🌻സൂര്യകാന്തി 🌻: ഭാഗം 62

രചന: മിഴി

സ്‌നേഹം കൊണ്ടു മൂടണമെന്നുണ്ട്... തൊട്ടു മുന്നെപോലും പ്രണയത്താൽ നെഞ്ച് പൊട്ടിപോകുമെന്ന് തോന്നിയിരുന്നതാണ്.. മനസ്സും ശരീരവും ഒരു പാതി ഇതൊക്കെ ആഗ്രഹിക്കുമ്പോഴും.. മറുപാതി പിന്നോട്ട് വലിയ്ക്കുംപോലെ... ഞരമ്പുകൾ പോലും വേദന കൊണ്ട് പിടയും പോലെ.. പഴയ ഓർമ്മകൾ തനിയ്ക്ക് നേരെ പല്ലിളിയ്ക്കുമ്പോൾ പൂർണമായും അവനെ തൃപ്തിപ്പെടുത്താൻ തനിക്കാകില്ലെന്നവളുടെ മനസ്സിൽ ആരോ അടിവരയിട്ടുറപ്പിക്കും പോലെ തോന്നി.. 🍁🍁🍁🍁🍁🍁🍁🍁🍁🍁🍁🍁🍁 എന്താ... ഒന്നും മിണ്ടാത്തെ... ഇനിയും എന്നെ സ്വീകരിക്കാൻ മനസ്സ് തയ്യാറായില്ലേ... ചോദിക്കുമ്പോൾ ഇനിയൊരു നിമിഷം പോലും ഈ അകലം പറ്റില്ലെന്നപ്പോൽ സ്വരം നേർത്തിരുന്നു. കാന്തിയ്ക്കും അവസ്ഥ മറിച്ചല്ലായിരുന്നു.. തന്റെ ഉള്ളിൽ നടക്കുന്ന പിടിവലികൾക്ക് ഉത്തരം കണ്ടെത്താനാകാതെ ഉഴറുകയായിരുന്നവൾ. തന്റെ പൂർണസമ്മതമില്ലാതെ സൂര്യൻ ഒന്നും ചെയ്യില്ലെന്നറിയാം.. എങ്കിലും എത്രനാൾ.. എത്രനാളിങ്ങനെ കഴിയാനാകും.. വേദനകൾ മാത്രം സമ്മാനിച്ചൊരു വിവാഹ ജീവിതത്തിന്റെ ബാക്കി പത്രമാണവനെന്നിരിക്കെ ഇനിയും അതെ നോവ് നൽകാൻ.... ഇല്ല... പക്ഷേ... മനസ്സിൽ ചോദ്യങ്ങൾ ഉത്തരം കിട്ടാതെ ഉഴറി. സാരമില്ല.....

എനിക്ക് മനസ്സിലാകും കുഞ്ഞേ.. ഉത്തരമില്ലാത്തവളെ ബുദ്ധിമുട്ടിയ്ക്കാതെ മെല്ലെയാ ചുമലിൽ തട്ടിയവൻ നിവർന്നു കിടന്നു.. ആ പിൻവാങ്ങൽ നെഞ്ച് തകർക്കുമ്പോലെ തോന്നി കാന്തിയ്ക്കു... സാർ... എനിയ്ക്ക് ഒന്നും ആഗ്രഹമില്ലാഞ്ഞല്ല.. പക്ഷേ... അറിയില്ല... നമ്മുടെ വികാരങ്ങൾ പ്രണയത്തിന്റെ പുതുവഴികൾ തേടുമ്പോൾ., പഴയതൊക്കെ മറനീക്കി വരുമ്പോലെ.. ഇനിയൊരു പക്ഷേ.. സാർ ഒരുപാട് ആഗ്രഹിച്ചു തുടങ്ങുന്നത് പൂർണതയിലെത്തിക്കാൻ എനിക്കായില്ലെങ്കിലോയെന്നുള്ള ഭയമാണ്.. അപ്പോൾ ഒരു നോട്ടം കൊണ്ടു പോലും സാർ ഇതുപോലെ മാറിയാൽ സഹിക്കാൻ പറ്റില്ലെനിക്ക്.. ഉള്ളിലെ ആധികൾ തുറന്നുപറയാൻ സൂര്യനെക്കാളും മറ്റൊരു ശ്രോതാവ് തനിക്കില്ലെന്ന ഉത്തമ ബോധ്യത്താലാണ് കാന്തിയത് പറഞ്ഞതും. ഏയ്... ഞാൻ പറഞ്ഞല്ലോ.. എനിക്ക് ഇയാളെ മനസ്സിലാകും.. വേദന നിറഞ്ഞൊരു അനുഭവമല്ലേ ഉള്ളിൽ... അവിടെ കാമം മാത്രമേ ഉള്ളായിരുന്നു കുഞ്ഞേ.... എന്നിൽ പ്രണയം മാത്രമേയുള്ളൂ...

അതു പ്രകടിപ്പിക്കാൻ ശരീരങ്ങളുടെ കൂടിച്ചേരൽ അനിവാര്യമാകണമെന്നില്ല.. അല്ലാതെയും പലരും പ്രണയിക്കുന്നിchanjuranganuവിവാഹ ജീവിതത്തിൽ സെക്സിനും പ്രാധാന്യമുണ്ട്.. അതു രണ്ടുപേരും ഒരുപോലെ ആഗ്രഹിക്കുമ്പോൾ മാത്രം നടക്കേണ്ട ഒന്നാണ്.. ആ ആഗ്രഹം ഒരുപോലെ നമ്മിൽ നിറയുമ്പോൾ ഈ ഭയവും സംശയവുമൊക്കെ മാറും.. പൂർണമായും എന്നെ ഉൾക്കൊള്ളാൻ നീ പ്രാപ്തയാകുന്ന തുവരെ കാത്തിരിക്കാൻ ഞാൻ തയ്യാറാണ്.. കവിളിലൊന്നു തട്ടി പുഞ്ചിരിയോടെ പറയുന്നവനെ മിഴിയിമയ്ക്കാതെ നോക്കി കിടന്നവൾ. . എന്താടോ ഇങ്ങനെ നോക്കുന്നെ..? മിഴിയിമയ്ക്കാതെ തന്നെ നോക്കിക്കിടക്കുന്നവളോടായി സൂര്യൻ തിരക്കി.. ഏയ് ഒന്നുമില്ല... അന്ന് ഫസ്റ്റ് ഡേ ക്ലാസ്സിൽ അഞ്ചു മിനിറ്റ് താമസിച്ചതിനു എന്തോരം പറഞ്ഞു.. ആ ദേഷ്യക്കാരന്റെ ഉള്ളിൽ ഇങ്ങനൊരാളുണ്ടെന്നു വിശ്വസിക്കാൻ പറ്റുന്നില്ല... കാന്തി അതെ ആവിശ്വാസത്തോടെ പറഞ്ഞു.. ഓഹോ... പിന്നെ ഞാൻ എന്തു ചെയ്യണം.. തോന്നുമ്പോൾ വരാനും പോകാനും നിങ്ങൾ വെറുമൊരു കോളേജ് സ്റ്റുഡന്റ് അല്ല. അധ്യാപക വിദ്യാർഥികളാണ്..

പിള്ളേരെ നേർവഴി കാട്ടേണ്ട അധ്യാപകർ തന്നെ ഇങ്ങനെ തുടങ്ങിയാലോ... അവിടെ ഞാൻ നിന്റെ അധ്യാപകൻ മാത്രമാണ്.. അതുപോലെയാണോ വീട്ടിൽ ഭാര്യയോട്... മ്മ്.... ചോദ്യഭാവത്തിൽ നോക്കുമ്പോൾ അല്ലയെന്നു അറിയാണ്ടുതന്നെ കാന്തി തലയാട്ടിയിരുന്നു.. ഞാൻ ഒരു മനുഷ്യനല്ലേ.. എനിക്കും കാണില്ലേ കുറേ ആഗ്രഹങ്ങളും സ്വപ്നങ്ങളുമൊക്കെ.. സ്വന്തം പെണ്ണിനെ കാണുമ്പോൾ ഒന്നു ഉമ്മ വെയ്ക്കാനും... കെട്ടിപ്പിടിയ്ക്കാനും... സ്നേഹതിന്റെ ആധിക്യത്തിൽ ഈ പെണ്ണിന്റെ ഓരോ അണുവും ചുംബിച്ചുണർത്താനും.. ഒടുവിൽ തളർന്നി മാറിൽ ചാഞ്ഞുറങ്ങാനും... അങ്ങനെ.. അങ്ങനെ.. ഒരായിരം ആഗ്രഹങ്ങൾ.. പറയുമ്പോൾ അധരങ്ങൾ പലവുരു മുഖവും കൈകളുമൊക്കെ തൊട്ടുണർത്തിയിരുന്നു.. ആ കണ്ണിലെ തീഷ്ണതയിൽ അടിമപ്പെടും പോലെ കാന്തിയുടെ ഓരോ അണുവിലും സൂര്യൻ നിറഞ്ഞു. ഇതുപോലെ കുഞ്ഞു തഴുകലും ചുംബനവുമൊക്കെ തരും കേട്ടോ.. പക്ഷേ... ഈ ശരീരം ഇയാളുടെ പൂർണസമ്മതത്തോടെയെ സ്വന്തമാക്കുള്ളൂ..

അല്ലാണ്ട് ഈ സിനിമയിലൊക്കെ കാണും പോലെ രണ്ടു ധ്രുവങ്ങളിലായി മുഖം നോക്കിയിരിക്കാനൊന്നും എന്നെ കിട്ടില്ല കേട്ടോ.. സൂര്യനൽപ്പം കുസൃതിയിൽ പറഞ്ഞു.. ഓഹോ.. എന്നിട്ടാണോ വിദ്യ ചേച്ചിയോട് അകന്നിരുന്നത്.. അതെ കുസൃതിയിൽ കാന്തി തിരികെ ചോദിച്ചു.. ചോദിച്ചു കഴിഞ്ഞാണ് വേണ്ടായിരുന്നുവെന്നു ഓർത്തത്‌.. അതിനു അവളെന്നെ ഭർത്താവായി കണ്ടിട്ടില്ലല്ലോ... ഇതുപോലെ ഒരു നോട്ടം കൊണ്ടുപോലും പ്രതീക്ഷ തന്നിട്ടില്ല.. സോറി സാർ.. അറിയാണ്ട് ചോദിച്ചതാ.. അതിനെന്താ കുഞ്ഞേ.. നിനക്ക് എന്നോട് എന്തു വേണേലും ചോദിക്കാല്ലോ... ഭാര്യയും ഭർത്താവും എന്നതിലുപരി നമ്മൾ നല്ല ഫ്രെണ്ട്സ് അല്ലേ... എന്തും തുറന്നു പറയാനുള്ളൊരു സ്പേസ് എപ്പോഴും ഭാര്യാ ഭർത്താക്കന്മാർക്കിടയിൽ വേണം.. ഇന്ന് വിവാഹ ജീവിതത്തിൽ കണ്ടു വരുന്ന പ്രശ്നങ്ങൾക്ക് നല്ലൊരു കാരണം...

തുറന്ന മനസ്സുകളുടെ അഭാവമാണ്.. ഒരു കുടക്കിഴിൽ... മനസ്സും ശരീരവും പങ്കുവെയ്ക്കുന്നവർ... ഉള്ളിലെ വിചാരങ്ങൾ പങ്കു വെയ്ക്കാൻ മറ്റൊരിടം തേടിപ്പോകുന്നു.. അല്ലെങ്കിൽ എല്ലാം ഉള്ളിലൊതുക്കുന്നു.. അതുകൊണ്ട് എന്റെ കുഞ്ഞു എന്തുണ്ടെലും പറഞ്ഞോളൂട്ടോ.. ഈ ഭാഗ്യം തനിയ്ക്ക് നൽകിയ ദൈവത്തോട് നന്ദി പറയുകയായിരുന്നു കാന്തിയപ്പോൾ.. 💫💫💫💫💫💫💫💫💫💫💫💫💫 എടോ.... താനിങ്ങനെ വാലിനു തീപ്പിടിച്ചപോലെ ഓടാതെ ഇവിടെവിടേലും അടങ്ങിയിരിക്കു.. അലക്സിനെ കാണാൻ വന്നതായിരുന്നു ദയ.. കേരളത്തിൽ എത്തിയിട്ട് ദിവസങ്ങൾ ആയെങ്കിലും ഇന്നാണ് ഓർഫനെജിൽ എന്ന പേരും പറഞ്ഞു ഇറങ്ങാനായത്.. കുഞ്ഞിന്റെ കാര്യത്തിൽ ഇപ്പോൾ താൻ കാണിക്കുന്ന അനാവശ്യ വാശിയിൽ വിദ്യ അത്ര തൃപ്തയല്ല.. അതു ദയയ്ക്ക് കഴിഞ്ഞ ദിവസം മനസ്സിലായതാണ്.. ഡോക്യൂമെന്റസ് കിട്ടാതെ വന്നപ്പോൾ ഉണ്ടായ സംസാരത്തിൽ ഇനിയും സൂര്യനെ വേദനിപ്പിച്ചു തനിക്കൊരു ജീവിതം വേണ്ടെന്നവൾ തീർത്തു പറഞ്ഞിരുന്നു.. സിറിഞ്ചിൽ നിന്നും കൈത്തണ്ടയിലേയ്ക്ക് ഇറങ്ങുന്ന മരുന്നിന്റെ ലഹരിയിൽ കണ്ണുകൾ കൂമ്പിയടയുമ്പോൾ ദയയുടെ ഉള്ളിൽ സൂര്യന്റെ മുഖം തെളിഞ്ഞു..

ആ രൂപം ഉള്ളിൽ നിറയെ മരുന്നിനെക്കാൾ വീര്യം അവനുണ്ടെന്നു തോന്നി. അതിനൊപ്പം കാന്തിയുടെ രൂപം തെളിയെ ചെന്നിയിലെ ഞരമ്പുകൾ പിടച്ചു വന്നു.. പല്ലുകൾ കൂട്ടിയിരുമ്മി.. നാശം... സൂര്യൻ എന്റെയാ.. ഈ ദയയുടെ മാത്രം.. അതിനിടയ്ക്ക് ഒരുത്തിയും വേണ്ട.. കാന്തി.. അവൾ.. അവൾ.. കൊടുക്കില്ല ഞാൻ... എനിക്കുവേണം.. പുലമ്പിക്കൊണ്ടോരോന്നു പറയുന്നവളെ നോക്കി അലക്സ് അടുത്തേയ്ക്ക് വന്നു... ലഹരിയുടെ പാരമ്യത്തിൽ ദയയ്ക്ക് മുന്നിൽ സൂര്യനെ മാത്രമേ കണ്ടുള്ളൂ.. അലക്സിനോടടുക്കുമ്പോഴും ഉള്ളിൽ ആ രൂപം മാത്രം... അലക്സെന്നാൽ പുതു ബിസ്സിനസിന്റെ വഴികൾ തേടുകയായിരുന്നു... ദയയുടെ സെക്സൽ നീഡുകൾക്ക് വേണ്ടിയുള്ള വിശ്വസ്തനായ പങ്കാളി.. അതായിരുന്നു അലക്സ്.. അതു മെല്ലെ ലഹരിയുടെ ചുവടു വരെയെത്തി... പകുതി ബോധത്തിലുറങ്ങുന്ന ദയയെ ഒന്നു നോക്കി അലക്സ് എഴുന്നേറ്റു.. റൂമിലായി സെറ്റ് ചെയ്തിരുന്ന ഹിഡൻ ക്യാമെറയിൽ എല്ലാം വ്യക്തമായൊയെന്നു ചെക്ക് ചെയ്തു.. മികവോടെ കിട്ടിയ ദൃശ്യങ്ങൾ ഒന്നുകൂടി ആസ്വദിച്ചുകൊണ്ടത് ഭദ്രമായി വെച്ചു... 💫💫💫💫💫💫💫💫💫💫💫💫💫

ഇന്നെന്താ സ്പെഷ്യൽ ? കാന്തി ഇല്ലാത്തതുകൊണ്ട് ഒറ്റയ്ക്കിരുന്നു കഴിയ്ക്കുന്ന സ്വാതിയുടടുത്തായി ഡെസ്കിനു മുകളിൽ ഇരുന്നുകൊണ്ട് വിഷ്ണു തിരക്കി.. ഒപ്പം പ്ലേറ്റിലേയ്ക്ക് എത്തിനോക്കി.. ഓഹ്..... ഇരിക്കുന്നു ആനമുട്ട... ഇപ്പോൾ തിരക്കാൻ വന്നേക്കുന്നു.. രാവിലെ മുതൽ കാണാത്തതിന്റെ പരിഭവത്തിൽ സ്വാതി ചുണ്ട് കോട്ടി.. ആഹാ.... എന്നിട്ടാണോ ഒളിച്ചു വെച്ചു കഴിക്കുന്നേ.. വിച്ചേട്ടനും കൂടി താടാ... നിന്റെ വിശപ്പ്‌ മാറാൻ അനമുട്ട തന്നെ വേണ്ടി വരും.. പാത്രത്തിൽ ചോറിനൊപ്പം ചമ്മന്തിയും നാരങ്ങാ അച്ചാറും ഒരു തോരനും.. വെന്തു പായസമായ ചോറും ഉപ്പില്ലാത്ത ചമ്മന്തിയും.. അതിനും കൂടി ഉപ്പ് നാരങ്ങാ അച്ചാറിനുണ്ട് ... സ്വാതിയ്ക്കു കുറച്ചു ഉപ്പും എരിവുമൊക്കെ വേണം മീനോ ഇറച്ചിയോ നിര്ബന്ധമാണ്.. അൽപ്പം വിശപ്പിന്റെ അസുഖമുണ്ടല്ലോ..

കാന്തിയുണ്ടെങ്കിൽ സ്വാതിയ്ക്കു കൂടിയുള്ള പൊതി കൊണ്ടു വരാറുണ്ട്. വിഷ്ണുവിന് മൂന്നാല് പിടിയ്ക്കുള്ള ചോറെ പാത്രത്തിൽ ഉണ്ടായിരുന്നുള്ളൂ.. ഹോസ്റ്റൽ ആഹാരം ഇഷ്ടമല്ലാത്തതുകൊണ്ട് വളരെ കുറച്ചാണ് അവൾ കൊണ്ടു വന്നത്.. !ദുഷ്ടാ... ഫുൾ കഴിച്ചോ.. എനിക്ക് വിശക്കില്ലേ.. അപ്പോഴേയ്ക്കും മുന്നിലേയ്ക്ക് ഒരു പൊതി ചോറ് എത്തിയിരുന്നു.. ഹാ.. അപ്പോൾ മറന്നില്ല.. സ്വാതി സന്തോഷത്തോടെ പൊതി തുറന്നു. ഇല്ല... കൂട്ടുകാരി രാവിലെ വിളിച്ചു ഓർമ്മിപ്പിച്ചു.. ചങ്കിവിടെ വിശന്നു നിലവിളിക്കാരിക്കും ഫുഡ്‌ കൊണ്ടു കൊടുക്കണേയെന്നു.. വിഷ്ണു സ്വാതി കഴിക്കുന്നത്‌ നോക്കിയിരുന്നു.. ദാ... ഇയാളും കഴിക്ക്.. പൊതി അവനടുത്തേയ്ക്ക് നീക്കിക്കൊണ്ട് അവൾ കഴിപ്പ് തുടർന്നു. വേണ്ടടോ..താൻ കഴിക്ക്.. വയറു ഫുൾ ആയി. ഇനി വേണ്ട... ഫുഡ്‌ പാഴാക്കാൻ പാടില്ലല്ലോ അതാ മുഴുവൻ കഴിച്ചത്.. വിഷ്ണു പാത്രവുമായി പുറത്തേയ്ക്ക് ഇറങ്ങി. കാത്തിരിക്കുമല്ലോ 💞💞....... കാത്തിരിക്കുക...💕

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

എല്ലാ പാർട്ടുകളും വായിക്കാൻ ഇവിടെ ക്ലിക്ക് ചെയ്യുക