💕മൗനാനുരാഗം💕: ഭാഗം 20

എഴുത്തുകാരി: ദിവ്യ സാജൻ

ഉളളിൽ നിറഞ്ഞ ഭയത്തെ പുറത്ത് കാട്ടാതെ ഗൗരി കിരണീനെ രൂക്ഷമായി നോക്കിയിട്ട് മുന്നോട്ട് നടക്കാൻ ആഞ്ഞതും അവൻ അവളുടെ കൈ തണ്ടയിൽ പിടി മുറുക്കിയിരുന്നു...... ആംഗ്യഭാഷയിലൂടെ വിടുവിക്കാൻ അവൾ അവനോട് പറയുന്നുണ്ടായിരുന്നു..... അടങ്ങി നിക്കടീ ....എത്ര നാളായിട്ട് ഞാൻ കൊതിക്കാണെന്നറിയൊ.....നിന്നെ ഒന്ന് കൈയിൽ കിട്ടാൻ.....ഇന്ന് നീ എനിക്കുളളതാ..... കിരണിന്റെ പറയുന്നത് കേട്ട് ഗൗരിക്ക് തലകറങ്ങുന്ന പൊലെ തോന്നി.....അവൾ സർവ്വ ശക്തിയുമെടുത്ത് അവളുടെ കൈതണ്ട മേലുളള അവന്റെ കൈ അകത്തിമാറ്റി...മുന്നോട്ട് ഓടാൻ തുടങ്ങി......

വശ്യമായ ചിരിയോടെ കിരൺ അവളെ നോക്കി നിന്നിട്ട് വേഗം അവന്റെ കാറിൽ കയറി ഗൗരിക്ക് പിറകെ പോയി.....ഗൗരി തിരിഞ്ഞു നോക്കുമ്പോൾ കിരൺ പിന്നാലെയുണ്ടെന്ന് കണ്ട് അടുത്ത് കണ്ട ഇടുങ്ങിയ ഒരു ഇടവഴിയിലൂടെ മുന്നോട്ട് നീങ്ങി....കാറു പോയിട്ട് ഒരു ടൂ വീലറിന് പോവാനുള്ള സ്ഥലം തന്നെ കുറവായിരുന്നു... പക്ഷെ കിരൺ ആ ഇടവഴി തീരുന്നടുതിനടുത്തുളള വലിയ റോഡിൽ ഗൗരി കാണാതെ വണ്ടി നിർത്തി കാത്തിരുന്നു.....ഒപ്പം കൈയിൽ കരുതിയ ക്ളോറോഫോമും എടുത്തു.... ഗൗരി ഇടവഴി നടന്ന് റോഡിലെത്തിയതും അവൾക്ക് മുന്നിലായ് നാഥുവിന്റെ കാർ വന്നു നിന്നു...

തലയുയർത്തി നോക്കുമ്പോൾ തന്നെ നോക്കി പുഞ്ചിരിയോടിരിക്കുന്ന വനെ കണ്ട് ഉളളിലുണ്ടായിരുന്ന ഭയമൊക്കെ ആവിയായി പുറത്തേക്ക് പോയി...... അവൻ കോ ഡ്രൈവിംഗ് സീറ്റിന് നേരെയുള്ള ഡോർ തുറന്നു കൊടുത്തു...അവൾ അതിലേക്കു കയറി... വൈകാതെ നാഥു കാറു മുന്നോട്ട് പായിച്ചു.... ഈ രംഗം കണ്ടു കൊണ്ട് നിന്ന കിരൺ പല്ലു ഞെരിച്ച് കൊണ്ട് അവരെ നോക്കുന്നുണ്ടായിരുന്നു.....കാറിൽ മിററിൽ കൂടി നാഥു കിരണിനെ കാണുന്നുണ്ടായിന്നു...ഈ സമയം അവന്റെ മുഖത്ത് ഒരു പുച്ഛച്ചിരി തെളിഞ്ഞു...... ഗൗരി വേഗം നാഥുവിന്റെ തോളിലേക്ക് ചാഞ്ഞു....പക്ഷെ നടന്ന കാര്യങ്ങളൊന്നും നാഥുവിനോട് പറയാനുളള ധൈര്യം അവൾക്കുണ്ടായില്ല......

ദേഷ്യം വന്നാൽ നാഥുവിനെ നിയന്ത്രിക്കാൻ കഴിയില്ലെന്ന് അവൾക്ക് നന്നായി അറിയാമായിരുന്നു..... _____💕💕💕💕💕💕 ഗീതുവിന്റെയും ജോണിന്റെയും വിവാഹക്കാര്യം ശാരദാമ്മയും ത്രേസ്യയും ചേർന്ന് തീരുമാനിച്ചു......വലിയ ആഡംബരങ്ങളില്ലാതെ അടുത്തു തന്നെയുള്ള ഓഡിറ്റോറിയത്തിൽ വച്ച് നടത്താനാണ് തീരുമാനിച്ചത്......രണ്ടു പേരുടെയും വിവാഹം നിശ്ചയിച്ചിരിക്കുന്ന കാര്യം തത്കാലം വേറൊരെയും അറിയിക്കണ്ടാന്നവർ തീരുമാനിച്ചു...... ദിവസങ്ങൾ കടന്നു പോയിക്കൊണ്ടിരുന്നു.....

ഗീതുവിന്റെ കൈയിലെ പ്ളാസ്റ്റർ അഴിക്കേണ്ട ദിവസം ഗൗരിയും നാഥുവും കൂടി അവളെ ഹോസ്പിറ്റലിൽ കൊണ്ട് പോയി....പ്ളസ്റ്റെക്കെ മാറ്റിയ ശേഷം ചെയ്യാനുള്ള വ്യായാമങ്ങളൊക്കെ ഡോക്ടർ പറഞ്ഞു കൊടുത്തു....അവളെ വീട്ടിൽ കൊണ്ട് ചെന്നാക്കിയ ശേഷം ഗൗരി നാഥുവിനൊപ്പം പത്മനാഭത്തിലേക്ക് മടങ്ങി... രണ്ടു ദിവസം കൂടി കഴിഞ്ഞാൽ കീർത്തിയുടെ വിവാഹമാണ്....വിവാഹത്തിന് വേണ്ട എല്ലാ ഒരുക്കങ്ങളും പൂർത്തിയായിരുന്നു..... ഗൗരി പത്മനാഭത്തിൽ വന്നിട്ടും നാഥുവിനോട് സംസാരിക്കാൻ കൂടി കഴിഞ്ഞില്ല...രാത്രി അടുക്കളയെല്ലാം ഒതുക്കി ഗൗരി കുളി കളിഞ്ഞ് റൂമിലേക്ക് വന്നപ്പോഴേക്കും നേരം ഒരുപാട് വൈകിയിരുന്നു എന്നിട്ടും നാഥു എത്തിയിട്ടില്ലായിരുന്നു....

പുറത്ത് നല്ല മഴയുണ്ടായിരുന്നു ...അവൾ വേഗം ജാനകിയുടെയടുത്തേക്ക് ..... അ...ആ..അ.....(.നാഥു വേട്ടൻ ഇതുവരെ എത്തീല്ലല്ലോ...അമ്മാ എങ്ങോട്ടാ പോയതെന്ന് അമ്മയോട് പറഞ്ഞോ.......) നാഥൂട്ടൻ കുളിക്കാൻ കുളത്തിലേക്ക് പോയിരിക്കാ കുട്ടീ.....മഴയായതോണ്ട് ഒതുങ്ങി നിപ്പണ്ടാവും...മോളാ കുടയും എടുത്ത് അങ്ങോട്ടേക്കൊന്ന് പോയി നോക്ക്....ഞാനൊന്നന് നടു നിവർത്തട്ടെ....അതും പറഞ്ഞ് കൊണ്ട് അവരകത്തേക്ക് പോയി..... ഗൗരി കുളപടവിലേക്ക് പോയി....വീടിനു പിറകിലായിട്ടാണ് കുളം....അവിടെ എത്തി ചുറ്റുപാടും നോക്കിയിട്ടും നാഥുവിനെ കണ്ടില്ലായിരുന്നു....പിന്നെ തിരിഞ്ഞു നടക്കാൻ തുടങ്ങിയതും ....ആരോ അവളെ വലിച്ചു നെഞ്ചിലേക്കിട്ടിരുന്നു.....

കണ്ണ് തുറന്നു നോക്കുമ്പോൾ കുസൃതിച്ചിരിയോടെ മുന്നിൽ നിൽക്കുന്നവനെ കണ്ട് അവളൊന്ന് കൂർപ്പിച്ചു നോക്കി.... മഴ നനയാനിറങ്ങിയതാ ന്റെ പെണ്ണ്..... അ...ആ...അ...(എത്ര നേരായി നാഥുവേട്ടാ....കാണാതായപ്പോ തിരക്കി വന്നതാ ഞാൻ)..... ആണോ.....എത്ര നാളായി പെണ്ണേ നിന്നെ ഒന്ന് ശരിക്ക് കണ്ടിട്ട്....അത് പറഞ്ഞു കൊണ്ട് അവനവളുടെ നിറുകിൽ ചുമ്പിച്ചു.... അ.....ആ...അ...ഇനി ഇവിടെ നിന്ന് മഴ കൊളളണ്ട നമുക്ക് പോവാം നാഥുവേട്ടാ.... പറഞ്ഞു തീർന്നതും അവനവളെ കോരിയെടുത്തിരുന്നു.... അ...ആ..ആ..അമ്മ ഉറങ്ങീട്ടില്ല താഴേക്കിറക്ക് നാഥു വേട്ടാ...ആരേലും കാണും....നാണത്തോടവൾ പറഞ്ഞു.... അവനതൊന്നും കേൾക്കാതെ മുന്നോട്ട് നടന്നു.....

റൂമിൽ എത്തിയ ശേഷമാണ് അവളെ നിലത്തു നിർത്തിയത്..... നന്ദാ...... ഞാനിനിയും കാത്തിരിക്കണോ....അവളുടെ കവിളിൽ വിരലോടിച്ചു കൊണ്ടവൻ ചോദിച്ചു...... പുഞ്ചിരിരിയോടെ മുഖം കുനിച്ച് നിക്കാരുന്നു നന്ദ....അവനവളുടെ മുഖം കോരിയെടുത്ത് പീലികണ്ണുകളിൽ ചുണ്ടുകൾ പതിപ്പിച്ചു..... ഈ മൗനം ഞാൻ സമ്മതമായ് കരുതുവാ....അങ്ങനെ പറഞ്ഞു കൊണ്ട് അവളെ എടുത്ത് ബെഡിൽ കിടത്തി....പുറത്ത് കാലവർഷം ഭൂമിയെ നനയ്ക്കുമ്പോൾ നാഥു പ്രണയ മഴയായ് അവളിലേക്ക് പെയ്തിറങ്ങി.....

അതു വരെ മനസ്സിൽ സൂക്ഷിച്ച കളങ്കമറ്റ പ്രണയം തെല്ലും ചോർന്ന് പോകാതെ തന്റെ പാതി നൽകുകയായിരുന്നവൻ.....രാത്രിയിലെ ഏതോ യാമത്തിൽ ചെറു നോവിനാൽ ഗൗരി രുദ്രന്റേതായി മാറിയിരുന്നു......അവളിൽ നിന്നും അടർന്ന് മാറിക്കൊണ്ട് അവളെ നെഞ്ചോട് ചേർത്ത് പിടിക്കുമ്പോഴും അവന്റെ ഹൃദയം അവൾക്കായി മിടിക്കുന്നുണ്ടാരുന്നു..... നന്ദാ....നീ യെന്നാൽ എനിക്ക് ഭ്രാന്താണ്....ഭ്രാന്തമായ എന്റെ പ്രണയം അവന്റെ ചുണ്ടുകൾ മൊഴീഞ്ഞു.... ഗൗരി അവന്റെ നെഞ്ചിൽ വരഞ്ഞിരുന്ന ശിവ പാർവതീ ചിത്രത്തിൽ ചുമ്പിച്ചിരുന്നപ്പോൾ..............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...