💕മൗനാനുരാഗം💕: ഭാഗം 16

എഴുത്തുകാരി: ദിവ്യ സാജൻ

ഇടിയുടെ ആഘാതത്തിൽ ഗീതു തെറിച്ചു റോഡിലേക്ക് വീണു....നിലവിളി കേട്ട് തിരിഞ്ഞു നോക്കിയ ജോൺ കാണുന്നത് രക്തത്തിൽ കുളിച്ചു കിടക്കുന്ന ഗീതുവിനെ...ആ കാഴ്ച അവനെ സ്തംഭിപ്പിച്ചു.....അവന്റെ കാലുകൾ മുന്നോട്ട് ചലിക്കാത്തതു പോലെ തോന്നിയവന്....ഉടനെ ധൈര്യം സംഭരിച്ച് അവളുടെ അരികിലേക്ക് ഓടി....നിലത്തു കിടന്നവളെ കോരി മടിയിലേക്ക് വച്ചു.... ഗീതു.....അയ്യോ......ഗീതു കണ്ണ് തുറക്ക്.....അവൻ പരിഭ്രാന്തിയോടെ അവളെ തട്ടി വിളിച്ചു...... ജോൺ.....എനിക്ക്....വേദനിക്കുന്നു.....വേ....വേദന സഹിക്കാൻ പറ്റുന്നില്ല......

പാതി മറഞ്ഞ ബോധത്തിൽ വാക്കുകൾ കൂട്ടിപെറുക്കി അവൾ എന്തൊക്കെയോ പറയുന്നുണ്ടായിരുന്നു.... ഇല്ലടാ.....ഒന്നൂല്ല....നമുക്ക് ഹോസ്പിറ്റലിൽ പോവാം......അവൻ അവളെ കോരിയെടുത്ത് നേരെ ഹോസ്പിറ്റലിലേക്കോടീ.... ഗീതുവിനെ നേരെ ക്യാഷ്വാലിറ്റിയിലേക്ക് കൊണ്ടു പോയി....മുറിവൊക്കെ ഡ്രസ്സ് ചെയ്യുകയായിരുന്നു...... ഈ സമയം ജോൺ ആകെ തകർന്ന മനസ്സുമായി പുറത്ത് നിപ്പുണ്ടായിരുന്നു..... _____💕💕💕💕💕 നാഥുവും ഗൗരിയും രാവിലെ ജോലിക്ക് പോകാനുള്ള തയ്യാറെടുപ്പിലായിരുന്നു....

.രാവിലെ തന്നെ അടുക്കളയിലെ ജോലികളെല്ലാം ഗൗരിയും ജാനകിയും കീർത്തി യും ചേർന്ന് ചെയ്തു തീർത്തിരുന്നു..... ഗൗരി സാരിയൊക്കെ ചുറ്റി പോകാനായി റെഡിയാവുകയായിരുന്നു....അപ്പോഴേക്കും നാഥു കുളിയൊക്കെ കഴിഞ്ഞ് വന്നിരുന്നു.... നീ ഒരുങ്ങിക്കഴിഞ്ഞോ നന്ദാ.....അവളെ അവനഭിമുഖമായ് തിരിച്ചു നിർത്തിക്കൊണ്ട് ചോദിച്ചു...... മ്മ്.....പുഞ്ചിരിയോടെ തലയാട്ടിയിരുന്നവൾ...... നാഥു അവളുടെ മുഖത്തു തന്നെ ഉറ്റുനോക്കിക്കൊണ്ട് നിന്നു....

താൻ ചാർത്തിയ താലിയും സീമന്ത രേഖയിലെ സിന്ദൂരവും...പെണ്ണിന്റെ സൗന്ദര്യത്തിന് മാറ്റ് കൂട്ടിയത് പോലവന് തോന്നി.....അവനറിയാതെ തന്നെ അവന്റെ മുഖം അവളിലേക്കടുപ്പിച്ചു... ഈ സമയം ഗൗരിയുടെ പീലി കണ്ണുകൾ പിടക്കുന്നുണ്ടായിരുന്നു..അവന്റെ ചുടു നിശ്വാസം അവളുടെ ഹൃദയമിടിപ്പിന്റെ വേഗത കൂട്ടി അവന്റെ കണ്ണുകളിൽ അപ്പോഴും പ്രണയം മാത്രമായിരുന്നു......അധികം വൈകാതെ ഒട്ടും കളങ്കമില്ലാത്ത പ്രണയത്തോടെ തന്നെ അവൻ അവളുടെ അധരം സ്വന്തമാക്കിയിരുന്നു....... നാഥു അവളിൽ നിന്നും അടർന്ന് മാറിയപ്പോൾ ഗൗരി ശ്വാസം ആഞ്ഞു വലിച്ചു... അത് കാണെ അവനിൽ കുസൃതിച്ചിരി വിരിഞ്ഞു.......

ഗൗരി ചമ്മലോടെ തിരിഞ്ഞു നിന്നു... അവൻ അവളെ തിരിച്ചു നിർത്തിക്കൊണ്ട് തുടർന്നു.... നന്ദാ....എനിക്ക് നിന്നോട് ഒരു കാര്യം പറയാനുണ്ട്...അതെപ്പോഴും നിന്റെ മനസ്സിലുണ്ടാവണം....നീ ഇനി മുതൽ പുറത്തേക്ക് ഒരിക്കലും ഒറ്റക്ക് പോവരുത്.....കീർത്തിയേയും ഒപ്പം കൂട്ടണം....അല്ലെങ്കിൽ മറ്റാരെയെങ്കിലും....ഒരിക്കലും ഒറ്റക്ക് പുറത്തേക്ക് പോവരുത്.........ഇനി മുതൽ കീർത്തിയും നിന്നോടൊപ്പം വരും.....ഇന്നലെ ഞാൻ അവൾക്ക് അവിടെ തന്നെ അഡ്മിഷൻ റെഡിയാക്കി....കുറച്ചു നാളായി ഫാഷൻ ഡിസൈനിംഗ് പഠിക്കണമെന്ന് പറയുവായിരുന്നവൾ....രാവിലെ ഞാൻ കൊണ്ട് ചെന്നാക്കാം രണ്ടാളേയും.....വൈകിട്ട് ഒന്നിച്ചു വന്നാ മതി.....

പിന്നെ എപ്പോഴും ഫോൺ കൈയിൽ തന്നെ കരുതിക്കോണം....എന്തെങ്കിലും ഉണ്ടെങ്കിൽ ഉടനെ തന്നെ എന്നെ വിളീച്ചറിയിക്കുകയും വേണം....ഇതൊക്കെ പറയുമ്പോൾ അവന്റെ മുഖത്ത് നിഴലിച്ച ആകുലത അവൾ കാണുന്നുണ്ടായിരുന്നു..... അ....ആ....ബ് (ഇപ്പൊ എന്തിനാ നാഥുവേട്ടാ ഇങ്ങനൊക്കെ പറയുന്നത്......എന്തേലും പ്രശ്നോണ്ടോ...നാഥുവേട്ടനും മുത്തശ്ശിയും മാത്രം അറിയുന്ന എന്തൊ കാര്യം എന്നിൽ നിന്നും മറയ്ക്കാൻ നോക്കുന്നുണ്ട് എന്താ അത്....) ഇപ്പൊ തന്നെ അറിയണോ....കുറുമ്പൊടെ മീശ മുറുക്കിക്കൊണ്ട് അവളിലേക്ക് ഒന്ന് കൂടി ചേർന്ന് നിന്നു കൊണ്ടവൻ ചോദിച്ചു......

പെട്ടെന്ന് ഗൗരി സ്വയം ചുണ്ടുകൾ കൈകളാൽ പൊത്തിപ്പിടിച്ചു കൊണ്ട് തിരിഞ്ഞു നിന്നു.... അവളുടെ കാട്ടിക്കൂട്ടലുകൾ കണ്ട് അവന് ചീരിപൊട്ടിയിരുന്നു..... പെട്ടെന്ന് നാഥുവിന്റെ ഫോണിലേക്ക് ജോണിന്റെ കോൾ വന്നു...മറു തലക്കൽ നിന്നുളള വാർത്ത കേട്ട് അവൻ തരീച്ചു നിന്നു..... നന്ദാ......വേഗം റെഡിയാവ്...നമുക്കൊരിടം പോണം.....ഇന്ന് നീ പഠിപ്പിക്കാൻ പോവുന്നില്ല...അതും പറഞ്ഞുകൊണ്ട്.....ദൃതിയിൽ തന്നെ റെഡിയാവാൻ തുടങ്ങി.... അ....ആ... ഞാൻ പറഞ്ഞില്ല.....ഇനിയെന്തെങ്കിലും ഉണ്ടെങ്കിൽ പിന്നെ സംസാരിക്കാം...അതും പറഞ്ഞുകൊണ്ട്....അവളുടെ കൈയിൽ പിടിച്ചു കൊണ്ട് വേഗം പുറത്തേക്ക് പോയി....

ഉമ്മറത്ത് ചെന്നപ്പോൾ ജാനകിയും കീർത്തിയും ഇരിപ്പുണ്ടായിരുന്നു.... നിങ്ങൾ റെഡിയായോ....ഞാനിപ്പോ വരാം. ..അതും പറഞ്ഞുകൊണ്ട് കീർത്തി പോകാൻ തുടങ്ങി.... കീർത്തി ഇന്ന് ക്ളാസിൽ പൊവണ്ട.....കീർത്തിയെ തടഞ്ഞു കൊണ്ട് നാഥു പറഞ്ഞു ... .ഗൗരി നീ പോയി കാറിലിരിക്ക് ഞാൻ വന്നേക്കാം...അവനെ തന്നെ നോക്കി നിന്ന ഗൗരിയോടായി പറഞ്ഞു. ... ഉടനെ ഗൗരി കാറിനടുത്തേക്ക് പോയി.... ഈ നാഥുവേട്ടനിതെന്താ പറ്റിയേ.....എന്തോ പ്രശ്നം ഉണ്ട്..

.ആ കോൾ വന്നതു മുതലാ ഇങ്ങനൊക്കെ ആരാവും വിളിച്ചിട്ടുണ്ടാവുക.....(ഗൗരി ആത്മ ) എന്താ നാഥൂട്ടാ....എന്തെങ്കിലും പ്രശ്നണ്ടോ....നാഥുവിന്റെ മുഖത്തെ പരവേശം കണ്ട് ജാനകി ചോദിച്ചു... അമ്മാ അത്....ഗീതുവിനൊരാക്സിഡന്റ് പറ്റി...ഹോസ്പിറ്റലിൽ അഡ്മിറ്റ് ചെയ്തിരിക്കാ.....ഞങ്ങളൊന്ന് പോയിട്ട് വരാം കൂടുതലൊന്നും അറിയില്ല.....അവിടെ എത്തിയിട്ട് വിളിക്കാം അതും പറഞ്ഞു കൊണ്ട് അവനവിടെ നിന്നും ഇറങ്ങി.... _____💕💕💕💕💕

ഡോ.ഗീതികയുടെ ആരാ വന്നിട്ടുളളത്.....ഒരു ഡോക്ടർ വന്നു ചോദിച്ചു..... ജോൺ അവരുടെ അടുത്തേക്ക് ചെന്നു.... ഞാനവരുടെ ഫ്രണ്ടാ.....ഞാനാ ഗീതുവിനെ കൊണ്ട് വന്നത്....ഗീതുവിനിപ്പോ എങ്ങനുണ്ട് സിസ്റ്റർ..... പേടീക്കാനൊന്നുമില്ല ....നെറ്റി പൊട്ടീട്ടുണ്ട്.....കൈയിൽ ചെറിയ പൊട്ടലുണ്ട് റെസ്റ്റെടുക്കേണ്ടി വരും......കുറച്ചു കഴിഞ്ഞ് റൂമിലേക്ക് ഷിഫ്റ്റ് ചെയ്യാം. .. അത് കേട്ട് കഴിഞ്ഞ് ജോൺ ദീർഘമായി നിശ്വസിച്ചു..... അപ്പോഴേക്കും നാഥു ഗൗരിയെയും കൊണ്ട് ഹോസ്പിറ്റലിൽ എത്തിയിരുന്നു......ഹോസ്പിറ്റലിൽ കയറിയപ്പോ തന്നെ ഗൗരിക്ക് ടെൻഷൻ ആയി..... അ...ആ...അ..നാഥുവേട്ടാ നമ്മളെന്താ ഇവിടെ.........................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...