമിലേക്ക് പോയി. തന്റെ പ്രിയപ്പെട്ടവന്റെ നെഞ്ചിൻ ചൂടിലേക്ക് ഓടിയൊളിക്കാൻ മോഹിച്ചു പോയിരുന്നവൾ അവൾ ചെല്ലുമ്പോൾ സംഗീത് ഫ്രഷായി താഴേക്ക് പോകാൻ തുടങ്ങുവായിരുന്നു. തന്നെ കണ്ടിട്ടും കാണാതെ പോകാൻ തുടങ്ങുന്നവനെ പുറകിൽ നിന്നും വിളിച്ചവൾ, എന്നാൽ അവൻ അത് കേൾക്കാത്ത പോലെ പുറത്തേക്ക് പോയി . വിങ്ങുന്ന മനസോടെ അവളും ഫ്രഷാവാനായി പോയി. ❤️❤️❤️❤️❤️❤️❤️❤️❤️❤️❤️❤️ " സർ ... ഞാനൊരു കാര്യം ചോദിച്ചോട്ടെ ...." ഒരുമിച്ചുള്ള യാത്രയിൽ റിനു അഭിയോട് ചോദിച്ചു. "എന്താടോ ഇന്നു നടന്ന സംഭവത്തിൽ എനിക്കെന്തെങ്കിലും പങ്കുണ്ടോന്ന് അറിയാനാണോ .... താൻ വിശ്വസിക്കുന്നുണ്ടോ ഞാൻ അങ്ങനെ ചെയ്യുമെന്ന് .... മുൻപ് ചെയ്തിട്ടുണ്ട് അതിൽ ഞാനിന്നു ഖേദിക്കുന്നുമുണ്ട്.....പക്ഷെ ഇക്കാര്യത്തിൽ സത്യമായിട്ടും എനിക്കൊരു അറിവും ഇല്ല.... വിമലിന്റെ കുടുംബവുമായുള്ള ബന്ധം ഞാനെന്നോ ഉപേക്ഷിച്ചതാണ് ....." മങ്ങിയ മുഖത്തോടെ അഭി പറഞ്ഞു

" ഏയ് സർ ഞാൻ ... അതൊന്നുമല്ല ചോദിക്കാനുദ്ധേശിച്ചത് .... സാറിങ്ങനെ വറീഡാവേണ്ട കാര്യമൊന്നുമില്ല ... ഇതെല്ലാം അവന്റെ പണിയാണെന്ന് എന്നെപ്പോലെ തന്നെ എല്ലാവർക്കും അറിയാല്ലോ....." " പിന്നെ താനെന്താ ചോദിക്കാൻ വന്നെ ...." " ഏയ് .... അത് ... വിജിതയുടെ കാര്യമാണ്... സാറിന് അവളോട് ഇപ്പോഴും ഇഷ്ടമുണ്ടോ ...." അതു കേട്ടവൻ കാർ ഒരു സൈഡിലായി ഒതുക്കി നിർത്തി. "അറിഞ്ഞിട്ടെന്തിനാ ...." ഒരു കുസൃതി ചിരിയോടെയവൻ ചോദിച്ചു " ഒന്നിനുമല്ല ...." ചമ്മിയ മുഖത്തോടെ അവൾ "തനിക്കെന്തു തോന്നുന്നു ....എന്റെ മനസ്സിൽ അവളുണ്ടോ ...." "എനിക്കെങ്ങനെ അറിയാനാ...." കുറുമ്പോടെ അവൾ പറഞ്ഞു. " എന്നാലെ ഞാൻ പറയട്ടെ...' അവളുടെ മുഖത്തിനോട് ചേർന്ന് അവൻ ചോദിച്ചു. അവൾക്ക് വല്ലാത്തൊരു പരവേശം തോന്നി അത്രയും അടുത്ത് അവനെ കണ്ടപ്പോൾ " എന്റെയുള്ളിൽ അവളിപ്പോഴില്ല.... പകരം മറ്റൊരാളെ കൂടിയിരുത്തിയാലോ എന്നാലോചിക്കുവാ..." "അതാര ...." കണ്ണ് മിഴിഞ്ഞ് അവൾ ചോദിച്ചു. മറുപടി പറയുന്നതിനു പകരം അവളുടെ കൈകളിൽ അവന്റെ കൈ കോർത്ത് പിടിച്ചു. ഒരു ഞെട്ടലോടെ അവനെ മുഖമുയർത്തി നോക്കിയവൾ. " എന്നെ വിശ്വാസമാണോ ...." "ഉം...."

" ഞാൻ കൂടെ കൂട്ടിക്കോട്ടെ മുന്നോട്ടുള്ള എന്റെ ജീവിതത്തിൽ ....തനിക്ക് എന്നോട് ഒരിഷ്ടമുണ്ടെന്ന് എനിക്ക് പലപ്പോഴും തോന്നിയിട്ടുണ്ട് ..... ഉണ്ടോ .." നാണത്താൽ കുതിർന്നൊരു പുഞ്ചിരിയായിരുന്നു അവളുടെ മറുപടി " എന്റെ പാസ്റ്റ് ഒക്കെ തനിക്ക് അറിയാല്ലോ , തന്റെ ഫാമിലിക്ക് പൂർണ്ണ സമ്മതമാണെങ്കിൽ മാത്രം ഞാൻ നിന്നെ സ്വന്തമാക്കും ...." "അവർക്ക് ഒക്കെ അറിയാം ഞാൻ പറഞ്ഞിട്ടുണ്ട്..... എതിർപ്പൊന്നുമുണ്ടാവില്ല..." " എന്നാൽ ഞാൻ എന്റെ അച്ഛനേയും അമ്മയേയും കൂട്ടി വന്നോട്ടേ തന്നെ പെണ്ണ് ചോദിക്കാൻ....." അവൾ സമ്മതത്തോടെ മുളി. ❤️❤️❤️❤️❤️❤️❤️❤️❤️❤️ കീർത്തി ഫ്രഷായി താഴേക്ക് ചെല്ലുമ്പോൾ ഹരിയും രേവതിയും എത്തിയിരുന്നു. ഇന്നത്തെ കാര്യങ്ങളൊക്കെ ചർച്ച ചെയ്യുകയാണവർ. വിമലിനെ നാളെ കോടതിയിൽ കൊണ്ടു പോകും ... എന്നൊക്കെ പറയുന്നുണ്ട്. " വീട്ടിൽ വിളിച്ചു പറഞ്ഞോ കീർത്തി ഇക്കാര്യം ...." ഹരി അവളെ കണ്ടപ്പോൾ ചോദിച്ചു. " ഇല്ലേട്ടാ...." " എന്നാൽ പറയണ്ട ... വെറുതെ അവരെ ക്കൂടി വിഷമിപ്പിക്കണ്ടാ ...." "ഉം...." മൂളി കൊണ്ടവൾ രുദ്രന്റെ മുഖത്തേക്ക് നോക്കി അവൻ ഇതൊന്നും ശ്രദ്ധിക്കാതെ കാശി മോളെയും കളിപ്പിച്ചു കൊണ്ടിരിക്കുവാണ്. രാത്രി ഭക്ഷണമൊക്കെ കഴിച്ചിട്ടാണ് അവർ തിരികെ പോയത്. ജഗ്ഗിലെടുത്ത വെള്ളവുമായി കീർത്തി റൂമിലേക്ക് ചെല്ലുമ്പോൾ ഫോണിൽ എന്തൊ നോക്കുവായിരുന്നു രുദ്രൻ, അവളടുത്തേക്ക് ചെല്ലുമ്പോൾ തന്നെ അവിടെ നിന്നും എഴുന്നേറ്റ് പോകാൻ തുടങ്ങി ....

എന്നാൽ അതിനനുവദിക്കാതെ അവനെ ചുറ്റിപ്പിടിച്ചു കൊണ്ടവൾ നെഞ്ചിൽ മുഖം പൂഴ്ത്തി. " എന്നോടിങ്ങനെ മിണ്ടാതിരിക്കുമ്പോൾ എനിക്ക് സഹിക്കാനാവുന്നില്ല ഏട്ടാ .... പ്ലീസ് ഏട്ടാ ...എന്നോട് പിണങ്ങല്ലേ .... ഞാൻ .... ഞാൻ .... എനിക്ക് .... പറ്റുന്നില്ല ...." ഒരു പൊട്ടിക്കരച്ചിലോടെ അവൾ പറഞ്ഞു. അവളുടെ സങ്കടം കണ്ടപ്പോൾ തന്നെ അവന്റെ ദേഷ്യമെല്ലാം അലിഞ്ഞില്ലാതായി. അവനും അവളെ തന്നിലേക്ക് ചേർത്തുപിടിച്ചു, തലയിൽ തലോടി ആശ്വസിപ്പിച്ചു. സങ്കടമൊന്നൊതുങ്ങിയപ്പോൾ അവൾ മുഖമുയർത്തി അവനെ നോക്കി. " എന്താടി ... " "മ്‌ഹും...." "നിന്നോട് ഞാൻ പറഞ്ഞതല്ലേ ചിന്നു ..... ഒറ്റയ്ക്ക് എങ്ങും പോകരുതെന്ന് .... അഭിയുടെ മെസ്സേജ്‌ കണ്ടപ്പോൾ ഞാനെന്തു മാത്രം പേടിച്ചെന്നറിയുമോ ....മ്...." "ഞാൻ .... ഏട്ടനാ എന്നെ വിളിച്ചതെന്ന് കരുതിയാ അവിടേക്ക് പോയത് ... " "നിന്റെ കൈയ്യിൽ ഫോണില്ലായിരുന്നോ ... എന്നെയൊന്ന് വിളിക്കാൻ അറിയില്ലായിരുന്നോ നിനക്ക് .... അവൻ നിന്നെ ഉപദ്രവിച്ചിരുന്നെങ്കിലോ .... " " ഇനിയും ഇങ്ങനെ എന്നെ കുറ്റപ്പെടുത്തല്ലേ ഏട്ടാ....പ്ലിസ് അറിയാതെ പറ്റിയതാ .... ഇനി ഇങ്ങനെ ഉണ്ടാവില്ലാ ...." "പോട്ടെ ....സാരമില്ല ... " പരാതിയും പരിഭവവും അവരുടെ പ്രണയച്ചൂടിൽ മുങ്ങി ....അവന്റെ മാറിൽ തല ചായ്ച്ച് ആ ഹൃദയ താളം കേട്ട് അവൾ കിടന്നു. തന്റെ പ്രിയപ്പെട്ടവളെ മാറോട് ചേർത്ത് അവനും ഉറക്കമായി.... ❤️❤️❤️❤️❤️ അങ്ങകലെ പുതിയൊരു ജീവിതം സ്വപ്നം കണ്ട് രണ്ടു പേർ ഉറക്കത്തെ കൂട്ടുപിടിച്ചു ...... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...